<?xml version="1.0" encoding="utf-8" ?>
<!--

# --------------------------------------------------------------------
#
#  Quran Translation
#  Name: Al-Barwani
#  Translator: Ali Muhsin Al-Barwani
#  Language: Swahili
#  ID: sw.barwani
#  Last Update: August 16, 2010
#  Source: Tanzil.net
#
# --------------------------------------------------------------------
	
-->
<quran>
	<sura index="1" name="">
		<aya index="1" text="KWA JINA LA MWENYEZI MUNGU MWINGI WA REHEMA MWENYE KUREHEMU."/>
		<aya index="2" text="Sifa njema zote ni za Mwenyezi Mungu, Mola Mlezi wa viumbe vyote;"/>
		<aya index="3" text="Mwingi wa Rehema Mwenye Kurehemu;"/>
		<aya index="4" text="Mwenye Kumiliki Siku ya Malipo."/>
		<aya index="5" text="Wewe tu tunakuabudu, na Wewe tu tunakuomba msaada."/>
		<aya index="6" text="Tuongoe njia iliyo nyooka,"/>
		<aya index="7" text="Njia ya ulio waneemesha, siyo ya walio kasirikiwa, wala walio potea."/>
	</sura>
	<sura index="2" name="">
		<aya index="1" text="Alif Lam Mim."/>
		<aya index="2" text="Hiki ni Kitabu kisichokuwa na shaka ndani yake; ni uwongofu kwa wachamungu,"/>
		<aya index="3" text="Ambao huyaamini ya ghaibu na hushika Sala, na hutoa katika tuliyo wapa."/>
		<aya index="4" text="Na ambao wanayaamini yaliyo teremshwa kwako, na yaliyo teremshwa kabla yako; na Akhera wana yakini nayo."/>
		<aya index="5" text="Hao wapo juu ya uwongofu utokao kwa Mola wao Mlezi, na hao ndio walio fanikiwa."/>
		<aya index="6" text="Hakika wale walio kufuru ni sawa kwao ukiwaonya au usiwaonye, hawaamini."/>
		<aya index="7" text="Mwenyezi Mungu amepiga muhuri juu ya nyoyo zao na juu ya masikio yao, na juu ya macho yao pana kifuniko. Basi watapata adhabu kubwa."/>
		<aya index="8" text="Na katika watu, wako wasemao: Tumemwamini Mwenyezi Mungu na Siku ya Mwisho, wala wao si wenye kuamini."/>
		<aya index="9" text="Wanatafuta kumdanganya Mwenyezi Mungu na wale walio amini, lakini hawadanganyi ila nafsi zao; nao hawatambui."/>
		<aya index="10" text="Nyoyoni mwao mna maradhi, na Mwenyezi Mungu amewazidishia maradhi. Basi watakuwa na adhabu chungu kwa sababu ya kusema kwao uwongo."/>
		<aya index="11" text="Na wanapo ambiwa: Msifanye uharibifu ulimwenguni. Husema: Bali sisi ni watengenezaji."/>
		<aya index="12" text="Hakika wao ndio waharibifu, lakini hawatambui."/>
		<aya index="13" text="Na wanapo ambiwa: Aminini kama walivyo amini watu. Husema: Tuamini kama walivyo amini wapumbavu? Hakika wao ndio wapumbavu, lakini hawajui tu."/>
		<aya index="14" text="Na wanapo kutana na walio amini husema: Tumeamini. Na wanapo kuwa peke yao na mashet'ani wao husema: Hakika sisi tu pamoja nanyi. Hakika sisi tunawadhihaki tu."/>
		<aya index="15" text="Mwenyezi Mungu atawadhihaki wao na atawawacha katika upotofu wao wakitangatanga ovyo."/>
		<aya index="16" text="Hao ndio walio nunua upotofu kwa uwongofu; lakini biashara yao haikupata tija, wala hawakuwa wenye kuongoka."/>
		<aya index="17" text="Mfano wao ni kama mfano wa aliye koka moto, na ulipo tanda mwangaza wake kote kote Mwenyezi Mungu aliiondoa nuru yao na akawawacha katika giza, hawaoni."/>
		<aya index="18" text="Viziwi, mabubu, vipofu; kwa hivyo hawatarejea."/>
		<aya index="19" text="Au ni kama mvua kubwa itokayo mbinguni, ina giza na radi na umeme; wakawa wakitia vidole vyao masikioni mwao kwa ajili ya mingurumo, kwa kuogopa kufa. Na Mwenyezi Mungu amewazunguka makafiri."/>
		<aya index="20" text="Unakaribia umeme kunyakua macho yao. Kila ukiwatolea mwangaza huenda, na unapo wafanyia giza husimama. Na angelitaka Mwenyezi Mungu angeliondoa kusikia kwao na kuona kwao. Hakika Mwenyezi Mungu ni Muweza wa kila kitu."/>
		<aya index="21" text="Enyi watu! Muabuduni Mola wenu Mlezi aliye kuumbeni nyinyi na wale wa kabla yenu, ili mpate kuokoka."/>
		<aya index="22" text="(Mwenyezi Mungu) ambaye amekufanyieni hii ardhi kuwa kama tandiko, na mbingu kama paa, na akateremsha maji kutoka mbinguni, na kwayo akatoa matunda yawe riziki zenu. Basi msimfanyizie Mwenyezi Mungu washirika, na hali nyinyi mnajua."/>
		<aya index="23" text="Na ikiwa mna shaka kwa hayo tuliyo mteremshia mja wetu basi leteni sura moja ya mfano wake, na muwaite mashahidi wenu badala ya Mwenyezi Mungu, ikiwa mnasema kweli."/>
		<aya index="24" text="Na mkitofanya - na wala hamtofanya kamwe - basi uogopeni moto ambao kuni zake ni watu na mawe walio andaliwa hao wanao kanusha."/>
		<aya index="25" text="Na wabashirie walio amini na wakatenda mema kwamba watapata mabustani yapitayo mito kati yake; kila watapo pewa matunda humo, watasema: Haya ndiyo kama tuliyo pewa mbele. Na wataletewa matunda yaliyo fanana; na humo watakuwa na wake walio takasika; na wao humo watadumu."/>
		<aya index="26" text="Hakika Mwenyezi Mungu haoni haya kutoa mfano hata wa mbu na ulio wa zaidi yake. Ama wale walio amini hujua ya kwamba hiyo ni haki iliyo toka kwa Mola wao Mlezi, lakini wale walio kufuru husema: Ni nini analo kusudia Mwenyezi Mungu kwa mfano huu? Kwa mfano huu huwapoteza wengi na huwaongoa wengi; lakini hawapotezi ila wale wapotovu,"/>
		<aya index="27" text="Wanao vunja ahadi ya Mwenyezi Mungu baada ya kwisha ifunga, na wakayakata aliyo amrisha Mwenyezi Mungu kuungwa, na wakafanya uharibifu katika nchi; hao ndio wenye khasara."/>
		<aya index="28" text="Vipi mnamkanusha Mwenyezi Mungu na hali mlikuwa wafu akakufufueni! Kisha atakufisheni, tena atakufufueni, kisha kwake mtarejeshwa?."/>
		<aya index="29" text="Yeye ndiye aliye kuumbieni vyote vilivyomo katika ardhi. Tena akazielekea mbingu, na akazifanya mbingu saba. Naye ndiye Mjuzi wa kila kitu."/>
		<aya index="30" text="Na pale Mola wako Mlezi alipo waambia Malaika: Mimi nitamweka katika ardhi Khalifa (mfwatizi), wakasema: Utaweka humo atakaye fanya uharibifu humo na kumwaga damu, hali sisi tunakutakasa kwa sifa zako na tunakutaja kwa utakatifu wako? Akasema: Hakika Mimi nayajua msiyo yajua."/>
		<aya index="31" text="Na akamfundisha Adam majina ya vitu vyote, kisha akaviweka mbele ya Malaika, na akasema: Niambieni majina ya hivi ikiwa mnasema kweli."/>
		<aya index="32" text="Wakasema: Subhanaka, Wewe umetakasika! Hatuna ujuzi isipokuwa kwa uliyo tufunza Wewe. Hakika Wewe ndiye Mjuzi Mwenye hikima."/>
		<aya index="33" text="Akasema: Ewe Adam! Waambie majina yake. Basi alipo waambia majina yake alisema: Sikukwambieni kwamba Mimi ninajua siri za mbinguni na za duniani, na ninayajua mnayo yadhihirisha na mliyo kuwa mnayaficha?"/>
		<aya index="34" text="Na tulipo waambia Malaika: Msujudieni Adam, wakamsujudia wote isipo kuwa Iblis, alikataa na akajivuna na akawa katika makafiri."/>
		<aya index="35" text="Na tulisema: Ewe Adam! Kaa wewe na mkeo katika Bustani, na kuleni humo maridhawa popote mpendapo, lakini msiukaribie mti huu tu; mkawa katika wale walio dhulumu."/>
		<aya index="36" text="Lakini Shet'ani aliwatelezesha hao wawili na akawatoa katika waliyo kuwamo, na tukasema: Shukeni, nanyi ni maadui nyinyi kwa nyinyi. Katika ardhi yatakuwa makaazi yenu na starehe kwa muda."/>
		<aya index="37" text="Kisha Adam akapokea maneno kwa Mola wake Mlezi, na Mola wake Mlezi alimkubalia toba yake; hakika Yeye ndiye Mwingi wa kukubali toba na Mwenye kurehemu."/>
		<aya index="38" text="Tukasema: Shukeni nyote; na kama ukikufikieni uwongofu utokao kwangu, basi watakao fuata uwongofu wangu huo haitakuwa khofu juu yao wala hawatahuzunika."/>
		<aya index="39" text="Na wenye kukufuru na kuzikanusha ishara zetu, hao ndio watakao kuwa watu wa Motoni, humo watadumu."/>
		<aya index="40" text="Enyi Wana wa Israili! Kumbukeni neema yangu niliyo kuneemesheni, na timizeni ahadi yangu, na Mimi nitatimiza ahadi yenu, na niogopeni Mimi tu."/>
		<aya index="41" text="Na aminini niliyo yateremsha ambayo yanasadikisha mliyo nayo, wala msiwe wa kwanza kuyakataa. Wala msiuze Ishara zangu kwa thamani ndogo. Na niogopeni Mimi tu."/>
		<aya index="42" text="Wala msichanganye kweli na uwongo na mkaificha kweli nanyi mnajua."/>
		<aya index="43" text="Na shikeni Sala, na toeni Zaka, na inameni pamoja na wanao inama."/>
		<aya index="44" text="Je! Mnawaamrisha watu mema na mnajisahau nafsi zenu, na hali nyinyi mnasoma Kitabu? Basi je, hamzingatii?"/>
		<aya index="45" text="Na tafuteni msaada kwa kusubiri na kwa kusali; na kwa hakika jambo hilo ni gumu isipokuwa kwa wanyenyekevu,"/>
		<aya index="46" text="Ambao wana yakini kuwa hakika watakutana na Mola wao Mlezi na ya kuwa hakika watarejea kwake."/>
		<aya index="47" text="Enyi Wana wa Israili! Kumbukeni zile neema zangu nilizo kuneemesheni, na nikakuteuweni kuliko wote wengineo."/>
		<aya index="48" text="Na iogopeni Siku ambayo mtu hatomfaa mtu kwa lolote, wala hayatakubaliwa kwake maombezi, wala hakitapokewa kikomboleo kwake; wala hawatanusuriwa."/>
		<aya index="49" text="Na vile tulipo kuokoeni kwa watu wa Firauni walio kupeni adhabu mbaya, wakiwachinja wana wenu wa kiume na wakawawacha hai wanawake; na katika hayo ulikuwa ni mtihani mkubwa ulio toka kwa Mola wenu Mlezi."/>
		<aya index="50" text="Na tulipo ipasua bahari kwa ajili yenu na tukakuokoeni, tukawazamisha watu wa Firauni, na huku mnatazama."/>
		<aya index="51" text="Na tulipo muahidi Musa masiku arubaini, kisha mkachukua ndama (mkamuabudu) baada yake, na mkawa wenye kudhulumu."/>
		<aya index="52" text="Kisha tukakusameheni baada ya hayo, ili mpate kushukuru."/>
		<aya index="53" text="Na tulipo mpa Musa Kitabu na pambanuo ili mpate kuongoka."/>
		<aya index="54" text="Na Musa alipo waambia watu wake: Enyi watu wangu! Hakika nyinyi mmezidhulumu nafsi zenu kwa kuchukua kwenu ndama (kumuabudu). Basi tubuni kwa Muumba wenu na ziueni nafsi zenu. Haya ni bora kwenu mbele ya Muumba wenu. Naye akapokea toba yenu. Hakika Yeye ndiye apokeaye toba na Mwenye kurehemu."/>
		<aya index="55" text="Na mlipo sema: Ewe Musa! Hatutakuamini mpaka tumwone Mwenyezi Mungu waziwazi. Ikakunyakueni radi nanyi mnaangalia."/>
		<aya index="56" text="Kisha tukakufufueni baada ya kufa kwenu, ili mpate kushukuru."/>
		<aya index="57" text="Na tukakutilieni kivuli kwa mawingu na tukakuteremshieni Manna na Salwa; tukakwambieni: Kuleni vitu vizuri hivi tulivyo kuruzukuni. Nao hawakutudhulumu Sisi lakini walikuwa wanajidhulumu nafsi zao."/>
		<aya index="58" text="Na tulipo sema: Ingieni mji huu, na humo mle mpendapo maridhawa, na ingieni katika mlango wake kwa unyenyekevu, na semeni: Tusamehe! Tutakusameheni makosa yenu, na tutawazidishia wema wafanyao wema."/>
		<aya index="59" text="Lakini walio dhulumu waliibadili kauli isiyo kuwa waliyo ambiwa. Kwa hivyo tukaiteremsha juu ya wale walio dhulumu adhabu kutoka mbinguni kwa sababu ya walivyo kuwa wamepotoka."/>
		<aya index="60" text="Na Musa alipo omba maji kwa ajili ya watu wake, tulimwambia: Lipige jiwe kwa fimbo yako. Mara zikatimbuka chemchem kumi na mbili; kila kabila ikajua mahali pake pa kunywea. Tukawaambia: Kuleni na mnywe riziki ya Mwenyezi Mungu, wala msiasi katika nchi mkafanya uharibifu."/>
		<aya index="61" text="Na mlipo sema: Ewe Musa! Hatuwezi kuvumilia chakula cha namna moja tu, basi tuombee kwa Mola wako Mlezi atutolee vile vinavyo mea katika ardhi, kama mboga zake, na matango yake, na thom zake, na adesi zake, na vitunguu vyake. Akasema: Mnabadili kilicho duni kwa kilicho bora? Shukeni mjini, huko mtapata mlivyo viomba. Na wakapigwa na unyonge, na umasikini, na wakastahili ghadhabu ya Mwenyezi Mungu. Na haya ni kwa sababu walikuwa wakiyakataa maneno ya Mwenyezi Mungu, na wakiwauwa Manabii pasipo haki. Hayo ni kwa walivyo asi na wakapindukia mipaka."/>
		<aya index="62" text="Hakika Walio amini, na Mayahudi na Wakristo, na Wasabai; yeyote atakaye muamini Mwenyezi Mungu na Siku ya Mwisho na akatenda mema basi watapata malipwa yao kwa Mola wao Mlezi, wala haitakuwa khofu juu yao, wala hawatahuzunika."/>
		<aya index="63" text="Na tulipo chukua ahadi yenu, na tukaunyanyua mlima juu yenu (tukakwambieni): Shikeni kwa nguvu haya tuliyo kupeni, na yakumbukeni yaliyomo ndani yake ili mpate kujilinda."/>
		<aya index="64" text="Kisha mligeuka baada ya haya. Na lau kuwa si fadhila za Mwenyezi Mungu juu yenu na rehema zake, mngeli kuwa miongoni mwa wenye kukhasirika."/>
		<aya index="65" text="Na hakika mlikwisha yajua ya wale miongoni mwenu walio ivunja Sabato, (siku ya mapumziko, Jumaa Mosi) na tukawaambia: Kuweni manyani wadhalilifu."/>
		<aya index="66" text="Kwa hivyo tukayafanya hayo kuwa onyo kwa wale walio kuwa katika zama zao na walio kuja baada yao, na mawaidha kwa wachamngu."/>
		<aya index="67" text="Na Musa alipo waambia watu wake: Hakika Mwenyezi Mungu anakuamrisheni mchinje ng'ombe. Wakasema: Je! Unatufanyia mzaha? Akasema: Audhubil lahi! Najikinga kwa Mwenyezi Mungu nisiwe miongoni mwa wajinga."/>
		<aya index="68" text="Wakasema: Tuombee kwa Mola wako Mlezi atupambanulie ni ng'ombe gani? Akasema: Hakika Yeye anasema kwamba ng'ombe huyo si mpevu, wala si kinda, bali ni wa katikati baina ya hao. Basi fanyeni mnavyo amrishwa."/>
		<aya index="69" text="Wakasema: Tuombee kwa Mola wako atupambanulie nini rangi yake? Akasema: Yeye anasema, kuwa ng'ombe huyo ni wa manjano, na rangi yake imekoza, huwapendeza wanao mtazama."/>
		<aya index="70" text="Wakasema: Tuombee kwa Mola wako Mlezi atupambanulie ni yupi? Hakika tunaona ng'ombe wamefanana. Na kwa yakini, Inshaallah, Mwenyezi Mungu akipenda, tutaongoka."/>
		<aya index="71" text="Akasema: Yeye anasema: Kuwa huyo ni ng'ombe asiye tiwa kazini kulima ardhi wala kumwagia maji mimea, mzima, hana baka. Wakasema: Sasa umeleta haki. Basi wakamchinja, na walikaribia kuwa wasifanye hayo."/>
		<aya index="72" text="Na mlipo muuwa mtu, kisha mkakhitalifiana kwayo, na Mwenyezi Mungu ni mwenye kuyatoa hayo mliyo kuwa mkiyaficha."/>
		<aya index="73" text="Tukasema: Mpigeni kwa kipande chake (huyo ng'ombe). Ndivyo hivi Mwenyezi Mungu huwahuisha wafu; na anakuonyesheni Ishara zake ili mpate kufahamu."/>
		<aya index="74" text="Kisha nyoyo zenu zikawa ngumu baada ya hayo, hata zikawa kama mawe au ngumu zaidi; kwani kuna mawe yanayo timbuka mito, na kuna mengine yanayo pasuka yakatoka maji ndani yake, na kuna mengine huanguka kwa sababu ya khofu ya Mwenyezi Mungu. Na Mwenyezi Mungu si mwenye kughafilika na mnayo yafanya."/>
		<aya index="75" text="Mnatumai watakuaminini na hali baadhi yao walikuwa wakisikia maneno ya Mwenyezi Mungu, kisha wakayabadili baada ya kuwa wameyafahamu, na hali wanajua?"/>
		<aya index="76" text="Na wanapo kutana na wale walio amini husema: Tumeamini. Na wanapo kuwa peke yao, wao kwa wao, husema: Mnawaambia aliyo kufunulieni Mwenyezi Mungu ili wapate kukuhojieni mbele ya Mola wenu Mlezi? Basi hamfahamu nyinyi?"/>
		<aya index="77" text="Hawajui ya kwamba Mwenyezi Mungu anayajua wanayo yaficha na wanayo yatangaza?"/>
		<aya index="78" text="Na wako miongoni mwao wasio jua kusoma; hawakijui Kitabu isipo kuwa uwongo wanao utamani, nao hawana ila ni kudhania tu."/>
		<aya index="79" text="Basi ole wao wanao andika kitabu kwa mikono yao, kisha wakasema: Hiki kimetoka kwa Mwenyezi Mungu, ili wachumie kwacho pato dogo. Basi ole wao kwa yale iliyo andika mikono yao, na ole wao kwa yale wanayo yachuma."/>
		<aya index="80" text="Na walisema: Hautatugusa Moto ila kwa siku chache tu. Sema: Mmechukua ahadi kwa Mwenyezi Mungu? Kweli Mwenyezi Mungu hatokwenda kinyume na ahadi yake. Au mnamsingizia Mwenyezi Mungu mambo msiyo yajua?"/>
		<aya index="81" text="Naam, anaye chuma ubaya - na makosa yake yakamzunguka - hao ndio watu wa Motoni; humo watadumu."/>
		<aya index="82" text="Na wale walio amini na wakatenda mema, hao ndio watu wa Peponi, humo watadumu."/>
		<aya index="83" text="Na tulipo funga agano na Wana wa Israili: Hamtamuabudu yeyote ila Mwenyezi Mungu; na muwafanyie wema wazazi na jamaa na mayatima na masikini, na semeni na watu kwa wema, na shikeni Sala, na toeni Zaka. Kisha mkageuka isipo kuwa wachache tu katika nyinyi; na nyinyi mnapuuza."/>
		<aya index="84" text="Na tulipo chukua agano lenu kuwa hamtamwaga damu zenu, wala hamtatoana majumbani mwenu; nanyi mkakubali nanyi mnashuhudia."/>
		<aya index="85" text="Kisha nyinyi kwa nyinyi mnauwana, na mnawatoa baadhi yenu majumbani kwao, mkisaidiana kwa dhambi na uadui. Na wakikujieni mateka mnawakomboa, na hali kuwatoa mmekatazwa. Je! Mnaamini baadhi ya Kitabu na mnakataa baadhi yake? Basi hana malipo mwenye kutenda hayo miongoni mwenu ila hizaya katika maisha ya duniani, na Siku ya Kiyama watapelekwa kwenye adhabu kali kabisa. Na Mwenyezi Mungu si mwenye kughafilika na yale mnayo yatenda."/>
		<aya index="86" text="Hao ndio walio nunua uhai wa dunia kwa (uhai wa) Akhera; kwa hivyo hawatapunguziwa adhabu wala hawatanusuriwa."/>
		<aya index="87" text="Na hakika tulimpa Musa Kitabu na tukafuatisha baada yake Mitume wengine. Na tukampa Isa, mwana wa Mariamu, hoja zilizo waziwazi, na tukamtia nguvu kwa Roho Takatifu. Basi kila walipo kufikieni Mitume kwa yale ambayo hayapendwi na nafsi zenu, mlijivuna; wengine mkawakanusha, na wengine mkawauwa."/>
		<aya index="88" text="Na walisema: Nyoyo zetu zimefunikwa. Bali Mwenyezi Mungu amewalaani kwa kufuru zao: kwa hivyo ni kidogo tu wanayo yaamini."/>
		<aya index="89" text="Na kilipo wajia Kitabu kitokacho kwa Mwenyezi Mungu kinacho thibitisha waliyo nayo - na wao walikuwa wakitafutia ushindi kuwashinda makafiri - yalipo wajia yale waliyo kuwa wakiyajua waliyakanusha. Basi laana ya Mwenyezi Mungu juu ya wakanushao!"/>
		<aya index="90" text="Kiovu kweli walicho jiuzia nafsi zao, nacho ni kule kukataa kwao aliyo yateremsha Mwenyezi Mungu, kwa ajili ya kuona maya kwa kuwa Mwenyezi Mungu humteremshia fadhila yake amtakaye miongoni mwa waja wake. Basi wamejiletea wenyewe ghadhabu juu ya ghadhabu. Na makafiri watapata mateso ya kudhalilisha."/>
		<aya index="91" text="Na wanapo ambiwa: Yaaminini aliyo yateremsha Mwenyezi Mungu. Wao husema: Tunaamini tuliyo teremshiwa sisi. Na huyakataa yasiyo kuwa hayo. Na hali ya kuwa hii ndiyo Haki inayo thibitisha yale waliyo nayo wao. Sema: Mbona mliwauwa Manabii wa Mwenyezi Mungu hapo zamani ikiwa kweli mlikuwa Waumini?"/>
		<aya index="92" text="Na alikufikieni Musa na hoja zilizo waziwazi, kisha mkamchukua ndama (kumuabudu) baada yake, na mkawa wenye kudhulumu."/>
		<aya index="93" text="Na tulipo chukua ahadi yenu na tukauinua mlima juu yenu (tukakwambieni): Kamateni kwa nguvu haya tuliyo kupeni na sikieni. Wakasema: Tumesikia na tumekataa! Na wakanyweshwa nyoyoni mwao (imani ya) ndama kwa kufuru yao. Sema: Ni uovu mno iliyo kuamrisheni imani yenu ikiwa ni wenye kuamini."/>
		<aya index="94" text="Sema: Ikiwa nyumba ya Akhera iliyoko kwa Mwenyezi Mungu ni yenu tu bila ya watu wengine, basi tamanini mauti kama nyinyi mnasema kweli."/>
		<aya index="95" text="Wala hawatayatamani kamwe kwa sababu ya yale yaliyo tangulizwa na mikono yao; na Mwenyezi Mungu ni mwenye kuwajua vyema wanao dhulumu."/>
		<aya index="96" text="Na hakika utawaona ni wenye kuwashinda watu wote kwa pupa ya kuishi, na kuliko washirikina. Kila mmoja wao anatamani lau angeli pewa umri wa miaka elfu. Wala hayo ya kuzidishiwa umri hayamuondoshei adhabu; na Mwenyezi Mungu anayaona wanayo yatenda."/>
		<aya index="97" text="Sema: Aliye kuwa ni adui wa Jibril, basi huyo ndiye aliye iteremsha Qur'ani moyoni mwako kwa idhini ya Mwenyezi Mungu, inayo thibitisha yaliyo kuwa kabla yake, na ni uwongofu na bishara njema kwa Waumini."/>
		<aya index="98" text="Aliye kuwa adui wa Mwenyezi Mungu na Malaika wake na Mitume wake na Jibril na Mikail, basi hakika Mwenyezi Mungu ni adui wa makafiri."/>
		<aya index="99" text="Hakika tumekuteremshia Ishara zilizo wazi na hapana wanao zikataa ila wapotovu."/>
		<aya index="100" text="Je! Ati ndio kila wanapo funga ahadi huwapo kikundi miongoni mwao kikaivunja? Bali wengi wao hawaamini."/>
		<aya index="101" text="Na alipo wajia Mtume kutoka kwa Mwenyezi Mungu, mwenye kuthibitisha yale waliyo nayo, kundi moja miongoni mwa wale walio pewa Kitabu lilitupa Kitabu cha Mwenyezi Mungu hicho nyuma ya migongo yao kama kwamba hawajui."/>
		<aya index="102" text="Na wakafuata yale waliyo zua mashet'ani kuuzulia ufalme wa Su leiman. Na wala Suleiman hakukufuru, bali mashet'ani ndio walio kufuru, wakiwafundisha watu uchawi, na yaliyo teremshwa kwa Malaika wawili, Haaruta na Maaruta katika Baabil. Wala hao hawakumfundisha yeyote mpaka wamwambie: Hakika sisi ni mtihani; basi usikufuru. Wakajifunza kwa hao wawili yale ya kumfarikisha mtu na mkewe. Wala hawawezi kumdhuru mtu ila kwa kutaka Mwenyezi Mungu. Na wanajifunza yatayo wadhuru wala hayawanufaishi. Na hakika wanajua kwamba aliye khiari haya hatakuwa na fungu lolote katika Akhera. Na hakika ni kiovu mno walicho jiuzia nafsi zao laiti wangelijua."/>
		<aya index="103" text="Na lau kuwa wangeamini na wakaogopa, bila ya shaka malipo yatokayo kwa Mwenyezi Mungu yange kuwa bora. Laiti wangeli kuwa wanajua!"/>
		<aya index="104" text="Enyi mlio amini! Msiseme: &quot;Raa'ina&quot;, na semeni: &quot;Ndhurna&quot;. Na sikieni! Na makafiri watapata adhabu chungu."/>
		<aya index="105" text="Walio kufuru miongoni mwa watu wa Kitabu na washirikina hawapendi mteremshiwe kheri yoyote kutoka kwa Mola wenu Mlezi. Na Mwenyezi Mungu humkusudia kumpa rehema yake ampendaye. Na Mwenyezi Mungu ni mwenye fadhila kubwa."/>
		<aya index="106" text="Ishara yoyote tunayo ifuta au tunayo isahaulisha tunailetea iliyo bora kuliko hiyo, au iliyo mfano wake. Hujui kwamba Mwenyezi Mungu ni Muweza wa kila kitu?"/>
		<aya index="107" text="Hujui kwamba Mwenyezi Mungu ana ufalme wa mbingu na ardhi? Nanyi hamna mlinzi wala msaidizi isipo kuwa Mwenyezi Mungu."/>
		<aya index="108" text="Au mnataka kumwomba Mtume wenu kama alivyo ombwa Musa zamani? Na anaye badilisha Imani kwa ukafiri bila ya shaka huyo ameipotea njia iliyo sawa."/>
		<aya index="109" text="Wengi miongoni mwa watu wa Kitabu wanatamani lau wange kurudisheni nyinyi muwe makafiri baada ya kuamini kwenu, kwa ajili ya uhasidi uliomo ndani ya nafsi zao, baada ya kwisha wapambanukia Haki. Basi sameheni na wachilieni mbali mpaka Mwenyezi Mungu atapo leta amri yake. Hakika Mwenyezi Mungu ni Muweza wa kila kitu."/>
		<aya index="110" text="Na shikeni Sala na toeni Zaka; na kheri mtakazo jitangulizia nafsi zenu mtazikuta kwa Mwenyezi Mungu. Hakika Mwenyezi Mungu anayaona mnayo yafanya."/>
		<aya index="111" text="Na walisema: Hataingia Peponi ila aliyekuwa Yahudi au Mkristo. Hayo ni matamanio yao. Sema: Leteni ushahidi wenu kama nyinyi ni wasema kweli."/>
		<aya index="112" text="Sivyo hivyo! Yeyote anaye elekeza uso wake kwa Mwenyezi Mungu naye ni mtenda mema, basi ana malipo yake kwa Mola wake Mlezi, wala haitakuwa khofu juu yao wala hawatahuzunika."/>
		<aya index="113" text="Na Mayahudi husema: Wakristo hawana lao jambo. Na Wakristo husema: Mayahudi hawana lao jambo. Na ilhali wote wanasoma Kitabu hicho hicho (Biblia). Na kadhaalika walisema wale wasio jua kitu mfano wa kauli yao hii. Basi Mwenyezi Mungu atahukumu baina yao Siku ya Kiyama katika yale waliyo kuwa wakikhitilafiana."/>
		<aya index="114" text="Na ni nani dhaalimu mkubwa kuliko yule anaye zuia misikiti ya Mwenyezi Mungu kutajwa ndani yake jina lake na akajitahidi kuiharibu? Watu hao haitawafalia kuingia humo ila nao wanaogopa. Duniani watapata hizaya na Akhera watapata adhabu kubwa."/>
		<aya index="115" text="Na mashariki na magharibi ni za Mwenyezi Mungu. Basi kokote mnako elekea, huko Mwenyezi Mungu yupo. Hakika Mwenyezi Mungu ni mwenye wasaa na Mjuzi."/>
		<aya index="116" text="Na ati wanasema: Mwenyezi Mungu ana mwana. Subhanahu! Ametakasika na hayo. Bali vyote viliomo mbinguni na duniani ni vyake. Vyote vinamt'ii Yeye."/>
		<aya index="117" text="Yeye ndiye Muumba wa mbingu na ardhi pasina ruwaza; na anapo taka jambo basi huliambia tu: Kuwa! Nalo huwa."/>
		<aya index="118" text="Na walisema wale wasio jua kitu: Mbona Mwenyezi Mungu hasemi nasi au zikatufikia Ishara. Kama hivyo walisema wale walio kuwa kabla yao mfano wa kauli yao hii. Nyoyo zao zimefanana. Hakika Sisi tumeziweka wazi Ishara kwa watu wenye yakini."/>
		<aya index="119" text="Hakika Sisi tumekutuma kwa Haki uwe mbashiri, na mwonyaji. Na wala hutaulizwa juu ya watu wa Motoni."/>
		<aya index="120" text="Mayahudi hawawi radhi nawe, wala Wakristo, mpaka ufuate mila yao. Sema: Hakika uwongofu wa Mwenyezi Mungu ndio uwongofu. Na kama ukifuata matamanio yao baada ya ujuzi ulio kwisha kujia, hutapata mlinzi wala msaidizi kwa Mwenyezi Mungu."/>
		<aya index="121" text="Wale tulio wapa Kitabu, wakakisoma kama ipasavyo kusomwa, hao ndio kweli wanakiamini. Na wanao kikataa basi hao ndio wenye kukhasiri."/>
		<aya index="122" text="Enyi Wana wa Israili! Kumbukeni neema yangu niliyo kuneemesheni, na hakika Mimi nikakufadhilisheni kuliko wengineo wote."/>
		<aya index="123" text="Na iogopeni siku ambayo hatamfaa mtu mwenziwe kwa lolote, wala hakitakubaliwa kwake kikomboleo, wala maombezi hayatamfaa, wala hawatanusuriwa."/>
		<aya index="124" text="Na Mola wake Mlezi alipo mjaribu Ibrahim kwa kumpa amri fulani, naye akazitimiza, akamwambia: Hakika Mimi nitakufanya uwe mwongozi wa watu. Akasema: Je, na katika vizazi vyangu pia? Akasema: Ahadi yangu haitawafikia wenye kudhulumu."/>
		<aya index="125" text="Na kumbukeni tulipo ifanya ile Nyumba (ya Alkaaba) iwe pahala pa kukusanyikia watu na pahala pa amani. Na alipo kuwa akisimama Ibrahim pafanyeni pawe pa kusalia. Na tuliagana na Ibrahim na Ismail: Itakaseni Nyumba yangu kwa ajili ya wanao izunguka kwa kut'ufu na wanao jitenga huko kwa ibada, na wanao inama na kusujudu."/>
		<aya index="126" text="Na alipo sema Ibrahim: Ee Mola wangu Mlezi! Ufanye huu uwe mji wa amani, na uwaruzuku watu wake matunda, wale wanao muamini Mwenyezi Mungu na Siku ya Mwisho. Akasema: Na mwenye kukufuru pia nitamstarehesha kidogo, kisha nitamsukumiza kwenye adhabu ya Moto, napo ni pahala pabaya mno pa kurejea."/>
		<aya index="127" text="Na kumbukeni Ibrahim na Ismail walipo inyanyua misingi ya ile Nyumba wakaomba: Ewe Mola Mlezi wetu! Tutakabalie! Hakika Wewe ndiye Msikizi Mjuzi."/>
		<aya index="128" text="Ewe Mola Mlezi wetu! Tujaalie tuwe ni wenye kusilimu kwako, na pia miongoni mwa vizazi vyetu wawe umma ulio silimu kwako. Na utuonyeshe njia za ibada yetu na utusamehe. Bila shaka Wewe ndiye Mwenye kusamehe Mwenye kurehemu."/>
		<aya index="129" text="Ewe Mola Mlezi wetu! Waletee Mtume anaye tokana na wao, awasomee Aya zako, na awafundishe Kitabu na hikima na awatakase. Hakika Wewe ndiye Mwenye nguvu, Mwenye hikima."/>
		<aya index="130" text="Na nani atajitenga na mila ya Ibrahim isipo kuwa anayeitia nafsi yake katika upumbavu? Na kwa yakini Sisi tulimteuwa yeye katika dunia; na hakika yeye katika Akhera atakuwa miongoni mwa watu wema."/>
		<aya index="131" text="Na Mola wake Mlezi alipo mwambia: Silimu, Nyenyekea! Alinena: Nimesilimu, nimenyenyekea kwa Mola wa walimwengu wote."/>
		<aya index="132" text="Na Ibrahim akawausia wanawe, na pia Yaaqub: Enyi wanangu! Hakika Mwenyezi Mungu amekuteulieni Dini hii; basi msife ila nanyi mmekuwa Waislamu, wanyenyekevu."/>
		<aya index="133" text="Je! Mlikuwapo yalipo mfikia Yaaqub mauti, akawaambia wanawe: Mtamuabudu nani baada yangu? Wakasema: Tutamuabudu Mungu wako na Mungu wa baba zako, Ibrahim na Ismail na Is- hak, Mungu Mmoja tu, na sisi tunasilimu kwake."/>
		<aya index="134" text="Hao ni watu walio kwisha pita. Watapata waliyo yachuma, nanyi mtapata mtakayo yachuma; wala hamtaulizwa nyinyi waliyo kuwa wakiyafanya wao."/>
		<aya index="135" text="Na wakasema: Kuweni Mayahudi au Wakristo ndio mtaongoka. Sema: Bali tunashika mila ya Ibrahim mwongofu, wala hakuwa katika washirikina."/>
		<aya index="136" text="Semeni nyinyi: Tumemuamini Mwenyezi Mungu na yale tuliyo teremshiwa sisi, na yaliyo teremshwa kwa Ibrahim na Ismail na Is-hak na Yaakub na wajukuu zake, na waliyo pewa Musa na Isa, na pia waliyo pewa Manabii wengine kutoka kwa Mola wao Mlezi; hatutafautishi baina ya yeyote katika hao, na sisi tumesilimu kwake."/>
		<aya index="137" text="Basi wakiamini kama mnavyo amini nyinyi, itakuwa kweli wameongoka. Na wakikengeuka basi wao wamo katika upinzani tu. Na Mwenyezi Mungu atakutosheni kukukingeni na shari yao, na Yeye ndiye Msikizi, Mjuzi."/>
		<aya index="138" text="Huko ndiko kupaka rangi kwa Mwenyezi Mungu, na nani aliye mbora wa kupaka rangi kuliko Mwenyezi Mungu? Na sisi ni wenye kumuabudu Yeye tu."/>
		<aya index="139" text="Sema: Mnahojiana nasi juu ya Mwenyezi Mungu, naye ni Mola wetu Mlezi na Mola wenu Mlezi, na sisi tuna vitendo vyetu na nyinyi mna vitendo vyenu? Nasi tunamsafia Yeye tu."/>
		<aya index="140" text="Au mnasema kuwa Ibrahim na Ismail na Is-hak na Yaakub na wajukuu zao walikuwa Mayahudi au Wakristo? Sema: Je, nyinyi mnajua zaidi au Mwenyezi Mungu? Na ni nani mwenye kudhulumu zaidi kuliko yule aliye ficha ushahidi alio nao utokao kwa Mwenyezi Mungu? Na Mwenyezi Mungu si mwenye kughafilika na hayo myafanyayo."/>
		<aya index="141" text="Hao ni watu walio kwisha pita. Wao watapata waliyo yachuma, na nyinyi mt apata mliyo yachuma, wala hamtaulizwa nyinyi yale waliyo kuwa wakifanya wao."/>
		<aya index="142" text="WAPUMBAVU miongoni mwa watu watasema: Nini kilicho wageuza kutoka kibla chao walicho kuwa wakikielekea? Sema: Mashariki na Magharibi ni ya Mwenyezi Mungu; Yeye humwongoa amtakaye kwenye njia iliyo nyooka."/>
		<aya index="143" text="Na vivyo hivyo tumekufanyeni muwe Umma wa wasitani, ili muwe mashahidi juu ya watu, na Mtume awe ni shahidi juu yenu. Na hatukukifanya kibla ulicho kuwa nacho ila tupate kumjua yule anaye mfuata Mtume na yule anaye geuka akarejea nyuma. Na kwa yakini hilo lilikuwa jambo gumu isipo kuwa kwa wale alio waongoa Mwenyezi Mungu. Na Mwenyezi Mungu hakuwa mwenye kuipoteza Imani yenu. Kwani Mwenyezi Mungu ni Mpole kwa watu na Mwenye kuwarehemu."/>
		<aya index="144" text="Kwa yakini tukiona unavyo geuza geuza uso wako mbinguni. Basi tutakuelekeza kwenye Kibla ukipendacho. Basi elekeza uso wako upande wa Msikiti Mtakatifu; na popote mnapokuwa zielekezeni nyuso zenu upande huo; na hakika wale walio pewa Kitabu wanajua kwamba hiyo ni haki itokayo kwa Mola wao Mlezi. Na Mwenyezi Mungu si mwenye kughafilika na yale wanayo yatenda."/>
		<aya index="145" text="Na hao walio pewa Kitabu, hata ukiwaletea hoja za kila namna, hawatafuata Kibla chako; wala wewe hutafuata kibla chao, wala baadhi yao hawatafuata kibla cha wengineo; na kama ukiyafuata matamanio yao baada ya kukufikia ujuzi, hakika hapo utakuwa miongoni mwa wenye kudhullumu."/>
		<aya index="146" text="Wale tulio wapa Kitabu wanayajua haya kama wanavyo wajua watoto wao; na kuna kikundi katika wao huificha haki na hali wanajua."/>
		<aya index="147" text="Haki inatoka kwa Mola wako Mlezi. Basi usiwe miongoni mwa wanao fanya shaka."/>
		<aya index="148" text="Na kila mmoja anao upande anao elekea. Basi shindanieni mema. Popote mlipo Mwenyezi Mungu atakuleteni nyote pamoja. Hakika Mwenyezi Mungu ni Muweza wa kila kitu."/>
		<aya index="149" text="Na popote wendako elekeza uso wako kwenye Msikiti Mtakatifu. Na hiyo ndiyo Haki itokayo kwa Mola wako Mlezi. Na Mwenyezi Mungu si mwenye kughafilika na mnayo yatenda."/>
		<aya index="150" text="Na popote wendako elekeza uso wako kwenye Msikiti Mtakatifu. Na popote mlipo elekezeni nyuso zenu upande huo ili watu wasiwe na hoja juu yenu, isipokuwa wale walio dhulumu miongoni mwao. Basi msiwaogope wao, lakini niogopeni Mimi - na ili nikutimizieni neema yangu, na ili mpate kuongoka."/>
		<aya index="151" text="Kama tulivyo mtuma Mtume kwenu anaye tokana na nyinyi, anakusomeeni Aya zetu na kukutakaseni na kukufundisheni Kitabu na hikima na kukufundisheni mliyo kuwa hamyajui."/>
		<aya index="152" text="Basi nikumbukeni nitakukumbukeni, na nishukuruni wala msinikufuru."/>
		<aya index="153" text="Enyi mlio amini! Takeni msaada kwa subira na Sala. Hakika Mwenyezi Mungu yu pamoja na wanao subiri."/>
		<aya index="154" text="Wala msiseme kuwa wale walio uwawa katika Njia ya Mwenyezi Mungu ni maiti; bali hao ni wahai, lakini nyinyi hamtambui."/>
		<aya index="155" text="Hapana shaka tutakujaribuni kwa chembe ya khofu, na njaa, na upungufu wa mali na watu na matunda. Na wabashirie wanao subiri,"/>
		<aya index="156" text="Wale ambao ukiwasibu msiba husema: Hakika sisi ni wa Mwenyezi Mungu, na kwake Yeye hakika tutarejea."/>
		<aya index="157" text="Hao juu yao zitakuwa baraka zitokazo kwa Mola wao Mlezi na rehema. Nao ndio wenye kuongoka."/>
		<aya index="158" text="Hakika vilima vya Safaa na Marwa ni katika alama za Mwenyezi Mungu. Basi anaye hiji kwenye Nyumba hiyo au akafanya Umra, si kosa kwake kuvizunguka. Na anaye jitendea mwenyewe kheri basi bila ya shaka Mwenyezi Mungu ni Mwenye shukrani na Mjuzi."/>
		<aya index="159" text="Hakika wale wanao ficha tuliyo yateremsha -- nazo ni hoja zilizo wazi na uwongofu baada ya Sisi kuzibainisha kwa watu Kitabuni -- hao anawalaani Mwenyezi Mungu, na wanawalaani kila wenye kulaani."/>
		<aya index="160" text="Ila wale walio tubu na wakatengeneza na wakabainisha, basi hao nitapokea toba yao, na Mimi ni Mwenye kupokea toba na Mwenye kurehemu."/>
		<aya index="161" text="Hakika walio kufuru na wakafa hali ni makafiri, hao iko juu yao laana ya Mwenyezi Mungu na ya Malaika na ya watu wote."/>
		<aya index="162" text="Watadumu humo. Hawata-punguziwa adhabu wala hawatapewa muda wa kupumzika."/>
		<aya index="163" text="Na Mungu wenu ni Mungu mmoja tu, hapana mungu ila Yeye. Mwingi wa rehema, Mwenye kurehemu."/>
		<aya index="164" text="Hakika katika kuumbwa kwa mbingu na ardhi, na kukhitalifiana usiku na mchana, na marikebu ambazo hupita baharini kwa viwafaavyo watu, na maji anayo yateremsha Mwenyezi Mungu kutoka mbinguni, na kwa hayo akaihuisha ardhi baada ya kufa kwake, na akaeneza humo kila aina ya wanyama; na katika mabadiliko ya pepo, na mawingu yanayo amrishwa kupita baina ya mbingu na ardhi, bila shaka zimo Ishara kwa watu wanao zingatia."/>
		<aya index="165" text="Na katika watu wapo wanao chukua waungu wasio kuwa Mwenyezi Mungu. Wanawapenda kama kumpenda Mwenyezi Mungu. Lakini walio amini wanampenda Mwenyezi Mungu zaidi sana. Na laiti walio dhulumu wakajua watakapo iona adhabu kuwa nguvu zote ni za Mwenyezi Mungu na kuwa Mwenyezi Mungu ni mkali wa kuadhibu!"/>
		<aya index="166" text="Walio fuatwa watakapo wakataa wale walio wafuata, na hali ya kuwa wamekwisha iona adhabu; na yatakatika mafungamano yao."/>
		<aya index="167" text="Na watasema wale walio fuata: Laiti tungeweza kurudi tukawakataa wao kama wanavyo tukataa sisi! Hivi ndivyo Mwenyezi Mungu atakavyo waonyesha vitendo vyao kuwa majuto yao; wala hawatakuwa wenye kutoka Motoni."/>
		<aya index="168" text="Enyi watu! Kuleni vilivyomo katika ardhi, halali na vizuri, wala msifuate nyayo za Shet'ani. Hakika yeye ni adui yenu aliye dhaahiri."/>
		<aya index="169" text="Yeye anakuamrisheni maovu na machafu, na mumsingizie Mwenyezi Mungu mambo msiyo yajua."/>
		<aya index="170" text="Na wanapo ambiwa: Fuateni aliyo yateremsha Mwenyezi Mungu; wao husema: Bali tutafuata tuliyo wakuta nayo baba zetu. Je, hata ikiwa baba zao walikuwa hawaelewi kitu, wala hawakuongoka?"/>
		<aya index="171" text="Na mfano wa walio kufuru ni kama mfano wa anaye mpigia kelele asiye sikia ila wito na sauti tu -- ni viziwi, mabubu, vipofu, kwa hivyo hawaelewi."/>
		<aya index="172" text="Enyi mlio amini! Kuleni vizuri tulivyo kuruzukuni, na mumshukuru Mwenyezi Mungu, ikiwa kweli mnamuabudu Yeye tu."/>
		<aya index="173" text="Yeye amekuharimishieni mzoga tu na damu na nyama ya nguruwe na kilicho tajiwa, katika kuchinjwa kwake, jina la asiye kuwa Mwenyezi Mungu. Lakini aliye fikiwa na dharura bila ya kutamani wala kupita kiasi, yeye hana dhambi. Hakika Mwenyezi Mungu ni Mwenye kusamehe, Mwenye kurehemu."/>
		<aya index="174" text="Hakika wale wafichao aliyo yateremsha Mwenyezi Mungu katika Kitabu, wakanunua kwacho thamani ndogo, hao hawali matumboni mwao isipo kuwa moto, wala Mwenyezi Mungu hatawasemeza Siku ya Kiyama, wala hatawatakasa. Nao watapata adhabu chungu."/>
		<aya index="175" text="Hao ndio walio nunua upotofu badala ya uwongofu, na adhabu badala ya maghfira. Ama wavumilivu wa Moto watu hawa!"/>
		<aya index="176" text="Hayo ni kwa sababu Mwenyezi Mungu ameteremsha Kitabu kwa haki. Na wale walio khitilafiana katika Kitabu wamo katika upinzani ulio mbali na haki."/>
		<aya index="177" text="Sio wema kuwa mnaelekeza nyuso zenu upande wa mashariki na magharibi. Bali wema ni wa anaye muamini Mwenyezi Mungu na Siku ya Mwisho na Malaika na Kitabu na Manabii, na anawapa mali, kwa kupenda kwake, jamaa na mayatima na masikini na wasafiri, na waombao, na katika ugombozi, na akawa anashika Sala, na akatoa Zaka, na wanao timiza ahadi yao wanapo ahidi, na wanao vumilia katika shida na dhara na wakati wa vita; hao ndio walio sadikisha, na hao ndio wajilindao."/>
		<aya index="178" text="Enyi mlio amini! Mmepewa ruhusa kulipa kisasi katika walio uwawa - muungwana kwa muungwana, na mtumwa kwa mtumwa, na mwanamke kwa mwanamke. Na anaye samehewa na ndugu yake chochote basi ashikwe kulipa kwa wema, na yeye alipe kwa ihsani. Huko ni kupunguziwa kuliko tokana na Mola wenu Mlezi, na ni rehema. Na atakaye vuka mipaka baada ya haya, basi yeye atapata adhabu chungu."/>
		<aya index="179" text="Mtakuwa nao uhai mzuri katika kulipiza kisasi enyi wenye akili, ili msalimike."/>
		<aya index="180" text="Mmeandikiwa -- mmoja wenu anapo fikwa na mauti, kama akiacha mali -- afanye wasia kwa wazazi wake na jamaa zake kwa namna nzuri inayo pendeza. Ni waajibu haya kwa wachamngu."/>
		<aya index="181" text="Na atakaye ubadilisha wasia baada ya kuusikia, basi dhambi yake ni juu ya wale watakao ubadilisha; hakika Mwenyezi Mungu ni Mwenye kusikia Mwenye kujua."/>
		<aya index="182" text="Na mwenye kumkhofia muusiaji kwenda kombo au kupata dhambi akasuluhisha baina yao, basi hatakuwa na dhambi. Hakika Mwenyezi Mungu ni Msamehevu na Mwenye kurehemu."/>
		<aya index="183" text="Enyi mlio amini! Mmeandikiwa Saumu, kama waliyo andikiwa walio kuwa kabla yenu ili mpate kuchamngu."/>
		<aya index="184" text="(Mfunge) siku maalumu za kuhisabika. Na atakaye kuwa miongoni mwenu mgonjwa au yumo safarini basi atimize hisabu katika siku nyengine. Na wale wasio weza, watoe fidiya kwa kumlisha masikini. Na atakaye fanya wema kwa kujitolea, basi ni bora kwake. Na mkifunga ni bora kwenu, kama mnajua."/>
		<aya index="185" text="Mwezi wa Ramadhani ambao imeteremshwa humo Qur'ani kuwa ni uwongofu kwa watu, na hoja zilizo wazi za uwongofu na upambanuzi. Basi ataye kuwa mjini katika mwezi huu naafunge. Na mwenye kuwa mgonjwa au safarini, basi atimize hisabu katika siku nyengine. Mwenyezi Mungu anakutakieni yaliyo mepesi wala hakutakieni yaliyo mazito, na mtimize hiyo hisabu, na mumtukuze Mwenyezi Mungu kwa kuwa amekuongoeni ili mpate kushukuru."/>
		<aya index="186" text="Na waja wangu watakapo kuuliza khabari zangu, waambie kuwa Mimi nipo karibu. Naitikia maombi ya mwombaji anapo niomba. Basi na waniitikie Mimi, na waniamini Mimi, ili wapate kuongoka."/>
		<aya index="187" text="Mmehalalishiwa usiku wa Saumu kuingiliana na wake zenu. Wao ni vazi kwenu, na nyinyi ni vazi kwao. Mwenyezi Mungu anajua kwamba mlikuwa mkizikhini nafsi zenu. Kwa hivyo amekukubalieni toba yenu na amekusameheni. Basi sasa changanyikeni nao na takeni aliyo kuandikieni Mwenyezi Mungu. Na kuleni na kunyweni mpaka ubainike kwenu weupe wa alfajiri katika weusi wa usiku. Kisha timizeni Saumu mpaka usiku. Wala msichanganyike nao, na hali mnakaa Itikafu msikitini. Hiyo ni mipaka ya Mwenyezi Mungu, basi msiikaribie. Namna hivi Mwenyezi Mungu anabainisha Ishara zake kwa watu ili wapate kumcha."/>
		<aya index="188" text="Wala msiliane mali zenu kwa baat'ili na kuzipeleka kwa mahakimu ili mpate kula sehemu ya mali ya watu kwa dhambi, na hali mnajua."/>
		<aya index="189" text="Wanakuuliza khabarai ya miezi. Sema: Hiyo ni vipimo vya nyakati kwa ajili ya watu na Hija. Wala sio wema kuziingia nyumba kwa nyuma. Bali mwema ni mwenye kuchamngu. Na ingieni majumbani kupitia milangoni. Na mcheni Mwenyezi Mungu ili mpate kufanikiwa."/>
		<aya index="190" text="Na piganeni katika Njia ya Mwenyezi Mungu na wale wanao kupigeni, wala msianze uadui. Kwani Mwenyezi Mungu hawapendi waanzao uadui."/>
		<aya index="191" text="Na wauweni popote mwakutapo, na muwatoe popote walipo kutoeni; kwani fitina ni mbaya zaidi kuliko kuuwa. Wala msipigane nao kwenye Msikiti Mtakatifu mpaka wakupigeni huko. Wakikupigeni huko basi nanyi pia wapigeni. Na hivi ndivyo yalivyo malipo ya makafiri."/>
		<aya index="192" text="Lakini wakiacha basi Mwenyezi Mungu ni Mwenye kusamehe Mwenye kurehemu."/>
		<aya index="193" text="Na piganeni nao mpaka pasiwepo fitina, na Dini iwe ya Mwenyezi Mungu tu. Na kama wakiacha basi usiweko uadui ila kwa wenye kudhulumu."/>
		<aya index="194" text="Mwezi mtakatifu kwa mwezi mtakatifu. Na vitu vitakatifu vimeekewa kisasi. Anaye kushambulieni nanyi mshambulieni, kwa kadiri alivyo kushambulieni. Na mcheni Mwenyezi Mungu. Na jueni kwamba Mwenyezi Mungu yu pamoja na wachamngu."/>
		<aya index="195" text="Na toeni katika njia ya Mwenyezi Mungu, wala msijitie kwa mikono yenu katika maangamizo. Na fanyeni wema. Hakika Mwenyezi Mungu huwapenda wafanyao wema."/>
		<aya index="196" text="Na timizeni Hija na Umra kwa ajili ya Mwenyezi Mungu. Na ikiwa mkizuiwa, basi (chinjeni) wanyama walio wepesi kupatikana. Wala msinyoe vichwa vyenu mpaka wanyama hao wafike machinjoni mwao. Na atakaye kuwa mgonjwa au ana vya kumuudhi kichwani mwake basi atoe fidiya kwa kufunga au kwa kutoa sadaka au kuchinja wanyama. Na mtakapo kuwa salama, basi mwenye kujistarehesha kwa kufanya Umra kisha ndio akahiji, basi achinje mnyama aliye mwepesi kumpata. Na asiye pata, afunge siku tatu katika Hija na siku saba mtakapo rudi; hizi ni kumi kaamili. Hayo ni kwa ajili ya yule ambaye watu wake hawako karibu na Msikiti Mtakatifu. Na mcheni Mwenyezi Mungu, na jueni Mwenyezi Mungu ni Mkali wa kuadhibu."/>
		<aya index="197" text="Hija ni miezi maalumu. Na anaye kusudia kufanya Hija katika miezi hiyo, basi asiseme maneno machafu wala asifanye vitendo vichafu wala asibishane katika Hija. Na kheri yoyote mnayo ifanya Mwenyezi Mungu anaijua. Na jitengezeeni zawadi. Na hakika bora ya zawadi ni uchamngu. Na nicheni Mimi, enyi wenye akili!"/>
		<aya index="198" text="Si vibaya kwenu kuitafuta fadhila ya Mola wenu Mlezi. Na mtakapo miminika kutoka A'rafat mtajeni Mwenyezi Mungu penye Masha'ril Haram. Na mkumbukeni kama alivyo kuongoeni, ijapo kuwa zamani mlikuwa miongoni mwa walio potea."/>
		<aya index="199" text="Kisha miminikeni kutoka pale wanapo miminika watu, na muombeni Mwenyezi Mungu msamaha: hakika Mwenyezi Mungu ni Mwenye kusamehe Mwenye kurehemu."/>
		<aya index="200" text="Na mkisha timiza ibada zenu basi mtajeni Mwenyezi Mungu kama mlivyo kuwa mkiwataja baba zenu au mtajeni zaidi. Na wapo baadhi ya watu wanao sema: Mola wetu Mlezi, tupe duniani! Naye katika Akhera hana sehemu yoyote."/>
		<aya index="201" text="Na katika wao wapo wanao sema: Mola wetu Mlezi, tupe duniani mema, na Akhera mema, na utulinde na adhabu ya Moto!"/>
		<aya index="202" text="Hao ndio watakao pata sehemu yao kwa sababu ya yale waliyo yachuma. Na Mwenyezi Mungu ni Mwepesi wa kuhisabu."/>
		<aya index="203" text="Na mtajeni Mwenyezi Mungu katika zile siku zinazo hisabiwa. Lakini mwenye kufanya haraka katika siku mbili (akarejea) si dhambi juu yake; na mwenye kukawia pia si dhambi juu yake, kwa mwenye kumchamngu. Na mcheni Mwenyezi Mungu, na jueni kwamba nyinyi mtakusanywa kwake."/>
		<aya index="204" text="Na katika watu yupo yule ambaye maneno yake kwa maisha ya kidunia hukufurahisha; naye humshuhudisha Mwenyezi Mungu kwa yaliyomo moyoni mwake, na hali yeye ndiye mkubwa wa ukhasimu."/>
		<aya index="205" text="Na anapo tawala hufanya juhudi katika nchi kwa kufisidi humo na kuteketeza mimea na viumbe. Na Mwenyezi Mungu hapendi ufisadi."/>
		<aya index="206" text="Na akiambiwa: Mwogope Mwenyezi Mungu, hupandwa na mori wa kutenda madhambi. Basi huyo inamtosha Jahannam. Paovu mno hapo kwa mapumziko."/>
		<aya index="207" text="Na katika watu yupo ambaye huiuza nafsi yake kwa kutaka radhi za Mwenyezi Mungu; na Mwenyezi Mungu ni Mpole kwa waja wake."/>
		<aya index="208" text="Enyi mlio amini! Ingieni katika Uislamu kwa ukamilifu, wala msifuate nyayo za She'tani; hakika yeye kwenu ni adui aliye wazi."/>
		<aya index="209" text="Na ikiwa mkateleza baada ya kukufikieni hoja zilizo wazi, basi jueni kuwa Mwenyezi Mungu ni Mwenye nguvu na Mwenye hikima."/>
		<aya index="210" text="Je wanangoja mpaka Mwenyezi Mungu awajie katika vivuli vya mawingu pamoja na Malaika, na hukumu iwe imekwisha tolewa? Na kwa Mwenyezi Mungu ndio hurejeshwa mashauri yote."/>
		<aya index="211" text="Waulize Wana wa Israili: Tumewapa ishara ngapi zilizo wazi? Na anaye zibadili neema za Mwenyezi Mungu baada ya kumfikia basi hakika Mwenyezi Mungu ni mkali wa kuadhibu."/>
		<aya index="212" text="Walio kufuru wamepambiwa maisha ya duniani; na wanawafanyia maskhara walio amini. Na wenye kuchamngu watakuwa juu yao Siku ya Kiyama. Na Mwenyezi Mungu humruzuku amtakaye bila ya hisabu."/>
		<aya index="213" text="Watu wote walikuwa ni umma mmoja. Mwenyezi Mungu akapeleka Manabii wabashiri na waonyaji. Na pamoja nao akateremsha Kitabu kwa Haki, ili kihukumu baina ya watu katika yale walio khitalifiana. Na wala hawakukhitalifiana ila wale walio pewa Kitabu hicho baada ya kuwafikia hoja zilizo wazi, kwa sababu ya uhasidi baina yao. Ndipo Mwenyezi Mungu kwa idhini yake akawaongoa walio amini kwendea haki katika mambo waliyo khitalifiana. Na Mwenyezi Mungu humwongoa amtakaye kwenye Njia Iliyo Nyooka."/>
		<aya index="214" text="Mnadhani kuwa mtaingia Peponi, bila ya kukujieni kama yaliyo wajia wale walio pita kabla yenu? Iliwapata shida na madhara na wakatikiswa hata Mtume na walio amini pamoja naye wakasema: Lini nusura ya Mwenyezi Mungu itakuja? Jueni kuwa nusura ya Mwenyezi Mungu ipo karibu."/>
		<aya index="215" text="Wanakuuliza watoe nini? Sema: Kheri mnayo itoa ni kwa ajili ya wazazi na jamaa na mayatima na masikini na wasafiri. Na kheri yoyote mnayo ifanya Mwenyezi Mungu anaijua."/>
		<aya index="216" text="Mmeandikiwa kupigana vita, navyo vinachusha kwenu. Lakini huenda mkachukia kitu nacho ni kheri kwenu. Na huenda mkapenda kitu nacho ni shari kwenu. Na Mwenyezi Mungu anajua na nyinyi hamjui."/>
		<aya index="217" text="Wanakuuliza juu ya kupigana vita katika mwezi mtakatifu. Sema: Kupigana vita wakati huo ni dhambi kubwa. Lakini kuzuilia watu wasende katika Njia ya Mwenyezi Mungu na kumkanusha Yeye, na kuzuilia watu wasende kwenye Msikiti Mtakatifu na kuwatoa watu wake humo, ni makubwa zaidi mbele ya Mwenyezi Mungu. Na fitina ni mbaya zaidi kuliko kuuwa. Wala hawatoacha kupigana nanyi mpaka wakutoeni katika Dini yenu kama wakiweza. Na yeyote katika nyinyi akiacha Dini yake akafa naye ni kafiri, basi hao ndio ambao a'mali zao zimeharibika duniani na Akhera. Na hao ndio watu wa Motoni; humo watadumu."/>
		<aya index="218" text="Hakika wale walio amini na wale walio hama na wakapigania Njia ya Mwenyezi Mungu, hao ndio wanao taraji rehema za Mwenyezi Mungu. Na Mwenyezi Mungu ni Mwenye kusamehe na Mwenye kurehemu."/>
		<aya index="219" text="Wanakuuliza juu ya ulevi na kamari. Sema: Katika hivyo zipo dhambi kubwa na manufaa kwa watu. Lakini dhambi zake ni kubwa zaidi kuliko manufaa yake. Na wanakuuliza watoe nini? Sema: Kilicho chepesi. Namna hivi Mwenyezi Mungu anakubainishieni Aya zake mpate kufikiri--"/>
		<aya index="220" text="--katika mambo ya dunia na mambo ya Akhera. Na wanakuuliza juu ya mayatima. Sema: Kuwatengenezea ndio kheri. Na mkichanganyika nao basi ni ndugu zenu; na Mwenyezi Mungu anamjua mharibifu na mtengenezaji. Na Mwenyezi Mungu angeli penda angeli kutieni katika udhia. Hakika Mwenyezi Mungu ni Mwenye nguvu na Mwenye hikima."/>
		<aya index="221" text="Wala msiwaoe wanawake washirikina mpaka waamini. Na mjakazi Muumini ni bora kuliko mshirikina hata akikupendezeni. Wala msiwaoze (binti zenu) wanaume washirikina mpaka waamini. Na mtumwa mwanamume Muumini ni bora kuliko mshirikina hata akikupendezeni. Hao wanaitia kwenye Moto, na Mwenyezi Mungu anaitia kwenye Pepo na maghafira kwa idhini yake. Naye huzibainisha Aya zake kwa watu ili wapate kukumbuka."/>
		<aya index="222" text="Na wanakuuliza juu ya hedhi. Waambie, huo ni uchafu. Basi jitengeni na wanawake wakati wa hedhi. Wala msiwaingilie mpaka wat'ahirike. Wakisha t'ahirika basi waendeeni alivyo kuamrisheni Mwenyezi Mungu. Hakika Mwenyezi Mungu huwapenda wanao tubu na huwapenda wanao jisafisha."/>
		<aya index="223" text="Wake zenu ni kama konde zenu. Basi ziendeeni konde zenu mpendavyo. Lakini jitangulizieni kheri nafsi zenu, na mcheni Mwenyezi Mungu, na jueni kuwa hakika nyinyi mtakutana naye. Na wape bishara njema Waumini."/>
		<aya index="224" text="Wala msifanye jina la Mwenyezi Mungu katika viapo vyenu kuwa ni kisingizio cha kuacha kufanya wema na kuchamngu na kupatanisha baina ya watu. Na Mwenyezi Mungu ni Mwenye kusikia na Mwenye kujua."/>
		<aya index="225" text="Mwenyezi Mungu hakushikeni kwa viapo vyenu vya upuuzi. Bali anakushikeni kwa yanayo chuma nyoyo zenu. Na Mwenyezi Mungu ni Mwenye kusamehe na Mpole."/>
		<aya index="226" text="Kwa wanao apa kuwa watajitenga na wake zao, wangojee miezi mine. Wakirejea basi Mwenyezi Mungu hakika ni Mwenye kusamehe na Mwenye kurehemu."/>
		<aya index="227" text="Na wakiazimia kuwapa talaka basi, Mwenyezi Mungu ni Mwenye kusikia na Mjuzi."/>
		<aya index="228" text="Na wanawake walio achwa wangoje peke yao mpaka t'ahara (au hedhi) tatu zipite. Wala haiwajuzii kuficha alicho umba Mwenyezi Mungu katika matumbo yao, ikiwa wanamuamini Mwenyezi Mungu na Siku ya Mwisho. Na waume wao wana haki ya kuwarejesha katika muda huo, kama wakitaka kufanya sulhu. Nao wanawake wanayo haki kwa Sharia kama ile haki iliyo juu yao. Na wanaume wana daraja zaidi kuliko wao. Na Mwenyezi Mungu ni Mwenye nguvu na Mwenye hikima."/>
		<aya index="229" text="T'alaka ni mara mbili. Kisha ni kukaa kwa wema au kuachana kwa vizuri. Wala si halali kwenu kuchukua chochote mlicho wapa wake zenu, ila ikiwa wote wawili wakiogopa ya kwamba hawataweza kushikamana na mipaka ya Mwenyezi Mungu. Basi mkiogopa kuwa hawataweza kushikamana na mipaka ya Mwenyezi Mungu hapo itakuwa hapana lawama ikiwa mwanamke atajikomboa. Hii ndiyo mipaka ya Mwenyezi Mungu; basi msiikiuke. Na watakao ikiuka mipaka ya Mwenyezi Mungu, hao ndio madhaalimu."/>
		<aya index="230" text="Na kama amempa t'alaka (ya tatu) basi si halali kwake baada ya hayo mpaka aolewe na mume mwengine. Na akiachwa basi hapana ubaya kwao kurejeana wakiona kuwa watashikamana na mipaka ya Mwenyezi Mungu. Na hii ni mipaka ya Mwenyezi Mungu anayo ibainisha kwa watu wanao jua."/>
		<aya index="231" text="Na mtakapo wapa wanawake t'alaka, nao wakafikia kumaliza eda yao, basi warejeeni kwa wema au waachilieni kwa wema. Wala msiwarejee kwa kuwadhuru mkafanya uadui. Na atakaye fanya hivyo, amejidhulumu nafsi yake. Wala msizichukulie Aya za Mwenyezi Mungu kwa maskhara. Na kumbukeni neema ya Mwenyezi Mungu juu yenu, na aliyo kuteremshieni katika Kitabu na hikima anacho kuonyeni kwacho. Na mcheni Mwenyezi Mungu, na jueni kwamba hakika Mwenyezi Mungu ni Mjuzi wa kila kitu."/>
		<aya index="232" text="Na mtakapo wapa wanawake t'alaka nao wakamaliza eda yao, basi msiwazuie kuolewa na waume zao endapo baina yao wamepatana kwa wema. Hayo anaonywa nayo yule miongoni mwenu anaye muamini Mwenyezi Mungu na Siku ya Mwisho. Hayo ni bora zaidi kwenu na safi kabisa. Na Mwenyezi Mungu anajua, lakini nyinyi hamjui."/>
		<aya index="233" text="Na wazazi wanawake wawanyonyeshe watoto wao miaka miwili kaamili kwa anaye taka kutimiza kunyonyesha. Na juu ya baba yake chakula cha kina mama, na nguo zao kwa mujibu wa ada. Wala halazimishwi mtu ila kwa kadiri ya uwezo wake. Mama asitiwe taabuni kwa ajili ya mwanawe, wala baba kwa ajili ya mwanawe. Na juu ya mrithi mfano wa hivyo. Na kama wote wawili wakitaka kumwachisha ziwa kwa kuridhiana na kushauriana, basi si vibaya kwao. Na mkitaka kuwapatia watoto wenu mama wa kuwanyonyesha basi hapana ubaya kwenu mkitoa mlicho ahidi kwa mujibu wa ada. Na mcheni Mwenyezi Mungu, na jueni kwamba Mwenyezi Mungu anayaona yote mnayo yatenda."/>
		<aya index="234" text="Na wale miongoni mwenu wanao kufa na wakaacha wake, hawa wake wangoje peke yao miezi mine na siku kumi. Na wanapo timiza eda yao basi hapana ubaya kwao kwa wanao jifanyia kwa mujibu wa ada. Na Mwenyezi Mungu anazo khabari za yote mnayo yatenda."/>
		<aya index="235" text="Wala si vibaya kwenu katika kupeleka posa kwa ishara tu kwa wanawake waliomo edani au mkadhamiria katika nyoyo zenu. Mwenyezi Mungu anajua kwamba nyinyi mtawakumbuka. Lakini msiwaahidi kwa siri, ila mnene maneno mema. Wala msiazimie kufunga ndoa mpaka eda ifike mwisho wake. Na jueni kwamba Mwenyezi Mungu anajua yaliyomo katika nafsi zenu. Basi tahadharini naye. Na jueni kwamba Mwenyezi Mungu ni Mwenye kusamehe na Mpole."/>
		<aya index="236" text="Hapana ubaya kwenu mkiwapa t'alaka wanawake ambao hamjawagusa au kuwabainishia mahari yao. Lakini wapeni cha kuwaliwaza, mwenye wasaa kadiri awezavyo na mwenye dhiki kadiri awezavyo - maliwaza kwa mujibu wa dasturi kuwa ni haki juu ya watendao mema."/>
		<aya index="237" text="Na mkiwapa t'alaka kabla ya kuwagusa, na mmekwisha wawekea hayo mahari makhsusi, basi wapeni nusu ya mahari mlio agana, isipo kuwa ikiwa wanawake wenyewe wamesamehe, au mume ambaye kifungo cha ndoa ki mikononi mwake awe amesamehe. Na kusameheana ndiko kulio karibu zaidi na uchamngu. Wala msisahau fadhila baina yenu. Hakika Mwenyezi Mungu anayaona mnayo yatenda."/>
		<aya index="238" text="Zilindeni Sala, na khasa Sala ya katikati, na simameni kwa ajili ya Mwenyezi Mungu nanyi ni wenye kuqunuti (kunyenyekea)."/>
		<aya index="239" text="Ikiwa mnakhofu (Salini) na hali mnakwenda kwa miguu au mmepanda. Na mtakapo kuwa katika amani, basi mkumbukeni Mwenyezi Mungu kama alivyo kufunzeni yale mliyo kuwa hamyajui."/>
		<aya index="240" text="Na wale miongoni mwenu wanao kufa na wakawacha wake, na wausie kwa ajili ya wake zao kupata matumizi kwa mwaka mmoja bila ya kuwatoa nyumba. Na wanawake wenyewe wakiondoka, basi hapana ubaya kwenu kwa waliyo jifanyia wenyewe kwa mujibu wa Sharia. Na Mwenyezi Mungu ni Mwenye nguvu na Mwenye hikima."/>
		<aya index="241" text="Na wanawake walio achwa wapewe cha kuwaliwaza kwa mujibu wa Sharia. Haya ni waajibu kwa wachamngu."/>
		<aya index="242" text="Namna hivi anakubainishieni Mwenyezi Mungu Aya zake ili mpate kufahamu."/>
		<aya index="243" text="Hukuwaona wale walio toka majumbani kwao kwa maelfu kwa kuogopa mauti? Mwenyezi Mungu akawaambia: Kufeni! Kisha akwahauisha. Hakika Mwenyezi Mungu ni Mwenye fadhila juu ya watu, lakini wengi wa watu hawashukuru."/>
		<aya index="244" text="Na piganeni katika Njia ya Mwenyezi Mungu, na jueni kwamba Mwenyezi Mungu ni Msikizi na Mjuzi."/>
		<aya index="245" text="Ni nani atakaye mkopesha Mwenyezi Mungu mkopo mwema ili amzidishie mzidisho mwingi, na Mwenyezi Mungu hukunja na hukunjua. Na Kwake Yeye mtarejea."/>
		<aya index="246" text="Hukuwaona watukufu katika Wana wa Israili baada ya Musa, walipo mwambia Nabii wao: Tuwekee mfalme ili tupigane katika Njia ya Mwenyezi Mungu? Akasema: Je, haielekei ikiwa mtaandikiwa vita kuwa msipigane? Wakasema: Itakuwaje tusipigane katika Njia ya Mwenyezi Mungu, na hali tumetolewa majumbani kwetu na watoto wetu? Lakini walipo andikiwa kupigana waligeuka, isipo kuwa wachache miongoni mwao. Na Mwenyezi Mungu anawajua madhaalimu."/>
		<aya index="247" text="Na Nabii wao akawaambia: Mwenyezi Mungu amekuteulieni Taluti (Sauli) kuwa ni mfalme. Wakasema: vipi atakuwa na ufalme juu yetu, na hali sisi tuna haki zaidi kupata ufalme kuliko yeye, naye hakupewa wasaa wa mali? Akasema: Mwenyezi Mungu amemteua yeye juu yenu na amemzidishia ukunjufu wa ilimu na kiwiliwili. Na Mwenyezi Mungu humpa ufalme wake amtakaye. Na Mwenyezi Mungu ni Mwenye wasaa na Mjuzi."/>
		<aya index="248" text="Na Nabii wao akawaambia: Alama ya ufalme wake ni kukuleteeni lile sanduku ambalo mna ndani yake kituliza nyoyo zenu, kitokacho kwa Mola wenu Mlezi, na mna mabaki ya waliyo yaacha kina Musa na kina Harun, wanalichukua Malaika. Bila shaka katika hayo zimo dalili kwenu ikiwa nyinyi mnaamini."/>
		<aya index="249" text="Basi Taluti alipo ondoka na majeshi alisema: Mwenyezi Mungu atakujaribuni kwa mto. Atakaye kunywa humo si pamoja nami, na asiye kunywa atakuwa pamoja nami: ila atakaye teka kiasi ya kitanga cha mkono wake. Lakini walikunywa humo isipo kuwa wachache tu miongoni mwao. Alipo vuka mto yeye na wale walio amini pamoja naye, walisema: Leo hatumwezi Jaluti (Goliati) na majeshi yake. Wakasema wale wenye yakini ya kukutana na Mwenyezi Mungu: Makundi mangapi madogo yameshinda makundi makubwa kwa idhini ya Mwenyezi Mungu. Na Mwenyezi Mungu yu pamoja na wenye kusubiri."/>
		<aya index="250" text="Na walipo toka kupambana na Jaluti na majeshi yake walisema: Mola wetu Mlezi! Tumiminie subira, na isimamishe imara miguu yetu, na utusaidie tuwashinde watu Makafiri--"/>
		<aya index="251" text="--Kwa idhini ya Mwenyezi Mungu waliwatimua, na Daudi akamuuwa Jaluti, na Mwenyezi Mungu akampa Daudi ufalme na hikima, na akamfundisha aliyo yapenda. Na lau kuwa Mwenyezi Mungu hawapambanishi watu kwa watu basi dunia ingeli haribika. Lakini Mwenyezi Mungu ni Mwenye fadhila juu ya walimwengu wote."/>
		<aya index="252" text="Hizi ni Aya za Mwenyezi Mungu tunakusomea kwa haki. Na hakika wewe ni miongoni mwa Mitume."/>
		<aya index="253" text="MITUME hao tumewatukuza baadhi yao juu ya wengineo. Katika wao wapo ambao Mwenyezi Mungu alisema nao, na wengine akawapandisha vyeo. Na tukampa Isa mwana wa Mariyam hoja zilizo wazi, na tukamtia nguvu kwa Roho Takatifu. Na lau kuwa Mwenyezi Mungu alipenda wasingeli pigana walio kuwa baada yao baada ya kuwajia hoja zilizo wazi. Lakini walikhitalifiana. Basi wapo kati yao walio amini, na wengine kati yao walio kufuru. Na lau kuwa Mwenyezi Mungu alipenda wasingeli pigana. Lakini Mwenyezi Mungu hutenda atakavyo."/>
		<aya index="254" text="Enyi mlio amini! Toeni katika tulivyo kupeni kabla haijafika Siku ambayo hapatakuwapo biashara, wala urafiki, wala uombezi. Na makafiri ndio madhaalimu."/>
		<aya index="255" text="Mwenyezi Mungu - hapana mungu ila Yeye Aliye hai, Msimamia mambo yote milele. Hashikwi na usingizi wala kulala. Ni vyake pekee vyote viliomo mbinguni na duniani. Ni nani huyo awezaye kuombea mbele yake bila ya idhini yake? Anayajua yaliyo mbele yao na yaliyo nyuma yao; wala wao hawajui chochote katika vilio katika ujuzi wake, ila kwa atakalo mwenyewe. Enzi yake imetanda mbinguni na duniani; na wala haemewi na kuvilinda hivyo. Na Yeye ndiye aliye juu, na ndiye Mkuu."/>
		<aya index="256" text="Hapana kulazimisha katika Dini. Kwani Uwongofu umekwisha pambanuka na upotofu. Basi anaye mkataa Shet'ani na akamuamini Mwenyezi Mungu bila ya shaka amekamata kishikio madhubuti, kisicho vunjika. Na Mwenyezi Mungu ni Mwenye kusikia, Mwenye kujua."/>
		<aya index="257" text="Mwenyezi Mungu ni Mlinzi wa walio amini. Huwatoa gizani na kuwaingiza mwangazani. Lakini walio kufuru, walinzi wao ni Mashet'ani. Huwatoa kwenye mwangaza na kuwaingiza gizani. Hao ndio watu wa Motoni, na humo watadumu."/>
		<aya index="258" text="Hukumwona yule aliye hojiana na Ibrahim juu ya Mola wake Mlezi kwa sababu Mwenyezi Mungu alimpa ufalme? Ibrahim alipo sema: Mola wangu ni yule ambaye huhuisha na kufisha. Yeye akasema: Mimi pia nahuisha na kufisha. Ibrahim akasema: Mwenyezi Mungu hulichomozesha jua mashariki, basi wewe lichomozeshe magharibi. Akafedheheka yule aliye kufuru; na Mwenyezi Mungu hawaongoi watu madhaalimu."/>
		<aya index="259" text="Au kama yule aliye pita karibu na mji ulio kwisha kuwa magofu tu, akasema: Ataufufuaje Mwenyezi Mungu mji huu baada ya kufa kwake? Basi Mwenyezi Mungu alimfisha yeye muda wa miaka mia. Kisha akamfufua. Akamuuliza: Je umekaa muda gani? Akajibu: Labda nimekaa siku moja au sehemu ya siku. Akamwambia: Bali umekaa miaka mia wewe. Hebu angalia chakula chako na vinywaji vyako, havikuharibika. Na muangalie punda wako. Na ili tukufanye uwe ni Ishara kwa watu iangalie hii mifupa yake jinsi tunavyo inyanyua kisha tunaivisha nyama. Basi yalipo mbainikia alinena: Najua kwamba Mwenyezi Mungu ni Mwenye uweza juu ya kila kitu."/>
		<aya index="260" text="Na alipo sema Ibrahim: Mola wangu Mlezi! Nionyeshe vipi unavyo fufua wafu. Mwenyezi Mungu akasema: Kwani huamini? Akasema: Hasha! Lakini ili moyo wangu utue. Akamwambia: Twaa ndege wane na uwazoeshe kwako, kisha uweke juu ya kila kilima sehemu, kisha wete, watakujia mbio. Na ujue kwamba hakika Mwenyezi Mungu ni Mtukufu Mwenye nguvu, na Mwenye hikima."/>
		<aya index="261" text="Mfano wa wanao tumia mali zao katika Njia ya Mwenyezi Mungu ni kama mfano wa punje moja iliyo chipuza mashuke saba. Katika kila shuke zimo punje mia. Na Mwenyezi Mungu humzidishia amtakaye, na Mwenyezi Mungu ni Mwenye wasaa na Mwenye kujua."/>
		<aya index="262" text="Wanao toa mali zao kwa Njia ya Mwenyezi Mungu, kisha hawafuatishii masimbulizi wala udhia kwa walicho toa, wana ujira wao kwa Mola wao Mlezi, wala haitakuwa khofu juu yao wala hawatahuzunika."/>
		<aya index="263" text="Kauli njema na usamehevu ni bora kuliko sadaka inayo fuatiliwa na maudhi. Na Mwenyezi Mungu ndiye Mwenye kujitosha na Mpole."/>
		<aya index="264" text="Enyi mlio amini! Msiharibu sadaka zenu kwa masimbulizi na maudhi, kama anaye toa mali yake kwa kuwaonyesha watu, wala hamuamini Mwenyezi Mungu wala Siku ya Mwisho. Basi mfano wake ni kama mfano wa jabali ambalo juu yake pana udongo, kisha likapigwa na mvua kubwa, ikaliacha tupu. Basi hawatakuwa na uweza wowote kwa walivyo chuma. Na Mwenyezi Mungu hawaongoi watu makafiri."/>
		<aya index="265" text="Na mfano wa wale wanao toa mali zao kwa kuitafuta radhi ya Mwenyezi Mungu na kuzipa nguvu roho zao ni kama mfano wa bustani iliyo mahali pa juu, ikaifikia mvua kubwa na ikaleta mazao yake mardufu; na hata kama haifikiwi na mvua kubwa basi manyunyu hutosha. Na Mwenyezi Mungu anayaona mnayo yatenda."/>
		<aya index="266" text="Je! Yupo mmoja wenu anaye penda kuwa na kitalu cha mitende na mizabibu ipitayo mito kati yake, naye humo hupata mazao ya kila namna, na uzee ukamfikia naye hali ana watoto wanyonge, kikapigwa na kimbunga chenye moto, kikaungua? Hivi ndivyo Mwenyezi Mungu anavyo kubainishieni Ishara ili mpate kufikiri."/>
		<aya index="267" text="Enyi mlio amini! Toeni katika vile vizuri mlivyo vichuma, na katika vile tulivyo kutoleeni katika ardhi. Wala msikusudie kutoa vilivyo vibaya, hali nyinyi wenyewe msinge vipokea ila ingekuwa mmefumba macho. Na jueni kwamba Mwenyezi Mungu ni Mwenye kujitosha na Msifiwa."/>
		<aya index="268" text="Shet'ani anakutieni khofu ya ufakiri na anakuamrisheni mambo machafu. Na Mwenyezi Mungu anakuahidini msamaha na fadhila zitokazo kwake. Na Mwenyezi Mungu ni Mwenye wasaa, Mwenye kujua."/>
		<aya index="269" text="Yeye humpa hikima amtakaye; na aliye pewa hikima bila ya shaka amepewa kheri nyingi. Na hawakumbuki ila wenye akili."/>
		<aya index="270" text="Na chochote mnacho toa au nadhiri mnazo weka basi hakika Mwenyezi Mungu anajua. Na walio dhulumu hawana wa kuwanusuru."/>
		<aya index="271" text="Mkizidhihirisha sadaka ni vizuri; na mkizificha mkawapa mafakiri kwa siri basi hivyo ni kheri kwenu, na yatakuondoleeni baadhi ya maovu yenu. Na Mwenyezi Mungu anazo khabari za mnayo yatenda."/>
		<aya index="272" text="Si juu yako wewe kuwaongoa, lakini Mwenyezi Mungu humwongoa amtakaye. Na kheri yoyote mnayo toa ni kwa nafsi zenu. Wala msitoe ila kwa kutafuta wajihi wa Mwenyezi Mungu. Na kheri yoyote mtakayo toa mtalipwa kwa ukamilifu, wala hamtadhulumiwa."/>
		<aya index="273" text="Nawapewe mafakiri walio zuilika katika njia za Mwenyezi Mungu, wasio weza kusafiri katika nchi kutafuta riziki. Asiye wajua hali zao huwadhania kuwa ni matajiri kwa sababu ya kujizuia kwao. Utawatambua kwa alama zao; hawang'ang'analii watu kwa kuwaomba. Na kheri yoyote mnayo toa, basi kwa yakini Mwenyezi Mungu anaijua."/>
		<aya index="274" text="Wale wanao toa mali zao usiku na mchana, kwa siri na dhaahiri, wana ujira wao kwa Mola wao Mlezi; wala haitakuwa khofu juu yao, wala hawatahuzunika."/>
		<aya index="275" text="Wale walao riba hawasimami ila kama anavyo simama aliye zugwa na Shet'ani kwa kumgusa. Hayo ni kwa kuwa wamesema: Biashara ni kama riba. Lakini Mwenyezi Mungu ameihalalisha biashara na ameiharimisha riba. Basi aliye fikiwa na mawaidha kutoka kwa Mola wake Mlezi, kisha akajizuia, basi yake ni yaliyo kwisha pita, na mambo yake yako kwa Mwenyezi Mungu. Na wenye kurudia basi hao ndio watu wa Motoni, humo watadumu."/>
		<aya index="276" text="Mwenyezi Mungu huiondolea baraka riba, na huzibariki sadaka. Na Mwenyezi Mungu hampendi kila mwenye kukanya na afanyae dhambi."/>
		<aya index="277" text="Hakika wale walio amini na wakatenda mema na wakashika Sala na wakatoa Zaka, wao watapata ujira wao kwa Mola wao Mlezi, wala haitakuwa khofu juu yao, wala hawatahuzunika."/>
		<aya index="278" text="Enyi mlio amini! Mcheni Mwenyezi Mungu, na acheni riba zilizo bakia, ikiwa nyinyi ni Waumini."/>
		<aya index="279" text="Basi mkitofanya jitangazieni vita na Mwenyezi Mungu na Mtume wake. Na mkitubu, basi haki yenu ni rasilmali zenu. Msidhulumu wala msidhulumiwe."/>
		<aya index="280" text="Na akiwa (mdaiwa) ana shida, basi (mdai) angoje mpaka afarijike. Na mkiifanya deni kuwa ni sadaka, basi ni bora kwenu, ikiwa mnajua."/>
		<aya index="281" text="Na iogopeni Siku ambayo mtarudishwa kwa Mwenyezi Mungu, kisha kila nafsi italipwa ilicho chuma. Nao hawatadhulumiwa."/>
		<aya index="282" text="Enyi mlio amini! Mnapo kopeshana deni kwa muda ulio wekwa, basi andikeni. Na mwandishi aandike baina yenu kwa uadilifu, wala mwandishi asikatae kuandika. Aandike kama alivyo mfunza Mwenyezi Mungu. Na mwenye deni juu yake aandikishe; naye amche Mwenyezi Mungu, Mola wake Mlezi. Wala asipunguze chochote ndani yake. Na akiwa mwenye kudaiwa ni mtu aliye pumbaa au mnyonge au hawezi kuandikisha mwenyewe, basi aandikishe mlinzi wake kwa uadilifu. Na mshuhudishe mashahidi wawili katika wanaume wenu. Ikiwa hapana wanaume wawili, basi mwanamume mmoja na wanawake wawili katika mnao waridhia kuwa mashahidi. Ili ikiwa mmoja wao akipotea, mmoja wao amkumbushe mwengine. Na mashahidi wasikatae waitwapo. Wala msipuuze kuliandika deni likiwa dogo au kubwa mpaka muda wake. Hayo ndiyo haki zaidi mbele ya Mwenyezi Mungu, na ndiyo sawa zaidi kwa ushahidi, na vyema zaidi ili msiwe na shaka. Ila ikiwa ni biashara ya mkono-kwa-mkono baina yenu, basi hapo si vibaya kwenu msipo iandika. Lakini mnapo uziana wekeni mashahidi. Wala asitiwe matatani mwandishi wala shahidi. Na mkifanya hivyo basi hakika hilo ni kosa kwenu. Na mcheni Mwenyezi Mungu. Na Mwenyezi Mungu anakufundisheni. Na Mwenyezi Mungu ni Mjuzi wa kila kitu."/>
		<aya index="283" text="Na mkiwa safarini na hamkupata mwandishi, yatosha kukabidhiwa rahani. Na mmoja wenu akimwekea amana mwenziwe basi aliye aminiwa airudishe amana ya mwenzake, na amche Mwenyezi Mungu, Mola wake Mlezi. Wala msifiche ushahidi. Na atakaye ficha basi hakika moyo wake ni wenye kutenda dhambi. Na Mwenyezi Mungu ni Mjuzi wa mnayo yatenda."/>
		<aya index="284" text="Viliomo mbinguni na viliomo duniani ni vya Mwenyezi Mungu. Na mkidhihirisha yaliyomo katika nafsi zenu au mkayaficha, Mwenyezi Mungu atakuhisabuni kwayo. Kisha amsamehe amtakaye na amuadhibu amtakaye. Na Mwenyezi Mungu ni Mwenye uweza juu ya kila kitu."/>
		<aya index="285" text="Mtume ameamini yaliyo teremshwa kwake kutoka kwa Mola Mlezi wake, na Waumini vile vile. Wote wamemuamini Mwenyezi Mungu, na Malaika wake, na Vitabu vyake na Mitume wake. Hatutafautishi baina ya yeyote katika Mitume wake, na (Waumini) husema: Tumesikia na tumet'ii. Tunakutaka maghfira Mola Mlezi wetu! Na marejeo ni kwako."/>
		<aya index="286" text="Mwenyezi Mungu haikalifishi nafsi yoyote ila kwa kadiri ya iwezavyho. Faida ya iliyo yachuma ni yake, na khasara ya iliyo yachuma ni juu yake pia. (Ombeni:) Mola wetu Mlezi! Usituchukulie tukisahau au tukikosea. Mola wetu Mlezi! Usitubebeshe mzigo kama ulio wabebesha wale walio kuwa kabla yetu. Mola wetu Mlezi Usitutwike tusiyo yaweza, na utusamehe, na utughufirie, na uturehemu. Wewe ndiye Mlinzi wetu. Basi tupe ushindi tuwashinde kaumu ya makafiri."/>
	</sura>
	<sura index="3" name="">
		<aya index="1" text="Alif Laam Miim."/>
		<aya index="2" text="Mwenyezi Mungu, hakuna mungu ila Yeye Aliye Hai, Msimamizi wa yote milele."/>
		<aya index="3" text="Amekuteremshia Kitabu kwa haki, kinacho sadikisha yaliyo kuwa kabla yake. Na aliteremsha Taurati na Injili"/>
		<aya index="4" text="Kabla yake, ziwe uwongofu kwa watu. Na akateremsha Furqani (Upambanuo). Hakika walio zikanusha Ishara za Mwenyezi Mungu watakuwa na adhabu kali. Na Mwenyezi Mungu ni Mwenye nguvu na Mwenye kulipa."/>
		<aya index="5" text="Hakika Mwenyezi Mungu hakifichiki chochote kwake, duniani wala mbinguni."/>
		<aya index="6" text="Yeye ndiye anaye kuundeni ndani ya matumbo ya wazazi kwa namna apendayo. Hapana mungu ila Yeye, Mwenye nguvu na Mwenye hikima."/>
		<aya index="7" text="Yeye ndiye aliye kuteremshia Kitabu hichi. Ndani yake zimo Aya muhkam, zenye maana wazi. Hizo ndizo msingi wa Kitabu hichi. Na ziko nyengine za mifano. Ama wale ambao nyoyoni mwao umo upotovu wanafuata zile za mifano kwa kutafuta fitna, na kutafuta maana yake; na wala hapana ajuaye maana yake ila Mwenyezi Mungu. Na wale wenye msingi madhubuti katika ilimu husema: Sisi tumeziamini, zote zimetoka kwa Mola wetu Mlezi. Lakini hawakumbuki hayo isipo kuwa wenye akili."/>
		<aya index="8" text="(Na hao husema): Mola wetu Mlezi! Usizipotoe nyoyo zetu baada ya kwisha tuongoa, na utupe rehema itokayo kwako. Hakika Wewe ndiye Mpaji."/>
		<aya index="9" text="Mola wetu Mlezi! Wewe ndiye Mkusanyaji wa watu kwa Siku isiyo na shaka ndani yake. Hakika Mwenyezi Mungu havunji miadi yake."/>
		<aya index="10" text="Kwa hakika wale walio kufuru hazitowafaa kitu kwa Mwenyezi Mungu mali zao, wala watoto wao; nao hao ndio kuni za Motoni-"/>
		<aya index="11" text="- Kama yaliyo wapata watu wa Firauni na wale walio kuwa kabla yao. Walikanusha Ishara zetu, basi Mwenyezi Mungu aliwashika kwa madhambi yao; na Mwenyezi Mungu ni Mkali wa kuadhibu."/>
		<aya index="12" text="Waambie walio kufuru: Karibuni mtashindwa na mtakusanywa, mtiwe kwenye Jahannam; nako huko ni makao mabaya kabisa."/>
		<aya index="13" text="Hakika ilikuwa ni Ishara kwenu katika yale majeshi mawili yalipo pambana. Jeshi moja likipigana katika Njia ya Mwenyezi Mungu, na jingine kafiri likiwaona zaidi kuliko wao mara mbili, kwa kuona kwa macho. Na Mwenyezi Mungu humuunga mkono amtakaye kwa nusura yake. Hakika katika hayo yapo mazingatio kwa wenye macho."/>
		<aya index="14" text="Watu wamepambiwa kupenda matamanio ya wanawake, na wana, na mirundi ya dhahabu na fedha, na farasi asili, na mifugo, na mashamba. Hayo ni starehe ya maisha ya duniani; na kwa Mwenyezi Mungu ndio kwenye marejeo mema."/>
		<aya index="15" text="Sema: Nikwambieni yaliyo bora kuliko hayo? Kwa wachamngu ziko Bustani kwa Mola wao zipitazo mito kati yake. Watadumu humo, na wake walio takaswa, na wanazo radhi za Mwenyezi Mungu. Na Mwenyezi Mungu ni Mwenye kuwaona waja wake,"/>
		<aya index="16" text="Ambao husema: Mola wetu Mlezi! Hakika sisi tumeamini, basi tufutie madhambi yetu, na tuepushe na adhabu ya Moto,"/>
		<aya index="17" text="Wanao subiri, wanao sema kweli, na wat'iifu, na wanao toa sadaka, na wanao omba maghafira kabla ya alfajiri."/>
		<aya index="18" text="Mwenyezi Mungu, na Malaika, na wenye ilimu, wameshuhudia kuwa hakika hapana mungu ila Yeye, ndiye Mwenye kusimamisha uadilifu; hapana mungu ila Yeye Mwenye nguvu na Mwenye hikima."/>
		<aya index="19" text="Bila ya shaka Dini mbele ya Mwenyezi Mungu ni Uislamu. Na walio pewa Kitabu hawakukhitalifiana ila baada ya kuwajia ujuzi, kwa sababu ya uhasidi ulio kuwa baina yao. Na anaye zikataa Ishara za Mwenyezi Mungu basi hakika Mwenyezi Mungu ni Mwepesi wa kuhisabu."/>
		<aya index="20" text="Na pindi wakikuhoji, basi sema: Mimi nimeusalimisha uso wangu kumwelekea Mwenyezi Mungu, na kadhaalika walio nifuata. Na waambie walio pewa Kitabu na wasio na kisomo: Je! Mmesilimu? Wakisilimu basi wameongoka. Na wakikengeuka basi juu yako ni kufikisha ujumbe tu. Na Mwenyezi Mungu ni Mwenye kuwaona waja wake."/>
		<aya index="21" text="Hakika wanao zikataa Ishara za Mwenyezi Mungu, na wakawauwa Manabii pasipo haki, na wakawauwa watu waamrishao Haki wabashirie adhabu kali."/>
		<aya index="22" text="Hao ndio ambao vitendo vyao vimeharibika duniani na Akhera. Nao hawatapata wa kuwanusuru."/>
		<aya index="23" text="Huwaoni wale walio pewa sehemu ya Kitabu? Wanaitwa kukiendea Kitabu cha Mwenyezi Mungu ili kiwahukumu baina yao; kisha baadhi yao wanageuka wanakikataa."/>
		<aya index="24" text="Hayo ni kwa sababu walisema: Hautatugusa Moto isipo kuwa kwa siku chache tu. Na yakawadanganya katika dini yao yale ambayo wenyewe waliyo kuwa wakiyazua."/>
		<aya index="25" text="Basi itakuwaje tutakapo wakusanya Siku ambayo haina shaka kuja kwake? Na kila nafsi italipwa kama ilivyo chuma, bila ya kudhulumiwa."/>
		<aya index="26" text="Sema: Ewe Mwenyezi Mungu uliye miliki ufalme wote! Wewe humpa ufalme umtakaye, na humwondolea ufalme umtakaye, na humtukuza umtakaye, na humuangusha umtakaye. Kheri yote iko mikononi mwako. Hakika Wewe ni Muweza wa kila kitu."/>
		<aya index="27" text="Wewe huingiza usiku katika mchana, na huuingiza mchana katika usiku. Na humtoa hai kutokana na maiti, na humtoa maiti kutokana na aliye hai. Na unamruzuku umtakaye bila ya hisabu."/>
		<aya index="28" text="Waumini wasiwafanye makafiri kuwa wapenzi wao badala ya Waumini. Na anaye fanya hivyo, basi hatakuwa chochote mbele ya Mwenyezi Mungu. Ila ikiwa kwa ajili ya kujilinda na shari zao. Na Mwenyezi Mungu anakuhadharisheni naye. Na marejeo ni kwa Mwenyezi Mungu."/>
		<aya index="29" text="Sema: Mkificha yaliyomo vifuani mwenu au mkiyafichua Mwenyezi Mungu anayajua; na anayajua yaliyomo mbinguni na yaliyomo duniani. Na Mwenyezi Mungu ni Muweza wa kila kitu."/>
		<aya index="30" text="Siku ambayo kila nafsi itakuta mema iliyo yafanya yamehudhurishwa, na pia ubaya ilio ufanya. Itapenda nafsi lau kungekuwako masafa marefu baina ya ubaya huo na yeye. Na Mwenyezi Mungu anakuhadharisheni naye. Na Mwenyezi Mungu ni Mpole kwa waja wake."/>
		<aya index="31" text="Sema: Ikiwa nyinyi mnampenda Mwenyezi Mungu basi nifuateni mimi, Mwenyezi Mungu atakupendeni na atakufutieni madhambi yenu. Na Mwenyezi Mungu ni Mwenye kufuta madhambi na Mwenye kurehemu."/>
		<aya index="32" text="Sema: Mt'iini Mwenyezi Mungu na Mtume. Na wakigeuka basi Mwenyezi Mungu hawapendi makafiri."/>
		<aya index="33" text="Hakika Mwenyezi Mungu alimteuwa Adam na Nuhu na ukoo wa Ibrahim na ukoo wa Imran juu ya walimwengu wote."/>
		<aya index="34" text="Ni wazao wao kwa wao; na Mwenyezi Mungu ni Mwenye kusikia na Mwenye kujua."/>
		<aya index="35" text="Alipo sema mke wa Imran: Mola wangu Mlezi! Nimekuwekea nadhiri kilichomo tumboni mwangu kuwa wakfu; basi nikubalie. Hakika Wewe ndiye Mwenye kusikia na Mwenye kujua."/>
		<aya index="36" text="Basi alipo mzaa alisema: Mola wangu Mlezi! Nimemzaa mwanamke - na Mwenyezi Mungu anajua sana aliye mzaa - Na mwanamume si sawa na mwanamke. Na mimi nimemwita Maryamu. Nami namkinga kwako, yeye na uzao wake, uwalinde na Shet'ani aliye laaniwa."/>
		<aya index="37" text="Tena Mola wake Mlezi akampokea kwa mapokeo mema na akamkuza makuzo mema, na akamfanya Zakariya awe mlezi wake. Kila mara Zakariya alipo ingia chumbani kwake alimkuta na vyakula. Basi alimwambia: Ewe Maryamu! Unavipata wapi hivi? Naye akasema: Hivi vinatoka kwa Mwenyezi Mungu; na Mwenyezi Mungu humruzuku amtakaye bila ya hisabu."/>
		<aya index="38" text="Pale pale Zakariya akamwomba Mola wake Mlezi, akasema: Mola wangu Mlezi! Nipe kutoka kwako uzao mwema. Wewe ndiye unaye sikia maombi."/>
		<aya index="39" text="Alipo kuwa kasimama chumbani akisali, Malaika kamnadia: Hakika Mwenyezi Mungu anakubashiria Yahya, ataye kuwa mwenye kusadikisha neno litokalo kwa Mwenyezi Mungu, na ni bwana na mt'awa na Nabii kwa watu wema."/>
		<aya index="40" text="Akasema Zakariya: Mola wangu Mlezi! Vipi nitapata mwana na hali ukongwe umenifikia, na mke wangu ni tasa? Akasema: Ndivyo vivyo hivyo, Mwenyezi Mungu hufanya apendavyo."/>
		<aya index="41" text="Akasema: Mola wangu Mlezi! Niwekee alama. Akasema: Alama yako ni kuwa hutasema na watu kwa siku tatu, isipo kuwa kwa kuashiria tu. Na mdhukuru Mola Mlezi wako kwa wingi na mtakase jioni na asubuhi."/>
		<aya index="42" text="Na angalia pale Malaika walipo sema: Ewe Maryamu! Kwa hakika Mwenyezi Mungu amekuteuwa, na akakutakasa, na akakutukuza kuliko wanawake wote."/>
		<aya index="43" text="Ewe Maryamu! Mnyenyekee Mola Mlezi wako na usujudu na uiname pamoja na wainamao."/>
		<aya index="44" text="Hizi ni khabari za ghaibu tunazo kufunulia; nawe hukuwa nao walipo kuwa wakitupa kalamu zao nani wao atamlea Maryamu, na hukuwa nao walipo kuwa wakishindana."/>
		<aya index="45" text="Na pale Malaika walipo sema: Ewe Maryamu! Hakika Mwenyezi Mungu anakubashiria (mwana) kwa neno litokalo kwake. Jina lake ni Masihi Isa mwana wa Maryamu, mwenye hishima katika dunia na Akhera, na miongoni mwa walio karibishwa (kwa Mwenyezi Mungu)."/>
		<aya index="46" text="Naye atazungumza na watu katika utoto wake na katika utuuzima wake, na atakuwa katika watu wema."/>
		<aya index="47" text="Maryamu akasema: Mola wangu Mlezi! Vipi nitampata mwana na hali hajanigusa mwanaadamu? Mwenyezi Mungu akasema: Ndivyo vivyo hivyo, Mwenyezi Mungu huumba apendacho. Anapo hukumu jambo, huliambia: Kuwa! Likawa."/>
		<aya index="48" text="Na atamfunza kuandika na Hikima na Taurati na Injili."/>
		<aya index="49" text="Na ni Mtume kwa Wana wa Israili kuwaambia: Mimi nimekujieni na Ishara kutoka kwa Mola Mlezi wenu, ya kwamba nakuundieni kwa udongo kama sura ya ndege. Kisha nampuliza anakuwa ndege kwa idhini ya Mwenyezi Mungu. Na ninawaponesha vipofu wa tangu kuzaliwa na wakoma, na ninawafufua maiti kwa idhini ya Mwenyezi Mungu, na ninakwambieni mnacho kila na mnacho weka akiba katika nyumba zenu. Hakika katika haya ipo Ishara kwenu ikiwi nyinyi ni wenye kuamini."/>
		<aya index="50" text="Na ninasadikisha yaliyo kuwa kabla yangu katika Taurati, na ili nikuhalalishieni baadhi ya yale mlio harimishiwa, na nimekujieni na Ishara kutokana na Mola Mlezi wenu. Kwa hivyo mcheni Mwenyezi Mungu na nit'iini mimi."/>
		<aya index="51" text="Hakika Mwenyezi Mungu ni Mola wangu Mlezi na ni Mola wenu Mlezi. Basi muabudni Yeye. Hii ndiyo Njia Iliyo Nyooka."/>
		<aya index="52" text="Isa alipo hisi kuwa kati yao pana ukafiri alisema: Nani wasaidizi wangu kwa Mwenyezi Mungu? Wanafunzi wake wakasema: Sisi ni wasaidizi wa Mwenyezi Mungu. Tumemuamini Mwenyezi Mungu, na shuhudia kwamba sisi hakika ni Waislamu."/>
		<aya index="53" text="Mola wetu Mlezi! Tumeyaamini uliyo yateremsha, na tumemfuata huyu Mtume, basi tuandike pamoja na wanao shuhudia."/>
		<aya index="54" text="Na Makafiri walipanga mipango na Mwenyezi Mungu akapanga mipango, na Mwenyezi Mungu ndiye mbora wa wenye kupanga."/>
		<aya index="55" text="Pale Mwenyezi Mungu alipo sema: Ewe Isa! Mimi nitakufisha, na nitakunyanyua kwangu, na nitakutakasa na wale walio kufuru, na nitawaweka wale walio kufuata juu ya wale walio kufuru, mpaka Siku ya Kiyama. Kisha marejeo yenu yatakuwa kwangu, nikuhukumuni katika yale mliyo kuwa mkikhitalifiana."/>
		<aya index="56" text="Ama wale walio kufuru, nitawaadhibu adhabu kali katika dunia na Akhera, wala hawatapata wa kuwanusuru."/>
		<aya index="57" text="Na ama wale walio amini na wakatenda mema basi Mwenyezi Mungu atawalipa ujira wao kaamili. Na Mwenyezi Mungu hawapendi madhaalimu."/>
		<aya index="58" text="Haya tunayo kusomea ni katika Aya na Ukumbusho wenye hikima."/>
		<aya index="59" text="Hakika mfano wa Isa kwa Mwenyezi Mungu ni kama mfano wa Adam; alimuumba kwa udongo kisha akamwambia: Kuwa! Basi akawa."/>
		<aya index="60" text="Hii ni kweli itokayo kwa Mola wako Mlezi. Basi usiwe miongoni mwa wanao fanya shaka."/>
		<aya index="61" text="Watakao kuhoji katika haya baada ya kukufikilia ilimu hii waambie: Njooni tuwaite watoto wetu na watoto wenu, na wake zetu na wake zenu, na sisi wenyewe na nyinyi wenyewe, kisha tuombe kwa unyenyekevu tutake laana ya Mwenyezi Mungu iwashukie waongo."/>
		<aya index="62" text="Hakika haya ndiyo maelezo ya kweli. Na hakuna mungu ila Mwenyezi Mungu tu, na hakika Mwenyezi Mungu ndiye Mwenye nguvu na Mwenye hikima."/>
		<aya index="63" text="Na kama wakigeuka basi Mwenyezi Mungu anawajua waharibifu."/>
		<aya index="64" text="Sema: Enyi Watu wa Kitabu! Njooni kwenye neno lilio sawa baina yetu na nyinyi: Ya kwamba tusimuabudu yeyote ila Mwenyezi Mungu, wala tusimshirikishe na chochote; wala tusifanyane sisi kwa sisi kuwa Waola Walezi badala ya Mwenyezi Mungu. Na wakigeuka basi semeni: Shuhudieni ya kwamba sisi ni Waislamu."/>
		<aya index="65" text="Enyi Watu wa Kitabu! Mbona mnabishana juu ya Ibrahim, na hali Taurati na Injili hazikuteremshwa ila baada yake? Basi hamzingatii?"/>
		<aya index="66" text="Angalieni! Nyinyi mlibishana katika yale mliyo yajua. Mbona sasa mnabishana katika yale msiyo yajua? Na Mwenyezi Mungu ndiye ajuaye, na nyinyi hamjui."/>
		<aya index="67" text="Ibrahim hakuwa Yahudi wala Mkristo, lakini alikuwa mwongofu Muislamu, wala hakuwa katika washirikina."/>
		<aya index="68" text="Watu wanao mkaribia zaidi Ibrahim ni wale walio mfuata yeye na Nabii huyu na walio amini. Na Mwenyezi Mungu ndiye Mlinzi wa Waumini."/>
		<aya index="69" text="Kipo kikundi katika Watu wa Kitabu wanao penda kukupotezeni; lakini hawapotezi ila nafsi zao, nao wenyewe hawatambui."/>
		<aya index="70" text="Enyi Watu wa Kitabu! Mbona mnazikataa Ishara za Mwenyezi Mungu ilhali nyinyi mnashuhudia?"/>
		<aya index="71" text="Enyi Watu wa Kitabu! Mbona kweli mnaivisha uwongo, na kweli mnaificha na hali mnajua?"/>
		<aya index="72" text="Na kikundi katika Watu wa Kitabu walisema: Yaaminini yale waliyo teremshiwa wenye kuamini mwanzo wa mchana, na yakataeni mwisho wake; huenda wakarejea."/>
		<aya index="73" text="Wala msimuamini ila anaye fuata dini yenu. Sema: Hakika uwongofu ni uwongofu wa Mwenyezi Mungu, kuwa apewe mtu mfano wa mlio pewa nyinyi au wakuhojini mbele ya Mola wenu Mlezi. Sema: Hakika fadhila zimo mikononi mwa Mwenyezi Mungu. Humpa amtakaye. Na Mwenyezi Mungu ni Mwenye wasaa na Mjuzi."/>
		<aya index="74" text="Yeye humchagua kumpa rehema zake amtakaye; na Mwenyezi Mungu ndiye Mwenye fadhila kubwa."/>
		<aya index="75" text="Na miongoni mwa Watu wa Kitabu yupo ambaye ukimpa amana ya mrundi wa mali atakurudishia, na miongoni mwao yupo ambaye ukimpa amana ya dinari moja hakurudishii isipo kuwa ukimsimamia kumdai. Haya ni kwa kuwa wakisema: Hatuna lawama kwa ajili ya hawa wasio jua kusoma. Na wanamzulia uwongo Mwenyezi Mungu, hali nao wanajua."/>
		<aya index="76" text="Sivyo hivyo, bali anaye timiza ahadi yake na akamchamngu basi Mwenyezi Mungu huwapenda wachamngu."/>
		<aya index="77" text="Hakika wanao uza ahadi ya Mwenyezi Mungu na viapo vyao thamani ndogo, hao hawatakuwa na sehemu ya kheri yoyote katika Akhera, wala Mwenyezi Mungu hatasema nao wala hatawatazama Siku ya Kiyama, wala hatawatakasa, nao watapata adhabu chungu."/>
		<aya index="78" text="Na wapo baadhi yao wanao pindua ndimi zao katika kusoma Kitabu ili mdhanie kuwa hayo yanatoka Kitabuni, na wala hayatoki Kitabuni. Na husema: Haya yametoka kwa Mwenyezi Mungu. Na wala hayatoki kwa Mwenyezi Mungu. Na wanamsingizia Mwenyezi Mungu uwongo na wao wanajua."/>
		<aya index="79" text="Haiwezi kuwa mtu aliye pewa na Mwenyezi Mungu Kitabu na hikima na Unabii kisha awaambie watu: Kuweni wa kuniabudu mimi badala ya Mwenyezi Mungu. Bali atawaambia: Kuweni wenye kumuabudu Mola Mlezi wa viumbe vyote, kwa kuwa nyinyi mnafundisha Kitabu na kwa kuwa mnakisoma."/>
		<aya index="80" text="Wala hatakuamrisheni kuwafanya Malaika na Manabii kuwa ni miungu. Je, atakuamrisheni ukafiri baada ya kuwa nyinyi Waislamu?"/>
		<aya index="81" text="Na pale Mwenyezi Mungu alipo chukua ahadi kwa Manabii: Nikisha kupeni Kitabu na hikima, kisha akakujieni Mtume mwenye kusadikisha mliyo nayo, ni juu yenu mumuamini na mumsaidie. Akasema: Je, mmekiri na mmekubali kushika agizo langu juu ya hayo? Wakasema: Tumekubali. Akasema: Basi shuhudieni, na Mimi ni pamoja nanyi katika kushuhudia."/>
		<aya index="82" text="Watakao geuka baada ya haya basi hao ndio wapotovu."/>
		<aya index="83" text="Je, wanataka dini isiyo kuwa ya Mwenyezi Mungu, na hali kila kilichomo mbinguni na katika ardhi kimesilimu kwa kumt'ii Yeye kikipenda kisipende, na kwake Yeye watarejeshwa?"/>
		<aya index="84" text="Sema: Tumemuamini Mwenyezi Mungu, na tuliyo teremshiwa sisi, na aliyo teremshiwa Ibrahim, na Ismail, na Is-haak na Yaakub na wajukuu zao, na aliyo pewa Musa na Isa na Manabii wengine kutoka kwa Mola wao Mlezi. Hatubagui baina yao hata mmoja, na sisi ni wenye kusilimu kwake."/>
		<aya index="85" text="Na anaye tafuta dini isiyo kuwa Uislamu haitakubaliwa kwake. Naye Akhera atakuwa katika wenye kukhasiri."/>
		<aya index="86" text="Mwenyezi Mungu atawaongoaje watu walio kufuru baada ya kuamini kwao, na wakashuhudia ya kuwa Mtume huyu ni wa haki, na zikawafikia hoja zilizo wazi? Mwenyezi Mungu hawaongoi watu madhaalimu."/>
		<aya index="87" text="Hao malipo yao ni kuwa ipo juu yao laana ya Mwenyezi Mungu na ya Malaika na ya watu wote."/>
		<aya index="88" text="Humo watadumu. Hawatapunguziwa adhabu wala hawatapewa nafasi."/>
		<aya index="89" text="Isipo kuwa wale walio tubu baada ya hayo na wakatengenea; kwani Mwenyezi Mungu ni Mwenye kusamehe na Mwenye kurehemu."/>
		<aya index="90" text="Hakika wale walio kufuru baada ya kuamini kwao, kisha wakazidi kukufuru, toba yao haitakubaliwa, na hao ndio walio potea."/>
		<aya index="91" text="Hakika wale walio kufuru, na wakafa hali ni makafiri haitakubaliwa kutoka kwa yeyote wao fidia ya dhahabu ya kujaza dunia nzima lau wangeli itoa. Hao watapata adhabu chungu, wala hawatakuwa na wa kuwanusuru."/>
		<aya index="92" text="KABISA HAMTAFIKIA wema mpaka mtoe katika vile mnavyo vipenda. Na kitu chochote mnacho kitoa basi hakika Mwenyezi Mungu anakijua."/>
		<aya index="93" text="Kila chakula kilikuwa halali kwa Wana wa Israili isipo kuwa alicho jizuilia Israili mwenyewe kabla haijateremshwa Taurati. Sema: Leteni Taurati muisome ikiwa nyinyi ni wasema kweli."/>
		<aya index="94" text="Na wanao mzulia uwongo Mwenyezi Mungu baada ya hayo, basi hao ndio madhaalimu."/>
		<aya index="95" text="Sema: Mwenyezi Mungu amesema kweli. Basi fuateni mila ya Ibrahim mwongofu, wala hakuwa miongoni mwa washirikina."/>
		<aya index="96" text="Hakika Nyumba ya kwanza walio wekewa watu kwa ibada ni ile iliyoko Bakka, iliyo barikiwa na yenye uwongofu kwa walimwengu wote."/>
		<aya index="97" text="Ndani yake zipo Ishara zilizo wazi - masimamio ya Ibrahim, na mwenye kuingia humo anakuwa katika amani. Na kwa ajili ya Mwenyezi Mungu imewajibikia watu wahiji kwenye Nyumba hiyo, kwa yule awezae njia ya kwendea. Na atakaye kanusha basi Mwenyezi Mungu si mhitaji kwa walimwengu."/>
		<aya index="98" text="Sema: Enyi Watu wa Kitabu! Kwa nini mnakanusha ishara za Mwenyezi Mungu, na ilhali kuwa Mwenyezi Mungu ni Shahidi kwa yote mnayo yatenda?"/>
		<aya index="99" text="Sema: Enyi Watu wa Kitabu! Kwa nini mnamzuilia aliye amini Njia ya Mwenyezi Mungu mkiitafutia kosa, na hali nyinyi mnashuhudia? Na Mwenyezi Mungu si mwenye kughafilika na mnayo yatenda."/>
		<aya index="100" text="Enyi mlio amini! Mkiwat'ii baadhi ya walio pewa Kitabu watakurudisheni kuwa makafiri baada ya Imani yenu."/>
		<aya index="101" text="Na vipi mkufuru hali nyinyi mnasomewa Aya za Mwenyezi Mungu na Mtume yuko kati yenu? Na mwenye kushikamana na Mwenyezi Mungu basi huyo ameongozwa kwenye Njia Iliyo Nyooka."/>
		<aya index="102" text="Enyi mlio amini! Mcheni Mwenyezi Mungu kama ipasavyo kumcha; wala msife ila nanyi ni Waislamu."/>
		<aya index="103" text="Na shikamaneni kwa Kamba ya Mwenyezi Mungu nyote pamoja, wala msifarikiane. Na kumbukeni neema ya Mwenyezi Mungu iliyo juu yenu: vile mlivyo kuwa nyinyi kwa nyinyi maadui naye akaziunganisha nyoyo zenu; kwa neema yake mkawa ndugu. Na mlikuwa ukingoni mwa shimo la Moto, naye akakuokoeni nalo. Namna hivi Mwenyezi Mungu anakubainishieni Ishara zake ili mpate kuongoka."/>
		<aya index="104" text="Na uwe kutokana na nyinyi umma unao lingania kheri na unao amrisha mema na unakataza maovu. Na hao ndio walio fanikiwa."/>
		<aya index="105" text="Wala msiwe kama wale walio farikiana na kukhitalifiana baada ya kuwafikia hoja zilizo wazi. Na hao ndio watakao kuwa na adhabu kubwa."/>
		<aya index="106" text="Siku ambayo nyuso zitanawiri na nyuso zitasawijika. Ama hao ambao nyuso zao zitasawijika wataambiwa: Je! Mlikufuru baada ya kuamini kwenu? Basi onjeni adhabu kwa vile mlivyo kuwa mnakufuru."/>
		<aya index="107" text="Ama wale ambao nyuso zao zitanawiri watakuwa katika rehema ya Mwenyezi Mungu. Wao humo watadumu."/>
		<aya index="108" text="Hizi ni Aya za Mwenyezi Mungu tunakusomea kwa haki. Na Mwenyezi Mungu hataki kuwadhulumu walimwengu."/>
		<aya index="109" text="Na kila kilichomo mbinguni na kilichomo ardhini ni cha Mwenyezi Mungu; na mambo yote yatarejea kwa Mwenyezi Mungu."/>
		<aya index="110" text="Nyinyi mmekuwa bora ya umma walio tolewa watu, kwa kuwa mnaamrisha mema na mnakataza maovu, na mnamuamini Mwenyezi Mungu. Na lau kuwa Watu wa Kitabu nao wameamini ingeli kuwa bora kwao. Wapo miongoni mwao waumini, lakini wengi wao wapotovu."/>
		<aya index="111" text="Maadui hawatakudhuruni ila ni maudhi tu. Na wakipigana nanyi watakupeni mgongo, na tena hawatanusuriwa."/>
		<aya index="112" text="Wamepigwa na udhalili popote wanapo kutikana, isipo kuwa wakishika kamba ya Mwenyezi Mungu na kamba ya watu. Na wakastahiki ghadhabu ya Mwenyezi Mungu, na wamepigwa na unyonge. Hayo ni kwa sababu walikuwa wakizikataa Ishara za Mwenyezi Mungu, na wakiwauwa Manabii pasina haki; hayo ni kwa sababu waliasi na walikuwa wakiruka mipaka."/>
		<aya index="113" text="Wote hao si sawa sawa. Miongoni mwa Watu wa Kitabu wamo watu walio simama baraabara, wanasoma Aya za Mwenyezi Mungu nyakati za usiku, na pia wanasujudu."/>
		<aya index="114" text="Wanamuamini Mwenyezi Mungu na Siku ya Mwisho, na wanaamrisha mema na wanakataza maovu na wanakimbilia katika mambo ya kheri. Na hao ndio miongoni mwa watenda mema."/>
		<aya index="115" text="Na kheri yoyote wanayo ifanya hawatanyimwa malipwa yake. Na Mwenyezi Mungu anawajua wachamngu."/>
		<aya index="116" text="Hakika wale walio kufuru hazitawafaa kitu mali zao wala watoto wao mbele ya Mwenyezi Mungu. Na hao ndio watu wa Motoni - humo watadumu."/>
		<aya index="117" text="Mfano wa vile wanavyo vitoa katika uhai wao wa duniani ni kama upepo ambao ndani yake ipo baridi ya barafu, ukalisibu shamba la watu walio dhulumu nafsi zao, ukaliteketeza. Na Mwenyezi Mungu hakuwadhulumu, bali wao wenyewe wanadhulumu nafsi zao."/>
		<aya index="118" text="Enyi mlio amini! Msiwafanye wasiri wenu watu wasio kuwa katika nyinyi. Hawataacha kukufanyieni ubaya. Wanayapenda yanayo kudhuruni. Imekwisha fichuka chuki yao katika midomo yao. Na yanayo ficha vifua vyao ni makubwa zaidi. Tumekwisha kubainishieni Ishara ikiwa nyinyi mtayatia akilini."/>
		<aya index="119" text="Hivyo basi nyinyi ndio mnawapenda watu hao, wala wao hawakupendeni. Nanyi mnaviamini Vitabu vyote. Na wanapo kutana nanyi husema: Tumeamini. Na wanapo kuwa peke yao wanakuumieni vidole kwa chuki. Sema: Kufeni kwa chuki yenu! Hakika Mwenyezi Mungu anayajua yaliomo vifuani."/>
		<aya index="120" text="Ikikupateni kheri huwaudhi. Na ikikupateni shari wanafurahia. Na nyinyi mkisubiri na mkajizuilia, hila zao hazitakudhuruni kitu. Hakika Mwenyezi Mungu ni mwenye kuyazunguka yote wayatendayo."/>
		<aya index="121" text="Na pale ulipo toka asubuhi, ukaacha ahali zako uwapange Waumini kwenye vituo kwa ajili ya vita - na Mwenyezi Mungu anasikia na anajua."/>
		<aya index="122" text="Makundi mawili miongoni mwenu yakaingiwa na woga kuwa watashindwa - na hali Mwenyezi Mungu ndiye Mlinzi wao; na Waumini wamtegemee Mwenyezi Mungu tu."/>
		<aya index="123" text="Na Mwenyezi Mungu alikwisha kunusuruni katika Badri nanyi mlikuwa wanyonge. Basi mcheni Mwenyezi Mungu ili mpate kushukuru."/>
		<aya index="124" text="Ulipo waambia Waumini: Je, haitakutosheni ikiwa Mola wenu atakusaidieni kwa Malaika elfu tatu walio teremshwa?"/>
		<aya index="125" text="Kwani! Ikiwa mtavumilia na mkamchamngu na hata maadui wakikutokeeni kwa ghafla, basi hapo Mola wenu Mlezi atakusaidieni kwa Malaika elfu tano wanao shambulia kwa nguvu."/>
		<aya index="126" text="Na Mwenyezi Mungu hakufanya haya ila kuwa ni bishara kwenu, na ili nyoyo zenu zipate kutua. Na msaada hautoki isipo kuwa kwa Mwenyezi Mungu, Aliye tukuka, Mwenye nguvu na Mwenye hikima."/>
		<aya index="127" text="Haya ni kwa ajili awakate sehemu katika walio kufuru, au awahizi wapate kurejea nyuma nao wamepwelewa."/>
		<aya index="128" text="Wewe huna lako jambo katika haya - ama atawahurumia au atawaadhibu, kwani wao ni madhaalimu."/>
		<aya index="129" text="Na ni vya Mwenyezi Mungu vyote vilivyomo katika mbingu na vilivyomo katika ardhi. Yeye humsamehe na humuadhibu amtakaye. Na Mwenyezi Mungu ni Msamehevu Mwenye kurehemu."/>
		<aya index="130" text="Enyi mlio amini! Msile riba mkizidisha juu kwa juu, na mcheni Mwenyezi Mungu ili mpate kufanikiwa."/>
		<aya index="131" text="Na uogopeni Moto ambao umeandaliwa kwa ajili ya makafiri."/>
		<aya index="132" text="Na mt'iini Mwenyezi Mungu na Mtume ili mpate kurehemewa."/>
		<aya index="133" text="Na yakimbilieni maghfira ya Mola wenu Mlezi, na Pepo ambayo upana wake ni mbingu na ardhi, iliyo wekwa tayari kwa wachamngu,"/>
		<aya index="134" text="Ambao hutoa wanapo kuwa na wasaa na wanapo kuwa na dhiki, na wanajizuia ghadhabu, na wasamehevu kwa watu; na Mwenyezi Mungu huwapenda wafanyao wema;"/>
		<aya index="135" text="Na ambao pindi wafanyapo uchafu au wakajidhulumu nafsi zao humkumbuka Mwenyezi Mungu na wakamwomba msamaha kwa dhambi zao - na nani anaye futa dhambi isipo kuwa Mwenyezi Mungu? - na wala hawaendelei na waliyo yafanya na hali wanajua."/>
		<aya index="136" text="Hao malipo yao ni msamaha kwa Mola wao Mlezi, na Bustani zipitazo mito kati yake. Humo watadumu, na mwema mno ujira wa watendao."/>
		<aya index="137" text="Kabla yenu zimepita nyendo nyingi; basi tembeeni katika ulimwengu muangalie vipi ulikuwa mwisho wa wanao kanusha."/>
		<aya index="138" text="Hii ni bayana kwa watu wote, na ni uwongofu, na mawaidha kwa wachamngu."/>
		<aya index="139" text="Wala msilegee, wala msihuzunike, kwani nyinyi ndio wa juu mkiwa ni Waumini."/>
		<aya index="140" text="Kama yamekupateni majaraha, basi na hao watu wengine yamewapata majaraha mfano wa haya. Na siku za namna hii tunaweletea watu kwa zamu, ili Mwenyezi Mungu awapambanue walio amini na awateuwe miongoni mwenu mashahidi. Na Mwenyezi Mungu hawapendi madhaalimu;"/>
		<aya index="141" text="Na pia ili Mwenyezi Mungu awasafishe walio amini na awafutilie mbali makafiri."/>
		<aya index="142" text="Je! Mnadhani mtaingia Peponi na hali Mwenyezi Mungu hajawapambanua wale miongoni mwenu walio pigana Jihadi, na hajawapambanua walio subiri?"/>
		<aya index="143" text="Na nyinyi mlikuwa mkitamani mauti kabla hamjakutana nayo. Basi sasa mmekwisha yaona na huku mnayatazama."/>
		<aya index="144" text="Na Muhammad hakuwa ila ni Mtume tu. Wamekwisha pita kabla yake Mitume. Je, akifa au akauwawa ndiyo mtageuka mrudi nyuma? Na atakaye geuka akarudi nyuma huyo hatamdhuru kitu Mwenyezi Mungu. Na Mwenyezi Mungu atawalipa wanao mshukuru."/>
		<aya index="145" text="Na haiwezi nafsi kuwa ife ila kwa idhini ya Mwenyezi Mungu kama ilivyo andikwa ajali yake. Na mwenye kutaka malipo ya duniani tutampa; na mwenye kutaka malipo ya Akhera tutampa. Na tutawalipa wenye kushukuru."/>
		<aya index="146" text="Na Manabii wangapi walipigana na pamoja nao Waumini wengi wenye ikhlasi! Hawakufanya woga kwa yaliyo wasibu katika Njia ya Mwenyezi Mungu, wala hawakudhoofika wala hawakuwa wanyonge. Na Mwenyezi Mungu huwapenda wanao subiri."/>
		<aya index="147" text="Wala kauli yao haikuwa ila ni kusema: Mola wetu Mlezi! Tughufirie madhambi yetu na kupita kwetu kiasi katika mambo yetu, na isimamishe imara miguu yetu na utunusuru tuwashinde kaumu ya makafiri."/>
		<aya index="148" text="Basi Mwenyezi Mungu akawapa malipo ya duniani na bora ya malipo ya Akhera. Na Mwenyezi Mungu anawapenda wafanyao mema."/>
		<aya index="149" text="Enyi mlio amini! Ikiwa mtawat'ii walio kufuru watakurudisheni nyuma, na hapo mtageuka kuwa wenye kukhasiri."/>
		<aya index="150" text="Bali Mwenyezi Mungu ndiye Mlinzi wenu, naye ndiye bora wa wasaidizi."/>
		<aya index="151" text="Tutazitia khofu nyoyo za walio kufuru kwa vile walivyo mshirikisha Mwenyezi Mungu na washirika ambao hakuwateremshia hoja yoyote. Na makaazi yao ni Motoni; na maovu yaliyoje maskani ya wenye kudhulumu!"/>
		<aya index="152" text="Na Mwenyezi Mungu alikutimilizieni miadi yake, vile mlivyo kuwa mnawauwa kwa idhini yake, mpaka mlipo legea na mkazozana juu ya amri, na mkaasi baada ya Yeye kukuonyesheni mliyo yapenda. Wapo miongoni mwenu wanao taka dunia, na wapo miongoni mwenu wanao taka Akhera. Kisha akakutengeni nao (maadui) ili akujaribuni. Naye sasa amekwisha kusameheni. Na Mwenyezi Mungu ni Mwenye fadhila juu ya Waumini."/>
		<aya index="153" text="Pale mlipo kuwa mkikimbia mbio wala hamumsikilizi yeyote, na Mtume anakuiteni, yuko nyuma yenu. Mwenyezi Mungu akakupeni dhiki juu ya dhiki, ili msisikitike kwa yaliyo kukoseeni wala kwa yaliyo kusibuni. Na Mwenyezi Mungu anazo khabari za yote mnayo yatenda."/>
		<aya index="154" text="Kisha baada ya dhiki alikuteremshieni utulivu - usingizi ambao ulifunika kundi moja kati yenu. Na kundi jengine nafsi zao ziliwashughulisha hata wakamdhania Mwenyezi Mungu dhana isiyo kuwa ya haki, dhana ya kijinga. Wakisema: Hivyo tuna lolote sisi katika jambo hili? Sema: Mambo yote ni ya Mwenyezi Mungu. Wanaficha katika nafsi zao wasiyo kubainishia. Wanasema: Lau ingelikuwa tuna lolote katika jambo hili tusinge uliwa hapa. Sema: Hata mngeli kuwa majumbani mwenu, basi wangeli toka walio andikiwa kufa, wakenda mahali pao pa kuangukia wafe. (Haya ni hivyo) ili Mwenyezi Mungu ayajaribu yaliyomo vifuani mwenu, na asafishe yaliyomo nyoyoni mwenu. Na Mwenyezi Mungu anayajua yaliyomo vifuani."/>
		<aya index="155" text="Hakika wale walio rudi nyuma miongoni mwenu siku yalipo pambana majeshi mawili, Shet'ani ndiye aliye watelezesha kwa sababu ya baadhi ya makosa waliyo yafanya; na Mwenyezi Mungu amekwisha wasamehe. Hakika Mwenyezi Mungu ni Mwenye kusamehe, Mpole."/>
		<aya index="156" text="Enyi mlio amini! Msiwe kama wale walio kufuru na wakawasema ndugu zao walipo safiri katika nchi au walipo kuwa vitani: Wangeli kuwa kwetu wasingeli kufa na wasingeli uwawa. Ili Mwenyezi Mungu afanye hayo kuwa ni majuto katika nyoyo zao. Na Mwenyezi Mungu huhuisha na hufisha. Na Mwenyezi Mungu ni Mwenye kuyaona myatendayo."/>
		<aya index="157" text="Na pindi mkiuliwa katika Njia ya Mwenyezi Mungu, au mkifa, hakika maghfira na rehema zitokazo kwa Mwenyezi Mungu ni bora kuliko yote wanayo yakusanya."/>
		<aya index="158" text="Na mkifa au mkiuliwa ni kwa Mwenyezi Mungu ndio mtakusanywa."/>
		<aya index="159" text="Basi ni kwa sababu ya rehema itokayo kwa Mwenyezi Mungu ndio umekuwa laini kwao. Na lau ungeli kuwa mkali, mwenye moyo mgumu, bila ya shaka wangeli kukimbia. Basi wasamehe, na waombee maghfira, na shauriana nao katika mambo. Na ukisha kata shauri basi mtegemee Mwenyezi Mungu. Hakika Mwenyezi Mungu huwapenda wanao mtegemea."/>
		<aya index="160" text="Akikunusuruni Mwenyezi Mungu hapana wa kukushindeni, na akikutupeni ni nani, basi, baada yake Yeye ataye kunusuruni? Na Waumini wamtegemee Mwenyezi Mungu tu."/>
		<aya index="161" text="Na haiwezekani kwa Nabii yeyote kufanya khiyana. Na atakaye fanya khiyana, atayaleta Siku ya Kiyama aliyo yafanyia khiyana, kisha kila mtu atalipwa kwa aliyo yachuma, kwa ukamilifu; wala hawatadhulumiwa."/>
		<aya index="162" text="Je! Aliye yafuata ya kumridhisha Mwenyezi Mungi ni kama yule aliye stahiki ghadhabu ya Mwenyezi Mungu, na makaazi yake yakawa Jahannamu? Napo ni mahala pabaya pa kurejea."/>
		<aya index="163" text="Hao wana vyeo mbali mbali kwa Mwenyezi Mungu. Na Mwenyezi Mungu ni Mwenye kuyaona yote wayatendayo."/>
		<aya index="164" text="Hakika Mwenyezi Mungu amewafanyia wema mkubwa Waumini vile alivyo waletea Mtume aliye miongoni mwao wenyewe, anaye wasomea Aya zake, na anawatakasa, na anawafunza Kitabu na hikima, ijapo kuwa kabla ya hapo walikuwa katika upotovu ulio wazi."/>
		<aya index="165" text="Nyinyi - ulipo kusibuni msiba ambao nyinyi mmekwisha watia mara mbili mfano wa huo - mnasema: Umetoka wapi huu? Sema: Huo umetoka kwenu wenyewe. Hakika Mwenyezi Mungu ni Mwenye uweza juu ya kila kitu."/>
		<aya index="166" text="Na yaliyo kusibuni siku yalipo pambana majeshi mawili yalikuwa kwa idhini ya Mwenyezi Mungu, na ili awajue Waumini."/>
		<aya index="167" text="Na ili awapambanue walio kuwa wanaafiki, wakaambiwa: Njooni mpigane katika Njia ya Mwenyezi Mungu au lindeni. Wakasema: Tungeli jua kuna kupigana bila ya shaka tungeli kufuateni. Wao siku ile walikuwa karibu na ukafiri kuliko Imani. Wanasema kwa midomo yao yasiyo kuwamo nyoyoni mwao. Na Mwenyezi Mungu anajua kabisa wanayo yaficha."/>
		<aya index="168" text="Hao ndio walio waambia ndugu zao na wao wenyewe wakakaa kitako: Lau wengeli tut'ii wasingeli uliwa. Sema: Ziondoleeni nafsi zenu mauti kama mnasema kweli."/>
		<aya index="169" text="Wala kabisa usiwadhanie walio uliwa katika Njia ya Mwenyezi Mungu kuwa ni maiti. Bali hao ni wahai, wanaruzukiwa kwa Mola wao Mlezi."/>
		<aya index="170" text="Wanafurahia aliyo wapa Mwenyezi Mungu kwa fadhila yake, na wanawashangilia wale ambao bado hawajajiunga nao, walio nyuma yao, ya kwamba haitakuwa khofu juu yao wala hawatahuzunika."/>
		<aya index="171" text="Wanashangilia neema na fadhila za Mwenyezi Mungu, na ya kwamba Mwenyezi Mungu hapotezi ujira wa Waumini,"/>
		<aya index="172" text="Walio mwitikia Mwenyezi Mungu na Mtume baada ya kwisha patwa na majaraha - kwa walio fanya wema miongoni mwao na wakamchamngu utakuwa ujira mkubwa -"/>
		<aya index="173" text="Walio ambiwa na watu: Kuna watu wamekukusanyikieni, waogopeni! Hayo yakawazidishia Imani, wakasema: Mwenyezi Mungu anatutosha, naye ni mbora wa kutegemewa."/>
		<aya index="174" text="Basi wakarudi na neema na fadhila za Mwenyezi Mungu. Hapana baya lilio wagusa, na wakafuata yanayo mridhi Mwenyezi Mungu. Na Mwenyezi Mungu ni Mwenye fadhila kuu."/>
		<aya index="175" text="Hakika huyo ni Shet'ani anawatia khofu marafiki zake, basi msiwaogope, bali niogopeni Mimi mkiwa nyinyi ni Waumini."/>
		<aya index="176" text="Wala wasikuhuzunishe wale wanao kimbilia ukafirini. Hakika hao hawamdhuru kitu Mwenyezi Mungu. Mwenyezi Mungu anataka asiwawekee sehemu yoyote katika Akhera, na yao wao adhabu kubwa."/>
		<aya index="177" text="Hakika wale walio nunua ukafiri kwa Imani hawatamdhuru kitu Mwenyezi Mungu, na yao wao ni adhabu chungu."/>
		<aya index="178" text="Wala wasidhani wale wanao kufuru kwamba huu muhula tunao wapa ni kheri yao. Hakika tunawapa muhula wazidi madhambi. Na yao wao ni adhabu ya kuwadhalilisha."/>
		<aya index="179" text="Haiwi kwa Mwenyezi Mungu kuwaacha Waumini katika hali mliyo nayo mpaka apambanue wabaya na wema. Wala haiwi kwa Mwenyezi Mungu kukujuulisheni mambo ya ghaibu. Lakini Mwenyezi Mungu humteua katika Mitume wake amtakaye. Basi muaminini Mwenyezi Mungu na Mitume yake. Na mkiamini na mkamchamngu mtakuwa na ujira mkubwa."/>
		<aya index="180" text="Wala wasidhani wale ambao wanafanya ubakhili katika aliyo wapa Mwenyezi Mungu katika fadhila zake kuwa ni kheri yao. Bali hiyo ni shari kwao. Watafungwa kongwa za yale waliyo yafanyia ubakhili Siku ya Kiyama. Na urithi wa mbingu na ardhi ni wa Mwenyezi Mungu. Na Mwenyezi Mungu anazo khabari za yote myatendayo."/>
		<aya index="181" text="Mwenyezi Mungu amekwisha sikia kauli ya walio sema: Mwenyezi Mungu ni masikini, na sisi ni matajiri. Tumeyaandika waliyo yasema, na pia kuwauwa kwao Manabii bila ya haki, na tutawaambia Siku ya Kiyama: Onjeni adhabu ya kuungua."/>
		<aya index="182" text="Haya ni kwa sababu ya iliyo tanguliza mikono yenu, na kwamba Mwenyezi Mungu si mwenye kuwadhulumu waja,"/>
		<aya index="183" text="Walio sema: Mwenyezi Mungu ametuahidi tusimuamini Mtume yeyote mpaka atuletee kafara inayo teketezwa na moto. Waambie: Walikujieni Mitume kabla yangu kwa hoja zilizo wazi na kwa hayo mnayo sema, basi kwa nini mkawauwa ikiwa mlikuwa wakweli?"/>
		<aya index="184" text="Na wakikukanusha basi walikanushwa Mitume wengine kabla yako walio kuja na hoja waziwazi na Vitabu vyenye hikima, na Kitabu chenye nuru."/>
		<aya index="185" text="Kila nafsi itaonja mauti. Na bila ya shaka mtapewa ujira wenu kaamili Siku ya Kiyama. Na atakaye epushwa na Moto na akatiwa Peponi basi huyo amefuzu. Na maisha ya dunia si kitu ila ni starehe ya udanganyifu."/>
		<aya index="186" text="Hapana shaka yoyote mtapata misukosuko katika mali zenu na nafsi zenu, na bila ya shaka yoyote mtasikia udhia mwingi kutokana na walio pewa Kitabu kabla yenu na wale walio shiriki. Na ikiwa mtasubiri na mkamchamngu basi hakika hayo ni katika mambo ya kuazimia."/>
		<aya index="187" text="Na pale Mwenyezi Mungu alipo fungamana na walio pewa Kitabu kuwa: Lazima mtawabainishia watu, wala hamtokificha, walikitupa nyuma ya migongo yao, na wakanunua kwacho thamani duni. Basi ni kiovu hicho walicho nunua."/>
		<aya index="188" text="Usiwadhanie kabisa wale wanao furahia waliyo yafanya, na wakapenda kusifiwa kwa wasiyo yatenda, usiwadhanie kuwa watasalimika na adhabu. Yao wao ni adhabu chungu."/>
		<aya index="189" text="Na Ufalme wa mbingu na ardhi ni wa Mwenyezi Mungu; na Mwenyezi Mungu ni Mwenye uweza juu ya kila kitu."/>
		<aya index="190" text="Hakika katika kuumbwa mbingu na ardhi na kukhitalifiana usiku na mchana ziko Ishara kwa wenye akili,"/>
		<aya index="191" text="Ambao humkumbuka Mwenyezi Mungu wakiwa wima na wakikaa kitako na wakilala, na hufikiri kuumbwa mbingu na ardhi, wakisema: Mola wetu Mlezi! Hukuviumba hivi bure. Subhanaka, Umetakasika! Basi tukinge na adhabu ya Moto."/>
		<aya index="192" text="Mola wetu Mlezi! Hakika unaye mtia Motoni umemhizi; na walio dhulumu hawana wasaidizi."/>
		<aya index="193" text="Mola wetu Mlezi! Hakika sisi tumemsikia mwenye kuita akiitia Imani kwamba: Muaminini Mola wenu Mlezi; nasi tukaamini. Basi tusamehe madhambi yetu, na utufutie makosa yetu, na utufishe pamoja na watu wema."/>
		<aya index="194" text="Mola wetu Mlezi! Na utupe uliyo tuahidi kwa Mitume wako, wala usituhizi Siku ya Kiyama. Hakika Wewe huvunji miadi."/>
		<aya index="195" text="Mola Mlezi wao, akayakubali maombi yao akajibu: Hakika sipotezi kazi ya mfanya kazi miongoni mwenu, akiwa mwanamume au mwanamke, kwani ni nyinyi kwa nyinyi. Basi walio hama, na walio tolewa makwao, na wakateswa katika Njia yangu, na wakapigana, na wakauliwa, kwa yakini Mimi nitawafutia makosa yao, na kwa yakini nitawaingiza katika Mabustani yanayo pita mito kati yake. Hayo ndiyo malipo yanayo toka kwa Mwenyezi Mungu. Na Mwenyezi Mungu kwake yapo malipo mema kabisa."/>
		<aya index="196" text="Kabisa kusikudanganye kubakia kutangatanga kwa walio kufuru katika nchi."/>
		<aya index="197" text="Hiyo ni starehe ndogo. Kisha makaazi yao yatakuwa Jahannamu. Na ni mahali pabaya mno pa kupumzikia."/>
		<aya index="198" text="Lakini walio mcha Mola wao Mlezi watapata Mabustani yanayo pita mito kati yake. Watadumu humo. Hayo ni makaribisho yao yatokayo kwa Mwenyezi Mungu. Na vilioko kwa Mwenyezi Mungu ni bora kwa watu wema."/>
		<aya index="199" text="Hakika miongoni mwa Watu wa Kitabu wapo wanao muamini Mwenyezi Mungu na yaliyo teremshwa kwenu na yaliyo teremshwa kwao, wakimnyenyekea Mwenyezi Mungu. Hawabadili Aya za Mwenyezi Mungu kwa thamani duni. Hao wana ujira wao kwa Mola wao Mlezi. Hakika Mwenyezi Mungu ni Mwepesi wa kuhisabu."/>
		<aya index="200" text="Enyi mlio amini! Subirini, na shindaneni kusubiri, na kuweni macho, na mcheni Mwenyezi Mungu, ili mpate kufanikiwa."/>
	</sura>
	<sura index="4" name="">
		<aya index="1" text="Enyi watu! Mcheni Mola wenu Mlezi aliye kuumbeni kutokana na nafsi moja, na akamuumba mkewe kutoka nafsi ile ile. Na akaeneza kutokana na wawili hao wanaume na wanawake wengi. Na tahadharini na Mwenyezi Mungu ambaye kwaye mnaombana, na jamaa zenu. Hakika Mwenyezi Mungu ni Mwenye kuwaangalieni."/>
		<aya index="2" text="Na wapeni mayatima mali yao. Wala msibadilishe kibaya kwa kizuri. Wala msile mali zao pamoja na mali zenu. Hakika yote hayo ni jukumu kubwa."/>
		<aya index="3" text="Na ikiwa mnaogopa kuwa hamtowafanyia mayatima uadilifu, basi oeni mnao wapenda katika wanawake, wawili au watatu au wane. na mkiogopa kuwa hamwezi kufanya uadilifu, basi mmoja tu, au wale ambao mikono yenu ya kulia imewamiliki. Kufanya hivi ndiko kutapelekea msikithirishe wana."/>
		<aya index="4" text="Na wapeni wanawake mahari yao hali ya kuwa ni kipawa. Lakini wakikutunukieni kitu katika mahari, kwa radhi yao, basi kileni kiwashuke kwa raha."/>
		<aya index="5" text="Wala msiwape wasio na akili mali yenu ambayo Mwenyezi Mungu ameyajaalia yawe ni kiamu yenu. Walisheni katika hayo na muwavike, na mseme nao maneno mazuri."/>
		<aya index="6" text="Na wajaribuni mayatima mpaka wafike umri wa kuoa. Mkiwaona ni wekevu, basi wapeni mali yao. Wala msiyale kwa fujo na pupa kwa kuwa watakuja kuwa watu wazima. Na aliye kuwa tajiri naajizuilie, na aliye fakiri basi naale kwa kadri ya ada. Na mtakapo wapa mali yao washuhudizieni. Na Mwenyezi Mungu anatosha kuwa Mhasibu."/>
		<aya index="7" text="Wanaume wana sehemu katika wanayo yaacha wazazi na jamaa walio karibia. Na wanawake wanayo sehemu katika waliyo yaacha wazazi na jamaa walio karibia. Ikiwa kidogo au kingi. Hizi ni sehemu zilizo faridhiwa."/>
		<aya index="8" text="Na wakati wa kugawanya wakihudhuria jamaa na mayatima na masikini, wapeni katika hayo mali ya urithi, na semeni nao maneno mema."/>
		<aya index="9" text="Na wachelee wale ambao lau kuwa na wao wangeli acha nyuma yao watoto wanyonge wangeli wakhofia. Basi nao wamche Mwenyezi Mungu, na waseme maneno yaliyo sawa."/>
		<aya index="10" text="Hakika wanao kula mali ya mayatima kwa dhulma, hapana shaka yoyote wanakula matumboni mwao moto, na wataingia Motoni."/>
		<aya index="11" text="Mwenyezi Mungu anakuusieni juu ya watoto wenu: Fungu la mwanamume ni kama fungu la wanawake wawili. Na ikiwa wanawake zaidi ya wawili, basi watapata thuluthi mbili za alicho kiacha maiti. Lakini akiwa mtoto mwanamke ni mmoja, basi fungu lake ni nusu. Na wazazi wake wawili, kila mmoja wao apate sudusi ya alicho kiacha, ikiwa anaye mtoto. Akiwa hana mtoto, na wazazi wake wawili wamekuwa ndio warithi wake, basi mama yake atapata thuluthi moja. Na akiwa anao ndugu, basi mama yake atapata sudusi. Haya ni baada ya kutolewa alicho usia au kulipa deni. Baba zenu na watoto wenu, nyinyi hamjui ni nani baina yao aliye karibia zaidi kwenu kwa manufaa. Hiyo ni Sharia iliyo toka kwa Mwenyezi Mungu. Bila ya shaka Mwenyezi Mungu ni Mjuzi na Mwenye hikima."/>
		<aya index="12" text="Na fungu lenu ni nusu walicho acha wake zenu ikiwa hawana mtoto. Wakiwa na mtoto basi fungu lenu ni robo ya walicho acha, baada ya wasia waliyo usia au kulipa deni. Na wake zenu watapata robo mlicho kiacha, ikiwa hamna mtoto. Mkiwa mna mtoto basi sehemu yao ni thumni ya mlicho kiacha, baada ya wasia mlio usia au kulipa deni. Na ikiwa mwanamume au mwanamke anaye rithiwa hana mtoto wala wazazi, lakini anaye ndugu mume au ndugu mke, basi kila mmoja katika hawa atapata sudusi. Na wakiwa zaidi kuliko hivyo basi watashirikiana katika thuluthi, baada ya wasia ulio usiwa au kulipa deni, pasio kuleta dhara. Huu ndio wasia ulio toka kwa Mwenyezi Mungu. Na Mwenyezi Mungu ni Mjuzi na Mpole."/>
		<aya index="13" text="Hiyo ni mipaka ya Mwenyezi Mungu. Na anaye mt'ii Mwenyezi Mungu na Mtume wake, Yeye atamtia katika Pepo zipitazo mito kati yake, wadumu humo. Na huko ndiko kufuzu kukubwa."/>
		<aya index="14" text="Na anaye muasi Mwenyezi Mungu na Mtume wake, na akaipindukia mipaka yake, (Mwenyezi Mungu) atamtia Motoni adumu humo, na atapata adhabu ya kudhalilisha."/>
		<aya index="15" text="Na ambao wanafanya uchafu miongoni mwa wanawake wenu, washuhudizieni watu wane katika nyinyi. Watakapo shuhudia, basi wazuieni majumbani mpaka wafishwe na mauti au Mwenyezi Mungu awatolee njia nyengine."/>
		<aya index="16" text="Na wawili kati yenu wafanyao hayo waadhibuni. Na wakitubia wakatengenea basi waacheni. Hakika Mwenyezi Mungu ni Mwingi wa kupokea toba, Mwenye kurehemu."/>
		<aya index="17" text="Hakika toba inayo kubaliwa na Mwenyezi Mungu ni ya wale wafanyao uovu kwa ujinga, kisha wakatubia kwa haraka. Hao ndio Mwenyezi Mungu huwakubalia toba yao, na Mwenyezi Mungu ni Mjuzi na ni Mwenye hikima."/>
		<aya index="18" text="Wala hawana toba wale wafanyao maovu mpaka yakamfikia mmoja wao mauti, kisha hapo akasema: Hakika mimi sasa nimetubia. Wala wale wanao kufa na hali wao ni makafiri. Hao tumewaandalia adhabu chungu."/>
		<aya index="19" text="Enyi mlio amini! Si halali kwenu kuwarithi wanawake kwa nguvu. Wala msiwadhikishe ili mwapokonye baadhi ya mlivyo wapa - isipo kuwa wakifanya uchafu ulio wazi. Na kaeni nao kwa wema, na ikiwa mmewachukia, basi huenda mkakichukia kitu, na Mwenyezi Mungu ametia kheri nyingi ndani yake."/>
		<aya index="20" text="Na mkitaka kubadilisha mke mahali pa mke, na hali mmoja wao mmempa chungu ya mali, basi msichukue katika hayo kitu chochote. Je, mtachukua kwa dhulma na kosa lilio wazi?"/>
		<aya index="21" text="Na mtachukuaje na ilhali mmekwisha ingiliana nyinyi kwa nyinyi, na wao wanawake wamechukua kwenu ahadi iliyo madhubuti?"/>
		<aya index="22" text="Wala msiwaoe wake walio waoa baba zenu, ila yaliyo kwisha pita. Hakika huo ni uchafu na uchukizo na ni njia mbaya."/>
		<aya index="23" text="Mmeharimishiwa mama zenu, na binti zenu, na dada zenu, na shangazi zenu, na khaalati zenu, na binti wa ndugu mume, na binti wa dada, na mama zenu walio kunyonyesheni, na dada zenu kwa kunyonya, na mama wa wake zenu, na watoto wenu wa kambo walio katika ulinzi wenu walio zaliwa na wake zenu mlio waingilia. Ikiwa hamkuwaingilia basi hapana lawama juu yenu. (Pia mmeharimishwa) wake wa watoto wenu walio toka katika migongo yenu. Na kuwaoa pamoja dada wawili isipo kuwa yale yaliyo kwisha pita. Hakika Mwenyezi Mungu ni Mwenye kusamehe Mwenye kurehemu."/>
		<aya index="24" text="NA WANAWAKE wenye waume, isipo kuwa walio milikiwa na mikono yenu ya kulia. Ndiyo Sharia ya Mwenyezi Mungu juu yenu. Na mmehalilishiwa wasio kuwa hao, mtafute kwa mali yenu kwa kuowa pasina kuzini. Kama mnavyo starehe nao, basi wapeni mahari yao kwa kuwa ni waajibu. Wala hapana lawama juu yenu kwa mtakacho kubaliana baada ya kutimiza waajibu. Hakika Mwenyezi Mungu ni Mwenye kujua na Mwenye hikima."/>
		<aya index="25" text="Na asiyeweza kati yenu kupata mali ya kuolea wanawake wa kiungwana Waumini, na aoe katika vijakazi Waumini iliyo wamiliki mikono yenu ya kulia. Na Mwenyezi Mungu ni Mjuzi wa imani yenu. Nyinyi mmetokana wenyewe kwa wenyewe. Basi waoeni kwa idhini ya watu wao, na wapeni mahari yao kama ada, wawe wanawake wema, si makahaba wala si mahawara. Na wanapo olewa kisha wakafanya uchafu basi adhabu yao itakuwa ni nusu ya adhabu waliyo wekewa waungwana. Hayo ni kwa yule miongoni mwenu anaye ogopa kuingia katika zina. Na mkisubiri ndio bora kwenu. Na Mwenyezi Mungu ni Mwenye kusamehe na Mwenye kurehemu."/>
		<aya index="26" text="Mwenyezi Mungu anataka kukubainishieni na kukuongozeni nyendo za walio kuwa kabla yenu, na akurejezeni kwenye ut'iifu wake. Na Mwenyezi Mungu ni Mjuzi, Mwenye hikima."/>
		<aya index="27" text="Na Mwenyezi Mungu anataka kukurejezeni kwenye ut'iifu wake, na wanao taka kufuata matamanio wanataka mkengeuke makengeuko makubwa."/>
		<aya index="28" text="Mwenyezi Mungu anataka kukupunguzieni taabu, na mwanaadamu ameumbwa dhaifu."/>
		<aya index="29" text="Enyi mlio amini! Msiliane mali yenu kwa dhulma, isipo kuwa iwe biashara kwa kuridhiana wenyewe. Wala msijiuwe. Hakika Mwenyezi Mungu ni Mwenye kuwarehemuni."/>
		<aya index="30" text="Na mwenye kutenda hayo kwa uadui na udhaalimu, basi huyo tutamwingiza Motoni. Na hilo ni jepesi kwa Mwenyezi Mungu."/>
		<aya index="31" text="Mkiyaepuka makubwa mnayo katazwa, tutakufutieni makosa yenu madogo, na tutakuingizeni mahali patukufu."/>
		<aya index="32" text="Wala msitamani alicho wafadhili Mwenyezi Mungu baadhi yenu kuliko wengine. Wanaume wana fungu katika walio vichuma, na wanawake wana fungu katika walio vichuma. Na muombeni Mwenyezi Mungu fadhila zake. Hakika Mwenyezi Mungu ni Mjuzi wa kila kitu."/>
		<aya index="33" text="Na kila mmoja tumemwekea warithi katika waliyo yaacha wazazi wawili na jamaa. Na mlio fungamana nao ahadi wapeni fungu lao. Hakika Mwenyezi Mungu ni Shahidi wa kila kitu."/>
		<aya index="34" text="Wanaume ni wasimamizi wa wanawake, kwa kufadhiliwa na Mwenyezi Mungu baadhi yao juu ya baadhi, na kwa mali yao wanayo yatoa. Basi wanawake wema ni wale wenye kut'ii na wanao jilinda hata katika siri kwa kuwa Mwenyezi Mungu ameamrisha wajilinde. Na ambao mnachelea kutoka katika ut'iifu wanasihini, muwahame katika malazi na wapigeni. Wakikut'iini msiwatafutie njia ya kuwaudhi bure. Hakika Mwenyezi Mungu ndiye aliye juu na Mkuu."/>
		<aya index="35" text="Na mkichelea kutakuwapo mfarakano baina ya mke na mume basi pelekeni muamuzi kutokana na jamaa za mume, na muamuzi kutokana na jamaa za mke. Wakitaka mapatano Mwenyezi Mungu atawawezesha. Hakika Mwenyezi Mungu ni Mjuzi Mwenye khabari."/>
		<aya index="36" text="Muabuduni Mwenyezi Mungu wala msimshirikishe na chochote. Na wafanyieni wema wazazi wawili na jamaa na mayatima na masikini na jirani wa karibu na jirani wa mbali, na rafiki wa ubavuni na mpita njia, na walio milikiwa na mikono yenu ya kulia. Hakika Mwenyezi Mungu hawapendi wenye kiburi wanao jifakhiri,"/>
		<aya index="37" text="Ambao wanafanya ubakhili na wanaamrisha watu ubakhili, na wanaficha fadhila alizo wapa Mwenyezi Mungu. Na tumewaandalia makafiri adhabu ya fedheha,"/>
		<aya index="38" text="Na ambao hutoa mali yao kwa kuonyesha watu, wala hawamuamini Mwenyezi Mungu wala Siku ya Mwisho; na yule ambaye Shet'ani amekuwa ndiye rafiki yake, basi ana rafiki mbaya mno."/>
		<aya index="39" text="Na ingeli wadhuru nini wao lau wangeli muamini Mwenyezi Mungu na Siku ya Mwisho, na wakatoa katika aliyo waruzuku Mwenyezi Mungu? Na Mwenyezi Mungu ni Mwenye kuwajua vyema."/>
		<aya index="40" text="Hakika Mwenyezi Mungu hadhulumu hata uzito wa chembe moja. Na ikiwa ni jambo jema basi Yeye hulizidisha na hutoa kutoka kwake malipo makubwa."/>
		<aya index="41" text="Basi itakuwaje pindi tukiwaletea kutoka kila umma shahidi, na tukakuleta wewe kuwa shahidi wa hawa?"/>
		<aya index="42" text="Siku hiyo walio kufuru na wakamuasi Mtume watatamani ardhi isawazishwe juu yao. Wala hawataweza kumficha Mwenyezi Mungu neno lolote."/>
		<aya index="43" text="Enyi mlio amini! Msikaribie Sala, hali mmelewa, mpaka myajue mnayo yasema, wala hali mna janaba - isipo kuwa mmo safarini - mpaka mkoge. Na mkiwa wagonjwa, au mmo safarini, au mmoja wenu ametoka chooni, au mmewagusa wanawake - na msipate maji, basi ukusudieni mchanga safi, mpake nyuso zenu na mikono yenu. Hakika Mwenyezi Mungu ni Msamehevu na Mwenye kughufiria."/>
		<aya index="44" text="Huwaoni wale walio pewa sehemu ya Kitabu wananunua upotovu na wanakutakeni nanyi mpotee njia?"/>
		<aya index="45" text="Na Mwenyezi Mungu anawajua vyema maadui zenu. Na Mwenyezi Mungu anatosha kuwa ni Mlinzi, na anatosha kuwa ni Mwenye kukunusuruni."/>
		<aya index="46" text="Miongoni mwa Mayahudi wamo ambao hubadilisha maneno kuyatoa mahala pake, na husema: Tumesikia na tumeasi, na sikia bila ya kusikilizwa. Na husema: &quot;Raai'naa&quot;, kwa kuzipotoa ndimi zao ili kuitukana Dini. Na lau kama wangeli sema: Tumesikia na tumet'ii, na usikie na &quot;Undhurna&quot; (Utuangalie), ingeli kuwa ni kheri kwao na sawa zaidi. Lakini Mwenyezi Mungu amewalaani kwa kufuru yao; basi hawaamini ila wachache tu."/>
		<aya index="47" text="Enyi mlio pewa Kitabu! Aminini tuliyo yateremsha yenye kusadikisha yale mliyo nayo, kabla hatujazigeuza nyuso tukazipeleka kisogoni, au tukawalaani kama tulivyo walaani watu wa Sabato (Jumaamosi). Na amri ya Mwenyezi Mungu ni lazima ifanyike."/>
		<aya index="48" text="Hakika Mwenyezi Mungu hasamehe kushirikishwa, na husamehe yaliyo duni ya hilo kwa amtakaye. Na anaye mshirikisha Mwenyezi Mungu basi hakika amezua dhambi kubwa."/>
		<aya index="49" text="Jee huwaoni wale wanao dai kuwa ati wametakasika? Bali Mwenyezi Mungu humtakasa amtakaye. Na hawatadhulumiwa hata kadiri ya kijiuzi kilichomo ndani ya uwazi wa kokwa ya tende."/>
		<aya index="50" text="Tazama vipi wanavyo mzulia uwongo Mwenyezi Mungu, na haya yatosha kuwa dhambi iliyo dhaahiri."/>
		<aya index="51" text="Huwaoni wale walio pewa sehemu ya Kitabu? Wanaamini masanamu na Shet'ani! Na wanawasema walio kufuru, kuwa hao wameongoka zaidi katika njia kuliko Walio amini."/>
		<aya index="52" text="Hao ndio Mwenyezi Mungu amewalaani. Na ambaye Mwenyezi Mungu amemlaani basi hutamwona kuwa na mwenye kumnusuru."/>
		<aya index="53" text="Au wanayo sehemu ya utawala? Basi hapo wasingewapa watu hata tundu ya kokwa ya tende."/>
		<aya index="54" text="Au wanawahusudu watu kwa yale aliyo wapa Mwenyezi Mungu kwa fadhila yake? Basi tuliwapa ukoo wa Ibrahim Kitabu na hikima na tukawapa utawala mkubwa."/>
		<aya index="55" text="Basi wapo miongoni mwao waliyo yaamini, na wapo walio yakataa. Na Jahannamu yatosha kuwa ni moto wa kuwateketeza."/>
		<aya index="56" text="Hakika wale walio zikataa Ishara zetu tutawaingiza Motoni. Kila zitapo wiva ngozi zao tutawabadilishia ngozi nyengine ili waionje hiyo adhabu. Hakika Mwenyezi Mungu ni Mwenye nguvu na Mwenye hikima."/>
		<aya index="57" text="Na wale walio amini na wakatenda mema tutawaingiza katika Pepo zipitazo mito kati yake kwa kudumu humo milele. Huko watakuwa na wake walio takasika, na tutawaingiza katika vivuli vizuri kweli."/>
		<aya index="58" text="Hakika Mwenyezi Mungu anakuamrisheni mzirudishe amana kwa wenyewe. Na mnapo hukumu baina ya watu mhukumu kwa uadilifu. Hakika haya anayo kuwaidhini Mwenyezi Mungu ni mazuri sana. Hakika Mwenyezi Mungu ndiye Mwenye kusikia, Mwenye kuona."/>
		<aya index="59" text="Enyi mlio amini! Mt'iini Mwenyezi Mungu, na mt'iini Mtume na wenye madaraka katika nyinyi. Na mkizozana katika jambo basi lirudisheni kwa Mwenyezi Mungu na Mtume, ikiwa mnamuamini Mwenyezi Mungu na Siku ya Mwisho. Hayo ndiyo bora zaidi na ndiyo yenye mwisho mwema."/>
		<aya index="60" text="Huwaoni wale wanao dai kwamba wameamini yale yaliyo teremshwa kwako na yaliyo teremshwa kabla yako? Wanataka wakahukumiwe kwa njia ya upotofu, na hali wameamrishwa wakatae hayo! Na Shet'ani anataka kuwapotezelea mbali."/>
		<aya index="61" text="Na wanapo ambiwa: Njooni kwenye yale aliyo yateremsha Mwenyezi Mungu, na njooni kwa Mtume; utawaona wanaafiki wanakukwepa kwa upinzani."/>
		<aya index="62" text="Basi inakuwaje unapo wasibu msiba kwa sababu ya yale iliyo tanguliza mikono yao? Hapo tena hukujia wakiapa kwa Mwenyezi Mungu wakisema: Hatukutaka ila wema na mapatano."/>
		<aya index="63" text="Hao ndio wale ambao Mwenyezi Mungu anayajua yaliyomo ndani ya nyoyo zao. Basi waachilie mbali, uwape mawaidha na uwaambie maneno ya kuathiri na kuingia katika nafsi zao."/>
		<aya index="64" text="Na hatukumtuma Mtume yeyote ila at'iiwe kwa idhini ya Mwenyezi Mungu. Na lau pale walipo jidhulumu nafsi zao wangeli kujia, wakamwomba Mwenyezi Mungu msamaha, na Mtume akawaombea msamaha, hapana shaka wangeli mkuta Mwenyezi Mungu ni Mwenye kupokea toba na Mwenye kurehemu."/>
		<aya index="65" text="La! Naapa kwa Mola wako Mlezi! Hawataamini mpaka wakufanye wewe ndiye muamuzi katika yale wanayo khitalifiana, kisha wasione uzito katika nyoyo zao juu ya hukumu utayo toa, na wanyenykee kabisa."/>
		<aya index="66" text="Na lau kuwa tumewaamrisha: Jiueni, au tokeni majumbani kwenu, wasingeli fanya hayo ila wachache tu miongoni mwao. Na lau kama wangeli fanya walio waidhiwa ingeli kuwa bora kwao na uthibitisho wa nguvu zaidi."/>
		<aya index="67" text="Na hapo tunge wapa malipo makubwa kutoka kwetu."/>
		<aya index="68" text="Na tungeli waongoa Njia iliyo nyooka."/>
		<aya index="69" text="Na wenye kumt'ii Mwenyezi Mungu na Mtume, hao wa pamoja na wale alio waneemesha Mwenyezi Mungu miongoni mwa Manabii, na Masiddiqi, na Mashahidi, na Watu wema. Na uzuri ulioje kuwa pamoja na watu hao!"/>
		<aya index="70" text="Hiyo ni fadhila itokayo kwa Mwenyezi Mungu. Na Mwenyezi Mungu ni Mjuzi wa kutosha."/>
		<aya index="71" text="Enyi mlio amini! Chukueni hadhari yenu! Na mtoke kwa vikosi au tokeni nyote pamoja!"/>
		<aya index="72" text="Na yupo kati yenu anaye bakia nyuma; na ukikusibuni msiba husema: Mwenyezi Mungu kanifanyia kheri sikuwa nao."/>
		<aya index="73" text="Na ikikufikieni fadhila kutoka kwa Mwenyezi Mungu husema - kama kwamba hapakuwa mapenzi baina yenu naye: Laiti ningeli kuwa pamoja nao nikafanikiwa mafanikio makubwa."/>
		<aya index="74" text="Basi nawapigane katika Njia ya Mwenyezi Mungu wale ambao wanao uza uhai wa dunia kwa Akhera. Na anaye pigana katika Njia ya Mwenyezi Mungu kisha akauliwa au akashinda basi tutakuja mpa ujira mkubwa."/>
		<aya index="75" text="Na mna nini msipigane katika Njia ya Mwenyezi Mungu na ya wale wanao onewa, wanaume na wanawake na watoto, ambao husema: Mola Mlezi wetu! Tutoe katika mji huu ambao watu wake ni madhaalimu, na tujaalie tuwe na mlinzi anaye toka kwako, na tujaalie tuwe na wa kutunusuru anaye toka kwako."/>
		<aya index="76" text="Walio amini wanapigana katika Njia ya Mwenyezi Mungu, na walio kufuru wanapiana katika njia ya upotofu. Basi piganeni na marafiki wa Shet'ani. Hakika hila za Shet'ani ni dhaifu."/>
		<aya index="77" text="Je, huwaoni wale walio ambiwa: Izuieni mikono yenu, na mshike Sala na mtoe Zaka. Na walipo amrishwa kupigana, mara kundi moja kati yao liliwaogopa watu kama kumwogopa Mwenyezi Mungu, au kwa khofu kubwa zaidi. Na wakasema: Mola Mlezi wetu! Kwa nini umetuamrisha kupigana? Laiti unge tuakhirishia kiasi ya muda kidogo hivi! Sema: Starehe ya dunia ni ndogo, na Akhera ni bora zaidi kwa mwenye kuchamngu. Wala hamtadhulumiwa hata uzi wa kokwa ya tende."/>
		<aya index="78" text="Popote mlipo mauti yatakufikieni, na hata mkiwa katika ngome zilizo na nguvu. Na likiwafikilia jema wanasema: Hili limetoka kwa Mwenyezi Mungu. Na likiwafikilia ovu wanasema: Hili limetoka kwako wewe. Sema: Yote yanatokana na Mwenyezi Mungu. Basi wana nini watu hawa hata hawakaribii kufahamu maneno?"/>
		<aya index="79" text="Jema lilio kufikia limetokana na Mwenyezi Mungu. Na ovu lilio kusibu linatokana na nafsi yako. Nasi tumekutuma kwa watu uwe ni Mtume. Na Mwenyezi Mungu ni shahidi wa kutosha."/>
		<aya index="80" text="Mwenye kumt'ii Mtume basi ndio amemt'ii Mwenyezi Mungu. Na anaye kengeuka, basi Sisi hatukukutuma wewe uwe ni mlinzi wao."/>
		<aya index="81" text="Na wanasema: Tunat'ii. Lakini wanapo toka kwako kundi moja miongoni mwao hupanga njama usiku kinyume na unayo yasema. Na Mwenyezi Mungu anayaandika yote hayo wanayo yapangia njama za usiku. Basi waachilie mbali, na umtegemee Mwenyezi Mungu. Na Mwenyezi Mungu ni Mtegemewa wa kutosha."/>
		<aya index="82" text="Hebu hawaizingatii hii Qur'ani? Na lau kuwa imetoka kwa asiye kuwa Mwenyezi Mungu bila ya shaka wangeli kuta ndani yake khitilafu nyingi."/>
		<aya index="83" text="Na linapo wafikia jambo lolote lilio khusu amani au la kitisho wao hulitangaza. Na lau kuwa wangeli lipeleka kwa Mtume na kwa wenye mamlaka kati yao, wale wanao chunguza wangeli lijua. Na lau kuwa si fadhila ya Mwenyezi Mungu juu yenu na rehema yake mngeli mfuata Shet'ani ila wachache wenu tu."/>
		<aya index="84" text="Basi pigana katika Njia ya Mwenyezi Mungu. Hukalifishwi ila nafsi yako tu. Na wahimize Waumini. Huenda Mwenyezi Mungu akayazuia mashambulio ya walio kufuru. Na Mwenyezi Mungu ndiye Mkali zaidi wa kushambulia na Mkali zaidi wa kuadhibu."/>
		<aya index="85" text="Mwenye kusaidia msaada mwema ana fungu lake katika hayo, na mwenye kusaidia msaada mwovu naye ana sehemu yake katika hayo. Na hakika Mwenyezi Mungu ni Mwenye uweza na ujuzi juu ya kila kitu."/>
		<aya index="86" text="Na mnapo amkiwa kwa maamkio yoyote, basi nanyi itikieni kwa yaliyo bora kuliko hayo, au rejesheni hayo hayo. Hakika Mwenyezi Mungu ni Mwenye kuhisabu kila kitu."/>
		<aya index="87" text="Mwenyezi Mungu, hapana mungu isipo kuwa Yeye. Kwa yakini atakukusanyeni Siku ya Kiyama. Halina shaka hilo. Na ni nani msema kweli kuliko Mwenyezi Mungu?"/>
		<aya index="88" text="Mmekuwaje kuwa makundi mawili kwa khabari ya wanaafiki, na hali Mwenyezi Mungu amewageuza kwa sababu ya yale waliyo yachuma? Je! Mnataka kumwona mwongofu ambaye Mwenyezi Mungu amemhukumu kuwa kapotea? Na aliye mhukumu Mwenyezi Mungu kuwa amekwisha potea wewe hutampatia njia."/>
		<aya index="89" text="Wanapenda lau kuwa nanyi mnge kufuru kama walivyo kufuru wao, ili muwe sawa sawa. Basi msiwafanye marafiki miongoni mwao mpaka wahame kwa ajili ya Dini ya Mwenyezi Mungu. Na wakikengeuka basi wakamateni na wauweni popote mnapo wapata. Wala msimfanye rafiki katika wao wala msaidizi."/>
		<aya index="90" text="Isipokuwa wale walio fungamana na watu ambao mna ahadi baina yenu na wao, au wanakujieni na vifua vyao vina dhiki kupigana nanyi, au kupigana na watu wao. Na lau angeli penda Mwenyezi Mungu angeli wasaliti juu yenu wakapigana nanyi. Basi wakijitenga nanyi, wasipigane nanyi, na wakakuleteeni amani, basi Mwenyezi Mungu hakukupeni njia kupigana nao."/>
		<aya index="91" text="Mtawakuta wengine wanataka wapate salama kwenu na salama kwa watu wao. Kila wakirudishwa kwenye fitna hudidimizwa humo. Ikiwa hawajitengi nanyi, na wakakuleteeni salama, na wakazuia mikono yao, basi wakamateni na wauweni popote mnapo wakuta. Na juu ya hao ndio tumekupeni hoja zilizo wazi."/>
		<aya index="92" text="Na haiwi Muumini kumuuwa Muumini ila kwa kukosea. Na mwenye kumuuwa Muumini kwa kukosea basi amkomboe mtumwa aliye Muumini, na atoe diya kuwapa jamaa za maiti, isipo kuwa waache wenyewe kuwa ni sadaka. Na akiwa ni jamaa wa maadui zenu, hali yeye ni Muumini, basi ni kumkomboa mtumwa aliye Muumini. Na akiwa ni miongoni wa watu ambao pana ahadi baina yenu na wao basi wapewe diya watu wake na akombolewe mtumwa Muumini. Na asiye pata, basi afunge miezi miwili mfululizo, kuwa ni toba kwa Mwenyezi Mungu. Na Mwenyezi Mungu ni Mjuzi na Mwenye hikima."/>
		<aya index="93" text="Na mwenye kumuuwa Muumini kwa kukusudia, basi malipo yake ni Jahannamu humo atadumu, na Mwenyezi Mungu amemkasirikia, na amemlaani, na amemuandalia adhabu kubwa."/>
		<aya index="94" text="Enyi mlio amini! Mnapo safiri katika Njia ya Mwenyezi Mungu basi hakikisheni, wala msimwambie anaye kutoleeni salamu: Wewe si Muumini; kwa kutaka manufaa ya maisha ya dunia hii, hali ya kuwa kwa Mwenyezi Mungu zipo ghanima nyingi. Hivyo ndivyo mlivyo kuwa nyinyi zamani, na Mwenyezi Mungu akakuneemesheni. Basi chunguzeni sawa sawa. Hakika Mwenyezi Mungu anazo khabari za mnayo yatenda."/>
		<aya index="95" text="Hawawi sawa Waumini wanao kaa tu wala hawanadharura, na wale wanao pigana katika Njia ya Mwenyezi Mungu kwa mali yao na nafsi zao. Mwenyezi Mungu amewatukuza cheo wale wanao pigana kwa mali yao na nafsi zao kuliko wale wanao kaa tu. Ingawa Mwenyezi Mungu amewaahidi wote mashukio mema, lakini Mwenyezi Mungu amewafadhili wanao pigana kwa ujira mkubwa kuliko wanao kaa tu."/>
		<aya index="96" text="Ni vyeo hivyo vinavyo toka kwake, na maghfira na rehema. Na Mwenyezi Mungu ni Mwingi wa maghfira na Mwenye kurehemu."/>
		<aya index="97" text="Hakika Malaika watawaambia wale ambao wamewafisha nao wamejidhulumu nafsi zao: Mlikuwa vipi? Watasema: Tulikuwa tunaonewa. Watawaambia: Kwani ardhi ya Mwenyezi Mungu haikuwa na wasaa wa kuhamia humo? Basi hao makaazi yao ni Jahannamu, nayo ni marejeo mabaya kabisa."/>
		<aya index="98" text="Isipo kuwa wale walio kuwa wanyonge miongoni mwa wanaume na wanawake na watoto wasio na uweza wa hila ya kuongoza njia ya kuhama."/>
		<aya index="99" text="Basi hao huenda Mwenyezi Mungu akawasamehe. Na Mwenyezi Mungu ni Mwingi wa kusamehe, Mwingi wa maghfira."/>
		<aya index="100" text="Na mwenye kuhama katika Njia ya Mwenyezi Mungu atapata pengi duniani pa kukimbilia, na atapata wasaa. Na anaye toka nyumbani kwake kuhama kwa ajili ya Mwenyezi Mungu na Mtume wake, kisha yakamfika mauti njiani basi umethibiti ujira wake kwa Mwenyezi Mungu. Na Mwenyezi Mungu ndiye Mwenye maghfira na Mwenye kurehemu."/>
		<aya index="101" text="Na mnapo safiri katika nchi si vibaya kwenu kama mkifupisha Sala, iwapo mnachelea wasije wale walio kufuru wakakuleteeni maudhi. Hakika makafiri ni maadui zenu walio wazi wazi."/>
		<aya index="102" text="Na unapo kuwa pamoja nao, ukawasalisha, basi kundi moja miongoni mwao wasimame pamoja nawe na wachukue silaha zao. Na watakapo maliza sijida zao, basi nawende nyuma yenu, na lije kundi jingine ambalo halijasali, lisali pamoja nawe. Nao wachukue hadhari yao na silaha zao. Walio kufuru wanapenda mghafilike na silaha zenu na vifaa vyenu ili wakuvamieni mvamio wa mara moja. Wala si vibaya kwenu ikiwa mnaona udhia kwa sababu ya mvua au mkawa wagonjwa, mkaziweka silaha zenu. Na chukueni hadhari yenu. Hakika Mwenyezi Mungu amewaandalia makafiri adhabu ya kudhalilisha."/>
		<aya index="103" text="Mkisha sali basi mkumbukeni Mwenyezi Mungu mkisimama, na mkikaa, na mnapo jinyoosha kwa kulala. Na mtapo tulia basi shikeni Sala kama dasturi. Kwani hakika Sala kwa Waumini ni faradhi iliyo wekewa nyakati maalumu."/>
		<aya index="104" text="Wala msifanye ulegevu kuwafukuzia kaumu ya maadui. Ikiwa mnaumia, basi nao pia wanaumia kama mnavyo umia nyinyi. Nanyi mnataraji kwa Mwenyezi Mungu wasio yataraji wao. Na hakika Mwenyezi Mungu ni Mjuzi na Mwenye hikima."/>
		<aya index="105" text="Hakika Sisi tumekuteremshia Kitabu hiki kwa haki ili upate kuhukumu baina ya watu kwa alivyo kuonyesha Mwenyezi Mungu. Wala usiwe mtetezi wa makhaaini."/>
		<aya index="106" text="Na muombe maghfira Mwenyezi Mungu. Hakika Mwenyezi Mungu ni Mwingi wa maghfira, Mwenye kurehemu."/>
		<aya index="107" text="Wala usiwatetee wanao khini nafsi zao. Hakika Mwenyezi Mungu hampendi aliye khaaini, mwenye dhambi."/>
		<aya index="108" text="Wanataka kujificha kwa watu, wala hawataki kujificha kwa Mwenyezi Mungu, naye yu pamoja nao pale wanapo panga njama usiku kwa maneno asiyo yapenda. Na Mwenyezi Mungu anayajua vyema wanayo yatenda."/>
		<aya index="109" text="Hivyo nyinyi mmewatetea hawa katika uhai huu wa duniani. Basi nani atakaye watetea kwa Mwenyezi Mungu Siku ya Kiyama? Au ni nani atakuwa wakili wao wa kumtegemea?"/>
		<aya index="110" text="Na anaye tenda uovu au akajidhulumu nafsi yake, kisha akaomba maghfira kwa Mwenyezi Mungu, atamkuta Mwenyezi Mungu ni Mwingi wa maghfira, Mwenye kurehemu."/>
		<aya index="111" text="Na anaye chuma dhambi, basi ameichumia nafsi yake mwenyewe. Na Mwenyezi Mungu ni Mjuzi, Mwenye hikima."/>
		<aya index="112" text="Na atendaye kosa au dhambi kisha akamsingizia asiye na kosa, basi amejitwika dhulma na dhambi iliyo wazi."/>
		<aya index="113" text="Na lau kuwa si fadhila ya Mwenyezi Mungu juu yako na rehema yake, kundi moja kati yao linge dhamiria kukupoteza. Wala hawapotezi ila nafsi zao, wala hawawezi kukudhuru kwa lolote. Na Mwenyezi Mungu amekuteremshia Kitabu na hikima na amekufundisha uliyo kuwa huyajui. Na fadhila za Mwenyezi Mungu zilizo juu yako ni kubwa."/>
		<aya index="114" text="Hakuna kheri katika mengi ya wanayo shauriana kwa siri, isipo kuwa kwa yule anaye amrisha kutoa sadaka, au kutenda mema, au kupatanisha baina ya watu. Na mwenye kufanya hayo kwa kutaka radhi ya Mwenyezi Mungu, basi tutakuja mpa ujira mkubwa."/>
		<aya index="115" text="Na anaye mpinga Mtume baada ya kumdhihirikia uwongofu, na akafuata njia isiyo kuwa ya Waumini, tutamuelekeza aliko elekea, na tutamuingiza katika Jahannamu. Na hayo ni marejeo maovu."/>
		<aya index="116" text="Hakika Mwenyezi Mungu hasamehi kushirikishwa na kitu. Lakini Yeye husamehe yasiyo kuwa hayo kwa amtakaye. Na anaye mshirikisha Mwenyezi Mungu basi huyo amepotea upotovu wa mbali."/>
		<aya index="117" text="Wao hawawaombi badala yake Yeye ila wanawake, wala hawamuombi ila Shet'ani aliye asi."/>
		<aya index="118" text="Mwenyezi Mungu amemlaani. Naye Shet'ani alisema: Kwa yakini nitawachukua sehemu maalumu katika waja wako."/>
		<aya index="119" text="Na hakika nitawapoteza na nitawatia matamanio, na nitawaamrisha, basi watakata masikio ya wanyama, na nitawaamrisha, basi watabadili aliyo umba Mwenyezi Mungu. Na mwenye kumfanya Shet'ani kuwa ni mlinzi wake badala ya Mwenyezi Mungu, basi huyo amekhasiri khasara ya dhaahiri."/>
		<aya index="120" text="Anawaahidi na anawatia tamaa. Na Shet'ani hawaahidi ila udanganyifu."/>
		<aya index="121" text="Hao makao yao ni Jahannamu, na wala hawapati makimbilio kutoka humo."/>
		<aya index="122" text="Na wale walio amini na wakatenda mema, tutawaingiza katika Bustani zipitayo mito kati yake. Watadumu humo milele. Ndiyo ahadi ya Mwenyezi Mungu iliyo kweli. Na nani mkweli zaidi kwa usemi kuliko Mwenyezi Mungu."/>
		<aya index="123" text="Si kwa matamanio yenu, wala matamanio ya Watu wa Kitabu! Anaye fanya ubaya atalipwa kwalo, wala hatajipatia mlinzi wala wa kumnusuru, isipo kuwa Mwenyezi Mungu."/>
		<aya index="124" text="Na anaye fanya mema, akiwa mwanamume au mwanamke, naye ni Muumini - basi hao wataingia Peponi wala hawatadhulumiwa hata kadiri ya tundu ya kokwa ya tende."/>
		<aya index="125" text="Na nani aliye bora kwa dini kuliko yule aliye usilimisha uso wake kwa Mwenyezi Mungu, naye akawa mwema, na anafuata mila ya Ibrahim mwongofu? Na Mwenyezi Mungu alimfanya Ibrahim kuwa ni rafiki mwendani."/>
		<aya index="126" text="Ni vya Mwenyezi Mungu tu vyote vilivyomo mbinguni na vilivyomo duniani. Na Mwenyezi Mungu ni mwenye kuvizunguka vitu vyote."/>
		<aya index="127" text="Wanakuuliza nini sharia ya wanawake. Sema: Mwenyezi Mungu ana kutoleeni fatwa juu yao, na mnayo somewa humu Kitabuni kukhusu mayatima wanawake ambao hamwapi walicho andikiwa, na mnapenda kuwaoa, na kukhusu wanyonge katika watoto, na kwamba mwasimamie mayatima kwa uadilifu. Na kheri yoyote mnayo fanya Mwenyezi Mungu anaijua."/>
		<aya index="128" text="Na mwanamke akichelea kutupwa au kutojaliwa na mumewe, basi si vibaya kwao wakisikizana kwa suluhu. Na suluhu ni bora. Na nafsi zimewekewa machoni mwake tamaa na choyo. Na mkifanya wema na mkamchamngu basi hakika Mwenyezi Mungu anazo khabari za yote mnayo yatenda."/>
		<aya index="129" text="Wala hamtaweza kufanya uadilifu baina ya wake, hata mkikakamia. Kwa hivyo msimili moja kwa moja mkamwacha (mmojapo) kama aliye tundikwa. Na mkisikizana na mkamchamngu basi Mwenyezi Mungu ni Mwingi wa maghfira na Mwenye kurehemu."/>
		<aya index="130" text="Na wakitengana Mwenyezi Mungu atamtosheleza kila mmoja katika wao kwa ukunjufu wake. Na Mwenyezi Mungu ni Mkunjufu Mwenye hikima."/>
		<aya index="131" text="Na ni vya Mwenyezi Mungu tu vyote viliomo katik mbingu na viliomo katika dunia. Na kwa hakika tuliwausia walio pewa Kitabu kabla yenu, na nyinyi pia, kwamba mumche Mwenyezi Mungu. Na mkikataa, basi ni vya Mwenyezi Mungu viliomo mbinguni na viliomo duniani. Na Mwenyezi Mungu ni Mkwasi, anajitosha, na Msifiwa."/>
		<aya index="132" text="Na ni vya Mwenyezi Mungu viliomo katika mbingu na viliomo katika ardhi. Na Mwenyezi Mungu anatosha kuwa Mlinzi."/>
		<aya index="133" text="Akitaka atakuondoeni, enyi watu! Na awalete wengineo. Na Mwenyezi Mungu ni Muweza wa hayo."/>
		<aya index="134" text="Anaye taka malipo ya dunia, basi kwa Mwenyezi Mungu yapo malipo ya dunia na Akhera. Na Mwenyezi Mungu ni Mwenye kusikia na Mwenye kuona."/>
		<aya index="135" text="Enyi mlio amini! Kuweni wenye kusimamisha uadilifu, mtowao ushahidi kwa ajili ya Mwenyezi Mungu, ijapo kuwa ni juu ya nafsi zenu, au wazazi wawili na jamaa zenu. Akiwa tajiri au masikini Mwenyezi Mungu anawastahikia zaidi. Basi msifuate matamanio, mkaacha kufanya uadilifu. Na mkiupotoa au mkajitenga nao basi Mwenyezi Mungu anajua vyema mnayo yatenda."/>
		<aya index="136" text="Enyi mlio amini! Muaminini Mwenyezi Mungu, na Mtume wake, na Kitabu alicho kiteremsha juu ya Mtume wake, na Kitabu alicho kiteremsha kabla yake. Na anaye mkataa Mwenyezi Mungu, na Malaika wake, na Vitabu vyake, na Mitume wake, na Siku ya Akhera, basi huyo amekwisha potelea mbali."/>
		<aya index="137" text="Hakika walio amini, kisha wakakufuru, kisha wakaamini, kisha wakazidi ukafiri, Mwenyezi Mungu hakuwa wa kuwaghufiria wala wa kuwaongoa njia."/>
		<aya index="138" text="Wabashirie wanaafiki kwamba watapata adhabu chungu,"/>
		<aya index="139" text="Wale ambao huwafanya makafiri kuwa ndio marafiki badala ya Waumini. Je! Wanataka wapate kwao utukufu? Basi hakika utukufu wote ni wa Mwenyezi Mungu."/>
		<aya index="140" text="Naye amekwisha kuteremshieni katika Kitabu hiki ya kwamba mnapo sikia Aya za Mwenyezi Mungu zinakanushwa na zinafanyiwa kejeli, basi msikae pamoja nao, mpaka waingie katika mazungumzo mengine. Hivyo mtakuwa nanyi mfano wao hao. Hakika Mwenyezi Mungu atawakusanya wanaafiki na makafiri wote pamoja katika Jahannamu,"/>
		<aya index="141" text="Wale ambao wanakungojeeni, mkipata ushindi unao toka kwa Mwenyezi Mungu wao husema: Si tulikuwa pamoja nanyi vile? Na ikiwa ni sehemu ya makafiri kushinda wao huwaambia: Hatukuwa ni waweza wa kukushindeni, nasi tukakukingeni na hawa Waumini? Basi Mwenyezi Mungu atahukumu baina yenu Siku ya Kiyama, wala Mwenyezi Mungu hatawapa makafiri njia ya kuwashinda Waumini."/>
		<aya index="142" text="Hakika wanaafiki wanamkhadaa Mwenyezi Mungu, na hali ni Yeye ndiye mwenye kuwakhadaa wao. Na wanapo inuka kusali huinuka kwa unyong'onyo, wanajionyesha kwa watu tu, wala hawamdhukuru Mwenyezi Mungu ila kidogo tu."/>
		<aya index="143" text="Wanayumba yumba baina ya huku na huko. Huku hawako na huko hawako. Na ambaye Mwenyezi Mungu amemwacha kupotea, kabisa hutompatia njia."/>
		<aya index="144" text="Enyi mlio amini! Msiwafanye makafiri kuwa ndio marafiki badala ya Waumini. Je, mnataka Mwenyezi Mungu awe na hoja iliyo wazi juu yenu?"/>
		<aya index="145" text="Hakika wanaafiki watakuwa katika t'abaka ya chini kabisa Motoni, wala hutompata yeyote wa kuwanusuru."/>
		<aya index="146" text="Isipo kuwa wale walio tubu, na wakatengeneza na wakashikamana na Mwenyezi Mungu, na wakamtakasia Dini yao Mwenyezi Mungu. Basi hao ni pamoja na Waumini. Na Mwenyezi Mungu atakuja wapa Waumini ujira mkubwa."/>
		<aya index="147" text="Mwenyezi Mungu hakuadhibuni mkimshukuru na mkamuamini. Na Mwenyezi Mungu ndiye Mwenye kupokea shukrani na ndiye Mwenye kujua."/>
		<aya index="148" text="MWENYEZI MUNGU hapendi uovu uenezwe kwa maneno ila kwa mwenye kudhulumiwa. Na Mwenyezi Mungu ndiye Mwenye kusikia na Mwenye kujua."/>
		<aya index="149" text="Mkidhihirisha wema au mkiuficha, au mkiyasamehe maovu, hakika Mwenyezi Mungu ni Mwingi wa maghfira na Muweza."/>
		<aya index="150" text="Hakika wale wanao mkataa Mwenyezi Mungu na Mitume wake, na wanataka kufarikisha baina ya Mwenyezi Mungu na Mitume wake, kwa kusema: Wengine tunawaamini na wengine tunawakataa. Na wanataka kushika njia iliyo kati kati ya haya,"/>
		<aya index="151" text="Hao ndio makafiri kweli. Na tumewaandalia makafiri adhabu ya kudhalilisha."/>
		<aya index="152" text="Na walio muamini Mwenyezi Mungu na Mitume wake, wala wasimfarikishe yeyote kati yao, hao atawapa ujira wao. Na Mwenyezi Mungu ni Mwingi wa maghfira, na Mwenye kurehemu."/>
		<aya index="153" text="Watu wa Kitabu wanakutaka uwateremshia kitabu kutoka mbinguni. Na kwa hakika walikwisha mtaka Musa makubwa kuliko hayo. Walisema: Tuonyeshe Mwenyezi Mungu wazi wazi. Wakapigwa na radi kwa hiyo dhulma yao. Kisha wakamchukua ndama kumuabudu, baada ya kwisha wajia hoja zilizo wazi. Nasi tukasamehe hayo, na tukampa Musa nguvu zilizo dhaahiri."/>
		<aya index="154" text="Na tukanyanyua mlima juu yao kwa kufanya agano nao. Na tukawaambia: Ingilieni mlangoni kwa unyenyekevu. Na tukawaambia: Msiivunje Siku ya Sabato (Jumaa mosi). Na tukachukua kwao ahadi iliyo madhubuti."/>
		<aya index="155" text="Basi kwa sababu ya kuvunja kwao ahadi zao, na kuzikataa kwao ishara za Mwenyezi Mungu, na kuwauwa kwao Manabii bila ya haki, na kusema kwao: Nyoyo zetu zimefumbwa; bali Mwenyezi Mungu amezipiga muhuri kwa kufuru zao, basi hawaamini ila kidogo tu -"/>
		<aya index="156" text="Na pia kwa kufuru zao na kumsingizia kwao Maryamu uwongo mkubwa,"/>
		<aya index="157" text="Na kwa kusema kwao: Sisi tumemuuwa Masihi Isa, mwana wa Maryamu, Mtume wa Mwenyezi Mungu - nao hawakumuuwa wala hawakumsalibu, bali walifananishiwa tu. Na hakika walio khitalifiana katika haya wamo katika shaka nayo. Wao hawana ujuzi nayo wowote, ila ni kufuata dhana tu. Wala hawakumuuwa kwa yakini."/>
		<aya index="158" text="Bali Mwenyezi Mungu alim- tukuza kwake, na hakika Mwenyezi Mungu ni Mwenye nguvu, Mwenye hikima."/>
		<aya index="159" text="Na hawi katika Watu wa Kitabu ila hakika atamuamini yeye kabla ya kufa kwake. Naye Siku ya Kiyama atakuwa shahidi juu yao."/>
		<aya index="160" text="Basi kwa dhulma yao Mayahudi tuliwaharimishia vitu vizuri walivyo halalishiwa. Na kwa sababu ya kuwazuilia kwao watu wengi na Njia ya Mwenyezi Mungu,"/>
		<aya index="161" text="Na kuchukua kwao riba, nao wamekatazwa, na kula kwao mali ya watu kwa dhulma. Basi tumewaandalia makafiri katika wao adhabu yenye uchungu."/>
		<aya index="162" text="Lakini walio bobea katika ilimu miongoni mwao, na Waumini, wanayaamini uliyo teremshiwa wewe, na yaliyo teremshwa kabla yako. Na wanao shika Sala, na wakatoa Zaka, na wanao muamini Mwenyezi Mungu na Siku ya Mwisho - hao tutawapa malipo makubwa."/>
		<aya index="163" text="Hakika Sisi tumekuletea wahyi wewe kama tulivyo wapelekea wahyi Nuhu na Manabii walio kuwa baada yake. Na tulimpelekea wahyi Ibrahim na Ismail na Is-haka na Yaakub na wajukuu zake, na Isa na Ayub na Yunus na Harun na Suleiman, na Daud tukampa Zaburi."/>
		<aya index="164" text="Na Mitume tulio kwisha kukuhadithia kabla yake, na Mitume wengine hatukukuhadithia. Na Mwenyezi Mungu alinena na Musa kwa maneno."/>
		<aya index="165" text="Mitume hao ni wabashiri na waonyaji, ili watu wasiwe na hoja juu ya Mwenyezi Mungu baada ya kuletewa Mitume. Na Mwenyezi Mungu ni Mwenye nguvu, Mwenye hikima."/>
		<aya index="166" text="Lakini Mwenyezi Mungu anayashuhudia aliyo kuteremshia wewe. Ameyateremsha kwa kujua kwake - na Malaika pia wanashuhudia. Na Mwenyezi Mungu anatosha kuwa shahidi."/>
		<aya index="167" text="Hakika walio kufuru na wakazuilia Njia ya Mwenyezi Mungu, wamekwisha potelea mbali."/>
		<aya index="168" text="Hakika wale walio kufuru na wakadhulumu hawi Mwenyezi Mungu kuwasamehe wala kuwaongoa njia."/>
		<aya index="169" text="Isipo kuwa njia ya Jahannamu. Humo watadumu milele. Na hayo kwa Mwenyezi Mungu ni mepesi."/>
		<aya index="170" text="Enyi Watu! Amekwisha kujieni Mtume huyu na haki itokayo kwa Mola wenu Mlezi. Basi aminini, ndiyo kheri yenu. Na mkikakanusha basi hakika viliomo mbinguni na duniani ni vya Mwenyezi Mungu tu. Na hakika Mwenyezi Mungu ni Mjuzi Mwenye hikima."/>
		<aya index="171" text="Enyi Watu wa Kitabu! Msipite kiasi katika dini yenu, wala msimseme Mwenyezi Mungu ila kwa lilio kweli. Hakika Masihi Isa mwana wa Maryamu ni Mtume wa Mwenyezi Mungu, na neno lake tu alilo mpelekea Maryamu, na ni roho iliyo toka kwake. Basi Muaminini Mwenyezi Mungu na Mitume wake. Wala msiseme: Utatu. Komeni! Itakuwa kheri kwenu. Hakika Mwenyezi Mungu ni Mungu mmoja tu. Ametukuka Yeye na kuwa na mwana. Ni vyake Yeye vyote viliomo katika mbingu na katika ardhi. Na Mwenyezi Mungu ni Mtegemewa wa kutosha."/>
		<aya index="172" text="Masihi hataona uvunjifu kuwa mtumwa wa Mwenyezi Mungu, wala Malaika walio karibishwa. Na watakao ona uvunjifu utumwa wa Mwenyezi Mungu na kufanya kiburi, basi atawakusanya wote kwake."/>
		<aya index="173" text="Na ama walio amini na wakatenda mema atawalipa ujira wao sawa sawa, na atawazidishia kwa fadhila yake. Na ama wale walio ona uvunjifu na wakafanya kiburi, basi atawaadhibu adhabu iliyo chungu. Wala hawatopata mlinzi wala wa kuwanusuru asiye kuwa Mwenyezi Mungu."/>
		<aya index="174" text="Enyi watu! Umekufikieni ushahidi kutoka kwa Mola wenu Mlezi. Na tumekuteremshieni Nuru iliyo wazi."/>
		<aya index="175" text="Ama wale walio muamini Mwenyezi Mungu, na wakashikamana naye, basi atawatia katika rehema yake na fadhila, na atawaongoa kwenye Njia Iliyo Nyooka."/>
		<aya index="176" text="Wanakuomba uhukumu, sema: Mwenyezi Mungu anakupeni hukumu juu ya mkiwa. Ikiwa mtu amekufa, naye hana mtoto, lakini anaye ndugu wa kike, basi huyo atapata nusu alicho acha maiti. Na mwanamume atamrithi ndugu wa kike ikiwa hana mwana. Na ikiwa wao ni ndugu wa kike wawili, basi watapata thuluthi mbili za alicho acha maiti. Na wakiwa ndugu wanaume na wanawake, basi mwanamume atapata sehemu iliyo sawa na ya wanawake wawili. Mwenyezi Mungu anakubainishieni ili msipotee; na Mwenyezi Mungu ni Mjuzi wa kila kitu."/>
	</sura>
	<sura index="5" name="">
		<aya index="1" text="Enyi mlio amini! Timizeni ahadi. Mmehalalishiwa wanyama wa mifugo, ila wale mnao tajiwa. Lakini msihalalishe kuwinda nanyi mmo katika Hija. Hakika Mwenyezi Mungu anahukumu apendavyo."/>
		<aya index="2" text="Enyi mlio amini! Msivunje hishima ya alama ya Dini ya Mwenyezi Mungu wala mwezi mtakatifu, wala wanyama wanao pelekwa Makka kuchinjwa, wala vigwe vyao, wala wanao elekea kwendea Nyumba Takatifu, wakitafuta fadhila na radhi za Mola wao Mlezi. Na mkisha toka Hija yenu basi windeni. Wala kuwachukia watu kwa kuwa wali- kuzuilieni kufika Msikiti mtakatifu kusikupelekeeni kuwafanyia uadui. Na saidianeni katika wema na uchamngu. Wala msisaidiane katika dhambi na uadui. Na mcheni Mwenyezi Mungu. Hakika Mwenyezi Mungu ni Mkali wa kuadhibu."/>
		<aya index="3" text="Mmeharimishiwa nyamafu, na damu, na nyama ya nguruwe, na mnyama aliye chinjwa si kwa ajili ya Mwenyezi Mungu, na aliye kufa kwa kunyongeka koo, na aliye kufa kwa kupigwa, na aliye kufa kwa kuanguka, na aliye kufa kwa kupigwa pembe, aliye liwa na mnyama, ila mkimdiriki kumchinja. Na pia ni haramu kula nyama aliye chinjiwa masanamu. Na ni haramu kupiga ramli. Hayo yote ni upotovu. Leo walio kufuru wamekata tamaa na Dini yenu; basi msiwaogope, bali niogopeni Mimi. Leo nimekukamiliishieni Dini yenu, na nimekutimizieni neema yangu, na nimekupendeleeni UISLAMU uwe ndiyo Dini. Na mwenye kushurutishwa na njaa, bila ya kupendelea dhambi, basi hakika Mwenyezi Mungu ni Msamehevu na Mwenye kurehemu."/>
		<aya index="4" text="Wanakuuliza wamehalalishiwa nini? Sema: Mmehalalishiwa kila vilivyo vizuri na mlicho wafundisha wanyama kukiwinda. Mnawafundisha alivyo kufunzeni Mwenyezi Mungu. Basi kuleni walicho kukamatieni, na mkisomee jina la Mwenyezi Mungu. Na mcheni Mwenyezi Mungu; hakika Mwenyezi Mungu ni Mwepesi wa kuhisabu."/>
		<aya index="5" text="Leo mmehalalishiwa kila vilivyo vizuri. Na chakula cha walio pewa Kitabu ni halali kwenu, na chakula chenu ni halali kwao. Na pia wanawake wema miongoni mwa Waumini, na wanawake wema miongoni mwa walio pewa Kitabu kabla yenu, mtakapo wapa mahari yao, mkafunga nao ndoa, bila ya kufanya uhasharati wala kuwaweka kinyumba. Na anaye kataa kuamini bila shaka a'mali yake imepotea, naye katika Akhera atakuwa miongoni mwa wenye khasara."/>
		<aya index="6" text="Enyi mlio amini! Mnapo simama kwa ajili ya Sala basi osheni nyuso zenu, na mikono yenu mpaka vifundoni, na mpake vichwa vyenu, na osheni miguu yenu mpaka vifundoni. Na mkiwa na janaba basi ogeni. Na mkiwa wagonjwa au mmo safarini, au mmoja wenu ametoka chooni au mmewagusa wanawake, na hamkupata maji, basi tayamamuni vumbi lilio safi, na mpake nyuso zenu na mikono yenu. Hapendi Mwenyezi Mungu kukutieni katika taabu; bali anataka kukutakaseni na kutimiza neema yake juu yenu ili mpate kushukuru."/>
		<aya index="7" text="Na kumbukeni neema ya Mwenyezi Mungu iliyo juu yenu, na ahadi yake aliyo fungamana nanyi mlipo sema: Tumesikia na tumet'ii. Na mcheni Mwenyezi Mungu. Hakika Mwenyezi Mungu ni Mjuzi sana wa yaliyomo vifuani."/>
		<aya index="8" text="Enyi mlio amini! Kuweni wasimamizi madhubuti kwa ajili ya Mwenyezi Mungu mkitoa ushahidi kwa haki. Wala kuchukiana na watu kusikupelekeeni kutofanya uadilifu. Fanyeni uadilifu. Hivyo ndio kuwa karibu mno na uchamngu. Na mcheni Mwenyezi Mungu. Hakika Mwenyezi Mungu anazo khabari za mnayo yatenda."/>
		<aya index="9" text="Mwenyezi Mungu amewaahidi walio muamini na wakatenda mema kwamba watapata maghfira na malipo makubwa."/>
		<aya index="10" text="Na wale walio kufuru na wakakanusha Ishara zetu, hao ndio watu wa Motoni."/>
		<aya index="11" text="Enyi mlio amini! Kumbukeni neema za Mwenyezi Mungu zilizo juu yenu, walipo taka watu kukunyooshieni mikono, naye akaizuilia mikono yao kukufikieni. Na mcheni Mwenyezi Mungu. Na Waumini wamtegemee Mwenyezi Mungu tu."/>
		<aya index="12" text="Na Mwenyezi Mungu alifanya agano na Wana wa Israili. Na tukawateulia kutokana nao wakuu kumi na mbili. Na Mwenyezi Mungu akasema: Kwa yakini Mimi ni pamoja nanyi. Mkisali, na mkatoa Zaka, na mkawaamini Mitume wangu, na mkawasaidia, na mkamkopesha Mwenyezi Mungu mkopo mwema, hapana shaka nitakufutieni maovu yenu na nitakuingizeni katika mabustani yapitayo mito kati yake. Lakini atakaye kufuru miongoni mwenu baada ya hayo bila ya shaka atakuwa amepotea njia iliyo sawa."/>
		<aya index="13" text="Basi kwa sababu ya kuvunja agano lao tuliwalaani, na tukazifanya nyoyo zao kuwa ngumu. Wanayabadilisha maneno kutoka pahala pake, na wamesahau sehemu ya yale waliyo kumbushwa. Na huachi kuvumbua khiana kutokana nao, isipo kuwa wachache miongoni mwao. Basi wasamehe na waache. Hakika Mwenyezi Mungu huwapenda wafanyao wema."/>
		<aya index="14" text="Na kutoka kwa wale walio sema: Sisi ni Manasara, tulichukua ahadi yao, lakini wakasahau sehemu ya waliyo kumbushwa. Kwa hivyo tukaweka kati yao uadui na chuki mpaka Siku ya Kiyama. Na hapo Mwenyezi Mungu atawaambia waliyo kuwa wakiyafanya."/>
		<aya index="15" text="Enyi Watu wa Kitabu! Amekwisha kujieni Mtume wetu anaye kufichulieni mengi mliyo kuwa mkiyaficha katika Kitabu, na anaye samehe mengi. Bila shaka imekujieni kutoka kwa Mwenyezi Mungu nuru na Kitabu kinacho bainisha."/>
		<aya index="16" text="Mwenyezi Mungu huwaongoa wenye kufuata radhi yake katika njia za salama, na huwatoa katika giza kuwapeleka kwenye nuru kwa amri yake, na huwaongoa kwenye njia iliyo nyooka."/>
		<aya index="17" text="Hakika wamekufuru walio sema: Mwenyezi Mungu ni Masihi mwana wa Maryamu. Sema: Ni nani mwenye kumiliki cho chote mbele ya Mwenyezi Mungu ikiwa Yeye angetaka kumuangamiza Masihi mwana wa Maryamu, na mama yake, na wote waliomo katika ardhi? Na mamlaka ya mbingu na ardhi na vilivyomo ndani yake ni vya Mwenyezi Mungu. Huumba apendavyo. Na Mwenyezi Mungu anao uweza juu ya kila kitu."/>
		<aya index="18" text="Na Mayahudi na Wakristo wanasema: Sisi ni wana wa Mwenyezi Mungu na vipenzi vyake. Sema: Basi kwa nini anakuadhibuni kwa ajili ya dhambi zenu? Bali nyinyi ni watu tu kama wale wengine alio waumba. Humsamehe amtakaye na humuadhibu amtakaye. Na ni wa Mwenyezi Mungu tu ufalme wa mbingu na ardhi. Na marejeo ni kwake Yeye."/>
		<aya index="19" text="Enyi Watu wa Kitabu! Bila ya shaka amekujilieni Mtume wetu akikubainishieni katika wakati usio kuwa na Mitume, msije mkasema: Hakufika kwetu mbashiri wala mwonyaji. Basi amekujieni mbashiri na mwonyaji. Na Mwenyezi Mungu anao uweza wa kila kitu."/>
		<aya index="20" text="Na pale Musa alipo waambia watu wake: Enyi watu wangu! Kumbukeni neema za Mwenyezi Mungu zilizo juu yenu, alipo wateuwa Manabii kati yenu, na akakufanyeni watawala, na akakupeni ambayo hakuwapa wowote katika walimwengu."/>
		<aya index="21" text="Enyi watu wangu! Ingieni katika nchi takatifu ambayo Mwenyezi Mungu amekuandikieni. Wala msirudi nyuma, msije mkawa wenye kukhasirika."/>
		<aya index="22" text="Wakasema: Ewe Musa! Huko wako watu majabari. Nasi hatutaingia huko mpaka wao watoke humo. Wakitoka humo hapo tutaingia."/>
		<aya index="23" text="Watu wawili miongoni mwa wachamngu ambao Mwenyezi Mungu amewaneemesha, walisema: Waingilieni kwa mlangoni. Mtakapo waingilia basi kwa yakini nyinyi mtashinda. Na mtegemeeni Mwenyezi Mungu ikiwa nyinyi ni Waumini."/>
		<aya index="24" text="Wakasema: Ewe Musa! Sisi hatutaingia humo kamwe maadamu wao wamo humo. Basi nenda wewe na Mola wako Mlezi mkapigane. Sisi tutakaa hapa hapa."/>
		<aya index="25" text="Akasema: Mola wangu Mlezi! Hakika mimi similiki ila nafsi yangu na ndugu yangu. Basi tutenge na hawa watu wapotovu."/>
		<aya index="26" text="(Mwenyezi Mungu) akasema: Basi nchi hiyo wameharimishiwa muda wa miaka arubaini, watakuwa wakitanga-tanga katika ardhi. Basi wewe usiwasikitikie watu wapotovu."/>
		<aya index="27" text="Na wasomee khabari za wana wawili wa Adam kwa kweli. Walipo toa mhanga, ukakubaliwa wa mmoja wao, na wa mwengine haukukubaliwa. Akasema: Nitakuuwa. Akasema mwengine: Mwenyezi Mungu huwapokelea wachamngu."/>
		<aya index="28" text="Ukininyooshea mkono wako kuniuwa, mimi sitakunyooshea mkono wangu kukuuwa. Hakika mimi namwogopa Mwenyezi Mungu, Mola wa walimwengu wote."/>
		<aya index="29" text="Mimi nataka ubebe dhambi zangu na dhambi zako, kwani wewe utakuwa miongoni mwa watu wa Motoni. Na hayo ndiyo malipo ya wenye kudhulumu."/>
		<aya index="30" text="Basi nafsi yake ikampelekea kumuuwa nduguye, akamuuwa na akawa miongoni mwa wenye kukhasirika."/>
		<aya index="31" text="Hapo Mwenyezi Mungu akamleta kunguru anaye fukua katika ardhi ili amwonyeshe vipi kumsitiri nduguye. Akasema: Ole wangu! Nimeshindwa kuwa kama kunguru huyu nikamsitiri ndugu yangu? Basi akawa miongoni mwa wenye kujuta."/>
		<aya index="32" text="Kwa sababu ya hayo tuliwaandikia Wana wa Israili ya kwamba aliye muuwa mtu bila ya yeye kuuwa, au kufanya uchafuzi katika nchi, basi ni kama amewauwa watu wote. Na mwenye kumuokoa mtu na mauti ni kama amewaokoa watu wote. Na hakika waliwajia Mitume wetu na hoja zilizo wazi. Kisha wengi katika wao baada ya haya wakawa waharibifu katika nchi."/>
		<aya index="33" text="Basi malipo ya wale wanao mpiga vita Mwenyezi Mungu na Mtume wake na wakawania kufanya uchafuzi katika nchi, ni kuuwawa, au kusalibiwa, au kukatwa mikono yao na miguu yao kwa mabadilisho, au kutolewa nchi. Hii ndiyo hizaya yao katika dunia; na katika Akhera watapata adhabu kubwa."/>
		<aya index="34" text="Isipo kuwa wale walio tubu kabla hamjawatia nguvuni. Na jueni kwamba Mwenyezi Mungu ni Mwenye maghfira na Mwenye kurehemu."/>
		<aya index="35" text="Enyi mlio amini! Mcheni Mwenyezi Mungu, na tafuteni njia ya kumfikilia. Na wanieni kwa juhudi kwa ajili yake ili mpate kuokoka."/>
		<aya index="36" text="Hakika walio kufuru lau wange kuwa na yote yaliyomo duniani, na mengine kama hayo, ili watoe fidia ya kuepukana na adhabu ya Siku ya Kiyama, yasingeli pokelewa kwao; na watapata adhabu chungu."/>
		<aya index="37" text="Watataka watoke Motoni, lakini hawatatoka humo, na watakuwa na adhabu inayo dumu."/>
		<aya index="38" text="Na mwizi mwanamume na mwizi mwanamke, ikateni mikono yao, hayo ni malipo ya waliyo yachuma, ndiyo adhabu ya mfano itokayo kwa Mwenyezi Mungu. Na Mwenyezi Mungu ni Mwenye nguvu na Mwenye hikima."/>
		<aya index="39" text="Lakini mwenye kutubia baada ya dhulma yake, na akatengenea, basi Mwenyezi Mungu atapokea toba yake. Hakika Mwenyezi Mungu ni Mwenye maghfira na Mwenye kurehemu."/>
		<aya index="40" text="Hujui ya kwamba Mwenyezi Mungu anao ufalme wa mbingu na ardhi? Humuadhibu amtakaye, na humsamehe amtakaye. Na Mwenyezi Mungu ni Muweza wa kila kitu."/>
		<aya index="41" text="Ewe Mtume! Wasikuhuzunishe wa fanyao haraka kukufuru, miongoni mwa wanao sema kwa vinywa vyao: Tumeamini, na hali nyoyo zao hazikuamini, na miongoni mwa Mayahudi, wanao sikiliza kwa ajili ya uwongo, wanao sikiliza kwa ajili ya watu wengine wasio kufikia. Wao huyabadilisha maneno kutoka pahala pake. Wanasema: Mkipewa haya basi yashikeni, na msipo pewa haya tahadharini. Na mtu ambaye Mwenyezi Mungu anataka kumfitini huwezi kuwa na madaraka naye mbele ya Mwenyezi Mungu. Hao ndio ambao Mwenyezi Mungu hataki kuzitakasa nyoyo zao. Watakuwa na hizaya duniani, na Akhera watakuwa na adhabu kubwa."/>
		<aya index="42" text="Hao ni wasikilizaji kwa ajili ya kusema uwongo, na ni walaji mno vya haramu! Basi wakikujia, wahukumu baina yao au jipuuze nao. Na ukijipuuza nao, basi wao hawatakudhuru kitu. Na ukiwahukumu, basi hukumu baina yao kwa uadilifu. Hakika Mwenyezi Mungu anawapenda waadilifu."/>
		<aya index="43" text="Na huwaje wakufanye wewe hakimu nao wanayo Taurati yenye hukumu za Mwenyezi Mungu? Kisha baada ya hayo wanageuka. Na hao si wenye kuamini."/>
		<aya index="44" text="Hakika Sisi tuliteremsha Taurati yenye uwongofu na nuru, ambayo kwayo Manabii walio nyenyekea kiislamu, na wachamngu, na wanazuoni, waliwahukumu Mayahudi; kwani walikabidhiwa kukihifadhi Kitabu cha Mwenyezi Mungu. Nao wakawa ni mashahidi juu yake. Basi msiwaogope watu, bali niogopeni Mimi. Wala msibadilishe Aya zangu kwa thamani chache. Na wasio hukumu kwa aliyo teremsha Mwenyezi Mungu, basi hao ndio makafiri."/>
		<aya index="45" text="Na humo tuliwaandikia ya kwamba roho kwa roho, na jicho kwa jicho, na pua kwa pua, na sikio kwa sikio, na jino kwa jino, na kwa majaraha kisasi. Lakini atakaye samehe basi itakuwa ni kafara kwake. Na wasio hukumu kwa yale aliyo yateremsha Mwenyezi Mungu, basi hao ndio madhaalimu."/>
		<aya index="46" text="Na tukawafuatishia hao Isa bin Maryamu kuyahakikisha yaliyo kuwa kabla yake katika Taurati, na tukampa Injili iliyomo ndani yake uwongofu, na nuru na inayo sadikisha yaliyo kuwa kabla yake katika Taurati, na uwongofu na mawaidha kwa wachamngu."/>
		<aya index="47" text="Na wahukumu Watu wa Injili kwa yale aliyo teremsha Mwenyezi Mungu ndani yake. Na wasio hukumu kwa yale aliyo yateremsha Mwenyezi Mungu basi hao ndio wapotofu."/>
		<aya index="48" text="Na tumekuteremshia wewe, kwa haki, Kitabu hichi kinacho sadikisha yaliyo kuwa kabla yake katika Vitabu na kuyalinda. Basi hukumu baina yao kwa aliyo yateremsha Mwenyezi Mungu, wala usifuate matamanio yao ukaacha Haki iliyo kujia. Kila mmoja katika nyinyi tumemwekea sharia yake na njia yake. Na lau kuwa Mwenyezi Mungu angeli taka ange kufanyeni nyote umma mmoja, lakini ni kukujaribuni kwa aliyo kupeni. Basi shindaneni kwa mambo ya kheri. Kwa Mwenyezi Mungu ndio marejeo yenu nyote, na atakuja kuwaambieni yale mliyo kuwa mkikhitalifiana."/>
		<aya index="49" text="Na wahukumu baina yao kwa aliyo yateremsha Mwenyezi Mungu, wala usifuate matamanio yao. Nawe tahadhari nao wasije kukufitini ukaacha baadhi ya aliyo kuteremshia Mwenyezi Mungu. Na wakigeuka, basi jua kwamba hakika Mwenyezi Mungu anataka kuwasibu kwa baadhi ya dhambi zao. Na hakika wengi wa watu ni wapotofu."/>
		<aya index="50" text="Je, wao wanataka hukumu za Kijahiliya? Na nani aliye mwema zaidi katika kuhukumu kuliko Mwenyezi Mungu kwa watu wenye yakini?"/>
		<aya index="51" text="Enyi mlio amini! Msiwafanye Mayahudi na Wakristo kuwa ni marafiki. Wao ni marafiki wao kwa wao. Na miongoni mwenu mwenye kufanya urafiki nao, basi huyo ni katika wao. Hakika Mwenyezi Mungu hawaongoi watu wenye kudhulumu."/>
		<aya index="52" text="Utawaona wale wenye maradhi nyoyoni mwao wanakimbilia kwao wakisema: Tunakhofu yasitusibu mabadiliko. Huenda Mwenyezi Mungu akaleta ushindi au jambo jingine litokalo kwake wakawa wenye kujuta kwa waliyo yaficha katika nafsi zao."/>
		<aya index="53" text="Na walio amini watasema: Hivyo hawa ndio wale walio apa ukomo wa viapo vyao kuwa wao wa pamoja nanyi? Vitendo vyao vitapotea bure, na wataamkia kuwa wenye kukhasirika."/>
		<aya index="54" text="Enyi mlio amini! Atakaye iacha miongoni mwenu Dini yake, basi Mwenyezi Mungu atakuja leta watu anao wapenda nao wanampenda, wanyenyekevu kwa Waumini na wenye nguvu juu ya makafiri, wanapigania Jihadi katika Njia ya Mwenyezi Mungu, wala hawaogopi lawama ya anaye laumu. Hiyo ndiyo fadhila ya Mwenyezi Mungu, humpa amtakaye. Na Mwenyezi Mungu ni Mkunjufu na Mwenye kujua."/>
		<aya index="55" text="Hakika rafiki yenu mlinzi ni Mwenyezi Mungu na Mtume wake na walio amini, ambao hushika Sala na hutoa Zaka nao wananyenyekea."/>
		<aya index="56" text="Na atakaye fanya urafiki na Mwenyezi Mungu na Mtume wake na walio amini, basi hakika kundi la Mwenyezi Mungu ndilo lenye kushinda."/>
		<aya index="57" text="Enyi mlio amini! Msiwafanye marafiki wale walio ifanyia kejeli na mchezo Dini yenu miongoni mwa walio pewa Kitabu kabla yenu, na makafiri wengine. Na mcheni Mwenyezi Mungu kama nyinyi ni wenye kuamini."/>
		<aya index="58" text="Na mnapo adhinia Sala wao wanaichukulia maskhara na mchezo. Hayo ni kwa sababu wao ni watu wasio na akili."/>
		<aya index="59" text="Sema: Enyi Watu wa Kitabu! Hivyo mnatuchukia kwa kuwa tumemuamini Mwenyezi Mungu na tuliyo teremshiwa na yaliyo teremshwa kabla, na kwa kuwa wengi katika nyinyi ni wapotofu?"/>
		<aya index="60" text="Sema: Je! Nikwambieni yule ambaye ni mwenye malipo mabaya zaidi kuliko hayo mbele ya Mwenyezi Mungu? Ni yule ambaye Mwenyezi Mungu amemlaani na amemkasirikia, na amewafanya miongoni mwao manyani na nguruwe, na wakamuabudu Shet'ani. Hao ndio wenye mahali pabaya na wamepotea zaidi njia iliyo sawa."/>
		<aya index="61" text="Na wanapo kujieni husema: Tumeamini. Lakini hakika wao wameingia na ukafiri wao, na wametoka nao pia. Na Mwenyezi Mungu ni Mjuzi kabisa wa yote wanayo yaficha."/>
		<aya index="62" text="Na utawaona wengi katika wao wanakimbilia kwenye dhambi, na uadui, na ulaji wao vya haramu. Ni maovu mno hayo wayatendayo!"/>
		<aya index="63" text="Mbona hao wanazuoni na makohani wao hawawakatazi maneno yao ya dhambi, na ulaji wao vya haramu? Ni maovu mno hayo wayafanyayo!"/>
		<aya index="64" text="Na Mayahudi walisema: Mkono wa Mwenyezi Mungu umefumba. Mikono yao ndiyo iliyo fumba, na wamelaaniwa kwa sababu ya waliyo yasema. Bali mikono yake iwazi. Hutoa apendavyo. Kwa yakini yaliyo teremshwa kwako kutoka kwa Mola wako Mlezi yatawazidisha wengi katika wao uasi na kufuru. Na Sisi tumewatilia uadui na chuki baina yao mpaka Siku ya Kiyama. Kila mara wanapo washa moto wa vita, Mwenyezi Mungu anauzima. Na wanajitahidi kuleta uharibifu katika ardhi. Na Mwenyezi Mungu hawapendi waharibifu."/>
		<aya index="65" text="Na lau kuwa Watu wa Kitabu wangeli amini na wakachamngu hapana shaka tungeli wafutia makosa yao, na tungeli waingiza katika Bustani zenye neema."/>
		<aya index="66" text="Na lau kuwa wangeli ishika Taurati na Injili na yote waliyo teremshiwa kutokana na Mola wao Mlezi, basi hapana shaka wangeli kula vya juu yao na vya chini ya miguu yao. Wapo watu miongoni mwao walio sawa, lakini wengi wao wanayo yafanya ni mabaya mno."/>
		<aya index="67" text="Ewe Mtume! Fikisha uliyo teremshiwa kutoka kwa Mola wako Mlezi. Na ikiwa hukufanya hayo basi hukufikisha ujumbe wake. Na Mwenyezi Mungu atakulinda na watu. Hakika Mwenyezi Mungu hawaongoi watu makafiri."/>
		<aya index="68" text="Sema: Enyi Watu wa Kitabu! Hamna lenu jambo mpaka muishike Taurati na Injili na yote mlio teremshiwa kutokana na Mola wenu Mlezi. Na hakika ulio teremshiwa wewe kutokana na Mola wako Mlezi yatawazidishia wengi katika wao uasi na ukafiri. Basi usiwasikitikie watu makafiri."/>
		<aya index="69" text="Hakika walio amini, na Mayahudi na Masabii na Wakristo, walio muamini Mwenyezi Mungu, na Siku ya mwisho, na wakatenda mema, basi hawatakuwa na khofu wala hawatahuzunika."/>
		<aya index="70" text="Tulifanya agano na Wana wa Israili, na tukawatumia Mitume. Kila alipo wajia Mtume kwa wasio yapenda nafsi zao wengine waliwakanusha na wengine wakawauwa."/>
		<aya index="71" text="Na wakadhani kuwa hapatakuwa majaribio; basi wakawa vipofu na viziwi. Kisha Mwenyezi Mungu akawapokelea toba zao. Kisha tena wengi katika wao wakawa vipofu na viziwi. Na Mwenyezi Mungu ni Mwenye kuyaona hayo wayatendayo."/>
		<aya index="72" text="Hakika wamekufuru walio sema: Mwenyezi Mungu ni Masihi mwana wa Maryamu! Na hali Masihi mwenyewe alisema: Enyi Wana wa Israili! Muabuduni Mwenyezi Mungu, Mola wangu Mlezi na Mola wenu Mlezi. Kwani anaye mshirikisha Mwenyezi Mungu, hakika Mwenyezi Mungu atamharimishia Pepo, na mahala pake ni Motoni. Na walio dhulumu hawatakuwa na wa kuwanusuru."/>
		<aya index="73" text="Kwa hakika wamekufuru walio sema: Mwenyezi Mungu ni wa tatu wa Utatu. Hali hakuna mungu ila Mungu Mmoja. Na ikiwa hawaachi hayo wanayo yasema, kwa yakini itawakamata adhabu chungu wale wanao kufuru."/>
		<aya index="74" text="Je! Hawatubu kwa Mwenyezi Mungu na wakamwomba msamaha? Na Mwenyezi Mungu ni Mwenye maghfira na Mwenye kurehemu."/>
		<aya index="75" text="Masihi mwana wa Maryam si chochote ila ni Mtume. Wamekwisha pita Mitume kabla yake. Na mama yake ni mwanamke mkweli. Wote wawili walikuwa wakila chakula. Angalia jinsi tunavyo wabainishia Aya, kisha angalia vipi wanavyo geuzwa."/>
		<aya index="76" text="Sema: Je! Mnawaabudu, badala ya Mwenyezi Mungu, wale ambao hawawezi kukudhuruni wala kukufaeni? Na Mwenyezi Mungu ndiye Mwenye kusikia, Mwenye kujua."/>
		<aya index="77" text="Sema: Enyi Watu wa Kitabu! Msipite kiasi katika dini yenu bila ya haki. Wala msifuate matamanio ya watu walio kwisha potea tangu zamani, na wakawapoteza wengi, na wenyewe wakapotea njia iliyo sawa."/>
		<aya index="78" text="Walilaaniwa walio kufuru miongoni mwa Wana wa Israili kwa ulimi wa Daud na wa Isa mwana wa Maryamu. Hayo ni kwa sababu waliasi na wakawa wanapindukia mipaka."/>
		<aya index="79" text="Walikuwa hawakatazani maovu waliyo kuwa wakiyafanya. Hakika ni maovu yalioje mambo waliyo kuwa wakiyafanya!"/>
		<aya index="80" text="Utawaona wengi wao wanafanya urafiki na walio kufuru. Hakika ni maovu yaliyo tangulizwa na nafsi zao hata Mwenyezi Mungu amewakasirikia, nao watadumu katika adhabu."/>
		<aya index="81" text="Na lau wangeli kuwa wanamuamini Mwenyezi Mungu, na huyu Nabii, na yaliyo teremshwa kwake, wasingeli wafanya hao marafiki. Lakini wengi katika wao ni wapotofu."/>
		<aya index="82" text="Hakika utawakuta walio shadidi kuliko watu wote katika uadui kwa walio amini ni Mayahudi na washirikina. Na utawakuta walio karibu mno kwa mapenzi ni wale wanao sema: Sisi ni Manasara. Hayo ni kwa sababu wapo miongoni mwao makasisi na wamonaki, na kwa sababu wao hawafanyi kiburi."/>
		<aya index="83" text="NA WANAPO SIKIA yaliyo teremshwa kwa Mtume utaona macho yao yanachururika machozi kwa sababu ya Haki waliyo itambua. Wanasema: Mola wetu Mlezi! Tumeamini. Basi tuandike pamoja na wanao shuhudia."/>
		<aya index="84" text="Na kwa nini tusimuamini Mwenyezi Mungu na Haki iliyo tujia, na hali tunatumai Mola wetu Mlezi atuingize pamoja na watu wema?"/>
		<aya index="85" text="Basi Mwenyezi Mungu atawalipa, kwa yale waliyo yasema, Bustani zipitazo mito katika yake; humo watadumu. Na haya ndiyo malipo ya wafanyao wema."/>
		<aya index="86" text="Na wale walio kufuru na wakazikanusha Ishara zetu, hao ndio watu wa Motoni."/>
		<aya index="87" text="Enyi mlio amini! Msiharimishe vizuri alivyo kuhalalishieni Mwenyezi Mungu, wala msikiuke mipaka. Hakika Mwenyezi Mungu hawapendi wakiukao mipaka."/>
		<aya index="88" text="Na kuleni katika alivyo kuruzukuni Mwenyezi Mungu, halali na vizuri. Na mcheni Mwenyezi Mungu ambaye mnamuamini."/>
		<aya index="89" text="Mwenyezi Mungu hatakushikeni kwa viapo vyenu vya upuuzi, lakini atakushikeni kwa mnavyo apa kweli kweli kwa makusudio. Basi kafara yake ni kuwalisha masikini kumi kwa chakula cha wastani mnacho walisha ahali zenu, au kuwavisha, au kumkomboa mtumwa. Asiye pata hayo, basi afunge siku tatu. Hii ndiyo kafara ya viapo vyenu mnapo apa. Na hifadhini yamini zenu. Namna hivyo Mwenyezi Mungu anakubainishieni Aya zake ili mpate kushukuru."/>
		<aya index="90" text="Enyi mlio amini! Bila ya shaka ulevi, na kamari, na kuabudu masanamu, na kupiga ramli, ni uchafu katika kazi ya Shet'ani. Basi jiepusheni navyo, ili mpate kufanikiwa."/>
		<aya index="91" text="Hakika Shet'ani anataka kutia kati yenu uadui na chuki kwa ulevi na kamari, na akuzuieni kumkumbuka Mwenyezi Mungu na kusali. Basi je, mmeacha?"/>
		<aya index="92" text="Na mt'iini Mwenyezi Mungu, na mt'iini Mtume, na tahadharini. Na ikiwa mtageuka basi jueni ya kuwa juu ya Mtume wetu ni kufikisha ujumbe tu ulio wazi."/>
		<aya index="93" text="Si dhambi juu ya walio amini na wakatenda mema kwa walivyo vila (zamani) maadamu wakichamngu na wakiamini na wakitenda mema, kisha wakachamngu, na wakaamini, kisha wakachamngu na wakafanya mazuri. Na Mwenyezi Mungu huwapenda wafanyao mazuri."/>
		<aya index="94" text="Enyi mlio amini! Mwenyezi Mungu atakujaribuni kidogo kwa wanyama wa kuwinda inayo wafikia mikono yenu na mikuki yenu, ili Mwenyezi Mungu amjue nani anaye mkhofu kwa ghaibu. Basi atakaye ruka mipaka baada ya hayo atapata adhabu kali."/>
		<aya index="95" text="Enyi mlio amini! Msiue wanyama wa kuwinda nanyi mmeharimia katika Hija. Na miongoni mwenu atakaye muuwa makusudi, basi malipo yake yatakuwa kwa kuchinja kilicho sawa na alicho kiuwa, katika mifugo, kama wanavyo hukumu waadilifu wawili miongoni mwenu. Mnyama huyo apelekwe kwenye Al Kaaba, au kutoa kafara kwa kuwalisha masikini; au badala ya hayo ni kufunga, ili aonje ubaya wa jambo lake hili. Mwenyezi Mungu amekwisha yafuta yaliyo pita; lakini atakaye fanya tena Mwenyezi Mungu atampa adhabu. Na Mwenyezi Mungu ndiye Mwenye nguvu na Mwenye kuadhibu."/>
		<aya index="96" text="Nyinyi mmehalalishiwa kuvua vinyama vya baharini na kuvila, kwa faida yenu na kwa wasafiri. Na mmeharimishiwa mawindo ya wanyama wa bara maadamu mmeharimia Hija. Na mcheni Mwenyezi Mungu ambaye mtakusanywa kwake."/>
		<aya index="97" text="Mwenyezi Mungu ameifanya Al Kaaba, hii Nyumba Tukufu, ni simamio la watu, na kadhaalika Miezi Mitukufu, na wanyama wa dhabihu, na vigwe. Hayo ili mjue ya kwamba Mwenyezi Mungu anayajua yaliyomo mbinguni na yaliyomo katika ardhi, na ya kwamba Mwenyezi Mungu ni Mjuzi wa kila kitu."/>
		<aya index="98" text="Jueni kwamba Mwenyezi Mungu ni Mkali wa kuadhibu, na ya kwamba Mwenyezi Mungu ni Mwenye maghfira, na Mwenye kurehemu."/>
		<aya index="99" text="Haimlazimu Mtume ila kufikisha ujumbe tu. Na Mwenyezi Mungu anajua mnacho kidhihirisha na mnacho kificha."/>
		<aya index="100" text="Sema: Haviwi sawa viovu na vyema ujapo kupendeza wingi wa viovu. Basi mcheni Mwenyezi Mungu, enyi wenye akili, ili mpate kufanikiwa."/>
		<aya index="101" text="Enyi mlio amini! Msiulize mambo ambayo mkidhihirishiwa yatakuchukizeni. Na mkiyauliza inapo teremshwa Qur'ani mtabainishiwa. Mwenyezi Mungu amesamehe hayo. Na Mwenyezi Mungu ni Mwenye maghfira Mpole."/>
		<aya index="102" text="Waliyauliza hayo watu wa kabla yenu, kisha wakawa wenye kuyakataa."/>
		<aya index="103" text="Mwenyezi Mungu hakujaalia uharamu wowote juu ya &quot;Bahira&quot; wala &quot;Saiba&quot; wala &quot;Wasila&quot; wala &quot;Hami&quot;. Lakini walio kufuru humzulia uwongo Mwenyezi Mungu, na wengi wao hawatumii akili."/>
		<aya index="104" text="Na wanapo ambiwa: Njooni kwenye yale aliyo yateremsha Mwenyezi Mungu, na kwa Mtume, husema: Yanatutosha tuliyo wakuta nayo baba zetu. Je, hata ikiwa baba zao walikuwa hawajui kitu wala hawakuongoka?"/>
		<aya index="105" text="Enyi mlio amini! Kilicho lazima juu yenu ni nafsi zenu. Hawakudhuruni walio potoka ikiwa nyinyi mmeongoka. Ni kwa Mwenyezi Mungu ndio marudio yenu nyote; basi atakwambieni yale mliyo kuwa mkiyatenda."/>
		<aya index="106" text="Enyi mlio amini! Yanapo mfikia mauti mmoja wenu na akataka kutoa wasia, basi wawepo mashahidi wawili miongoni mwenu ambao ni waadilifu. Na mnapo kuwa safarini, na msiba wa mauti ukakusibuni, basi washuhudie wengineo wawili wasio kuwa katika nyinyi. Mtawazuia wawili hao baada ya Sala na waape kwa Mwenyezi Mungu, mkitilia shaka, wakisema: Hatutopokea thamani yoyote kwa haya hata kwa ajili ya jamaa; na wala hatutaficha ushahidi wa Mwenyezi Mungu; hakika hapo tutakuwa miongoni mwa wenye dhambi."/>
		<aya index="107" text="Ikigundulikana kuwa wawili hao wamestahiki dhambi, basi wawili wengineo kutokana na warithi wenye kudai haki washike makamo ya wa mwanzo. Nao waape kwa Mwenyezi Mungu wakisema: Hakika ushahidi wetu ni wa haki zaidi kuliko ushahidi wa wale. Na sisi hatujafanya dhambi; hakika hapo tutakuwa miongoni mwa walio dhulumu."/>
		<aya index="108" text="Hivi inaelekea zaidi ya kwamba watatoa ushahidi ulio sawa au wataogopa visije vikaletwa viapo vingine baada ya viapo vyao. Na mcheni Mwenyezi Mungu na msikie. Na hakika Mwenyezi Mungu hawaongoi wapotofu."/>
		<aya index="109" text="Ile siku ambayo Mwenyezi Mungu atapo wakusanya Mitume awaambie: Mlijibiwa nini? Watasema: Hatuna ujuzi; hakika Wewe ndiye Mjuzi Mkubwa wa yote yaliyo fichikana."/>
		<aya index="110" text="Na pale Mwenyezi Mungu atapo sema: Ewe Isa bin Maryamu! Kumbuka neema yangu juu yako, na juu ya mama yako, nilipo kutia nguvu kwa Roho Takatifu, ukazungumza na watu katika utoto na utuuzimani. Na nilivyo kufunza kuandika na hikima na Taurati na Injili. Na ulipo tengeneza udongo sura ya ndege, kwa idhini yangu, kisha ukapuliza ikawa ndege kwa idhini yangu; na ulipo waponesha vipofu na wakoma kwa idhini yangu; na ulipo wafufua wafu kwa idhini yangu; na nilipo kukinga na Wana wa Israili ulipo wajia na hoja zilizo wazi, na wakasema walio kufuru miongoni mwao: Haya si lolote ila ni uchawi mtupu!"/>
		<aya index="111" text="Na nilipo wafunulia Wanafunzi kwamba waniamini Mimi na Mtume wangu, wakasema: Tumeamini na shuhudia kuwa sisi ni Waislamu."/>
		<aya index="112" text="Wanafunzi walipo sema: Ewe Isa bin Maryamu! Je, Mola wako Mlezi anaweza kututeremshia chakula kutoka mbinguni? Akasema: Mcheni Mwenyezi Mungu ikiwa nyinyi ni Waumini."/>
		<aya index="113" text="Wakasema: Tunataka kukila chakula hicho, na nyoyo zetu zitue, na tujue kwamba umetuambia kweli, na tuwe miongoni mwa wanao shuhudia."/>
		<aya index="114" text="Akasema Isa bin Maryamu: Ewe Mwenyezi Mungu, Mola Mlezi wetu! Tuteremshia chakula kutoka mbinguni ili kiwe Sikukuu kwa ajili ya wa mwanzo wetu na wa mwisho wetu, na kiwe ni Ishara itokayo kwako. Basi turuzuku, kwani Wewe ndiye mbora wa wanao ruzuku."/>
		<aya index="115" text="Mwenyezi Mungu akasema: Hakika Mimi nitakuteremshieni hicho. Lakini yeyote katika nyinyi atakaye kanya baadae, basi hakika Mimi nitampa adhabu nisiyopata kumpa yeyote katika walimwengu."/>
		<aya index="116" text="Na pale Mwenyezi Mungu atakapo sema: Ewe Isa bin Maryamu! Ati wewe uliwaambia watu: Nifanyeni mimi na mama yangu kuwa ni miungu badala ya Mwenyezi Mungu? (Na Isa) atasema: Subhanaka, Wewe umetakasika! Hainifalii mimi kusema ambayo si haki yangu. Ikiwa nilisema basi bila ya shaka umekwisha yajua. Wewe unayajua yaliyo ndani ya nafsi yangu, lakini mimi siyajui yaliyo katika nafsi yako. Hakika Wewe ndiye Mjuzi mkubwa wa yaliyo fichikana."/>
		<aya index="117" text="Sikuwaambia lolote ila uliyo niamrisha, nayo ni: Muabuduni Mwenyezi Mungu, Mola wangu Mlezi na Mola wenu Mlezi. Na mimi nilikuwa shahidi juu yao nilipo kuwa nao. Na ulipo nifisha ukawa Wewe ndiye Muangalizi juu yao. Na Wewe ni shahidi juu ya kila kitu."/>
		<aya index="118" text="Ukiwaadhibu basi hao ni waja wako. Na ukiwasamehe basi Wewe ndiye Mwenye nguvu na Mwenye hikima."/>
		<aya index="119" text="Mwenyezi Mungu atasema: Hii ndiyo Siku ambayo wasemao kweli utawafaa ukweli wao. Wao watapata Bustani zipitazo mito kati yake. Humo watadumu milele. Mwenyezi Mungu amewawia radhi, nao wawe radhi naye. Huku ndiko kufuzu kukubwa."/>
		<aya index="120" text="Mwenyezi Mungu ndiye Mwenye ufalme wa mbingu na ardhi na vilivyomo. Naye ni Muweza wa kila kitu."/>
	</sura>
	<sura index="6" name="">
		<aya index="1" text="Sifa njema zote ni za Mwenyezi Mungu aliye umba mbingu na ardhi, na akafanya giza na mwangaza. Tena baada ya haya walio kufuru wanawafanya wengine sawa na Mola wao Mlezi."/>
		<aya index="2" text="Yeye ndiye aliye kuumbeni kwa udongo, kisha akakuhukumieni ajali, na muda maalumu uko kwake tu. Tena baada ya haya nyinyi mnatia shaka."/>
		<aya index="3" text="Na Yeye ndiye Mwenyezi Mungu mbinguni na ardhini. Anajua ya ndani yenu na ya nje yenu. Na anajua mnayo yachuma."/>
		<aya index="4" text="Na haiwafikii hata ishara moja katika ishara za Mola wao Mlezi ila wao huwa wenye kuipa nyongo."/>
		<aya index="5" text="Wameikanusha Haki ilipo wajia. Basi zitawajia khabari za yale waliyo kuwa wakiyakejeli."/>
		<aya index="6" text="Jee, hawaoni vizazi vingapi tulivyo viangamiza kabla yao? Tuliwaweka katika nchi tusivyo kuwekeni nyinyi; tukawapelekea mvua nyingi na tukaifanya mito inapita chini yao. Mwishoe tukawaangamiza kwa madhambi yao; na tukaanzisha baada yao kizazi kingine."/>
		<aya index="7" text="Na lau tungeli kuteremshia kitabu cha karatasi, wakakigusa kwa mikono yao, wangeli sema walio kufuru: Haya si chochote ila ni uchawi dhaahiri."/>
		<aya index="8" text="Na wao husema: Mbona hakuteremshiwa Malaika? Na kama tungeli teremsha Malaika, basi bila ya shaka ingesha hukumiwa amri, tena hapo wasingeli pewa muhula."/>
		<aya index="9" text="Na kama tungeli mfanya Malaika bila ya shaka tungeli mfanya kama binaadamu, na tungeli watilia matatizo yale wanayo yatatiza wao."/>
		<aya index="10" text="Na hakika Mitume walio kabla yako walifanyiwa kejeli, lakini walio wafanyia kejeli wakaja kuzungukwa na yale yale waliyo kuwa wao wanayafanyia kejeli."/>
		<aya index="11" text="Sema: Tembeeni ulimwenguni, kisha mtazame ulikuwaje mwisho wa wanao kanusha."/>
		<aya index="12" text="Sema: Ni vya nani viliomo katika mbingu na katika ardhi? Sema: Ni vya Mwenyezi Mungu. Yeye amejilazimisha nafsi yake kurehemu. Hakika atakukusanyeni Siku ya Kiyama isiyo kuwa na shaka. Walio jikhasiri wenyewe hawaamini."/>
		<aya index="13" text="Na ni vyake vilio tulia usiku na mchana. Naye ndiye Mwenye kusikia na Mwenye kujua."/>
		<aya index="14" text="Sema: Je, nimchukue rafiki mlinzi asiye kuwa Mwenyezi Mungu, ambaye ndiye Muumba mbingu na ardhi, naye ndiye anaye lisha wala halishwi? Sema: Mimi nimeamrishwa niwe wa kwanza wa wenye kusilimu. Na wala kabisa usiwe miongoni wa washirikina."/>
		<aya index="15" text="Sema: Mimi naogopa adhabu ya Siku kubwa hiyo ikiwa nitamuasi Mola wangu Mlezi."/>
		<aya index="16" text="Siku hiyo yule atakaye epushwa nayo adhabu hiyo atakuwa Mwenyezi Mungu amemrehemu. Na huko ndiko kufuzu kulio wazi."/>
		<aya index="17" text="Na ikiwa Mwenyezi Mungu akikugusisha madhara, basi hapana wa kukuondolea hayo ila Yeye. Na ikiwa akikugusisha kheri, basi Yeye ndiye Mwenye uweza wa kila kitu."/>
		<aya index="18" text="Naye ndiye Mwenye nguvu juu ya waja wake, na ndiye Mwenye hikima na Mwenye khabari zote."/>
		<aya index="19" text="Sema: Kitu gani ushahidi wake mkubwa kabisa? Sema: Mwenyezi Mungu. Yeye ndiye shahidi baina yangu na nyinyi. Na nimefunuliwa Qur'ani hii ili kwayo nikuonyeni nyinyi na kila inayo mfikia. Ati kweli nyinyi mnashuhudia kuwa pamoja na Mwenyezi Mungu wapo miungu wengine? Sema: Mimi sishuhudii hayo. Sema: Hakika Yeye ni Mungu mmoja tu, nami ni mbali na mnao washirikisha."/>
		<aya index="20" text="Wale Tulio wapa Kitabu wanayajua haya kama wanavyo wajua watoto wao. Wale walio zikhasiri nafsi zao hawaamini."/>
		<aya index="21" text="Na nani dhaalimu zaidi kuliko anaye mzulia uwongo Mwenyezi Mungu, na akazikanusha Ishara zake? Hakika madhaalimu hawafanikiwi."/>
		<aya index="22" text="Siku tutapo wakusanya wote pamoja, kisha tuwaambie walio shirikisha: Wako wapi washirikishwa wenu mlio kuwa mnadai?"/>
		<aya index="23" text="Kisha hautakuwa udhuru wao ila ni kusema: Wallahi! Mola wetu Mlezi! Hatukuwa washirikina."/>
		<aya index="24" text="Tazama jinsi wanavyo jisemea uwongo wenyewe. Na yamewapotea waliyo kuwa wakiyazua."/>
		<aya index="25" text="Na wapo miongoni mwao wanao kusikiliza; na tumezitia pazia nyoyo zao wasije kuyafahamu. Na upo uziwi masikioni mwao, na wakiona kila Ishara hawaiamini. Hata wakikujia kwa kujadiliana nawe, wanasema walio kufuru: Hizi si chochote ila hadithi za watu wa kale."/>
		<aya index="26" text="Nao huwazuia watu, na wao wenyewe wanajitenga nayo. Nao hawaangamizi ila nafsi zao tu, wala wao hawatambui."/>
		<aya index="27" text="Na unge ona watakapo simamishwa kwenye Moto, wakawa wanasema: Laiti tungeli rudishwa, wala hatutakanusha tena Ishara za Mola wetu Mlezi, na tutakuwa miongoni wa Waumini."/>
		<aya index="28" text="Bali yamewadhihirikia waliyo kuwa wakiyaficha zamani. Na kama wangeli rudishwa bila ya shaka wange yarejea yale yale waliyo katazwa. Na hakika hao ni waongo."/>
		<aya index="29" text="Na walisema: Hakuna mengine ila maisha yetu haya ya duniani, wala sisi hatutafufuliwa."/>
		<aya index="30" text="Na lau ungeli ona watavyo simamishwa mbele ya Mola wao Mlezi, akawaambia: Je, si kweli haya? Na wao watasema: Kwani? Tunaapa kwa Mola Mlezi wetu ni kweli. Yeye atasema: Basi onjeni adhabu kwa sababu ya vile mlivyo kuwa mnakataa."/>
		<aya index="31" text="Hakika wamekhasirika walio kanusha kukutana na Mwenyezi Mungu, mpaka ilipo wajia Saa kwa ghafla, wakasema: Ole wetu kwa tuliyo yapuuza! Nao watabeba mizigo yao juu ya migongo yao. Ni maovu hayo wanayo yabeba."/>
		<aya index="32" text="Na maisha ya dunia si chochte ila ni mchezo na pumbao tu. Na hakika nyumba ya Akhera ni bora zaidi kwa wanao mcha Mungu. Basi, je, hamtii akilini?"/>
		<aya index="33" text="Tunajua ya kwamba yanakuhuzunisha wanayo yasema. Basi hakika wao hawakukanushi wewe, lakini hao madhaalimu wanazikataa Ishara za Mwenyezi Mungu."/>
		<aya index="34" text="Na hakika walikanushwa Mitume wa kabla yako. Nao wakavumilia kule kukanushwa, na kuudhiwa, mpaka ilipo wafikia nusura yetu. Na hapana wa kubadilisha maneno ya Mwenyezi Mungu. Na bila ya shaka zimekujia baadhi ya khabari za Mitume hao."/>
		<aya index="35" text="Na ikiwa ni makubwa kwako huku kukataa kwao, basi kama unaweza kutafuta njia ya chini kwa chini ya ardhi, au ngazi kwendea mbinguni ili uwaletee Ishara -- Na lau kuwa Mwenyezi Mungu angependa angeli wakusanya kwenye uwongofu. Basi usiwe miongoni mwa wasio jua."/>
		<aya index="36" text="Hakika wanao kubali ni wale wanao sikia. Na ama wafu Mwenyezi Mungu atawafufua, na kisha kwake Yeye ndio watarejeshwa."/>
		<aya index="37" text="Na wamesema: Kwa nini hakuteremshiwa muujiza kutoka kwa Mola wake Mlezi? Sema: Hakika Mwenyezi Mungu ni Muweza wa kuteremsha muujiza. Lakini wengi wao hawajui."/>
		<aya index="38" text="Na hapana mnyama katika ardhi, wala ndege anaye ruka kwa mbawa zake mbili, ila ni umma kama nyinyi. Hatukupuuza Kitabuni kitu chochote. Kisha kwa Mola wao Mlezi watakusanywa."/>
		<aya index="39" text="Na walio kanusha Ishara zetu ni viziwi na mabubu waliomo gizani. Mwenyezi Mungu humwachia kupotea amtakaye, na humweka katika Njia iliyo nyooka amtakaye."/>
		<aya index="40" text="Sema: Mwaonaje ikikujieni adhabu ya Mwenyezi Mungu, au ikakufikieni hiyo Saa - mtamwomba asiye kuwa Mwenyezi Mungu, ikiwa nyinyi ni wakweli?"/>
		<aya index="41" text="Bali Yeye ndiye mtakaye mwomba, naye atakuondoleeni mnacho mwombea akipenda. Na mtasahau hao mnao wafanya washirika wake."/>
		<aya index="42" text="Na kwa yakini tulipeleka Mitume kwa kaumu zilizo kuwa kabla yako, kisha tukazitia katika dhiki na mashaka ili zipate kunyenyekea."/>
		<aya index="43" text="Kwa nini wasinyenyekee ilipo wafika adhabu yetu? Lakini nyoyo zao zilikuwa ngumu, na Shet'ani akawapambia waliyo kuwa wakiyafanya."/>
		<aya index="44" text="Basi walipo sahau walio kumbushwa tuliwafungulia milango ya kila kitu. Mpaka walipo furahia yale waliyo pewa tuliwashika kwa ghafla, na mara wakawa wenye kukata tamaa."/>
		<aya index="45" text="Ikakatwa mizizi ya watu walio dhulumu - na wa kuhimidiwa ni Mwenyezi Mungu, Mola Mlezi wa viumbe vyote."/>
		<aya index="46" text="Sema: Mwaonaje Mwenyezi Mungu akanyakua kusikia kwenu, na kuona kwenu, na akaziziba nyoyo zenu, ni mungu gani asiye kuwa Mwenyezi Mungu ataye kuleteeni hayo tena? Angalia vipi tunavyo zieleza Ishara, kisha wao wanapuuza."/>
		<aya index="47" text="Sema: Mwaonaje, ikikufikieni adhabu ya Mwenyezi Mungu kwa ghafla, au kwa dhaahiri, jee wataangamizwa isipo kuwa walio dhulumu?"/>
		<aya index="48" text="Na hatuwatumi Mitume ila huwa ni wabashiri na waonyaji. Na wenye kuamini na wakatenda mema haitakuwa khofu juu yao, wala hawatahuzunika."/>
		<aya index="49" text="Na walio kanusha Ishara zetu itawagusa adhabu kwa walivyo kuwa wakipotoka."/>
		<aya index="50" text="Sema: Mimi sikwambiini kuwa ninazo khazina za Mwenyezi Mungu. Wala sijui mambo yaliyo fichikana. Wala sikwambiini kuwa mimi ni Malaika. Mimi sifuati ila yanayo funuliwa kwangu. Sema: Je, wanakuwa sawa, kipofu na mwenye kuona. Basi hamfikiri?"/>
		<aya index="51" text="Na waonye kwayo wanao ogopa kuwa watakusanywa kwa Mola wao Mlezi, hali kuwa hawana mlinzi wala mwombezi isipo kuwa Yeye, ili wapate kuchamngu."/>
		<aya index="52" text="Wala usiwafukuze wanao mwomba Mola Mlezi wao asubuhi na jioni kwa kutaka radhi yake. Si juu yako hisabu yao hata kidogo, wala hisabu yako si juu yao hata kidogo, hata uwafukuze na uwe miongoni mwa wenye kudhulumu."/>
		<aya index="53" text="Na hivi ndivyo tunavyo wajaribu wao kwa wao, ili waseme: Ni hao ndio Mwenyezi Mungu amewafadhilisha miongoni mwetu? Kwani Mwenyezi Mungu hawajui wanao shukuru?"/>
		<aya index="54" text="Na wanapo kujia wanao ziamini Ishara zetu waambie: Assalamu alaikum! Amani iwe juu yenu! Mola wenu Mlezi amejilazimisha rehema, ya kwamba atakaye fanya uovu miongoni mwenu kwa ujinga, kisha akatubu baada yake na akatengenea, basi hakika Yeye ni Mwenye maghfira na Mwenye kurehemu."/>
		<aya index="55" text="Na ndio hivi tunavyo zieleza Ishara ili ibainike njia ya wakosefu."/>
		<aya index="56" text="Sema: Mimi nimekatazwa kuwaabudu hao mnao waomba badala ya Mwenyezi Mungu. Sema: mimi sifuati matamanio yenu. Hivyo nitakuwa nimepotea, na sitakuwa miongoni mwa walio ongoka."/>
		<aya index="57" text="Sema: Mimi nipo kwenye sharia iliyo wazi itokayo kwa Mola wangu Mlezi, nanyi mnaikanusha. Mimi sinacho hicho mnacho kihimiza. Hapana hukumu ila ya Mwenyezi Mungu. Yeye anasimulia yaliyo kweli; naye ni Mbora wa kuhukumu kuliko wote."/>
		<aya index="58" text="Sema: Lau kuwa ninacho hicho mnacho kihimiza, ingeli kwisha katwa shauri baina yangu na nyinyi. Na Mwenyezi Mungu anawashinda wote kuwajua madhaalimu."/>
		<aya index="59" text="Na ziko kwake funguo za ghaibu; hakuna azijuaye ila Yeye tu. Na Yeye anajua kilioko nchi kavu na baharini. Na halidondoki jani ila analijua. Wala punje katika giza la ardhi, wala kinyevu, wala kikavu ila kimo katika Kitabu kinacho bainisha."/>
		<aya index="60" text="Naye ndiye anaye kufisheni usiku, na anakijua mlicho fanya mchana. Kisha Yeye hukufufueni humo mchana ili muda ulio wekwa utimizwe. Kisha kwake Yeye ndiyo marejeo yenu, na tena akwambieni mliyo kuwa mkiyafanya."/>
		<aya index="61" text="Naye ndiye Mwenye nguvu za kushinda, aliye juu ya waja wake. Na hukupelekeeni waangalizi, mpaka mmoja wenu yakimjia mauti wajumbe wetu humfisha, nao hawafanyi taksiri."/>
		<aya index="62" text="Kisha watarudishwa kwa Mwenyezi Mungu, Mola wao wa Haki. Hakika, hukumu ni yake. Naye ni Mwepesi kuliko wote wanao hisabu."/>
		<aya index="63" text="Sema: Ni nani anaye kuokoeni katika giza la nchi kavu na baharini? Mnamwomba kwa unyenyekevu na kwa siri, mkisema: Kama akituokoa na haya bila ya shaka tutakuwa miongoni mwa wanao shukuru."/>
		<aya index="64" text="Sema: Mwenyezi Mungu hukuokoeni kutoka hayo, na kutoka kila mashaka, na kisha nyinyi mnamshirikisha!"/>
		<aya index="65" text="Sema: Yeye ndiye Muweza wa kukuleteeni adhabu kutoka juu yenu au kutoka chini ya miguu yenu, au kukuleteeni fujo la mfarakano, na kuwaonjesha baadhi yenu jeuri ya wenzao. Tazama vipi tunavyo zieleza Aya ili wapate kufahamu."/>
		<aya index="66" text="Na watu wako wameikanusha, nayo ni Haki. Sema: Mimi sikuwakilishwa juu yenu."/>
		<aya index="67" text="Kila khabari ina kipindi chake. Nanyi mtakuja jua."/>
		<aya index="68" text="Na unapo waona wanao ziingilia Aya zetu, basi jitenge nao mpaka waingilie mazungumzo mengine. Na kama Shet'ani akikusahaulisha, basi baada ya kutanabahi usikae pamoja na watu madhaalimu."/>
		<aya index="69" text="Wala wamchao Mungu hawana jukumu lolote kwao, lakini ni kukumbusha, asaa wapate kujiepusha."/>
		<aya index="70" text="Waachilie mbali walio ifanya dini yao ni mchezo na pumbao, na uhai wa dunia ukawaghuri. Nawe kumbusha kwayo, isije nafsi ikaangamizwa kwa sababu ya iliyo yachuma, nayo haina mlinzi wala mwombezi ila Mwenyezi Mungu. Na ingatoa kila fidia haitokubaliwa. Hao ndio walio angamizwa kwa sababu ya yale waliyo yachuma. Wao watapata kinywaji cha maji ya moto kabisa, na adhabu chungu."/>
		<aya index="71" text="Sema: Je, tumuombe asiye kuwa Mwenyezi Mungu ambae hatufai wala hatudhuru, na turejee nyuma baada ya Mwenyezi Mungu kwisha tuhidi? Tuwe kama ambao mashet'ani wamempumbaza katika ardhi, amebabaika? Anao marafiki wanao mwita ende kwenye uwongofu, wakimwambia: Njoo kwetu! Sema: Hakika uwongofu wa Mwenyezi Mungu ndio Uwongofu. Nasi tumeamrishwa tusilimu kwa Mola Mlezi wa viumbe vyote,"/>
		<aya index="72" text="Na mshike Sala, na mcheni Yeye, na kwake Yeye ndiko mtako kusanywa."/>
		<aya index="73" text="Naye ndiye aliye ziumba mbingu na ardhi kwa Haki. Na anaposema: Kuwa! Basi huwa. Kauli yake ni Haki. Na ufalme wote ni wake Siku litapo pulizwa barugumu, Mjuzi wa yaliyo fichikana na yanayo onekana. Naye ndiye Mwenye hikima na Mwenye khabari."/>
		<aya index="74" text="Na pale Ibrahim alipo mwambia baba yake, Azar: Unayafanya masanamu kuwa ni miungu? Hakika mimi nakuona wewe na watu wako mmo katika opotofu ulio wazi."/>
		<aya index="75" text="Na kadhaalika tulimwonyesha Ibrahim ufalme wa mbingu na ardhi, na ili awe miongoni mwa wenye yakini."/>
		<aya index="76" text="Na ulipo muingilia usiku akiona nyota, akasema: Huyu ni Mola Mlezi wangu. Ilipo tua akasema: Siwapendi wanao tua."/>
		<aya index="77" text="Alipo uona mwezi unachomoza alisema: Huyu ndiye Mola Mlezi wangu. Ulipotua akasema: Kama Mola Mlezi wangu hakuniongoa, nitakuwa katika kaumu walio potea."/>
		<aya index="78" text="Na alipo liona jua linachomoza akasema: Huyu ndiye Mola Mlezi wangu. Huyu mkubwa kuliko wote. Lilipo tua, alisema: Enyi watu wangu! Mimi simo katika hayo mnayo fanyia ushirikina."/>
		<aya index="79" text="Hakika mimi nimeuelekeza uso wangu sawa sawa kwa aliye ziumba mbingu na ardhi, wala mimi si miongoni mwa washirikina."/>
		<aya index="80" text="Na watu wake wakamhoji. Akasema: Je, mnanihoji juu ya Mwenyezi Mungu, na hali Yeye ameniongoa? Wala siogopi hao mnao washirikisha naye, ila Mola wangu Mlezi akipenda kitu. Mola wangu Mlezi amekusanya ilimu ya kila kitu. Basi je, hamkumbuki?"/>
		<aya index="81" text="Na vipi nivikhofu hivyo mnavyo vishirikisha, hali nyinyi hamkhofu kuwa nyinyi mmemshirikisha Mwenyezi Mungu na kitu ambacho hakukiteremshia uthibitisho. Basi kundi gani katika mawili haya lina haki zaidi kupata amani, kama nyinyi mnajua?"/>
		<aya index="82" text="Wale ambao wameamini, na hawakuchanganya imani yao na dhulma - hao ndio watakao pata amani na wao ndio walio ongoka."/>
		<aya index="83" text="Na hizo ndizo hoja zetu tulizo mpa Ibrahim kuhojiana na watu wake. Tunamnyanyua kwa vyeo tumtakaye. Hakika Mola Mlezi wako ni Mwenye hikima na Mwenye ujuzi."/>
		<aya index="84" text="Na tukamtunukia (Ibrahim) Is-haq na Yaakub. Kila mmoja wao tulimwongoa. Na Nuhu tulimwongoa kabla. Na katika kizazi chake tulimwongoa Daud na Suleiman na Ayyub na Yusuf na Musa na Harun. Na hivi ndivyo tunavyo walipa wafanyao wema."/>
		<aya index="85" text="Na Zakaria na Yahya na Isa na Ilyas. Wote walikuwa miongoni mwa watu wema."/>
		<aya index="86" text="Na Ismail, na Al Yasaa, na Yunus, na Lut'. Na wote tuliwafadhilisha juu ya walimwengu wote."/>
		<aya index="87" text="Na kutokana na baba zao, na vizazi vyao na ndugu zao. Na tukawateuwa na tukawaongoa kwenye Njia iliyo nyooka."/>
		<aya index="88" text="Hiyo ni hidaya ya Mwenyezi Mungu. Kwa hiyo humhidi amtakaye katika waja wake. Na lau wangeli mshirikisha yangeli waharibikia waliyo kuwa wakiyatenda."/>
		<aya index="89" text="Hao ndio tulio wapa Vitabu na hukumu na Unabii. Ikiwa hawa watayakataa hayo, basi tumekwisha yawakilisha kwa watu wasio yakataa."/>
		<aya index="90" text="Hao ndio ambao Mwenyezi Mungu amewahidi. Basi fuata hidaya yao. Sema: Mimi sikuombeni ujira. Haya hayakuwa ila ni mawaidha kwa walimwengu wote."/>
		<aya index="91" text="Na hawakumkadiria Mwenyezi Mungu kwa haki ya kadri yake, walipo sema: Mwenyezi Mungu hakumteremshia mwanaadamu chochote. Sema: Nani aliyo teremsha Kitabu alicho kuja nacho Musa, chenye nuru na uwongofu kwa watu, mlicho kifanya kurasa kurasa mkizionyesha, na mengi mkiyaficha. Na mkafunzwa mlio kuwa hamyajui nyinyi wala baba zenu? Sema: Mwenyezi Mungu. Kisha waache wacheze katika porojo lao."/>
		<aya index="92" text="Na hiki ni Kitabu tulicho kiteremsha, kilicho barikiwa, chenye kuhakikisha yaliyo tangulia, na ili uuwonye Mama wa Miji na walio pembezoni mwake. Na wenye kuamini Akhera wanakiamini hichi, nao wanazihifadhi Sala zao."/>
		<aya index="93" text="Nani dhaalimu mkubwa kuliko yule anaye mzuliya uwongo Mwenyezi Mungu, au anaye sema: Mimi nimeletewa wahyi; na hali hakuletewa wahyi wowote. Na yule anaye sema: Nitateremsha kama alivyo teremsha Mwenyezi Mungu. Na lau ungeli waona madhaalimu wanavyo kuwa katika mahangaiko ya mauti, na Malaika wamewanyooshea mikono wakiwambia: Zitoeni roho zenu! Leo mtalipwa adhabu ya fedheha kwa sababu ya mliyo kuwa mkiyasema juu ya Mwenyezi Mungu yasiyo ya haki, na mlivyo kuwa mkizifanyia kiburi Ishara zake."/>
		<aya index="94" text="Nanyi mlitujia wapweke kama tulivyo kuumbeni mara ya kwanza. Na mkayaacha nyuma yenu yote tuliyo kupeni, na wala hatuwaoni hao waombezi wenu, ambao mlidai kuwa ni washirika wa Mwenyezi Mungu kwenu. Yamekatika makhusiano baina yenu, na yamekupoteeni mliyo kuwa mkidai."/>
		<aya index="95" text="Hakika Mwenyezi Mungu ndiye mpasuaji mbegu na kokwa, zikachipua. Humtoa aliye hai kutoka maiti, naye ni mtoaji maiti kutokana na aliye hai. Huyo ndiye Mwenyezi Mungu. Basi vipi mnageuzwa?"/>
		<aya index="96" text="Ndiye anaye pambazua mwangaza wa asubuhi; na ameufanya usiku kwa mapumziko na utulivu, na jua na mwezi kwenda kwa hisabu. Hayo ndiyo makadirio ya Aliye tukuka Mwenye nguvu, Mwenye ujuzi."/>
		<aya index="97" text="Na Yeye ndiye aliye kuwekeeni nyota ili mwongoke kwazo katika kiza cha bara na bahari. Hakika tumezichambua Ishara hizi kwa watu wanao jua."/>
		<aya index="98" text="Na Yeye ndiye aliye kuzalisheni kutokana na nafsi moja. Pako pahali pa kutulia na pa kupita njia. Hakika tumezichambua Ishara hizi kwa watu wanao fahamu."/>
		<aya index="99" text="Na Yeye ndiye anaye teremsha maji kutoka mbinguni; na kwayo tunatoa mimea ya kila kitu. Kutokana na baadhi yao tukatoa mimea ya majani, tukatoa ndani yake punje zilizo pandana; na kutokana na mitende yakatoka kwenye makole yake mashada yaliyo inama; na bustani za mizabibu na mizaituni, na makomamanga, yaliyo fanana na yasiyo fanana. Angalieni matunda yake yanapo zaa na yakawiva. Hakika katika hayo pana Ishara kwa watu wanao amini."/>
		<aya index="100" text="Bado wamemfanyia Mwenyezi Mungu majini kuwa washirika wake, na hali Yeye ndiye aliye waumba. Na wakamzulia, bila ya ujuzi wowote, kuwa ana wana wa kiume na wa kike. Subhanahu, Ametakasika na ametukuka juu ya hayo wanayo mbandikiza nayo!"/>
		<aya index="101" text="Yeye ndiye Muumbaji wa mbingu na ardhi bila ya ruwaza. Itakuwaje awe na mwana naye hakuwa na mke? Naye ndiye aliye umba kila kitu. Naye ni Mwenye kujua kila kitu."/>
		<aya index="102" text="Huyo ndiye Allah, Mwenyezi Mungu, Mola Mlezi wenu, hapana mungu ila Yeye, Muumba wa kila kitu. Basi muabuduni Yeye tu. Naye ni Mtegemewa wa kila kitu."/>
		<aya index="103" text="Macho hayamfikilii bali Yeye anayafikilia macho. Naye ni Mjuzi, Mwenye khabari."/>
		<aya index="104" text="Zimekwisha kukujieni hoja wazi kutoka kwa Mola wenu Mlezi. Basi anaye ona ni kwa faida yake mwenyewe, na anaye pofuka basi ni khasara yake. Nami si mtunzaji wenu."/>
		<aya index="105" text="Na namna hivyo tunazisarifu Aya, na wao wakwambie: Umesoma. Na ili tuyabainishe kwa watu wanao jua."/>
		<aya index="106" text="Fuata uliyo funuliwa kutoka kwa Mola wako Mlezi. Hapana mungu ila Yeye. Na jitenge na washirikina."/>
		<aya index="107" text="Na lau Mwenyezi Mungu angeli penda, wasingeli shiriki. Na Sisi hatukukufanya wewe uwe mtunzaji wao. Wala wewe si mlinzi juu yao."/>
		<aya index="108" text="Wala msiwatukane hao wanao waomba badala ya Mwenyezi Mungu, wasije na wao wakamtukana Mwenyezi Mungu kwa jeuri bila ya kujua. Namna hivyo tumewapambia kila umma vitendo vyao. Kisha marejeo yao yatakuwa kwa Mola wao Mlezi, naye atawaambia waliyo kuwa wakiyatenda."/>
		<aya index="109" text="Na waliapa kwa Mwenyezi Mungu kwa ukomo wa viapo vyao, kuwa ikiwafikia Ishara wataiamini. Sema: Ishara ziko kwa Mwenyezi Mungu. Na nyinyi hamjui kuwa zitapo kuja hawato amini."/>
		<aya index="110" text="Nasi twazigeuza nyoyo zao na macho yao. Kama walivyo kuwa hawakuamini mara ya kwanza, tunawaacha katika maasi yao wakitangatanga."/>
		<aya index="111" text="NA LAU kuwa tungeli wateremshia Malaika, na maiti wakazungumza nao, na tukawakusanyia kila kitu mbele yao, bado wasingeli amini, ila Mwenyezi Mungu atake. Lakini wengi wao wamo ujingani."/>
		<aya index="112" text="Na kadhaalika tumemfanyia kila Nabii maadui mashet'ani wa kiwatu, na kijini, wakifundishana wao kwa wao maneno ya kupamba-pamba, kwa udanganyifu. Na angeli penda Mola wako Mlezi wasingeli fanya hayo. Basi waache na wanayo yazua."/>
		<aya index="113" text="Na ili nyoyo za wasio amini Akhera zielekee hayo, nao wayaridhie na wayachume wanayo yachuma."/>
		<aya index="114" text="Je, nimtafute hakimu ghairi ya Mwenyezi Mungu, naye ndiye aliye kuteremshieni Kitabu kilicho elezwa waziwazi? Na hao tulio wapa Kitabu wanajua ya kwamba kimeteremshwa na Mola wako Mlezi kwa Haki. Basi usiwe katika wanao tia shaka."/>
		<aya index="115" text="Na yametimia maneno ya Mola Mlezi wako kwa kweli na uadilifu. Hapana awezaye kuyabadilisha maneno yake. Na Yeye ndiye Mwenye kusikia na Mwenye kujua."/>
		<aya index="116" text="Na ukiwat'ii wengi katika hawa waliomo duniani watakupoteza na Njia ya Mwenyezi Mungu. Hawa hawafuati ila dhana tu, na hawakuwa ila ni wenye kusema uwongo tu."/>
		<aya index="117" text="Hakika Mola wako Mlezi ndiye Mjuzi kushinda wote kuwajua walio potea Njia yake, na ndiye Mjuzi kushinda wote kuwajua walio hidika."/>
		<aya index="118" text="Basi kuleni katika walio somewa jina la Mwenyezi Mungu, ikiwa mnaziamini Aya zake."/>
		<aya index="119" text="Na kwa nini msile katika walio somewa jina la Mwenyezi Mungu, naye amekwisha kubainishieni alivyo kuharimishieni, isipo kuwa vile mnavyo lazimishwa? Na hakika wengi wanapoteza kwa matamanio yao bila ya kuwa na ilimu. Hakika Mola wako Mlezi ndiye Mjuzi kushinda wote kuwajua wanao pindukia mipaka."/>
		<aya index="120" text="Na acheni dhambi zilizo dhaahiri na zilizo fichikana. Hakika wanao chuma dhambi watalipwa kwa waliyo kuwa wakiyachuma."/>
		<aya index="121" text="Wala msile katika wale wasio somewa jina la Mwenyezi Mungu. Kwani huo ni upotofu. Na kwa yakini mashet'ani wanawafunza marafiki zao kubishana nanyi. Na mkiwafuata basi hapana shaka nyinyi mtakuwa washirikina."/>
		<aya index="122" text="Je, aliye kuwa maiti kisha tukamhuisha, na tukamjaalia nuru inakwenda naye mbele za watu, mfano wake ni kama aliyoko gizani akawa hata hawezi kutoka humo? Kama hivyo makafiri wamepambiwa waliyo kuwa wakiyafanya."/>
		<aya index="123" text="Kadhaalika katika kila mji tumewajaalia wakubwa wa wakosefu wao wafanye vitimbi ndani yake. Na wala hawafanyii vitimbi isipo kuwa nafsi zao, nao hawatambui."/>
		<aya index="124" text="Na inapo wajia Ishara, wao husema: Hatutoamini mpaka tupewe mfano wa walio pewa Mitume wa Mwenyezi Mungu. Mwenyezi Mungu ndiye Mjuzi kuliko wote kujua wapi anaweka ujumbe wake. Itawafikia hao walio kosa udhalili na adhabu kali kutoka kwa Mwenyezi Mungu kwa sababu ya vitimbi walivyo kuwa wakivifanya."/>
		<aya index="125" text="Basi yule ambaye Mwenyezi Mungu anataka kumhidi humfungulia kifua chake kwa Uislamu. Na anaye taka apotee hukifanya kifua chake kina dhiki, kimebana, kama kwamba anapanda mbinguni. Namna hivi Mwenyezi Mungu anajaalia uchafu juu ya wasio amini."/>
		<aya index="126" text="Na hii ndiyo Njia ya Mola wako Mlezi Iliyo nyooka. Tumezipambanua Aya kwa watu wanao kumbuka."/>
		<aya index="127" text="Hao watapata nyumba ya salama kwa Mola Mlezi wao. Naye ndiye Rafiki Mlinzi wao kwa sababu ya waliyo kuwa wakiyatenda."/>
		<aya index="128" text="Na ile Siku atapo wakusanya wote awaambie: Enyi makundi ya majini! Hakika nyinyi mmechukua wafuasi wengi katika wanaadamu. Na marafiki zao katika wanaadamu waseme: Mola Mlezi wetu! Tulinufaishana sisi na wao. Na tumefikia ukomo wetu ulio tuwekea. Basi Mwenyezi Mungu atasema: Moto ndio makaazi yenu, mtadumu humo, ila apendavyo Mwenyezi Mungu. Hakika Mola wako Mlezi ni Mwenye hikima, na Mwenye kujua."/>
		<aya index="129" text="Ndio kama hivi tunawaelekeza madhaalimu wapendane wao kwa wao kwa sababu ya waliyo kuwa wakiyachuma."/>
		<aya index="130" text="Enyi makundi ya majini na watu! Je, hawakukujieni Mitume kutokana na nyinyi wenyewe wakikubainishieni Aya zangu, na wakikuonyeni mkutano wa Siku yenu hii. Nao watasema: Tumeshuhudia juu ya nafsi zetu. Na yaliwadanganya maisha ya dunia. Nao watajishuhudia wenyewe ya kwamba walikuwa makafiri."/>
		<aya index="131" text="Hayo ni kwa sababu ya kuwa Mola wako Mlezi hakuwa wa kuiangamiza miji kwa dhulma, hali wenyewe wameghafilika."/>
		<aya index="132" text="Na wote wana daraja mbali mbali kutokana na yale waliyo yatenda. Na Mola wako Mlezi si mwenye kughafilika na yale wanayo yatenda."/>
		<aya index="133" text="Na Mola wako Mlezi ndiye Mkwasi, Mwenye rehema. Akipenda atakuondoeni na awaweke wengine awapendao badala yenu, kama vile alivyo kutoeni kutokana na uzazi wa watu wengine."/>
		<aya index="134" text="Bila ya shaka hayo mnayo ahidiwa yatafika tu, wala nyinyi hamtaweza kuyaepuka."/>
		<aya index="135" text="Sema: Enyi watu wangu! Fanyeni muwezayo, na hakika mimi nafanya. Mtakuja jua nani atakuwa na makaazi mema mwishoni. Hakika madhaalimu hawatafanikiwa."/>
		<aya index="136" text="Na wamemwekea sehemu Mwenyezi Mungu katika mimea na wanyama alio umba, nao husema: Hii ni sehemu ya Mwenyezi Mungu - kwa madai yao - na hii ni ya miungu tunao washirikisha. Basi vile walivyo wakusudia miungu yao havimfikii Mwenyezi Mungu, na vilivyo kuwa vya Mwenyezi Mungu huwafikia miungu yao. Ni uovu kabisa hayo wanayo yahukumu."/>
		<aya index="137" text="Na kadhaalika hao washirika wao wamewapambia wengi katika washirikina kuwauwa watoto wao ili kuwaangamiza na kuwavurugia dini yao. Na lau kuwa Mwenyezi Mungu angeli penda wasinge fanya hayo. Basi waache na hayo wanayo yazua."/>
		<aya index="138" text="Nao husema: Wanyama hawa na mimea hii ni mwiko. Hawatokula ila wale tuwapendao - kwa madai yao tu. Na wanyama hawa imeharimishwa migongo yao kupandwa. Na wanyama wengine hawalitaji jina la Mwenyezi Mungu juu yao. Wanamzulia uwongo tu Mwenyezi Mungu. Atawalipa kwa hayo wanayo mzulia."/>
		<aya index="139" text="Na husema: Waliomo matumboni mwa wanyama hawa ni kwa ajili ya wanaume wetu tu, na wameharimishwa kwa wake zetu. Lakini ikiwa nyamafu basi wanashirikiana. Mwenyezi Mungu atawalipa kwa maelezo yao hayo. Hakika Yeye ni Mwenye hikima, Mwenye kujua."/>
		<aya index="140" text="Hakika wamekhasirika wale ambao wamewauwa watoto wao kwa upumbavu pasipo kujua, na wakaharimisha alivyo waruzuku Mwenyezi Mungu kwa kumzulia Mwenyezi Mungu. Hakika wamepotea, wala hawakuwa wenye kuongoka."/>
		<aya index="141" text="Na Yeye ndiye aliye ziumba bustani zenye kutambaa juu ya chanja, na zisio tambaa, na mitende, na mimea yenye matunda mbali mbali, na mizaituni na mikomamanga inayo fanana na isiyo fanana. Kuleni matunda yake inapo zaa, na toeni haki yake siku ya kuvunwa kwake. Wala msitumie kwa fujo. Hakika Yeye hawapendi watumiayo kwa fujo."/>
		<aya index="142" text="Na katika wanyama amekujaalieni wenye kubeba mizigo na kutoa matandiko. Kuleni katika alivyo kuruzukuni Mwenyezi Mungu, wala msifuate nyayo za Shet'ani. Hakika yeye ni adui yenu dhaahiri."/>
		<aya index="143" text="Amekuumbieni namna nane za wanyama: Wawili katika kondoo, na wawili katika mbuzi. Sema je, ameharimisha yote madume wawili au majike wawili, au waliomo matumboni mwa majike yote mawili? Niambieni kwa ilimu ikiwa nyinyi mnasema kweli."/>
		<aya index="144" text="Na wawili katika ngamia, na wawili katika ng'ombe. Sema: Je, ameharimisha yote madume wawili au majike wawili, au waliomo matumboni mwa yote majike? Au, nyinyi mlikuwapo Mwenyezi Mungu alipo kuusieni haya? Basi ni nani dhaalimu mkubwa kuliko yule aliye mzulia Mwenyezi Mungu uwongo, kwa ajili ya kuwapoteza watu bila ya ilimu? Hakika Mwenyezi Mungu hawahidi watu madhaalimu."/>
		<aya index="145" text="Sema: Sioni katika yale niliyo funuliwa mimi kitu kilicho harimishwa kwa mlaji kukila isipo kuwa kiwe ni nyamafu, au damu inayo mwagika, au nyama ya nguruwe, kwani hiyo ni uchafu; au kwa upotofu kimechinjwa kwa jina la asiye kuwa Mwenyezi Mungu. Lakini mwenye kushikwa na dharura, bila ya kutamani wala kupita mipaka, basi hakika Mola wako Mlezi ni Mwenye kusamehe, Mwenye kurehemu."/>
		<aya index="146" text="Na wale walio fuata dini ya Kiyahudi tumewaharimishia kila mwenye kucha. Na katika ng'ombe na kondoo na mbuzi tumewaharimishia shahamu yao, isipo kuwa ile iliyo beba migongo yao au matumbo yao, au iliyo gandamana na mifupa. Tuliwalipa hivyo kwa sababu ya uasi wao. Na bila ya shaka Sisi ndio wasema kweli."/>
		<aya index="147" text="Wakikukanusha basi wewe sema: Mola Mlezi wenu ni Mwenye rehema iliyo enea. Wala haizuiliki adhabu yake kwa watu wakhalifu."/>
		<aya index="148" text="Watasema walio shirikisha: Lau kuwa Mwenyezi Mungu ange taka tusingeli shiriki sisi, wala baba zetu; wala tusingeli harimisha kitu chochote. Vivi hivi walikanusha walio kuwa kabla yao mpaka walipo onja adhabu yetu. Sema: Je, nyinyi mnayo ilimu mtutolee? Nyinyi hamfuati ila dhana. Wala hamsemi ila uwongo tu."/>
		<aya index="149" text="Sema: Basi Mwenyezi Mungu ndiye Mwenye hoja ya kukata. Na kama angeli penda angeli kuhidini nyote."/>
		<aya index="150" text="Sema: Leteni mashahidi wenu watao shuhudia kuwa Mwenyezi Mungu ameharimisha hawa. Basi wakishuhudia, wewe usishuhudie pamoja nao. Wala usifuate matamanio ya walio zikanusha Ishara zetu, wala hawaiamini Akhera, na ambao wanamlinganisha Mola Mlezi wao na wengine."/>
		<aya index="151" text="Sema: Njooni nikusomeeni aliyo kuharimishieni Mola wenu Mlezi. Nayo ni kuwa, msimshirikishe Yeye na chochote. Na wazazi wenu wafanyieni wema. Wala msiwauwe watoto wenu kwa sababu ya umasikini. Sisi tunakuruzukuni nyinyi na wao. Wala msikaribie mambo machafu, yanayo onekana, na yanayo fichikana. Wala msiuwe nafsi ambayo Mwenyezi Mungu ameharimisha kuiuwa, ila ikiwa kwa haki. Hayo amekuusieni ili myatie akilini."/>
		<aya index="152" text="Wala msiyakaribie mali ya yatima ila kwa njia ya wema kabisa, mpaka afikilie utu-uzima. Na timizeni vipimo na mizani kwa uadilifu. Sisi hatumkalifishi mtu ila kwa kadiri ya uwezo wake. Na msemapo semeni kwa uadilifu ingawa ni jamaa. Na ahadi ya Mwenyezi Mungu itekelezeni. Hayo amekuusieni ili mpate kukumbuka."/>
		<aya index="153" text="Na kwa hakika hii ndiyo Njia yangu Iliyo Nyooka. Basi ifuateni, wala msifuate njia nyingine, zikakutengeni na Njia yake. Haya amekuusieni ili mpate kuchamngu."/>
		<aya index="154" text="Tena tulimpa Musa Kitabu kwa kumtimizia (neema) aliye fanya wema, na kuwa ni maelezo ya kila kitu, na uwongofu na rehema, ili wapate kuamini mkutano wao na Mola wao Mlezi."/>
		<aya index="155" text="Na hichi ni Kitabu tulicho kiteremsha, kilicho barikiwa. Basi kifuateni, na mchenimngu, ili mrehemewe."/>
		<aya index="156" text="Msije mkasema: Hakika mataifa mawili kabla yetu yameteremshiwa Kitabu; na sisi tulikuwa hatuna khabari ya waliyo kuwa wakiyasoma."/>
		<aya index="157" text="Au mkasema: Lau kuwa tumeteremshiwa sisi Kitabu tungeli kuwa waongofu zaidi kuliko wao. Basi imekufikieni bayana kutoka kwa Mola wenu Mlezi, na uwongofu, na rehema. Basi nani aliye dhaalimu mkubwa zaidi kuliko yule anaye kanusha Ishara za Mwenyezi Mungu, na akajitenga nazo? Tutawalipa wanao jitenga na Ishara zetu adhabu kali kabisa kwa sababu ya kujitenga kwao."/>
		<aya index="158" text="Wanangoja jengine ila wawafikie Malaika, au awafikie Mola wako Mlezi, au zifike baadhi ya Ishara za Mola wako Mlezi? Siku zitakapo fika baadhi ya Ishara za Mola wako Mlezi, kuamini hapo hakutomfaa mtu kitu, ikiwa hakuwa ameamini kabla yake, au amefanya kheri katika Imani yake. Sema: Ngojeni, nasi pia tunangoja."/>
		<aya index="159" text="Hakika walio igawa Dini yao na wakawa makundi makundi, huna ukhusiano nao wowote. Bila ya shaka shauri yao iko kwa Mwenyezi Mungu; kisha atawaambia yale waliyo kuwa wakiyatenda."/>
		<aya index="160" text="Afanyae wema atalipwa mfano wake mara kumi. na afanyae ubaya hatalipwa ila sawa nao tu. Na wao hawatadhulumiwa."/>
		<aya index="161" text="Sema: Kwa hakika mimi Mola wangu Mlezi ameniongoa kwenye Njia Iliyo Nyooka, Dini iliyo sawa kabisa, ambayo ndiyo mila ya Ibrahim aliye kuwa mwongofu, wala hakuwa miongoni mwa washirikina."/>
		<aya index="162" text="Sema: Hakika Sala yangu, na ibada zangu, na uhai wangu, na kufa kwangu, ni kwa ajili ya Mwenyezi Mungu, Mola Mlezi wa viumbe vyote."/>
		<aya index="163" text="Hana mshirika wake. Na hayo ndiyo niliyo amrishwa, na mimi ni wa kwanza wa Waislamu."/>
		<aya index="164" text="Sema: Je nitafute Mola Mlezi asiye kuwa Mwenyezi Mungu, na hali Yeye ndiye Mola Mlezi wa kila kitu? Na kila nafsi haichumii ila nafsi yake. Na habebi mwenye kubeba mzigo wa mwenziwe. Kisha marejeo yenu ni kwa Mola wenu Mlezi, naye atakuambieni mliyo kuwa mkikhitalifiana."/>
		<aya index="165" text="Naye ndiye aliye kufanyeni makhalifa wa duniani, na amewanyanyua baadhi yenu juu ya wengine daraja kubwa kubwa, ili akujaribuni kwa hayo aliyo kupeni. Hakika Mola Mlezi wako ni Mwepesi wa kuadhibu, na hakika Yeye ni Mwenye kusamehe, Mwenye kurehemu."/>
	</sura>
	<sura index="7" name="">
		<aya index="1" text="ALIF LAM MYM 'SAAD"/>
		<aya index="2" text="Kitabu kilicho teremshwa kwako - basi isiwe dhiki kifuani kwako kwa ajili yake, upate kuonya kwacho, na kiwe ni ukumbusho kwa Waumini."/>
		<aya index="3" text="Fuateni mliyo teremshiwa kutoka kwa Mola Mlezi wenu, wala msifuate rafiki au walinzi wengine badala yake. Ni machache mnayo yakumbuka."/>
		<aya index="4" text="Na miji mingapi tuliiangamiza, ikaifikia adhabu yetu usiku au walipo kuwa wamelala adhuhuri."/>
		<aya index="5" text="Basi hakikuwa kilio chao ilipo wafikia adhabu yetu, isipo kuwa kusema: Hakika sisi tulikuwa wenye kudhulumu."/>
		<aya index="6" text="Na kwa yakini tutawauliza wale walio pelekewa Ujumbe, na pia tutawauliza hao Wajumbe."/>
		<aya index="7" text="Tena tutawasimulia kwa ilimu; wala Sisi hatukuwa mbali."/>
		<aya index="8" text="Na Siku hiyo kipimo kitakuwa kwa Haki. Basi watakao kuwa na uzani mzito, hao ndio watakao fanikiwa."/>
		<aya index="9" text="Na watakao kuwa na uzani khafifu, basi hao ndio walio zitia khasarani nafsi zao kwa sababu ya kuzipinga Ishara zetu."/>
		<aya index="10" text="Na hakika tumekuwekeni katika ardhi, na tumekujaalieni humo njia za kupatia maisha. Ni kuchache kushukuru kwenu."/>
		<aya index="11" text="Na hakika tulikuumbeni, kisha tukakutieni sura, kisha tukawaambia Malaika: Msujudieni Adam. Basi wakasujudu isipo kuwa Iblisi, hakuwa miongoni mwa walio sujudu."/>
		<aya index="12" text="Mwenyezi Mungu akasema: Nini kilicho kuzuia kumsujudia nilipo kuamrisha? Akasema: Mimi ni bora kuliko yeye. Umeniumba kwa moto, naye umemuumba kwa udongo."/>
		<aya index="13" text="Akasema: Basi teremka kutoka humo! Haikufalii kufanya kiburi humo. Basi toka! Hakika wewe u miongoni mwa walio duni."/>
		<aya index="14" text="Akasema: Nipe muhula mpaka siku watakapo fufuliwa."/>
		<aya index="15" text="Akasema: Utakuwa miongoni mwa walio pewa muhula."/>
		<aya index="16" text="Akasema: Kwa kuwa umenihukumia upotofu, basi nitawavizia katika Njia yako Iliyo Nyooka."/>
		<aya index="17" text="Kisha nitawazukia mbele yao na nyuma yao na kuliani kwao na kushotoni kwao. Wala hutawakuta wengi wao wenye shukrani."/>
		<aya index="18" text="Akasema: Toka humo, nawe umekwisha fedheheka, umekwisha fukuzwa. Hapana shaka atakaye kufuata miongoni mwao, basi nitaijaza Jahannam kwa nyinyi nyote."/>
		<aya index="19" text="Na wewe, Adam! Kaa wewe na mkeo katika Bustani hii, na kuleni humo mpendapo. Wala msiukaribie mti huu, mkawa katika wale walio dhulumu."/>
		<aya index="20" text="Basi Shet'ani aliwatia wasiwasi ili kuwafichulia tupu zao walizo fichiwa, na akasema: Mola Mlezi wenu hakukukatazeni mti huu ila msije mkawa Malaika, au msije mkawa katika wanao ishi milele."/>
		<aya index="21" text="Naye akawaapia: Kwa yakini mimi ni miongoni wa wanao kunasihini."/>
		<aya index="22" text="Basi akawateka kwa khadaa. Walipo uonja ule mti, tupu zao zilifichuka na wakaingia kujibandika majani ya Bustanini. Mola wao Mlezi akawaita: Je, sikukukatazeni mti huo, na kukwambieni ya kwamba Shet'ani ni adui yenu wa dhaahiri?"/>
		<aya index="23" text="Wakasema: Mola wetu Mlezi! tumejidhulumu nafsi zetu, na kama hutusamehe na kuturehemu, hakika tutakuwa katika wenye kukhasirika."/>
		<aya index="24" text="Akasema: Teremkeni! Mtakuwa nyinyi kwa nyinyi maadui. Na kwenye ardhi itakuwa ndio makao yenu na starehe yenu mpaka ufike muda."/>
		<aya index="25" text="Akasema: Humo mtaishi, na humo mtakufa, na kutoka humo mtatolewa."/>
		<aya index="26" text="Enyi wanaadamu! Tumekuteremshieni nguo za kuficha tupu zenu, na nguo za pambo. Na nguo za uchamngu ndio bora. Hayo ni katika Ishara za Mwenyezi Mungu mpate kukumbuka."/>
		<aya index="27" text="Eny wanaadamu! Asije Shet'ani kukufitinini kama alivyo watoa wazazi wenu Peponi, akawavua nguo zao kuwaonyesha tupu zao. Hakika yeye na kabila yake wanakuoneni, na nyinyi hamuwaoni. Hakika Sisi tumewafanya Mashet'ani kuwa ni marafiki wa wasio amini."/>
		<aya index="28" text="Na wanapo fanya mambo machafu husema: Tumewakuta nayo baba zetu, na Mwenyezi Mungu ametuamrisha hayo. Sema: Hakika Mwenyezi Mungu haamrishi mambo machafu. Mnamzulia Mwenyezi Mungu msiyo yajua?"/>
		<aya index="29" text="Sema: Mola Mlezi wangu ameamrisha uadilifu, na mumuelekeze nyuso zenu kila mnapo sujudu, na muombeni Yeye kwa kumsafia Dini. Kama alivyo kuumbeni mwanzo ndivyo mtavyo rudi,"/>
		<aya index="30" text="Hali ya kuwa kundi moja amelihidi, na kundi jengine limethibitikiwa na upotofu. Kwa hakika hao waliwafanya mashet'ani kuwa ndio marafiki walinzi badala ya Mwenyezi Mungu, na wanadhani kuwa wao wameongoka."/>
		<aya index="31" text="Enyi wanaadamu! Chukueni pambo lenu kwenye kila pahala wakati wa ibada, na kuleni, na kunyweni na wala msifanye ubadhirifu. Kwa hakika Yeye hapendi wanao fanya israfu."/>
		<aya index="32" text="Sema: Ni nani aliye harimisha pambo la Mwenyezi Mungu alilo watolea waja wake, na vilivyo vizuri katika riziki. Sema hivyo ni kwa walio amini katika uhai wa duniani, na Siku ya Kiyama vitakuwa vyao wao tu. Namna hivi tunazieleza Ishara kwa watu wanao jua."/>
		<aya index="33" text="Sema: Mola Mlezi wangu ameharimisha mambo machafu ya dhaahiri na ya siri, na dhambi, na uasi bila ya haki, na kumshirikisha Mwenyezi Mungu na asicho kiletea uthibitisho, na kumzulia Mwenyezi Mungu msiyo yajua."/>
		<aya index="34" text="Na kila umma una muda wake. Utakapo fika muda wao basi hawatakawia hata saa moja, wala hawatatangulia."/>
		<aya index="35" text="Enyi wanaadamu! Watakapo kufikieni Mitume miongoni mwenu wakakuelezeni Ishara zangu, basi watakao mchamngu na wakatengenea haitakuwa khofu kwao, wala hawatahuzunika."/>
		<aya index="36" text="Na wale watakao kanusha Ishara zetu na wakazifanyia kiburi, hao ni watu wa Motoni; humo watadumu."/>
		<aya index="37" text="Basi ni nani dhaalimu mkubwa kuliko yule anaye mzulia Mwenyezi Mungu uwongo, au anaye zikanusha Ishara zake? Hao itawafikia sehemu yao waliyo andikiwa, mpaka watakapo wafikia wajumbe wetu kuwafisha, watawaambia: Wako wapi mlio kuwa mkiwaomba badala ya Mwenyezi Mungu? Watasema: Wametupotea! Na watajishuhudia wenyewe kwamba walikuwa makafiri."/>
		<aya index="38" text="Mwenyezi Mungu atasema: Ingieni Motoni pamoja na umma zilizo pita kabla yenu za majini na watu. Kila utakapo ingia umma utawalaani wenzake. Mpaka watakapo kusanyika wote humo, wa mwisho wao watawasema wa mwanzo wao: Mola wetu Mlezi! Hawa ndio walio tupoteza; basi wape adhabu ya Motoni marudufu. Atasema: Itakuwa kwenu nyote marudufu, lakini nyinyi hamjui tu."/>
		<aya index="39" text="Na wa mwanzo wao watawaambia wa mwisho wao: Basi nyinyi pia hamkuwa na ubora kuliko sisi. Basi onjeni adhabu kwa sababu ya mliyo kuwa mkiyachuma."/>
		<aya index="40" text="Hakika wale wanao zikanusha Ishara zetu na wakazifanyia kiburi hawatafunguliwa milango ya mbingu, wala hawataingia Peponi mpaka apite ngamia katika tundu ya sindano. Na hivi ndivyo tunavyo walipa wakosefu."/>
		<aya index="41" text="Jahannamu itakuwa kitanda chao na juu yao nguo za moto za kujifunika. Na hivi ndivyo tunavyo walipa madhaalimu."/>
		<aya index="42" text="Na wale wanao amini na wakatenda mema - hatumkalifishi mtu yoyote ila kwa kiasi cha uwezo wake - hao ndio watu wa Peponi. Wao watadumu humo."/>
		<aya index="43" text="Na tutaondoa chuki vifuani mwao, na mbele yao iwe inapita mito. Na watasema: Alhamdulillah! Kuhimidiwa ni kwa Mwenyezi Mungu, ambaye aliye tuhidi kufikia haya. Wala hatukuwa wenye kuhidika wenyewe ingeli kuwa Mwenyezi Mungu hakutuhidi. Hakika Mitume wa Mola wetu Mlezi walileta Haki. Na watanadiwa kwamba: Hiyo ndiyo Pepo mliyo rithishwa kwa sababu ya mliyo kuwa mkiyafanya."/>
		<aya index="44" text="Na watu wa Peponi watawanadia watu wa Motoni: Sisi tumekuta aliyo tuahidi Mola wetu Mlezi kuwa ni kweli. Je, na nyinyi pia mmekuta aliyo kuahidini Mola wenu Mlezi kuwa ni kweli? Watasema: Ndiyo! Basi mtangazaji atawatangazia: Laana ya Mwenyezi Mungu iwapate walio dhulumu,"/>
		<aya index="45" text="Wale ambao walikuwa wakizuilia Njia ya Mwenyezi Mungu, na wakataka kuipotosha, nao wanaikanusha Akhera."/>
		<aya index="46" text="Na baina ya makundi mawili hayo patakuwapo pazia. Na juu ya Mnyanyuko patakuwa watu watakao wajua wote kwa alama zao, na wao watawaita watu wa Peponi: Assalamu Alaykum, Amani juu yenu! Wao bado hawajaingia humo, lakini wanatumai."/>
		<aya index="47" text="Na yanapo geuzwa macho yao kuelekea watu wa Motoni, watasema: Mola Mlezi wetu! Usitujaalie kuwa pamoja na watu walio dhulumu."/>
		<aya index="48" text="Na hao watu wa Mnyanyukoni watawaita watu wanao wajua kwa alama zao. Watasema: Kujumuika kwenu hakukufaini kitu, wala hicho mlicho kuwa mnafanyia kiburi."/>
		<aya index="49" text="Je, hawa sio wale mlio kuwa mkiwaapia kuwa Mwenyezi Mungu hatawafikishia rehema. Ingieni Peponi, hapana khofu kwenu, wala hamtahuzunika!"/>
		<aya index="50" text="Na watu wa Motoni watawaita watu wa Peponi: Tumimieni maji, au chochote alicho kuruzukuni Mwenyezi Mungu. Nao watasema: Hakika Mwenyezi Mungu ameviharimisha hivyo kwa makafiri,"/>
		<aya index="51" text="Ambao waliifanya dini yao kuwa ni pumbao na mchezo, na maisha ya dunia yakawadanganya. Basi leo Sisi tunawasahau kama walivyo usahau mkutano wa Siku yao hii, na kwa sababu ya kule kuzikataa Ishara zetu."/>
		<aya index="52" text="Na hakika tumewaletea Kitabu tulicho kipambanua kwa ilimu, uwongofu na rehema kwa watu wenye kuamini."/>
		<aya index="53" text="Je, lipo wanalo lingojea isipo kuwa matokeo yake? Siku yatapo fika matokeo yake watasema wale walio kisahau: Kweli Mitume wa Mola Mlezi wetu walileta Haki! Je, tunao waombezi ili watuombee? Au turudishwe ili tufanye yasiyo kuwa yale tuliyo kuwa tukiyafanya? Bila ya shaka wamejikhasiri nafsi zao, na yamewapotea waliyo kuwa wakiyazua."/>
		<aya index="54" text="Hakika Mola Mlezi wenu ni Mwenyezi Mungu aliye ziumba mbingu na ardhi katika siku sita. Kisha akatawala juu ya Kiti cha Enzi. Huufunika usiku kwa mchana, ufuatao upesi upesi. Na jua, na mwezi, na nyota zinazo tumika kwa amri yake. Fahamuni! Kuumba na amri ni zake. Ametukuka kabisa Mwenyezi Mungu, Mola Mlezi wa viumbe vyote."/>
		<aya index="55" text="Muombeni Mola wenu Mlezi kwa unyenyekevu na kwa siri. Hakika Yeye hawapendi warukao mipaka."/>
		<aya index="56" text="Wala msifanye uharibifu katika nchi baada ya kuwa imekwisha tengenezwa. Na muombeni kwa kuogopa na kwa kutumai. Hakika rehema ya Mwenyzi Mungu iko karibu na wanao fanya mema."/>
		<aya index="57" text="Na Yeye ndiye anaye peleka pepo (za kuvuma) kuwa ni bishara kabla ya kufika rehema yake. Hata hizo pepo zinapo beba mawingu mazito tunayachunga mpaka kwenye nchi iliyo kufa. Kisha tunateremsha kwayo maji, ndio kama hivyo tukatolesha kila aina ya matunda. Basi hali kadhaalika tunavyo wafufua wafu, ili mpate kukumbuka."/>
		<aya index="58" text="Na ardhi njema, yenye udongo wa rutba, hutoa mimea yenye kukua vizuri yenye uhai, kwa idhini ya Mola Mlezi wake. Na ardhi mbaya haitoi ila mimea michache, isiyo na faida, tena kwa shida. Na hivyo ndivyo tunavyo zipambanua Ishara (Aya) kwa watu wanao shukuru."/>
		<aya index="59" text="Tulimpeleka Nuhu kwa kaumu yake, naye akasema: Enyi kaumu yangu! Muabuduni Mwenyezi Mungu. Nyinyi hamna Mungu ila Yeye. Hakika mimi ninakukhofieni adhabu ya Siku iliyo kuu."/>
		<aya index="60" text="Wale watukufu katika kaumu yake wakasema: Hakika sisi tunakuona wewe umo katika upotofu ulio dhaahiri."/>
		<aya index="61" text="Akasema: Enyi watu wangu! Mimi simo katika upotofu, lakini mimi ni Mtume nitokaye kwa Mola Mlezi wa viumbe vyote."/>
		<aya index="62" text="Nakufikishieni Ujumbe wa Mola Mlezi wangu, na ninakunasihini; na ninayajua kwa Mwenyezi Mungu msiyo yajua nyinyi."/>
		<aya index="63" text="Je, mnastaajabu kukujieni mawaidha yanayotoka kwa Mola Mlezi wenu kwa njia ya mtu aliye ni mmoja katika nyinyi, ili akuonyeni na ili mumchemngu, na ili mpate kurehemewa?"/>
		<aya index="64" text="Basi walimkanusha. Nasi tukamwokoa yeye na walio kuwa pamoja naye katika jahazi. Na tukawazamisha wale walio kanusha Ishara zetu. Hakika hao walikuwa watu vipofu."/>
		<aya index="65" text="Na kwa A'adi tulimpeleka ndugu yao, Hud. Akasema: Enyi watu wangu! Muabuduni Mwenyezi Mungu. Nyinyi hamna mungu ila Yeye. Basi je, hamumchi?"/>
		<aya index="66" text="Wakasema watukufu wa wale walio kufuru katika kaumu yake: Sisi tunakuona umo katika upumbavu, na hakika sisi tunakufikiria kuwa wewe ni katika waongo."/>
		<aya index="67" text="Akasema: Enyi watu wangu! Mimi sina upumbavu. Lakini mimi ni Mtume niliye toka kwa Mola Mlezi wa viumbe vyote."/>
		<aya index="68" text="Nakufikishieni ujumbe wa Mola wangu Mlezi. Na mimi kwenu ni mwenye kukunasihini, muaminifu."/>
		<aya index="69" text="Mnaona ajabu kukufikieni mawaidha yanayo toka kwa Mola wenu Mlezi kwa mtu aliye mmoja wenu nyinyi ili akuonyeni? Na kumbukeni alivyo kufanyeni mshike pahala pa kaumu ya Nuhu, na akakuzidisheni katika umbo. Basi zikumbukeni neema za Mwenyezi Mungu ili mpate kufanikiwa."/>
		<aya index="70" text="Wakasema: Je! Umetujia ili tumuabudu Mwenyezi Mungu peke yake, na tuyaache waliyo kuwa wakiyaabudu baba zetu? Basi tuletee hayo unayo tuahidi, ukiwa miongoni mwa wasemao kweli."/>
		<aya index="71" text="Akasema: Bila ya shaka adhabu na ghadhabu zimekwisha kukuangukieni kutoka kwa Mola wenu Mlezi. Mnabishana nami kwa ajili ya majina tu mliyo yaita nyinyi na baba zenu ambayo kwayo Mwenyezi Mungu hakuteremsha uthibitisho? Basi ngojeni, mimi pia ni pamoja nanyi katika wanao ngoja."/>
		<aya index="72" text="Basi tukamwokoa yeye na walio kuwa pamoja naye kwa rehema zetu, na tukakata mizizi ya wale walio zikanusha Ishara zetu, na hawakuwa wenye kuamini."/>
		<aya index="73" text="Na kwa Thamud tulimpeleka ndugu yao, Saleh. Akasema: Enyi watu wangu! Muabuduni Mwenyezi Mungu. Nyinyi hamna Mungu ila Yeye. Hakika imekwisha kukufikieni Ishara iliyo wazi kutoka kwa Mola wenu Mlezi. Huyu ni ngamia jike wa Mwenyezi Mungu aliye ni Ishara kwenu. Basi mwachieni ale kwenye ardhi ya Mwenyezi Mungu, wala msimdhuru, isije kukushukieni adhabu chungu."/>
		<aya index="74" text="Na kumbukeni alivyo kufanyeni wa kushika pahala pa A'adi na akakuwekeni vizuri katika nchi, mnajenga majumba ya fakhari katika nyanda zake, na mnachonga majumba katika milima. Basi zikumbukeni neema za Mwenyezi Mungu wala msitende uovu katika nchi kwa ufisadi."/>
		<aya index="75" text="Waheshimiwa wa kaumu yake wanao jivuna waliwaambia wanao onewa wenye kuamini miongoni mwao: Je, mnaitakidi ya kwamba Saleh ametumwa na Mola Mlezi wake? Wakasema: Hakika sisi tunayaamini yale aliyo tumwa."/>
		<aya index="76" text="Wakasema wale wanao jivuna: Sisi tunayakataa hayo mnayo yaamini."/>
		<aya index="77" text="Na wakamuuwa yule ngamia, na wakaasi amri ya Mola Mlezi wao, na wakasema: Ewe Saleh! Tuletee unayo tuahidi ikiwa wewe ni miongoni mwa Mitume."/>
		<aya index="78" text="Basi tetemeko la ardhi likawanyakua, na kulipo kucha wakawa majumbani mwao kifudifudi wamekwisha kufa."/>
		<aya index="79" text="Basi Saleh akwaacha na akasema: Enyi watu wangu! Nilikufikishieni Ujumbe wa Mola wangu Mlezi, na nikakunasihini, lakini nyinyi hamwapendi wenye nasaha."/>
		<aya index="80" text="Na tulimtuma Lut', alipo waambia watu wake: Je, mnafanya uchafu ambao hajakutangulieni yeyote kwa uchafu huo katika viumbe vyote!"/>
		<aya index="81" text="Hivyo nyinyi mnawaingilia wanaume kwa matamanio mkwawacha wanawake? Kumbe nyinyi ni watu wafujaji!"/>
		<aya index="82" text="Na haikuwa jawabu ya kaumu yake isipo kuwa kuambizana: Wafukuzeni katika mji wenu, maana hao ni watu wanao jitakasa."/>
		<aya index="83" text="Basi tukamwokoa yeye na watu wake, isipo kuwa mkewe, alikuwa miongoni mwa walio bakia nyuma."/>
		<aya index="84" text="Na tukawamiminia mvua. Basi tazama jinsi ulivyo kuwa mwisho wa wakosefu."/>
		<aya index="85" text="Na kwa watu wa Madyana tulimtuma ndugu yao Shua'ib. Akasema: Enyi watu wangu! Muabuduni Mwenyezi Mungu. Hamna mungu mwengine isipo kuwa Yeye. Imekwisha kufikieni hoja wazi kutoka kwa Mola Mlezi wenu. Basi timizeni sawasawa vipimo na mizani, wala msiwapunje watu vitu vyao, wala msifanye uharibifu katika nchi, baada ya kuwa imekwisha tengenea. Hivi ndivyo bora kwenu ikiwa nyinyi ni Waumini."/>
		<aya index="86" text="Wala msikae katika kila njia mkitisha watu, na kuwazuilia na Njia ya Mwenyezi Mungu wale wenye kumuamini, na mkataka njia ipotoke. Na kumbukeni mlipo kuwa wachache, naye akakufanyeni kuwa wengi. Na tazameni jinsi ulivyo kuwa mwisho wa mafisadi."/>
		<aya index="87" text="Na kama liko kundi miongoni mwenu lililo amini haya niliyo tumwa, na kundi jengine halikuamini, basi subirini mpaka Mwenyezi Mungu ahukumu baina yetu. Naye ndiye Mbora wa wenye kuhukumu."/>
		<aya index="88" text="WAHESHIMIWA WALIO TAKABARI katika kaumu yake wakasema: Ewe Shua'ib! Tutakutoa wewe pamoja na wale walio kuamini katika mji wetu, au mrejee katika mila yetu. Akasema: Je, ingawa tunaichukia?"/>
		<aya index="89" text="Bila ya shaka itakuwa tumemzulia uwongo Mwenyezi Mungu tukirudi katika mila yenu baada ya kwisha tuokoa nayo Mwenyezi Mungu. Wala haiwi kwetu sisi kuirejea mila hiyo, ila akitaka Mwenyezi Mungu, Mola Mlezi wetu. Ujuzi wa Mola Mlezi wetu umeenea katika kila kitu. Kwa Mwenyezi Mungu tunategemea. Ewe Mola Mlezi wetu! Tuhukumie baina yetu na kaumu yetu kwa haki, nawe ndiye mbora wa wanao hukumu."/>
		<aya index="90" text="Na waheshimiwa walio kufuru katika kaumu yake wakasema: Mkimfuata Shua'ib, basi hakika hapo nyinyi mtakuwa mlio khasiri."/>
		<aya index="91" text="Basi tetemeko la ardhi likawanyakua, na wakaamkia majumbani mwao wamejifudikiza, wamekwisha kufa."/>
		<aya index="92" text="Wale walio mkanusha Shua'ib wakawa kama kwamba hawakuwako. Walio mkanusha Shua'ib ndio walio kuwa wenye kukhasiri."/>
		<aya index="93" text="Basi akawaachilia mbali na akasema: Enyi kaumu yangu! Nimekufikishieni Ujumbe wa Mola Mlezi wangu, na nimekunasihini; basi vipi niwahuzunikie watu makafiri?"/>
		<aya index="94" text="Na hatukumtuma Nabii yeyote katika mji ila tuliwapatiliza wakaazi wake kwa taabu na mashaka ili wapate kunyenyekea."/>
		<aya index="95" text="Kisha Sisi hubadilisha mahala pa ubaya kwa wema, hata wakazidi, na wakasema: Taabu na raha ziliwafikia baba zetu. Basi kwa ghafla tukawashika, hali ya kuwa hawajatambua."/>
		<aya index="96" text="Na lau kuwa watu wa miji wangeli amini na wakamchamngu, kwa yakini tungeli wafungulia baraka kutoka mbinguni na katika ardhi. Lakini walikanusha basi tukawapatiliza kwa sababu ya yale waliyo kuwa wakiyachuma."/>
		<aya index="97" text="Je, watu wa mijini wameaminisha ya kuwa adhabu yetu haitawafika usiku, nao wamelala?"/>
		<aya index="98" text="Au watu wa mijini wameaminisha ya kuwa adhabu yetu haitawafika mchana, nao wanacheza?"/>
		<aya index="99" text="Je, wamejiaminisha na mipango ya Mwenyezi Mungu? Kwani hawajiaminishi na mipango ya Mwenyezi Mungu ila watu wenye kukhasiri."/>
		<aya index="100" text="Je, hawahidiki hawa wanao rithi ardhi baada ya wale wenyewe kwamba tukitaka tutawapatiliza kwa madhambi yao, na tutapiga muhuri juu ya nyoyo zao, na kwa hivyo hawatasikia?"/>
		<aya index="101" text="Miji hiyo, tunakusimulia baadhi ya khabari zake. Na hapana shaka Mitume wao waliwafikia kwa hoja zilizo waziwazi. Lakini hawakuwa wenye kuamini waliyo yakanusha zamani. Namna hivi Mwenyezi Mungu anazipiga muhuri nyoyo za makafiri."/>
		<aya index="102" text="Wala hatukuwaona wengi wao kuwa wanatimiza ahadi; bali kwa hakika tuliwakuta wengi wao ni wapotofu."/>
		<aya index="103" text="Kisha baada yao tukamtuma Musa na Ishara zetu kwa Firauni na waheshimiwa wake. Nao wakazikataa. Basi tazama ulikuwaje mwisho wa waharibifu."/>
		<aya index="104" text="Na Musa alisema: Ewe Firauni! Hakika mimi ni Mtume nitokaye kwa Mola Mlezi wa viumbe vyote."/>
		<aya index="105" text="Inafaa nisiseme juu ya Mwenyezi Mungu ila lilio la Haki. Nami hakika nimekujieni na dalili waziwazi kutokana na Mola Mlezi wenu. Basi waache Wana wa Israili wende nami."/>
		<aya index="106" text="Akasema Firauni: Ikiwa umekuja na Ishara, basi ilete ukiwa ni katika wasemao kweli."/>
		<aya index="107" text="Basi akaitupa fimbo yake, na mara ikawa nyoka dhaahiri."/>
		<aya index="108" text="Na akatoa mkono wake, mara ukawa mweupe kwa watazamao."/>
		<aya index="109" text="Wakasema waheshimiwa wa kaumu ya Firauni: Hakika huyo ni mchawi mjuzi."/>
		<aya index="110" text="Anataka kukutoeni katika nchi yenu. Basi mnatoa shauri gani?"/>
		<aya index="111" text="Wakasema: Mwache kidogo yeye na nduguye, na watume mijini wakusanyao,"/>
		<aya index="112" text="Wakuletee kila mchawi mjuzi."/>
		<aya index="113" text="Wakaja wachawi kwa Firauni, wakasema: Hakika tutapata ujira ikiwa tutashinda."/>
		<aya index="114" text="Akasema: Naam! Nanyi bila ya shaka mtakuwa katika wa karibu nami."/>
		<aya index="115" text="Wakasema: Ewe Musa! Je, utatupa wewe, au tutakuwa sisi tutao tupa?"/>
		<aya index="116" text="Akasema: Tupeni! Basi walipo tupa waliyazuga macho ya watu na wakawatia khofu, na wakaleta uchawi mkubwa."/>
		<aya index="117" text="Nasi tukamfunulia Musa kumwambia: Tupa fimbo yako. Mara ikavimeza vyote vile walivyo vibuni."/>
		<aya index="118" text="Kweli ikathibiti na yakabat'ilika waliyo kuwa wakiyatenda."/>
		<aya index="119" text="Kwa hivyo walishindwa hapo, na wakageuka kuwa wadogo."/>
		<aya index="120" text="Na wachawi wakapoomoka wakisujudu."/>
		<aya index="121" text="Wakasema: Tumemuamini Mola Mlezi wa viumbe vyote,"/>
		<aya index="122" text="Mola Mlezi wa Musa na Haarun."/>
		<aya index="123" text="Akasema Firauni: Mmemuamini kabla sijakupeni idhini? Hizi ni njama mlizo panga mjini mpate kuwatoa wenyewe. Lakini karibu mtajua!"/>
		<aya index="124" text="Lazima nitaikata mikono yenu na miguu yenu mbali mbali. Kisha nitakutundikeni misalabani."/>
		<aya index="125" text="Wakasema: Sisi ni wenye kurejea kwa Mola wetu Mlezi."/>
		<aya index="126" text="Nawe hukuudhika nasi ila kwa kuwa tumeziamini Ishara za Mola Mlezi wetu zilipo tujia. Ewe Mola Mlezi wetu! Tumiminie uvumilivu na utufishe hali ni Waislamu."/>
		<aya index="127" text="Wakasema waheshimiwa wa kaumu ya Firauni: Unamuacha Musa na watu wake walete uharibifu katika nchi na wakuache wewe na miungu yako? Akasema: Tutawauwa wavulana wao, na tutawaacha hai wanawake wao. Na bila ya shaka sisi ni wenye nguvu juu yao."/>
		<aya index="128" text="Musa akawaambia watu wake: Ombeni msaada kwa Mwenyezi Mungu, na subirini. Hakika ardhi ni ya Mwenyezi Mungu. Naye humrithisha amtakaye katika waja wake. Na mwisho ni wa wachamngu."/>
		<aya index="129" text="Wakasema: Tumeudhiwa kabla hujatufikia, na baada ya wewe kutujia! Musa akasema: Huenda Mola wenu Mlezi akamhiliki adui wenu, na akakufanyeni nyinyi ndio wa kufuatia kushika nchi, ili atazame mtavyo kuja tenda nyinyi."/>
		<aya index="130" text="Na hakika tuliwaadhibu watu wa Firauni kwa miyaka (ya ukame) na kwa upungufu wa mazao, ili wapate kukumbuka."/>
		<aya index="131" text="Likiwafika jema wakisema: Haya ni haki yetu. Na likiwafika ovu husema: Musa na walio pamoja naye ni wakorofi. Hakika ukorofi wao huo unao wafikia unatoka kwa Mwenyezi Mungu. Lakini wengi wao hawajui."/>
		<aya index="132" text="Na wakisema: Hata ukituletea Ishara yoyote kutuzuga hatuto kuamini."/>
		<aya index="133" text="Basi tukawapelekea tufani, na nzige, na chawa, na vyura, na damu, kuwa ni Ishara mbali mbali. Nao wakapanda kiburi, na wakawa watu wakosefu."/>
		<aya index="134" text="Na ilipo waangukia adhabu wakasema: Ewe Musa! Tuombee kwa Mola wako Mlezi kwa aliyo kuahidi. Ukituondolea adhabu hii hapana shaka tutakuamini, na tutawaachilia Wana wa Israili wende nawe."/>
		<aya index="135" text="Lakini tukiwaondolea adhabu mpaka muda fulani wao waufikie, mara wakivunja ahadi yao."/>
		<aya index="136" text="Basi tuliwapatiliza, tuka- wazamisha baharini kwa sababu walizikanusha Ishara zetu, na wakaghafilika nazo."/>
		<aya index="137" text="Na tukawarithisha watu walio kuwa wanadharauliwa mashariki na magharibi ya ardhi tuliyo ibariki. Na likatimia neno jema la Mola Mlezi wako juu ya Wana wa Israili, kwa vile walivyo subiri. Na tukayaangamiza aliyo kuwa akiyafanya Firauni na kaumu yake, na waliyo kuwa wakiyajenga."/>
		<aya index="138" text="Na tukawavusha bahari Wana wa Israili, wakafika kwa watu wanao abudu masanamu yao. Wakasema: Ewe Musa! Hebu tufanyie na sisi miungu kama hawa walivyo kuwa na miungu. Musa akasema: Hakika nyinyi ni watu msio jua kitu."/>
		<aya index="139" text="Hakika haya waliyo nayo watu hawa yatakuja angamia, na hayo waliyo kuwa wakiyafanya yamepotea bure."/>
		<aya index="140" text="Akasema: Je, nikutafutieni mungu asiye kuwa Mwenyezi Mungu, na Yeye ndiye aliye kufadhilisheni juu ya viumbe vyote?"/>
		<aya index="141" text="Na pale tulipo kuokoeni kwa watu wa Firauni walio kupeni adhabu za mwisho wa uovu. Wakiwauwa wavulana wenu, na wakawaacha hai wanawake wenu. Na katika hayo yalikuwa majaribio makubwa kutokana na Mola wenu Mlezi."/>
		<aya index="142" text="Tulimuahidi Musa masiku thalathini na tukayatimiza kwa kumi; ikatimia miadi ya Mola wake Mlezi masiku arubaini. Na Musa akamwambia nduguye Haarun: Shika mahala pangu kwa watu wangu na utengeneze wala usifuate njia ya waharibifu."/>
		<aya index="143" text="Na alipo kuja Musa kwenye miadi yetu, na Mola wake Mlezi akamsemeza, alisema: Mola wangu Mlezi! Nionyeshe nikutazame. Mwenyezi Mungu akasema: Hutoniona. Lakini utazame huo mlima. Ukibaki pahala pake basi utaniona. Basi alipo jionyesha Mola Mlezi wake kwa mlima, aliufanya uvurugike, na Musa akaanguka chini amezimia. Alipo zindukana alisema: Subhanaka, Umetakasika! Natubu kwako, na mimi ni wa kwanza wa Waumini."/>
		<aya index="144" text="(Mwenyezi Mungu) akasema: Ewe Musa! Mimi nimekuteuwa wende kwa watu na Ujumbe wangu na maneno yangu. Basi chukua niliyo kupa na uwe katika wanao shukuru."/>
		<aya index="145" text="Na tukamuandikia katika mbao kila kitu, mawaidha na maelezo ya mambo yote. (Tukamwambia): Basi yashike kwa nguvu na uwaamrishe watu wako wayashike kwa ubora wake. Nami nitakuonyesheni makaazi ya wapotofu."/>
		<aya index="146" text="Nitawatenga na Ishara zangu wale wanao fanya kiburi katika nchi bila ya haki. Na wao wakiona kila Ishara hawaiamini. Wakiiona njia ya uwongofu hawaishiki kuwa ndiyo njia; lakini wakiiona njia ya upotofu wanaishika kuwa ndiyo njia. Hayo ni kwa sababu wamezikanusha Ishara zetu, na wameghafilika nazo."/>
		<aya index="147" text="Na walio zikanusha Ishara zetu na mkutano wa Akhera a'mali zao zimeharibika. Kwani watalipwa ila kwa yale waliyo kuwa wakiyatenda?"/>
		<aya index="148" text="Na baada yake walimfanya ndama kutokana na mapambo yao (kumuabudu), kiwiliwili tu kilicho kuwa na sauti. Hivyo, hawakuona kuwa hawasemezi wala hawaongoi njia? Wakamuabudu, na wakawa wenye kudhulumu."/>
		<aya index="149" text="Na walipo juta na wakaona ya kwamba wamekwisha potea, walisema: Ikiwa Mola wetu Mlezi hakuturehemu na akatusamehe, bila ya shaka tutakuwa miongoni mwa walio khasiri."/>
		<aya index="150" text="Na alipo rudi Musa kwa watu wake, naye amekasirika na kuhuzunika, alisema: Ni maovu yalioje mlio nifanyia nyuma yangu! Je, mmeitangulia amri ya Mola wenu Mlezi? Na akaziweka chini zile mbao, na akamkamata kichwa ndugu yake akimvutia kwake. (Haarun) akasema: Ewe mwana wa mama yangu! Hakika hawa watu wamenidharau, na wakakaribia kuniuwa. Basi usiwafurahishe maadui juu yangu, wala usinifanye pamoja na watu madhaalimu."/>
		<aya index="151" text="(Musa) akasema: Mola Mlezi wangu! Nisamehe mimi na ndugu yangu, na ututie katika rehema yako. Nawe ni Mwenye kurehemu kushinda wote wenye kurehemu."/>
		<aya index="152" text="Hakika wale walio muabudu ndama, itawapata ghadhabu ya Mola wao Mlezi na madhila katika maisha ya dunia. Na hivi ndivyo tunavyo walipa wazushi."/>
		<aya index="153" text="Na walio tenda maovu, kisha wakatubia baada yake na wakaamini, hapana shaka kuwa Mola Mlezi wako baada ya hayo ni Mwenye kusamehe Mwenye kurehemu."/>
		<aya index="154" text="Na Musa ilipo mtulia ghadhabu aliziokota zile mbao. Na katika maandiko yake mna uwongofu na rehema kwa wanao mwogopa Mola wao Mlezi."/>
		<aya index="155" text="Na Musa akawateuwa watu sabiini katika kaumu yake kwa miadi yetu. Na ulipo fika mtetemeko mkubwa alisema: Ewe Mola wangu Mlezi! Ungeli taka ungeli wahiliki wao na mimi zamani! Unatuhiliki kwa waliyo yafanya wajinga katika sisi? Haya si chochote ila ni mtihani wako, umpoteze umtakaye na umhidi umtakaye. Wewe ndiye Rafiki Mlinzi wetu. Basi tughufirie na uturehemu. Na Wewe ndiye mbora wa kughufiria."/>
		<aya index="156" text="Na utuandikie mema katika dunia hii na katika Akhera. Sisi tumerejea kwako. (Mwenyezi Mungu) akasema: Adhabu yangu nitamsibu nayo nimtakaye. Na rehema yangu imeenea kila kitu. Lakini nitawaandikia khasa wanao mchamngu, na wanao toa Zaka, na wale ambao wanaziamini Ishara zetu,"/>
		<aya index="157" text="Ambao kwamba wanamfuata huyo Mtume, Nabii, asiye soma wala kuandika, wanaye mkuta kaandikwa kwao katika Taurati na Injili, anaye waamrisha mema na anawakanya maovu, na anawahalalishia vizuri, na ana waharimishia viovu, na anawaondolea mizigo yao na minyororo iliyo kuwa juu yao. Basi wale walio muamini yeye, na wakamhishimu, na wakamsaidia, na wakaifuata nuru iliyo teremshwa pamoja naye - hao ndio wenye kufanikiwa."/>
		<aya index="158" text="Sema: Enyi watu! Hakika mimi ni Mtume kwenu nyinyi nyote, niliye tumwa na Mwenyezi Mungu Mwenye ufalme wa mbingu na ardhi. Hapana mungu ila Yeye anaye huisha na anaye fisha. Basi muaminini Mwenyezi Mungu na Mtume wake asiyejua kusoma na kuandika, ambaye anamuamini Mwenyezi Mungu na maneno yake. Na mfuateni yeye ili mpate kuongoka."/>
		<aya index="159" text="Na katika kaumu ya Musa lipo kundi linao waongoa watu kwa haki na kwa haki wanafanya uadilifu."/>
		<aya index="160" text="Na tuliwagawanya katika makabila kumi na mbili, mataifa mbali mbali. Na tulimfunulia Musa walipo muomba maji watu wake kumwambia: Lipige hilo jiwe kwa fimbo yako. Mara zikatibuka humo chemchem kumi na mbili, na kila watu wakajua mahali pao pa kunywea. Na tukawafunika kivuli kwa mawingu, na tukawateremshia Manna na Salwa. Tukawaambia: Kuleni vizuri hivi tulivyo kuruzukuni. Wala hawakutu- dhulumu Sisi, bali wamejidhulumu wenyewe."/>
		<aya index="161" text="Na pale walipo ambiwa: Kaeni katika mji huu, na mle humo mpendapo, na semeni: Tufutie dhambi zetu. Na ingieni katika mlango wake kwa unyenyekevu, tupate kukusameheni makosa yenu. Walio wema tutawazidishia."/>
		<aya index="162" text="Lakini walio dhulumu miongoni mwao walibadilisha kauli, sio ile waliyo ambiwa. Basi tukawapelekea adhabu kutoka mbinguni kwa vile walivyo kuwa wakidhulumu."/>
		<aya index="163" text="Na waulize khabari za mji ulio kuwa kando ya bahari, wakiivunja Sabato (Jumaamosi ya mapumziko). Samaki walikuwa wakiwajia juu juu siku ya mapumziko yao, na siku zisio kuwa za kupumzika hawakuwa wakiwajia. Kwa namna hiyo tuliwajaribu kwa sababu walikuwa wakifanya upotovu."/>
		<aya index="164" text="Na kikundi kati yao walisema: Kwa nini mnawawaidhi watu ambao tangu hapo Mwenyezi Mungu atawateketeza au atawaadhibu adhabu kali? Wakasema: Ili uwe ni udhuru kwa Mola Mlezi wenu, na huenda nao wakamchamngu."/>
		<aya index="165" text="Basi walipo yasahau waliyo kumbushwa, tuliwaokoa walio kuwa wakikataza maovu, na tukawatesa walio dhulumu kwa adhabu mbaya kwa vile walivyo kuwa wakifanya upotovu."/>
		<aya index="166" text="Walipo jifakharisha katika waliyo kanywa tuliwaambia: Kuweni manyani wa kudharauliwa."/>
		<aya index="167" text="Na pale alipo tangaza Mola wako Mlezi kwamba hapana shaka atawaletea watu ambao watawaadhibu kwa adhabu mbaya mpaka Siku ya Kiyama. Hakika Mola wako Mlezi ni Mwepesi wa kuadhibu, na bila ya shaka ni Mwenye maghfira, na Mwenye kurehemu."/>
		<aya index="168" text="Na tuliwafarikisha katika ardhi makundi makundi. Wako kati yao walio wema, na wengine kinyume cha hivyo. Na tukawajaribu kwa mema na mabaya ili wapate kurejea."/>
		<aya index="169" text="Na wakafuatia baada yao kizazi kibaya walio rithi Kitabu. Wakashika anasa za haya maisha duni, na wakasema: Tutasamehewa! Na ikiwajia tena anasa kama hiyo wataishika pia. Je, hawakufanyiwa agano la Kitabu kuwa wasiseme juu ya Mwenyezi Mungu ila Haki tu? Nao wamekwisha soma yaliomo humo. Na nyumba ya Akhera ni bora kwa wanao jikinga na maasi. Basi je, hamtii akilini?"/>
		<aya index="170" text="Na wale wanao kishikilia Kitabu, na wakashika Sala - hakika Sisi hatupotezi ujira wa watendao mema."/>
		<aya index="171" text="Na pale tulipo unyanyua mlima juu yao ukawa kama kwamba ni kiwingu kilicho wafunika, na wakadhani kuwa utawaangukia, (tukawaambia): Kamateni kwa nguvu tuliyo kupeni, na yakumbukeni yaliyomo ndani yake ili mpate kumcha Mungu."/>
		<aya index="172" text="Na pale Mola wako Mlezi alipo waleta katika wanaadamu kutoka migongoni mwao kizazi chao, na akawashuhudisha juu ya nafsi zao, akawaambia: Je, Mimi si Mola Mlezi wenu? Wakasema: Kwani! Tumeshuhudia. Msije mkasema Siku ya Kiyama sisi tulikuwa tumeghafilika na hayo."/>
		<aya index="173" text="Au mkasema: Hakika baba zetu ndio walio shirikisha kabla yetu, na sisi ni dhuriya zao tu baada yao. Basi utatuangamiza kwa sababu ya waliyo yafanya wapotovu?"/>
		<aya index="174" text="Ndio kama hivyo tunavyo zipambanua Ishara, kwa kutaraji kuwa watarejea."/>
		<aya index="175" text="Na wasomee khabari za yule ambaye tulimpa Ishara zetu, naye akajivua nazo. Na Shet'ani akamuandama, akawa miongoni walio potea."/>
		<aya index="176" text="Na tungelitaka tungeli mtukuza kwa hizo Ishara, lakini yeye aliushikilia ulimwengu na akafuata pumbao lake. Basi mfano wake ni mfano wa mbwa. Ukimhujumu hupumua na kutoa ulimi na ukimwacha pia hupumua na kutoa ulimi. Huo ni mfano wa kaumu wanao zikanusha Ishara zetu. Basi simulia hadithi, huenda wakatafakari."/>
		<aya index="177" text="Huu ni mfano muovu kabisa wa watu wanao kanusha Ishara zetu na wakajidhulumu nafsi zao."/>
		<aya index="178" text="Yule ambaye Mwenyezi Mungu amemhidi basi huyo amehidika; na alio waacha kupotea basi hao ndio walio khasirika."/>
		<aya index="179" text="Na tumeiumbia Jahannamu majini wengi na watu. Wana nyoyo, lakini hawafahamu kwazo. Na wana macho, lakini hawaoni kwayo. Na wana masikio, lakini hawasikii kwayo. Hao ni kama nyama howa, bali wao ni wapotofu zaidi. Hao ndio walio ghafilika."/>
		<aya index="180" text="Na Mwenyezi Mungu ana majina mazuri kabisa, basi muombeni kwa hayo. Na waacheni wale wanao haribu utakatifu wa majina yake. Hao watakuja lipwa waliyo kuwa wakiyatenda."/>
		<aya index="181" text="Na katika tulio waumba wako watu wanao ongoza kwa Haki, na kwayo wanafanya uadilifu."/>
		<aya index="182" text="Na wale walio kadhibisha Ishara zetu, tutawapururia pole pole kwa namna ambayo wenyewe hawaijui."/>
		<aya index="183" text="Nami nitawapa muda. Hakika mpango wangu ni madhubuti."/>
		<aya index="184" text="Je, hawafikiri? Huyu mwenzao hana wazimu. Hakuwa yeye ila ni mwonyaji aliye dhaahiri."/>
		<aya index="185" text="Je, hawatazami ufalme wa mbingu na ardhi, na vitu alivyo viumba Mwenyezi Mungu, na pengine ajali yao imekwisha karibia? Basi maneno gani baada ya haya watayaamini?"/>
		<aya index="186" text="Aliye mwacha Mwenyezi Mungu kupotea hana wa kumwongoa. Atawaacha hao wakitangatanga katika upotofu wao."/>
		<aya index="187" text="Wanakuuliza hiyo Saa (ya mwisho) itakuwa lini? Sema: Kuijua kwake kuko kwa Mola Mlezi wangu. Haidhihirishi hiyo kwa wakati wake ila Yeye. Ni nzito katika mbingu na ardhi. Haikujiini ila kwa ghafla tu. Wanakuuliza kama kwamba wewe una pupa ya kuijua. Sema: Ujuzi wake uko kwa Mwenyezi Mungu. Lakini aghlabu ya watu hawajui."/>
		<aya index="188" text="Sema: Siimilikii nafsi yangu manufaa wala madhara, ila apendavyo Mwenyezi Mungu. Na lau kuwa ninayajua ya ghaibu ninge jizidishia mema mengi, wala ovu lisinge nigusa. Mimi si chochote ila ni mwonyaji na mbashiri kwa watu wanao amini."/>
		<aya index="189" text="Yeye ndiye aliye kuumbeni katika nafsi moja; na katika hiyo hiyo akamfanya mwenzi wake, ili akae naye kwa utulivu. Na anapo muingilia hubeba mzigo mwepesi, akitembea nao. Anapo kuwa mja mzito, wote wawili humwomba Mwenyezi Mungu, Mola Mlezi wao: Kama ukitupa mwana mwema tutakuwa katika wanao shukuru."/>
		<aya index="190" text="Basi anapo wapa mwana mwema, wanamfanyia washirikina Mwenyezi Mungu katika kile kile alicho wapa. Mwenyezi Mungu ametukuka na huko kushirikisha kwao."/>
		<aya index="191" text="Ati wanawafanya viumbe kuwa ni washirika wa Mwenyezi Mungu, nao hawaumbi, bali wao ndio wanaumbwa?"/>
		<aya index="192" text="Wala hawana uwezo wa kuwanusuru wala wenyewe hawajinusuru."/>
		<aya index="193" text="Na mkiwaita kwenye uwongofu, hawakufuateni. Ni mamoja kwenu ikiwa mtawaita au mkinyamaza."/>
		<aya index="194" text="Hakika hao mnao waomba asiye kuwa Mwenyezi Mungu ni waja mfano wenu nyinyi. Hebu waombeni, nao wakuitikieni, kama mnasema kweli."/>
		<aya index="195" text="Je, wao wanayo miguu ya kwendea? Au wanayo mikono ya kutetea? Au wanayo macho ya kuonea? Au wanayo masikio ya kusikizia? Sema: Iiteni hio miungu yenu ya ushirikina. Kisha nifanyieni mimi vitimbi, wala msinipe muhula."/>
		<aya index="196" text="Hakika Mlinzi wangu ni Mwenyezi Mungu aliye teremsha Kitabu. Naye ndiye awalindae walio wema."/>
		<aya index="197" text="Na hao mnao waomba asiye kuwa Mwenyezi hawawezi kukunusuruni, wala hawajinusuru wenyewe."/>
		<aya index="198" text="Na mkiwaita kwenye uwongofu hawasikii. Na unawaona wanakutazama, nao hawaoni."/>
		<aya index="199" text="Shikamana na kusamehe, na amrisha mema, na jitenge na majaahili."/>
		<aya index="200" text="Na uchochezi wa Shet'ani ukikuchochea basi omba ulinzi wa Mwenyezi Mungu. Hakika Yeye ni Msikizi, Mjuzi."/>
		<aya index="201" text="Hakika wale wamchao Mungu, zinapo wagusa pepesi za Shet'ani, mara huzindukana na hapo huwa wenye kuiona haki."/>
		<aya index="202" text="Na ndugu zao wanawavutia kwenye upotofu, kisha wao hawaachi."/>
		<aya index="203" text="Na usipo waletea Ishara waitakayo husema: Kwa nini hukuibuni? Sema: mimi ninafuata yanayo funuliwa kwangu kutokana na Mola Mlezi wangu. Hii (Qur'ani) ni hoja zinazo toka kwa Mola wenu Mlezi, na uwongofu na rehema kwa watu wanao amini."/>
		<aya index="204" text="Na isomwapo Qur'ani isikilizeni na mnyamaze ili mpate kurehemewa."/>
		<aya index="205" text="Na mkumbuke Mola Mlezi wako nafsini kwako kwa unyenyekevu na khofu, na bila ya kupiga kelele kwa kauli, asubuhi na jioni. Wala usiwe miongoni wa walio ghafilika."/>
		<aya index="206" text="Hakika wale walioko kwa Mola wako Mlezi hawajivuni wakaacha kumuabdu, na wanamtakasa na wanamsujudia."/>
	</sura>
	<sura index="8" name="">
		<aya index="1" text="Wanakuuliza juu ya Ngawira. Sema: Ngawira ni ya Mwenyezi Mungu na Mtume. Basi mcheni Mwenyezi Mungu na suluhisheni mambo baina yenu, na mt'iini Mwenyezi Mungu na Mtume wake ikiwa nyinyi ni Waumini."/>
		<aya index="2" text="Hakika Waumini ni wale ambao anapo tajwa Mwenyezi Mungu nyoyo zao hujaa khofu, na wanapo somewa Aya zake huwazidisha Imani, na wakamtegemea Mola wao Mlezi."/>
		<aya index="3" text="Hao ambao wanashika Sala na wanatoa katika yale tunayo waruzuku."/>
		<aya index="4" text="Hao kweli ndio Waumini. Wao wana vyeo, na maghfira, na riziki bora, kwa Mola wao Mlezi."/>
		<aya index="5" text="Kama Mola wako Mlezi alivyo kutoa nyumbani kwako kwa Haki, na hakika kundi moja la Waumini linachukia."/>
		<aya index="6" text="Wanajadiliana nawe kwa jambo la Haki baada ya kwisha bainika, kama kwamba wanasukumwa kwenye mauti nao wanaona."/>
		<aya index="7" text="Na Mwenyezi Mungu alipo kuahidini kuwa moja katika makundi mawili ni lenu. Nanyi mkapenda lisilo na nguvu ndio liwe lenu; na Mwenyezi Mungu anapenda ahakikishe Haki kwa maneno yake, na aikate mizizi ya makafiri."/>
		<aya index="8" text="Ili ahakikishe Haki na auvunje upotovu na wangachukia wakosefu."/>
		<aya index="9" text="Mlipo kuwa mkimuomba msaada Mola wenu Mlezi, naye akakujibuni kuwa: Kwa yakini Mimi nitakusaidieni kwa Malaika elfu wanao fuatana mfululizo."/>
		<aya index="10" text="Na Mwenyezi Mungu hakufanya haya ila kuwa ni bishara na ili nyoyo zenu zituwe. Na haupatikani ushindi ila kutoka kwa Mwenyezi Mungu. Hakika Mwenyezi Mungu ni Mwenye nguvu, na Mwenye hikima."/>
		<aya index="11" text="Alipo kufunikeni kwa usingizi uwe ni uaminisho kutoka kwake, na akakuteremshieni maji kutoka mbinguni ili kukusafisheni kwayo na kukuondoleeni uchafu wa Shet'ani, na kuzipa nguvu nyoyo zenu, na kuitia imara miguu yenu."/>
		<aya index="12" text="Mola wako Mlezi alipo wafunulia Malaika: Hakika Mimi ni pamoja nanyi, basi watieni nguvu walio amini. Nitatia woga katika nyoyo za walio kufuru. Basi wapigeni juu ya shingo na wapigeni kwenye kila ncha za vidole."/>
		<aya index="13" text="Hayo ni kwa sababu wamemuasi Mwenyezi Mungu na Mtume wake. Na mwenye kumuasi Mwenyezi Mungu na Mtume wake basi Mwenyezi Mungu ni Mkali wa kuadhibu."/>
		<aya index="14" text="Ndio hivyo! Basi ionjeni! Na bila ya shaka makafiri wana adhabu ya Moto."/>
		<aya index="15" text="Enyi Mlio amini! Mkikutana na walio kufuru vitani msiwageuzie mgongo."/>
		<aya index="16" text="Na atakaye wageuzia mgongo wake siku hiyo - isipo kuwa kwa mbinu za vita au kuungana na kikosi - basi atakuwa amestahiki ghadhabu ya Mwenyezi Mungu. Na pahala pake ni Jahannamu, na huo ni mwisho muovu."/>
		<aya index="17" text="Hamkuwauwa nyinyi lakini Mwenyezi Mungu ndiye aliye wauwa. Na wewe hukutupa, walakini Mwenyezi Mungu ndiye aliye tupa, ili awajaribu Waumini majaribio mema yatokayo kwake. Hakika Mwenyezi Mungu ndiye Msikizi na Mjuzi."/>
		<aya index="18" text="Ndio hivyo! Na hakika Mwenyezi Mungu ni Mwenye kudhoofisha vitimbi vya makafiri."/>
		<aya index="19" text="Kama mnataka hukumu basi hukumu imekwisha kujieni. Na mkiacha itakuwa ndio kheri kwenu. Na mkirejea Sisi pia tutarejea. Na jeshi lenu halitakufaeni kitu, japo likiwa kubwa. Kwani hakika Mwenyezi yu pamoja na Waumini."/>
		<aya index="20" text="Enyi mlio amini! Mt'iini Mwenyezi Mungu na Mtume wake, wala msijiepushe naye, nanyi mnasikia."/>
		<aya index="21" text="Wala msiwe kama wale wanao sema: Tumesikia, na kumbe hawasikii."/>
		<aya index="22" text="Hakika vinyama viovu mbele ya Mwenyezi Mungu ni vile viziwi na bubu visio tumia akili zao."/>
		<aya index="23" text="Na Mwenyezi Mungu angeli jua wema wowote kwao ange wasikilizisha, na lau ange wasikilizisha wangeli geuka wakapuuza."/>
		<aya index="24" text="Enyi mlio amini! Muitikieni Mwenyezi Mungu na Mtume anapo kuitieni jambo la kukupeni uzima wa milele. Na jueni kuwa Mwenyezi Mungu huingia kati ya mtu na moyo wake, na kwamba hakika kwake Yeye tu mtakusanywa."/>
		<aya index="25" text="Na jikingeni na Fitna ambayo haitowasibu walio dhulumu peke yao kati yenu. Na jueni kuwa Mwenyezi Mungu ni Mkali wa kuadhibu."/>
		<aya index="26" text="Na kumbukeni mlipo kuwa wachache, mkionekana wanyonge katika nchi, mnaogopa watu wasikunyakueni, naye akakupeni pahala pazuri pa kukaa, na akakutieni nguvu kwa nusura yake, na akakupeni riziki nzuri ili mpate kushukuru."/>
		<aya index="27" text="Enyi mlio amini! Msimfanyie khiana Mwenyezi Mungu na Mtume, wala msikhini amana zenu, nanyi mnajua."/>
		<aya index="28" text="Na jueni ya kwamba mali zenu na wana wenu ni Fitna (mtihani), na kwamba kwa Mwenyezi Mungu upo ujira mkubwa."/>
		<aya index="29" text="Enyi mlio amini! Mkimcha Mwenyezi Mungu atakupeni kipambanuo, na atakufutieni makosa, na atakusameheni, na Mwenyezi Mungu ni Mwenye fadhila kubwa."/>
		<aya index="30" text="Na walipo kupangia mpango walio kufuru wakufunge, au wakuuwe, au wakutoe. Wakapanga mipango yao, na Mwenyezi Mungu akapanga yake. Na Mwenyezi Mungu ndiye mbora wa mipango."/>
		<aya index="31" text="Na wanapo somewa Aya zetu, wao husema: Tumesikia. Na lau tungeli penda tunge sema kama haya. Haya si chochote ila hadithi za watu wa kale tu."/>
		<aya index="32" text="Na walipo sema: Ee Mwenyezi Mungu! Ikiwa haya ni kweli itokayo kwako basi tunyeshee mawe kutoka mbinguni, au tuletee adhabu yoyote iliyo chungu."/>
		<aya index="33" text="Na Mwenyezi Mungu hakuwa wa kuwaadhibu nawe umo pamoja nao, wala Mwenyezi Mungu si wa kuwaadhibu na hali ya kuwa wanaomba msamaha."/>
		<aya index="34" text="Lakini wana jambo gani hata Mwenyezi Mungu asiwaadhibu, na hali ya kuwa wanawazuilia watu Msikiti Mtakatifu? Wala wao hawakuwa ndio walinzi wake, bali walinzi wake hawakuwa ila wacha-Mngu tu. Lakini wengi katika wao hawajui."/>
		<aya index="35" text="Na haikuwa ibada yao kwenye hiyo Nyumba (Al Kaaba) ila ni kupiga miunzi na makofi. Basi onjeni adhabu kwa vile mlivyo kuwa mkikufuru."/>
		<aya index="36" text="Hakika wale walio kufuru hutoa mali yao ili kuzuilia Njia ya Mwenyezi Mungu. Basi watayatoa, kisha yatakuwa juu yao majuto, na kisha watashindwa. Na wale walio kufuru watakusanywa kwenye Jahannam."/>
		<aya index="37" text="Ili Mwenyezi Mungu apate kuwa pambanua walio waovu na walio wema, na kuwaweka waovu juu ya waovu wengine, na kuwarundika wote pamoja, na kuwatupa katika Jahannam. Hao ndio walio khasirika."/>
		<aya index="38" text="Waambie wale walio kufuru: Wakikoma watasamehewa yaliyo kwisha pita. Na wakiyarudia basi imekwisha pita mifano ya wa zamani."/>
		<aya index="39" text="Na piganeni nao mpaka isiwepo fitna na mateso, na Dini yote iwe kwa ajili ya Mwenyezi Mungu. Lakini wakiacha, basi hakika Mwenyezi Mungu anayaona wanayo yatenda."/>
		<aya index="40" text="Na kama wakigeuka basi jueni kwamba Mwenyezi Mungu ndiye Mola wenu, ni Mola Mwema na Msaidizi Mwema."/>
		<aya index="41" text="NA JUENI ya kwamba ngawira mnayo ipata, basi khums (sehemu moja katika tano) ni kwa ajili ya Mwenyezi Mungu na Mtume, na jamaa, na mayatima, na masikini, na wasafiri, ikiwa nyinyi mmemuamini Mwenyezi Mungu na tuliyo yateremsha kwa mja wetu siku ya kipambanuo, siku yalipo kutana majeshi mawili. Na Mwenyezi Mungu ni Muweza wa kila kitu."/>
		<aya index="42" text="Kumbukeni pale mlipo kuwa nyinyi kwenye ng'ambo ya karibu ya bonde, na wao wakawa ng'ambo ya mbali, na msafara ulipo kuwa chini yenu. Na ingeli kuwa mmeagana mngeli khitalifiana katika miadi. Lakini (mkakutana) ili Mwenyezi Mungu atimize jambo lilio kuwa lazima litendeke, kwa sababu aangamie wa kuangamia kwa dalili zilizo dhaahiri, na asalimike wa kusalimika kwa dalili zilizo dhaahiri. Na Mwenyezi Mungu ni Mwenye kusikia Mwenye kujua."/>
		<aya index="43" text="Kumbuka alipo kuonyesha usingizini mwako kwamba wao ni wachache - na lau angeli kuonyesha kuwa ni wengi, mngeli ingiwa na woga, na mngeli zozana katika jambo hilo. Lakini Mwenyezi Mungu kakuvueni. Hakika Yeye ni Mwenye kuyajua yalio vifuani."/>
		<aya index="44" text="Na mlipo kutana akakuonyesheni machoni mwenu kuwa wao ni wachache, na akakufanyeni nyinyi ni wachache machoni mwao, ili Mwenyezi Mungu atimize jambo lilio kuwa liwe. Na mambo yote hurejezwa kwa Mwenyezi Mungu."/>
		<aya index="45" text="Enyi mlio amini! Mkikutana na jeshi, basi kueni imara, na mkumbukeni Mwenyezi Mungu sana ili mpate kufanikiwa."/>
		<aya index="46" text="Na mt'iini Mwenyezi Mungu na Mtume wake, wala msizozane mkaingiwa woga, na zikapotea nguvu zenu. Na subirini. Hakika Mwenyezi Mungu yu pamoja na wanao subiri."/>
		<aya index="47" text="Wala msiwe kama wale walio toka majumbani mwao kwa fakhari na kujionyesha kwa watu, na wakawazuilia watu Njia ya Mwenyezi Mungu. Na Mwenyezi Mungu ameyazunguka yote wanayo yafanya."/>
		<aya index="48" text="Na pale Shet'ani alipo wapambia vitendo vyao, na akawaambia: Hapana watu wa kukushindeni hii leo, na hali mimi ni mlinzi wenu. Yalipo onana majeshi mawili, akarudi nyuma, na akasema: Mimi si pamoja nanyi. Mimi naona msiyo yaona. Mimi namwogopa Mwenyezi Mungu, na Mwenyezi Mungu ni mkali wa kuadhibu."/>
		<aya index="49" text="Na walipo sema wanaafiki, na wale wenye ugonjwa nyoyoni mwao: Watu hawa dini yao imewadanganya. Na Mwenye kumtegemea Mwenyezi Mungu basi hakika Mwenyezi Mungu ni Mwenye nguvu Ametukuka, na Mwenye hikima."/>
		<aya index="50" text="Na laiti ungeli ona Malaika wanapo wafisha wale walio kufuru wakiwapiga nyuso zao na migongo yao, na kuwaambia: Ionjeni adhabu ya Moto!"/>
		<aya index="51" text="Hayo ni kwa sababu ya yale yaliyo kwisha tangulizwa na mikono yenu, na hakika Mwenyezi Mungu si mwenye kuwadhulumu waja."/>
		<aya index="52" text="Kama ada ya watu wa Firauni na walio kuwa kabla yao - walizikataa Ishara za Mwenyezi Mungu. Basi Mwenyezi Mungu aliwashika kwa sababu ya madhambi yao. Na hakika Mwenyezi Mungu ni Mwenye nguvu na mkali wa kuadhibu."/>
		<aya index="53" text="Hayo ni kwa sababu Mwenyezi Mungu habadilishi kabisa neema alizo waneemesha watu, mpaka wao wabadilishe yaliyomo ndani ya nafsi zao. Na hakika Mwwnyezi Mungu ni Mwenye kusikia, Mwenye kujua."/>
		<aya index="54" text="Ni kama ada ya watu wa Firauni na walio kabla yao - walizikanusha Ishara za Mola wao Mlezi, basi tukawateketeza kwa madhambi yao. Na tukawazamisha watu wa Firauni. Na wote walikuwa wenye kudhulumu."/>
		<aya index="55" text="Hakika vinyama vilio viovu kabisa mbele ya Mwenyezi Mungu ni wale wanao kufuru, basi hao hawaamini;"/>
		<aya index="56" text="Wale ambao miongoni mwao umepatana nao ahadi, kisha wanavunja ahadi yao kila mara, wala hawamchi Mungu."/>
		<aya index="57" text="Basi ukiwakuta vitani wakimbize walio nyuma yao ili wapate kukumbuka."/>
		<aya index="58" text="Na ukichelea khiana kwa watu fulani basi watupilie ahadi yao kwa usawa. Hakika Mwenyezi Mungu hawapendi makhaini."/>
		<aya index="59" text="Wala wasidhanie wale walio kufuru kwamba wao wametangulia mbele. La, wao hawatashinda."/>
		<aya index="60" text="Basi waandalieni nguvu kama muwezavyo, na kwa farasi walio fungwa tayari-tayari, ili kuwatishia maadui wa Mwenyezi Mungu na maadui zenu, na wengineo ambao hamwajui, lakini Mwenyezi Mungu anawajua. Na mkitoa chochote katika Njia ya Mwenyezi Mungu mtarudishiwa, na wala nyinyi hamtadhulumiwa."/>
		<aya index="61" text="Na wakielekea amani nawe pia elekea, na mtegemee Mwenyezi Mungu. Hakika Yeye ndiye Mwenye kusikia Mwenye kujua."/>
		<aya index="62" text="Na wakitaka kukukhadaa basi Mwenyezi Mungu atakutosheleza. Kwani Yeye ndiye aliye kuunga mkono kwa nusura yake na kwa Waumini."/>
		<aya index="63" text="Na akaziunga nyoyo zao. Na lau wewe ungeli toa vyote viliomo duniani usingeli weza kuziunga nyoyo zao, lakini Mwenyezi Mungu ndiye aliye waunganisha. Hakika Yeye ndiye Mtukufu Mwenye nguvu na Mwenye hikima."/>
		<aya index="64" text="Ewe Nabii! Mwenyezi Mungu anakutoshelezea wewe na Waumini walio kufuata."/>
		<aya index="65" text="Ewe Nabii! Wahimize Waumini wende vitani. Wakiwapo kati yenu ishirini wanao subiri watawashinda mia mbili. Na wakiwapo kati yenu mia watawashinda elfu moja katika walio kufuru. Kwa sababu wao ni watu wasio fahamu."/>
		<aya index="66" text="Sasa Mwenyezi Mungu amekupunguzieni, na anajua kuwa upo udhaifu kwenu. Kwa hivyo wakiwa wapo watu mia moja kati yenu wenye kusubiri watawashinda mia mbili. Na wakiwapo elfu moja watawashinda elfu mbili, kwa idhini ya Mwenyezi Mungu. Na Mwenyezi Mungu yu pamoja na wenye kusubiri."/>
		<aya index="67" text="Haimfalii Nabii yeyote kuwa na mateka mpaka awe ameshinda baraabara katika nchi. Mnataka vitu vya dunia, na Mwenyezi Mungu anataka Akhera. Na Mwenyezi Mungu ni Mtukufu Mwenye nguvu Mwenye hikima."/>
		<aya index="68" text="Lau isingeli kuwa hukumu iliyo kwisha tangulia kutoka kwa Mwenyezi Mungu ingeli kupateni adhabu kubwa kwa vile mlivyo chukua."/>
		<aya index="69" text="Basi kuleni katika mlivyo teka, ni halali na vizuri, na mcheni Mwenyezi Mungu. Hakika Mwenyezi Mungu ni Mwenye kusamehe na Mwenye kurehemu."/>
		<aya index="70" text="Ewe Nabii! Waambie mateka waliomo mikononi mwenu: Kama Mwenyezi akiona kheri yoyote nyoyoni mwenu atakupeni bora kuliko vilivyo chukuliwa kwenu, na atakusameheni. Na Mwenyezi Mungu ni Mwenye kusamehe Mwenye kurehemu."/>
		<aya index="71" text="Ikiwa wanataka kukufanyia khiana, wao walikwisha mfanyia khiana Mwenyezi Mungu kabla yake, na Yeye akakuwezesha kuwashinda. Na Mwenyezi Mungu ni Mwenye kujua Mwenye hikima."/>
		<aya index="72" text="Hakika wale walio amini na wakahama na wakapigania Njia ya Mwenyezi Mungu kwa mali yao na nafsi zao, na wale walio toa mahala pa kukaa, na wakanusuru, hao ni marafiki na walinzi wao kwa wao. Na wale walio amini lakini hawakuhama, nyinyi hamna waajibu wa ulinzi kwao hata kidogo mpaka wahame. Lakini wakiomba msaada kwenu katika Dini, basi ni juu yenu kuwasaidia, isipo kuwa juu ya watu ambao yapo mapatano baina yenu na wao. Na Mwenyezi Mungu anayaona mnayo yatenda."/>
		<aya index="73" text="Na wale walio kufuru ni marafiki wenyewe kwa wenyewe. Msipo fanya hivi itakuwako fitna katika nchi na fisadi kubwa."/>
		<aya index="74" text="Na walio amini wakahama na wakapigana Jihadi katika Njia ya Mwenyezi Mungu, na walio toa mahala pa kukaa na wakanusuru, hao ndio Waumini wa kweli. Watapata msamaha wa Mwenyezi Mungu na kuruzukiwa kwema."/>
		<aya index="75" text="Na watakao amini baadaye na wakahajiri, na wakapigana Jihadi pamoja nanyi, basi hao ni katika nyinyi. Na jamaa wa nasaba wanastahikiana wenyewe kwa wenyewe zaidi katika Kitabu cha Mwenyezi Mungu. Hakika Mwenyezi Mungu ni Mwenye kujua kila kitu."/>
	</sura>
	<sura index="9" name="">
		<aya index="1" text="Huku ni kujitoa Mwenyezi Mungu na Mtume wake kwenye jukumu la maagano na mlio ahidiana nao katika washirikina."/>
		<aya index="2" text="Basi tembeeni katika nchi miezi mine, na jueni kwamba nyinyi hamwezi kumshinda Mwenyezi Mung, na kwamba Mwenyezi Mungu ndiye anaye wahizi makafiri."/>
		<aya index="3" text="Na ni tangazo kutokana na Mwenyezi Mungu na Mtume wake kwa wote siku ya Hija Kubwa kwamba Mwenyezi Mungu na Mtume wake hawana jukumu lolote kwa washirikina. Basi mkitubu itakuwa kheri kwenu, na mkigeuka basi jueni kuwa nyinyi hamumshindi Mwenyezi Mungu. Na wabashirie makafiri kuwa watapata adhabu chungu."/>
		<aya index="4" text="Isipo kuwa washirikina ambao mliahidiana nao kisha wasikupunguzieni chochote, wala hawakumsaidia yeyote dhidi yenu, basi hao watimizieni ahadi yao mpaka muda wao. Hakika Mwenyezi Mungu huwapenda wacha-Mungu."/>
		<aya index="5" text="Na ikisha miezi mitukufu basi wauweni washirikina popote mwakutapo, na washikeni na wazungukeni, na wavizieni katika kila njia. Lakini wakitubu, wakashika Sala, na wakatoa Zaka, basi waachilieni. Hakika Mwenyezi Mungu ni Mwenye kusamehe Mwenye kurehemu."/>
		<aya index="6" text="Na ikiwa mmoja wapo katika washirikina akikuomba ulinzi, basi mpe ulinzi apate kusikia maneno ya Mwenyezi Mungu. Kisha mfikishe pahala pake pa amani. Haya ni kwa kuwa hao ni watu wasiojua kitu."/>
		<aya index="7" text="Itakuwaje iwepo ahadi na washirikina mbele ya Mwenyezi Mungu na mbele ya Mtume wake, ila wale mlio ahidiana nao kwenye Msikiti Mtakatifu? Basi maadamu wanakwenda nanyi sawa, nanyi pia nendeni sawa nao. Hakika Mwenyezi Mungu huwapenda wachamngu"/>
		<aya index="8" text="Itakuwaje! Nao wakikushindeni hawatazami kwenu udugu wala ahadi. Wanakufurahisheni kwa midomo yao tu, na nyoyo zao zinakataa hayo. Na wengi wao ni wapotovu."/>
		<aya index="9" text="Wamenunua thamani ndogo kwa Ishara za Mwenyezi Mungu, na wakazuilia watu na Njia yake. Hakika hao ni maovu waliyo kuwa wakiyatenda."/>
		<aya index="10" text="Hawatazami kwa Muumini udugu wala ahadi; basi hao ndio warukao mipaka."/>
		<aya index="11" text="Basi wakitubu na wakashika Sala na wakatoa Zaka, basi ni ndugu zenu katika Dini. Na tunazichambua Aya kwa watu wajuao."/>
		<aya index="12" text="Na wakivunja viapo vyao baada ya kuahidi kwao, na wakatukana Dini yenu, basi piganeni na waongozi wa ukafiri. Hakika hao hawana viapo vya kweli. Huenda (kwa hayo) wakaacha."/>
		<aya index="13" text="Je, hamtapigana na watu walio vunja viapo vyao na wakawa na hamu ya kumfukuza Mtume, nao ndio walio kuanzeni mara ya kwanza? Je, mnawaogopa? Basi Mwenyezi Mungu anastahiki zaidi mumwogope, ikiwa nyinyi ni Waumini."/>
		<aya index="14" text="Piganeni nao, Mwenyezi Mungu awaadhibu kwa mikono yenu, na awahizi na akunusuruni muwashinde, na avipoze vifua vya kaumu ya Waumini,"/>
		<aya index="15" text="Na aondoe hasira ya nyoyo zao. Na Mwenyezi Mungu humkubalia toba ya amtakaye. Na Mwenyezi Mungu ni Mwenye kujua Mwenye hikima."/>
		<aya index="16" text="Je, mlidhani kuwa mtaachwa tu, bila ya Mwenyezi Mungu kuwajuulisha wale walio pigana Jihadi kati yenu, na wala hawakumfanya mwendani wao isipo kuwa Mwenyezi Mungu na Mtume wake na Waumini wenziwe? Na Mwenyezi Mungu anazo khabari za yote mnayo yatenda."/>
		<aya index="17" text="Haiwi kuwa makafiri ndio waamirishe misikiti ya Mwenyezi Mungu, hali wanajishuhudishia wenyewe ukafiri. Hao ndio ambao vitendo vyao vimeharibika, na katika Moto watadumu."/>
		<aya index="18" text="Hakika wanao amirisha misikiti ya Mwenyezi Mungu ni wale wanao muamini Mwenyezi Mungu, na Siku ya Mwisho, na wakashika Sala, na wakatoa Zaka, na wala hawamchi ila Mwenyezi Mungu. Basi huenda hao wakawa katika waongofu."/>
		<aya index="19" text="Je, mnafanya kuwanywesha maji Mahujaji na kuamirisha Msikiti Mtakatifu ni sawa na mwenye kumuamini Mwenyezi Mungu, na Siku ya Mwisho, na akapigana Jihadi katika Njia ya Mwenyezi Mungu? Hawawi sawa mbele ya Mwenyezi Mungu. Na Mwenyezi Mungu hawaongoi watu madhaalimu."/>
		<aya index="20" text="Wale walio amini, na wakahama, na wakapigana Jihadi katika Njia ya Mwenyezi Mungu kwa mali yao na nafsi zao, hao wana cheo kikubwa zaidi mbele ya Mwenyezi Mungu. Na hao ndio wenye kufuzu."/>
		<aya index="21" text="Mola wao Mlezi anawabashiria rehema zitokazo kwake, na radhi, na Bustani ambazo humo watapata neema za kudumu."/>
		<aya index="22" text="Watadumu humo milele. Hakika kwa Mwenyezi Mungu yapo malipo makubwa."/>
		<aya index="23" text="Enyi mlio amini! Msiwafanye baba zenu na ndugu zenu kuwa vipenzi vyenu ikiwa wanastahabu ukafiri kuliko Imani. Na katika nyinyi atakaye wafanya hao ndio vipenzi vyake, basi hao ndio madhaalimu."/>
		<aya index="24" text="Sema: Ikiwa baba zenu, na wenenu, na ndugu zenu, na wake zenu, na jamaa zenu, na mali mliyo yachuma, na biashara mnazo ogopa kuharibika, na majumba mnayo yapenda, ni vipenzi zaidi kwenu kuliko Mwenyezi Mungu na Mtume wake na Jihadi katika Njia yake, basi ngojeni mpaka Mwenyezi Mungu alete amri yake. Na Mwenyezi Mungu hawaongoi watu wapotovu."/>
		<aya index="25" text="Hakika Mwenyezi Mungu amekunusuruni katika mapigano mengi, na siku ya Hunayni ambapo wingi wenu ulikupandisheni kichwa, lakini haukukufaeni kitu. Na ardhi ikawa dhiki kwenu juu ya upana wake. Kisha mkageuka mkarudi nyuma."/>
		<aya index="26" text="Kisha Mwenyezi Mungu akateremsha utulivu wake juu ya Mtume wake na juu ya Waumini. Na akateremsha majeshi ambayo hamkuyaona, na akawaadhibu wale walio kufuru. Na hayo ndiyo malipo ya makafiri."/>
		<aya index="27" text="Kisha baada ya hayo Mwenyezi Mungu atawasamehe awatakao. Na Mwenyezi Mungu ni Mwenye kusamehe Mwenye kurehemu."/>
		<aya index="28" text="Enyi mlio amini! Hakika washirikina ni najsi, kwa hivyo wasiukaribie Msikiti Mtakatifu baada ya mwaka wao huu. Na ikiwa mnakhofia umasikini, basi Mwenyezi Mungu atakutajirisheni kwa fadhila yake akipenda. Hakika Mwenyezi Mungu ni Mwenye kujua Mwenye hikima."/>
		<aya index="29" text="Piganeni na wasio muamini Mwenyezi Mungu wala Siku ya Mwisho, wala hawaharimishi alivyo harimisha Mwenyezi Mungu na Mtume, wala hawashiki Dini ya Haki, miongoni mwa walio pewa Kitabu, mpaka watoe kodi kwa khiari yao, hali wamet'ii."/>
		<aya index="30" text="Na Mayahudi wanasema: Uzeir ni mwana wa Mungu. Na Wakristo wanasema: Masihi ni mwana wa Mungu. Hiyo ndiyo kauli yao kwa vinywa vyao. Wanayaiga maneno ya walio kufuru kabla yao. Mwenyezi Mungu awaangamize! Wanageuzwa namna gani hawa!"/>
		<aya index="31" text="Wamewafanya makuhani wao na wamonaki wao kuwa ni marabi badala ya Mwenyezi Mungu, na pia Masihi bin Maryamu. Na wala hawakuamrishwa isipo kuwa wamuabudu Mungu Mmoja, hapana mungu ila Yeye. Subhanahu, Ametakasika na hayo wanayo mshirikisha nayo."/>
		<aya index="32" text="Wanataka kuizima Nuru ya Mwenyezi Mungu kwa vinywa vyao, na Mwenyezi Mungu anakataa ila aitimize Nuru yake ijapo kuwa makafiri watachukia."/>
		<aya index="33" text="Yeye ndiye aliye mtuma Mtume wake kwa uwongofu na Dini ya Haki ipate kushinda dini zote, ijapo kuwa washirikina watachukia."/>
		<aya index="34" text="Enyi mlio amini! Hakika wengi katika makuhani na wamonaki wanakula mali za watu kwa baat'ili na wanazuilia Njia ya Mwenyezi Mungu. Na wanao kusanya dhahabu na fedha, wala hawazitumii katika Njia ya Mwenyezi Mungu, wabashirie khabari ya adhabu iliyo chungu."/>
		<aya index="35" text="Siku zitapo tiwa moto katika Moto wa Jahannamu, na kwazo vikachomwa vipaji vya nyuso zao na mbavu zao na migongo yao, wakaambiwa: Haya ndiyo mlio jilimbikia nafsi zenu, basi onjeni mliyo kuwa mkilimbika."/>
		<aya index="36" text="Hakika idadi ya miezi kwa Mwenyezi Mungu ni miezi kumi na mbili katika hukumu ya Mwenyezi Mungu tangu alipo umba mbingu na ardhi. Katika hiyo iko mine mitakatifu. Hiyo ndiyo Dini iliyo sawa. Basi msidhulumu nafsi zenu humo. Na piganeni na washirikina wote kama wao wnavyo pigana nanyi nyote. Na jueni kuwa Mwenyezi Mungu yu pamoja na wachamngu."/>
		<aya index="37" text="Bila ya shaka kuakhirisha (miezi) ni kuzidi katika kukufuru; kwa hayo hupotezwa walio kufuru. Wanauhalalisha mwaka mmoja na kuharimisha mwaka mwingine, ili wafanye kuwa sawa idadi ya ile (miezi) aliyo itukuza Mwenyezi Mungu. Kwa hivyo huhalalisha alivyo viharimisha Mwenyezi Mungu. Wamepambiwa ubaya wa vitendo vyao hivi. Na Mwenyezi Mungu hawaongoi watu makafiri."/>
		<aya index="38" text="Enyi mlio amini! Mna nini mnapo ambiwa: Nendeni katika Njia ya Mwenyezi Mungu, mnajitia uzito katika ardhi? Je, mmeridhia maisha ya dunia kuliko ya Akhera? Lakini starehe za maisha ya dunia kulinganisha na ya Akhera ni chache."/>
		<aya index="39" text="Kama hamwendi atakuadhibuni adhabu chungu, na atawaleta watu wengine, wala nyinyi hamtamdhuru chochote. Na Mwenyezi Mungu ni Muweza wa kila kitu."/>
		<aya index="40" text="Ikiwa nyinyi hamtamnusuru Mtume, basi Mwenyezi Mungu alikwisha mnusuru walipo mtoa walio kufuru, naye ni wa pili katika wawili walipo kuwa katika pango, naye akamwambia sahibu yake: Usihuzunike. Hakika Mwenyezi Mungu yu pamoja nasi. Mwenyezi Mungu akamteremshia utulivu wake, na akamuunga mkono kwa majeshi msiyo yaona, na akalifanya neno la walio kufuru kuwa chini, na Neno la Mwenyezi Mungu kuwa ndilo juu. Na Mwenyezi Mungu ndiye Mwenye nguvu Mwenye hikima."/>
		<aya index="41" text="Nendeni mtoke, mkiwa wepesi na wazito, na piganeni Jihadi kwa mali yenu na nafsi zenu katika Njia ya Mwenyezi Mungu. Haya ni kheri kwenu mkiwa mnajua."/>
		<aya index="42" text="Na lau ingeli kuwa ipo faida ya papo kwa papo, na safari yenyewe ni fupi, wangeli kufuata. Lakini wameona ni mbali na kuna mashaka. Nao wataapa kwa Mwenyezi Mungu: Tungeli weza bila ya shaka tungeli toka pamoja nanyi. Wanaziangamiza nafsi zao. Na Mwenyezi Mungu anajua kuwa hakika hao ni waongo."/>
		<aya index="43" text="Mwenyezi Mungu amekusamehe! Kwa nini ukawapa ruhusa kabla ya kubainikia kwako wanao sema kweli, na ukawajua waongo?"/>
		<aya index="44" text="Hawatakuomba ruhusa wale wanao muamini Mwenyezi Mungu na Siku ya Mwisho, wasende kupigana Jihadi kwa mali yao na nafsi zao. Na Mwenyezi Mungu ni Mwenye kuwajua wachamngu."/>
		<aya index="45" text="Wasio muamini Mwenyezi Mungu na Siku ya Mwisho na nyoyo zao zikatia shaka, hao tu ndio wanao kutaka ruhusa. Basi hao wanataradadi katika shaka zao."/>
		<aya index="46" text="Na ingeli kuwa kweli walitaka kutoka bila ya shaka wangeli jiandalia maandalio, lakini Mwenyezi Mungu kachukia kutoka kwao, na kwa hivyo akawazuia na ikasemwa: Kaeni pamoja na wanao kaa!"/>
		<aya index="47" text="Lau wangeli toka nanyi wasingeli kuzidishieni ila mchafuko, na wange tanga tanga kati yenu kukutilieni fitna. Na miongoni mwenu wapo wanao wasikiliza. Na Mwenyezi Mungu anawajua madhaalimu."/>
		<aya index="48" text="Tangu zamani walitaka kukutilieni fitna, na wakakupindulia mambo juu chini, mpaka ikaja Haki na ikadhihirika amri ya Mwenyezi Mungu, na wao wamechukia."/>
		<aya index="49" text="Na miongoni mwao wapo wanao sema: Niruhusu wala usinitie katika fitina. Kwa yakini wao hivyo wamekwisha tumbukia katika fitina. Na hakika Jahannamu imewazunguka."/>
		<aya index="50" text="Ukikupata wema unawachukiza, na ukikusibu msiba, wao husema: Sisi tuliangalia mambo yetu vizuri tangu kwanza. Na hugeuka kwenda zao nao wamefurahi."/>
		<aya index="51" text="Sema: Halitusibu ila alilo tuandikia Mwenyezi Mungu. Yeye ndiye Mola wetu Mlinzi. Na Waumini wamtegemee Mwenyezi Mungu tu!"/>
		<aya index="52" text="Sema: Hivyo mnatutazamia litupate lolote isipo kuwa moja katika mema mawili? Na sisi tunakutazamieni kuwa Mwenyezi Mungu akufikishieni adhabu itokayo kwake, au kutokana na mikono yetu. Basi ngojeni, nasi tunangoja pamoja nanyi."/>
		<aya index="53" text="Sema: Toeni mkipenda msipende. Hakitopokelewa kitu kwenu, kwani nyinyi ni watu wapotovu."/>
		<aya index="54" text="Na hawakuzuiliwa kukubaliwa michango yao ila kwa kuwa walimkataa Mwenyezi Mungu na Mtume wake, wala hawaji kwenye Sala ila kwa uvivu, wala hawatoi michango ila nao wamechukia."/>
		<aya index="55" text="Yasikufurahishe mali yao wala wana wao. Hakika Mwenyezi Mungu anataka kuwaadhibu kwayo hapa duniani, na zitoke roho zao na hali wao ni makafiri."/>
		<aya index="56" text="Na wanaapa kwa Mwenyezi Mungu kwamba wao ni katika nyinyi, wala wao si katika nyinyi. Lakini ni watu wanao ogopa."/>
		<aya index="57" text="Lau kama wangeli pata pa kukimbilia au mapango au pahala pa kuingia basi wangeli fyatuka mbio kuelekea huko."/>
		<aya index="58" text="Na miongoni mwao wapo wanao kusengenya katika kugawa sadaka. Wanapo pewa wao huridhika. Na wakito pewa hukasirika."/>
		<aya index="59" text="Na laiti wao wangeli ridhia kile alicho wapa Mwenyezi Mungu na Mtume wake, na wakasema: Mwenyezi Mungu anatutosheleza, Mwenyezi Mungu atatupa katika fadhila yake - na pia Mtume wake; hakika sisi ni wenye kumtaka Mwenyezi Mungu!"/>
		<aya index="60" text="Wa kupewa sadaka ni mafakiri, na masikini, na wanao zitumikia, na wa kutiwa nguvu nyoyo zao, na katika kukomboa watumwa, na wenye madeni, na katika Njia ya Mwenyezi Mungu, na wasafiri. Huu ni waajibu ulio faridhiwa na Mwenyezi Mungu. Na Mwenyezi Mungu ni Mwenye kujua Mwenye hikima."/>
		<aya index="61" text="Na miongoni mwao wapo wanao muudhi Nabii na kusema: Yeye huyu ni sikio tu. Sema: Basi ni sikio la kheri kwenu. Anamuamini Mwenyezi Mungu, na ana imani na Waumini, naye ni rehema kwa wanao amini miongoni mwenu. Na wanao muudhi Mtume wa Mwenyezi Mungu watapata adhabu chungu."/>
		<aya index="62" text="Wanakuapieni Mwenyezi Mungu ili kukuridhisheni nyinyi, hali ya kuwa wanao stahiki zaidi kuridhishwa ni Mwenyezi Mungu na Mtume wake, lau kama wao ni Waumini."/>
		<aya index="63" text="Je, hawajui ya kwamba anaye shindana na Mwenyezi Mungu na Mtume wake, basi huyo atapata Moto wa Jahannamu adumu humo? Hiyo ndiyo hizaya kubwa."/>
		<aya index="64" text="Wanaafiki wanaogopa isije teremshwa Sura itakayo watajia yaliyomo katika nyoyo zao. Sema: Fanyeni mzaha! Hakika Mwenyezi Mungu atayatoa nje hayo mnayo yaogopa."/>
		<aya index="65" text="Na ukiwauliza, wanasema: Sisi tulikuwa tukipiga porojo na kucheza tu. Sema: Mlikuwa mkimfanyia maskhara Mwenyezi Mungu na Ishara zake na Mtume wake?"/>
		<aya index="66" text="Msitoe udhuru; mmekwisha kufuru baada ya kuamini kwenu! Tukilisamehe kundi moja kati yenu, tutaliadhibu kundi jingine kwa kuwa wao ni wakosefu."/>
		<aya index="67" text="Wanaume wanaafiki na wanawake wanaafiki, wote ni hali moja. Huamrisha maovu na huyakataza mema, na huifumba mikono yao. Wamemsahau Mwenyezi Mungu, basi na Yeye pia amewasahau. Hakika wanaafiki ndio wapotofu."/>
		<aya index="68" text="Mwenyezi Mungu amewaahidi wanaafiki wanaume na wanaafiki wanawake na makafiri Moto wa Jahannamu kudumu humo. Hayo yanawatosha, na Mwenyezi Mungu amewalaani; nao wana adhabu milele."/>
		<aya index="69" text="Ni kama wale walio kuwa kabla yenu. Walikuwa wana nguvu na mali na watoto zaidi kuliko nyinyi. Basi walistarehea fungu lao, na nyinyi mnastarehea fungu lenu, kama walivyo starehe kwa fungu lao wale walio kuwa kabla yenu. Na nyinyi mkazama katika maovu kama wao walivyo zama. Hao ndio ambao vitendo vyao vimeharibika katika dunia na Akhera; na hao ndio walio khasiri."/>
		<aya index="70" text="Je, hazikuwafikia khabari za walio kuwa kabla yao - kaumu ya Nuhu, na A'ad, na Thamud, na kaumu ya Ibrahim, na watu wa Madyana, na miji iliyo pinduliwa chini juu? Mitume wao waliwafikia kwa hoja zilizo wazi. Basi Mwenyezi Mungu hakuwa mwenye kuwadhulumu, walakini wao walikuwa wakijidhulumu wenyewe."/>
		<aya index="71" text="Na Waumini wanaume na Waumini wanawake wao kwa wao ni marafiki walinzi. Huamrisha mema na hukataza maovu, na hushika Sala, na hutoa Zaka, na humt'ii Mwenyezi Mungu na Mtume wake. Hao Mwenyezi Mungu atawarehemu. Hakika Mwenyezi Mungu ni Mtukufu Mwenye nguvu, Mwenye hikima."/>
		<aya index="72" text="Mwenyezi Mungu amewaahidi Waumini wanaume na Waumini wanawake Bustani zipitazo mito kati yake, wadumu humo. Na makaazi mema katika Bustani za kudumu, na Radhi za Mwenyezi Mungu ndio kubwa kuliko yote. Huko ndiko kufuzu kukubwa."/>
		<aya index="73" text="Ewe Nabii! Pambana na makafiri na wanaafiki, na wakazanie. Na makaazi yao ni Jahannamu, na huo ndio mwisho mbaya."/>
		<aya index="74" text="Wanaapa kwa Mwenyezi Mungu kuwa hawakusema; nao wamekwisha sema neno la ukafiri, na wakakufuru baada ya kusilimu kwao. Na wakajihimu kufanya ambayo hawakuweza kuyafikia. Na hawakuchukia ila kuwa Mwenyezi Mungu na Mtume wake amewatajirisha kutokana na fadhila zake. Wakitubu itakuwa kheri kwao, na wakigeuka Mwenyezi Mungu atawaadhibu adhabu chungu duniani na Akhera. Na wala hawana katika ardhi mlinzi wala wa kuwanusuru."/>
		<aya index="75" text="Na miongoni mwao wapo walio muahidi Mwenyezi Mungu kwa kusema: Akitupa katika fadhila yake hapana shaka tutatoa sadaka, na tutakuwa katika watendao mema."/>
		<aya index="76" text="Alipo wapa katika fadhila yake wakaifanyia ubakhili na wakageuka, na huku wakipuuza."/>
		<aya index="77" text="Basi akawalipa unaafiki kuutia nyoyoni mwao mpaka Siku watapo kutana naye, kwa sababu ya kuwa walimkhalifu Mwenyezi Mungu katika yale waliyo muahidi, na kwa sababu ya kusema kwao uwongo."/>
		<aya index="78" text="Je, hawajui kwamba Mwenyezi Mungu anajua siri zao na minong'ono yao, na kwamba Mwenyezi Mungu ni Mwenye kuyajua sana ya ghaibu?"/>
		<aya index="79" text="Wale wanao wabeuwa Waumini wanao toa sadaka nyingi na wasio nacho cha kutoa ila kadri ya juhudi yao, basi huwakejeli. Mwenyezi Mungu atawakejeli wao! Nao watapata adhabu chungu!"/>
		<aya index="80" text="Waombee msamaha au usiwaombee. Hata ukiwaombea msamaha mara sabiini, Mwenyezi Mungu hatawasamehe. Hayo ni kwa sababu ya kuwa wao wamemkataa Mwenyezi Mungu na Mtume wake. Na Mwenyezi Mungu hawaongoi watu wapotofu."/>
		<aya index="81" text="Walifurahi walio achwa nyuma kwa kule kubakia kwao nyuma na kumuacha Mtume wa Mwenyezi Mungu. Na walichukia kupigana Jihadi kwa mali zao na nafsi zao, na wakasema: Msitoke nje katika joto! Sema: Moto wa Jahannamu una joto zaidi, laiti wangeli fahamu!"/>
		<aya index="82" text="Basi nawacheke kidogo; watalia sana. Hayo ni malipo ya yale waliyo kuwa wakiyachuma."/>
		<aya index="83" text="Basi Mwenyezi Mungu akikurudisha kwenye kikundi kimoja miongoni mwao - na wakakutaka idhini ya kutoka - sema: Nyinyi hamtatoka pamoja nami kabisa, wala hamtapigana na adui pamoja nami. Nyinyi mliridhia kukaa nyuma mara ya kwanza, basi kaeni pamoja na hao watakao bakia nyuma."/>
		<aya index="84" text="Wala usimsalie kabisa yeyote katika wao akifa, wala usisimame kaburini kwake. Hakika hao wamemkataa Mwenyezi Mungu na Mtume wake, na wakafa na hali ni wapotofu."/>
		<aya index="85" text="Wala zisikushitue mali zao na watoto wao. Mwenyezi Mungu anataka kuwaadhibu kwa hayo katika dunia; na zitoke roho zao na hali wao ni makafiri."/>
		<aya index="86" text="Na inapo teremshwa Sura isemayo: Muaminini Mwenyezi Mungu na piganeni Jihadi pamoja na Mtume wake, wale wenye nguvu miongoni mwao hukutaka ruhusa na husema: Tuache tuwe pamoja na wanao kaa nyuma!"/>
		<aya index="87" text="Wameridhia kuwa pamoja na wabakiao nyuma, na nyoyo zao zikapigwa muhuri; kwa hivyo hawafahamu."/>
		<aya index="88" text="Lakini Mtume na wale walio amini pamoja naye waliwania Jihadi kwa mali zao na nafsi zao. Hao ndio watakao pata kheri nyingi, na hao ndio wenye kufanikiwa."/>
		<aya index="89" text="Mwenyezi Mungu amewatengenezea Bustani zipitazo mito kati yake, wadumu humo. Huko ndiko kufuzu kukubwa."/>
		<aya index="90" text="Na walikuja wenye kutoa udhuru katika Mabedui ili wapewe ruhusa, na wakakaa wale walio mwambia Mwenyezi Mungu na Mtume wake uwongo. Itawafika walio kufuru katika wao adhabu chungu."/>
		<aya index="91" text="Hapana lawama kwa wanyonge, wagonjwa, na wasio pata cha kutumia, maadamu wanamsafia niya Mwenyezi Mungu na Mtume wake. Hapana njia ya kuwalaumu wanao fanya wema. Na Mwenyezi Mungu ni Mwenye kusamehe Mwenye kurehemu."/>
		<aya index="92" text="Wala wale walio kujia ili uwachukue ukasema: Sina kipando cha kukuchukueni. Tena wakarudi na macho yao yanamiminika machozi kwa huzuni ya kukosa cha kutoa."/>
		<aya index="93" text="Ipo njia ya kuwalaumu wale wanao kuomba ruhusa wasende vitani na hali wao ni matajiri. Wameridhia kuwa pamoja na wanao bakia nyuma. Na Mwenyezi Mungu amewapiga muhuri juu ya nyoyo zao. Kwa hivyo hawajui."/>
		<aya index="94" text="WATAKUTOLEENI UDHURU mtapo warudia. Sema: Msitoe udhuru; hatukuaminini. Mwenyezi Mungu amekwisha tueleza khabari zenu. Na Mwenyezi Mungu na Mtume wake wataviona vitendo vyenu. Kisha mtarudishwa kwa Mjuzi wa ya siri na ya dhaahiri; naye atakuambieni mliyo kuwa mkiyatenda."/>
		<aya index="95" text="Watakuapieni kwa Mwenyezi Mungu mtakapo rudi kwao ili muwaachilie mbali. Basi waachilieni mbali. Hakika hao ni najsi, na makaazi yao ni Jahannamu, kuwa ni malipo kwa waliyo kuwa wakiyachuma."/>
		<aya index="96" text="Wanakuapieni ili muwe radhi nao. Basi hata mkiwa radhi nao nyiye, Mwenyezi Mungu hawi radhi na watu wapotofu."/>
		<aya index="97" text="Mabedui wamezidi sana katika ukafiri na unaafiki, na wameelekea zaidi kutojua mipaka ya aliyo yateremsha Mwenyezi Mungu juu ya Mtume wake. Na Mwenyezi Mungu ni Mjuzi Mwenye hikima."/>
		<aya index="98" text="Na katika Mabedui hao wapo wanao fikiri kuwa wanayo yatoa ni gharama ya bure, na wanakungojeleeni mambo yakugeukieni. Mageuko maovu yatakuwa juu yao! Na Mwenyezi Mungu ni Mwenye kusikia Mwenye kujua."/>
		<aya index="99" text="Na katika Mabedui wapo wanao muamini Mwenyezi Mungu na Siku ya Mwisho, na wanaitakidi kuwa wanayo yatoa ndiyo ya kuwasogeza kwa Mwenyezi Mungu na ya kuwapatia dua za Mtume. Naam! Hayo ni kweli mambo ya kuwasogeza. Mwenyezi Mungu atawaingiza katika rehema yake. Hakika Mwenyezi Mungu ni Mwenye maghfira Mwenye kurehemu."/>
		<aya index="100" text="Na wale walio tangulia, wa kwanza, katika Wahajiri na Ansari, na walio wafuata kwa wema, Mwenyezi Mungu ameridhika nao, na wao wameridhika naye; na amewaandalia Bustani zipitazo mito kati yake, wadumu humo milele. Huko ndiko kufuzu kukubwa."/>
		<aya index="101" text="Na katika mabedui walio jirani zenu wamo wanaafiki; na katika wenyeji wa Madina pia wapo walio bobea katika unaafiki. Wewe huwajui. Sisi tunawajua. Tutawaadhibu mara mbili, kisha watarudishwa kwenye adhabu kubwa."/>
		<aya index="102" text="Na wengine walikiri dhambi zao, wakachanganya vitendo vyema na vingine viovu. Asaa Mwenyezi Mungu akapokea toba zao. Hakika Mwenyezi Mungu ni Mwenye kusamehe Mwenye kurehemu."/>
		<aya index="103" text="Chukua sadaka katika mali zao, uwasafishe na uwatakase kwazo, na uwaombee rehema. Hakika maombi yako ni utulivu kwao. Na Mwenyezi Mungu ni Mwenye kusikia Mwenye kujua."/>
		<aya index="104" text="Je! Hawajui ya kwamba Mwenyezi Mungu anapokea toba ya waja wake, na anazikubali sadaka, na kwamba Mwenyezi Mungu ni Mwingi wa kupokea toba na Mwenye kurehemu?"/>
		<aya index="105" text="Na sema: Tendeni vitendo. Na Mwenyezi Mungu, na Mtume wake, na Waumini wataviona vitendo vyenu. Na mtarudishwa kwa Mwenye kujua siri na dhaahiri; naye atakuambieni mliyo kuwa mkiyatenda."/>
		<aya index="106" text="Na wapo wengine wanangojea amri ya Mwenyezi Mungu - ama atawaadhibu au atawasamehe. Na Mwenyezi Mungu ni Mwenye kujua Mwenye hikima."/>
		<aya index="107" text="Na wapo walio jenga msikiti kwa ajili ya madhara na ukafiri na kuwafarikisha Waumini, na pa kuvizia kwa walio mpiga vita Mwenyezi Mungu na Mtume wake hapo kabla. Na bila ya shaka wataapa kwamba: Hatukukusudia ila wema tu. Na Mwenyezi Mungu anashuhudia kuwa wao ni waongo."/>
		<aya index="108" text="Usisimame kwenye msikiti huo kabisa. Msikiti ulio jengwa juu ya msingi wa uchamngu tangu siku ya mwanzo unastahiki zaidi wewe usimame ndani yake. Humo wamo watu wanao penda kujitakasa. Na Mwenyezi Mungu anawapenda wanao jitakasa."/>
		<aya index="109" text="Je! Mwenye kuweka msingi wa jengo lake juu ya kumcha Mwenyezi Mungu na radhi zake ni bora au mwenye kuweka msingi wa jengo lake juu ya ukingo wa shimo linalo burugunyika, na likaburugunyika naye katika Moto wa Jahannamu? Na Mwenyezi Mungu hawaongoi watu madhaalimu."/>
		<aya index="110" text="Na jengo lao hilo walilo lijenga litakuwa sababu ya kutia wasiwasi nyoyoni mwao mpaka nyoyo zao hizo zikatike vipande vipande. Na Mwenyezi Mungu ni Mwenye kujua Mwenye hikima."/>
		<aya index="111" text="Hakika Mwenyezi Mungu amenunua kwa Waumini nafsi zao na mali zao kwa kuwa wao watapata Pepo. Wanapigana katika Njia ya Mwenyezi Mungu - wanauwa na wanauwawa. Hii ni ahadi aliyo jilazimisha kwa Haki katika Taurati na Injili na Qur'ani. Na nani atimizae ahadi kuliko Mwenyezi Mungu? Basi furahini kwa biashara yenu mliyo fanya naye. Na huko ndiko kufuzu kukubwa,"/>
		<aya index="112" text="(Kwa) wanao tubia, wanao abudu, wanao himidi, wanao kimbilia kheri, wanao rukuu, wanao sujudu, wanao amrisha mema na wanao kataza maovu, na wanao linda mipaka ya Mwenyezi Mungu. Na wabashirie Waumini."/>
		<aya index="113" text="Haimpasii Nabii na wale walio amini kuwatakia msamaha washirikina, ijapo kuwa ni jamaa zao, baada ya kwisha bainika kuwa hao ni watu wa Motoni."/>
		<aya index="114" text="Wala haikuwa Ibrahim kumtakia msamaha baba yake ila kwa sababu wa ahadi aliyo fanya naye. Lakini ilipo mbainikia kwamba yeye ni adui ya Mwenyezi Mungu, alijiepusha naye. Hakika Ibrahim alikuwa mwingi wa kuomba, mnyenyekevu, mvumilivu."/>
		<aya index="115" text="Na haiwi kwa Mwenyezi Mungu kuwahisabu watu kuwa wamepotea baada ya kwisha waongoza mpaka awabainishie ya kujiepusha nayo. Hakika Mwenyezi Mungu ni Mwenye kujua kila kitu."/>
		<aya index="116" text="Hakika Mwenyezi Mungu anao ufalme wa mbingu na ardhi; huhuisha na hufisha. Nanyi hamna Mlinzi wala Msaidizi isipo kuwa Mwenyezi Mungu."/>
		<aya index="117" text="Mwenyezi Mungu amekwisha pokea toba ya Nabii na Wahajiri na Ansari walio mfuata katika saa ya dhiki, pale baada ya kukaribia nyoyo za baadhi yao kugeuka. Basi akapokea toba yao, kwani hakika Yeye kwao wao ni Mpole na ni Mwenye kuwarehemu."/>
		<aya index="118" text="Na pia wale watatu walio achwa nyuma hata dunia wakaiona dhiki juu ya ukunjufu wake, na nafsi zao zikabanika, na wakayakinika kuwa hapana pa kumkimbia Mwenyezi Mungu isipo kuwa kwake Yeye. Kisha akawaelekea kwa rehema yake ili nao waendelee kutubu. Hakika Mwenyezi Mungu ndiye Mwenye kupokea toba na Mwenye kurehemu."/>
		<aya index="119" text="Enyi mlio amini! Mcheni Mwenyezi Mungu, na kuweni pamoja na wakweli."/>
		<aya index="120" text="Haiwafalii watu wa Madina na Mabedui walio jirani zao kubakia nyuma wasitoke na Mtume, wala kujipendelea nafsi zao kuliko yeye. Hayo ni kwa kuwa hakiwapati kiu, wala machofu, wala njaa, kwa ajili ya Njia ya Mwenyezi Mungu, wala hawendi mahali panapo waghadhibisha makafiri, wala hakiwapati chochote kutokana na maadui, ila huandikiwa kuwa ni kitendo chema. Hakika Mwenyezi Mungu haupotezi ujira wa wanao fanya mema."/>
		<aya index="121" text="Wala hawatoi cha kutoa kidogo wala kikubwa, wala hawalivuki bonde, ila huandikiwa, ili Mwenyezi Mungu awalipe bora ya waliyo kuwa wakiya- tenda."/>
		<aya index="122" text="Wala haiwafalii Waumini kutoka wote. Lakini kwa nini hawatoki baadhi katika kila kundi miongoni mwao, wakajifunze vyema Dini, na kisha waje kuwaonya wenzao watakapo warejea, ili wapate kujihadharisha?"/>
		<aya index="123" text="Enyi mlio amini! Piganeni na wale makafiri walio karibu yenu, na wakute ugumu kwenu. Na jueni ya kwamba Mwenyezi Mungu yu pamoja na wacha- Mngu."/>
		<aya index="124" text="Na inapo teremshwa Sura wapo miongoni mwao wasemao: Ni nani miongoni mwenu Sura hii imemzidishia Imani? Ama wale walio amini inawazidishia Imani, nao wanafurahi."/>
		<aya index="125" text="Ama wale wenye maradhi katika nyoyo zao, basi inawazidishia uovu juu ya uovu wao; na wanakufa hali ni makafiri."/>
		<aya index="126" text="Je! Hawaoni ya kwamba wanatiwa mtihanini kila mwaka mara moja au mara mbili? Kisha hawatubu, wala hawakumbuki."/>
		<aya index="127" text="Na ikiteremka Sura hutazamana wao kwa wao, (kama kwamba wanasema:) Je! Yuko mtu anakuoneni? Kisha hugeukilia mbali. Mwenyezi amezigeuza nyoyo zao kwa kuwa hao ni watu wasio fahamu."/>
		<aya index="128" text="Hakika amekwisha kujieni Mtume kutokana na nyinyi wenyewe; yanamhuzunisha yanayo kutaabisheni; anakuhangaikieni sana. Kwa Waumini ni mpole na mwenye huruma."/>
		<aya index="129" text="Basi wakigeuka, wewe sema: Mwenyezi Mungu ananitosheleza. Hapana mungu isipokuwa Yeye tu. Mimi namtegemea Yeye, na Yeye ndiye Mola Mlezi wa Kiti Kikuu cha Enzi."/>
	</sura>
	<sura index="10" name="">
		<aya index="1" text="Alif Lam Ra. Hizo ni Aya za Kitabu chenye Hikima."/>
		<aya index="2" text="Je! Imekuwa ajabu kwa watu kwamba tumemfunulia mmoja wao kuwa: Waonye watu, na wabashirie wale walio amini ya kuwa watakuwa na cheo cha juu kwa Mola wao Mlezi? Wakasema makafiri: Hakika huyu ni mchawi dhaahiri!"/>
		<aya index="3" text="Hakika Mola wenu Mlezi ni Mwenyezi Mungu, ambaye ameziumba mbingu na ardhi kwa siku sita, na ametawala kwenye ufalme wake, anaendesha mambo yote. Hapana mwombezi ila baada ya idhini yake. Huyo ndiye Mwenyezi Mungu, Mola wenu Mlezi. Basi muabuduni Yeye. Je! Hamkumbuki?"/>
		<aya index="4" text="Kwake Yeye tu ndio marejeo yenu nyote. Hii ni ahadi ya Mwenyezi Mungu iliyo ya kweli. Hakika Yeye ndiye aliye anzisha uumbaji, na kisha ataurejesha ili awalipe kwa uadilifu wale walio amini na wakatenda mema. Na walio kufuru, wao watapata vinywaji vinavyo chemka, na adhabu chungu kwa sababu ya walivyo kuwa wakikufuru."/>
		<aya index="5" text="Yeye ndiye aliye lijaalia jua kuwa na mwangaza, na mwezi ukawa na nuru, na akaupimia vituo ili mjue idadi ya miaka na hisabu. Mwenyezi Mungu hakuviumba hivyo ila kwa Haki. Anazipambanua Ishara kwa watu wanao jua."/>
		<aya index="6" text="Hakika katika kukhitalifiana usiku na mchana, na katika alivyo umba Mwenyezi Mungu katika mbingu na ardhi, zipo Ishara kwa watu wanao mcha-Mngu."/>
		<aya index="7" text="Hakika wasio taraji kukutana nasi, na wakaridhia maisha ya dunia na wakatua nayo, na walio ghafilika na Ishara zetu,"/>
		<aya index="8" text="Hao, makaazi yao ni Motoni kwa sababu ya waliyo kuwa wakiyachuma."/>
		<aya index="9" text="Hakika walio amini na wakatenda mema, Mola wao Mlezi atawaongoa kwa sababu ya Imani yao. Itakuwa inapita mito kati yao katika Mabustani yenye neema."/>
		<aya index="10" text="Wito wao humo utakuwa: Subhanaka Llahumma &quot;Umetakasika Ee Mwenyezi Mungu!&quot; Na maamkio yao humo ni &quot;Salama&quot;. Na mwisho wa wito wao ni: Alhamdulillahi Rabbil A'lamiin &quot;Kuhimidiwa kote ni kwa Mwenyezi Mungu, Mola Mlezi wa walimwengu wote.&quot;"/>
		<aya index="11" text="Na lau kama Mwenyezi Mungu angeli wafanyia watu haraka kuwaletea shari kama wanavyo jihimizia kuletewa kheri, bila ya shaka wangelisha timiziwa ajali yao. Lakini tunawaacha wale wasio tumainia kukutana nasi wakihangaika katika upotovu wao."/>
		<aya index="12" text="Na mtu akiguswa na shida hutuomba naye kaegesha ubavu, au kakaa, au kasimama. Lakini tukimwondoshea shida yake huendelea kama kwamba hakupata kutuomba tumwondoshee shida iliyo mpata. Ndio namna hiyo wamepambiwa warukao mipaka yale waliyo kuwa wakiyatenda."/>
		<aya index="13" text="Na kwa yakini tumekwisha ziangamiza kaumu za kabla yenu walipo dhulumu, na waliwajia Mitume wao kwa Ishara zilizo wazi; lakini hawakuwa wenye kuamini. Ndio kama hivyo tunavyo walipa watu wakosefu."/>
		<aya index="14" text="Kisha tukakufanyeni nyiye ndio wenye kushika mahala pao baada yao katika ardhi ili tuone jinsi mtakavyo tenda."/>
		<aya index="15" text="Na wanapo somewa Aya zetu zilizo wazi, wale wasio taraji kukutana na Sisi husema: Lete Qur'ani isiyo kuwa hii, au ibadilishe. Sema: Hainifalii mimi kuibadilisha kwa nitakavyo nafsi yangu. Mimi sifuati ila ninayo funuliwa kwa Wahyi. Hakika mimi naogopa, nikimuasi Mola wangu Mlezi, adhabu ya Siku iliyo kuu."/>
		<aya index="16" text="Sema: Mwenyezi Mungu angeli taka nisingeli kusomeeni, wala nisingeli kujuvyeni. Kwani nalikwisha kaa nanyi umri mzima kabla yake! Basi, je! Hamzingatii?"/>
		<aya index="17" text="Basi ni nani aliye dhaalimu zaidi kuliko yule anaye mzulia uwongo Mwenyezi Mungu na akazikanusha Ishara zake? Hakika hawafanikiwi wakosefu."/>
		<aya index="18" text="Nao, badala ya Mwenyezi Mungu, wanaabudu wasio wadhuru wala kuwanufaisha, na wanasema: Hawa ndio waombezi wetu kwa Mwenyezi Mungu! Sema: Je! Mnamwambia Mwenyezi Mungu asiyo yajua ya katika mbingu wala katika ardhi? Subhanahu wa Taa'la! Ametakasika na ametukuka na hao wanao mshirikisha naye."/>
		<aya index="19" text="Wala watu hawakuwa ila Umma mmoja tu. Kisha wakakhitalifiana. Na lau kuwa si neno lililo kwisha tangulia kutokana na Mola wako Mlezi, hapana shaka hukumu ingeli kwisha katwa baina yao katika hayo wanayo khitalifiana."/>
		<aya index="20" text="Na wanasema: Kwa nini hakuteremshiwa Ishara kutoka kwa Mola wake Mlezi? Sema: Mambo ya ghaibu ni ya Mwenyezi Mungu. Basi nyinyi ngojeni, na mimi ni pamoja nanyi katika wanao ngojea."/>
		<aya index="21" text="Na tunapo waonjesha watu rehema baada ya shida waliyo ipata, utawaona wana vitimbi kuzipangia Ishara zetu. Sema: Mwenyezi Mungu ni Mwepesi zaidi wa kupanga. Hakika wajumbe wetu wanayaandika mnayo yapanga."/>
		<aya index="22" text="Yeye ndiye anaye kuendesheni bara na baharini. Hata mnapo kuwa majahazini na yakawa yanakwenda nao kwa upepo mzuri wakaufurahia, upepo mkali ukawazukia, na yakawajia mawimbi kutoka kila upande, na wakaona wamesha zongwa, basi hapo humwomba Mwenyezi Mungu kwa kumsafishia niya: Ukituokoa na haya bila ya shaka tutakuwa miongoni mwa wanao shukuru."/>
		<aya index="23" text="Lakini akisha waokoa, mara wanafanya jeuri tena katika nchi bila ya haki. Enyi watu! Jeuri zenu zitakudhuruni wenyewe. Hii ni starehe ya maisha ya dunia tu. Kisha marejeo yenu ni kwetu, na hapo tutakuambieni mliyo kuwa mkiyatenda."/>
		<aya index="24" text="Hakika mfano wa maisha ya dunia ni kama maji tuliyo yateremsha kutoka mbinguni, kisha yakachanganyika na mimea ya ardhi wanayo ila watu na wanyama. Mpaka ardhi ilipo kamilika uzuri wake, na ikapambika, na wenyewe wakadhani wamesha iweza, iliifikia amri yetu usiku au mchana, tukaifanya kama iliyo fyekwa - kama kwamba haikuwapo jana. Namna hivi tunazipambanua Ishara zetu kwa watu wanao fikiri."/>
		<aya index="25" text="Na Mwenyezi Mungu anaita kwendea Nyumba ya Amani, na anamwongoa amtakaye kwenye Njia Iliyo Nyooka."/>
		<aya index="26" text="Kwa wafanyao wema ni wema na zaidi. Wala vumbi halitawafunika nyuso zao, wala madhila. Hao ndio watu wa Peponi. Humo watadumu."/>
		<aya index="27" text="Na wale walio chuma maovu, malipo ya uovu ni mfano wake vile vile, na yatawafika madhila. Hawatakuwa na wa kuwalinda na Mwenyezi Mungu. Nyuso zao kama kwamba zimefunikwa na vipande vya usiku wa giza. Hao ndio watu wa Motoni, wao humo watadumu."/>
		<aya index="28" text="Na siku tutakapo wakusanya wote, kisha tutawaambia walio shirikisha: Simameni mahali penu nyinyi na wale mlio wafanya washirika. Kisha tutawatenga baina yao. Na hao walio washirikisha watasema: Nyinyi hamkuwa mkituabudu sisi."/>
		<aya index="29" text="Mwenyezi Mungu anatosha kuwa ni shahidi baina yetu na nyinyi. Hakika sisi tulikuwa hatuna khabari ya ibada yenu."/>
		<aya index="30" text="Huko kila mtu atayajua aliyo yatanguliza. Na watarudishwa kwa Mwenyezi Mungu, Mola wao wa Haki, na yote waliyo kuwa wakiyazua yatawapotea."/>
		<aya index="31" text="Sema: Ni nani anaye kuruzukuni kutoka mbinguni na kwenye ardhi? Au ni nani anaye miliki kusikia na kuona? Na nani amtoaye hai kutoka maiti, na akamtoa maiti kutoka aliye hai? Na nani anaye yadabiri mambo yote? Watasema: Allah, Mwenyezi Mungu. Basi sema: Je! Hamchi?"/>
		<aya index="32" text="Basi huyo ndiye Mwenyezi Mungu, Mola Mlezi wenu wa haki. Na kipo kitu gani baada ya haki, isipokuwa upotovu tu? Basi huwaje mkageuzwa?"/>
		<aya index="33" text="Ndio kama hivyo kauli ya Mola wako Mlezi itakavyo wathibitikia wale walio potoka, ya kwamba hawatoamini."/>
		<aya index="34" text="Sema: Je! Yupo katika miungu yenu ya ushirikina aliye anzisha kuumba viumbe, na kisha akavirejesha? Huwaje, basi, mkadanganywa?"/>
		<aya index="35" text="Sema: Je! Yupo katika miungu yenu ya ushirikina anaye ongoa kwendea Haki? Sema: Mwenyezi Mungu anaongoa kwendea Haki. Basi, je, anaye stahiki kufuatwa ni yule Mwenye kuongoa kwendea Haki au asiye ongoa ila aongozwe yeye? Basi nyinyi mna nini? Mnahukumu namna gani?"/>
		<aya index="36" text="Na wengi wao hawafuati ila dhana tu. Na dhana haifai kitu mbele ya haki. Hakika Mwenyezi Mungu anajua yote wanayo yatenda."/>
		<aya index="37" text="Na haiwezekani Qur'ani hii kuwa imetungwa na haitoki kwa Mwenyezi Mungu. Lakini hii inasadikisha yaliyo tangulia, na ni mfafanuo wa Kitabu kisicho na shaka ndani yake, kutokana na Mola Mlezi wa viumbe vyote."/>
		<aya index="38" text="Je! Ndiyo wanasema ameizua? Sema: Hebu leteni sura moja mfano wake na muwaite (kukusaidieni) muwawezao, isipo kuwa Mwenyezi Mungu, ikiwa nyinyi mnasema kweli."/>
		<aya index="39" text="Bali wameyakanusha wasio yaelewa ilimu yake kabla hayajawajia maelezo yake. Kadhaalika walio kabla yao walikanusha vile vile. Basi angalia jinsi ulivyo kuwa mwisho wa madhaalimu hao."/>
		<aya index="40" text="Na miongoni mwao wapo wanao iamini, na miongoni mwao wapo wasio iamini. Na Mola wako Mlezi anawajua vyema mafisadi."/>
		<aya index="41" text="Na wakikukanusha wewe, sema: Mimi nina a'mali yangu, na nyinyi mna a'mali yenu. Nyinyi hamna jukumu kwa niyatendayo, wala mimi sina jukumu kwa myatendayo."/>
		<aya index="42" text="Na wapo miongoni mwao wanao kusikiliza. Je, wewe unaweza kuwafanya viziwi wasikie ijapo kuwa hawafahamu?"/>
		<aya index="43" text="Na wapo miongoni mwao wanao kutazama. Je, wewe utawaongoa vipofu ingawa hawaoni?"/>
		<aya index="44" text="Hakika Mwenyezi Mungu hawadhulumu watu kitu chochote; lakini watu wenyewe wanajidhulumu nafsi zao."/>
		<aya index="45" text="Na Siku atakapo wakusanya, itakuwa kama kwamba hawakukaa ila saa moja tu ya mchana! Watatambuana. Hakika wamekhasirika walio kanusha kukutana na Mwenyezi Mungu, wala hawakuwa wenye kuongoka."/>
		<aya index="46" text="Na vyovyote vile, tukikuonyesha baadhi ya tunayo waahidi, au tukakufisha kabla yake, marejeo yao ni kwetu. Kisha Mwenyezi Mungu ni Shahidi wa wanayo yafanya."/>
		<aya index="47" text="Na kila umma una Mtume. Alipo wajia Mtume wao walihukumiwa baina yao kwa uadilifu, wala hawakudhulumiwa."/>
		<aya index="48" text="Na wanasema: Lini ahadi hii, ikiwa mnasema kweli?"/>
		<aya index="49" text="Sema: Sijimilikii nafsi yangu shari wala kheri ila apendavyo Mwenyezi Mungu. Kila umma una muda wao walio wekewa. Ukifika muda wao hawakawii hata saa moja wala hawatangulii."/>
		<aya index="50" text="Sema: Mwaonaje ikikufikieni hiyo adhabu yake usiku au mchana, sehemu gani ya adhabu wanaihimiza wakosefu?"/>
		<aya index="51" text="Tena je! Ikisha tokea mtaiamini? Je! Ndio sasa tena? Na nyinyi mlikuwa mkiihimiza."/>
		<aya index="52" text="Kisha walio dhulumu wataambiwa: Onjeni adhabu ya kudumu. Kwani mtalipwa isipo kuwa yale mliyo kuwa mkiyachuma?"/>
		<aya index="53" text="Na wanakuuliza: Je! Ni kweli hayo? Sema: Ehe! Naapa kwa Mola wangu Mlezi! Hakika hayo ni kweli, na wala nyinyi hamshindi!"/>
		<aya index="54" text="Na lau kuwa kila nafsi iliyo dhulumu inamiliki kila kiliomo duniani, bila ya shaka ingeli toa vyote kujikombolea. Na watakapo iona adhabu wataficha majuto. Na patahukumiwa baina yao kwa uadilifu, nao hawatadhulumiwa."/>
		<aya index="55" text="Jueni kuwa hakika vyote viliomo katika mbingu na katika ardhi ni vya Mwenyezi Mungu. Jueni kuwa hakika ahadi ya Mwenyezi Mungu ni ya haki. Lakini wengi wao hawajui."/>
		<aya index="56" text="Yeye ndiye anaye fufua na anaye fisha. Na kwake mtarejeshwa."/>
		<aya index="57" text="Enyi watu! Yamekujieni mawaidha kutoka kwa Mola wenu Mlezi, na poza kuponyesha yaliyomo vifuani, na uwongofu, na rehema kwa Waumini."/>
		<aya index="58" text="Sema: Kwa fadhila ya Mwenyezi Mungu na rehema yake! Basi nawafurahi kwa hayo. Haya ni bora kuliko hayo wanayo yakusanya."/>
		<aya index="59" text="Sema: Je! Mwaonaje zile riziki alizo kuteremshieni Mwenyezi Mungu, nanyi mkafanya katika hizo nyengine haramu na nyengine halali. Sema: Je! Mwenyezi Mungu amekuruhusuni, au mnamzulia Mwenyezi Mungu tu?"/>
		<aya index="60" text="Na nini dhana ya wanao mzulia Mwenyezi Mungu kwa Siku ya Kiyama? Hakika Mwenyezi Mungu ana fadhila juu ya watu, lakini wengi wao hawashukuru."/>
		<aya index="61" text="Na huwi katika jambo lolote, wala husomi sehemu yoyote katika Qur'ani, wala hamtendi kitendo chochote ila Sisi huwa ni mashahidi juu yenu mnapo shughulika nayo. Na hakifichikani kwa Mola wako Mlezi chenye uzito hata wa chembe katika ardhi na katika mbingu, wala kidogo kuliko hicho wala kikubwa ila kimo katika Kitabu kilicho wazi."/>
		<aya index="62" text="Jueni kuwa vipenzi vya Mwenyezi Mungu hawatakuwa na khofu wala hawatahuzunika."/>
		<aya index="63" text="Hao ni ambao wameamini na wakawa wanamcha Mungu."/>
		<aya index="64" text="Wao wana bishara njema katika maisha ya dunia na katika Akhera. Hapana mabadiliko katika maneno ya Mwenyezi Mungu. Huko ndiko kufuzu kukubwa."/>
		<aya index="65" text="Wala yasikuhuzunishe maneno yao. Hakika utukufu wote ni wa Mwenyezi Mungu. Yeye ndiye Mwenye kusikia Mwenye kujua."/>
		<aya index="66" text="Jueni kuwa ni vya Mwenyezi Mungu vyote viliomo mbinguni na ardhinii. Na wala hawawafuati hao wanao waomba badala ya Mwenyezi Mungu kuwa ni washirika wake. Wao hawafuati ila dhana tu, na hawasemi ila uwongo."/>
		<aya index="67" text="Yeye ndiye aliye kujaalieni usiku mpate kutulia humo, na mchana wa kuonea. Hakika katika haya zipo Ishara kwa watu wanao sikia."/>
		<aya index="68" text="Wamesema: Mwenyezi Mungu ana mwana. Subhanahu, Aliye takasika! Yeye ni Mkwasi, Mwenye Kujitosheleza. Vyote viliomo katika mbingu na katika ardhi ni vyake peke yake. Nyinyi hamna uthibitisho wowote wa haya! Mnamzulia Mwenyezi Mungu msiyo yajua?"/>
		<aya index="69" text="Sema: Hao wanao mzulia uwongo Mwenyezi Mungu hawatafanikiwa."/>
		<aya index="70" text="Hiyo ni starehe ya katika dunia tu, kisha marejeo yao ni kwetu. Tena tutawaonjesha adhabu kali kwa sababu ya kukufuru kwao."/>
		<aya index="71" text="Wasomee khabari za Nuhu alipo waambia watu wake: Enyi watu wangu! Ikiwa kukaa kwangu nanyi na kukumbusha kwangu kwa Ishara za Mwenyezi Mungu kunakutieni mashaka basi mimi namtegemea Mwenyezi Mungu. Nanyi tengezeni mambo yenu pamoja na washirika wenu, na wala mambo yenu yasifichikane kwenu. Kisha nihukumuni, wala msinipe muhula."/>
		<aya index="72" text="Lakini mkigeuka, basi mimi sikukuombeni ujira. Ujira wangu hauko ila kwa Mwenyezi Mungu. Na nimeamrishwa niwe miongoni mwa Waislamu."/>
		<aya index="73" text="Wakamkanusha. Basi tukamwokoa, pamoja na walio kuwa naye, katika jahazi. Na tukawafanya wao ndio walio bakia, na tukawazamisha walio zikanusha Ishara zetu. Basi angalia vipi ulikuwa mwisho wa walio onywa."/>
		<aya index="74" text="Kisha baada yake tukawatuma Mitume kwa watu wao. Nao wakawajia kwa Ishara zilizo wazi. Lakini hawakuwa wenye kuyaamini waliyo yakanusha kabla yake. Ndio kama hivyo tunapiga muhuri juu ya nyoyo za warukao mipaka."/>
		<aya index="75" text="Kisha baada yao tukamtuma Musa na Haruni kwa Firauni na waheshimiwa wake, kwa Ishara zetu. Wakajivuna, na wakawa watu wakosefu."/>
		<aya index="76" text="Basi ilipo wajia Haki kutoka kwetu walisema: Hakika huu ni uchawi dhaahiri."/>
		<aya index="77" text="Akasema Musa: Mnasema hivi juu ya Haki ilipo kujieni? Huu ni uchawi? Na wachawi hawafanikiwi!"/>
		<aya index="78" text="Wakasema: Je! Umetujia ili utuachishe tuliyo wakuta nayo baba zetu, na mpate nyinyi wawili ukubwa katika nchi? Wala sisi hatukuaminini nyinyi."/>
		<aya index="79" text="Na Firauni akasema: Nileteeni kila mchawi mjuzi!"/>
		<aya index="80" text="Basi walipo kuja wachawi, Musa aliwaambia: Tupeni mnavyo tupa!"/>
		<aya index="81" text="Walipo tupa, Musa alisema: Mliyo leta ni uchawi. Hakika Mwenyezi Mungu haitengenezi kazi ya waharibifu."/>
		<aya index="82" text="Na Mwenyezi Mungu huhakikisha Haki kwa maneno yake, hata wanga chukia wakosefu"/>
		<aya index="83" text="Basi hawakumuamini Musa isipo kuwa baadhi ya vijana vya kaumu yake, kwa kumwogopa Firauni na wakuu wao wasiwatese. Kwani hakika Firauni alikuwa jeuri katika nchi. Na kwa yakini alikuwa miongoni mwa walio pita kiasi."/>
		<aya index="84" text="Na Musa alisema: Enyi watu wangu! Ikiwa nyinyi mmemuamini Mwenyezi Mungu, basi mtegemeeni Yeye, ikiwa nyinyi ni Waislamu."/>
		<aya index="85" text="Wakasema: Tunamtegemea Mwenyezi Mungu. Ewe Mola wetu Mlezi! Usitufanye wenye kutiwa misukosuko na hao watu madhaalimu."/>
		<aya index="86" text="Na utuokoe kwa rehema yako na watu makafiri."/>
		<aya index="87" text="Na tukampelekea Musa na ndugu yake wahyi huu: Watengenezeeni majumba watu wenu katika Misri na zifanyeni nyumba zenu ndio mwahali mwa ibada, na mshike Sala, na wabashirie Waumini."/>
		<aya index="88" text="Na Musa akasema: Mola wetu Mlezi! Hakika wewe umempa Firauni na wakuu wake mapambo na mali katika maisha ya dunia. Hivyo wanapoteza watu na Njia yako. Mola wetu Mlezi! Yafutilie mbali mali yao na zifunge nyoyo zao, wasiamini mpaka waione adhabu chungu."/>
		<aya index="89" text="Mwenyezi Mungu akasema: Maombi yenu yamekubaliwa. Basi simameni sawa sawa, wala msifuate njia za wale wasio jua."/>
		<aya index="90" text="Tukawavusha bahari Wana wa Israili, na Firauni na askari wake wakawafuatia kwa dhulma na uadui. Hata Firauni alipo kuwa anataka kuzama akasema: Naamini kuwa hapana mungu ila yule waliye muamini Wana wa Israili, na mimi ni miongoni mwa walio nyenyekea!"/>
		<aya index="91" text="Ala! Sasa? Na hali uliasi kabla yake na ukawa miongoni mwa mafisadi!"/>
		<aya index="92" text="Leo, basi, tutakuokoa kwa mwili wako, ili uwe Ishara kwa ajili ya walio nyuma yako. Na hakika watu wengi wameghafilika na Ishara zetu."/>
		<aya index="93" text="Na hakika tuliwaweka Wana wa Is raili kikao chema, na tukawaruzuku vitu vizuri. Nao hawakukhitalifiana mpaka ilipo wafikia ilimu. Hakika Mola wako Mlezi atahukumu baina yao Siku ya Kiyama katika yale waliyo kuwa wakikhitalifiana."/>
		<aya index="94" text="Na ikiwa unayo shaka katika tuliyo kuteremshia, basi waulize wasomao Kitabu kabla yako. Kwa yakini imekwisha kujia Haki kutoka kwa Mola wako Mlezi. Basi usiwe miongoni mwa wenye shaka."/>
		<aya index="95" text="Na kabisa usiwe miongoni mwa wale wanao zikanusha Ishara za Mwenyezi Mungu, usije kuwa katika walio khasiri."/>
		<aya index="96" text="Hakika wale ambao neno la Mola wako Mlezi limekwisha thibitika juu yao, hawataamini,"/>
		<aya index="97" text="Ijapo kuwa itawajia kila Ishara, mpaka waione adhabu iliyo chungu."/>
		<aya index="98" text="Kwa nini usiwepo mji mmoja ukaamini na Imani yake ikawafaa - isipo kuwa kaumu Yunus? Waliamini na Sisi tukawaondolea adhabu ya hizaya katika maisha ya dunia, na tukawastarehesha kwa muda."/>
		<aya index="99" text="Angeli taka Mola wako Mlezi wangeli amini wote waliomo katika ardhi. Je, wewe utawalazimisha watu kwa nguvu mpaka wawe Waumini?"/>
		<aya index="100" text="Na hawezi mtu kuamini ila kwa idhini ya Mwenyezi Mungu. Naye hujaalia adhabu iwafike wasio tumia akili zao."/>
		<aya index="101" text="Sema: Angalieni yaliomo mbinguni na kwenye ardhi! Na Ishara zote na maonyo hayawafai kitu watu wasio amini."/>
		<aya index="102" text="Basi, je! Wanangojea jingine ila kama yaliyo tokea siku za watu walio pita kabla yao? Ngojeni! Nami ni pamoja nanyi katika wanao ngoja."/>
		<aya index="103" text="Kisha Sisi huwaokoa Mitume wetu na walio amini. Ndio kama hivyo, inatustahiki kuwaokoa Waumini."/>
		<aya index="104" text="Sema: Enyi watu! Ikiwa nyinyi mnayo shaka katika Dini yangu, basi mimi siwaabudu mnao waabudu nyinyi badala ya Mwenyezi Mungu. Lakini mimi namuabudu Mwenyezi Mungu anaye kufisheni. Na nimeamrishwa niwe miongoni mwa Waumini."/>
		<aya index="105" text="Na uelekeze uso wako kwenye Dini ya Kweli, wala usiwe katika washirikina."/>
		<aya index="106" text="Na wala usiwaombe wasio kuwa Mwenyezi Mungu ambao hawakufai kitu wala hawakudhuru. Ukifanya hivyo basi utakuwa miongoni mwa walio dhulumu."/>
		<aya index="107" text="Na Mwenyezi Mungu akikugusisha madhara, basi hapana wa kukuondolea ila Yeye. Na akikutakia kheri, basi hapana awezaye kurudisha fadhila yake. Huifikisha kwa amtakaye katika waja wake, na Yeye ni Mwenye kusamehe, Mwenye kurehemu."/>
		<aya index="108" text="Sema: Enyi watu! Haki imekwisha kukujieni kutoka kwa Mola wenu Mlezi. Basi anaye ongoka anaongoka kwa faida ya nafsi yake, na anaye potea anapotea kwa khasara ya nafsi yake. Na mimi si mwakilishi juu yenu."/>
		<aya index="109" text="Na wewe fuata yanayo funuliwa kwako kwa wahyi. Na vumilia mpaka Mwenyezi Mungu ahukumu, na Yeye ndiye mbora wa mahakimu."/>
	</sura>
	<sura index="11" name="">
		<aya index="1" text="Alif Lam Ra. Hiki ni Kitabu ambacho Aya zake zimewekwa wazi, kisha zikapambanuliwa, kilicho toka kwa Mwenye Hikima na Mwenye Khabari,"/>
		<aya index="2" text="Ili msimuabudu isipo kuwa Allah, Mwenyezi Mungu. Hakika mimi kwenu ni mwonyaji na mbashiri nitokae kwake."/>
		<aya index="3" text="Na ili mumwombe msamaha Mola wenu Mlezi, kisha mtubie kwake. Atakustarehesheni starehe nzuri mpaka muda maalumu. Na atampa kila mwenye fadhila, fadhila yake. Na ikiwa mtakengeuka basi mimi nakukhofieni adhabu ya hiyo Siku Kubwa."/>
		<aya index="4" text="Marejeo yenu ni kwa Mwenyezi Mungu tu. Naye ni Muweza wa kila kitu."/>
		<aya index="5" text="Hebu angalia! Ati wanafunika vilivyomo vifuani mwao ili wamfiche Mwenyezi Mungu! Jueni kuwa wanapo jigubika nguo zao Yeye anajua wanayo yaficha na wanayo yatangaza. Hakika Yeye ni Mjuzi wa yaliyomo vifuani."/>
		<aya index="6" text="NA HAKUNA mnyama yoyote katika ardhi ila riziki yake iko kwa Mwenyezi Mungu. Naye anajua makao yake na mapitio yake. Yote yamo katika Kitabu chenye kubainisha."/>
		<aya index="7" text="Na Yeye ndiye aliye ziumba mbingu na ardhi katika siku sita. Na Kiti chake cha Enzi kilikuwa juu ya maji, ili akufanyieni mtihani ajuulikane ni nani miongoni mwenu mzuri zaidi wa vitendo. Na wewe ukisema: Nyinyi hakika mtafufuliwa baada ya kufa; wale walio kufuru husema: Hayakuwa haya ila ni uchawi uliyo wazi."/>
		<aya index="8" text="Na tukiwacheleweshea adhabu mpaka muda ulio kwisha hisabiwa wao husema: Nini kinacho izuia hiyo adhabu? Jueni! Siku itakapo wajia basi haitoondolewa hiyo kwao. Na yatawazunguka yale waliyo kuwa wakiyafanyia mzaha."/>
		<aya index="9" text="Na tukimwonjesha mtu rehema inayo toka kwetu, kisha tukamwondolea, hukata tamaa akakufuru."/>
		<aya index="10" text="Na tukimwonjesha neema baada ya madhara yaliyo mpata husema: Taabu zimekwisha niondokea. Hakika yeye hujitapa na kutafakhari."/>
		<aya index="11" text="Ila wale walio subiri wakatenda mema. Hao watapata msamaha na ujira mkubwa."/>
		<aya index="12" text="Basi labda utaacha baadhi ya yale yaliyo funuliwa kwako, na kifua kitaona dhiki kwa hayo, kwa sababu wanasema: Mbona hakuteremshiwa khazina, au wakaja naye Malaika? Wewe ni mwonyaji tu, na Mwenyezi Mungu ndiye Mlinzi wa kila kitu."/>
		<aya index="13" text="Au wanasema: Ameizua? Sema: Basi leteni Sura kumi zilizo zuliwa mfano wa hii, na waiteni muwawezao badala ya Mwenyezi Mungu, ikiwa mnasema kweli."/>
		<aya index="14" text="Na wasipo kuitikieni, basi jueni ya kwamba (hii Qur'ani) imeteremshwa kwa ujuzi wa Mwenyezi Mungu, na kwamba hapana mungu ila Yeye. Basi je! Nyinyi ni Waislamu?"/>
		<aya index="15" text="Wanao taka maisha ya dunia na pumbao lake tutawalipa humo vitendo vyao kaamili. Na wao humo hawatopunjwa."/>
		<aya index="16" text="Hao ndio ambao hawatakuwa na kitu Akhera ila Moto, na yataharibika waliyo yafanya, na yatapotea bure waliyo kuwa wakiyatenda."/>
		<aya index="17" text="Basi je, mtu aliye na dalili wazi itokayo kwa Mola wake Mlezi, inayo fuatwa na shahidi anaye toka kwake, na kabla yake kilikuwa Kitabu cha Musa kilicho kuwa mwongozi na rehema - hao wanamuamini, na anaye mkataa katika makundi, basi Moto ndio pahala pa miadi yao. Basi usiwe na shaka juu ya hayo. Hii ni Haki itokayo kwa Mola wako Mlezi; lakini watu wengi hawaamini."/>
		<aya index="18" text="Na nani aliye dhaalimu mkubwa kuliko yule anaye mzulia Mwenyezi Mungu uwongo? Hao watahudhurishwa mbele ya Mola wao Mlezi, na mashahidi watasema: Hawa ndio walio mtungia uwongo Mola wao Mlezi. Laana ya Mwenyezi Mungu iwapate walio dhulumu,"/>
		<aya index="19" text="Ambao wanazuilia Njia ya Mwenyezi Mungu, na wanaitakia ipotoke, na wanaikataa Akhera."/>
		<aya index="20" text="Hao hawawezi kushinda katika ardhi, wala hawana walinzi isipo kuwa Mwenyezi Mungu. Watazidishiwa adhabu. Hawakuwa wakiweza kusikia wala hawakuwa wakiona."/>
		<aya index="21" text="Hao ndio walio zikhasiri nafsi zao, na yakawapotea waliyo kuwa wakiyazua."/>
		<aya index="22" text="Bila ya shaka hakika wao ndio wenye kukhasiri huko Akhera."/>
		<aya index="23" text="Hakika wale walio amini, na wakatenda mema, na wakanyenyekea kwa Mola wao Mlezi, hao ndio watu wa Peponi, na humo watadumu."/>
		<aya index="24" text="Mfano wa makundi mawili ni kama kipofu kiziwi, na mwenye kuona na anasikia. Je, wawili hawa wanakuwa sawa kwa kufananishwa? Basi, je, hamfikiri?"/>
		<aya index="25" text="Na Sisi tulimtuma Nuhu kwa watu wake, akawaambia: Hakika mimi ni mwonyaji kwenu ninaye bainisha,"/>
		<aya index="26" text="Ya kwamba msimuabudu isipo kuwa Mwenyezi Mungu tu. Hakika mimi ninakukhofieni adhabu ya Siku Chungu."/>
		<aya index="27" text="Na wakasema wakuu walio kufuru katika kaumu yake: Hatukuoni wewe ila ni mtu tu kama sisi, wala hatukuoni wamekufuata ila wale walio kuwa kwetu watu duni, wasio kuwa na akili. Wala hatukuoneni kuwa mna ubora wowote kutushinda sisi. Bali tuna hakika nyinyi ni waongo."/>
		<aya index="28" text="Akasema: Enyi watu wangu! Hebu fikirini! Ikiwa mimi ninayo hoja wazi iliyo toka kwa Mola wangu Mlezi, na amenipa rehema kutoka kwake, nayo ikakufichikieni; je, tukulazimisheni kuikubali hali nyinyi mnaichukia?"/>
		<aya index="29" text="Na enyi watu wangu! Mimi sikuombeni mali kwa ajili ya haya. Mimi sina ujira ila kwa Mwenyezi Mungu; na mimi sitawafukuza walio amini. Hakika wao watakutana na Mola wao Mlezi, lakini mimi nakuoneni mnafanya ujinga."/>
		<aya index="30" text="Na enyi watu wangu! Ni nani atakaye nisaidia kwa Mwenyezi Mungu nikiwafukuza hawa? Basi je, hamfikiri?"/>
		<aya index="31" text="Wala sikwambiini kuwa nina khazina za Mwenyezi Mungu; wala kuwa mimi najua mambo ya ghaibu; wala sisemi: Mimi ni Malaika. Wala siwasemi wale ambao yanawadharau macho yenu kuwa Mwenyezi Mungu hatawapa kheri - Mwenyezi Mungu anajua yaliomo katika nafsi zao - hapo bila ya shaka ninge kuwa miongoni mwa wenye kudhulumu."/>
		<aya index="32" text="Wakasema: Ewe Nuhu! Umejadiliana, na umekithirisha kutujadili. Basi tuletee hayo unayo tuahidi, ukiwa miongoni mwa wasemao kweli."/>
		<aya index="33" text="Akasema: Mwenyezi Mungu atakuleteeni akipenda. Wala nyinyi si wenye kumshinda."/>
		<aya index="34" text="Wala nasaha yangu haikufaini kitu nikitaka kukunasihini, ikiwa Mwenyezi Mungu anataka kukuachieni mpotee. Yeye ndiye Mola wenu Mlezi; na kwake mtarejeshwa."/>
		<aya index="35" text="Au ndio wanasema: Ameizua? Sema: Ikiwa nimeizua, basi kosa hilo ni juu yangu, na mimi sikhusiki na makosa myatendayo."/>
		<aya index="36" text="Na akafunuliwa Nuhu akaambiwa: Hataamini yeyote katika watu wako ila wale walio kwisha amini. Basi usisikitike kwa waliyo kuwa wakiyatenda."/>
		<aya index="37" text="Na unda jahazi mbele ya macho yetu na kwa mujibu wa ufunuo wetu. Wala usinisemeze kuwatetea walio dhulumu. Kwani hao bila ya shaka watazamishwa."/>
		<aya index="38" text="Na akawa anaunda jahazi, na kila wakipita wakuu wa kaumu yake wakimkejeli. Yeye akasema: Ikiwa nyinyi mnatukejeli na sisi tunakukejelini kama mnavyo tukejeli."/>
		<aya index="39" text="Nanyi mtakuja jua ni nani itakaye mfikia adhabu ya kumhizi, na itakaye mteremkia adhabu ya kudumu."/>
		<aya index="40" text="Hata ilipo kuja amri yetu, na tanuri ikafoka maji, tulisema: Pakia humo wawili wawili, dume na jike, kutoka kila aina, na ahali zako, isipo kuwa wale ambao imekwisha wapitia hukumu; na watu walio amini. Na hawakuamini pamoja naye ila wachache tu."/>
		<aya index="41" text="Na akasema: Pandeni humo kwa Bismillahi, Kwa Jina la Mwenyezi Mungu, kwenda kwake na kusimama kwake. Hakika Mola wangu Mlezi ni Mwenye kusamehe Mwenye kurehemu."/>
		<aya index="42" text="Ikawa inakwenda nao katika mawimbi kama milima. Na Nuhu akamwita mwanawe naye alikuwa mbali: Ewe mwanangu! Panda pamoja nasi, wala usiwe pamoja na makafiri."/>
		<aya index="43" text="Akasema: Nitakimbilia mlimani unilinde na maji. (Nuhu) akasema: Leo hapana wa kulindwa na amri ya Mwenyezi Mungu ila aliye mrehemu mwenyewe. Na wimbi likawatenganisha, akawa katika walio zama."/>
		<aya index="44" text="Na ikasemwa: Ewe ardhi! Meza maji yako. Na Ewe mbingu! Jizuie. Basi maji yakadidimia chini, na amri ikapitishwa, na (jahazi) likasimama juu ya (mlima) wa Al Juudiy. Na ikasemwa: Wapotelee mbali watu walio dhulumu!"/>
		<aya index="45" text="Na Nuhu alimwomba Mola wake Mlezi: Ee Mola Mlezi wangu! Hakika mwanangu ni katika ahali zangu, na hakika ahadi yako ni haki. Na Wewe ni Mwenye haki kuliko mahakimu wote."/>
		<aya index="46" text="Akasema: Ewe Nuhu! Huyu si katika ahali zako. Mwendo wake si mwema. Basi usiniombe jambo usio na ujuzi nalo. Mimi nakuwaidhi usije ukawa miongoni mwa wajinga."/>
		<aya index="47" text="Nuhu akasema: Ewe Mola wangu Mlezi! Mimi najikinga kwako nisikuombe nisio na ujuzi nalo. Na kama hunisamehe na ukanirehemu, nitakuwa katika walio khasiri."/>
		<aya index="48" text="Ikasemwa: Ewe Nuhu! Shuka kwa salama itokayo kwetu, na baraka nyingi juu yako na juu ya watu walio pamoja nawe. Na zitakuwapo kaumu tutakazo zistarehesha, na kisha zitashikwa na adhabu chungu itokayo kwetu."/>
		<aya index="49" text="Hizi ni katika khabari za ghaibu tunazo kufunulia. Hukuwa ukizijua wewe, wala watu wako, kabla ya hii. Basi subiri! Hakika Mwisho ni wa wachamngu."/>
		<aya index="50" text="Na kwa kina A'adi tulimtuma ndugu yao Hud. Akasema: Enyi watu wangu! Muabuduni Mwenyezi Mungu! Nyinyi hamna mungu isipo kuwa Yeye. Nyinyi si chochote ila ni wazushi tu."/>
		<aya index="51" text="Enyi watu wangu! Sikuombeni ujira kwa ajili ya haya. Haukuwa ujira wangu ila kwa Yule aliye niumba. Basi hamtumii akili?"/>
		<aya index="52" text="Na enyi watu wangu! Muombeni msamaha Mola wenu Mlezi, kisha mtubie kwake. Atakuleteeni mbingu zenye kunyesha mvua ya kumiminika, na atakuzidishieni nguvu juu ya nguvu zenu. Wala msigeuke mkawa wakosefu."/>
		<aya index="53" text="Wakasema: Ewe Hud! Hujatuletea dalili wazi. Wala sisi hatuiachi miungu yetu kwa kufuata kauli yako. Na wala sisi hatukuamini wewe."/>
		<aya index="54" text="Sisi tunasema: Baadhi katika miungu yetu imekusibu kwa baa. Akasema: Hakika mimi namshuhudisha Mwenyezi Mungu, na nyinyi shuhudieni, ya kwamba mimi najitenga mbali na hao mnao wafanya washirika,"/>
		<aya index="55" text="Mkamwacha Yeye. Basi nyote nyinyi nipangieni vitimbi, na kisha msinipe muhula!"/>
		<aya index="56" text="Hakika mimi nimemtegemea Mwenyezi Mungu, Mola Mlezi wangu na Mola Mlezi wenu. Hapana kiumbe yeyote ila Yeye anamwendesha atakavyo. Hakika Mola wangu Mlezi yuko juu ya Njia Iliyo Nyooka."/>
		<aya index="57" text="Na ikiwa watarudi nyuma, basi mimi nimekwisha kufikishieni niliyo tumwa kwenu. Na Mola wangu Mlezi atawaleta watu wengine badala yenu, wala nyinyi hamumdhuru kitu Yeye. Hakika Mola wangu Mlezi ni Mwenye kuhifadhi kila kitu."/>
		<aya index="58" text="Ilipo fika amri yetu, tulimwokoa Hud na walio amini pamoja naye, kwa rehema itokayo kwetu. Na tukawaokoa na adhabu ngumu."/>
		<aya index="59" text="Na hao ndio kina A'adi. Walizikanusha Ishara za Mola wao Mlezi, na wakawaasi Mitume wake, na wakafuata amri ya kila jabari mwenye inda."/>
		<aya index="60" text="Na wakafuatishiwa laana katika dunia hii na Siku ya Kiyama. Basi tambueni mtanabahi! Hakika kina A'adi walimkufuru Mola wao Mlezi. Na tambueni mtanabahi kuwa hakika waliangamizwa kina A'adi, kaumu ya Hud."/>
		<aya index="61" text="Na kina Thamud tuliwapelekea ndugu yao Saleh. Akasema: Enyi watu wangu! Muabuduni Mwenyezi Mungu. Nyinyi hamna Mungu ila Yeye. Yeye ndiye aliye kuumbeni katika ardhi, na akakuwekeni humo. Basi mwombeni msamaha, kisha mtubu kwake. Hakika Mola wangu Mlezi yupo karibu, anaitikia maombi."/>
		<aya index="62" text="Wakasema: Ewe Saleh! Hakika kabla ya haya ulikuwa unatarajiwa kheri kwetu. Je, unatukataza tusiwaabudu waliyo kuwa wakiwaabudu baba zetu? Na hakika sisi tuna shaka na wasiwasi kwa hayo unayo tuitia."/>
		<aya index="63" text="Akasema: Enyi watu wangu! Mwaonaje ikiwa ninazo dalili zilizo wazi kutokana na Mola wangu Mlezi, naye akawa kanipa rehema kutoka kwake - je, ni nani atakaye ninusuru kwa Mwenyezi Mungu nikimuasi? Basi nyinyi hamtanizidishia ila khasara tu."/>
		<aya index="64" text="Enyi watu wangu! Huyu ngamia wa Mwenyezi Mungu ni Ishara kwenu. Basi mwacheni ale katika ardhi ya Mwenyezi Mungu; wala msimguse kwa ubaya, isije ikakuangamizeni adhabu iliyo karibu."/>
		<aya index="65" text="Wakamchinja. Basi (Saleh) akasema: Stareheni katika mji wenu muda wa siku tatu. Hiyo ni ahadi isiyo kuwa ya uwongo."/>
		<aya index="66" text="Basi ilipo kuja amri yetu tulimwokoa Saleh na wale walio amini pamoja naye kwa rehema yetu kutokana na hizaya ya siku ile. Hakika Mola wako Mlezi ndiye Mwenye nguvu Mwenye kushinda."/>
		<aya index="67" text="Na ukelele uliwaangamiza wale walio dhulumu, wakapambazukiwa nao ni maiti majumbani mwao."/>
		<aya index="68" text="Kama kwamba hawakuwako huko. Hebu zingatieni! Hakika kina Thamud walimkufuru Mola wao Mlezi. Hebu zingatieni! Thamud wamepotelea mbali!"/>
		<aya index="69" text="Na wajumbe wetu walimjia Ibrahim kwa bishara njema, wakasema: Salama! Naye akasema: Salama! Hakukaa ila mara akaleta ndama wa kuchoma."/>
		<aya index="70" text="Basi alipoona mikono yao haimfikilii aliwatilia shaka, na akawaogopa. Wakasema: Usiogope! Hakika sisi tumetumwa kwa kaumu ya Lut'."/>
		<aya index="71" text="Na mkewe alikuwa kasimama wima, akacheka. Basi tukambashiria (kuzaliwa) Is-haq, na baada ya Is-haq Yaaqub."/>
		<aya index="72" text="Akasema: Je, hivyo mimi nizae, na hali yangu ni kikongwe na huyu mume wangu ni kizee? Hakika haya ni mambo ya ajabu!"/>
		<aya index="73" text="Wakasema: Je, unastaajabia amri ya Mwenyezi Mungu? Rehema ya Mwenyezi Mungu na baraka zake ziko juu yenu, enyi watu wa nyumba hii! Hakika Yeye ndiye Msifiwa wa kutukuzwa."/>
		<aya index="74" text="Basi khofu ilipo mwondoka Ibrahim, na ikawa ile bishara imemfikia, alianza kujadiliana nasi juu ya kaumu ya Lut'."/>
		<aya index="75" text="Hakika Ibrahim alikuwa mpole, ana huruma, na mwepesi wa kurejea kwa Mwenyezi Mungu."/>
		<aya index="76" text="(Akaambiwa): Ewe Ibrahim! Wachilia mbali haya! Kwa hakika amri ya Mola wako Mlezi imekwisha kuja, na hakika hao itawafikia adhabu isiyo rudi nyuma."/>
		<aya index="77" text="Na wajumbe wetu walipo kuja kwa Lut' aliwahuzunukia na akawaonea dhiki. Akasema: Hii leo ni siku ngumu!"/>
		<aya index="78" text="Wakamjia kaumu yake mbio mbio. Na kabla ya haya walikuwa wakitenda maovu. Yeye akasema: Enyi watu wangu! Hawa binti zangu, ndio wametakasika zaidi kwenu. Basi mcheni Mwenyezi Mungu, wala msinihizi mbele ya wageni wangu. Hivyo, hamna hata mtu mmoja miongoni mwenu aliye ongoka?"/>
		<aya index="79" text="Wakasema: Bila shaka umekwisha jua hatuna haki juu ya binti zako, na unayajua tunayo yataka."/>
		<aya index="80" text="Akasema: Laiti ningeli kuwa na nguvu kwenu, au nategemea kwenye nguzo yenye nguvu!"/>
		<aya index="81" text="(Wajumbe) wakasema: Ewe Lut'! Sisi ni wajumbe wa Mola wako Mlezi. Hawa hawatakufikia. Na wewe ondoka pamoja na ahali zako usiku ungalipo. Wala yeyote miongoni mwenu asitazame nyuma, isipo kuwa mkeo, kwani yeye utamfika msiba utakao wafika hao. Hakika miadi yao ni asubuhi. Je, asubuhi si karibu?"/>
		<aya index="82" text="Basi ilipo fika amri yetu tuliigeuza nchi juu chini, na tukawateremshia mvua ya changarawe za udongo mgumu ulio kamatana wa Motoni,"/>
		<aya index="83" text="Zilizo tiwa alama kwa Mola wako Mlezi. Na haya hayako mbali na wenye kudhulumu wengineo."/>
		<aya index="84" text="Na kwa watu wa Madyana tuliwatumia ndugu yao Shua'ib. Akasema: Enyi watu wangu! Muabuduni Mwenyezi Mungu. Nyinyi hamna Mungu ila Yeye, wala msipunguze vipimo na mizani. Mimi nakuoneni mmo katika hali njema, nami nakukhofieni adhabu ya Siku kubwa hiyo itakayo kuzungukeni."/>
		<aya index="85" text="Na enyi watu wangu! Timizeni vipimo na mizani kwa uadilifu wala msiwakhini watu vitu vyao; wala msieneze uovu katika nchi mkafanya uharibifu."/>
		<aya index="86" text="Alivyo kubakishieni Mwenyezi Mungu ndiyo bora kwa ajili yenu, ikiwa nyinyi ni Waumini. Wala mimi siye mlinzi wenu."/>
		<aya index="87" text="Wakasema: Ewe Shua'ibu! Ni sala zako ndizo zinazo kuamrisha tuyaache waliyo kuwa wakiyaabudu baba zetu, au tuache kufanya tupendavyo katika mali zetu? Ama hakika wewe ni mstahamilivu kweli na mwongofu!"/>
		<aya index="88" text="Akasema: Enyi watu wangu! Mwaonaje ikiwa ninayo dalili wazi inayo tokana na Mola wangu Mlezi, na ikawa Yeye ameniruzuku riziki njema kutoka kwake? Wala mimi sipendi kukukhalifuni nikafanya yale ninayo kukatazeni. Sitaki ila kutengeneza kiasi ninavyo weza. Na sipati kuwezeshwa haya ila na Mwenyezi Mungu. Kwake Yeye ninategemea, na kwake Yeye naelekea."/>
		<aya index="89" text="Na enyi watu wangu! Kukhalifiana nami kusikupelekeeni hata mkasibiwa kama walivyo sibiwa watu wa Nuhu, au watu wa Hud, au watu wa Saleh. Na watu wa Lut' si mbali nanyi."/>
		<aya index="90" text="Na ombeni msamaha kwa Mola wenu Mlezi, tena tubuni kwake. Hakika Mola wangu Mlezi ni Mwenye kurehemu na Mwenye upendo."/>
		<aya index="91" text="Wakasema: Ewe Shua'ibu! Mengi katika hayo unayo yasema hatuyafahamu. Na sisi tunakuona huna nguvu kwetu. Lau kuwa si jamaa zako tunge kupiga mawe, wala wewe si mtukufu kwetu."/>
		<aya index="92" text="Akasema: Enyi watu wangu! Kwani jamaa zangu ni watukufu zaidi kwenu kuliko Mwenyezi Mungu? Na Yeye mmemueka nyuma ya migongo yenu! Hakika Mola wangu Mlezi ni Mwenye kuyazunguka yote mnayo yatenda."/>
		<aya index="93" text="Na enyi watu wangu! Fanyeni mwezayo, na mimi pia ninafanya. Karibuni mtajua ni nani itakaye mfikia adhabu ya kumhizi, na nani aliye mwongo. Na ngojeni, mimi pia ninangoja pamoja nanyi."/>
		<aya index="94" text="Na ilipo fika amri yetu, tulimwokoa Shua'ibu na wale walio amini pamoja naye kwa rehema yetu. Na ukelele uliwanyakua walio dhulumu, na wakapambaukiwa majumbani mwao wamekufa kifudifudi!"/>
		<aya index="95" text="Kama kwamba hawakuwamo humo. Zingatia walivyo angamia watu wa Madyana, kama walivyo angamia watu wa Thamud!"/>
		<aya index="96" text="Na hakika tulimtuma Musa pamoja na Ishara zetu na uthibitisho ulio wazi"/>
		<aya index="97" text="Kwa Firauni na waheshimiwa wake. Lakini wao walifuata amri ya Firauni, na amri ya Firauni haikuwa yenye uwongofu."/>
		<aya index="98" text="Siku ya Kiyama atawatangulia watu wake na atawaingiza Motoni. Na muingio muovu ulioje huo!"/>
		<aya index="99" text="Nao wamefuatishiwa laana hapa duniani na Siku ya Kiyama. Ni mabaya yalioje watakayo pewa!"/>
		<aya index="100" text="Hizi ni katika khabari za miji, tunakusimulia. Mingine ipo bado na mingine imefyekwa."/>
		<aya index="101" text="Na Sisi hatukuwadhulumu, lakini wao wenyewe wamejidhulumu. Na miungu yao waliyo kuwa wakiiomba badala ya Mwenyezi Mungu haikuwafaa kitu ilipo kuja amri ya Mola wako Mlezi. Na hiyo miungu haikuwazidishia ila maangamizo tu."/>
		<aya index="102" text="Na ndio kama hivyo ndivyo inavyo kuwa Mola wako Mlezi anapo ikamata miji inapo kuwa imedhulumu. Hakika mkamato wake ni mchungu na mkali."/>
		<aya index="103" text="Hakika katika haya ipo ishara kwa yule anaye ogopa adhabu ya Akhera. Hiyo ndiyo Siku itakayo kusanyiwa watu, na hiyo ndiyo Siku itakayo shuhudiwa."/>
		<aya index="104" text="Na Sisi hatuiakhirishi ila kwa muda unao hisabiwa."/>
		<aya index="105" text="Siku hiyo itakapo fika, hatosema hata mtu mmoja ila kwa idhini yake Mwenyezi Mungu. Kati yao watakuwamo waliomo mashakani na wenye furaha."/>
		<aya index="106" text="Ama wale wa mashakani hao watakuwamo Motoni wakiyayayatika na kukoroma."/>
		<aya index="107" text="Watadumu humo muda wa kudumu mbingu na ardhi, isipo kuwa apendavyo Mola wako Mlezi. Hakika Mola wako Mlezi hutenda apendavyo."/>
		<aya index="108" text="Na ama wale walio bahatika, wao watakuwamo Peponi wakidumu humo muda wa kudumu mbingu na ardhi, isipo kuwa apendavyo Mola wako Mlezi. Hicho ni kipawa kisio na ukomo."/>
		<aya index="109" text="Basi usiwe na shaka juu ya wanayo yaabudu hao. Hawaabudu ila kama walivyo abudu baba zao zamani. Na hakika Sisi tutawatimilizia fungu lao bila ya kupunguzwa."/>
		<aya index="110" text="Na kwa yakini tulimpa Musa Kitabu; zikazuka khitilafu ndani yake. Na lau kuwa si neno lilio kwisha tangulia kutoka kwa Mola wako Mlezi, bila ya shaka ingeli hukumiwa baina yao. Na hakika wao wamo katika shaka juu yake inayo wahangaisha."/>
		<aya index="111" text="Na hakika Mola wako Mlezi atawatimilizia malipo ya vitendo vyao. Hakika Yeye anayo khabari ya wayatendayo."/>
		<aya index="112" text="Basi, simama sawa sawa kama ulivyo amrishwa, wewe na wale wanao elekea kwa Mwenyezi Mungu pamoja nawe; wala msikiuke mipaka. Hakika Yeye anayaona yote myatendayo."/>
		<aya index="113" text="Wala msiwategemee wanao dhulumu, usije ukakuguseni Moto. Wala nyinyi hamna walinzi badala ya Mwenyezi Mungu, wala tena hamtasaidiwa."/>
		<aya index="114" text="Na shika Sala katika ncha mbili za mchana na nyakati za usiku zilizo karibu na mchana. Hakika mema huondoa maovu. Huu ni ukumbusho kwa wanao kumbuka."/>
		<aya index="115" text="Na subiri, kwani Mwenyezi Mungu hapotezi ujira wa wanao fanya wema."/>
		<aya index="116" text="Basi mbona hawakuwamo katika watu wa kabla yenu wenye vyeo na wasaa wanao kataza uharibifu katika nchi, isipo kuwa wachache tu, ambao ndio tulio waokoa? Na walio dhulumu walifuata starehe zao, na wakawa ni wakosefu."/>
		<aya index="117" text="Wala hakuwa Mola wako Mlezi wa kuihiliki miji kwa dhulma tu na hali watu wake ni watenda mema."/>
		<aya index="118" text="Na Mola wako Mlezi angeli penda ange wafanya watu wote wakawa umma mmoja. Lakini hawaachi kukhitalifiana,"/>
		<aya index="119" text="Isipo kuwa wale ambao Mola wako Mlezi amewarehemu; na kwa hiyo ndio Mwenyezi Mungu amewaumba. Na litatimia neno la Mola wako Mlezi: Kweli kweli nitaijaza Jahannam kwa majini na watu pamoja."/>
		<aya index="120" text="Na yote tunayo kusimulia katika khabari za Mitume ni ya kukupa nguvu moyo wako. Na katika haya imekujia haki na mawaidha na ukumbusho kwa Waumini."/>
		<aya index="121" text="Na waambie wale wasio amini: Fanyeni muwezavyo, nasi pia tunafanya."/>
		<aya index="122" text="Na ngojeni, na sisi tunangoja."/>
		<aya index="123" text="Na ni vya Mwenyezi Mungu tu vyote vilivyo fichikana katika ardhi na mbingu, na mambo yote yatarejezwa kwake. Basi muabudu Yeye na umtegemee Yeye. Na Mola wako Mlezi haghafiliki na yale mnayo yatenda."/>
	</sura>
	<sura index="12" name="">
		<aya index="1" text="Alif Lam Raa. Hizi ni Aya za Kitabu kinacho bainisha."/>
		<aya index="2" text="Hakika Sisi tumeiteremsha Qur'ani kwa Kiarabu ili mpate kuzingatia."/>
		<aya index="3" text="Sisi tunasimulia simulizi nzuri kwa kukufunulia Qur'ani hii. Na ijapo kuwa kabla ya haya ulikuwa miongoni mwa wasio jua."/>
		<aya index="4" text="Yusuf alipo mwambia baba yake: Ewe babaangu! Hakika mimi nimeota nyota kumi na moja, na jua, na mwezi. Nimeota zikinisujudia."/>
		<aya index="5" text="(Baba) akasema: Ewe mwanangu! Usiwasimulie nduguzo ndoto yako, wasije wakakufanyia vitimbi. Hakika Shet'ani ni adui aliye dhaahiri kwa mwanaadamu."/>
		<aya index="6" text="Na kadhaalika Mola wako Mlezi atakuteuwa na atakufundisha tafsiri ya mambo. Na atatimiza neema zake juu yako na juu ya ukoo wa Yaa'qub, kama alivyo watimizia hapo zamani baba zako Ibrahim na Is-haq. Hakika Mola wako Mlezi ni Mjuzi Mwenye hikima."/>
		<aya index="7" text="Kwa yakini katika Yusuf na nduguze ziko ishara kwa wanao uliza."/>
		<aya index="8" text="Pale walipo sema: Hakika Yusuf na nduguye wanapendwa zaidi na baba yetu kuliko sisi, hali sisi ni kikundi chenye nguvu. Hakika baba yetu yumo katika upotofu wa dhaahiri."/>
		<aya index="9" text="Muuweni Yusuf, au mtupeni nchi mbali ili uso wa baba yenu ukuelekeeni nyinyi. Na baada ya haya mtakuwa watu wema."/>
		<aya index="10" text="Akasema msemaji kati yao: Msimuuwe Yusuf. Lakini mtumbukizeni ndani ya kisima. Wasafiri watakuja mwokota; kama nyinyi mna sharti ya kufanya jambo."/>
		<aya index="11" text="Wakasema: Ewe baba yetu! Una nini hata hutuamini kwa Yusuf? Na hakika sisi ni wenye kumtakia kheri!"/>
		<aya index="12" text="Mpeleke kesho pamoja nasi, ale kwa furaha na acheze; na bila ya shaka sisi tutamhifadhi."/>
		<aya index="13" text="Akasem: Kwa hakika inanihuzunisha kwamba nyinyi mwende naye, na ninaogopa asije mbwa mwitu akamla nanyi mmeghafilika naye."/>
		<aya index="14" text="Wakasema: Ikiwa mbwa mwitu atamla na hali sisi ni kundi lenye nguvu kabisa, basi bila ya shaka sisi tutakuwa khasarani."/>
		<aya index="15" text="Basi walipo mchukua na wakakubaliana wamtumbukize ndani ya kisima, tulimfunulia Yusuf: Hapana shaka yoyote utakuja waambia kwa jambo lao hili, na wala wao hawatambui."/>
		<aya index="16" text="Wakaja kwa baba yao usiku wakilia."/>
		<aya index="17" text="Wakasema: Ewe baba yetu! Hakika tulikwenda kushindana na tukamwacha Yusuf penye vitu vyetu. Basi mbwa mwitu akamla. Lakini wewe hutuamini ijapo kuwa tunasema kweli."/>
		<aya index="18" text="Wakaja na kanzu yake ina damu ya uwongo. Akasema: Bali nafsi zenu zimekushawishini kutenda kitendo. Lakini subira ni njema; na Mwenyezi Mungu ndiye wa kuombwa msaada kwa haya mnayo yaeleza."/>
		<aya index="19" text="Ukafika msafara, wakamtuma mchota maji wao, naye akatumbukiza ndoo yake. Alisema: Kheri Inshallah! Huyu hapa mvulana! Wakamficha ili kumfanya ni bidhaa. Na Mwenyezi Mungu ni Mjuzi wa wanayo yatenda."/>
		<aya index="20" text="Na wakamuuza kwa thamani duni, kwa akali ya pesa. Wala hawakuwa na haja naye."/>
		<aya index="21" text="Na yule aliye mnunua huko Misri alimwambia mkewe: Mtengenezee makaazi ya hishima huyu; huenda akatufaa au tukamfanya mwenetu. Na kama hivyo tulimweka Yusuf katika nchi ili tumfundishe kufasiri mambo. Na Mwenyezi Mungu ndiye Mwenye kushinda katika jambo lake, lakini watu wengi hawajui."/>
		<aya index="22" text="Na alipo fikilia utu uzima tulimpa hukumu na ilimu. Na kama hivi tunawalipa wanao tenda mema."/>
		<aya index="23" text="Na yule bibi wa nyumba aliyo kuwamo Yusuf alimtamani kinyume cha nafsi yake, na akafunga milango. Akamwambia: Njoo! Yusuf akasema: Audhubillahi! Najikinga na Mwenyezi Mungu. Huyu bwana wangu kaniweka maskani nzuri, na hakika wenye kudhulumu hawatengenekewi."/>
		<aya index="24" text="Na hakika yule mwanamke alimtamani, na Yusuf angeli mtamani lau kuwa hakuona ishara ya Mola wake Mlezi. Hayo hivyo ni kwa ajili tumuepushe na uovu na uchafu. Hakika yeye alikuwa katika waja wetu walio safishwa."/>
		<aya index="25" text="Na wote wawili wakakimbilia mlangoni, na mwanamke akairarua kanzu yake Yusuf kwa nyuma. Na wakamkuta bwana wake mlangoni. Mwanamke akasema: Hapana malipo ya mwenye kutaka kumfanyia maovu mkeo isipo kuwa kufungwa au kupewa adhabu chungu."/>
		<aya index="26" text="Yusuf akasema: Yeye ndiye aliye nitaka bila ya mimi kumtaka. Na shahidi aliye kuwa katika jamaa za mwanamke alisema: Ikiwa kanzu yake imechanwa mbele basi mwanamke amesema kweli, naye Yusuf ni katika waongo."/>
		<aya index="27" text="Na ikiwa kanzu yake imechanwa nyuma, basi mwanamke amesema uwongo, naye Yusuf ni katika wakweli."/>
		<aya index="28" text="Basi yule bwana alipoona kanzu yake imechanwa kwa nyuma, alisema: Hakika haya ni katika vitimbi vyenu wanawake. Bila ya shaka vitimbi vyenu ni vikuu."/>
		<aya index="29" text="Yusuf! Wachilia mbali haya. Na wewe, mwanamke, omba msamaha kwa dhambi zako. Kwa hakika wewe ni katika walio fanya makosa."/>
		<aya index="30" text="Na wanawake wa mjini wakawa wanasema: Mke wa Mheshimiwa anamtamani mtumishi wake! Hakika amesalitika kwa mapenzi. Sisi hakika tunamwona yumo katika upotovu ulio dhaahiri."/>
		<aya index="31" text="Alipo sikia yule bibi masengenyo yao aliwaita, na akawawekea matakia ya kuegemea, na akampa kila mmoja wao kisu. Akamwambia Yusuf: Tokeza mbele yao. Basi walipo mwona waliona ni kitu kikubwa kabisa, na wakajikata mikono yao. Wakasema: Hasha Lillahi! Huyu si mwanaadamu. Hakuwa huyu ila ni Malaika mtukufu."/>
		<aya index="32" text="Yule bibi aksema: Huyu basi ndiye huyo mliye nilaumia! Na kweli mimi nilimtaka naye akakataa. Na akitofanya ninayo muamrisha basi hapana shaka atafungwa gerezani, na atakuwa miongoni mwa walio chini kabisa."/>
		<aya index="33" text="Yusuf akasema: Ee Mola Mlezi wangu! Nastahabu kifungo kuliko haya anayo niitia. Na usipo niondoshea vitimbi vya wanawake mimi nitamili kwao, na nitakuwa katika wajinga."/>
		<aya index="34" text="Basi Mola wake Mlezi akamwitikia, na akamwondoshea vitimbi vyao. Hakika Yeye ni Msikizi Mjuzi."/>
		<aya index="35" text="Basi ikawadhihirikia baada ya kuona Ishara kuwa wamfunge kwa muda."/>
		<aya index="36" text="Wakaingia gerezani pamoja naye vijana wawili. Mmoja wao akasema: Hakika mimi nimeota nakamua mvinyo. Na mwingine akasema: Mimi nimeota nimebeba mikate juu ya kichwa changu, na ndege wanaila. Hebu tuambie tafsiri yake, kwani sisi tunakuona wewe ni katika watu wema."/>
		<aya index="37" text="Akasema: Hakitakufikilieni chakula mtakacho pewa ila nitakwambieni hakika yake kabla hakijakufikieni. Haya ni katika yale aliyo nifundisha Mola wangu Mlezi. Hakika mimi nimeacha mila ya watu wasio muamini Mwenyezi Mungu, na wakawa hawaiamini Akhera."/>
		<aya index="38" text="Na nimefuata mila ya baba zangu, Ibrahim, na Is-haq, na Yaa'qub. Hatuna haki ya kumshirikisha Mwenyezi Mungu na chochote. Hiyo ni katika fadhila ya Mwenyezi Mungu juu yetu na juu ya watu; lakini watu wengi hawashukuru."/>
		<aya index="39" text="Enyi wafungwa wenzangu wawili! Je, mabwana wengi wanao farikiana wao kwa wao ni bora au Mwenyezi Mungu Mmoja Mwenye nguvu?"/>
		<aya index="40" text="Hamuabudu badala yake ila majina tu mliyo yapanga nyinyi na baba zenu. Mwenyezi Mungu hakuyateremshia hayo uthibitisho wowote. Hapana hukumu ila ya Mwenyezi Mungu tu. Yeye ameamrisha msimuabudu yeyote isipo kuwa Yeye tu. Hiyo ndiyo Dini Iliyo Nyooka. Lakini watu wengi hawajui."/>
		<aya index="41" text="Enyi wafungwa wenzangu wawili! Ama mmoja wenu atamnywesha bwana wake mvinyo. Na ama mwengine atasulubiwa, na ndege watamla kichwa chake. Imekwisha katwa hukumu ya hilo jambo mlilo kuwa mkiuliza."/>
		<aya index="42" text="Na akamwambia yule aliye jua kuwa atavuka katika wale wawili: Nikumbuke kwa bwana wako. Lakini Shet'ani alimsahaulisha kumtaja kwa bwana wake. Basi Yusuf akakaa gerezani miaka kadhaa."/>
		<aya index="43" text="Na siku moja mfalme alisema: Hakika mimi nimeota ng'ombe saba wanene wanaliwa na ng'ombe saba walio konda. Na mashuke saba mabichi na mengine makavu. Enyi waheshimiwa! Nambieni maana ya ndoto zangu, ikiwa nyinyi mnaweza kuagua ndoto."/>
		<aya index="44" text="Wakasema: Hizi ni ndoto zilizo paraganyika, wala sisi sio wenye kujua tafsiri ya ndoto hizi."/>
		<aya index="45" text="Hapo akasema yule aliye okoka katika wale wawili akakumbuka baada ya muda: Mimi nitakwambieni tafsiri yake. Basi nitumeni."/>
		<aya index="46" text="Yusuf! Ewe mkweli! Tueleze nini maana ya ng'ombe saba wanene kuliwa na ng'ombe saba walio konda. Na mashuke saba mabichi na mengine makavu, ili nirejee kwa watu wapate kujua."/>
		<aya index="47" text="Akasema: Mtalima miaka saba kwa juhudi. Mtacho vuna kiwacheni katika mashuke yake, isipo kuwa kidogo mtacho kula."/>
		<aya index="48" text="Kisha itakuja baadaye miaka saba ya shida itakayo kula kile mlicho iwekea isipo kuwa kidogo mtacho kihifadhi."/>
		<aya index="49" text="Kisha baada ya haya utakuja mwaka ambao katika mwaka huo watu watasaidiwa, na watakamua."/>
		<aya index="50" text="Na mfalme akasema: Mleteni kwangu! Basi mjumbe alipo mjia Yusuf alisema: Rejea kwa bwana wako ukamuulize khabari ya wale wanawake walio jikata mikono yao. Hakika Mola wangu Mlezi anazijua vyema hila zao."/>
		<aya index="51" text="Mfalme alisema: Mlikuwa mna nini mlipo mtaka Yusuf kinyume na nafsi yake? Wakasema: Hasha Lillahi! Sisi hatukujua ubaya wowote kwake. Mke wa Mheshimiwa akasema: Sasa haki imedhihiri. Mimi ndiye niliye mtaka kinyume na nafsi yake, na hakika yeye ni katika wakweli."/>
		<aya index="52" text="Hayo ni apate kujua ya kwamba mimi sikumfanyia khiyana nyuma yake; na ya kwamba Mwenyezi Mungu haziongoi hila za makhaini."/>
		<aya index="53" text="NAMI sijitoi lawamani. Kwa hakika nafsi ni mno kuamrisha maovu, isipo kuwa ile ambayo Mola wangu Mlezi aliyo irehemu. Hakika Mola wangu Mlezi ni Msamehevu na Mwenye kurehemu."/>
		<aya index="54" text="Basi mfalme akasema: Mleteni kwangu, awe wangu mwenyewe khasa. Basi alipo msemeza alinena: Hakika wewe leo umekwisha tamakani kwetu na umeaminika."/>
		<aya index="55" text="Yusuf akasema: Nifanye mshika khazina za nchi. Kwani hakika mimi ni mlinzi mjuzi."/>
		<aya index="56" text="Basi namna hivi tukampa Yusuf cheo katika nchi; anakaa humo popote anapo penda. Tunamfikishia rehema zetu tumtakaye, wala hatupuuzi malipo ya wafanyao mema."/>
		<aya index="57" text="Na hakika malipo ya Akhera ni bora zaidi, kwa walio amini na wakawa wachamngu."/>
		<aya index="58" text="Wakaja ndugu zake Yusuf, na wakaingia kwake. Yeye akawajua na wao hawakumjua."/>
		<aya index="59" text="Na alipo watengenezea tayari haja yao alisema: Nileteeni ndugu yenu kwa baba. Je! Hamwoni ya kwamba mimi ninatimiza kipimo, nami ni mbora wa kukirimu?"/>
		<aya index="60" text="Na msipo niletea basi hampati kipimo chochote kwangu, wala msinikurubie."/>
		<aya index="61" text="Wakasema: Sisi tutamrairai baba yake; na bila ya shaka tutafanya hayo."/>
		<aya index="62" text="Na Yusuf akawaambia watumishi wake: Tieni bidhaa zao katika mizigo yao, ili wazione watakapo rudi kwa watu wao wapate kurejea tena."/>
		<aya index="63" text="Basi walipo rejea kwa baba yao, walisema: Ewe baba yetu! Tumenyimwa chakula zaidi, basi mpeleke nasi ndugu yetu ili tupate kupimiwa; na yakini sisi tutamlinda."/>
		<aya index="64" text="Je, nikuaminini kwa huyu ila kama nilivyo kuaminini kwa nduguye zamani? Lakini Mwenyezi Mungu ndiye Mbora wa kulinda, naye ndiye Mbora wa kurehemu kuliko wenye kurehemu wote."/>
		<aya index="65" text="Na walipo fungua mizigo yao wakakuta bidhaa zao wamerudishiwa. Wakasema: Ewe baba yetu! Tutake nini zaidi? Hizi bidhaa zetu tumerudishiwa. Wacha tuwaletee watu wetu chakula, na tutamlinda ndugu yetu, na tutaongeza shehena ya ngamia. Na hicho ni kipimo kidogo."/>
		<aya index="66" text="Akasema: Sitampeleka nanyi mpaka mnipe ahadi kwa Mwenyezi Mungu kwamba lazima mtamrejeza kwangu, ila ikiwa mmezungukwa. Basi walipo mpa ahadi yao alisema: Mwenyezi Mungu ndiye Mtegemewa kwa tuyasemayo."/>
		<aya index="67" text="Na akasema: Enyi wanangu! Msiingie mlango mmoja, bali ingieni kwa milango mbali mbali. Wala mimi sikufaeni kitu mbele ya Mwenyezi Mungu. Hukumu haiko ila kwa Mwenyezi Mungu tu. Juu yake Yeye mimi nimetegemea, na juu yake Yeye wategemee wanao tegemea."/>
		<aya index="68" text="Na walipo ingia kama alivyo waamrisha baba yao, haikuwafaa kitu kwa Mwenyezi Mungu, isipo kuwa ni haja tu iliyo kuwa katika nafsi ya Yaa'qub aliitimiza. Na hakika yeye alikuwa na ilimu kwa sababu tulimfundisha; lakini watu wengi hawajui."/>
		<aya index="69" text="Na walipo ingia kwa Yusuf alimchukua nduguye akasema: Mimi hakika ni nduguyo. Basi usihuzunike kwa waliyo kuwa wakiyafanya."/>
		<aya index="70" text="Na alipo kwisha watengenezea mahitaji yao akakitia kikopo cha kunywea maji katika mzigo wa nduguye huyo, kisha mnadi akanadi: Enyi wasafiri! Hapana shaka nyinyi ni wezi!"/>
		<aya index="71" text="Wakasema nao wamewakabili: Kwani mmepoteza nini?"/>
		<aya index="72" text="Wakasema: Tumepoteza kopo la mfalme. Na ataye lileta atapewa shehena nzima ya ngamia. Nami ni dhaamini wa hayo."/>
		<aya index="73" text="Wakasema: Wallahi! Mnajua vyema kwamba sisi hatukuja kufanya uharibifu katika nchi hii, wala sisi si wezi."/>
		<aya index="74" text="Wakasema: Basi malipo yake yatakuwa nini ikiwa nyinyi ni waongo?"/>
		<aya index="75" text="Wakasema: Malipo yake ni yule ambaye ataonekana nalo yeye huyo ndiye malipo yake. Hivi ndivyo tunavyo walipa madhaalimu."/>
		<aya index="76" text="Basi akaanza kwenye mizigo yao kabla ya mzigo wa nduguye. Kisha akakitoa katika mzigo wa nduguye. Hivi ndivyo tulivyo mpangia Yusuf. Hakuweza kumzuia nduguye kwa sharia ya mfalme isipo kuwa alivyo taka Mwenyezi Mungu. Tunawatukuza kwenye vyeo tuwatakao; na juu ya kila ajuaye yupo ajuaye zaidi."/>
		<aya index="77" text="Wakasema: Ikiwa huyu ameiba, basi nduguye vile vile aliiba zamani. Lakini Yusuf aliyaweka siri moyoni mwake wala hakuwaonyesha. Akawaambia: Nyinyi mko katika hali mbaya zaidi, na Mwenyezi Mungu anajua zaidi hayo mnayo singizia."/>
		<aya index="78" text="Wakasema: Ewe Mheshimiwa! Huyu anaye baba mzee sana. Kwa hivyo mchukue mmoja wetu badala yake. Hakika sisi tunakuona wewe ni katika watu wema."/>
		<aya index="79" text="Akasema: Mwenyezi Mungu apishe mbali kumshika yeyote yule isipo kuwa tuliye mkuta naye kitu chetu. Hivyo basi tutakuwa wenye kudhulumu."/>
		<aya index="80" text="Walipo kata tamaa naye wakenda kando kunong'ona. Mkubwa wao akasema: Je! Hamjui ya kwamba baba yenu amechukua ahadi kwenu kutokana na Mwenyezi Mungu, na kabla ya hapo mlimkosa katika agano lenu juu ya Yusuf? Basi mimi sitotoka nchi hii mpaka baba yangu anipe ruhusa au Mwenyezi Mungu anihukumie. Na Yeye ndiye Mbora wa mahakimu."/>
		<aya index="81" text="Rudini kwa baba yenu, na mwambieni: Ee baba yetu! Mwanao ameiba. Na sisi hatutoi ushahidi ila kwa tunayo yajua. Wala sisi hatukuwa wenye kuhifadhi mambo ya ghaibu."/>
		<aya index="82" text="Na waulize watu wa mji tulio kuwako, na msafara tulio kuja nao. Na hakika sisi tunasema kweli."/>
		<aya index="83" text="Akasema: Bali nafsi zenu zimekushawishini kwenye jambo fulani. Subira ni njema! Asaa Mwenyezi Mungu akaniletea wote pamoja. Hakika Yeye ni Mjuzi Mwenye hikima."/>
		<aya index="84" text="Naye akajitenga nao, na akasema: Ah! Masikini Yusuf! Na macho yake yakawa meupe kwa huzuni aliyo kuwa akiizuia."/>
		<aya index="85" text="Wakasema: Wallahi! Huachi kumkumbuka Yusuf mpaka uwe mgonjwa au uwe katika walio hiliki."/>
		<aya index="86" text="Akasema: Hakika mimi namshitakia Mwenyezi Mungu sikitiko langu na huzuni yangu. Na ninajua kwa Mwenyezi Mungu msiyo yajua nyinyi."/>
		<aya index="87" text="Enyi wanangu! Nendeni mkamtafute Yusuf na nduguye, wala msikate tamaa na faraji ya Mwenyezi Mungu. Hakika hawakati tamaa na faraji ya Mwenyezi Mungu isipo kuwa watu makafiri."/>
		<aya index="88" text="Basi walipo ingia kwa Yusuf walisema: Ewe Mheshimiwa! Imetupata shida, sisi na watu wetu. Na tumeleta mali kidogo. Basi tupimie kipimo na fanya kama unatupa sadaka. Hakika Mwenyezi Mungu huwalipa watoao sadaka."/>
		<aya index="89" text="Akasema: Je! Mmejua mliyo mfanyia Yusuf na nduguye mlipo kuwa wajinga?"/>
		<aya index="90" text="Wakasema: Kumbe wewe ndiye Yusuf? Akasema: Mimi ndiye Yusuf, na huyu ni ndugu yangu. Mwenyezi Mungu ametufanyia hisani. Hakika anaye mcha Mungu na akasubiri, basi Mwenyezi Mungu haachi ukapotea ujira wa wafanyao mema."/>
		<aya index="91" text="Wakasema: Wallahi! Mwenyezi Mungu amekufadhilisha wewe kuliko sisi, na hakika sisi tulikuwa wenye kukosa."/>
		<aya index="92" text="Akasema: Leo hapana lawama juu yenu. Mwenyezi Mungu atakusameheni, naye ni Mwingi wa kurehemu kuliko wote wanao rehemu."/>
		<aya index="93" text="Nendeni na kanzu yangu hii na mumwekee usoni baba yangu, atakuwa mwenye kuona. Na mje nao watu wenu wote wa nyumbani."/>
		<aya index="94" text="Na ulipo ondoka tu msafara baba yao alisema: Hakika mimi nasikia harufu ya Yusuf, lau kuwa hamtanituhumu."/>
		<aya index="95" text="Wakasema: Wallahi! Hakika bado ungali katika upotovu wako wa zamani."/>
		<aya index="96" text="Basi alipo fika mbashiri na akaiweka kanzu usoni pake alirejea kuona. Akasema: Je! Sikukwambieni kuwa mimi najua ya Mwenyezi Mungu msiyo yajua nyinyi?"/>
		<aya index="97" text="Wakasema: Ee baba yetu! Tuombee msamaha kwa dhambi zetu. Hapana shaka sisi tulikuwa na makosa."/>
		<aya index="98" text="Akasema: Nitakuja kuombeeni msamaha kwa Mola wangu Mlezi. Hakika Yeye ndiye Mwenye maghfira na Mwenye kusamehe."/>
		<aya index="99" text="Na walipo ingia kwa Yusuf aliwakumbatia wazazi wake na akasema: Ingieni Misri, Inshallah, mmo katika amani."/>
		<aya index="100" text="Na akawapandisha wazazi wake kwenye kiti cha enzi. Na wote wakaporomoka kumsujudia. Na akasema: Ewe baba yangu! Hii ndiyo tafsiri ya ile ndoto yangu ya zamani. Na Mwenyezi Mungu ameijaalia iwe kweli. Na Mwenyezi Mungu amenifanyia wema kunitoa gerezani, na kukuleteni kutoka jangwani baada ya Shet'ani kuchochea baina yangu na ndugu zangu. Hakika Mola wangu Mlezi ni Mpole kwa alitakalo. Bila ya shaka Yeye ni Mjuzi Mwenye hikima."/>
		<aya index="101" text="Ewe Mola wangu Mlezi! Hakika umenipa utawala, na umenifunza tafsiri ya mambo. Ewe Muumba wa mbingu na ardhi! Wewe ndiye Mlinzi wangu katika dunia na Akhera. Nifishe hali ya kuwa ni Muislamu na nichanganyishe na watendao mema."/>
		<aya index="102" text="Hizi ni katika khabari za ghaibu tulizo kufunulia. Na hukuwa pamoja nao walipo azimia shauri yao, walipo fanya njama zao wakizua vitimbi."/>
		<aya index="103" text="Na wengi wa watu si wenye kuamini hata ukijitahidi vipi.."/>
		<aya index="104" text="Wala wewe huwaombi ujira kwa haya. Hayakuwa haya ila ni mawaidha kwa walimwengu wote."/>
		<aya index="105" text="Na ishara ngapi katika mbingu na ardhi wanazo zipitia, na hali ya kuwa wanazipuuza."/>
		<aya index="106" text="Na wengi katika wao hawamuamini Mwenyezi Mungu pasina kuwa ni washirikina."/>
		<aya index="107" text="Je! Wanaaminisha kuwa haitowajia adhabu ya Mwenyezi Mungu ya kuwagubika, au haitawafikia Saa ya Kiyama kwa ghafla, na hali hawatambui?"/>
		<aya index="108" text="Sema: Hii ndiyo Njia yangu - ninalingania kwa Mwenyezi Mungu kwa kujua - mimi na wanao nifuata. Na ametakasika Mwenyezi Mungu! Wala mimi si katika washirikina."/>
		<aya index="109" text="Na hatukuwatuma Mitume kabla yako isipo kuwa wanaume tulio wafunulia wahyi miongoni mwa watu wa mijini. Je! Hawatembei katika ardhi wakaona jinsi ulivyo kuwa mwisho wa walio kuwa kabla yao? Na hakika nyumba ya Akhera ni bora kwa wamchao Mungu. Basi hamfahamu?"/>
		<aya index="110" text="Hata Mitume walipo kata tamaa na wakaona kuwa wamekadhibishwa, hapo ikawajia nusura yetu, wakaokolewa tuwatakao. Na adhabu yetu haitowawacha kaumu ya wakosefu."/>
		<aya index="111" text="Kwa hakika katika hadithi zao limo zingatio kwa wenye akili. Si maneno yaliyo zuliwa, bali ni ya kusadikisha yaliyo kabla yake, na ufafanuzi wa kila kitu, na ni uwongofu na rehema kwa kaumu yenye kuamini."/>
	</sura>
	<sura index="13" name="">
		<aya index="1" text="Alif Lam Mym Ra. (A. L. M. R.) Hizi ni Ishara za Kitabu. Na uliyo teremshiwa kutoka kwa Mola wako Mlezi ni Haki. Lakini wengi wa watu hawaamini."/>
		<aya index="2" text="Mwenyezi Mungu aliye ziinua mbingu bila ya nguzo mnazo ziona, ametawala kwenye Ufalme wake, na amefanya jua na mwezi yamt'ii, kila kimoja kinakwenda kwa kiwango maalumu. Anayapanga mambo, na anazipambanua Ishara ili mpate kuwa na yakini kukutana na Mola wenu Mlezi."/>
		<aya index="3" text="Na ndiye aliye itandaza ardhi na akaweka humo milima na mito. Na katika kila matunda akafanya dume na jike. Huufunika usiku juu ya mchana. Hakika katika haya zimo Ishara kwa watu wanao fikiri."/>
		<aya index="4" text="Na katika ardhi vimo vipande vilivyo karibiana, na zipo bustani za mizabibu, na mimea mingine, na mitende yenye kuchipua kwenye shina moja na isio chipua kwenye shina moja, nayo inatiliwa maji yale yale. Na tunaifanya baadhi yao bora kuliko mengine katika kula. Hakika katika hayo zimo ishara kwa watu wanao tia mambo akilini."/>
		<aya index="5" text="Na kama ukistaajabu, basi cha ajabu zaidi ni huo usemi wao: Ati tukisha kuwa mchanga kweli tutakuwa katika umbo jipya? Hao ndio walio mkufuru Mola wao Mlezi. Na hao ndio watao kuwa na makongwa shingoni mwao, na hao ndio watu wa Motoni. Humo watadumu."/>
		<aya index="6" text="Na wanakuhimiza ulete maovu kabla ya mema, hali ya kuwa zimekwisha pita kabla yao adhabu za kupigiwa mfano. Na hakika Mola wako Mlezi ni Mwenye msamaha kwa watu juu ya udhalimu wao. Na hakika Mola wako Mlezi ni Mkali wa kuadhibu."/>
		<aya index="7" text="Na wale walio kufuru husema: Mbona hakuteremshiwa muujiza kutoka kwa Mola wake Mlezi? Hakika wewe ni Mwonyaji, na kila kaumu ina wa kuwaongoa."/>
		<aya index="8" text="Mwenyezi Mungu anajua mimba abebayo kila mwanamke, na kinacho punguka na kuzidi matumboni. Na kila kitu kwake ni kwa kipimo."/>
		<aya index="9" text="Yeye ndiye Mwenye kujua yanayo onekana na yasio onekana; Mkuu Aliye tukuka."/>
		<aya index="10" text="Ni sawa anaye ficha kauli yake kati yenu na anaye idhihirisha, na anaye jibanza usiku na anaye tembea jahara mchana."/>
		<aya index="11" text="Kila mtu analo kundi la malaika mbele yake na nyuma yake linamlinda kwa amri ya Mwenyezi Mungu. Hakika Mwenyezi Mungu habadili yaliyoko kwa watu mpaka wabadili wao yaliyomo naf- sini mwao. Na Mwenyezi Mungu anapo watakia watu adhabu hakuna cha kuzuia wala hawana mlinzi yeyote badala yake."/>
		<aya index="12" text="Yeye ndiye anaye kuonyesheni umeme kwa khofu na tamaa, na huyaleta mawingu mazito."/>
		<aya index="13" text="Na radi inamtakasa Mwenyezi Mungu kwa kumhimidi, na Malaika pia, kwa kumkhofu. Naye hupeleka mapigo ya radi yakampata amtakaye. Nao wanabishana juu ya Mwenyezi Mungu. Na Yeye ni Mwenye adhabu kali!"/>
		<aya index="14" text="Wa kuombwa kweli ni Yeye tu. Na hao wanao waomba badala yake hawawajibu chochote; bali ni kama mwenye kunyoosha viganja vyake kwenye maji ili yafike kinywani mwake, lakini hayafiki. Na maombi ya makafiri hayako ila katika upotovu."/>
		<aya index="15" text="Na viliomo mbinguni na katika ardhi vinamsujudia Mwenyezi Mungu tu vikitaka visitake. Na pia vivuli vyao asubuhi na jioni."/>
		<aya index="16" text="Sema: Ni nani Mola Mlezi wa mbingu na ardhi? Sema: Mwenyezi Mungu. Sema: Basi je, mnawafanya wenginewe badala yake kuwa ni walinzi, nao hawajifai wenyewe kwa jema wala baya? Sema: Hebu kipofu na mwenye kuona huwa sawa? Au hebu huwa sawa giza na mwangaza? Au wamemfanyia Mwenyezi Mungu washirika walio umba kama alivyo umba Yeye, na viumbe hivyo vikawadanganyikia? Sema: Mwenyezi Mungu ndiye Muumba wa kila kitu. Na Yeye ni Mmoja Mwenye kushinda!"/>
		<aya index="17" text="Ameteremsha maji kutoka mbinguni. Na mabonde yakamiminika maji kwa kadiri yake. Na mafuriko yakachukua mapovu yaliyo kusanyika juu yake. Na kutokana na wanavyo yayusha katika moto kwa kutaka mapambo au vyombo hutokea povu vile vile. Namna hivyo Mwenyezi Mungu ndivyo anavyo piga mifano ya Haki na baat'ili. Basi lile povu linapita kama takataka tu basi. Ama kinacho wafaa watu hubakia kwenye ardhi. Hivi ndivyo Mwenyezi Mungu anavyo piga mifano."/>
		<aya index="18" text="Walio muitikia Mola wao Mlezi watapata wema. Na wasio muitikia, hata wangeli kuwa navyo vyote viliomo katika ardhi na mfano wa hivyo, bila ya shaka wangeli vitoa kujikombolea! Hao watapata hisabu mbaya kabisa, na makao yao ni Jahannamu. Na hapo ni pahala pabaya mno!"/>
		<aya index="19" text="Je! Anaye jua ya kwamba yaliyo teremshwa kwako kutoka kwa Mola wako Mlezi ni Haki ni sawa na aliye kipofu? Wenye akili ndio wanao zingatia,"/>
		<aya index="20" text="Wale ambao wanatimiza ahadi ya Mwenyezi Mungu, wala hawavunji maagano."/>
		<aya index="21" text="Na wale ambao huyaunga aliyo amrisha Mwenyezi Mungu yaungwe, na wanaikhofu hisabu mbaya."/>
		<aya index="22" text="Na ambao husubiri kwa kutaka radhi ya Mola wao Mlezi, na wakashika Sala, na wakatoa, kwa siri na kwa uwazi, katika tulivyo wapa; na wakayaondoa maovu kwa wema. Hao ndio watakao pata malipo ya Nyumba ya Akhera."/>
		<aya index="23" text="Nayo ni Bustani za milele, wataziingia wao na walio wema miongoni mwa baba zao, na wake zao, na vizazi vyao. Na Malaika wanawaingilia katika kila mlango."/>
		<aya index="24" text="(Wakiwaambia) Assalamu Alaikum! Amani iwe juu yenu, kwa sababu ya mlivyo subiri! Basi ni mema mno malipo ya Nyumba ya Akhera."/>
		<aya index="25" text="Na wale wanao vunja ahadi ya Mwenyezi Mungu baada ya kuzifunga, na wanakata aliyo amrisha Mwenyezi Mungu yaungwe, na wanafanya fisadi katika nchi: hao ndio watakao pata laana, na watapata Nyumba mbaya."/>
		<aya index="26" text="Mwenyezi Mungu humkunjulia riziki amtakaye, na humkunjia kwa kipimo. Na wamefurahia maisha ya dunia. Na uhai wa dunia kwa kulingana na Akhera si kitu ila ni starehe ndogo."/>
		<aya index="27" text="Na wanasema walio kufuru: Kwa nini hakuteremshiwa muujiza kutoka kwa Mola wake Mlezi. Sema: Hakika Mwenyezi Mungu humwacha kupotea amtakaye, na humwongoa anaye elekea kwake,"/>
		<aya index="28" text="Wale walio amini na zikatua nyoyo zao kwa kumkumbuka Mwenyezi Mungu. Hakika kwa kumkumbuka Mwenyezi Mungu ndio nyoyo hutua!"/>
		<aya index="29" text="Wale walio amini na wakatenda mema watakuwa na raha na marejeo mazuri."/>
		<aya index="30" text="Ndio kama hivi tumekutuma kwa umma ambao wamekwsiha pita kabla yao umati nyengine, ili uwasomee tunayo kufunulia, na wao wanamkufuru Rahmani, Mwingi wa Rehema! Sema: Yeye ndiye Mola wangu Mlezi. Hapana mungu isipo kuwa Yeye. Juu yake nimetegemea, na kwake ndio marejeo yangu!"/>
		<aya index="31" text="Na kama ingeli kuwako Qur'ani ndiyo inayo endeshewa milima, na kupasuliwa ardhi, na kusemeshewa wafu, (basi ingeli kuwa Qur'ani hii). Bali mambo yote ni ya Mwenyezi Mungu. Je, hawajajua walio amini kwamba lau kuwa Mwenyezi Mungu ange penda bila ya shaka angeli waongoa watu wote? Wala walio kufuru hawaachi kusibiwa na balaa kwa waliyo yatenda, au ikawateremkia karibu na nyumbani kwao, mpaka ifike ahadi ya Mwenyezi Mungu. Hakika Mwenyezi Mungu havunji miadi yake."/>
		<aya index="32" text="Na hakika walifanyiwa kejeli Mitume walio kuwa kabla yako. Na nikawapururia wale walio kufuru, kisha nikawashika! Basi ilikuwaje adhabu yangu!"/>
		<aya index="33" text="Je! Anaye isimamia kila nafsi kwa yale iliyo yachuma...? Na wamemfanyia Mwenyezi Mungu kuwa na washirika! Sema watajeni. Au ndio mnampa khabari ya yale asiyo yajua katika ardhi; au ni maneno matupu? Bali walio kufuru wamepambiwa vitimbi vyao na wamezuiliwa njia. Na ambaye Mwenyezi Mungu amemwacha apotee basi hana wa kumwongoa."/>
		<aya index="34" text="Wanayo adhabu katika maisha ya dunia, na adhabu ya Akhera hapana shaka ina mashaka zaidi. Na wala hawatakuwa na wa kuwalinda na Mwenyezi Mungu."/>
		<aya index="35" text="Mfano wa Bustani waliyo ahidiwa wachamngu, kati yake inapita mito, matunda yake ni ya daima, na pia kivuli chake. Huu ndio mwisho wa wale walio walio jilinda. Na mwisho wa makafiri ni Moto."/>
		<aya index="36" text="Na tulio wapa Kitabu wanafurahia uliyo teremshiwa. Na katika makundi mengine wapo wanao yakataa baadhi ya haya. Sema: Nimeamrishwa nimuabudu Mwenyezi Mungu, na wala nisimshirikishe. Kuendea kwake Yeye ndiyo ninaita, na kwake Yeye ndio marejeo yangu."/>
		<aya index="37" text="Na ndio kama hivi tumeiteremsha Qur'ani kuwa ni hukumu kwa lugha ya Kiarabu. Na ukifuata matamanio yao baada ya kukujia ilimu hii, hutakuwa na rafiki wala mlinzi mbele ya Mwenyezi Mungu."/>
		<aya index="38" text="Na hakika Sisi tulikwisha watuma Mitume kabla yako, na tukajaalia wawe na wake na dhuriya. Na haiwi kwa Mtume kuleta miujiza isipo kuwa kwa idhini ya Mwenyezi Mungu. Kila kipindi kina hukumu yake."/>
		<aya index="39" text="Mwenyezi Mungu hufuta na huthibitisha ayatakayo. Na asili ya hukumu zote iko kwake."/>
		<aya index="40" text="Na ikiwa tukikuonyesha baadhi ya tuliyo waahidi au tukakufisha kabla yake, juu yako wewe ni kufikisha ujumbe na juu yetu ni hisabu."/>
		<aya index="41" text="Je! Hawakuona kwamba tunaifikia ardhi tukiipunguza nchani mwake? Na Mwenyezi Mungu huhukumu, na hapana wa kupinga hukumu yake, naye ni Mwepesi wa kuhisabu."/>
		<aya index="42" text="Na walipanga walio kuwa kabla yao, lakini Mwenyezi Mungu ndiye Mwenye mipango yote. Yeye anajua inayo chuma kila nafsi. Na makafiri watajua ni ya nani nyumba ya mwisho Akhera!"/>
		<aya index="43" text="Na walio kufuru wanasema: Wewe hukutumwa. Sema: Mwenyezi Mungu anatosha kuwa shahidi baina yangu na nyinyi, na pia yule mwenye ilimu ya Kitabu."/>
	</sura>
	<sura index="14" name="">
		<aya index="1" text="Alif Lam Ra. (A. L. R.) Hichi ni Kitabu tulicho kiteremsha kwako ili uwatowe watu kwenye giza uwapeleke kwenye muwangaza, kwa idhini ya Mola wao Mlezi, uwafikishe kwenye Njia ya Mwenye nguvu, Msifiwa,"/>
		<aya index="2" text="Naye ni Mwenyezi Mungu ambaye ni vyake Yeye vyote viliomo katika mbingu na ardhi. Na ole wao makafiri kwa adhabu kali!"/>
		<aya index="3" text="Wale wanao fadhilisha maisha ya dunia kuliko Akhera, na wanawazuilia watu wasifuate Njia ya Mwenyezi Mungu, na wanataka kuipotosha. Hao wamepotelea mbali."/>
		<aya index="4" text="Na hatukumtuma Mtume ila kwa ulimi wa kaumu yake ili apate kuwabainishia. Basi Mwenyezi Mungu humuacha akapotea amtakaye, na akamwongoa amtakaye. Naye ni Mtukufu Mwenye nguvu na Mwenye hikima."/>
		<aya index="5" text="Na tulimtuma Musa pamoja na miujiza yetu, tukamwambia: Watoe watu wako kwenye giza uwapeleke kwenye mwangaza. Na uwakumbushe siku za Mwenyezi Mungu. Hakika katika hayo zipo ishara kwa kila mwenye kusubiri akashukuru."/>
		<aya index="6" text="Na Musa alipo waambia watu wake: Kumbukeni neema ya Mwenyezi Mungu aliyo kujaalieni, pale alipo kuokoeni kutokana na watu wa Firauni walio kupeni adhabu mbaya kabisa, wakiwachinja wenenu wanaume, na wakiwawacha hai wanawake. Na katika hayo ulikuwa mtihani mkubwa unao toka kwa Mola wenu Mlezi."/>
		<aya index="7" text="Na alipo tangaza Mola wenu Mlezi: Mkishukuru nitakuzidishieni; na mkikufuru, basi adhabu yangu ni kali."/>
		<aya index="8" text="Na Musa alisema: Mkikufuru nyinyi na wote waliomo duniani, hakika Mwenyezi Mungu ni Mkwasi, Anajitosha, Msifiwa."/>
		<aya index="9" text="Je! Hazikukufikieni khabari za walio kabla yenu? Kaumu ya Nuhu, na A'adi, na Thamud, na walio baada yao, ambao hapana awajuaye ila Mwenyezi Mungu? Mitume wao waliwajia kwa hoja zilizo wazi, na wao wakarudisha mikono yao kwenye vinywa vyao, wakasema: Hakika sisi tumeyakataa hayo mliyo tumwa, na hakika sisi tuna shaka kubwa na mnayo tuitia."/>
		<aya index="10" text="Mitume wao wakasema: Ati pana shaka na Mwenyezi Mungu, Muumba mbingu na ardhi? Yeye anakuiteni apate kukufutieni madhambi yenu, na akupeni muhula mpaka muda ulio wekwa. Wakasema: Nyinyi si chochote ila ni wanaadamu kama sisi. Mnataka kutuzuilia na waliyo kuwa wakiabudu baba zetu. Basi tuleteeni hoja ilio wazi."/>
		<aya index="11" text="Mitume wao wakawaambia: Sisi kweli si chochote ila ni wanaadamu kama nyinyi. Lakini Mwenyezi Mungu humfanyia hisani amtakaye katika waja wake. Wala sisi hatuwezi kuleta uthibitisho ila kwa idhini ya Mwenyezi Mungu. Na juu ya Mwenyezi Mungu ndio wategemee Waumini."/>
		<aya index="12" text="Na tuna nini hata tusimtegemee Mwenyezi Mungu, na hali Yeye ametuongoa kwenye Njia zetu. Na hapana shaka sisi tutayavumilia hayo maudhi mnayo tuudhi. Na juu ya Mwenyezi Mungu wategemee wanao tegemea."/>
		<aya index="13" text="Na walio kufuru wakawaambia Mitume wao: Tutakutoeni katika nchi yetu, au mrudi katika mila yetu. Basi Mola wao Mlezi aliwaletea wahyi: Hakika tutawaangamiza walio dhulumu!"/>
		<aya index="14" text="Na tutakuwekeni katika ardhi baada yao. Haya ni kwa anaye ogopa kusimamishwa mbele yangu, na akaogopa maonyo yangu."/>
		<aya index="15" text="Na wakaomba ushindi, na akashindwa kila jabari mkaidi,"/>
		<aya index="16" text="Ambaye nyuma yake ipo Jahannamu, na atanywishwa maji ya usaha."/>
		<aya index="17" text="Awe anayagugumia, wala hawezi kuyameza. Na mauti yawe yanamjia kutoka kila upande, naye wala hafi. Na zaidi ya hayo ipo adhabu nyengine kali vile vile."/>
		<aya index="18" text="Mfano wa walio mkufuru Mola wao Mlezi - vitendo vyao ni kama jivu linalo peperushwa kwa nguvu za upepo katika siku ya mdharba. Hawawezi kupata chochote katika waliyo yafanya. Huko ndiko kupotelea mbali!"/>
		<aya index="19" text="Huoni kuwa Mwenyezi Mungu ameziumba mbingu na ardhi kwa Haki? Akitaka atakuondoeni na alete viumbe wapya!"/>
		<aya index="20" text="Na hilo kwa Mwenyezi Mungu si jambo gumu."/>
		<aya index="21" text="Na wote watahudhuria mbele ya Mwenyezi Mungu. Wanyonge watawaambia walio takabari: Sisi tulikuwa wafwasi wenu; basi hebu hamtuondolei kidogo hivi katika adhabu ya Mwenyezi Mungu? Watasema: Lau Mwenyezi Mungu angeli tuongoa basi hapana shaka nasi tungeli kuongoeni. Ni mamoja kwetu tukipapatika au tukisubiri; hatuna pa kukimbilia."/>
		<aya index="22" text="Na Shet'ani atasema itapo katwa hukumu: Hakika Mwenyezi Mungu alikuahidini ahadi ya kweli. Nami nalikuahidini; lakini sikukutimizieni. Na sikuwa na mamlaka juu yenu, isipo kuwa nilikuiteni, nanyi mkaniitikia. Basi msinilaumu mimi, bali jilaumuni wenyewe. Mimi siwezi kuwa mtetezi wenu, wala nyinyi hamwezi kuwa watetezi wangu. Hakika mimi nilikataa tangu zamani kunishirikisha na Mwenyezi Mungu. Hakika madhaalimu watakuwa na adhabu chungu."/>
		<aya index="23" text="Na walio amini na wakatenda mema wataingizwa katika Mabustani yapitayo mito kati yake, wadumu humo kwa idhini ya Mola wao Mlezi. Maamkio yao humo yatakuwa: Salaam!"/>
		<aya index="24" text="Hebu hukuona vipi Mwenyezi Mungu alivyo piga mfano wa neno zuri? Ni kama mti mzuri, mizizi yake ni imara, na matawi yake yako mbinguni."/>
		<aya index="25" text="Hutoa matunda yake kila wakati kwa idhini ya Mola wake Mlezi. Na Mwenyezi Mungu huwapigia watu mifano ili wapate kukumbuka."/>
		<aya index="26" text="Na mfano wa neno ovu ni kama mti muovu, ulio ng'olewa juu ya ardhi. Hauna imara."/>
		<aya index="27" text="Mwenyezi Mungu huwatia imara wenye kuamini kwa kauli ya imara katika maisha ya dunia na katika Akhera. Na Mwenyezi Mungu huwaacha kupotea hao wenye kudhulumu. Na Mwenyezi Mungu hufanya apendavyo."/>
		<aya index="28" text="Hebu hukuwaona wale walio badilisha neema ya Mwenyezi Mungu kwa kufuru, na wakawafikisha watu wao kwenye nyumba ya maangamizo?"/>
		<aya index="29" text="Nayo ni Jahannamu! Maovu yaliyoje makaazi hayo!"/>
		<aya index="30" text="Na walimfanyia Mwenyezi Mungu washirika ili wapoteze watu kwenye Njia yake. Sema: Stareheni! Kwani marejeo yenu ni Motoni!"/>
		<aya index="31" text="Waambie waja wangu walio amini, washike Sala, na watoe katika tulivyo waruzuku, kwa siri na dhaahiri, kabla haijafika Siku isiyo kuwa na biashara wala urafiki."/>
		<aya index="32" text="Mwenyezi Mungu ndiye aliye ziumba mbingu na ardhi, na akateremsha maji kutoka mbinguni. Na kwa hayo akatoa matunda kuwa ni riziki yenu. Na akafanya yakutumikieni majahazi yanayo pita baharini kwa amri yake, na akaifanya mito ikutumikieni."/>
		<aya index="33" text="Na akalifanya jua na mwezi kwa manufaa yenu daima dawamu, na akaufanya usiku na mchana kwa manufaa yenu."/>
		<aya index="34" text="Na akakupeni kila mlicho muomba. Na mkihisabu neema za Mwenyezi Mungu hamwezi kuzidhibiti. Hakika mwanaadamu ni dhaalimu mkubwa, mwenye kuzikufuru neema."/>
		<aya index="35" text="Na Ibrahim alipo sema: Ewe Mola wangu Mlezi! Ujaalie mji huu uwe wa amani, na uniepushe mimi na wanangu na kuabudu masanamu."/>
		<aya index="36" text="Ewe Mola wangu Mlezi! Hakika hayo yamewapoteza watu wengi. Basi aliye nifuata mimi huyo ni wangu, na aliye niasi, hakika Wewe ni Mwenye kusamehe Mwenye kurehemu."/>
		<aya index="37" text="Mola wetu Mlezi! Hakika mimi nimewaweka baadhi ya dhuriya zangu katika bonde lisilo kuwa na mimea, kwenye Nyumba yako Takatifu, ewe Mola wetu Mlezi, ili washike Sala. Basi zijaalie nyoyo za watu zielekee kwao, na waruzuku matunda, ili wapata kushukuru."/>
		<aya index="38" text="Ewe Mola wetu Mlezi! Hakika Wewe unajua tunayo yaficha na tunayo yatangaza. Na hapana kitu kinacho fichikana kwa Mwenyezi Mungu katika ardhi wala katika mbingu."/>
		<aya index="39" text="Alhamdulillahi! Himdi zote ni za Mwenyezi Mungu aliye nipa juu ya uzee wangu Ismail na Is-haq. Hakika Mola wangu Mlezi ni Mwenye kusikia maombi."/>
		<aya index="40" text="Mola wangu Mlezi! Nijaalie niwe mwenye kushika Sala, na katika dhuriya zangu pia. Ewe Mola wetu Mlezi, na ipokee dua yangu."/>
		<aya index="41" text="Mola wetu! Unighufirie mimi na wazazi wangu wote wawili, na Waumini, siku ya kusimama hisabu."/>
		<aya index="42" text="Wala usidhani Mwenyezi Mungu ameghafilika na wanayo yafanya madhaalimu. Hakika Yeye anawaakhirisha tu mpaka siku yatapo kodoka macho yao."/>
		<aya index="43" text="Nao wako mbioni, vichwa juu, na macho hayapepesi, na nyoyo zao tupu."/>
		<aya index="44" text="Na waonye watu siku itapo wajia adhabu, na walio dhulumu waseme: Ewe Mola wetu Mlezi! Tuakhirishe muda kidogo tuitikie wito wako na tuwafuate Mitume. Kwani nyinyi si mliapa zamani kwamba hamtaondokewa?"/>
		<aya index="45" text="Na mkakaa katika maskani zile zile za walio zidhulumu nafsi zao. Na ikakudhihirikieni jinsi tulivyo watendea. Nasi tukakupigieni mifano mingi."/>
		<aya index="46" text="Na kwa hakika walifanya vitimbi vyao, na vitimbi vyao anavijua Mwenyezi Mungu. Wala vitimbi vyao si vya kuondosha milima."/>
		<aya index="47" text="Basi usimdhanie Mwenyezi Mungu kuwa ni mwenye kuwavunjia ahadi yake Mitume wake. Hakika Mwenyezi Mungu ni Mwenye kushinda, na ni Mwenye kulipiza."/>
		<aya index="48" text="Siku itapo geuzwa ardhi iwe ardhi nyengine, na mbingu pia. Nao watahudhuria mbele ya Mwenyezi Mungu Mmoja, Mwenye nguvu."/>
		<aya index="49" text="Na utaona wakhalifu siku hiyo wamefungwa katika minyororo;"/>
		<aya index="50" text="Nguo zao zitakuwa za lami, na Moto utazigubika nyuso zao."/>
		<aya index="51" text="Ili Mwenyezi Mungu ailipe kila nafsi kwa yale iliyo yachuma. Hakika Mwenyezi Mungu ni Mwepesi wa kuhisabu."/>
		<aya index="52" text="Hili ni Tangazo liwafikie watu, liwaonye, na wapate kujua kuwa hakika Yeye ni Mungu Mmoja, na wapate kukumbuka wenye akili."/>
	</sura>
	<sura index="15" name="">
		<aya index="1" text="Alif Lam Ra. (A. L. R). Hizi ni Aya za Kitabu na Qur'ani inayo bainisha."/>
		<aya index="2" text="HUENDA ikawa walio kufuru wakatamani wange kuwa Waislamu."/>
		<aya index="3" text="Waache wale, na wastarehe, na iwazuge tamaa. Watakuja jua."/>
		<aya index="4" text="Na hatukuuangamiza mji wowote ule ila ulikuwa na muda wake maalumu."/>
		<aya index="5" text="Hawawezi watu wowote kuitangulia ajali yao, wala kuchelewa."/>
		<aya index="6" text="Na walisema: Ewe uliyeteremshiwa Ukumbusho! Hakika wewe ni mwendawazimu."/>
		<aya index="7" text="Mbona hutuletei Malaika ikiwa wewe ni miongoni mwa wasemao kweli?"/>
		<aya index="8" text="Sisi hatuwateremshi Malaika ila kwa sababu ya haki, na hapo hawatapewa muhula."/>
		<aya index="9" text="Hakika Sisi ndio tulio teremsha Ukumbusho huu, na hakika Sisi ndio tutao ulinda."/>
		<aya index="10" text="Na hakika tulikwisha watumia Mitume mataifa ya mwanzo."/>
		<aya index="11" text="Na hakuwafikia Mtume ila walimkejeli."/>
		<aya index="12" text="Na kama hivi ndivyo tunavyo ingiza katika nyoyo za wakosefu."/>
		<aya index="13" text="Hawayaamini haya, na hali ya kuwa umekwisha wapitia mfano wa watu wa kale."/>
		<aya index="14" text="Na lau tungeli wafungulia mlango wa mbingu, wakawa wanapanda,"/>
		<aya index="15" text="Basi wangeli sema: Macho yetu yamelevywa, bali sisi wenyewe tumerogwa."/>
		<aya index="16" text="Na hakika tumeweka katika mbingu vituo vya sayari, na tumezipamba kwa wenye kuangalia."/>
		<aya index="17" text="Na tumezilinda na kila shetani afukuzwaye."/>
		<aya index="18" text="Isipo kuwa mwenye kusikiliza kwa kuibia, naye hufuatwa na kijinga cha moto kinacho onekana."/>
		<aya index="19" text="Na ardhi tumeitandaza na humo tumeweka milima, na tumeotesha kila kitu kwa kiasi chake."/>
		<aya index="20" text="Na tumekujaalieni humo vitu vya maisha yenu, na ya hao ambao nyinyi sio wenye kuwaruzuku."/>
		<aya index="21" text="Na hakuna chochote ila asili yake inatokana na Sisi; wala hatukiteremshi ila kwa kipimo maalumu."/>
		<aya index="22" text="Na tunazipeleka pepo za kupandishia, na tunateremsha kutoka mbinguni maji, kisha tukakunywesheni maji hayo. Wala si nyinyi mnayo yaweka."/>
		<aya index="23" text="Na Sisi ndio tunao huisha na tunao fisha. Na Sisi ndio Warithi."/>
		<aya index="24" text="Na tunawajua walio tangulia katika nyinyi, na tunawajua walio taakhari."/>
		<aya index="25" text="Na hakika Mola wako Mlezi ndiye atakaye wakusanya. Hakika Yeye ni Mwenye hikima na Mjuzi."/>
		<aya index="26" text="Na tulimuumba mtu kwa udongo unao toa sauti, unao tokana na matope yaliyo tiwa sura."/>
		<aya index="27" text="Na majini tuliwaumba kabla kwa moto wa upepo umoto."/>
		<aya index="28" text="Na Mola wako Mlezi alipo waambia Malaika: Hakika Mimi nitamuumba mtu kwa udongo unao toa sauti, unao tokana na matope yaliyo tiwa sura."/>
		<aya index="29" text="Basi nitakapo mkamilisha na nikampulizia roho yangu, basi mumwangukie kumsujudia."/>
		<aya index="30" text="Basi Malaika wote pamoja walimsujudia,"/>
		<aya index="31" text="Isipo kuwa Iblisi. Yeye alikataa kuwa pamoja na walio sujudu."/>
		<aya index="32" text="(Mwenyezi Mungu) akasema: Ewe Iblisi! Una nini hata hukuwa pamoja na walio sujudu?"/>
		<aya index="33" text="Akasema: Haiwi mimi nimsujudie mtu uliye muumba kwa udongo unao toa sauti, unao tokana na matope yenye sura."/>
		<aya index="34" text="(Mwenyezi Mungu) akasema: Basi toka humo, kwani hakika wewe ni maluuni!"/>
		<aya index="35" text="Na hakika juu yako ipo laana mpaka Siku ya Malipo."/>
		<aya index="36" text="Akasema (Iblisi): Mola wangu Mlezi! Nipe muhula mpaka siku watapo fufuliwa."/>
		<aya index="37" text="(Mwenyezi Mungu) akasema: Hakika wewe ni katika walio pewa muhula"/>
		<aya index="38" text="Mpaka siku ya wakati maalumu."/>
		<aya index="39" text="Akasema: Mola wangu Mlezi! Ilivyo kuwa umenitia makosani, basi nahakikisha nitawazaini hapa duniani na nitawapoteza wote,"/>
		<aya index="40" text="Ila waja wako walio safika."/>
		<aya index="41" text="Akasema: Hii Njia ya kujia kwangu Iliyo Nyooka."/>
		<aya index="42" text="Hakika waja wangu, wewe hutakuwa na mamlaka juu yao, isipo kuwa wale wapotofu walio kufuata."/>
		<aya index="43" text="Na bila shaka Jahannamu ndipo pahali pao walipo ahidiwa wote."/>
		<aya index="44" text="Ina milango saba; na kwa kila mlango iko sehemu walio tengewa."/>
		<aya index="45" text="Hakika wachamngu watakuwa katika Mabustani na chemchem."/>
		<aya index="46" text="(Wataambiwa:) Ingieni kwa salama na amani."/>
		<aya index="47" text="Na tutaondoa chuki iliyo kuwamo vifuani mwao, wawe ndugu juu ya viti vya enzi wameelekeana."/>
		<aya index="48" text="Humo hayatawagusa machofu, wala hawatatolewa humo."/>
		<aya index="49" text="Waambie waja wangu ya kwamba Mimi ndiye Mwenye kusamehe, Mwenye kurehemu."/>
		<aya index="50" text="Na kwamba adhabu yangu ndio adhabu iliyo chungu!"/>
		<aya index="51" text="Na uwape khabari za wageni wa Ibrahim."/>
		<aya index="52" text="Walipo ingia kwake na wakasema: Salama! Yeye akasema: Hakika sisi tunakuogopeni."/>
		<aya index="53" text="Wakasema: Usiogope. Sisi tunakubashiria kijana mwenye ujuzi."/>
		<aya index="54" text="Akasema: Mnanibashiria nami uzee umenishika! Basi kwa njia gani mnanibashiria?"/>
		<aya index="55" text="Wakasema: Tunakubashiria kwa haki; basi usiwe miongoni mwa wanao kata tamaa."/>
		<aya index="56" text="Akasema: Na nani anaye kata tamaa na rehema ya Mola wake Mlezi ila wale walio potea?"/>
		<aya index="57" text="Akasema: Hebu nini amri yenu, enyi wajumbe?"/>
		<aya index="58" text="Wakasema: Hakika sisi tumetumwa kwa kaumu ya wakosefu!"/>
		<aya index="59" text="Isipo kuwa walio mfuata Luut'i. Bila ya shaka sisi tutawaokoa hao wote."/>
		<aya index="60" text="Ila mkewe. Tunakadiria huyo atakuwa miongoni watao bakia nyuma."/>
		<aya index="61" text="Basi wale wajumbe walipo fika kwa Luut'i,"/>
		<aya index="62" text="Alisema (Luut'i): Hakika nyinyi ni watu msio juulikana."/>
		<aya index="63" text="Wakasema: Bali sisi tumekuletea yale waliyo kuwa wakiyafanyia shaka."/>
		<aya index="64" text="Na tumefika kwako kwa Haki, na hakika sisi tunasema kweli."/>
		<aya index="65" text="Basi ondoka na ahli zako usiku ungalipo, nawe ufuate nyuma yao, wala yeyote kati yenu asigeuke nyuma. Na mwende mnapo amrishwa."/>
		<aya index="66" text="Na tukamfunulia hukumu hiyo, ya kwamba hata wa mwisho wao hao ikifika asubuhi atakuwa kesha katiliwa mbali."/>
		<aya index="67" text="Na wakaja watu wa mji ule nao furahani."/>
		<aya index="68" text="Akasema: Hakika hawa wageni wangu, basi msinifedheheshe."/>
		<aya index="69" text="Na mcheni Mwenyezi Mungu, wala msinihizi."/>
		<aya index="70" text="Wakasema: Sisi hatukukukataza usimkaribishe yeyote?"/>
		<aya index="71" text="Akasema: Hawa binti zangu, ikiwa nyinyi ni watendaji."/>
		<aya index="72" text="Naapa kwa umri wako! Hakika hao walikuwa katika ulevi wao, wakihangaika ovyo."/>
		<aya index="73" text="Ukelele ukawatwaa wakipambaukiwa."/>
		<aya index="74" text="Na tukaigeuza nchi juu chini, na tukawanyeshea mvua ya mawe ya udongo wa Motoni."/>
		<aya index="75" text="Hakika katika hayo zipo ishara kwa waaguzi."/>
		<aya index="76" text="Na miji hii ipo kwenye njia inayo pitiwa."/>
		<aya index="77" text="Hakika katika hayo ipo ishara kwa Waumini."/>
		<aya index="78" text="Na hakika watu wa Kichakani walikuwa wenye kudhulumu."/>
		<aya index="79" text="Kwa hivyo tukawaadhibu. Na nchi mbili hizi ziko kwenye njia ilio wazi."/>
		<aya index="80" text="Na bila ya shaka wakaazi wa Hijr waliwakanusha Mitume."/>
		<aya index="81" text="Na tuliwapa ishara zetu, nao wakazipuuza."/>
		<aya index="82" text="Nao walikuwa wakichonga majumba katika milima kwa amani."/>
		<aya index="83" text="Basi ukelele ukawatwaa asubuhi."/>
		<aya index="84" text="Hayakuwafaa waliyo kuwa wakiyachuma."/>
		<aya index="85" text="Na hatukuziumba mbingu na ardhi na vilivyomo ndani yake ila kwa ajili ya Haki. Na hakika Kiyama kitafika. Basi samehe msamaha mzuri."/>
		<aya index="86" text="Hakika Mola wako Mlezi ndiye Muumbaji Mjuzi."/>
		<aya index="87" text="Na tumekupa Aya saba zinazo somwa mara kwa mara, na Qur'ani Tukufu."/>
		<aya index="88" text="Usivitumbulie macho yako vitu tulivyo waneemesha makundi fulani kati yao, wala usiwahuzunikie. Na wainamishie bawa lako (la huruma) Waumini."/>
		<aya index="89" text="Na sema: Hakika mimi ni mwonyaji mwenye kubainisha."/>
		<aya index="90" text="Kama hivyo tuliwateremshia walio gawa,"/>
		<aya index="91" text="Ambao wakaifanya Qur'ani vipande vipande."/>
		<aya index="92" text="Basi Naapa kwa Mola wako Mlezi! Tutawahoji wote,"/>
		<aya index="93" text="Kwa waliyo kuwa wakiyatenda."/>
		<aya index="94" text="Basi wewe yatangaze uliyo amrishwa, na jitenge na washirikina."/>
		<aya index="95" text="Hakika Sisi tunatosha kukukinga na wanao kejeli."/>
		<aya index="96" text="Hao wanao fanya kuwa pamoja na Mwenyezi Mungu yupo mungu mwingine. Basi, watakuja jua!"/>
		<aya index="97" text="Na Sisi tunajua kwa hakika kuwa wewe kifua chako kinaona dhiki kwa hayo wayasemayo."/>
		<aya index="98" text="Basi mtakase Mola wako Mlezi kwa kumhimidi, na uwe miongoni wanao msujudia."/>
		<aya index="99" text="Na muabudu Mola wako Mlezi mpaka ikufikie Yakini."/>
	</sura>
	<sura index="16" name="">
		<aya index="1" text="Amri ya Mwenyezi Mungu itafika tu. Basi msiihimize. Ametakasika na Ametukuka na wanayo mshirikisha nayo."/>
		<aya index="2" text="Huwateremsha Malaika na Roho kwa amri yake juu ya amtakaye katika waja wake ili nyinyi muonye kwamba hapana mungu ila Mimi, basi nicheni Mimi."/>
		<aya index="3" text="Ameziumba mbingu na ardhi kwa Haki. Ametukuka na wanayo shirikisha."/>
		<aya index="4" text="Amemuumba mtu kwa tone la manii. Naye mara amekuwa mshindani dhaahiri."/>
		<aya index="5" text="Na nyama hoa amekuumbieni. Katika hao mna vifaa vya kutia joto, na manufaa mengineyo, na baadhi yao mnawala."/>
		<aya index="6" text="Na wanakupeni furaha pale mnapo warudisha jioni na mnapo wapeleka malishoni asubuhi."/>
		<aya index="7" text="Na hubeba mizigo yenu kupeleka kwenye miji msiyo weza kuifikia ila kwa mashaka ya nafsi. Hakika Mola wenu Mlezi ni Mpole na Mwenye kurehemu."/>
		<aya index="8" text="Na farasi, na nyumbu, na punda ili muwapande, na kuwa ni pambo. Na ataumba msivyo vijua."/>
		<aya index="9" text="Na ni juu ya Mwenyezi Mungu kuelekeza Njia. Na zipo njia za upotovu. Na angeli penda angeli kuongoeni nyote."/>
		<aya index="10" text="Yeye ndiye anaye kuteremshieni maji kutoka mbinguni. Katika hayo nyinyi mnapata ya kunywa, na miti ya kulishia."/>
		<aya index="11" text="Kwa hayo Yeye anaizalisha kwa ajili yenu mimea, na mizaituni, na mitende, na mizabibu, na kila namna ya matunda. Hakika katika haya zipo ishara kwa watu wanao fikiri."/>
		<aya index="12" text="Na amefanya ukutumikieni usiku na mchana, na jua na mwezi, na nyota zikutumikieni kwa amri yake. Hakika katika hayo zipo ishara kwa watu wenye akili."/>
		<aya index="13" text="Na hivi alivyo vieneza katika ardhi vya rangi mbali mbali. Hakika katika hayo ipo ishara kwa watu wanao waidhika."/>
		<aya index="14" text="Yeye ndiye aliye ifanya bahari ikutumikieni, ili kutokana na humo mpate kula nyama laini, na mtoe humo mapambo mnayo yavaa. Na unaona marikebu zikikata maji humo, ili mtafute fadhila yake, na mpate kushukuru."/>
		<aya index="15" text="Na kaweka katika ardhi milima ili ardhi isiyumbe yumbe nanyi. Na mito, na njia ili mpate kuongoka."/>
		<aya index="16" text="Na alama nyengine. Na kwa nyota wao wanajiongoza."/>
		<aya index="17" text="Ati anaye umba ni kama asiye umba? Basi hebu, hamkumbuki?"/>
		<aya index="18" text="Na mkizihisabu neema za Mwenyezi Mungu, hamwezi kuzidhibiti. Hakika Mwenyezi Mungu ni Mwenye maghfira, Mwenye kurehemu."/>
		<aya index="19" text="Na Mwenyezi Mungu anayajua mnayo yaficha na mnayo yatangaza."/>
		<aya index="20" text="Na wale wanao waomba wasio kuwa Mwenyezi Mungu hawaumbi kitu, bali wao wameumbwa."/>
		<aya index="21" text="Ni wafu si wahai, na wala hawajui watafufuliwa lini."/>
		<aya index="22" text="Mungu wenu ni Mungu Mmoja. Lakini wasio iamini Akhera nyoyo zao zinakataa, nao wanajivuna."/>
		<aya index="23" text="Hapana shaka kuwa hakika Mwenyezi Mungu anayajua wanayo yaficha na wanayo yatangaza. Kwa hakika Yeye hawapendi wanao jivuna."/>
		<aya index="24" text="Na wanapo ambiwa: Kateremsha nini Mola wenu Mlezi? Husema: Hadithi za kubuni za watu wa kale!"/>
		<aya index="25" text="Ili wabebe mizigo yao kwa ukamilifu Siku ya Kiyama, na sehemu ya mizigo ya wale wanao wapoteza bila ya kujua. Angalia, ni maovu mno hayo wanayo yabeba!"/>
		<aya index="26" text="Walipanga vitimbi walio kuwa kabla yao, Mwenyezi Mungu akayasukua majengo yao kwenye misingi, dari zikawaporomokea juu yao, na adhabu ikawajia kutoka wasipo kujua."/>
		<aya index="27" text="Kisha Siku ya Kiyama atawahizi na atasema: Wako wapi hao washirika wangu ambao kwao mkiwakutisha (Manabii) mashaka? Watasema walio pewa ilimu: Hakika leo ndiyo hizaya na adhabu itawashukia makafiri,"/>
		<aya index="28" text="Ambao Malaika waliwafisha nao wamejidhulumu nafsi zao! Basi watasalimu amri, waseme: Hatukuwa tukifanya uovu wowote. (Wataambiwa): Kwani! Hakika Mwenyezi Mungu anajua sana mliyo kuwa mkiyatenda."/>
		<aya index="29" text="Basi ingieni milango ya Jahannamu, humo mdumu. Ni maovu mno makaazi ya wafanyao kiburi!"/>
		<aya index="30" text="Na wataambiwa walio mcha Mungu: Mola wenu Mlezi kateremsha nini? Watasema: Kheri. Walio fanya wema katika dunia hii watapata wema. Na nyumba ya Akhera ni bora zaidi, na njema mno nyumba ya wachamngu."/>
		<aya index="31" text="Bustani za milele wataziingia; iwe inapita kati yake mito. Humo watapata watakacho. Hivi ndivyo Mwenyezi Mungu awalipavyo wenye kumcha."/>
		<aya index="32" text="Wale ambao Malaika huwafisha katika hali njema, wanawaambia: Amani iwe juu yenu! Ingieni Peponi kwa sababu ya yale mliyo kuwa mkiyatenda."/>
		<aya index="33" text="Wanangojea jengine hawa ila Malaika wawafikie, au iwafikie amri ya Mola wako Mlezi? Kama hivyo walitenda walio kuwa kabla yao. Na Mwenyezi Mungu hakuwadhulumu, lakini walijidhulumu wenyewe."/>
		<aya index="34" text="Basi ukawafikia uovu wa waliyo yatenda, na waliyo kuwa wakiyakejeli yakawazunguka."/>
		<aya index="35" text="Na washirikina wanasema: Mwenyezi Mungu angeli taka tusingeli abudu chochote badala yake, sisi wala baba zetu, wala tusingeli harimisha chochote bila ya Yeye. Kama hivyo walifanya walio kuwa kabla yao. Basi lipo lolote juu ya Mitume isipo kuwa kubalighisha kwa uwazi?"/>
		<aya index="36" text="Na kwa hakika kwa kila umma tuliutumia Mtume kwamba: Muabuduni Mwenyezi Mungu, na muepukeni Shetani. Basi kati yao wapo alio waongoa Mwenyezi Mungu. Na kati yao wapo ambao ulio wathibitikia upotovu. Basi tembeeni katika ardhi, muangalie ulikuwaje mwisho wa wanao kanusha."/>
		<aya index="37" text="Hata ukiwa na pupa ya kutaka kuwaongoa, lakini Mwenyezi Mungu hamwongoi yule anaye shikilia kupotea. Wala hawatapata wa kuwanusuru."/>
		<aya index="38" text="Na wanaapa kwa Mwenyezi Mungu ukomo wa viapo vyao kwamba Mwenyezi Mungu hatomfufua aliye kufa. Kwani! Ni ahadi iliyo juu yake kikweli; lakini watu wengi hawajui."/>
		<aya index="39" text="Ili kuwabainishia yale waliyo khitalifiana, na ili wajue walio kufuru kwamba wao walikuwa ni waongo."/>
		<aya index="40" text="Kauli yetu kwa kitu tunacho kitaka kiwe, ni kukiambia: Kuwa! Basi kinakuwa."/>
		<aya index="41" text="Na wale walio hama kwa ajili ya Mwenyezi Mungu baada ya kudhulumiwa, bila ya shaka tutawaweka duniani kwa wema; na ujira wa Akhera ni mkubwa zaidi; laiti kuwa wanajua!"/>
		<aya index="42" text="Wale wanao subiri na wakamtegemea Mola wao Mlezi."/>
		<aya index="43" text="Nasi hatukuwatuma kabla yako ila watu wanaume tulio wapa Wahyi (Ufunuo). Basi waulizeni wenye ukumbusho kama nyinyi hamjui"/>
		<aya index="44" text="Kwa Ishara wazi na Vitabu. Nasi tumekuteremshia wewe Ukumbusho ili uwabainishie watu yaliyo teremshwa kwao, wapate kufikiri."/>
		<aya index="45" text="Je! Wameaminisha wanao fanya vitimbi vya uovu kwamba Mwenyezi Mungu hatawadidimiza katika ardhi, na haitawafika adhabu kutoka wasipo pajua?"/>
		<aya index="46" text="Au hatawashika katika nyendo zao, na wala hawataponyoka?"/>
		<aya index="47" text="Au hatawashika kwa kitisho na kuwapunguza kidogo kidogo? Hakika Mola wenu Mlezi ni Mwenye huruma, Mwenye kurehemu."/>
		<aya index="48" text="Je! Hawavioni vitu alivyo viumba Mwenyezi Mungu - vivuli vyao vinaelekea kushotoni na kuliani, kumsujudia Mwenyezi Mungu na vikinyenyekea?"/>
		<aya index="49" text="Na vyote viliomo katika mbingu na katika ardhi, tangu wanyama mpaka Malaika, vinamsujuidia Mwenyezi Mungu, na wala havitakabari."/>
		<aya index="50" text="Vinamkhofu Mola wao Mlezi aliye juu yao, na vinafanya vinavyo amrishwa."/>
		<aya index="51" text="Na Mwenyezi Mungu amesema: Msiwe na miungu wawili! Hakika Yeye ni Mungu Mmoja. Basi niogopeni Mimi tu!"/>
		<aya index="52" text="Na ni vyake Yeye viliomo katika mbingu na ardhi. Na Dini ni yake Yeye daima. Je! Mtamcha mwengine asiye kuwa Mwenyezi Mungu?"/>
		<aya index="53" text="Na neema yoyote mliyo nayo inatoka kwa Mwenyezi Mungu. Kisha yakikuguseni madhara mnamyayatikia Yeye."/>
		<aya index="54" text="Na anapo kuondosheeni madhara mara kundi moja miongoni mwenu linamshirikisha Mola wao Mlezi,"/>
		<aya index="55" text="Wakizikataa neema tulizo wapa. Basi stareheni. Mtakuja jua!"/>
		<aya index="56" text="Na hao ambao hata hawawajui wanawawekea sehemu ya tunavyo waruzuku. Wallahi! Bila ya shaka mtasailiwa kwa hayo mliyo kuwa mnayazua!"/>
		<aya index="57" text="Na wanamfanyia Mwenyezi Mungu ati ana mabinti, Subhanahu, Aliye takasika! Na wao wenyewe, ati ndio wawe na hayo wanayo yatamani!"/>
		<aya index="58" text="Na mmoja wao akibashiriwa kwa msichana, uso wake unasawijika, naye kajaa chuki."/>
		<aya index="59" text="Anajificha asionekane na watu kwa ubaya wa aliyo bashiriwa! Je, akae naye juu ya fedheha hiyo au amfukie udongoni? Tazama uovu wa wanavyo hukumu!"/>
		<aya index="60" text="Hali ya wasio iamini Akhera ni ovu; na Mwenyezi Mungu ndiye Mwenye sifa tukufu. Naye ni Mwenye nguvu na Mwenye hikima."/>
		<aya index="61" text="Na lau kuwa Mwenyezi Mungu angeli wachukulia watu kwa mujibu wa dhulma zao, basi asingeli mwacha hapa hata mnyama mmoja. Lakini anawaakhirisha mpaka muda ulio wekwa. Na unapo fika muda wao hawatakawilia hata saa moja wala hawatatangulia."/>
		<aya index="62" text="Na wanampa Mwenyezi Mungu wanavyo vichukia wao, na ndimi zao zinasema uwongo kwamba wao watapata mema. Hapana shaka hakika wamewekewa Moto, nao wataachwa humo."/>
		<aya index="63" text="Wallahi! Sisi tulituma Mitume kwa umati zilizo kuwa kabla yako, lakini Shetani aliwapambia vitendo vyao. Kwa hivyo leo yeye ndiye rafiki yao; nao watapata adhabu chungu."/>
		<aya index="64" text="Na hatukukuteremshia Kitabu isipo kuwa uwabainishie yale ambayo wanakhitalifiana, na kiwe Uwongofu na Rehema kwa watu wanao amini."/>
		<aya index="65" text="Na Mwenyezi Mungu ameteremsha maji kutoka mbinguni na kwa hayo akaihuisha ardhi baada ya kufa kwake. Kwa hakika katika hayo imo Ishara kwa watu wanao sikia."/>
		<aya index="66" text="Na hakika katika nyama hoa nyinyi mna mazingatio. Tunakunywesheni katika vile viliomo matumboni mwao, vikatoka baina ya mavi na damu, maziwa safi mazuri kwa wanywao."/>
		<aya index="67" text="Na kutokana na matunda ya mitende na mizabibu mnatengeneza ulevi na riziki nzuri. Hakika katika hayo ipo Ishara kwa wanao tumia akili."/>
		<aya index="68" text="Na Mola wako Mlezi amemfunulia nyuki: Jitengenezee majumba yako katika milima, na katika miti, na katika wanayo jenga watu."/>
		<aya index="69" text="Kisha kula katika kila matunda, na upite katika njia za Mola wako Mlezi zilizo fanywa nyepesi kuzipita. Na kutoka matumbo yao kinatoka kinywaji chenye rangi mbali mbali; ndani yake kina matibabu kwa wanaadamu. Hakika katika haya ipo Ishara kwa watu wanao fikiri."/>
		<aya index="70" text="Na Mwenyezi Mungu amekuumbeni; kisha anakufisheni. Na miongoni mwenu wapo wanao rudishwa kwenye umri mbaya kabisa, hata akawa asijue kitu baada ya ujuzi alio kuwa nao. Hakika Mwenyezi Mungu ndiye Mjuzi na Mweza."/>
		<aya index="71" text="Na Mwenyezi Mungu amewafadhilisha baadhi yenu kuliko wengine katika riziki. Na wale walio fadhilishwa hawarudishi riziki zao kwa wale ilio wamiliki mikono yao ya kulia ili wawe sawa katika riziki hiyo. Basi je, wanazikataa neema za Mwenyezi Mungu?"/>
		<aya index="72" text="Na Mwenyezi Mungu amekuumbieni wake katika jinsi yenu, na akakujaalieni kutoka kwa wake zenu wana na wajukuu, na akakuruzukuni vitu vizuri vizuri. Basi je, wanaamini upotovu na wanazikataa neema za Mwenyezi Mungu?"/>
		<aya index="73" text="Na badala ya Mwenyezi Mungu wanawaabudu wasio wamilikia riziki kutoka mbinguni wala kwenye ardhi, wala hawawezi kitu."/>
		<aya index="74" text="Basi msimpigie Mwenyezi Mungu mifano. Hakika Mwenyezi Mungu anajua, na nyinyi hamjui."/>
		<aya index="75" text="Mwenyezi Mungu anapiga mfano wa mtumwa aliye milikiwa, asiye weza kitu, na mwingine tuliye mruzuku riziki njema inayo toka kwetu, naye akawa anatoa katika riziki hiyo kwa siri na dhaahiri. Je, hao watakuwa sawa? Alhamdu Lillahi! Kuhimidiwa kote ni kwa Mwenyezi Mungu. Lakini wengi wao hawajui."/>
		<aya index="76" text="Na Mwenyezi Mungu anapiga mfano wa watu wawili. Mmoja wao ni bubu, hawezi chochote, naye ni mzigo kwa bwana wake. Popote anapo muelekeza haleti kheri. Je! Huyo anaweza kuwa sawa na yule anaye amrisha uadilifu, naye yuko juu ya Njia Iliyo Nyooka?"/>
		<aya index="77" text="Na siri zote za katika mbingu na ardhi ziko kwa Mwenyezi Mungu. Wala halikuwa jambo la Saa (ya Kiyama) ila kama kupepesa kwa jicho, au akali ya hivyo. Hakika Mwenyezi Mungu ni Muweza wa kila kitu."/>
		<aya index="78" text="Na Mwenyezi Mungu amekutoeni matumboni mwa mama zenu, hali ya kuwa hamjui kitu, na amekujaalieni masikio na macho na nyoyo ili mpate kushukuru."/>
		<aya index="79" text="Je! Hawawaoni ndege walivyo wat'iifu katika anga la mbingu? Hapana mwenye kuwashika isipo kuwa Mwenyezi Mungu. Hakika katika haya zipo ishara kwa watu wanao amini."/>
		<aya index="80" text="Na Mwenyezi Mungu amekujaalieni majumba yenu yawe ni maskani yenu, na amekujaalieni kutokana na ngozi za wanyama nyumba mnazo ziona nyepesi wakati wa safari zenu na wakati wa kutua kwenu. Na kutokana na sufi zao na manyoya yao na nywele zao mnafanya matandiko na mapambo ya kutumia kwa muda."/>
		<aya index="81" text="Na Mwenyezi Mungu amekufanyieni vivuli katika vitu alivyo viumba, na amekufanyieni maskani milimani, na amekufanyieni nguo za kukingeni na joto, na nguo za kukingeni katika vita vyenu. Ndio hivyo anakutimizieni neema zake ili mpate kut'ii."/>
		<aya index="82" text="Basi wakikengeuka lilio juu yako wewe ni kufikisha ujumbe wazi wazi."/>
		<aya index="83" text="Wanazijua neema za Mwenyezi Mungu, kisha wanazikanusha; na wengi wao ni makafiri."/>
		<aya index="84" text="Na siku tutakapo wainua kutokana na kila umma shahidi, kisha hawataruhusiwa walio kufuru wala hawataachiliwa kutaka radhi."/>
		<aya index="85" text="Na walio dhulumu watakapo iona adhabu hawatapunguziwa hiyo adhabu, wala hawatapewa muhula."/>
		<aya index="86" text="Na walio shirikisha watakapo waona hao walio washirikisha na Mwenyezi Mungu, watasema: Mola wetu Mlezi! Hawa ndio washirikishwa wetu ambao tulikuwa tukiwaabudu badala yako. Ndipo wale watakapo watupia kauli: Hakika nyinyi ni waongo!"/>
		<aya index="87" text="Na siku hiyo watasalimu amri mbele ya Mwenyezi Mungu, na yatapotea waliyo kuwa wakiyazua."/>
		<aya index="88" text="Wale walio kufuru na kuzuilia Njia ya Mwenyezi Mungu tutawazidishia adhabu juu ya adhabu, kwa walivyo kuwa wakifisidi."/>
		<aya index="89" text="Na (waonye) siku tutakapo wainua mashahidi katika kila umma wakiwashuhudia kwa yanayo tokana na wao, na tutakuleta wewe uwe shahidi juu ya hao. Na tumekuteremshia Kitabu hiki kinacho bainisha kila kitu, na ni uwongofu, na rehema, na bishara kwa Waislamu."/>
		<aya index="90" text="Hakika Mwenyezi Mungu anaamrisha kufanya uadilifu, na hisani, na kuwapa jamaa; na anakataza uchafu, na uovu, na dhulma. Anakuwaidhini ili mpate kukumbuka."/>
		<aya index="91" text="Na timizeni ahadi ya Mwenyezi Mungu mnapo ahidi, wala msivunje viapo baada ya kuvithibitisha, ilihali mmekwisha mfanya Mwenyezi Mungu ndiye mdhamini wenu. Hakika Mwenyezi Mungu anayajua myatendayo."/>
		<aya index="92" text="Wala msiwe kama mwanamke anaye uzongoa uzi wake baada ya kwisha usokota ukawa mgumu. Mnavifanya viapo vyenu kuwa ni njia ya kudanganyana baina yenu kwa kuwa ati taifa moja lina nguvu zaidi kuliko jengine? Hakika Mwenyezi Mungu anakujaribuni kwa njia hiyo. Na bila ya shaka atakubainishieni Siku ya Kiyama mliyo kuwa mkikhitalifiana."/>
		<aya index="93" text="Na Mwenyezi Mungu angeli taka, kwa yakini angeli kufanyeni umma mmoja. Lakini anamwachia kupotea anaye mtaka, na anamwongoa amtakaye. Na hakika mtaulizwa kwa yale mliyo kuwa mkiyafanya."/>
		<aya index="94" text="Wala msifanye viapo vyenu ni njia ya kudanganyana baina yenu. Usije mguu ukateleza badala ya kuthibiti, na mkaonja maovu kwa sababu ya kule kuzuilia Njia ya Mwenyezi Mungu, na mkapata adhabu kubwa."/>
		<aya index="95" text="Wala msinunue ahadi ya Mwenyezi Mungu kwa thamani ndogo. Hakika kilichoko kwa Mwenyezi Mungu ndicho bora kwenu, ikiwa mnajua."/>
		<aya index="96" text="Mlivyo navyo vitakwisha na vilivyoko kwa Mwenyezi Mungu ndivyo vitakavyo bakia. Na kwa yakini Sisi tutawapa walio subiri ujira wao kwa bora ya waliyo kuwa wakiyatenda."/>
		<aya index="97" text="Mwenye kutenda mema, mwanamume au mwanamke, naye akawa ni Muumini, tutamhuisha maisha mema; na tutawapa ujira wao kwa bora ya waliyo kuwa wakiyatenda."/>
		<aya index="98" text="Na ukisoma Qur'ani mwombe Mwenyezi Mungu akulinde na Shetani maluuni."/>
		<aya index="99" text="Hakika yeye hana madaraka juu ya walio amini na wakamtegemea Mola wao Mlezi."/>
		<aya index="100" text="Hakika madaraka yake ni juu ya wanao mfanya rafiki yao, na wale wanao fanya ushirika naye."/>
		<aya index="101" text="Na tunapo badilisha Ishara pahala pa Ishara nyengine, na Mwenyezi Mungu anajua anayo teremsha, wao husema: Wewe ni mzushi. Bali wengi wao hawajui kitu."/>
		<aya index="102" text="Sema: Ameiteremsha hii Roho takatifu kutokana na Mola wako Mlezi kwa haki, ili awathibitishe wale walio amini, na kuwa ni uwongofu, na ni bishara kwa Waislamu."/>
		<aya index="103" text="Na Sisi hakika tunajua kwamba wanasema: Yuko mtu anaye mfundisha. Lugha ya huyo wanaye muelekezea ni ya kigeni, na hii ni lugha ya Kiarabu mbayana."/>
		<aya index="104" text="Hakika wasio ziamini Ishara za Mwenyezi Mungu, Mwenyezi Mungu hawaongoi, nao watapata adhabu chungu."/>
		<aya index="105" text="Wanao zua uwongo ni wale tu wasio ziamini Ishara za Mwenyezi Mungu. Na hao ndio waongo."/>
		<aya index="106" text="Anaye mkataa Mwenyezi Mungu baada ya kuamini kwake - isipo kuwa aliye lazimishwa na hali ya kuwa moyo wake umetua juu ya Imani, lakini aliye kifungulia kifua chake kukataa - basi hao ghadhabu ya Mwenyezi Mungu ipo juu yao, na wao watapata adhabu kubwa."/>
		<aya index="107" text="Hayo ni kwa sababu wameyapenda zaidi maisha ya duniani kuliko ya Akhera, na kwa sababu Mwenyezi Mungu hawaongoi watu makafiri."/>
		<aya index="108" text="Hao ndio Mwenyezi Mungu ameziziba nyoyo zao na masikio yao na macho yao. Na hao ndio walio ghafilika."/>
		<aya index="109" text="Hapana shaka ya kwamba hao ndio wenye kukhasiri Akhera."/>
		<aya index="110" text="Kisha hakika Mola wako Mlezi, kwa wale walio hama makwao baada ya kuteswa, kisha wakapigania Dini na wakasubiri, bila ya shaka Mola wako Mlezi baada ya hayo ni Mwenye kusamehe Mwenye kurehemu."/>
		<aya index="111" text="Siku ambayo kila nafsi itakuja jitetea, na kila nafsi italipwa sawa sawa na a'mali ilizo zifanya, nao hawatadhulumiwa."/>
		<aya index="112" text="Na Mwenyezi Mungu amepiga mfano wa mji ulio kuwa na amani na utulivu, riziki yake ikiufikia kwa nafasi kutoka kila mahali. Lakini ukazikufuru neema za Mwenyezi Mungu; kwa hivyo Mwenyezi Mungu akauvika vazi la njaa na khofu kwa sababu ya yale waliyo kuwa wakiyafanya."/>
		<aya index="113" text="Na alikwisha wajia Mjumbe wa miongoni mwao wenyewe. Lakini wakamkanusha; basi iliwafika adhabu hali ya kuwa wamedhulumu."/>
		<aya index="114" text="Basi kuleni katika vile alivyo kupeni Mwenyezi Mungu, vilivyo halali na vizuri. Na shukuruni neema za Mwenyezi Mungu, ikiwa kweli mnamuabudu Yeye."/>
		<aya index="115" text="Amekuharimishieni nyamafu tu, na damu, na nyama ya nguruwe, na mnyama aliye chinjwa kwa ajili isiyo kuwa ya Mwenyezi Mungu. Lakini anaye lazimishwa bila ya kuasi, wala kuruka mipaka, basi hakika Mwenyezi Mungu ni Mwenye kusamehe na Mwenye kurehemu."/>
		<aya index="116" text="Wala msiseme uwongo, kwa kuropokwa na ndimi zenu: Hichi halali, na hichi haramu - mkimzulia uwongo Mwenyezi Mungu. Hakika wanao mzulia uwongo Mwenyezi Mungu hawatafanikiwa."/>
		<aya index="117" text="Ni starehe ndogo, nao watapata adhabu chungu."/>
		<aya index="118" text="Na Mayahudi tuliwaharimishia yale tuliyo kuhadithia zamani. Na Sisi hatukuwadhulumu, bali walikuwa wakijudhulumu wenyewe."/>
		<aya index="119" text="Kisha hakika Mola wako Mlezi kwa walio tenda uovu kwa ujinga, kisha wakatubia baada ya hayo na wakatenda mema; bila ya shaka Mola wako Mlezi baada ya hayo ni Mwenye kusamehe na Mwenye kurehemu."/>
		<aya index="120" text="Hakika Ibrahim alikuwa mfano mwema, mnyenyekevu kwa Mwenyezi Mungu, mwongofu, wala hakuwa miongoni mwa washirikina."/>
		<aya index="121" text="Mwenye kuzishukuru neema zake, Mwenyezi Mungu. Yeye kamteuwa, na akamwongoa kwenye Njia Iliyo Nyooka."/>
		<aya index="122" text="Na tukampa wema duniani, na hakika Akhera atakuwa miongoni mwa watu wema."/>
		<aya index="123" text="Kisha tukakufunulia ya kwamba ufuate mila ya Ibrahim, mwongofu, wala hakuwa miongoni mwa washirikina."/>
		<aya index="124" text="Hakika siku ya Sabato (Jumaamosi) waliwekewa wale walio khitalifiana kwa ajili yake. Na hakika Mola wako Mlezi bila ya shaka atahukumu baina yao Siku ya Kiyama katika yale waliyo kuwa wakikhitalifiana."/>
		<aya index="125" text="Waite waelekee kwenye Njia ya Mola wako Mlezi kwa hikima na mawaidha mema, na ujadiliane nao kwa namna iliyo bora. Hakika Mola wako Mlezi ndiye anaye mjua zaidi aliye ipotea Njia yake, na Yeye ndiye anaye wajua zaidi walio ongoka."/>
		<aya index="126" text="Na mkilipiza basi lipizeni sawa na vile mlivyo adhibiwa. Na ikiwa mtasubiri, basi hakika hivyo ni bora zaidi kwa wanao subiri."/>
		<aya index="127" text="Na subiri. Na kusubiri kwako kusiwe ila kwa sababu ya Mwenyezi Mungu tu. Wala usiwahuzunikie; wala usiwe katika dhiki kwa hila wanazo zifanya."/>
		<aya index="128" text="Hakika Mwenyezi Mungu yu pamoja na wenye kumcha, na watendao mema."/>
	</sura>
	<sura index="17" name="">
		<aya index="1" text="SUBHANA, Ametakasika aliye mchukua mja wake usiku mmoja kutoka Msikiti Mtukufu mpaka Msikiti wa Mbali, ambao tumevibariki vilivyo uzunguka, ili tumuonyeshe baadhi ya Ishara zetu. Hakika Yeye ni Mwenye kusikia na Mwenye kuona."/>
		<aya index="2" text="Na tukampa Musa Kitabu, na tukakifanya uwongofu kwa Wana wa Israili. (Tukawambia): Msiwe na mtegemewa ila Mimi!"/>
		<aya index="3" text="Enyi kizazi tuliyo wachukua pamoja na Nuhu! Hakika yeye alikuwa mja mwenye shukrani."/>
		<aya index="4" text="Na tukawahukumia Wana wa Israili katika Kitabu kwamba: Hakika nyinyi mtafanya fisadi katika nchi mara mbili, na kwa yakini mtapanda kiburi, kiburi kikubwa."/>
		<aya index="5" text="Basi itapo fika ahadi ya kwanza yake tutakupelekeeni waja wetu wa kali kwa vita. Watakuingilieni ndani ya majumba. Na hii ilikuwa ahadi iliyo timizwa."/>
		<aya index="6" text="Kisha tukakurudishieni nguvu zenu dhidi yao, na tukakusaidieni kwa mali na wana, na tukakujaalieni mkawa wengi zaidi."/>
		<aya index="7" text="Basi mkifanya wema, mnajifanyia wema nafsi zenu. Na mkifanya ubaya, mnajifanyia wenyewe. Na ikifika ahadi ya mwisho ili waziharibu nyuso zenu, na waingie Msikitini kama walivyo ingia mara ya kwanza, na waharibu kila walicho kiteka kwa uharibifu mkubwa."/>
		<aya index="8" text="Huenda Mola wenu Mlezi akakurehemuni. Na mkirudia na Sisi tutarudia. Na tumeifanya Jahannamu kuwa ni gereza kwa ajili ya makafiri."/>
		<aya index="9" text="Hakika hii Qur'ani inaongoa kwenye ya yaliyo nyooka kabisa, na inawabashiria Waumini ambao wanatenda mema ya kwamba watapata malipo makubwa."/>
		<aya index="10" text="Na yakwamba wale wasio iamini Akhera tumewaandalia adhabu chungu."/>
		<aya index="11" text="Na mwanaadamu huomba shari kama vile aombavyo kheri, kwani mwanaadamu ni mwenye pupa."/>
		<aya index="12" text="Na tumefanya usiku na mchana kuwa ishara mbili. Tena tukaifuta ishara ya usiku, na tukaifanya ishara ya mchana ni yenye mwangaza ili mtafute fadhila itokayo kwa Mola wenu Mlezi, na mpate kujua idadi ya miaka na hisabu. Na kila kitu tumekifafanua waziwazi."/>
		<aya index="13" text="Na kila mtu tumemfungia a'mali yake shingoni mwake. Na Siku ya Kiyama tutamtolea kitabu atakacho kikuta kiwazi kimekunjuliwa."/>
		<aya index="14" text="Ataambiwa: Soma kitabu chako! Nafsi yako inakutosha leo kukuhisabu."/>
		<aya index="15" text="Anaye ongoka basi anaongoka kwa ajili ya nafsi yake. Na anaye potea basi anapotea kwa khasara yake mwenyewe. Wala habebi mbebaji mzigo wa mwengine. Wala Sisi hatuadhibu mpaka tumpeleke Mtume."/>
		<aya index="16" text="Na pindi tukitaka kuuteketeza mji huwaamrisha wale wenye starehe na taanusi, lakini wao huendelea kutenda maovu humo. Basi hapo kauli huthibiti juu ya mji huo, nasi tukauangamiza kwa maangamizo makubwa."/>
		<aya index="17" text="Na kaumu ngapi tumeziangamiza baada ya Nuhu! Na Mola wako Mlezi anatosha kabisa kuwa ni Mwenye kuzijua na kuziona dhambi za waja wake."/>
		<aya index="18" text="Anaye taka yapitayo upesi upesi, tutafanya haraka kumletea hapa hapa tunayo yataka kwa tumtakaye. Kisha tumemwekea Jahannamu; ataingia humo hali ya kuwa ni mwenye kulaumiwa na kufurushwa."/>
		<aya index="19" text="Na anaye itaka Akhera, na akazifanyia juhudi a'mali zake, naye ni Muumini, basi hao juhudi yao itakuwa ni ya kushukuriwa."/>
		<aya index="20" text="Wote hao tunawakunjulia - hawa na hao - katika neema za Mola wako Mlezi. Wala neema za Mola wako Mlezi hazizuiliki."/>
		<aya index="21" text="Angalia vipi tulivyo wafadhili baadhi yao kuliko wenginewe. Na hakika Akhera ni yenye daraja kubwa zaidi na fadhila kubwa zaidi."/>
		<aya index="22" text="Usimfanye mungu mwengine pamoja na Mwenyezi Mungu, usije ukawa wa kulaumiwa uliye tupika."/>
		<aya index="23" text="Na Mola wako Mlezi ameamrisha kuwa msimuabudu yeyote ila Yeye tu, na wazazi wawili muwatendee wema. Mmoja wao akifikia uzee, naye yuko kwako, au wote wawili, basi usimwambie hata: Ah! Wala usiwakemee. Na sema nao kwa msemo wa hishima."/>
		<aya index="24" text="Na uwainamishie bawa la unyenyekevu kwa kuwaonea huruma. Na useme: Mola wangu Mlezi! Warehemu kama walivyo nilea utotoni."/>
		<aya index="25" text="Mola wenu anajua kabisa yaliyo nyoyoni mwenu. Ikiwa nyinyi mtakuwa wema, basi hakika Yeye ni Mwenye kuwaghufiria wanao tubia kwake."/>
		<aya index="26" text="Na mpe aliye jamaa yako haki yake, na masikini, na msafiri; wala usitumie ovyo kwa fujo."/>
		<aya index="27" text="Hakika wabadhirifu ni ndugu wa Mashet'ani. Na Shet'ani ni mwenye kumkufuru Mola wake Mlezi."/>
		<aya index="28" text="Na ikiwa unajikurupusha nao, nawe unatafuta rehema ya Mola wako Mlezi unayo itaraji, basi sema nao maneno laini."/>
		<aya index="29" text="Wala usiufanye mkono wako kama ulio fungwa shingoni mwako, wala usiukunjue wote kabisa, utabaki ukilaumiwa muflisi."/>
		<aya index="30" text="Hakika Mola wako Mlezi humkunjulia riziki amtakaye, na humpimia amtakaye. Hakika Yeye kwa waja wake ni Mwenye kuwajua na kuwaona."/>
		<aya index="31" text="Wala msiwauwe wana wenu kwa kuogopa umasikini. Sisi tunawaruzuku wao na nyinyi. Hakika kuwaua hao ni khatia kubwa."/>
		<aya index="32" text="Wala msikaribie uzinzi. Hakika huo ni uchafu na njia mbaya."/>
		<aya index="33" text="Wala msiuwe nafsi ambayo Mwenyezi Mungu amekataza isipo kuwa kwa haki. Na aliye uliwa kwa kudhulumiwa basi tumempa madaraka mrithi wake. Lakini asipite mpaka katika kuuwa. Kwani yeye anasaidiwa."/>
		<aya index="34" text="Wala msiyakaribie mali ya yatima, isipo kuwa kwa njia iliyo bora, mpaka afike utuuzimani. Na timizeni ahadi. Kwa hakika ahadi itasailiwa."/>
		<aya index="35" text="Na timizeni kipimo mpimapo. Na pimeni kwa mizani zilizo sawa. Hayo ni wema kwenu na khatimaye ndio bora."/>
		<aya index="36" text="Wala usiyafuate usiyo na ujuzi nayo. Hakika masikio, na macho, na moyo - hivyo vyote vitasailiwa."/>
		<aya index="37" text="Wala usitembee katika ardhi kwa maringo. Hakika wewe huwezi kuipasua ardhi wala kufikia urefu wa milima."/>
		<aya index="38" text="Haya yote ubaya wake ni wenye kuchukiza kwa Mola wako Mlezi."/>
		<aya index="39" text="Haya ni katika hikima alizo kufunulia Mola wako Mlezi. Wala usimweke pamoja na Mwenyezi Mungu mungu mwengine, usije ukatupwa katika Jahannamu ukilaumiwa na kufurushwa."/>
		<aya index="40" text="Je! Mola wenu Mlezi amekuteulieni wavulana, na Yeye akawafanya Malaika ni banati zake? Kwa hakika nyinyi mnasema usemi mkubwa."/>
		<aya index="41" text="Na tumekwisha bainisha katika Qur'ani hii ili wapate kukumbuka. Lakini haikuwazidisha ila kuwa mbali nayo."/>
		<aya index="42" text="Sema: Lau kuwa wangeli kuwa pamoja naye miungu mingine kama wasemavyo, basi wangeli tafuta njia ya kumfikia Mwenye Kiti cha Enzi."/>
		<aya index="43" text="Subhanahu Wa Taa'la, Ametakasika na Ametukuka juu kabisa na hayo wanayo yasema."/>
		<aya index="44" text="Zinamtakasa zote mbingu saba na ardhi na vyote viliomo ndani yake. Na hapana kitu ila kinamtakasa kwa sifa zake. Lakini nyinyi hamfahamu kutakasa kwake. Hakika Yeye ni Mpole na Mwenye maghfira."/>
		<aya index="45" text="Na unapo soma Qur'ani tunaweka baina yako na wale wasio iamini Akhera pazia linalo wafunika."/>
		<aya index="46" text="Na tunaweka vifuniko juu ya nyoyo zao wasije wakaifahamu, na tunaweka kwenye masikio yao uziwi. Na unapo mtaja katika Qur'ani Mola wako Mlezi peke yake, basi wao hugeuka nyuma wakenda zao."/>
		<aya index="47" text="Sisi tunajua vyema kabisa sababu wanayo sikilizia wanapo kusikiliza, na wanapo nong'ona. Wanapo sema hao madhaalimu: Nyinyi hamumfuati isipo kuwa mtu aliye rogwa."/>
		<aya index="48" text="Tazama vipi wanavyo kupigia mifano. Basi wamepotea. Kwa hivyo hawawezi kuipata njia."/>
		<aya index="49" text="Na walisema: Je! Tutapo kuwa mifupa na mapande yaliyo vurugika, tutafufuliwa kwa umbo jipya?"/>
		<aya index="50" text="Sema: Kuweni hata mawe na chuma."/>
		<aya index="51" text="Au umbo lolote mnalo liona kubwa katika vifua vyenu. Watasema: Nani atakaye turudisha tena? Sema: Yule yule aliye kuumbeni mara ya kwanza! Watakutikisia vichwa vyao, na watasema: Lini hayo? Sema: A'saa yakawa karibu!"/>
		<aya index="52" text="Siku atakapo kuiteni, na nyinyi mkamuitikia kwa kumshukuru, na mkadhani kuwa hamkukaa ila muda mdogo tu."/>
		<aya index="53" text="Waambie waja wangu waseme maneno mazuri, maana Shet'ani huchochea ugomvi baina yao. Hakika Shet'ani ni adui aliye dhaahiri kwa mwanaadamu."/>
		<aya index="54" text="Mola wenu Mlezi anakujueni vilivyo. Akipenda atakurehemuni, na akipenda atakuadhibuni. Na hatukukutuma ili uwe mlinzi juu yao."/>
		<aya index="55" text="Na Mola wako Mlezi anawajua vilivyo waliomo mbinguni na katika ardhi. Na hakika tumewafadhilisha baadhi ya Manabii kuliko wengine; na Daudi tulimpa Zaburi."/>
		<aya index="56" text="Sema: Waombeni hao mnao wadaia badala yake Yeye. Hawawezi kukuondoleeni madhara, wala kuyaweka pengine."/>
		<aya index="57" text="Hao wanao waomba, wao wenyewe wanatafuta njia ya kwendea kwa Mola wao Mlezi - hata miongoni mwao walio karibu mno - na wanataraji rehema zake na wanaikhofu adhabu yake. Hakika adhabu ya Mola wako Mlezi yafaa kutahadhari nayo."/>
		<aya index="58" text="Na hapana mji wowote ila Sisi tutauteketeza kabla ya Siku ya Kiyama, au tutaupa adhabu kali. Haya yamekwisha andikwa katika Kitabu."/>
		<aya index="59" text="Na hapana kinacho tuzuia kupeleka miujiza ila ni kuwa watu wa zamani waliikanusha. Na tuliwapa Wathamudi ngamia jike kuwa ni Ishara iliyo dhaahiri, lakini walidhulumu kwaye. Nasi hatupeleki Ishara ila kwa ajili ya kuhadharisha."/>
		<aya index="60" text="Na tulipo kwambia: Hakika Mola wako Mlezi amekwisha wazunguka hao watu. Na hatukuifanya ndoto tulio kuonyesha ila ni kuwajaribu watu, na mti ulio laaniwa katika Qur'ani. Na tunawahadharisha, lakini haiwazidishii ila uasi mkubwa."/>
		<aya index="61" text="Na pale tulipo waambia Malaika: Msujudieni Adam. Wakamsujudia isipo kuwa Iblisi. Akasema: Je! Nimsujudie uliye muumba kwa udongo?"/>
		<aya index="62" text="Akasema: Hebu nambie khabari ya huyu uliye mtukuza juu yangu. Ukiniakhirisha mpaka Siku ya Kiyama, hapana shaka nitawaangamiza dhuriya zake wasipo kuwa wachache tu."/>
		<aya index="63" text="Akasema Mwenyezi Mungu: Ondokelea mbali! Atakaye kufuata katika wao, basi Jahannamu itakuwa ndiyo malipo yenu, malipo ya kutimia."/>
		<aya index="64" text="Na wachochee uwawezao katika wao kwa sauti yako, na wakusanyie jeshi lako la wapandao farasi na waendao kwa miguu. Na shirikiana nao katika mali na wana, na waahidi. Na Shet'ani hawapi ahadi ila ya udanganyifu."/>
		<aya index="65" text="Hakika wewe huna mamlaka juu ya waja wangu. Na Mola wako Mlezi anatosha kuwa ni wa kutegemewa."/>
		<aya index="66" text="Mola wenu Mlezi ndiye anaye kuendesheeni marikebu katika bahari ili mtafute katika fadhila zake. Hakika Yeye ni Mwenye kukurehemuni nyinyi."/>
		<aya index="67" text="Na inapo kufikieni taabu katika bahari, hao mnao waomba wanapotea, isipo kuwa Yeye tu. Na anapo kuvueni mkafika nchi kavu, mnageuka. Ama mwanaadamu ni mwingi wa kukanusha."/>
		<aya index="68" text="Je! Mmeaminisha ya kuwa hatakudidimizeni upande wowote katika nchi kavu, au kwamba hatakuleteeni tufani la kokoto? Kisha msipate wa kumtegemea."/>
		<aya index="69" text="Au mmeaminisha ya kuwa hatakurudisheni humo mara nyengine na kukupelekeeni kimbunga cha upepo akakuzamisheni kwa mlivyo kufuru, na kisha msipate wa kukunusuruni nasi."/>
		<aya index="70" text="Na hakika tumewatukuza wanaadamu, na tumewapa vya kupanda nchi kavu na baharini, na tumewaruzuku vitu vizuri vizuri, na tumewafadhilisha kwa fadhila kubwa kuliko wengi miongoni mwa tulio waumba."/>
		<aya index="71" text="Siku tutapo waita kila kikundi cha watu kwa mujibu wa wakifuatacho - basi atakaye pewa kitabu chake kwa mkono wake wa kulia, basi hao watasoma kitabu chao wala hawatadhulumiwa hata chembe."/>
		<aya index="72" text="Na aliye kuwa hapa kipofu, basi atakuwa kipofu Akhera, na atakuwa aliye ipotea zaidi Njia."/>
		<aya index="73" text="Na hakika walikaribia kukushawishi uache tuliyo kufunulia ili utuzulie mengineyo. Na hapo ndio wangeli kufanya rafiki."/>
		<aya index="74" text="Na lau kuwa hatukukuweka imara ungeli karibia kuwaelekea kidogo."/>
		<aya index="75" text="Hapo basi bila ya shaka tungeli kuonjesha adhabu mardufu ya uhai, na adhabu mardufu ya kifo. Kisha usinge pata mtu wa kukunusuru nasi."/>
		<aya index="76" text="Na walitaka kukukera ili uitoke nchi. Na hapo wao wasingeli bakia humo ila kwa muda mchache tu."/>
		<aya index="77" text="Huo ndio mwendo kwa Mitume tulio watuma kabla yako. Wala hupati mabadiliko katika mwendo wetu."/>
		<aya index="78" text="Shika Sala jua linapo pinduka mpaka giza la usiku, na Qur'ani ya al fajiri. Hakika Qur'ani ya alfajiri inashuhudiwa daima."/>
		<aya index="79" text="Na amka usiku kwa ibada; ni ziada ya sunna khasa kwako wewe. Huenda Mola wako Mlezi akakunyanyua cheo kinacho sifika."/>
		<aya index="80" text="Na sema: Mola wangu Mlezi! Niingize muingizo mwema, na unitoe kutoka kwema. Na unipe nguvu zinazo toka kwako zinisaidie."/>
		<aya index="81" text="Na sema: Kweli imefika, na uwongo umetoweka. Hakika uwongo lazima utoweke!"/>
		<aya index="82" text="Na tunateremsha katika Qur'ani yaliyo ni matibabu na rehema kwa Waumini. Wala hayawazidishii madhaalimu ila khasara."/>
		<aya index="83" text="Na mwanaadamu tunapo mneemesha hugeuka na kujitenga kando. Na inapo mgusa shari hukata tamaa."/>
		<aya index="84" text="Sema: Kila mmoja anafanya kwa namna yake. Na Mola wenu Mlezi anajua aliye ongoka katika njia."/>
		<aya index="85" text="Na wanakuuliza khabari za Roho. Sema: Roho ni katika mambo ya Mola wangu Mlezi. Nanyi hamkupewa katika ilimu ila kidogo tu."/>
		<aya index="86" text="Na tungeli penda tungeli yaondoa tuliyo kufunulia. Kisha usingeli pata mwakilishi wa kukupigania kwetu kwa haya."/>
		<aya index="87" text="Isipo kuwa iwe rehema itokayo kwa Mola wako Mlezi. Hakika fadhila yake kwako ni kubwa."/>
		<aya index="88" text="Sema: Wangeli kusanyika watu na majini ili walete mfano wa hii Qur'ani basi hawaleti mfano wake, hata wakisaidiana wao kwa wao."/>
		<aya index="89" text="Na hakika tumewaeleza watu katika hii Qur'ani kwa kila mfano. Lakini watu wengi wanakataa isipo kuwa kukanusha tu."/>
		<aya index="90" text="Na walisema: Hatutakuamini mpaka ututimbulie chemchem katika ardhi hii."/>
		<aya index="91" text="Au uwe na kitalu cha mitende na mizabibu, na utupitishie mito kati yake ikimiminika."/>
		<aya index="92" text="Au utuangushie mbingu vipande vipande kama ulivyo dai; au utuletee Mwenyezi Mungu na Malaika uso kwa uso."/>
		<aya index="93" text="Au uwe na nyumba ya dhahabu, au upae mbinguni. Wala hatutaamini kupaa kwako mpaka ututeremshie kitabu tukisome. Sema: Subhana Rabbi, Ametakasika Mola wangu Mlezi! Kwani mimi ni nani isipo kuwa ni mwanaadamu na Mtume?"/>
		<aya index="94" text="Na nini kilicho wazuilia watu kuamini ulipo wajia uwongofu isipo kuwa walisema: Je! Mwenyezi Mungu humtuma mwanaadamu kuwa ni Mtume?"/>
		<aya index="95" text="Sema: Ingeli kuwa duniani wapo Malaika wanatembea kwa utulivu wao, basi bila ya shaka tungeli wateremshia Malaika kuwa ni Mtume wao."/>
		<aya index="96" text="Sema: Mwenyezi Mungu anatosha kuwa Shahidi baina yangu na nyinyi. Hakika Yeye anawajua vyema waja wake na anawaona."/>
		<aya index="97" text="Na anaye mhidi Mwenyezi Mungu basi huyo ndiye aliye hidika. Na anaye wapotoa basi huto wapatia walinzi badala yake. Na tutawakusanya Siku ya Kiyama hali wakikokotwa juu ya nyuso zao, nao ni vipofu na mabubu na viziwi. Na makaazi yao ni Jahannamu. Kila moto ukifanya kusinzia tutazidi kuuchochea uwake kwa nguvu."/>
		<aya index="98" text="Hayo ni malipo yao kwa sababu walizikataa ishara zetu, na wakasema: Hivyo tukisha kuwa mifupa na mapande yaliyo vurugika tutafufuliwa kwa umbo jipya?"/>
		<aya index="99" text="Kwani hawakuona ya kwamba Mwenyezi Mungu aliye umba mbingu na ardhi ni Mwenye kuweza kuumba mfano wao? Na Yeye amewawekea muda usio na shaka yoyote. Lakini madhaalimu hawataki ila ukafiri."/>
		<aya index="100" text="Sema: Lau kuwa nyinyi mnazimiliki khazina za rehema za Mola wangu Mlezi, basi hapana shaka mngeli zuia kuzitumia kwa ajili ya kukhofu. Na mwanaadamu tangu hapo tabia yake ni mchoyo!"/>
		<aya index="101" text="Na kwa yakini tulimpa Musa ishara tisa zilizo wazi. Waulize Wana wa Israili alipo wafikia, na Firauni akawaambia: Hakika mimi nakuona wewe Musa umerogwa!"/>
		<aya index="102" text="Musa akasema: Wewe unajua bila ya shaka kuwa haya hakuyateremsha ila Mola Mlezi wa mbingu na ardhi ili kuwa ni ushahidi wa kuonekana. Na hakika mimi bila ya shaka nakuona wewe, Firauni, kuwa umekwisha angamia."/>
		<aya index="103" text="Basi Firauni akataka kuwafukuza katika nchi. Kwa hivyo tukamzamisha yeye na walio kuwa pamoja naye wote."/>
		<aya index="104" text="Na tukawaambia baada yake Wana wa Israili: Kaeni katika nchi. Itapo kuja ahadi ya Akhera tutakuleteni nyote pamoja."/>
		<aya index="105" text="Na kwa Haki tumeiteremsha, na kwa Haki imeteremka. Na hatukukutuma ila uwe mbashiri na mwonyaji."/>
		<aya index="106" text="Na Qur'ani tumeigawanya sehemu mbali mbali ili uwasomee watu kwa kituo, na tumeiteremsha kidogo kidogo."/>
		<aya index="107" text="Sema: Iaminini au msiiamini. Hakika wale walio pewa ilimu kabla yake, wanapo somewa hii, huanguka kifudifudi wanasujudu."/>
		<aya index="108" text="Na wanasema: Subhana Rabbina, Ametakasika Mola wetu Mlezi! Hakika ahadi ya Mola wetu Mlezi lazima itimizwe!"/>
		<aya index="109" text="Na huanguka kifudifudi na huku wanalia, na inawazidisha unyenyekevu."/>
		<aya index="110" text="Sema: Mwombeni Allah (Mwenyezi Mungu), au mwombeni Rahman (Mwingi wa Rehema), kwa jina lolote mnalo mwita. Kwani Yeye ana majina mazuri mazuri. Wala usitangaze Sala yako kwa sauti kubwa, wala usiifiche kwa sauti ndogo, bali shika njia ya kati na kati ya hizo."/>
		<aya index="111" text="Na sema: Alhamdulillah, Himdi zote ni za Mwenyezi Mungu ambaye hana mwana, wala hana mshirika katika ufalme, wala hana rafiki wa kumsaidia kwa sababu ya udhaifu wake. Na mtukuze kwa utukufu mkubwa."/>
	</sura>
	<sura index="18" name="">
		<aya index="1" text="Kuhimidiwa ni kwa Mwenyezi Mungu, ambaye amemteremshia mja wake Kitabu, wala hakukifanya kina upogo."/>
		<aya index="2" text="Kimenyooka sawa, ili kitoe onyo kali kutoka kwake, na kiwabashirie Waumini watendao mema kwamba watapata ujira mzuri."/>
		<aya index="3" text="Wakae humo milele."/>
		<aya index="4" text="Na kiwaonye wanao nena: Mwenyezi Mungu ana mwana."/>
		<aya index="5" text="Wao hawana ujuzi wa jambo hili, wala baba zao. Ni neno kuu hilo litokalo vinywani mwao. Hawasemi ila uwongo tu."/>
		<aya index="6" text="Huenda ukajihiliki nafsi yako kwa ajili yao, kuwasikitikia kwa kuwa hawayaamini mazungumzo haya!"/>
		<aya index="7" text="Kwa hakika tumevifanya vilioko juu ya ardhi kuwa ni pambo lake ili tuwafanyie mtihani, ni nani kati yao wenye vitendo vizuri zaidi."/>
		<aya index="8" text="Na hakika Sisi tutavifanya vyote vilio juu ya ardhi kuwa kama nchi ilio pigwa na ukame."/>
		<aya index="9" text="Bali unadhani ya kwamba wale Watu wa Pangoni na Maandishi walikuwa ni ajabu miongoni mwa ishara zetu?"/>
		<aya index="10" text="Vijana hao walipo kimbilia kwenye pango walisema: Mola wetu Mlezi! Tupe rehema itokayo kwako, na tutengezee uwongofu katika jambo letu."/>
		<aya index="11" text="Tukayaziba masikio yao kuwalaza humo pangoni kwa muda wa miaka kadhaa wa kadhaa."/>
		<aya index="12" text="Kisha tukawazindua ili tujue ni lipi katika makundi mawili lilio hisabu sawa muda walio kaa."/>
		<aya index="13" text="Sisi tunakusimulia khabari zao kwa kweli. Hakika wao walikuwa ni vijana walio muamini Mola wao Mlezi. Na Sisi tukawazidisha uwongofu."/>
		<aya index="14" text="Na tukazitia nguvu nyoyo zao walipo simama na wakasema: Mola wetu Mlezi ni Mola Mlezi wa mbingu na ardhi. Hatutamwita mwenginewe kabisa badala yake kuwa ni Mungu. Hivyo itakuwa tumesema jambo la kuvuka mpaka."/>
		<aya index="15" text="Hawa watu wetu wameshika miungu mingine badala yake Yeye. Kwa nini basi hawawatolei uthibitisho ulio dhaahiri? Na nani aliye dhaalimu zaidi kuliko anaye mzulia uwongo Mwenyezi Mungu?"/>
		<aya index="16" text="Na mkijitenga nao na vile wanavyo viabudu badala ya Mwenyezi Mungu, basi kimbilieni pangoni, akufungulieni Mola wenu Mlezi rehema yake, na akutengenezeeni ya kukufaeni katika mambo yenu."/>
		<aya index="17" text="Na unaliona jua linapo chomoza linainamia kuliani mwao kutoka hapo pangoni; na linapo kuchwa linawakwepa kushotoni, na wao wamo katika uwazi wa pango. Hizo ni katika ishara za Mwenyezi Mungu. Ambaye Mwenyezi Mungu anamwongoa basi huyo ni mwenye kuongoka. Na anaye muacha kupotea basi hutampatia mlinzi wala mwongozi."/>
		<aya index="18" text="Nawe utawadhania wamacho, na hali wamelala. Nasi tunawageuza kulia na kushoto. Na mbwa wao amenyoosha miguu yake ya mbele kizingitini. Kama ungeli watokea hapana shaka ungeli geuka kuwakimbia, nawe umejaa khofu."/>
		<aya index="19" text="Na kwa namna hii tuliwainua usingizini wapate kuulizana wao kwa wao. Alisema msemaji katika wao: Mmekaa muda gani? Wakasema: Tumekaa siku moja au sehemu ya siku. Wakasema: Mola wenu Mlezi anajua zaidi muda mlio kaa. Hebu mtumeni mmoja wenu na hizi fedha zenu ende mjini, akatazame chakula chake kipi kilicho bora kabisa akuleteeni cha kukila. Naye afanye mambo hayo kwa busara, wala asikutajeni kabisa kwa yeyote."/>
		<aya index="20" text="Kwani wao wakikutambueni watakupigeni mawe, au watakurudisheni katika dini yao; na hapo hamtafanikiwa kabisa!"/>
		<aya index="21" text="Na namna hivi tuliwa juulisha kwa watu wapate kujua ya kwamba ahadi ya Mwenyezi Mungu ni ya kweli, na kwamba Saa haina shaka. Walipo kuwa wakigombania jambo lao wao kwa wao walisema: Jengeni jengo juu yao. Mola wao Mlezi anawajua vyema. Wakasema walio shinda katika shauri yao: Bila ya shaka tutawajengea msikiti juu yao."/>
		<aya index="22" text="Watasema: Walikuwa watatu, wa nne wao ni mbwa wao. Na wanasema: Walikuwa watano, wa sita wao ni mbwa wao. Wanavurumisha ovyo. Na wanasema: Walikuwa saba, na wa nane wao ni mbwa wao. Sema: Mola wangu Mlezi ndiye anaye jua sawa sawa hisabu yao. Hawawajui ila wachache tu. Basi usibishane juu yao ila kwa mabishano ya juu juu tu hivi. Wala usiulize khabari zao kwa yeyote yule."/>
		<aya index="23" text="Wala usisema kamwe kwa jambo lolote lile: Hakika nitalifanya hilo kesho -"/>
		<aya index="24" text="Isipo kuwa Mwenyezi Mungu akipenda. Na mkumbuke Mola wako Mlezi pale unapo sahau, na sema: Asaa Mola wangu Mlezi ataniongoa kwenye uwongozi ulio karibu zaidi kuliko huu."/>
		<aya index="25" text="Na walikaa katika pango lao miaka mia tatu, na wakazidisha tisa."/>
		<aya index="26" text="Sema: Mwenyezi Mungu anajua zaidi muda walio kaa. Ni zake tu siri za mbingu na ardhi. Kuona kulioje na kusikia kwake! Hawana mlinzi isipo kuwa Yeye, wala hamshirikishi yeyote katika hukumu yake."/>
		<aya index="27" text="Na soma uliyo funuliwa katika Kitabu cha Mola wako Mlezi. Hapana wa kubadilisha maneno yake. Wala nawe hutapata makimbilio isipo kuwa kwake."/>
		<aya index="28" text="Na isubirishe nafsi yako pamoja na wanao muomba Mola wao Mlezi asubuhi na jioni, hali ya kuwa wanataka radhi yake. Wala macho yako yasiwaruke kwa kutaka pambo la maisha ya dunia. Wala usimt'ii tuliye mghafilisha moyo wake asitukumbuke, na akafuata matamanio yake yakawa yamepita mpaka."/>
		<aya index="29" text="Na sema: Hii ni kweli itokayo kwa Mola wako Mlezi. Basi atakaye, aamini. Na atakaye, akatae. Hakika Sisi tumewaandalia wenye kudhulumu Moto ambao utawazunguka kama khema. Na wakiomba msaada watasaidiwa kwa kupewa maji kama mafuta yaliyo tibuka. Yatayo wababua nyuso zao. Kinywaji hicho ni kiovu mno! Na matandiko hayo ya kupumzikia ni maovu mno!"/>
		<aya index="30" text="Hakika wale walio amini na wakatenda mema - hakika Sisi hatupotezi ujira wa anaye tenda mema."/>
		<aya index="31" text="Hao watapata Bustani za milele, zinazo pita mito kati yake. Humo watapambwa kwa mavazi ya mikononi ya dhahabu, na watavaa nguo za kijani za hariri na at'ilasi, huku wakiegemea humo juu ya makochi. Ni malipo bora hayo! Na matandiko mazuri mno ya kupumzikia!"/>
		<aya index="32" text="Na wapigie mfano wa watu wawili: mmoja wao tulimpa vitalu viwili vya mizabibu, na tukavizungushia mitende, na kati yake tukatia mimea ya nafaka."/>
		<aya index="33" text="Na hivyo vitalu viwili vikitoa mazao yake, wala hapana kitu katika hayo kilicho tindikia. Na ndani yake tukapasua mito."/>
		<aya index="34" text="Naye alikuwa na mazao mengi. Basi akamwambia mwenzake naye akibishana naye: Mimi nimekushinda wewe kwa mali na nguvu za watu!"/>
		<aya index="35" text="Na akaingia kitaluni kwake, naye hali anajidhulumu nafsi yake. Akasema: Sidhani kabisa kuwa haya yataharibika."/>
		<aya index="36" text="Wala sidhani kuwa hiyo Saa (ya Kyama) itatokea. Na ikiwa nitarudishwa kwa Mola wangu Mlezi, bila ya shaka nitapata marejeo bora zaidi kuliko haya."/>
		<aya index="37" text="Mwenzake akamwambia kwa kubishana naye: Je! Unamkufuru aliye kuumba kutokana na udongo, tena kutokana na tone la manii, kisha akakufanya mtu kaamili?"/>
		<aya index="38" text="Lakini Yeye Mwenyezi Mungu ndiye Mola wangu Mlezi. Wala simshirikishi na yeyote."/>
		<aya index="39" text="Na lau kuwa ulipo ingia kitaluni kwako ungeli sema: Mashaallah! Alitakalo Mwenyezi Mungu huwa! Hapana nguvu ila kwa Mwenyezi Mungu. Ikiwa unaniona mimi nina mali kidogo na watoto kuliko wewe,"/>
		<aya index="40" text="Basi huenda Mola wangu Mlezi akanipa kilicho bora kuliko kitalu chako, naye akapitisha kudra yake kutoka mbinguni kukilitea hicho chako, na kikageuka ardhi tupu inayo teleza."/>
		<aya index="41" text="Au maji yake yakadidimia wala usiweze kuyagundua."/>
		<aya index="42" text="Yakateketezwa matunda yake, akabaki akipindua pindua viganja vyake, kwa vile alivyo yagharimia, na miti imebwagika juu ya chanja zake. Akawa anasema: Laiti nisingeli mshiriki Mola wangu Mlezi na yeyote!"/>
		<aya index="43" text="Wala hakuwa nacho kikundi cha kumsaidia badala ya Mwenyezi Mungu, wala mwenyewe hakuweza kujisaidia."/>
		<aya index="44" text="Huko ulinzi ni wa Mwenyezi Mungu wa Haki tu. Yeye ndiye mbora wa malipo, na mbora wa matokeo."/>
		<aya index="45" text="Na wapigie mfano wa maisha ya dunia. Hayo ni kama maji tunayo yateremsha kutoka mbinguni, yakachanganyika na mimea ya ardhi, kisha hiyo mimea ikawa vibuwa vinavyo peperushwa na upepo. Na Mwenyezi Mungu ni Mwenye uweza juu ya kila kitu."/>
		<aya index="46" text="Mali na wana ni pambo la maisha ya dunia. Na mema yanayo bakia ni bora mbele ya Mola wako Mlezi kwa malipo, na bora kwa matumaini."/>
		<aya index="47" text="Na siku tutapo iondoa milima na ukaiona ardhi iwazi, na tukawafufua - wala hatutamwacha hata mmoja kati yao -"/>
		<aya index="48" text="Na wakahudhurishwa mbele ya Mola wako Mlezi kwa safu (wakaambiwa): Mmetujia kama tulivyo kuumbeni mara ya kwanza! Bali mlidai kwamba hatutakuwekeeni miadi."/>
		<aya index="49" text="Na kitawekwa kitabu. Basi utawaona wakosefu wanavyo ogopa kwa yale yaliomo humo. Na watasema: Ole wetu! Kitabu hichi kina nini! Hakiachi dogo wala kubwa ila huliandika? Na watayakuta yote waliyo yatenda yamehudhuria hapo. Na Mola wako Mlezi hamdhulumu yeyote."/>
		<aya index="50" text="Na tulipo waambia Malaika: Msujudieni Adam! Walimsjudia isipo kuwa Iblisi. Yeye alikuwa miongoni mwa majini, na akavunja amri ya Mola wake Mlezi. Je! Mnamshika yeye na dhuriya zake kuwa marafiki badala yangu, hali wao ni adui zenu? Ni ovu mno badala hii kwa wenye kudhulumu."/>
		<aya index="51" text="Sikuwashuhudisha kuumbwa kwa mbingu na ardhi, wala kuumbwa kwa nafsi zao. Wala sikuwafanya wapotezao kuwa ni wasaidizi."/>
		<aya index="52" text="Na siku atakapo sema (Mwenyezi Mungu): Waiteni hao mlio dai kuwa ni washirika wangu. Basi watawaita, na wao hawato waitikia. Nasi tutaweka baina yao maangamio."/>
		<aya index="53" text="Na wakhalifu watauona Moto na watajua ya kwamba wao lazima wataingia humo; wala hawatapata pa kuuepuka."/>
		<aya index="54" text="Na bila ya shaka tumewaelezea watu katika hii Qur'ani kila namna ya mfano. Lakini mwanaadamu amezidi kuliko kila kitu kwa ubishi."/>
		<aya index="55" text="Na hapana kilicho wazuia watu kuamini ulipo wajia uwongofu na wakaomba maghfira kwa Mola wao Mlezi, isipo kuwa yawafikie ya wale wa zamani, au iwafikie adhabu jahara."/>
		<aya index="56" text="Na hatuwatumi Mitume ila wawe wabashiri na waonyaji. Na walio kufuru wanabishana kwa uwongo, ili kwa uwongo huo waivunje kweli. Na wanazifanya Ishara zangu na yale waliyo onywa kuwa ni mzaha."/>
		<aya index="57" text="Na ni nani dhaalimu mkubwa zaidi kuliko yule anaye kumbushwa Ishara za Mola wake Mlezi, naye akazipuuza na akasahau yaliyo tangulizwa na mikono yake? Hakika Sisi tumeweka vifuniko juu ya nyoyo zao ili wasifahamu, na uziwi kwenye masikio yao. Na ukiwaita kwenye uwongofu hawakubali kabisa kuongoka."/>
		<aya index="58" text="Na Mola wako Mlezi ni Msamehevu Mwenye rehema. Lau angeli wachukulia kwa mujibu waliyo yachuma, bila ya shaka angeli wafanyia haraka kuwaadhibu. Lakini wanayo miadi ambayo hawatapata makimbilio yoyote ya kuepukana nayo."/>
		<aya index="59" text="Na miji hiyo tuliwaangamiza watu wake walipo dhulumu. Na tukawawekea miadi ya maangamizo yao."/>
		<aya index="60" text="Na pale Musa alipo mwambia kijana wake: Sitoacha kuendelea mpaka nifike zinapo kutana bahari mbili, au nitaendelea kwa muda mrefu."/>
		<aya index="61" text="Basi wawili hao walipo fika zinapo kutana hizo bahari mbili walimsahau samaki wao, naye akashika njia yake kaporonyokea baharini."/>
		<aya index="62" text="Walipo kwisha pita alimwambia kijana wake: Tupe chakula chetu cha mchana. Kwa hakika tumepata machofu kweli kwa hii safari yetu."/>
		<aya index="63" text="Akasema (kijana): Waona! Pale tulipo pumzika penye jabali basi mimi nilimsahau yule samaki. Na hapana aliye nisahaulisha nisimkumbuke ila Shet'ani tu. Naye akashika njia yake baharini kwa ajabu."/>
		<aya index="64" text="(Musa) akasema: Hayo ndiyo tuliyo kuwa tunayataka. Basi wakarudi nyuma kwa kufuata njia waliyo jia."/>
		<aya index="65" text="Basi wakamkuta mja katika waja wangu tuliye mpa rehema kutoka kwetu, na tukamfunza mafunzo yaliyo toka kwetu."/>
		<aya index="66" text="Musa akamwambia: Nikufuate ili unifunze katika ule uwongofu ulio funzwa wewe?"/>
		<aya index="67" text="Akasema: Hakika wewe hutaweza kuvumilia kuwa pamoja nami."/>
		<aya index="68" text="Na utawezaje kuvumilia yale usiyo yajua vilivyo undani wake?"/>
		<aya index="69" text="Akasema: Inshaallah, Mwenyezi Mungu akipenda, utaniona mvumilivu, wala sitoasi amri yako."/>
		<aya index="70" text="Akasema: Basi ukinifuata usiniulize kitu mpaka mimi nianze kukutajia."/>
		<aya index="71" text="Basi wawili hao wakatoka, hata walipo panda jahazi (yule mtu) akaitoboa. (Musa) akasema: Unaitoboa uwazamishe watu wake? Hakika umefanya jambo baya."/>
		<aya index="72" text="Akasema: Sikukwambia hutaweza kuvumilia kuwa pamoja nami?"/>
		<aya index="73" text="(Musa) akasema: Usinichukulie kwa niliyo sahau, wala usinipe uzito kwa jambo langu."/>
		<aya index="74" text="Basi wakatoka wawili hao mpaka wakamkuta kijana, akamuuwa. (Musa) akasema: Ala! Umemuuwa mtu asiye na kosa, na wala hakuuwa! Ama hakika umefanya jambo baya kabisa!"/>
		<aya index="75" text="AKASEMA: Je! Sikukwambia kwamba hakika wewe huwezi kuvumilia kuwa pamoja nami?"/>
		<aya index="76" text="Akasema: Nikikuuliza kitu chochote baada ya haya usifuatane nami, kwani umekwisha pata udhuru kwangu."/>
		<aya index="77" text="Basi wakatoka mpaka wakawafikia watu wa mji mmoja. Wakawaomba watu wake wawape chakula, nao wakakataa kuwakaribisha. Hapo wakakuta ukuta unataka kuanguka, (yule mja mwema) akausimamisha. (Musa) akasema: Ungeli taka ungeli chukua ujira kwa haya."/>
		<aya index="78" text="(Yule mtu) akasema: Huku ndio kufarikiana baina yangu na wewe. Sasa nitakueleza maana ya yale uliyo kuwa huwezi kuyastahamilia."/>
		<aya index="79" text="Ama ile jahazi ilikuwa ya masikini za Mungu wafanyao kazi baharini. Nilitaka kuiharibu, kwani nyuma yao alikuwako mfalme anaghusubu majahazi yote."/>
		<aya index="80" text="Na ama yule kijana, wazazi wake walikuwa ni Waumini. Tukakhofu asije watia mashakani kwa uasi na ukafiri."/>
		<aya index="81" text="Basi tulitaka Mola wao Mlezi awabadilishie aliye bora zaidi kuliko huyo kwa kutakasika, na aliye karibu zaidi kwa huruma."/>
		<aya index="82" text="Na ama ukuta, huo ulikuwa ni wa vijana wawili mayatima kule mjini. Na chini yake ilikuwako khazina yao; na baba yao alikuwa ni mtu mwema. Basi Mola wako Mlezi alitaka wafikie utu uzima na wajitolee khazina yao wenyewe, kuwa ni rehema itokayo kwa Mola wako Mlezi. Wala mimi sikutenda hayo kwa amri yangu. Hiyo ndiyo tafsiri ya hayo ambayo wewe hukuweza kuyasubiria."/>
		<aya index="83" text="Na wanakuuliza khabari za Dhul- Qarnaini. Waambie: Nitakusimulieni baadhi ya hadithi yake."/>
		<aya index="84" text="Sisi tulimtilia nguvu katika ardhi na tukampa njia za kila kitu."/>
		<aya index="85" text="Basi akaifuata njia."/>
		<aya index="86" text="Hata alipo fika machwea-jua aliliona linatua katika checmchem yenye matope meusi. Na hapo akawakuta watu. Tukasema: Ewe Dhul-Qarnaini! Ama uwaadhibu au watwae kwa wema."/>
		<aya index="87" text="Akasema: Ama aliye dhulumu basi tutamuadhibu, na kisha atarudishwa kwa Mola wake Mlezi amuadhibu adhabu isiyo juulikana."/>
		<aya index="88" text="Na ama aliye amini na akatenda mema basi atapata malipo mazuri. Nasi tutamwambia lilio jepesi katika amri yetu."/>
		<aya index="89" text="Kisha akaifuata njia."/>
		<aya index="90" text="Hata alipo fika matokeo ya jua aliliona linawachomozea watu tusio wawekea pazia la kuwakinga nalo."/>
		<aya index="91" text="Ndio hivyo hivyo. Na Sisi tulizijua vilivyo khabari zake zote."/>
		<aya index="92" text="Kisha akaifuata njia."/>
		<aya index="93" text="Hata alipo fika baina ya milima miwili, alikuta nyuma yake watu ambao takriban hawakuwa wanafahamu lolote."/>
		<aya index="94" text="Wakasema: Ewe Dhul-Qarnaini! Hakika Juju-wa-maajuju wanafanya uharibifu katika nchi. Basi je, tukulipe ujira ili utujengee baina yetu na wao ngome?"/>
		<aya index="95" text="Akasema: Yale Mola wangu aliyo niwezesha ni bora zaidi. Lakini nyinyi nisaidieni kwa nguvu zenu. Nitakujengeeni kizuizi baina yenu na wao."/>
		<aya index="96" text="Nileteeni vipande vya chuma. Hata alipo ijaza nafasi iliyo kati ya milima miwili, akasema: Vukuteni. Hata alipo kifanya (chuma) kama moto akasema: Nileteeni shaba iliyo yayuka niimwagie."/>
		<aya index="97" text="Basi hawakuweza kuukwea, wala hawakuweza kuutoboa."/>
		<aya index="98" text="Akasema: Hii ni rehema itokayo kwa Mola wangu Mlezi. Na itapo fika ahadi ya Mola wangu Mlezi atauvunja vunja. Na ahadi ya Mola wangu Mlezi ni kweli tu."/>
		<aya index="99" text="Na siku hiyo tutawaacha wakisongana wao kwa wao. Na baragumu litapulizwa, na wote watakusanywa pamoja."/>
		<aya index="100" text="Na siku hiyo tutawadhihirishia wazi Jahannamu makafiri waione."/>
		<aya index="101" text="Wale ambao kwamba macho yao yalikuwa paziani hayanikumbuki, na wakawa hawawezi kusikia."/>
		<aya index="102" text="Je, wanadhani walio kufuru ndio wawafanye waja wangu ndio walinzi wao badala yangu Mimi? Hakika Sisi tumeiandaa Jahannamu iwe ndipo mahala pa kuteremkia makafiri."/>
		<aya index="103" text="Sema: Je, tukutajieni wenye khasara mno katika vitendo vyao?"/>
		<aya index="104" text="Ni wale ambao juhudi yao katika maisha ya dunia imepotea bure, nao wanadhani kwamba wanafanya kazi nzuri."/>
		<aya index="105" text="Hao ni wale walio zikanusha Ishara za Mola wao Mlezi na kukutana naye. Kwa hivyo vitendo vyao vimepotea bure, na wala Siku ya Kiyama hatutawathamini kitu."/>
		<aya index="106" text="Hiyo Jahannamu ni malipo yao kwa walivyo kufuru na wakafanyia kejeli Ishara zangu na Mitume wangu."/>
		<aya index="107" text="Hakika wale walio amini na wakatenda mema mashukio yao yatakuwa kwenye Pepo za Firdausi."/>
		<aya index="108" text="Watadumu humo; hawatataka kuondoka."/>
		<aya index="109" text="Sema: Lau kuwa bahari ndio wino kwa maneno ya Mola wangu Mlezi, basi bahari ingeli malizika kabla ya kumalizika maneno ya Mola wangu Mlezi, hata tungeli ileta mfano wa hiyo kuongezea."/>
		<aya index="110" text="Sema: Mimi ni mwanaadamu kama nyinyi. Ninaletewa Wahyi kwamba Mungu wenu ni Mungu Mmoja. Mwenye kutaraji kukutana na Mola wake Mlezi basi naatende vitendo vyema, wala asimshirikishe yeyote katika ibada ya Mola wake Mlezi."/>
	</sura>
	<sura index="19" name="">
		<aya index="1" text="Kaf Ha Ya A'yn S'ad"/>
		<aya index="2" text="Huu ni Ukumbusho wa rehema ya Mola wako Mlezi kwa mja wake, Zakariya."/>
		<aya index="3" text="Alipo mwita Mola wake Mlezi kwa siri."/>
		<aya index="4" text="Akasema: Mola wangu Mlezi! Mafupa yangu yamedhoofika, na kichwa kinameremeta kwa mvi; wala, Mola wangu Mlezi, sikuwa mwenye bahati mbaya kwa kukuomba Wewe."/>
		<aya index="5" text="Na hakika mimi nawakhofia jamaa zangu baada yangu. Na mke wangu ni tasa. Basi nipe mrithi kutoka kwako."/>
		<aya index="6" text="Atakaye nirithi mimi na awarithi ukoo wa Yaaqub. Ewe Mola wangu Mlezi! Na umjaalie awe mwenye kuridhisha."/>
		<aya index="7" text="(Akaambiwa): Ewe Zakariya! Hakika Sisi tunakubashiria mwana; jina lake ni Yahya. Hatujapata kumpa jina hilo yeyote kabla yake."/>
		<aya index="8" text="Akasema: Ewe Mola wangu Mlezi! Vipi nitakuwa na mwana na hali mke wangu ni tasa, na mimi nimesha fikia ukongwe katika uzee?"/>
		<aya index="9" text="Akasema: Ndio hivyo hivyo amesema Mola wako Mlezi: Haya ni mepesi kwangu. Na hakika Mimi nilikwisha kuumba wewe zamani na hali hukuwa kitu."/>
		<aya index="10" text="Akasema: Mola wangu Mlezi nijaalie Ishara. Akasema Ishara yako ni kuwa hutasema na watu kwa masiku matatu, na hali ni mzima."/>
		<aya index="11" text="Basi akawatokea watu wake kutoka mihirabuni. Akawaashiria: Msabihini Mwenyezi Mungu asubuhi na jioni."/>
		<aya index="12" text="Ewe Yahya! Kishike Kitabu kwa nguvu! Nasi tulimpa hikima angali mtoto."/>
		<aya index="13" text="Na tukampa huruma itokayo kwetu, na utakaso, na akawa mchamungu."/>
		<aya index="14" text="Na akawa mwema kwa wazazi wake, wala hakuwa jabari mua'si."/>
		<aya index="15" text="Na amani iwe juu yake siku ya kuzaliwa, na siku ya kufa, na siku ya kufufuliwa."/>
		<aya index="16" text="Na mtaje Maryamu katika Kitabu, pale alipo jitenga na jamaa zake mahali upande wa mashariki;"/>
		<aya index="17" text="Na akaweka pazia kujikinga nao. Tukampelekea Roho wetu, akajifananisha kwake sawa na mtu."/>
		<aya index="18" text="(Maryamu) akasema: Hakika mimi najikinga kwa Mwingi wa Rehema aniepushe nawe, ukiwa ni mchamngu."/>
		<aya index="19" text="(Malaika) akasema: Hakika mimi ni mwenye kutumwa na Mola wako Mlezi ili nikubashirie tunu ya mwana aliye takasika."/>
		<aya index="20" text="Akasema: Nitampataje mwana hali mwanaadamu yeyote hajanigusa, wala mimi si kahaba?"/>
		<aya index="21" text="(Malaika) akasema: Ndio hivyo hivyo! Mola wako Mlezi amesema: Haya ni mepesi kwangu! Na ili tumfanye kuwa ni Ishara kwa watu, na Rehema itokayo kwetu, na hilo ni jambo lilio kwisha hukumiwa."/>
		<aya index="22" text="Basi akachukua mimba yake, na akaondoka nayo mpaka mahali pa mbali."/>
		<aya index="23" text="Kisha uchungu ukampeleka kwenye shina la mtende; akasema: Laiti ningeli kufa kabla ya haya, na nikawa niliye sahaulika kabisa!"/>
		<aya index="24" text="Pakatangazwa kutoka chini yake: Usihuzunike! Hakika Mola wako Mlezi amejaalia chini yako kijito kidogo cha maji!"/>
		<aya index="25" text="Na litikise kwako hilo shina la mtende, utakuangushia tende nzuri zilizo mbivu."/>
		<aya index="26" text="Basi kula, na kunywa, na litue jicho lako. Na pindi ukimwona mtu yeyote basi sema: Hakika mimi nimeweka nadhiri kwa Mwenyezi Mungu ya kufunga; kwa hivyo leo sitasema na mtu."/>
		<aya index="27" text="Akenda naye (mwanawe) kwa jamaa zake amembeba. Wakasema: Ewe Maryamu! Hakika umeleta kitu cha ajabu!"/>
		<aya index="28" text="Ewe dada yake Harun! Baba yako hakuwa mtu muovu, wala mama yako hakuwa kahaba."/>
		<aya index="29" text="Akawaashiria (mtoto). Wakasema: Vipi tumsemeze aliye bado mdogo yumo katika mlezi?"/>
		<aya index="30" text="(Mtoto) akasema: Hakika mimi ni mtumwa wa Mwenyezi Mungu. Amenipa Kitabu, na amenifanya Nabii."/>
		<aya index="31" text="Na amenijaalia ni mwenye kubarikiwa popote pale niwapo. Na ameniusia Sala na Zaka maadamu ni hai,"/>
		<aya index="32" text="Na nimtendee wema mama yangu. Wala hakunifanya niwe jeuri, mwovu."/>
		<aya index="33" text="Na amani iko juu yangu siku niliyo zaliwa, na siku nitakayo kufa, na siku nitakayo fufuliwa kuwa hai."/>
		<aya index="34" text="Huyo ndiye Isa mwana wa Maryamu. Ndiyo kauli ya haki ambayo wanaifanyia shaka."/>
		<aya index="35" text="Haiwi kwa Mwenyezi Mungu kuwa na mwana, Subhanahu, Yeye ametakasika! Anapo lihukumia jambo basi huliambia tu: Kuwa! Likawa."/>
		<aya index="36" text="Na hakika Mwenyezi Mungu ni Mola wangu Mlezi, na Mola wenu Mlezi. Basi muabuduni Yeye. Hii ndiyo Njia Iliyo Nyooka."/>
		<aya index="37" text="Lakini makundi yakakhitalifiana wao kwa wao. Basi ole wao hao walio kufuru kwa kuhudhuria Siku iliyo kuu!"/>
		<aya index="38" text="Watasikia na wataona vizuri vilioje Siku watakayo tufikia! Lakini madhaalimu sasa wamo katika upotofu ulio dhaahiri."/>
		<aya index="39" text="Na waonye siku ya majuto itapo katwa amri. Nao wamo katika ghafla, wala hawaamini."/>
		<aya index="40" text="Hakika Sisi tutairithi ardhi na walio juu yake. Na kwetu watarejeshwa."/>
		<aya index="41" text="Na mtaje katika Kitabu Ibrahim. Hakika yeye alikuwa mkweli, Nabii."/>
		<aya index="42" text="Alipo mwambia baba yake: Ewe baba yangu! Kwa nini unaabudu visivyo sikia, na visivyo ona, na visivyo kufaa chochote?"/>
		<aya index="43" text="Ewe baba yangu! Kwa yakini imenifikia ilimu isiyo kufikia wewe. Basi nifuate mimi, nami nitakuongoza Njia Iliyo Sawa."/>
		<aya index="44" text="Ewe baba yangu! Usimuabudu Shet'ani. Hakika Shet'ani ni mwenye kumuasi Mwingi wa Rehema."/>
		<aya index="45" text="Ewe baba yangu! Hakika mimi naogopa isikupate adhabu inayo toka kwa Mwingi wa Rehema ukaja kuwa mwenziwe Shet'ani."/>
		<aya index="46" text="(Baba) akasema: Unaichukia miungu yangu, ewe Ibrahim? Kama huachi, basi lazima nitakupiga mawe. Na niondokelee mbali kwa muda!"/>
		<aya index="47" text="(Ibrahim) akasema: Salamun a'laika! Amani iwe juu yako! Mimi nitakuombea msamaha kwa Mola wangu Mlezi. Hakika Yeye ananihurumia sana."/>
		<aya index="48" text="Nami najitenga nanyi na hayo mnayo yaabudu badala ya Mwenyezi Mungu. Na ninamwomba Mola wangu Mlezi; asaa nisiwe mwenye kukosa bahati kwa kumwomba Mola wangu Mlezi."/>
		<aya index="49" text="Basi alipo jitenga nao na yale waliyo kuwa wakiyaabudu badala ya Mwenyezi Mungu, tulimpa Is-haq na Yaaqub, na kila mmoja tukamfanya Nabii."/>
		<aya index="50" text="Na tukawapa rehema zetu na tukawajaalia kupewa sifa za kweli tukufu."/>
		<aya index="51" text="Na mtaje Musa katika Kitabu. Hakika yeye alikuwa ni mwenye kuchaguliwa, na alikuwa Mtume, Nabii."/>
		<aya index="52" text="Na tulimwita upande wa kulia wa mlima na tukamsogeza kunong'ona naye."/>
		<aya index="53" text="Nasi kwa rehema zetu tukampa nduguye, Harun, awe Nabii."/>
		<aya index="54" text="Na mtaje katika Kitabu Ismail. Bila ya shaka yeye alikuwa ni mkweli wa ahadi, na alikuwa Mtume, Nabii."/>
		<aya index="55" text="Na alikuwa akiwaamrisha watu wake Sala na Zaka, na alikuwa mbele ya Mola wake Mlezi mwenye kuridhiwa."/>
		<aya index="56" text="Na mtaje katika Kitabu Idris. Hakika yeye alikuwa ni mkweli Nabii."/>
		<aya index="57" text="Na tulimuinua daraja ya juu."/>
		<aya index="58" text="Hao ndio alio waneemesha Mwenyezi Mungu miongoni mwa Manabii katika uzao wa Adam, na katika uzao wa wale tulio wapandisha pamoja na Nuhu, na katika uzao wa Ibrahim na Israil, na katika wale tulio waongoa na tukawateuwa. Wanapo somewa Aya za Mwingi wa Rehema huanguka kusujudu na kulia."/>
		<aya index="59" text="Lakini wakaja baada yao walio wabaya, wakaacha Sala, na wakafuata matamanio. Basi watakuja kuta malipo ya ubaya."/>
		<aya index="60" text="Isipo kuwa walio tubu, wakaamini, na wakatenda mema. Hao, basi, wataingia Peponi wala hawatadhulumiwa chochote."/>
		<aya index="61" text="Bustani za milele alizo waahidi Rahmani waja wake katika siri. Hakika ahadi yake hapana shaka itafika."/>
		<aya index="62" text="Humo hawatasikia upuuzi, ila Salama tu. Na watapata humo riziki zao asubuhi na jioni."/>
		<aya index="63" text="Hiyo ndiyo Pepo tutayo warithisha katika waja wetu walio kuwa wachamngu."/>
		<aya index="64" text="(Nao watasema:) Wala hatuteremki ila kwa amri ya Mola wako Mlezi. Ni yake Yeye yaliyoko mbele yetu na yaliyoko nyuma yetu, na yaliyomo katikati ya hayo. Na Mola wako Mlezi si mwenye kusahau."/>
		<aya index="65" text="Mola Mlezi wa mbingu na ardhi na vilivyo baina yake. Basi muabudu Yeye tu, na udumu katika ibada yake. Je, mnamjua mwenye jina kama lake?"/>
		<aya index="66" text="Na mwanaadamu husema: Hivyo, nitakapo kufa, ni kweli nitafufuliwa niwe hai tena?"/>
		<aya index="67" text="Je! Hakumbuki mwanaadamu ya kwamba tulimuumba kabla, na hali hakuwa chochote?"/>
		<aya index="68" text="Basi naapa kwa Mola wako Mlezi! Kwa yakini tutawakusanya wao pamoja na mashet'ani; kisha tutawahudhurisha kuizunguka Jahannamu, nao wamepiga magoti!"/>
		<aya index="69" text="Kisha kwa yakini tutawatoa katika kila kundi wale miongoni mwao walio zidi kumuasi Arrahmani, Mwingi wa Rahema.."/>
		<aya index="70" text="Tena hakika Sisi tunawajua vyema zaidi wanao stahiki kuunguzwa humo."/>
		<aya index="71" text="Wala hapana yeyote katika nyinyi ila ni mwenye kuifikia. Hiyo ni hukumu ya Mola wako Mlezi ambayo lazima itimizwe."/>
		<aya index="72" text="Kisha tutawaokoa wale walio mchamngu; na tutawaacha madhaalimu humo wamepiga magoti."/>
		<aya index="73" text="Na wanapo somewa Aya zetu zilizo wazi, walio kufuru huwaambia walio amini: Lipi katika makundi mawili lenye cheo kizuri na lilio bora barazani?"/>
		<aya index="74" text="Na kaumu ngapi tuliziangamiza zilizo kuwa na mapambo mazuri zaidi na wazuri zaidi kwa kuwatazama!"/>
		<aya index="75" text="Sema: Walio katika upotofu basi Arrahmani Mwingi wa Rahema atawapururia muda mpaka wayaone waliyo onywa - ama ni adhabu au ni Saa. Hapo ndipo watapo jua ni nani mwenye makao mabaya na mwenye askari dhaifu."/>
		<aya index="76" text="Na Mwenyezi Mungu huwazidishia uwongofu wenye kushika uwongofu. Na mema yenye kudumu ni bora katika malipo mbele ya Mola wako Mlezi na yana mwisho mwema."/>
		<aya index="77" text="Je, umemwona aliye zikanya Ishara zetu na akasema: Kwa hakika mimi nitapewa mali na wana!"/>
		<aya index="78" text="Kwani yeye amepata khabari za ghaibu, au amechukua ahadi kwa Arrahmani Mwingi wa Rehema?"/>
		<aya index="79" text="Hasha! Tutaandika anayo yasema, tutamkunjulia muda wa adhabu."/>
		<aya index="80" text="Na tutamrithi hayo anayo yasema, na atatufikia mtupu peke yake!"/>
		<aya index="81" text="Na wamechukua miungu mingine badala ya Mwenyezi Mungu ili ati iwape nguvu."/>
		<aya index="82" text="Sivyo kabisa! Wataikataa hiyo ibada yao, na watakuwa ndio dhidi yao."/>
		<aya index="83" text="Kwani huoni ya kwamba tumewatuma mashet'ani kwa makafiri wawachochee kwa uchochezi?"/>
		<aya index="84" text="Basi usiwafanyie haraka. Sisi tunawahisabia idadi ya siku zao."/>
		<aya index="85" text="Siku tutayo wakusanya wachamngu kuwapeleka kwa Arrahmani Mwingi wa Rehema kuwa ni wageni wake."/>
		<aya index="86" text="Na tukawachunga wakhalifu kuwapeleka Jahannamu hali ya kuwa wana kiu."/>
		<aya index="87" text="Hawatakuwa na mamlaka ya uombezi ila wale walio chukua ahadi kwa Arrahmani Mwingi wa Rehema.."/>
		<aya index="88" text="Na wao ati husema kuwa Arrahmani Mwingi wa Rehema ana mwana!"/>
		<aya index="89" text="Hakika mmeleta jambo la kuchusha mno!"/>
		<aya index="90" text="Zinakaribia mbingu kutatuka kwa hilo, na ardhi kupasuka, na milima kuanguka vipande vipande."/>
		<aya index="91" text="Kwa kudai kwao kuwa Arrahmani Mwingi wa Rehema ana mwana."/>
		<aya index="92" text="Wala hahitajii Arrahmani Mwingi wa Rehema kuwa na mwana."/>
		<aya index="93" text="Hapana yeyote aliomo mbinguni na ardhini ila atafika kwa Arrahmani Mwingi wa Rehema kuwa ni mtumwa wake."/>
		<aya index="94" text="Yeye hakika amewadhibiti na amewahisabu sawa sawa."/>
		<aya index="95" text="Na kila mmoja katika wao atamfikia Siku ya Kiyama peke yake."/>
		<aya index="96" text="Hakika walio amini na wakatenda mema Arrahmani Mwingi wa Rehema atawajaalia mapenzi."/>
		<aya index="97" text="Na hakika tumeifanya nyepesi (Qur'ani) kwa ulimi wako, ili uwabashirie kwayo wachamngu, na uwaonye kwayo watu wabishi."/>
		<aya index="98" text="Na kaumu ngapi tumezihiliki kabla yao. Je! Unawaona hata mmoja katika wao au unasikia hata mchakato wao?"/>
	</sura>
	<sura index="20" name="">
		<aya index="1" text="T'AHA!"/>
		<aya index="2" text="Hatukukuteremshia Qur'ani ili upate mashaka."/>
		<aya index="3" text="Bali ni mawaidha kwa wenye kunyenyekea."/>
		<aya index="4" text="Materemsho yatokayo kwa aliye umba ardhi na mbingu zilizo juu."/>
		<aya index="5" text="Arrahmani, Mwingi wa Rehema, aliye tawala juu ya Kiti cha Enzi."/>
		<aya index="6" text="Ni vyake vyote viliomo mbinguni na viliomo katika ardhi, na viliomo baina yao, na viliomo chini ya ardhi."/>
		<aya index="7" text="Na ukinyanyua sauti kwa kusema... basi hakika Yeye anajua siri na duni kuliko siri."/>
		<aya index="8" text="Mwenyezi Mungu! Hapana mungu isipo kuwa Yeye. Yeye ana majina mazuri kabisa."/>
		<aya index="9" text="Na je! Imekufikia hadithi ya Musa?"/>
		<aya index="10" text="Alipo uona moto, akawaambia watu wake: Ngojeni! Mimi nimeuona moto, huenda nikakuleteeni kijinga kutoka huo moto, au nikapata uongofu kwenye moto."/>
		<aya index="11" text="Basi alipo ufikia akaitwa: Ewe Musa!"/>
		<aya index="12" text="Hakika Mimi ndiye Mola wako Mlezi! Basi vua viatu vyako. Kwani upo katika bonde takatifu la T'uwa."/>
		<aya index="13" text="Nami nimekuteua wewe; basi sikiliza unayo funuliwa."/>
		<aya index="14" text="Hakika Mimi ndiye Mwenyezi Mungu. Hapana mungu ila Mimi tu. Basi niabudu Mimi, na ushike Sala kwa ajili ya kunikumbuka Mimi."/>
		<aya index="15" text="Hakika Saa itakuja bila ya shaka. Nimekaribia kuificha, ili kila nafsi ilipwe kwa iliyo yafanya."/>
		<aya index="16" text="Kwa hivyo asikukengeushe nayo yule ambaye haiamini na akafuata pumbao lake ukaja kuhiliki."/>
		<aya index="17" text="Na nini hicho kilichomo mkononi mwako wa kulia, ewe Musa?"/>
		<aya index="18" text="Akasema: Hii ni fimbo yangu; naiegemea na ninawaangushia majani kondoo na mbuzi wangu. Tena inanifaa kwa matumizi mengine."/>
		<aya index="19" text="Akasema: Itupe, ewe Musa!"/>
		<aya index="20" text="Akaitupa. Mara ikawa nyoka anaye kwenda mbio."/>
		<aya index="21" text="Akasema: Ikamate, wala usiogope! Tutairudisha hali yake ya kwanza."/>
		<aya index="22" text="Na uambatishe mkono wako kwenye ubavu. Utatoka mweupe pasipo kuwa na madhara yoyote. Hiyo ni ishara nyengine."/>
		<aya index="23" text="Ili tukuonyeshe baadhi ya ishara zetu kubwa."/>
		<aya index="24" text="Nenda kwa Firauni; kwani hakika yeye amepindukia mipaka."/>
		<aya index="25" text="(Musa) akasema: Ewe Mola wangu Mlezi! Nikunjulie kifua changu,"/>
		<aya index="26" text="Na unifanyie nyepesi kazi yangu,"/>
		<aya index="27" text="Na ulifungue fundo lililo katika ulimi wangu,"/>
		<aya index="28" text="Wapate kufahamu maneno yangu."/>
		<aya index="29" text="Na nipe waziri katika watu wangu,"/>
		<aya index="30" text="Harun, ndugu yangu."/>
		<aya index="31" text="Kwake yeye niongeze nguvu zangu."/>
		<aya index="32" text="Na umshirikishe katika kazi yangu."/>
		<aya index="33" text="Ili tukutakase sana."/>
		<aya index="34" text="Na tukukumbuke sana."/>
		<aya index="35" text="Hakika Wewe unatuona."/>
		<aya index="36" text="Akasema: Hakika Umepewa maombi yako, ewe Musa!"/>
		<aya index="37" text="Na hakika tulikwisha kufanyia hisani mara nyengine..."/>
		<aya index="38" text="Pale tulipo mfunulia mama yako yaliyo funuliwa,"/>
		<aya index="39" text="Ya kuwa mtie katika kisanduku, na kisha kitie mtoni, na mto utamfikisha ufukweni. Atamchukua adui yangu naye ni adui yake. Na nimekutilia mapenzi yanayo tokana kwangu, na ili ulelewe machoni mwangu."/>
		<aya index="40" text="Dada yako alipo kwenda na akasema: Je! Nikujuulisheni mtu wa kuweza kumlea? Basi tukakurejesha kwa mama yako ili macho yake yaburudike, wala asihuzunike. Na ulimuuwa mtu, nasi tukakuokoa katika dhiki, na tukakujaribu kwa majaribio mengi. Ukakaa miaka kwa watu wa Madyana. Kisha ukaja kama ilivyo kadiriwa, ewe Musa!"/>
		<aya index="41" text="Na nimekuteuwa kwa ajili ya nafsi yangu."/>
		<aya index="42" text="Nenda, wewe na ndugu yako, pamoja na ishara zangu, wala msichoke kunikumbuka."/>
		<aya index="43" text="Nendeni kwa Firauni. Hakika yeye amepindukia mipaka."/>
		<aya index="44" text="Mwambieni maneno laini, huenda akazingatia au akaogopa."/>
		<aya index="45" text="Wakasema: Ewe Mola wetu Mlezi! Hakika sisi tunaogopa asije akapindukia mipaka juu yetu au kufanya jeuri."/>
		<aya index="46" text="Akasema: Msiogope! Hakika Mimi ni pamoja nanyi. Nasikia na ninaona."/>
		<aya index="47" text="Basi mwendeeni, na mwambieni: Hakika sisi ni Mitume wa Mola wako Mlezi! Basi waache Wana wa Israili watoke nasi, wala usiwaadhibu. Sisi tumekuletea ishara itokayo kwa Mola wako Mlezi. Na amani itakuwa juu ya aliye fuata uwongofu."/>
		<aya index="48" text="Hakika tumefunuliwa sisi kwamba hapana shaka adhabu itamsibu anaye kadhibisha na akapuuza."/>
		<aya index="49" text="(Firauni) akasema: Basi Mola wenu Mlezi ni nani, ewe Musa?"/>
		<aya index="50" text="Akasema: Mola wetu Mlezi ni yule aliye kipa kila kitu umbo lake, kisha akakiongoa."/>
		<aya index="51" text="Akasema: Nini hali ya karne za kwanza?"/>
		<aya index="52" text="Akasema: Ilimu yake iko kwa Mola wangu Mlezi katika Kitabu. Mola wangu Mlezi hapotei wala hasahau."/>
		<aya index="53" text="Ambaye amekufanyieni ardhi kuwa tandiko, na akakupitishieni humo njia, na akakuteremshieni kutoka mbinguni maji. Na kwa hayo tukatoa namna mbali mbali za mimema."/>
		<aya index="54" text="Kuleni, na mchunge wanyama wenu. Hakika katika hayo zipo ishara kwa wenye akili."/>
		<aya index="55" text="Kutokana nayo (ardhi) tumekuumbeni, na humo tunakurudisheni, na kutoka humo tutakutoeni mara nyengine."/>
		<aya index="56" text="Na hakika tulimwonyesha ishara zetu zote. Lakini alikadhibisha na akakataa."/>
		<aya index="57" text="Akasema: Ewe Musa! Hivyo umetujia kututoa katika nchi yetu kwa uchawi wako?"/>
		<aya index="58" text="Basi sisi hakika tutakueletea uchawi kama huo. Basi weka miadi baina yetu na wewe, ambayo tusiivunje sisi wala wewe, mahali patapo kuwa sawa."/>
		<aya index="59" text="Akasema: Miadi yenu ni siku ya Sikukuu; na watu wakusanywe kabla ya adhuhuri."/>
		<aya index="60" text="Basi Firauni akarudi na akatengeneza hila yake, kisha akaja."/>
		<aya index="61" text="Musa akamwambia: Ole wenu! Msimzulie Mwenyezi Mungu uwongo, asije akakufutilieni mbali kwa adhabu. Na mwenye kuzua lazima ashindwe!"/>
		<aya index="62" text="Basi wakazozana kwa shauri yao wenyewe kwa wenyewe, na wakanong'ona kwa siri."/>
		<aya index="63" text="Wakasema: Hakika hawa wawili ni wachawi, wanataka kukutoeni katika nchi yenu kwa uchawi wao, na waondoe mila zenu zilizo bora kabisa."/>
		<aya index="64" text="Kwa hivyo kusanyeni hila zenu zote, kisha mfike kwa kujipanga safu, na kwa yakini atafuzu kweli kweli leo atakaye shinda."/>
		<aya index="65" text="Wakasema: Ewe Musa! Je! Utatupa wewe, au tutakuwa sisi wa kwanza kutupa?"/>
		<aya index="66" text="Akasema: Bali tupeni nyinyi! Tahamaki kamba zao na fimbo zao zikaonekana mbele yake, kwa uchawi wao, kuwa zinapiga mbio."/>
		<aya index="67" text="Basi Musa akaingia khofu nafsi yake."/>
		<aya index="68" text="Tukasema: Usikhofu! Hakika wewe ndiye utakaye shinda."/>
		<aya index="69" text="Na kitupe kilicho katika mkono wako wa kulia; kitavimeza walivyo viunda. Hakika walivyo unda ni hila za mchawi tu, na mchawi hafanikiwi popote afikapo."/>
		<aya index="70" text="Basi wachawi wakaangushwa wanasujudu. Wakasema: Tumemuamini Mola Mlezi wa Harun na Musa!"/>
		<aya index="71" text="(Firauni) akasema: Oh! Mnamuamini kabla sijakupeni ruhusa? Hakika yeye ndiye mkubwa wenu aliye kufundisheni uchawi. Basi kwa yakini nitakukateni mikono yenu na miguu yenu kwa kutafautisha. Na nitakutundikeni misalabani katika vigogo vya mitende, na hapo kwa yakini mtajua ni nani katika sisi aliye mkali wa kuadhibu na kuiendeleza adhabu yake."/>
		<aya index="72" text="Wakasema: Hatutokukhiari wewe kuliko ishara waziwazi zilizo tujia, na kuliko yule aliye tuumba. Basi hukumu utavyo hukumu; kwani wewe unahukumu haya ya maisha ya duniani tu."/>
		<aya index="73" text="Hakika sisi tumemuamini Mola wetu Mlezi ili atusamehe makosa yetu na uchawi ulio tulazimisha kuufanya. Na Mwenyezi Mungu ndiye Mbora na Mwenye kudumu zaidi."/>
		<aya index="74" text="Hakika ataye mjia Mola wake Mlezi naye ni mkhalifu, basi kwa yakini, yake huyo ni Jahannamu. Hafi humo wala haishi."/>
		<aya index="75" text="Na atakaye mjia naye ni Muumini aliye tenda mema, basi hao ndio wenye vyeo vya juu."/>
		<aya index="76" text="Bustani za milele zipitazo mito kati yake, wadumu humo. Na hayo ni malipo ya mwenye kujitakasa."/>
		<aya index="77" text="Na tulimfunulia Musa: Toka usiku na waja wangu, na uwapigie njia kavu baharini. Usikhofu kukamatwa, wala usiogope."/>
		<aya index="78" text="Firauni akawafuata pamoja na majeshi yake. Basi kiliwafudikiza humo baharini kilicho wafudikiza."/>
		<aya index="79" text="Na Firauni aliwapoteza watu wake wala hakuwaongoa."/>
		<aya index="80" text="Enyi Wana wa Israili! Hakika tulikuokoeni na adui yenu, na tukakuahidini upande wa kulia wa mlima. Na tulikuteremshieni Manna na Salwa."/>
		<aya index="81" text="Kuleni katika vitu vizuri hivyo tulivyo kuruzukuni, wala msiruke mipaka katika hayo, isije ikakushukieni ghadhabu yangu. Na inaye mshukia ghadhabu yangu basi huyo ameangamia."/>
		<aya index="82" text="Na hakika Mimi ni Mwingi wa Kusamehe kwa anaye tubia, na akaamini, na akatenda mema, tena akaongoka."/>
		<aya index="83" text="Na nini kilicho kutia haraka ukawaacha watu wako, ewe Musa?"/>
		<aya index="84" text="Akasema: Hao wapo nyuma yangu wananifuatia. Na nimefanya haraka kukujia, Mola wangu Mlezi, ili uridhike."/>
		<aya index="85" text="(Mwenyezi Mungu) akasema: Sisi tumewatia mtihani watu wako baada yako, na Msamaria amewapoteza."/>
		<aya index="86" text="Musa akarudi kwa watu wake kwa ghadhabu na kusikitika. Akasema: Enyi watu wangu! Kwani Mola wenu Mlezi hakukuahidini ahadi nzuri? Je, umekuwa muda mrefu kwenu au mmetaka ikushukieni ghadhabu ya Mola wenu Mlezi, ndio maana mkavunja miadi yangu?"/>
		<aya index="87" text="Wakasema: Sisi hatukuvunja miadi yako kwa khiari yetu, lakini tulibebeshwa mizigo ya mapambo ya watu, basi tukaitupa. Na hivyo ndivyo alivyo toa shauri Msamaria."/>
		<aya index="88" text="Na akawaundia ndama, kiwiliwili chenye sauti. Na wakasema: Huyu ndiye mungu wenu, na mungu wa Musa, lakini alisahau."/>
		<aya index="89" text="Je! Hawakuona kuwa hakuwarudishia neno, wala hakuweza kuwadhuru wala kuwafaa?"/>
		<aya index="90" text="Na hakika Harun alikwisha waambia kabla yake: Enyi watu wangu! Hakika nyinyi mmetiwa mtihanini tu kwa kitu hiki. Na kwa yakini Mola wenu Mlezi ni Arrahmani, Mwingi wa Rehema. Basi nifuateni mimi, na t'iini amri yangu!"/>
		<aya index="91" text="Wakasema: Hatutaacha kumuabudu mpaka Musa atapo rejea kwetu."/>
		<aya index="92" text="(Musa) akasema: Ewe Harun! Ni nini kilicho kuzuia, ulipo waona wamepotea,"/>
		<aya index="93" text="Hata usinifuate? Je, umeasi amri yangu?"/>
		<aya index="94" text="Akasema: Ewe mwana wa mama yangu! Usinishike ndevu zangu, wala kichwa changu. Kwa hakika naliogopa usije sema: Umewafarikisha Wana wa Israil, na hukungojea kauli yangu."/>
		<aya index="95" text="(Musa) akasema: Ewe Msamaria! Unataka nini?"/>
		<aya index="96" text="Akasema: Niliona wasiyo yaona wao, nikashika gao katika unyao wa Mtume. Kisha nikalitupa. Na hivi ndivyo ilivyo nielekeza nafsi yangu."/>
		<aya index="97" text="(Musa) akasema: Basi ondoka! Na kwa yakini utakuwa katika maisha ukisema: Usiniguse. Na hakika una ahadi kwako isiyo vunjwa. Na mtazame huyo mungu wako uliye endelea kumuabudu - Sisi kwa hakika tutamchoma moto, kisha tutamtawanya baharini atawanyike."/>
		<aya index="98" text="Hakika Mungu wenu ni Allah, Mwenyezi Mungu, tu. Hapana Mungu isipo kuwa Yeye. Ujuzi wake umeenea kila kitu."/>
		<aya index="99" text="Namna hivi tunakuhadithia katika khabari za yaliyo tangulia. Na hakika tumekuletea kutoka kwetu mawaidha ya kukumbukwa."/>
		<aya index="100" text="Atakaye jitenga nayo, basi kwa yakini Siku ya Kiyama atabeba mzigo."/>
		<aya index="101" text="Wadumu humo. Na ni mzigo muovu kwao kuubeba Siku ya Kiyama!"/>
		<aya index="102" text="Siku litakapo pulizwa barugumu, na tukawakusanya wakhalifu Siku hiyo, hali macho yao ya kibuluu."/>
		<aya index="103" text="Watanong'onezana wao kwa wao: Hamkukaa ila siku kumi tu."/>
		<aya index="104" text="Sisi tunajua zaidi watakayo yasema, atakapo sema mbora wao katika mwendo: Nyinyi hamkukaa ila siku moja tu."/>
		<aya index="105" text="Na wanakuuliza khabari za milima. Waambie: Mola wangu Mlezi ataivuruga vuruga."/>
		<aya index="106" text="Na ataiacha tambarare, uwanda."/>
		<aya index="107" text="Hutaona humo mdidimio wala muinuko."/>
		<aya index="108" text="Siku hiyo watamfuata muitaji asiye na upotofu. Na sauti zote zitamnyenyekea Arrahmani Mwingi wa Rahema. Basi husikii ila mchakato na mnong'ono."/>
		<aya index="109" text="Siku hiyo uombezi haufai kitu, ila wa aliye mruhusu Arrahmani Mwingi wa Rehema na akamridhia kusema."/>
		<aya index="110" text="Yeye anajua yaliyo mbele yao, na yaliyo nyuma yao. Wala wao hawawezi kumjua Yeye vilivyo."/>
		<aya index="111" text="Na zitadhalilika nyuso mbele ya Aliye Hai Milele, Mwangalizi Mkuu. Na atakuwa ameharibikiwa mwenye kubeba dhulma."/>
		<aya index="112" text="Na anaye tenda mema, naye ni Muumini, basi hatakhofu kudhulumiwa wala kupunjwa."/>
		<aya index="113" text="Na namna hivi tumeiteremsha Qur'ani kwa Kiarabu, na tumekariri humo maonyo ili wapate kuogopa na kujilinda na iwaletee makumbusho."/>
		<aya index="114" text="Ametukuka Mwenyezi Mungu, Mfalme wa Haki. Wala usiifanyie haraka hii Qur'ani, kabla haujamalizika ufunuo wake. Na sema: Mola wangu Mlezi! Nizidishie ilimu."/>
		<aya index="115" text="Na hapo zamani tuliagana na Adam, lakini alisahau, wala hatukuona kwake azma kubwa."/>
		<aya index="116" text="Na tulipo waambia Malaika: Msujudieni Adam! Wakasujudu, isipo kuwa Iblisi, alikataa."/>
		<aya index="117" text="Tukasema: Ewe Adam! Hakika huyu ni adui yako na wa mkeo. Basi asikutoeni katika Bustani hii, mkaingia mashakani."/>
		<aya index="118" text="Hakika humo hutakuwa na njaa wala hutakuwa uchi."/>
		<aya index="119" text="Na hakika hutapata kiu humo wala hutapata joto."/>
		<aya index="120" text="Lakini Shet'ani alimtia wasiwasi, akamwambia: Ewe Adam! Nikujuulishe mti wa kuishi milele na ufalme usio koma?"/>
		<aya index="121" text="Basi wakaula wote wawili, na uchi wao ukawadhihirikia na wakaanza kujibandika majani ya Bustani. Na Adam akamuasi Mola wake Mlezi, na akapotea njia."/>
		<aya index="122" text="Kisha Mola wake Mlezi akamteuwa, naye akamkubalia toba yake, naye akamwongoa."/>
		<aya index="123" text="Akasema: Ondokeni humu nyote, hali ya kuwa ni maadui nyinyi kwa nyinyi. Na ukikufikieni uwongofu kutoka kwangu basi atakaye ufuata uwongofu wangu, hatapotea wala hatataabika."/>
		<aya index="124" text="Na atakaye jiepusha na mawaidha yangu, basi kwa yakini atapata maisha yenye dhiki, na Siku ya Kiyama tutamfufua hali ya kuwa kipofu."/>
		<aya index="125" text="Aseme: Ewe Mola wangu Mlezi! Mbona umenifufua kipofu, nami nilikuwa nikiona?"/>
		<aya index="126" text="(Mwenyezi Mungu) atasema: Ndivyo vivyo hivyo. Zilikufikia ishara zetu, nawe ukazisahau; na kadhaalika leo unasahauliwa."/>
		<aya index="127" text="Na hivi ndivyo tutakavyo mlipa kila apitaye kiasi, na asiye amini ishara za Mola wake Mlezi. Na hakika adhabu ya Akhera ni kali zaidi, na inadumu zaidi."/>
		<aya index="128" text="Je! Haikuwabainikia tu; vizazi vingapi tuliviangamiza kabla yao, nao wanatembea katika maskani zao? Hakika katika hayo zimo ishara kwa wenye akili."/>
		<aya index="129" text="Na lau kuwa si neno lililo kwisha tangulia kutoka kwa Mola wako Mlezi na muda ulio wekwa, bila ya shaka inge fika adhabu (hapa hapa)."/>
		<aya index="130" text="Yavumilie haya wayasemayo. Na umtakase Mola wako Mlezi kwa kumsifu kabla ya kuchomoza jua, na kabla halijachwa, na nyakati za usiku pia umtakase, na ncha za mchana ili upate ya kukuridhisha."/>
		<aya index="131" text="Wala usivikodolee macho tulivyo wastareheshea baadhi ya watu miongoni mwao, kwa ajili ya mapambo ya duniani, ili tuwajaribu. Na riziki ya Mola wako Mlezi ni bora na inadumu zaidi."/>
		<aya index="132" text="Na waamrishe watu wako kusali, na uendelee mwenyewe kwa hayo. Sisi hatukuombi wewe riziki, bali Sisi ndio tunakuruzuku. Na mwisho mwema ni kwa mchamngu."/>
		<aya index="133" text="Na walisema: Kwa nini hakutuletea muujiza kutoka kwa Mola wake Mlezi? Je! Haikuwafikilia dalili wazi ya yaliyomo katika Vitabu vya kale?"/>
		<aya index="134" text="Na lau kuwa tuliwaangamiza kwa adhabu kabla yake, wangeli sema: Ewe Mola wetu Mlezi! Kwa nini usituletee Mtume tukazifuata ishara zako kabla hatujadhilika na kuhizika."/>
		<aya index="135" text="Sema: Kila mmoja anangoja. Basi ngojeni! Hivi karibuni mtajua nani mwenye njia sawa na nani aliye ongoka."/>
	</sura>
	<sura index="21" name="">
		<aya index="1" text="IMEWAKARIBIA watu hisabu yao, nao wamo katika mghafala wanapuuza."/>
		<aya index="2" text="Hayawafikilii mawaidha mapya kutoka kwa Mola wao Mlezi ila huyasikiliza na huku wanafanya mchezo."/>
		<aya index="3" text="Zimeghafilika nyoyo zao. Na wale walio dhulumu hunong'onezana kwa siri: Ni nani ati huyu isipo kuwa ni binaadamu tu kama nyinyi! Mnauwendea uchawi hali nanyi mnaona?"/>
		<aya index="4" text="Alisema: Mola wangu Mlezi anayajua yasemwayo mbinguni na katika ardhi. Na Yeye ni Mwenye kusikia Mwenye kujua."/>
		<aya index="5" text="Lakini wao walisema: Hizo ni ndoto za ovyo ovyo, bali amezizua tu, bali huyo ni mtunga mashairi. Basi atuletee miujiza kama walivyo tumwa wale wa mwanzo."/>
		<aya index="6" text="Hawakuamini kabla yao watu wa mji tulio uangamiza. Basi, je, wataamini hawa?"/>
		<aya index="7" text="Na kabla yako hatukuwatuma ila watu wanaume tulio wapa wahyi (ufunuo). Basi waulizeni wenye ilimu ikiwa nyinyi hamjui."/>
		<aya index="8" text="Wala hatukuwafanya miili isiyo kula chakula, wala hawakuwa wenye kuishi milele."/>
		<aya index="9" text="Kisha tukawatimizia miadi, na tukawaokoa wao na tulio wataka, na tukawateketeza walio pita mipaka."/>
		<aya index="10" text="Na hakika tumekuteremshieni Kitabu ambacho ndani yake yamo makumbusho yenu. Je! Hamzingatii?"/>
		<aya index="11" text="Na mingapi katika miji iliyo kuwa ikidhulumu tumeiteketeza, na tukawasimamisha baada yao watu wengine."/>
		<aya index="12" text="Basi walipo ihisi adhabu yetu, mara wakaanza kukimbia."/>
		<aya index="13" text="Msikimbie! Na rejeeni kwenye zile zile starehe zenu, na maskani zenu, mpate kusailiwa!"/>
		<aya index="14" text="Wakasema: Ole wetu! Hakika sisi tulikuwa madhaalimu."/>
		<aya index="15" text="Hakikuacha hicho kuwa kilio chao mpaka tukawafanya kama walio fyekwa, wamezimika."/>
		<aya index="16" text="Na hatukuziumba mbingu na ardhi na vilivyo baina yao kwa mchezo."/>
		<aya index="17" text="Kama tungeli taka kufanya mchezo tunge jifanyia Sisi wenyewe, lau kwamba tungeli kuwa ni wafanyao mchezo."/>
		<aya index="18" text="Bali tunaitupa kweli juu ya uwongo ikauvunja na mara ukatoweka. Na ole wenu kwa mnayo yazua."/>
		<aya index="19" text="Na ni vyake Yeye tu Mwenyezi Mungu vilivyomo mbinguni na katika ardhi. Na walioko kwake hawafanyi kiburi wakaacha kumuabudu, wala hawachoki."/>
		<aya index="20" text="Wanamtakasa usiku na mchana, wala hawanyong'onyei."/>
		<aya index="21" text="Au wamepata miungu katika ardhi inayo fufua?"/>
		<aya index="22" text="Lau wangeli kuwamo humo miungu wengine isipo kuwa Mwenyezi Mungu basi bila ya shaka hizo mbingu na ardhi zingeli fisidika. Subahana 'Llah Ametakasika Mwenyezi Mungu, Bwana wa A'rshi (Kiti cha Enzi), na hayo wanayo yazua."/>
		<aya index="23" text="Yeye hahojiwi kwa ayatendayo, na wao ndio wanao hojiwa kwa wayatendayo."/>
		<aya index="24" text="Au wanawaabudu miungu mingine badala yake? Sema: Leteni ushahidi wenu! Haya ni ukumbusho wa hawa walio nami, na ukumbusho wa walio kabla yangu. Lakini wengi wao hawaijui kweli, na kwa hivyo wanapuuza."/>
		<aya index="25" text="Na hatukumtuma kabla yako Mtume yeyote ila tulimfunulia ya kwamba hapana mungu isipo kuwa Mimi. Basi niabuduni Mimi tu."/>
		<aya index="26" text="Na wanasema: Arrahman, Mwingi wa Rehema, ana mwana! Subhanahu, Ametakasika na hayo! Bali hao (wanao waita wana) ni watumwa walio tukuzwa."/>
		<aya index="27" text="Hawamtangulii kwa neno, nao wanafanya amri zake."/>
		<aya index="28" text="Anayajua yaliyo mbele yao na yaliyo nyuma yao. Wala hawamwombei yeyote ila yule anaye mridhia Yeye, nao kwa ajili ya kumwogopa wananyenyekea."/>
		<aya index="29" text="Na yeyote kati yao atakaye sema: Mimi ni mungu, badala yake, basi huyo tutamlipa malipo yake Jahannamu. Hivyo ndivyo tuwalipavyo wenye kudhulumu."/>
		<aya index="30" text="Je! Hao walio kufuru hawakuona kwamba mbingu na ardhi zilikuwa zimeambatana, kisha Sisi tukazibabandua? Na tukajaalia kwa maji kila kilicho hai? Basi je, hawaamini?"/>
		<aya index="31" text="Na tukaweka katika ardhi milima iliyo thibiti ili isiwayumbishe, na tukaweka humo njia pana ili wapate kuongoka."/>
		<aya index="32" text="Na tukaifanya mbingu kuwa dari iliyo hifadhiwa, lakini wanazipuuza Ishara zake."/>
		<aya index="33" text="Na Yeye ndiye aliye umba usiku na mchana na jua na mwezi, vyote katika anga vinaogelea."/>
		<aya index="34" text="Nasi hatukumjaalia mwanaadamu yeyote kabla yako kuwa na maisha ya milele. Basi je! Ukifa wewe, wao wataishi milele?"/>
		<aya index="35" text="Kila nafsi itaonja mauti; na tunakujaribuni kwa mtihani wa shari na kheri. Na kwetu Sisi mtarejeshwa."/>
		<aya index="36" text="Na wakikuona walio kufuru hawakufanyi wewe ila ni kitu cha maskhara tu, (wakisema): Je! Ndiye huyu anaye itaja miungu yenu? Na hali wao wanakataa kumkumbuka Arrahman, Mwingi wa Rehema!"/>
		<aya index="37" text="Mwanaadamu ameumbwa na haraka. Nitakuonyesheni Ishara zangu. Basi msinihimize."/>
		<aya index="38" text="Na wanasema: Ahadi hii itatokea lini, ikiwa nyinyi mnasema kweli?"/>
		<aya index="39" text="Lau wangeli jua wale walio kufuru wakati ambao hawatauzuia Moto kwenye nyuso zao wala migongo yao, na wala hawatanusuriwa!"/>
		<aya index="40" text="Bali utawafikia kwa ghafla, na utawashitua na wala hawataweza kuurudisha, wala hawatapewa muhula!"/>
		<aya index="41" text="Na Mitume walio kabla yako walikwisha dhihakiwa. Kwa hivyo wale walio wafanyia maskhara yaliwafika yale waliyo kuwa wakiyafanyia dhihaka."/>
		<aya index="42" text="Sema: Nani anaye kulindeni usiku na mchana na Arrahmani Mwingi wa Rehema? Bali wao wanapuuza kumkumbuka Mola wao Mlezi."/>
		<aya index="43" text="Au wao wanao miungu watao weza kuwakinga nasi? Hao hawawezi kujinusuru nafsi zao, wala hawatalindwa nasi!"/>
		<aya index="44" text="Bali tuliwastarehesha hawa na baba zao mpaka umri ukawa mrefu kwao. Je, hawaoni ya kwamba Sisi tunaifikia ardhi tukiipunguza ncha zake? Basi je! Hao ni wenye kushinda?"/>
		<aya index="45" text="Sema: Mimi nakuonyeni kwa Wahyi. Na viziwi hawasikii wito wanapo onywa."/>
		<aya index="46" text="Na wanapo guswa na mpulizo mmoja tu wa adhabu itokayo kwa Mola wako Mlezi, bila ya shaka wao husema: Ole wetu! Hakika tulikuwa wenye kudhulumu."/>
		<aya index="47" text="Nasi tutaweka mizani za uadilifu kwa Siku ya Kiyama. Basi nafsi haitadhulumiwa kitu chochote. Hata ikiwa ni uzito wa chembe ya khardali tutaileta. Nasi tunatosha kuwa washika hisabu."/>
		<aya index="48" text="Na kwa yakini tuliwapa Musa na Haaruni kipambanuzi, na mwangaza, na makumbusho kwa wachamngu,"/>
		<aya index="49" text="Ambao wanamkhofu Mola wao Mlezi faraghani, na wanaiogopa Saa ya Kiyama."/>
		<aya index="50" text="Na haya ni makumbusho yaliyo barikiwa, tuliyo yateremsha. Basi je! Mnayakataa?"/>
		<aya index="51" text="Na hakika tulikwisha mpa Ibrahim uwongofu wake zamani, na tulikuwa tunamjua."/>
		<aya index="52" text="Alipo mwambia baba yake na watu wake: Ni nini haya masanamu mnayo yashughulikia kuyaabudu?"/>
		<aya index="53" text="Wakasema: Tumewakuta baba zetu wakiyaabudu."/>
		<aya index="54" text="Akasema: Bila ya shaka nyinyi na baba zenu mmekuwa katika upotofu ulio dhaahiri."/>
		<aya index="55" text="Wakasema: Je! Umetujia kwa maneno ya kweli au wewe ni katika wachezao tu?"/>
		<aya index="56" text="Akasema: Bali Mola wenu Mlezi ni Mola Mlezi wa mbingu na ardhi ambaye ndiye aliye ziumba. Na mimi ni katika wenye kuyashuhudia hayo."/>
		<aya index="57" text="Na Wallahi! Nitayafanyia vitimbi masanamu yenu haya baada ya mkisha geuka kwenda zenu."/>
		<aya index="58" text="Basi akayavunja vipande vipande, ila kubwa lao, ili wao walirudie."/>
		<aya index="59" text="Wakasema: Nani aliye ifanyia haya miungu yetu? Hakika huyu ni katika walio dhulumu."/>
		<aya index="60" text="Wakasema: Tumemsikia kijana mmoja akiwataja. Anaitwa Ibrahim."/>
		<aya index="61" text="Wakasema: Mleteni mbele ya macho ya watu, wapate kumshuhudia!"/>
		<aya index="62" text="Wakasema: Je! Wewe umeifanyia haya miungu yetu, ewe Ibrahim?"/>
		<aya index="63" text="Akasema: Bali amefanya hayo huyu mkubwa wao. Basi waulizeni ikiwa wanaweza kutamka."/>
		<aya index="64" text="Basi wakajirudi nafsi zao, wakasema: Hakika nyinyi mlikuwa madhaalimu!"/>
		<aya index="65" text="Kisha wakarejea kwenye ule ule upotovu wao wakasema: Wewe unajua kwamba hawa hawesemi."/>
		<aya index="66" text="Akasema: Basi nyinyi mnawaabudu asiye kuwa Mwenyezi Mungu wasio kufaini kitu wala kukudhuruni?"/>
		<aya index="67" text="Aibu yenu nyinyi na hivyo mnavyo viabudu badala ya Mwenyezi Mungu! Basi nyinyi hamtii akilini?"/>
		<aya index="68" text="Wakasema: Mchomeni moto, na muinusuru miungu yenu, ikiwa nyinyi ni watendao jambo!"/>
		<aya index="69" text="Sisi tukasema: Ewe moto! Kuwa baridi na salama kwa Ibrahim!"/>
		<aya index="70" text="Wao walimkusudia maovu, lakini Sisi tukawafanya wao ndio walio khasiri."/>
		<aya index="71" text="Na tukamwokoa yeye na Luut'i tukawapeleka kwenye nchi tulio ibariki kwa ajili ya walimwengu wote."/>
		<aya index="72" text="Naye tukampa Is-haq, na Yaaqub kuwa ni ziada. Na wote tukawajaalia wawe watu wema."/>
		<aya index="73" text="Na tukawafanya maimamu wakiongoa watu kwa amri yetu. Na tukawafunulia watende kheri, na washike Sala, na watoe Zaka; na walikuwa wanatuabudu Sisi tu."/>
		<aya index="74" text="Na Luut'i tukampa hukumu na ilimu na tukamwokoa na ule mji ulio kuwa ukifanya maovu. Hakika hao walikuwa watu wabaya, wachafu."/>
		<aya index="75" text="Na tukamuingiza katika rehema yetu. Hakika yeye ni miongoni mwa watenda mema."/>
		<aya index="76" text="Na Nuhu alipo ita zamani, nasi tukamuitikia, na tukamwokoa yeye na watu wake kutokana na shida kubwa."/>
		<aya index="77" text="Na tukamnusuru na watu walio zikanusha Ishara zetu. Hakika hao walikuwa watu wabaya. Basi tukawazamisha wote."/>
		<aya index="78" text="Na Daud na Suleiman walipo kata hukumu katika kadhiya ya konde walipo lisha humo mbuzi wa watu usiku. Na Sisi tulikuwa wenye kushuhudia hukumu yao hiyo."/>
		<aya index="79" text="Tukamfahamisha Suleiman. Na kila mmoja wao tulimpa hukumu na ilimu. Na tuliifanya milima na ndege kuwa pamoja na Daud imnyenyekee na imtakase Mwenyezi Mungu. Na Sisi ndio tulio fanya hayo."/>
		<aya index="80" text="Na tukamfundisha kuunda mavazi ya vita kwa ajili yenu ili yakuhifadhini katika kupigana kwenu. Je! Mtakuwa wenye kushukuru?"/>
		<aya index="81" text="Na tukamsahilishia Suleiman upepo wa kimbunga wendao kwa amri yake kwenye ardhi tuliyo ibarikia. Na Sisi ndio tunao jua kila kitu."/>
		<aya index="82" text="Na pia mashet'ani wanao mpigia mbizi na kufanya kazi nyenginezo. Na Sisi tulikuwa walinzi wao."/>
		<aya index="83" text="Na Ayyubu, alipo mwita Mola wake Mlezi, akasema: Mimi yamenipata madhara. Na Wewe ndiye unaye rehemu kuliko wote wanao rehemu."/>
		<aya index="84" text="Basi tukamwitikia, na tukamwondolea madhara aliyo kuwa nayo, na tukampa watu wake na mfano wao pamoja nao kuwa ni rehema inayo toka kwetu, na ukumbusho kwa wafanyao ibada."/>
		<aya index="85" text="Na Ismail, na Idris, na Dhulkifli - wote walikuwa miongoni mwa wanao subiri."/>
		<aya index="86" text="Na tukawaingiza katika rehema yetu. Hakika wao walikuwa katika watu wema."/>
		<aya index="87" text="Na Dhun-Nun alipoondoka hali ameghadhibika, na akadhani ya kwamba hatutakuwa na uwezo juu yake. Basi aliita katika giza: Hapana mungu isipo kuwa Wewe Subhanaka Uliye takasika. Hakika mimi nilikuwa miongoni mwa wenye kudhulumu."/>
		<aya index="88" text="Basi tukamwitikia na tukamwokoa kutokana na dhiki. Na hivyo ndivyo tunavyo waokoa Waumini."/>
		<aya index="89" text="Na Zakariya alipo mwita Mola wake Mlezi: Mola wangu Mlezi! Usiniache peke yangu, na Wewe ndiye Mbora wa wanao rithi."/>
		<aya index="90" text="Basi tukamwitikia, na tukampa Yahya na tukamponyeshea mkewe. Hakika wao walikuwa wepesi wa kutenda mema, na wakituomba kwa shauku na khofu. Nao walikuwa wakitunyenyekea."/>
		<aya index="91" text="Na mwanamke aliye linda uke wake, na tukampulizia katika roho yetu, na tukamfanya yeye na mwanawe kuwa ni Ishara kwa walimwengu."/>
		<aya index="92" text="Kwa hakika huu umma wenu ni umma mmoja, na Mimi ni Mola wenu Mlezi. Kwa hivyo niabuduni Mimi."/>
		<aya index="93" text="Nao wakalikata jambo lao hili mapande mapande baina yao. Wote watarudi kwetu."/>
		<aya index="94" text="Na atendaye mema naye ni Muumini basi haitakataliwa juhudi yake. Na hakika Sisi tunamwandikia."/>
		<aya index="95" text="Na haiwi kwa wana-mji tulio uangamiza, ya kwamba hawatarejea,"/>
		<aya index="96" text="Mpaka watapo funguliwa Juju na Maajuju wakawa wanateremka kutoka kila mlima;"/>
		<aya index="97" text="Na miadi ya haki ikakaribia. Hapo ndipo yatapo kodoka macho ya walio kufuru (na watasema:) Ole wetu! Bila ya shaka tulikuwa tumeghafilika na haya, bali tulikuwa wenye kudhulumu."/>
		<aya index="98" text="Hakika nyinyi na hao mnao waabudu badala ya Mwenyezi Mungu ni kuni za Jahannamu; huko mtaingia tu."/>
		<aya index="99" text="Lau kuwa hawa ni miungu, wasingeli ingia. Na wote watadumu humo."/>
		<aya index="100" text="Lao wao humo ni kupiga mayowe, na wala hawatasikia (jenginelo)."/>
		<aya index="101" text="Ama wale ambao wema wetu umewatangulia, hao watatenganishwa na hayo."/>
		<aya index="102" text="Hawatausikia mvumo wake, na wao watadumu katika yale zinayo yatamani nafsi zao."/>
		<aya index="103" text="Hicho Kitisho Kikubwa hakito wahuzunisha. Na Malaika watawapokea (kwa kuwaambia): Hii ndiyo Siku yenu mliyo kuwa mkiahidiwa!"/>
		<aya index="104" text="Siku tutakapo zikunja mbingu kama mkunjo wa karatasi za vitabu. Kama tulivyo anza umbo la mwanzo tutalirudisha tena. Ni ahadi iliyo juu yetu. Hakika Sisi ni watendao."/>
		<aya index="105" text="Na hakika tulikwisha andika katika Zaburi baada ya Kumbukumbu, ya kwamba nchi watairithi waja wangu walio wema."/>
		<aya index="106" text="Hakika katika haya yapo mawaidha kwa watu wafanyao ibada."/>
		<aya index="107" text="Nasi hatukukutuma ila uwe ni Rehema kwa walimwengu wote."/>
		<aya index="108" text="Sema: Hakika imefunuliwa kwangu ya kwamba hakika Mungu wenu ni Mungu Mmoja tu. Je! Mmesilimu?"/>
		<aya index="109" text="Na kama wakigeuka, basi sema: Nimekutangazieni sawa sawa, wala sijui yako karibu au mbali hayo mliyo ahidiwa."/>
		<aya index="110" text="Hakika Yeye anajua kauli ya dhaahiri na anajua myafichayo."/>
		<aya index="111" text="Wala sijui pengine huu ni mtihani tu kwenu na starehe mpaka muda kidogo."/>
		<aya index="112" text="Sema: Mola wangu Mlezi! Hukumu kwa haki. Na Mola wetu Mlezi ni Mwingi wa Rehema, aombwaye msaada juu ya mnayo yazua."/>
	</sura>
	<sura index="22" name="">
		<aya index="1" text="Enyi watu! Mcheni Mola wenu Mlezi. Hakika tetemeko la Saa (ya Kiyama) ni jambo kuu."/>
		<aya index="2" text="Siku mtapo iona, kila mwenye kunyonyesha atamsahau amnyonyeshaye, na kila mwenye mimba ataharibu mimba yake. Na utaona watu wamelewa, na kumbe hawakulewa. Lakini adhabu ya Mwenyezi Mungu ni kali."/>
		<aya index="3" text="Na miongoni mwa watu wapo wanao bishana juu ya Mwenyezi Mungu bila ya ilimu, na wanamfuata kila shet'ani aliye asi."/>
		<aya index="4" text="Ameandikiwa kwamba anaye mfanya kuwa rafiki, basi huyo hakika atampoteza na atamwongoza kwenye adhabu ya Moto mkali."/>
		<aya index="5" text="Enyi watu! Ikiwa nyinyi mna shaka ya kufufuliwa basi kwa hakika Sisi tulikuumbeni kutokana na udongo, kisha kutokana na manii, kisha kutokana na kipande cha damu ilio gandana, kisha kutokana na kipande cha nyama chenye umbo na kisicho kuwa na umbo, ili tukubainishieni. Nasi tunakiweka katika matumbo ya uzazi tunacho kitaka mpaka muda ulio wekwa. Kisha tunakutoeni kwa hali ya mtoto mchanga, kisha mfikie kutimia akili. Na wapo katika nyinyi wanao kufa, na wapo katika nyinyi wanao rudishwa kwenye umri wa unyonge kabisa, hata mtu awe hajui kitu baada ya kuwa anakijua. Na unaiona ardhi imetulia kimya, lakini tunapo yateremsha maji juu yake husisimka na kututumka, na kumea kila namna ya mimea mizuri."/>
		<aya index="6" text="Hayo ni kwa sababu hakika Mwenyezi Mungu ndiye Haki, na kwamba hakika Yeye ndiye mwenye kuhuisha wafu, na kwamba hakika Yeye ni Muweza wa kila kitu."/>
		<aya index="7" text="Na kwamba hakika Saa itakuja hapana shaka kwa hilo, na kwamba hakika Mwenyezi Mungu atawafufua walio makaburini."/>
		<aya index="8" text="Na katika watu wapo wanao bishana juu ya Mwenyezi Mungu bila ya ilimu, wala uwongofu, wala Kitabu chenye nuru."/>
		<aya index="9" text="Anaye geuza shingo yake ili kupoteza watu waache Njia ya Mwenyezi Mungu. Duniani atapata hizaya, na Siku ya Kiyama tutamwonjesha adhabu ya kuungua."/>
		<aya index="10" text="(Ataambiwa): Hayo ni kwa sababu ya iliyo tanguliza mikono yako. Na hakika Mwenyezi Mungu si dhaalimu kwa waja."/>
		<aya index="11" text="Na katika watu wapo wanao muabudu Mwenyezi Mungu kwa ukingoni. Ikimfikia kheri hutulia kwayo, na ukimfikia msukosuko hugeuza uso wake. Amekhasiri dunia na Akhera; hiyo ndiyo khasara iliyo wazi."/>
		<aya index="12" text="Badala ya Mwenyezi Mungu, yeye huomba kisicho mdhuru wala kumnufaisha. Huko ndiko kupotolea mbali!"/>
		<aya index="13" text="Humuomba yule ambaye bila ya shaka dhara yake ipo karibu zaidi kuliko nafuu yake. Kwa hakika huyo ni mlinzi muovu, na rafiki muovu."/>
		<aya index="14" text="Hakika Mwenyezi Mungu atawaingiza walio amini na wakatenda mema katika Bustani zipitazo mito kati yake. Hakika Mwenyezi Mungu hutenda atakayo."/>
		<aya index="15" text="Anaye dhani kwamba Mwenyezi Mungu hatamnusuru (Mtume) katika dunia na Akhera na afunge kamba kwenye dari kisha aikate. Atazame je hila yake itaondoa hayo yaliyo mkasirisha?"/>
		<aya index="16" text="Na namna hivi tumeiteremsha (Qur'ani) kuwa ni Aya zilizo wazi, na hakika Mwenyezi Mungu humwongoa amtakaye."/>
		<aya index="17" text="Hakika walio amini, na ambao ni Mayahudi na Wasabai na Wakristo na Majusi na wale walio shiriki - hakika Mwenyezi Mungu atawapambanua baina yao Siku ya Kiyama. Hakika Mwenyezi Mungu ni Shahidi wa kila kitu."/>
		<aya index="18" text="Je! Huoni kwamba vinamsujudia Mwenyezi Mungu viliomo mbinguni na viliomo katika ardhi, na jua, na mwezi, na nyota, na milima, na miti, na wanyama, na wengi miongoni mwa watu. Na wengi imewastahiki adhabu. Na anaye fedheheshwa na Mwenyezi Mungu hana wa kumhishimu. Hakika Mwenyezi Mungu hutenda apendayo."/>
		<aya index="19" text="Hawa wagomvi wawili walio gombana kwa ajili ya Mola wao Mlezi. Basi walio kufuru watakatiwa nguo za moto, na yatamiminwa juu ya vichwa vyao maji yanayo chemka."/>
		<aya index="20" text="Kwa maji hayo vitayayushwa viliomo matumboni mwao, na ngozi zao pia."/>
		<aya index="21" text="Na kwa ajili yao yatakuwapo marungu ya chuma."/>
		<aya index="22" text="Kila wakitaka kutoka humo kwa sababu ya uchungu watarudishwa humo humo, na wataambiwa: Onjeni adhabu ya kuungua!"/>
		<aya index="23" text="Hakika Mwenyezi Mungu atawaingiza walio amini na wakatenda mema katika Bustani zipitiwazo na mito kati yake. Watapambwa humo kwa mapambo ya mikononi ya dhahabu na lulu. Na mavazi yao humo ni hariri."/>
		<aya index="24" text="Na wataongozwa kwenye maneno mazuri, na wataongozwa kwenye Njia ya Msifiwa."/>
		<aya index="25" text="Hakika wale walio kufuru na wakazuilia Njia ya Mwenyezi Mungu na Msikiti Mtakatifu, ambao tumeufanya kwa ajili ya watu wote sawasawa, kwa wakaao humo na wageni. Na kila atakaye taka kufanya upotofu humo kwa dhulma, basi tutamwonjesha adhabu chungu."/>
		<aya index="26" text="Na pale tulipomweka Ibrahim pahala penye ile Nyumba tukamwambia: Usinishirikishe na chochote; na isafishe Nyumba yangu kwa ajili ya wanao izunguka kwa kut'ufu, na wanao kaa hapo kwa ibada, na wanao rukuu, na wanao sujudu."/>
		<aya index="27" text="Na watangazie watu Hija; watakujia kwa miguu na juu ya kila ngamia aliye konda, wakija kutoka katika kila njia ya mbali."/>
		<aya index="28" text="Ili washuhudie manufaa yao na walitaje jina la Mwenyezi Mungu katika siku maalumu juu ya nyama hoa alio waruzuku. Basi kuleni katika hao na mlisheni mwenye shida aliye fakiri."/>
		<aya index="29" text="Kisha wajisafishe taka zao, na waondoe nadhiri zao, na waizunguke Nyumba ya Kale."/>
		<aya index="30" text="Ndio hivyo iwe! Na anaye vitukuza vitakatifu vya Mwenyezi Mungu basi hayo ndiyo kheri yake mbele ya Mola wake Mlezi. Na mmehalalishiwa nyama hoa ila wale mlio somewa. Basi jiepusheni na uchafu wa masanamu, na jiepusheni na usemi wa uwongo."/>
		<aya index="31" text="Kwa kumtakasikia Imani Mwenyezi Mungu, bila ya kumshirikisha. Na anaye mshirikisha Mwenyezi Mungu ni kama kwamba ameporomoka kutoka mbinguni, kisha ndege wakamnyakua au upepo ukamtupa pahala mbali."/>
		<aya index="32" text="Ndio hivyo! Na anayetukuza ibada za Mwenyezi Mungu, basi hayo ni katika unyenyekevu wa nyoyo."/>
		<aya index="33" text="Katika hao nyinyi mna manufaa mpaka muda maalumu. Kisha pahala pa kuchinjiwa kwake ni kwenye Nyumba ya Kale."/>
		<aya index="34" text="Na kila umma tumewafanyia mahala pa kuchinjia mihanga ya ibada ili walitaje jina la Mwenyezi Mungu juu ya vile walivyo ruzukiwa katika wanyama wa mifugo. Basi Mungu wenu ni Mungu Mmoja tu. Jisalimishieni kwake tu, na wabashirie wanyenyekevu,"/>
		<aya index="35" text="Ambao, anapo tajwa Mwenyezi Mungu nyoyo zao hutetemeka, na wanao vumilia kwa yanao wasibu, na wanao shika Sala, na wanatoa katika tulivyo waruzuku."/>
		<aya index="36" text="Na ngamia wa sadaka tumekufanyieni kuwa ni kudhihirisha matukuzo kwa Mwenyezi Mungu; kwa hao mna kheri nyingi. Basi litajeni jina la Mwenyezi Mungu juu yao wanapo simama kwa safu. Na waangukapo ubavu kuleni katika hao na walisheni walio kinai na wanao lazimika kuomba. Ndio kama hivi tumewafanya hawa wanyama dhalili kwenu ili mpate kushukuru."/>
		<aya index="37" text="Nyama zao hazimfikii Mwenyezi Mungu wala damu zao, lakini unamfikia uchamngu wenu. Namna hivi tumewadhalilisha kwenu ili mumtukuze Mwenyezi Mungu kwa alivyo kuongoeni. Na wabashirie wafanyao mema."/>
		<aya index="38" text="Hakika Mwenyezi Mungu huwakinga walio amini. Hakika Mwenyezi Mungu hampendi kila khaini mwingi wa kukanya mema."/>
		<aya index="39" text="Wameruhusiwa kupigana wale wanao pigwa vita kwa sababu wamedhulumiwa - na kwa yakini Mwenyezi Mungu ni Muweza wa kuwasaidia -"/>
		<aya index="40" text="Wale ambao wametolewa majumbani mwao pasipo haki, ila kwa kuwa wanasema: Mola wetu Mlezi ni Mwenyezi Mungu! Na lau kuwa Mwenyezi Mungu hawakingi watu kwa watu, basi hapana shaka zingeli vunjwa nymba za wat'awa, na makanisa, na masinagogi, na misikiti, ambamo ndani yake jina la Mwenyezi Mungu linatajwa kwa wingi. Na bila ya shaka Mwenyezi Mungu humsaidia yule anaye msaidia Yeye. Hakika Mwenyezi Mungu ni Mwenye nguvu Mtukufu."/>
		<aya index="41" text="Wale ambao tukiwapa madaraka katika nchi husimamisha Sala, na wakatoa Zaka, na wakaamrisha mema, na wakakataza mabaya. Na kwa Mwenyezi Mungu ndio marejeo ya mambo yote."/>
		<aya index="42" text="Na wakikukanusha basi walikwisha kanusha kabla yao watu wa Nuhu, na kina A'ad na kina Thamud,"/>
		<aya index="43" text="Na watu wa Ibrahim na watu wa Lut'i"/>
		<aya index="44" text="Na watu wa Madiana. Na Musa pia alikanushwa. Nikawapa muda makafiri, kisha nikawatia mkononi. Basi ilikuwaje adhabu yangu!"/>
		<aya index="45" text="Miji mingapi tuliiangamiza iliyo kuwa ikidhulumu, ikawa imebaki magofu, na visima vilivyo achwa, na majumba yaliyo kuwa madhubuti?"/>
		<aya index="46" text="Je! Hawatembei katika ardhi ili wapate kuwa na nyoyo zao za kuzingatia, au masikio ya kusikilia? Kwani hakika si macho yanayo pofuka, lakini zinazo pofuka ni nyoyo ziliomo vifuani."/>
		<aya index="47" text="Na wanakuhimiza ulete adhabu, lakini Mwenyezi Mungu hatakwenda kinyume na ahadi yake kabisa. Na hakika siku moja kwa Mola wako Mlezi ni kama miaka elfu mnavyo hisabu nyinyi."/>
		<aya index="48" text="Na miji mingapi niliipa muda na hali ilikuwa imedhulumu, na kisha nikaitia mkononi? Na kwangu Mimi ndio marudio yote."/>
		<aya index="49" text="Sema: Enyi watu! Hakika mimi ni mwonyaji kwenu niliye dhaahiri."/>
		<aya index="50" text="Basi walio amini na wakatenda mema watapata maghfira na riziki za ukarimu."/>
		<aya index="51" text="Na wanao jitahidi kuzipinga Aya zetu hao ndio watu wa Motoni."/>
		<aya index="52" text="Na hatukumtuma kabla yako Mtume wala Nabii ila anapo soma, Shet'ani hutumbukiza katika masomo yake. Lakini Mwenyezi Mungu huyaondoa anayo yatia Shet'ani; kisha Mwenyezi Mungu huzithibitisha Aya zake. Na Mwenyezi Mungu ni Mjuzi Mwenye hikima."/>
		<aya index="53" text="Hayo ni ili alifanye lile analo litia Shet'ani liwe ni fitna kwa wale wenye maradhi ndani ya nyoyo zao, na wale ambao nyoyo zao ni ngumu. Na hakika madhaalimu wamo katika mfarakano wa mbali."/>
		<aya index="54" text="Na ili walio pewa ilimu wajue kuwa hayo ni Haki itokayo kwa Mola wako Mlezi na waamini, na zipate kutua nyoyo zao. Na hakika Mwenyezi Mungu ndiye anaye waongoa wenye kuamini kwenye Njia Iliyo Nyooka."/>
		<aya index="55" text="Na walio kufuru hawatoacha kuwa katika wasiwasi kwa hilo mpaka Saa iwafikie ghafla, au iwafikie adhabu ya Siku Tasa."/>
		<aya index="56" text="Ufalme wote siku hiyo utakuwa wa Mwenyezi Mungu. Atahukumu baina yao. Basi walio amini na wakatenda mema watakuwa katika Bustani zenye neema."/>
		<aya index="57" text="Na walio kufuru na kuzikanusha Ishara zetu, basi hao watapata adhabu ya kufedhehesha."/>
		<aya index="58" text="Na walio hama kwa ajili ya Mwenyezi Mungu, kisha wakauwawa au wakafa, bila ya shaka Mwenyezi Mungu atawaruzuku riziki njema. Na hakika Mwenyezi Mungu ni Mbora wa wanao ruzuku."/>
		<aya index="59" text="BIla ya shaka atawaingiza pahala watakapo paridhia. Na hakika Mwenyezi Mungu ni Mjuzi na Mpole."/>
		<aya index="60" text="Ndio namna hivi. Na anaye lipiza mfano wa alivyo adhibiwa, kisha akadhulumiwa, basi hapana shaka Mwenyezi Mungu atamsaidia. Hakika Mwenyezi Mungu ni Msamehevu Mwenye maghfira."/>
		<aya index="61" text="Hayo ni kwa kuwa Mwenyezi Mungu huingiza usiku katika mchana, na huuingiza mchana katika usiku, na ya kwamba Mwenyezi Mungu ni Mwenye kusikia Mwenye kuona."/>
		<aya index="62" text="Hayo ni kwa kuwa Mwenyezi Mungu ndiye Wa Kweli, na kwamba wale wanao waomba badala yake, ni baat'ili, na hakika Mwenyezi Mungu ndiye Aliye Juu na ndiye Mkubwa."/>
		<aya index="63" text="Je! Huoni kwamba Mwenyezi Mungu huteremsha maji kutoka mbinguni, na mara ardhi inakuwa chanikiwiti? Hakika Mwenyezi Mungu ni Mpole na Mwenye kujua."/>
		<aya index="64" text="Ni vyake viliomo mbinguni na viliomo katika ardhi. Na hakika Mwenyezi Mungu ni Mwenye kujitosha na Mwenye kusifiwa."/>
		<aya index="65" text="Je! Huoni kwamba Mwenyezi Mungu amevidhalilisha kwenu viliomo katika ardhi, na marikebu zipitazo baharini kwa amri yake, na amezishika mbingu zisianguke juu ya ardhi ila kwa idhini yake. Hakika Mwenyezi Mungu ni Mwenye huruma kwa watu, Mwenye kurehemu."/>
		<aya index="66" text="Na Yeye ndiye aliye kuhuisheni kisha akakufisheni, na kisha atakufufueni. Hakika mwanaadamu hana fadhila."/>
		<aya index="67" text="Kila umma tumewajaalia na ibada zao wanazo zishika. Basi wasizozane nawe katika jambo hili. Na waite watu kwendea kwa Mola wako Mlezi. Hakika wewe uko kwenye Uwongofu Ulio Nyooka."/>
		<aya index="68" text="Na wakikujadili basi sema: Mwenyezi Mungu anajua zaidi mnayo yatenda."/>
		<aya index="69" text="Mwenyezi Mungu atahukumu baina yenu Siku ya Kiyama katika hayo mnayo khitalifiana."/>
		<aya index="70" text="Je! Hujui kwamba Mwenyezi Mungu anayajua yaliomo mbinguni na katika ardhi? Hakika hayo yamo Kitabuni. Hakika hayo kwa Mwenyezi Mungu ni mepesi."/>
		<aya index="71" text="Na wanaabudu badala ya Mwenyezi Mungu ambavyo hakuviteremshia ushahidi, na ambavyo hawana ujuzi navyo. Na madhaalimu hawatakuwa na wa kuwasaidia."/>
		<aya index="72" text="Na wanapo somewa Aya zetu zilizo wazi utaona chuki katika nyuso za walio kufuru. Hukaribia kuwavamia wale wanao wasomea hizo Aya zetu. Sema: Je! Nikwambieni yaliyo mabaya zaidi kuliko haya? Ni Moto. Mwenyezi Mungu amewaahidi walio kufuru, na ni marudio mabaya hayo."/>
		<aya index="73" text="Enyi watu! Unapigwa mfano, basi usikilizeni. Hakika wale mnao waomba badala ya Mwenyezi Mungu, hawatoumba hata nzi ijapo kuwa watajumuika kwa hilo. Na nzi akiwapokonya kitu hawawezi kukipata kwake. Amedhoofika kweli huyo mwenye kutaka na mwenye kutakiwa."/>
		<aya index="74" text="Hawakumuadhimisha Mwenyezi Mungu anavyo stahiki kuadhimishwa. Hakika Mwenyezi Mungu bila ya shaka ni Mwenye kushinda."/>
		<aya index="75" text="Mwenyezi Mungu huteuwa Wajumbe miongoni mwa Malaika na miongoni mwa watu. Hakika Mwenyezi Mungu ni Mwenye kusikia, Mwenye kuona."/>
		<aya index="76" text="Anayajua yaliyo mbele yao na yaliyo nyuma yao. Na kwa Mwenyezi Mungu yatarejeshwa mambo yote."/>
		<aya index="77" text="Enyi mlio amini! Rukuuni na msujudu, na muabuduni Mola wenu Mlezi, na tendeni mema, ili mfanikiwe."/>
		<aya index="78" text="Na fanyeni juhudi kwa ajili ya Mwenyezi Mungu kama inavyo stahiki jihadi yake. Yeye amekuteueni. Wala hakuweka juu yenu mambo mazito katika Dini. Nayo ni mila ya baba yenu Ibrahim. Yeye (Mwenyezi Mungu) alikuiteni Waislamu tangu zamani, na katika hii (Qur'ani) pia, ili awe Mtume shahidi juu yenu, na nyinyi muwe mashahidi kwa watu. Basi shikeni Sala na toeni Zaka na shikamaneni na Mwenyezi Mungu. Yeye ndiye Mlinzi wenu, Mlinzi bora kabisa, na Msaidizi bora kabisa."/>
	</sura>
	<sura index="23" name="">
		<aya index="1" text="HAKIKA wamefanikiwa Waumini,"/>
		<aya index="2" text="Ambao ni wanyenyekevu katika Sala zao,"/>
		<aya index="3" text="Na ambao hujiepusha na mambo ya upuuzi,"/>
		<aya index="4" text="Na ambao wanatoa Zaka,"/>
		<aya index="5" text="Na ambao wanazilinda tupu zao,"/>
		<aya index="6" text="Isipo kuwa kwa wake zao au kwa iliyo wamiliki mikono yao ya kulia. Kwani hao si wenye kulaumiwa."/>
		<aya index="7" text="Lakini anaye taka kinyume cha haya, basi hao ndio warukao mipaka."/>
		<aya index="8" text="Na ambao wanazitimiza amana zao na ahadi zao,"/>
		<aya index="9" text="Na ambao Sala zao wanazihifadhi -"/>
		<aya index="10" text="Hao ndio warithi,"/>
		<aya index="11" text="Ambao watairithi Pepo ya Firdausi, wadumu humo."/>
		<aya index="12" text="Na kwa yakini tumemuumba mtu kutokana na asli ya udongo."/>
		<aya index="13" text="Kisha tukamjaalia awe tone ya mbegu ya uzazi katika kalio madhubuti."/>
		<aya index="14" text="Kisha tukaiumba tone kuwa damu iliyo ganda, na tukaiumba damu kuwa pande la nyama, kisha tukaliumba pande la nyama kuwa mifupa, na mifupa tukaivika nyama. Kisha tukamfanya kiumbe mwengine. Basi ametukuka Mwenyezi Mungu Mbora wa waumbaji."/>
		<aya index="15" text="Kisha hakika nyinyi baada ya hayo mtakufa."/>
		<aya index="16" text="Kisha hakika nyinyi Siku ya Kiyama mtafufuliwa."/>
		<aya index="17" text="Na kwa yakini tumeziumba juu yenu njia saba. Nasi hatukuwa wenye kughafilika na viumbe."/>
		<aya index="18" text="Na tumeteremsha kutoka mbinguni maji kwa kiasi na tukayatuliza katika ardhi. Na hakika Sisi tunaweza kuyaondoa."/>
		<aya index="19" text="Kwa maji hayo tukakufanyieni bustani za mitende na mizabibu, mnapata humo matunda mengi, na katika hayo mnakula;"/>
		<aya index="20" text="Na mti utokao katika mlima wa Sinai, unatoa mafuta na kuwa kitoweo kwa walao."/>
		<aya index="21" text="Na hakika mnayo mazingatio makubwa katika nyama hoa - tunakunywesheni katika vile viliomo matumboni mwao, na nyinyi mnapata katika hao manufaa mengi, na pia mnawala."/>
		<aya index="22" text="Na juu yao na juu ya marikebu mnabebwa."/>
		<aya index="23" text="Na hakika tulimtuma Nuhu kwa watu wake, akasema: Enyi watu wangu! Muabuduni Mwenyezi Mungu. Nyinyi hamna mungu asiye kuwa Yeye. Basi je! Hamwogopi?"/>
		<aya index="24" text="Walisema wale wakuu walio kufuru katika watu wake: Huyu si chochote ila ni mtu tu kama nyinyi. Anataka kujipa ubora juu yenu. Na lau kuwa Mwenyezi Mungu amependa basi yakini angeli teremsha Malaika. Hatukusikia haya kwa baba zetu wa zamani."/>
		<aya index="25" text="Huyu si lolote ila ni mtu mwenye wazimu. Basi mngojeeni tu kwa muda."/>
		<aya index="26" text="Akasema (Nuhu): Mola wangu Mlezi! Ninusuru kwa kuwa wamenikanusha."/>
		<aya index="27" text="Tukampa wahyi: Unda jahazi mbele ya macho yetu na uwongozi wetu! Basi itapo fika amri yetu na ikafurika tanuri, hapo waingize ndani yake wa kila namna dume na jike, na ahali zako, isipo kuwa yule ambaye katika wao juu yake imekwisha tangulia kauli. Wala usinitajie hao walio dhulumu. Kwani hao bila ya shaka watazamishwa."/>
		<aya index="28" text="Basi utakapo tulia wewe na walio pamoja nawe humo marikebuni, sema: Alhamdulillahi Sifa zote njema ni za Mwenyezi Mungu, aliye tuokoa na watu madhaalimu!"/>
		<aya index="29" text="Na sema: Mola wangu Mlezi! Niteremshe mteremsho wenye baraka, na Wewe ni Mbora wa wateremshaji."/>
		<aya index="30" text="Hakika katika hayo yapo mazingatio. Na kwa yakini Sisi ni wenye kuwafanyia mtihani."/>
		<aya index="31" text="Kisha baada yao tukaanzisha kizazi kingine."/>
		<aya index="32" text="Tukawapelekea Mtume miongoni mwao, kuwaambia: Muabuduni Mwenyezi Mungu! Hamna mungu asiye kuwa Yeye. Jee, hamwogopi?"/>
		<aya index="33" text="Na wakubwa katika watu wake walio kufuru na wakakanusha mkutano wa Akhera, na tukawadekeza kwa starehe katika maisha ya dunia, walisema: Huyu si chochote ila ni binaadamu kama nyinyi; anakula mlacho, na anakunywa mnywacho."/>
		<aya index="34" text="Na nyinyi mkimt'ii mtu kama nyinyi basi hakika mtakuwa khasarani."/>
		<aya index="35" text="Hivyo anakuahidini ati ya kwamba mtakapo kufa na mkawa udongo na mifupa kuwa mtatolewa?"/>
		<aya index="36" text="Hayawi! Hayawi hayo mnayo ahidiwa."/>
		<aya index="37" text="Hapana ila uhai wetu wa duniani tu, tunakufa na kuishi basi. Wala sisi hatutafufuliwa."/>
		<aya index="38" text="Huyu si lolote ila ni mtu anaye mzulia Mwenyezi Mungu uwongo, wala sisi sio wa kumuamini."/>
		<aya index="39" text="Akasema: Mola wangu Mlezi! Ninusuru kwa sababu wananikanusha."/>
		<aya index="40" text="(Mwenyezi Mungu) akasema: Baada ya muda mchache watakuwa wenye kujuta."/>
		<aya index="41" text="Basi ukawanyakua ukelele kwa haki, na tukawafanya kama takataka zinazo elea juu ya maji. Ikapotelea mbali kaumu ya madhaalimu!"/>
		<aya index="42" text="Kisha tukaleta baada yao vizazi vingine."/>
		<aya index="43" text="Hapana umma uwezao kutanguliza ajali yake wala kuikawiza."/>
		<aya index="44" text="Kisha tukawatuma Mitume wetu, mmoja baada ya mmoja. Kila umma alipo wafikia Mtume wao walimkanusha. Tukawafuatanisha hawa baada ya hawa, na tukawafanya ni hadithi za kusimuliwa. Wakapotelea mbali watu wasio amini."/>
		<aya index="45" text="Kisha tukamtuma Musa na nduguye, Haaruni, pamoja na ishara zetu na hoja zilizo wazi."/>
		<aya index="46" text="Kumwendea Firauni na wakuu wake. Lakini walijivuna, nao walikuwa watu majeuri."/>
		<aya index="47" text="Wakasema: Je, tuwaamini wanaadamu wawili hawa kama sisi, na ambao watu wao ni watumwa wetu?"/>
		<aya index="48" text="Basi wakawakanusha, na wakawa miongoni mwa walio angamizwa."/>
		<aya index="49" text="Na hakika tulimpa Musa Kitabu ili wapate kuongoka."/>
		<aya index="50" text="Na tukamfanya mwana wa Mariamu na mama yake kuwa ni Ishara, na tukawapa makimbilio kwenda mahali palipo inuka penye utulivu na chemchem za maji."/>
		<aya index="51" text="Enyi Mitume! Kuleni vyakula vizuri na tendeni mema. Hakika Mimi ni Mjuzi wa mnayo yatenda."/>
		<aya index="52" text="Na kwa yakini huu Umma wenu ni Umma mmoja, na Mimi ni Mola wenu Mlezi, basi nicheni Mimi."/>
		<aya index="53" text="Lakini walikatiana jambo lao mapande mbali mbali. Kila kundi likifurahia kwa waliyo nayo."/>
		<aya index="54" text="Basi waache katika ghafla yao kwa muda."/>
		<aya index="55" text="Je! Wanadhani ya kuwa kwa vile tunavyo wapa mali na watoto"/>
		<aya index="56" text="Ndio tunawahimizia kheri? Lakini wenyewe hawatambui."/>
		<aya index="57" text="Kwa hakika hao ambao kwa kumwogopa Mola wao Mlezi wananyenyekea,"/>
		<aya index="58" text="Na wale ambao Ishara za Mola wao Mlezi wanaziamini,"/>
		<aya index="59" text="Na wale ambao Mola wao Mlezi hawamshirikishi,"/>
		<aya index="60" text="Na wale ambao wanatoa walicho pewa, na hali nyoyo zao zinagopa kwa kuwa watarejea kwa Mola wao Mlezi,"/>
		<aya index="61" text="Basi wote hao ndio wanao kimbilia katika mambo ya kheri, na ndio watakao tangulia kuyafikia."/>
		<aya index="62" text="Na hatuilazimishi nafsi ila kwa kadri ya uwezo wake. Na tunacho kitabu kisemacho kweli. Nao hawatadhulumiwa."/>
		<aya index="63" text="Lakini nyoyo zao zimeghafilika na hayo, na wanavyo vitendo vinginevyo wanavyo vifanya."/>
		<aya index="64" text="Hata tutakapo watia katika adhabu wale walio dekezwa kwa starehe kati yao, hapo ndipo watapo yayatika."/>
		<aya index="65" text="Msiyayatike leo! Hakika nyinyi hamtanusurika nasi."/>
		<aya index="66" text="Hakika zilikuwa Aya zangu mkisomewa, nanyi mkirudi nyuma juu ya visigino vyenu,"/>
		<aya index="67" text="Na huku mkitakabari na usiku mkiizungumza (Qur'ani) kwa dharau."/>
		<aya index="68" text="Je, hawakuifikiri kauli, au yamewajia yasiyo wafikia baba zao wa zamani?"/>
		<aya index="69" text="Au hawakumjua Mtume wao, ndio maana wanamkataa?"/>
		<aya index="70" text="Au wanasema: Ana wazimu? Bali amewajia kwa Haki, na wengi wao wanaichukia Haki."/>
		<aya index="71" text="Na lau kuwa Haki ingeli fuata matamanio yao, basi zingeli haribika mbingu na ardhi na waliomo ndani. Bali tumewaletea ukumbusho wao, nao wanajitenga mbali na ukumbusho wao."/>
		<aya index="72" text="Au unawaomba ujira? Lakini ujira wa Mola wako Mlezi ni bora, na Yeye ndiye Mbora wa wanao ruzuku."/>
		<aya index="73" text="Na kwa yakini wewe unawaita kwenye Njia Iliyo Nyooka."/>
		<aya index="74" text="Na hakika wale wasio iamini Akhera wanajitenga na Njia hiyo."/>
		<aya index="75" text="Na lau tungeli warehemu na tukawaondolea shida waliyo nayo bila ya shaka wangeli endelea katika upotofu wao vile vile, wakitangatanga."/>
		<aya index="76" text="Na hakika tuliwatia adhabu kali; lakini hawakuelekea kwa Mola wao Mlezi wala hawakunyenyekea."/>
		<aya index="77" text="Mpaka tulipo wafungulia mlango wa adhabu kali, hapo ndipo wakawa wenye kukata tamaa."/>
		<aya index="78" text="Na Yeye ndiye aliye kuumbieni kusikia na kuona na nyoyo za kufahamu. Ni kuchache mno kushukuru kwenu."/>
		<aya index="79" text="Na Yeye ndiye aliye kuenezeni katika ardhi, na kwake Yeye mtakusanywa."/>
		<aya index="80" text="Na Yeye ndiye anaye huisha na kufisha, na yake Yeye mabadiliko ya usiku na mchana. Basi je! Hamfahamu?"/>
		<aya index="81" text="Bali wanasema kama walivyo sema watu wa kwanza."/>
		<aya index="82" text="Walisema: Je! Tukisha kufa tukawa udongo na mifupa ndio tutafufuliwa?"/>
		<aya index="83" text="Tuliahidiwa haya sisi na baba zetu zamani. Hayakuwa haya ila ni visa vya uwongo vya watu wa zamani."/>
		<aya index="84" text="Sema: Ni ya nani ardhi na viliomo ndani yake, kama nyinyi mnajua?"/>
		<aya index="85" text="Watasema: Ni vya Mwenyezi Mungu! Sema: Basi, je, hamkumbuki?"/>
		<aya index="86" text="Sema: Ni nani Mola Mlezi wa mbingu saba na Mola Mlezi wa A'rshi Kuu?"/>
		<aya index="87" text="Watasema: Ni vya Mwenyezi Mungu. Sema: Basi je, hamwogopi?"/>
		<aya index="88" text="Sema: Ni nani mkononi mwake umo Ufalme wa kila kitu, naye ndiye anaye linda, wala hakilindwi asicho taka, kama mnajua?"/>
		<aya index="89" text="Watasema: (Ufalme huo) ni wa Mwenyezi Mungu. Sema: Basi vipi mnadanganyika?"/>
		<aya index="90" text="Bali tumewaletea Haki, na kwa yakini hao ni waongo."/>
		<aya index="91" text="Mwenyezi Mungu hana mwana yeyote, wala hanaye mungu mwengine. Inge kuwa hivyo basi kila mungu angeli chukua alivyo umba, na baadhi yao wangeli washinda wengine. Mwenyezi Mungu ameepukana na sifa wanazo msifu."/>
		<aya index="92" text="Mjuzi wa siri na dhaahiri, na ametukuka juu ya hayo wanayo mshirikisha nayo."/>
		<aya index="93" text="Sema: Mola wangu Mlezi! Ukinionyesha adhabu waliyo ahidiwa,"/>
		<aya index="94" text="Mola wangu Mlezi! Usinijaalie katika watu madhaalimu hao."/>
		<aya index="95" text="Na hakika Sisi ni waweza wa kukuonyeshsa tuliyo waahidi."/>
		<aya index="96" text="Kinga maovu kwa kutenda yaliyo mema zaidi. Sisi tunajua wayasemayo."/>
		<aya index="97" text="Na sema: Mola wangu Mlezi! Najikinga kwako na wasiwasi wa mashet'ani."/>
		<aya index="98" text="Na najikinga kwako, Mola wangu Mlezi, wasinikaribie."/>
		<aya index="99" text="Mpaka yanapo mfikia mmoja wao mauti, husema: Mola wangu Mlezi! Nirudishe."/>
		<aya index="100" text="Ili nitende mema sasa badala ya yale niliyo yaacha. Wapi! Hii ni kauli aisemayo yeye tu. Na nyuma yao kipo kizuizi mpaka siku watapo fufuliwa."/>
		<aya index="101" text="Basi litapo pulizwa baragumu hapo hautakuwapo ujamaa baina yao siku hiyo, wala hawataulizana."/>
		<aya index="102" text="Ama wale ambao mizani zao zitakuwa nzito, hao ndio wenye kufanikiwa."/>
		<aya index="103" text="Na wale ambao mizani zao zitakuwa nyepesi, hao ndio walio zitia khasarani nafsi zao, na katika Jahannamu watadumu."/>
		<aya index="104" text="Moto utababua nyuso zao, nao watakuwa na nyuso zilizo kunjana."/>
		<aya index="105" text="Je! Hazikuwa Aya zangu mkisomewa, na nyinyi mkizikanusha?"/>
		<aya index="106" text="Mola wetu Mlezi! Tulizidiwa na uovu wetu na tukawa watu tulio potea."/>
		<aya index="107" text="Mola wetu Mlezi! Tutoe humu Motoni. Na tufanyapo tena basi kweli sisi ni wenye kudhulumu."/>
		<aya index="108" text="Atasema Mwenyezi Mungu: Tokomeeni humo, wala msinisemeze."/>
		<aya index="109" text="Bila ya shaka lilikuwapo kundi katika waja wangu likisema: Mola wetu Mlezi! Tumeamini; basi tusamehe na uturehemu, nawe ndiwe Mbora wa wanao rehemu."/>
		<aya index="110" text="Lakini nyinyi mliwakejeli hata wakakusahaulisheni kunikumbuka, na mlikuwa mkiwacheka."/>
		<aya index="111" text="Hakika Mimi leo nimewalipa kwa vile walivyo subiri. Bila ya shaka hao ndio wenye kufuzu."/>
		<aya index="112" text="Atasema: Mlikaa muda gani katika ardhi kwa hisabu ya miaka?"/>
		<aya index="113" text="Watasema: Tulikaa siku moja au sehemu ya siku. Basi waulize wanao weka hisabu."/>
		<aya index="114" text="Atasema: Nyinyi hamkukaa huko duniani ila kidogo, laiti ingeli kuwa mnajua."/>
		<aya index="115" text="Je! Mlidhani ya kwamba tulikuumbeni bure na ya kwamba nyinyi kwetu hamtarudishwa?"/>
		<aya index="116" text="Ametukuka Mwenyezi Mungu, Mfalme wa Haki, hapana mungu ila Yeye, Mola Mlezi wa A'rshi Tukufu."/>
		<aya index="117" text="Na anaye muomba - pamoja na Mwenyezi Mungu - mungu mwenginewe hana ushahidi wa hili; basi bila ya shaka hisabu yake iko kwa Mola wake Mlezi. Kwa hakika makafiri hawafanikiwi."/>
		<aya index="118" text="Nawe sema: Mola wangu Mlezi! Samehe na urehemu nawe ni Mbora wa wanao rehemu."/>
	</sura>
	<sura index="24" name="">
		<aya index="1" text="HII NI SURA Tuliyo iteremsha na tukailazimisha; tukateremsha ndani yake Aya zilizo wazi ili mkumbuke."/>
		<aya index="2" text="Mzinifu mwanamke na mzinifu mwanamume, mtandikeni kila mmoja katika wao bakora mia. Wala isikushikeni huruma kwa ajili yao katika hukumu ya Mwenyezi Mungu, ikiwa nyinyi mnamuamini Mwenyezi Mungu na Siku ya Mwisho. Na lishuhudie adhabu yao kundi la Waumini."/>
		<aya index="3" text="Mwanamume mzinifu hamwoi ila mwanamke mzinifu au mwanamke mshirikina. Na mwanamke mzinifu haolewi ila na mwanamume mzinifu au mshirikina. Na hayo yameharimishwa kwa Waumini."/>
		<aya index="4" text="Na wanao wasingizia wanawake mahashumu, kisha wasilete mashahidi wane, basi watandikeni bakora thamanini, na msiwakubalie ushahidi wao tena. Na hao ndio wapotovu."/>
		<aya index="5" text="Isipo kuwa wale walio tubu baada ya hayo na wakatengenea; kwani bila ya shaka Mwenyezi Mungu ni Msamehevu, Mwenye kurehemu."/>
		<aya index="6" text="Na wale wanao wasingizia wake zao na hawana mashahidi ila nafsi zao, basi ushahidi wa mmoja wao utakuwa kushuhudilia mara nne kwa kiapo cha Mwenyezi Mungu ya kwamba hakika yeye ni katika wasema kweli."/>
		<aya index="7" text="Na mara ya tano kwamba laana ya Mwenyezi Mungu iwe juu yake ikiwa ni miongoni mwa waongo."/>
		<aya index="8" text="Na mke itamwondokea adhabu kwa kutoa shahada mara nne kwa kiapo cha Mwenyezi Mungu ya kwamba huyu mume ni miongoni mwa waongo."/>
		<aya index="9" text="Na mara ya tano ya kwamba ghadhabu ya Mwenyezi Mungu iwe juu yake kama mumewe yu miongoni mwa wanao sema kweli."/>
		<aya index="10" text="Na lau kuwa si fadhila ya Mwenyezi Mungu juu yenu na rehema yake, na ya kuwa Mwenyezi Mungu ni Mpokeaji toba...."/>
		<aya index="11" text="Hakika wale walio leta uwongo ni kundi miongoni mwenu. Msifikiri ni shari kwenu, bali hiyo ni kheri kwenu. Kila mtu katika wao atapata aliyo yachuma katika madhambi. Na yule aliyejitwika sehemu yake kubwa miongoni mwao, atapata adhabu kubwa."/>
		<aya index="12" text="Kwa nini mlipo sikia khabari hii, wanaume Waumini na wanawake Waumini hawakuwadhania wenzao mema, na kusema: Huu ni uzushi dhaahiri?"/>
		<aya index="13" text="Kwa nini hawakuleta mashahidi wane? Na ilivyo kuwa hawakuleta mashahidi wane basi hao mbele ya Mwenyezi Mungu ni waongo."/>
		<aya index="14" text="Na lau kuwa si fadhila ya Mwenyezi Mungu juu yenu na rehema yake katika dunia na Akhera, bila ya shaka ingeli kupateni adhabu kubwa kwa sababu ya yale mliyo jiingiza."/>
		<aya index="15" text="Mlipo yapokea kwa ndimi zenu na mkasema kwa vinywa vyenu msiyo yajua, na mlifikiri ni jambo dogo, kumbe mbele ya Mwenyezi Mungu ni kubwa."/>
		<aya index="16" text="Na kwa nini mlipo yasikia msiseme: Haitufalii kuzungumza haya. Subhanak Umetakasika! Huu ni uzushi mkubwa!"/>
		<aya index="17" text="Mwenyezi Mungu anakuonyeni msirejee tena kufanya kama haya kabisa, ikiwa nyinyi ni Waumini!"/>
		<aya index="18" text="Na Mwenyezi Mungu anakubainisheni Aya. Na Mwenyezi Mungu ni Mjuzi Mwenye hikima."/>
		<aya index="19" text="Kwa hakika wale wanao penda uenee uchafu kwa walio amini, watapata adhabu chungu katika dunia na Akhera. Na Mwenyezi Mungu anajua na nyinyi hamjui."/>
		<aya index="20" text="Na lau kuwa si fadhila ya Mwenyezi Mungu juu yenu na rehema yake, na kuwa hakika Mwenyezi Mungu ni Mpole, Mwenye kurehemu...."/>
		<aya index="21" text="Enyi mlio amini! Msizifuate nyayo za Shet'ani. Na atakaye fuata nyayo za Shet'ani basi yeye huamrisha machafu na maovu. Na lau kuwa si fadhila ya Mwenyezi Mungu na rehema yake juu yenu, asingeli takasika miongoni mwenu kabisa hata mmoja. Lakini Mwenyezi Mungu humtakasa amtakaye, na Mwenyezi Mungu ni Mwenye kusikia, Mwenye kujua."/>
		<aya index="22" text="Na wale katika nyinyi wenye fadhila na wasaa wasiape kutowapa jamaa zao na masikini na walio hama kwa Njia ya Mwenyezi Mungu. Na wasamehe, na waachilie mbali. Je! Nyinyi hampendi Mwenyezi Mungu akusameheni? Na Mwenyezi Mungu ni Mwenye kusamehe Mwenye kurehemu."/>
		<aya index="23" text="Hakika wanao wasingizia wanawake, wanao jihishimu, walio ghafilika, Waumini, wamelaaniwa duniani na Akhera, nao watapata adhabu kubwa."/>
		<aya index="24" text="Siku ambayo zitawashuhudia ndimi zao na mikono yao na miguu yao kwa waliyo kuwa wakiyatenda."/>
		<aya index="25" text="Siku hiyo Mwenyezi Mungu atawapa sawa sawa malipo yao ya haki, na watajua kwamba hakika Mwenyezi Mungu ndiye Haki Iliyo Wazi."/>
		<aya index="26" text="Wanawake waovu ni wa wanaume waovu, na wanaume waovu ni wa wanawake waovu. Na wanawake wema ni wa wanaume wema, na wanaume wema ni wa wanawake wema. Hao wameepushwa na hayo wanayo yasema; wao watapata msamaha na riziki ya ukarimu."/>
		<aya index="27" text="Enyi mlio amini! Msiingie nyumba zisio nyumba zenu mpaka mwombe ruhusa, na mwatolee salamu wenyewe. Hayo ni bora kwenu mpate kukumbuka."/>
		<aya index="28" text="Na msip o mkuta mtu humo basi msiingie mpaka mruhusiwe. Na mkiambiwa: Rudini! Basi rudini. Hivi ni usafi zaidi kwenu. Na Mwenyezi Mungu anajua mnayo yatenda."/>
		<aya index="29" text="Si vibaya kwenu kuingia nyumba zisio kaliwa ambazo ndani yake yamo manufaa yenu. Na Mwenyezi Mungu anajua mnayo yadhihirisha na mnayo yaficha."/>
		<aya index="30" text="Waambie Waumini wanaume wainamishe macho yao, na wazilinde tupu zao. Hili ni takaso bora kwao. Hakika Mwenyezi Mungu anazo khabari za wanayo yafanya."/>
		<aya index="31" text="Na waambie Waumini wanawake wainamishe macho yao, na wazilinde tupu zao, wala wasionyeshe uzuri wao isipo kuwa unao dhihirika. Na waangushe shungi zao juu ya vifua vyao, wala wasionyeshe uzuri wao ila kwa waume zao, au baba zao, au baba wa waume zao, au watoto wao, au watoto wa waume zao, au kaka zao, au wana wa kaka zao, au wana wa dada zao, au wanawake wenzao, au iliyo wamiliki mikono yao ya kuume, au wafwasi wanaume wasio na matamanio, au watoto ambao hawajajua mambo yaliyo khusu uke. Wala wasipige chini miguu yao ili yajuulikane mapambo waliyo yaficha. Na tubuni nyote kwa Mwenyezi Mungu, enyi Waumini, ili mpate kufanikiwa."/>
		<aya index="32" text="Na waozeni wajane miongoni mwenu na wema katika watumwa wenu na wajakazi wenu. Wakiwa mafakiri Mwenyezi Mungu atawatajirisha kwa fadhila yake. Na Mwenyezi Mungu ni Mwenye wasaa Mwenye kujua."/>
		<aya index="33" text="Na wajizuilie na machafu wale wasio pata cha kuolea, mpaka Mwenyezi Mungu awatajirishe kwa fadhila yake. Na wanao taka kuandikiwa uhuru katika wale ambao mikono yenu ya kulia imewamiliki, basi waandikieni kama mkiona wema kwao. Na wapeni katika mali ya Mwenyezi Mungu aliyo kupeni. Wala msiwashurutishe vijakazi vyenu kufanya zina kwa ajili ya kutafuta pato la maisha ya dunia, ilhali wao wanataka kujihishimu. Na atakaye walazimisha basi Mwenyezi Mungu baada ya kulazimishwa kwao huko, atawasamehe, kwani Mwenyezi Mungu ni Mwenye kusamehe, Mwenye kurehemu."/>
		<aya index="34" text="Na kwa yakini tumekuteremshieni Ishara zilizo wazi na mifano kutokana na walio tangulia kabla yenu na mawaidha kwa wachamngu."/>
		<aya index="35" text="Mwenyezi Mungu ni Nuru ya Mbingu na Ardhi. Mfano wa Nuru yake ni kama shubaka lenye kuwekwa ndani yake taa. Taa ile imo katika tungi. Tungi lile ni kama nyota inayo meremeta, inayo washwa kwa mafuta yanayo toka katika mti ulio barikiwa, mzaituni. Si wa mashariki wala magharibi. Yanakaribia mafuta yake kung'aa wenyewe ingawa moto haujayagusa - Nuru juu ya Nuru. Mwenyezi Mungu humwongoa kwenye Nuru yake amtakaye. Na Mwenyezi Mungu huwapigia watu mifano. Na Mwenyezi Mungu ni Mwenye kujua kila kitu."/>
		<aya index="36" text="Katika Nyumba ambazo Mwenyezi Mungu ameamrisha zitukuzwe, na humo litajwe jina lake, wanamtakasa humo asubuhi na jioni"/>
		<aya index="37" text="Watu ambao biashara wala kuuza hakuwashughulishi na kumdhukuru Mwenyezi Mungu, na kushika Sala, na kutoa Zaka. Wanaikhofu Siku ambayo nyoyo na macho yatageuka."/>
		<aya index="38" text="Ili Mwenyezi Mungu awalipe bora ya waliyo yatenda, na awazidishie katika fadhila zake. Na Mwenyezi Mungu humruzuku amtakaye bila ya hisabu."/>
		<aya index="39" text="Na walio kufuru vitendo vyao ni kama sarabi (mazigazi) uwandani. Mwenye kiu huyadhania ni maji. Hata akiyaendea hapati chochote. Na atamkuta Mwenyezi Mungu hapo naye amlipe hisabu yake sawa sawa. Na Mwenyezi Mungu ni Mwepesi wa kuhisabu."/>
		<aya index="40" text="Au ni kama giza katika bahari kuu, iliyo funikwa na mawimbi juu ya mawimbi, na juu yake yapo mawingu. Giza juu ya giza. Akiutoa mtu mkono wake anakaribia asiuone. Na ambaye Mwenyezi Mungu hakumjaalia kuwa na nuru hawi na nuru."/>
		<aya index="41" text="Je! Huoni kwamba Mwenyezi Mungu vinamtakasa vilivyomo katika mbingu na ardhi, na ndege wakikunjua mbawa zao? Kila mmoja amekwisha jua Sala yake na namna ya kumtakasa kwake. Na Mwenyezi Mungu ni Mwenye kuyajua wayatendayo."/>
		<aya index="42" text="Na ni wa Mwenyezi Mungu ufalme wa mbingu na ardhi, na kwa Mwenyezi Mungu ndio marejeo ya wote."/>
		<aya index="43" text="Je! Huoni ya kwamba Mwenyezi Mungu huyasukuma mawingu, kisha huyaambatisha, kisha huyafanya mirundi? Basi utaona mvua ikitoka kati yake. Na huteremsha kutoka juu kwenye milima ya mawingu mvua ya mawe, akamsibu nayo amtakaye na akamuepusha nayo amtakaye. Hukurubia mmetuko wa umeme wake kupofua macho."/>
		<aya index="44" text="Mwenyezi Mungu hubadilisha usiku na mchana. Hakika katika hayo yapo mazingatio kwa wenye kuona."/>
		<aya index="45" text="Na Mwenyezi Mungu ameumba kila kinyama kutokana na maji. Wengine katika wao huenda kwa matumbo yao, na wengine huenda kwa miguu miwili, na wengine huenda kwa miguu mine. Mwenyezi Mungu huumba ayatakayo. Hakika Mwenyezi Mungu ni Muweza wa kila kitu."/>
		<aya index="46" text="Kwa yakini tumeteremsha Ishara zinazo bainisha. Na Mwenyezi Mungu hummwongoa amtakaye kwenye Njia Iliyo Nyooka."/>
		<aya index="47" text="Na wanasema: Tumemuamini Mwenyezi Mungu na Mtume, na tumet'ii. Kisha kikundi katika hao hugeuka baada ya hayo. Wala hao si wenye kuamini."/>
		<aya index="48" text="Na wanapo itwa kumuendea Mwenyezi Mungu na Mtume wake ili ahukumu baina yao, kipo kikundi katika wao kinakataa."/>
		<aya index="49" text="Na ikiwa haki ni yao, wanamjia kwa kut'ii."/>
		<aya index="50" text="Je! Wana maradhi katika nyoyo zao, au wanaona shaka, au wanaogopa ya kuwa Mwenyezi Mungu na Mtume wake watawadhulumu? Bali hao ndio madhaalimu."/>
		<aya index="51" text="Haiwi kauli ya Waumini wanapo itwa kwa Mwenyezi Mungu na Mtume wake ili ahukumu baina yao, ila ni kusema: Tumesikia, na tumet'ii! Na hao ndio wenye kufanikiwa."/>
		<aya index="52" text="Na wenye kumt'ii Mwenyezi Mungu na Mtume wake, na wakamwogopa Mwenyezi Mungu na wakamcha, basi hao ndio wenye kufuzu."/>
		<aya index="53" text="Na wanaapa kwa Mwenyezi Mungu ukomo wa kiapo chao ya kwamba ukiwaamrisha kwa yakini watatoka. Sema: Msiape! Ut'iifu unajuulikana. Hakika Mwenyezi Mungu anazo khabari za mnayo yatenda."/>
		<aya index="54" text="Sema: Mt'iini Mwenyezi Mungu, na mt'iini Mtume. Na mkigeuka, basi yaliyo juu yake ni aliyo bebeshwa, na yaliyo juu yenu ni mliyo bebshwa nyinyi. Na mkimt'ii yeye mtaongoka. Na hapana juu ya Mtume ila kufikisha Ujumbe wazi wazi."/>
		<aya index="55" text="Mwenyezi Mungu amewaahidi wale walio amini miongoni mwenu na wakatenda mema, ya kwamba atawafanya makhalifa katika ardhi kama alivyo wafanya makhalifa wa kabla yao, na kwa yakini atawasimamishia Dini yao aliyo wapendelea, na atawabadilishia amani baada ya khofu yao. Wawe wananiabudu Mimi, wala wasinishirikishe na chochote. Na watao kufuru baada ya hayo, basi hao ndio wapotovu."/>
		<aya index="56" text="Na shikeni Sala, na toeni Zaka, na mt'iini Mtume, ili mpate kurehemewa."/>
		<aya index="57" text="Msiwadhanie walio kufuru kwamba watashinda katika nchi. Na makaazi yao ni Motoni, na hakika ni maovu kweli marejeo yao."/>
		<aya index="58" text="Enyi mlio amini! Nawakutakeni idhini iliyo wamiliki mikono yenu ya kulia na walio bado kubaalighi miongoni mwenu mara tatu - kabla ya Sala ya alfajiri, na wakati mnapo vua nguo zenu adhuhuri, na baada ya Sala ya isha. Hizi ni nyakati tatu za faragha kwenu. Si vibaya kwenu wala kwao baada ya nyakati hizi, kuzungukiana nyinyi kwa nyinyi. Hivyo ndivyo Mwenyezi Mungu anavyo kuelezeni Aya zake, na Mwenyezi Mungu ni Mjuzi Mwenye hikima."/>
		<aya index="59" text="Na watoto wanapo fikilia umri wa kubaalighi basi nawatake ruhusa, kama walivyo taka ruhusa wa kabla yao. Hivyo ndivyo anavyo kubainishieni Mwenyezi Mungu Aya zake, na Mwenyezi Mungu ni Mjuzi Mwenye hikima."/>
		<aya index="60" text="Na wanawake wazee wasio taraji kuolewa, si vibaya kwao kupunguza nguo zao, bila ya kujishaua kwa mapambo. Na wakijihishimu ni bora kwao. Na Mwenyezi Mungu ni Mwenye kusikia, Mwenye kujua."/>
		<aya index="61" text="Si vibaya kwa kipofu, wala si vibaya kwa kiguru, wala si vibaya kwa mgonjwa, wala kwenu nyinyi, mkila katika nyumba zenu, au nyumba za baba zenu, au nyumba za mama zenu, au nyumba za kaka zenu, au nyumba za dada zenu, au nyumba za ami zenu, au nyumba za shangazi zenu, au nyumba za wajomba zenu, au nyumba za dada wa mama zenu, au za mlio washikia funguo zao, au rafiki yenu. Si vibaya kwenu mkila pamoja au mbali mbali. Na mkiingia katika nyumba, toleaneni salamu, kuwa ni maamkio yanayo toka kwa Mwenyezi Mungu, yenye baraka na mema. Hivyo ndivyo Mwenyezi Mungu anavyo kubainishieni Aya zake mpate kuelewa."/>
		<aya index="62" text="Hakika Waumini wa kweli ni walio muamini Mwenyezi Mungu na Mtume wake; na wanapo kuwa pamoja naye kwa jambo la kuwakhusu wote hawaondoki mpaka wamtake ruhusa. Kwa hakika wale wanao kuomba ruhusa, hao ndio wanao muamini Mwenyezi Mungu na Mtume wake. Na wakikuomba ruhusa kwa baadhi ya kazi zao, mruhusu umtakaye miongoni mwao, uwaombee msamaha kwa Mwenyezi Mungu. Hakika Mwenyezi Mungu ni Mwenye kusamehe, Mwenye kurehemmu."/>
		<aya index="63" text="Msifanye wito wa Mtume baina yenu kama wito wa nyinyi kwa nyinyi. Hakika Mwenyezi Mungu anawajua miongoni mwenu wanao ondoka kwa uficho. Basi nawatahadhari wanao khalifu amri yake, usije ukawapata msiba au ikawapata adhabu chungu."/>
		<aya index="64" text="Jueni kuwa hakika ni vya Mwenyezi Mungu vilivyomo mbinguni na ardhini. Hakika Yeye anajua mlio nayo. Na siku mtapo rudishwa kwake atawaeleza waliyo yafanya. Na Mwenyezi Mungu ni Mjuzi wa kila kitu."/>
	</sura>
	<sura index="25" name="">
		<aya index="1" text="Ametukuka aliye teremsha Furqani kwa mja wake, ili awe mwonyaji kwa walimwengu wote."/>
		<aya index="2" text="Ambaye ni wake ufalme wa mbingu na ardhi, wala hakuwa na mwana, wala hakuwa na mshirika katika ufalme, na akaumba kila kitu na akakikadiria kwa kipimo."/>
		<aya index="3" text="Na wamechukua badala yake miungu ambayo haiumbi chochote, bali hiyo inaumbwa, haijimilikii nafsi zao madhara wala manufaa, wala haimiliki mauti, wala uhai, wala kufufuka."/>
		<aya index="4" text="Na wamesema walio kufuru: Haya si chochote ila ni uzushi alio uzua, na wamemsaidia kwa haya watu wengine! Hakika hawa wamekuja na dhulma na uwongo."/>
		<aya index="5" text="Na wakasema: Hivi ni visa vya watu wa kale alivyo viandikisha, anavyo somewa asubuhi na jioni."/>
		<aya index="6" text="Sema: Ameyateremsha haya ajuaye siri za katika mbingu na ardhi. Hakika Yeye ni Mwenye kusamehe Mwenye kurehemu."/>
		<aya index="7" text="Na wakasema: Ana nini Mtume huyu? Anakula chakula, na anatembea masokoni! Mbona hakuteremshiwa Malaika akawa mwonyaji pamoja naye?"/>
		<aya index="8" text="Au akaangushiwa khazina juu yake, au akawa na bustani ale katika hiyo? Wakasema madhaalimu: Nyinyi hamumfuati ila mtu aliye rogwa."/>
		<aya index="9" text="Tazama jinsi wanavyo kupigia mifano. Basi wamepotea, wala hawataiweza Njia."/>
		<aya index="10" text="Ametukuka ambaye akitaka atakujaalia yaliyo bora kuliko hayo, nayo ni mabustani yapitayo mito kati yao, na atakujaalia majumba ya fakhari."/>
		<aya index="11" text="Bali wanaikanusha Saa (ya Kiyama). Na Sisi tumemuandalia Moto mkali kabisa huyo mwenye kuikanusha Saa.."/>
		<aya index="12" text="Ule Moto ukiwaona tangu mahali mbali wao watasikia hasira yake na mngurumo wake."/>
		<aya index="13" text="Na watakapo tupwa humo mahali dhiki, hali wamefungwa, wataomba wafe."/>
		<aya index="14" text="Msiombe kufa mara moja tu, bali mfe mara nyingi!"/>
		<aya index="15" text="Sema: Je! Haya ni bora au Pepo ya milele, ambayo wameahidiwa wachamngu, iwe kwao malipo na marejeo?"/>
		<aya index="16" text="Watayapata humo wayatakayo daima dawamu. Hii ni ahadi juu ya Mola wako Mlezi, inayo ombwa."/>
		<aya index="17" text="Na siku atakapo wakusanya wao na hao wanao waabudu, na akasema: Je! Ni nyinyi mlio wapoteza waja wangu hawa, au wao wenyewe walipotea njia?"/>
		<aya index="18" text="Watasema: Subhanak, Umetakasika na upungufu! Haikutupasia sisi kuchukulia walinzi badala yako, lakini Wewe uliwastarehesha wao na baba zao hata wakasahau kukumbuka, na wakawa watu walio angamia."/>
		<aya index="19" text="Basi walikukanusheni kwa mliyo yasema. Kwa hivyo hamwezi kujiondolea wala kujisaidia. Na atakaye dhulumu miongoni mwenu tutamwonjesha adhabu kubwa."/>
		<aya index="20" text="Na hatukuwatuma kabla yako Mitume wowote ila kwa hakika na yakini walikuwa wakila chakula, na wakenda masokoni. Na tumewajaalia baadhi yenu wawe ni majaribio kwa wengine; je! Mtasubiri? Na Mola wako Mlezi ni Mwenye kuona."/>
		<aya index="21" text="NA WALISEMA wale wasio taraji kukutana nasi: Mbona sisi hatuteremshiwi Malaika au hatumwoni Mola wetu Mlezi? Kwa yakini hawa wamejiona bora nafsi zao, na wamepanda kichwa vikubwa mno!"/>
		<aya index="22" text="Siku watakayo waona Malaika haitakuwa furaha siku hiyo kwa wakosefu. Na watasema: Mungu apishe mbali!"/>
		<aya index="23" text="Na tutayaendea yale waliyo yatenda katika vitendo vyao, tuvifanye kama mavumbi yaliyo tawanyika."/>
		<aya index="24" text="Watu wa Peponi siku hiyo watakuwa katika makaazi bora na mahali penye starehe nzuri."/>
		<aya index="25" text="Na siku zitapo funguka mbingu kwa mawingu, na wateremshwe Malaika kwa wingi,"/>
		<aya index="26" text="Ufalme wa haki siku hiyo utakuwa wa Arrahman, Mwingi wa Rehema, na itakuwa siku ngumu kwa makafiri."/>
		<aya index="27" text="Na siku ambayo mwenye kudhulumu atajiuma mikono yake, na huku anasema: Laiti ningeli shika njia pamoja na Mtume!"/>
		<aya index="28" text="Ee Ole wangu! Laiti nisingeli mfanya fulani kuwa rafiki!"/>
		<aya index="29" text="Amenipoteza, nikaacha Ukumbusho, baada ya kwisha nijia, na kweli Shet'ani ni khaini kwa mwanaadamu."/>
		<aya index="30" text="Na Mtume alikuwa akisema: Ee Mola wangu Mlezi! Hakika watu wangu wameifanya hii Qur'ani ni kihame."/>
		<aya index="31" text="Na vivi hivi tumemfanyia kila Nabii adui miongoni mwa wakosefu, na Mola wako Mlezi anatosha kuwa Mwenye kuongoa na Mwenye kunusuru."/>
		<aya index="32" text="Na wakasema walio kufuru: Kwa nini hakuteremshiwa Qur'ani kwa jumla moja? Hayo ni hivyo ili tuuthibitishe moyo wako, na ndio tumeisoma kwa mafungu."/>
		<aya index="33" text="Wala hawatakuletea mfano wowote, ila na Sisi tutakuletea (jawabu) kwa haki, na tafsiri iliyo bora."/>
		<aya index="34" text="Wale ambao watakao kusanywa na kubururwa kifudifudi mpaka kwenye Jahannamu, hao watakuwa na mahali pabaya, ndio wenye kuipotea sana njia."/>
		<aya index="35" text="Na hakika tulimpa Musa Kitabu na tukamweka pamoja naye nduguye, Harun, kuwa waziri."/>
		<aya index="36" text="Tukawaambia: Nendeni kwa watu walio kanusha Ishara zetu. Basi tukawateketeza kabisa."/>
		<aya index="37" text="Na watu wa Nuhu, walipo wakanusha Mitume, tuliwazamisha, na tukawafanya ni Ishara kwa watu. Na tumewaandalia wenye kudhulumu adhabu chungu."/>
		<aya index="38" text="Na tuliwaangamiza kina A'di na Thamudi na watu wa Rass na vizazi vingi vilivyo kuwa kati yao."/>
		<aya index="39" text="Na wote tuliwapigia mifano, na wote tuliwaangamiza kabisa kabisa."/>
		<aya index="40" text="Na kwa yakini wao wanafika kwenye nchi ilio teremshiwa mvua mbaya. Basi, je, hawakuwa wakiiona? Bali walikuwa hawataraji kufufuliwa."/>
		<aya index="41" text="Na wanapo kuona hawakuchukulii ila ni mzaha tu, na (wanasema): Ati ndiye huyu Mwenyezi Mungu aliye mtuma kuwa Mtume?"/>
		<aya index="42" text="Kwa hakika alikuwa karibu kutupoteza tuiache miungu yetu, ingeli kuwa hatukushikamana nayo kwa kuvumilia. Bado watakuja jua, watakapo iona adhabu, ni nani aliye potea njia."/>
		<aya index="43" text="Je! Umemwona aliye yafanya matamanio yake kuwa ndio mungu wake? Basi je, wewe utakuwa ni wakili wake?"/>
		<aya index="44" text="Au wewe unadhani kwamba wengi wao wanasikia au wanaelewa? Hao hawakuwa ila ni kama nyama hoa tu, bali wao wamepotea zaidi njia."/>
		<aya index="45" text="Je! Huoni jinsi Mola wako Mlezi anavyo kitandaza kivuli. Na angeli taka angeli kifanya kikatulia tu. Kisha tumelifanya jua kuwa ni kiongozi wake."/>
		<aya index="46" text="Kisha tunakivutia kwetu kidogo kidogo."/>
		<aya index="47" text="Naye ndiye aliye kufanyieni usiku kuwa ni vazi, na usingizi kuwa mapumziko, na akakufanyieni mchana ni kufufuka."/>
		<aya index="48" text="Naye ndiye anaye zituma pepo kuwa bishara njema kabla ya rehema yake, na tunayateremsha kutoka mbinguni maji safi."/>
		<aya index="49" text="Ili kwa hayo tuihuishe nchi iliyo kufa, na tuwanyweshe wanyama na watu wengi tulio waumba."/>
		<aya index="50" text="Na kwa yakini tumeisarifu kati yao wapate kukumbuka. Lakini watu wengi wanakataa ila kukufuru."/>
		<aya index="51" text="Na tungeli taka tungeli peleka katika kila mji Mwonyaji."/>
		<aya index="52" text="Basi usiwat'ii makafiri. Na pambana nao kwayo kwa Jihadi kubwa."/>
		<aya index="53" text="Naye ndiye aliye zipeleka bahari mbili, hii tamu mno, na hii ya chumvi chungu. Na akaweka baina yao kinga na kizuizi kizuiacho."/>
		<aya index="54" text="Naye ndiye aliye muumba mwanaadamu kutokana na maji, akamjaalia kuwa na nasaba na ushemeji. Na Mola wako Mlezi ni Muweza."/>
		<aya index="55" text="Na wanayaabudu badala ya Mwenyezi Mungu yasiyo wafaa wala yasiyo wadhuru. Na kafiri daima ni msaidizi wa kumpinga Mola wake Mlezi."/>
		<aya index="56" text="Nasi hatukukutuma ila kuwa ni Mbashiri na Mwonyaji."/>
		<aya index="57" text="Sema: Sikukuombeni ujira juu yake; ila atakaye na ashike njia iendayo kwa Mola wake Mlezi."/>
		<aya index="58" text="Na mtegemee Aliye Hai, ambaye hafi. Na umtukuze kwa sifa zake. Na yatosha kwake kuwa yeye ni Mwenye khabari za dhambi za waja wake."/>
		<aya index="59" text="Ambaye ameziumba mbingu na ardhi, na viliomo ndani yake kwa siku sita. Kisha akatawala juu ya A'rshi, Arrahman, Mwingi wa Rehema! Uliza khabari zake kwa wamjuaye."/>
		<aya index="60" text="Na wanapo ambiwa: Msujudieni Arrahman! Wao husema: Ni nani Arrahman? Je! Tumsujudie unaye tuamrisha wewe tu? Na huwazidishia chuki."/>
		<aya index="61" text="Ametukuka aliye zijaalia nyota mbinguni, na akajaalia humo taa na mwezi unao ng'ara."/>
		<aya index="62" text="Naye ndiye aliye fanya usiku na mchana kufuatana kwa nafuu ya anaye taka kukumbuka, au anaye taka kushukuru."/>
		<aya index="63" text="Na waja wa Arrahman Mwingi wa Rehema ni wale wanao tembea ulimwenguni kwa staha, na wajinga wakiwasemeza hujibu: Salama!"/>
		<aya index="64" text="Na wale wanao kesha kwa ajili ya Mola wao Mlezi kwa kusujudu na kusimama."/>
		<aya index="65" text="Na wale wanao sema: Mola wetu Mlezi! Tuondolee adhabu ya Jahannamu. Hakika adhabu yake ikimpata mtu haimwachi."/>
		<aya index="66" text="Hakika hiyo ni kituo na makao mabaya."/>
		<aya index="67" text="Na wale ambao wanapo tumia hawatumii kwa fujo wala hawafanyi ubakhili, bali wanakuwa katikati baina ya hayo."/>
		<aya index="68" text="Na wale wasio mwomba mungu mwengine pamoja na Mwenyezi Mungu, wala hawaui nafsi aliyo iharimisha Mwenyezi Mungu isipo kuwa kwa haki, wala hawazini - na atakaye fanya hayo atapata madhara,"/>
		<aya index="69" text="Atazidishiwa adhabu Siku ya Kiyama, na atadumu humo kwa kufedheheka."/>
		<aya index="70" text="Isipo kuwa atakaye tubu, na akaamini, na akatenda vitendo vyema. Basi hao Mwenyezi Mungu atayabadilisha maovu yao yawe mema. Na Mwenyezi Mungu ni Mwenye kusamehe, Mwenye kurehemu."/>
		<aya index="71" text="Na aliye tubu na akafanya mema, basi hakika huyo ametubu kweli kweli kwa Mwenyezi Mungu."/>
		<aya index="72" text="Na wale ambao hawatoi ushahidi wa uwongo, na pindi wapitapo penye upuuzi, hupita kwa hishima yao."/>
		<aya index="73" text="Na wale ambao wanapo kumbushwa Ishara za Mola wao Mlezi hawajifanyi viziwi nazo, na vipofu."/>
		<aya index="74" text="Na wale wanao sema: Mola wetu Mlezi! Tupe katika wake zetu na wenetu yaburudishayo macho, na utujaalie tuwe waongozi kwa wachamngu."/>
		<aya index="75" text="Hao ndio watakao lipwa makao ya juu kwa kuwa walisubiri, na watakuta humo maamkio na salamu."/>
		<aya index="76" text="Wadumu humo - kituo na makao mazuri kabisa."/>
		<aya index="77" text="Sema: Mola wangu Mlezi asinge kujalini lau kuwa si kuomba kwenu. Lakini nyinyi mmemkadhibisha. Basi adhabu lazima iwe."/>
	</sura>
	<sura index="26" name="">
		<aya index="1" text="T'aa Siin Miim. (T'. S. M.)"/>
		<aya index="2" text="Hizi ni Aya za Kitabu kinacho bainisha."/>
		<aya index="3" text="Huenda labda ukajikera nafsi yako kwa kuwa hawawi Waumini."/>
		<aya index="4" text="Tunge penda tungeli wateremshia kutoka mbinguni Ishara zikanyenyekea shingo zao."/>
		<aya index="5" text="Wala hauwafikii ukumbusho mpya kutoka kwa Arrahman ila wao hujitenga nao."/>
		<aya index="6" text="Kwa yakini wamekanusha; kwa hivyo zitakuja wafikia khabari za yale waliyo kuwa wakiyafanyia mzaha."/>
		<aya index="7" text="Je! Hawakuiona ardhi, mimea mingapi tumeiotesha humo, ya kila namna nzuri?"/>
		<aya index="8" text="Hakika katika haya zipo Ishara. Lakini wengi wao hawakuwa wenye kuamini."/>
		<aya index="9" text="Na hakika Mola wako Mlezi ndiye Yeye Mwenye nguvu Mwenye kurehemu."/>
		<aya index="10" text="Na Mola wako Mlezi, alipo mwita Musa, akamwambia: Fika kwa watu madhaalimu,"/>
		<aya index="11" text="Watu wa Firauni. Hawaogopi?"/>
		<aya index="12" text="Akasema: Hakika mimi nachelea wasinikanushe."/>
		<aya index="13" text="Na kifua changu kina dhiki, na ulimi wangu haukunjuki vyema. Basi mtumie ujumbe Harun."/>
		<aya index="14" text="Na wao wana kisasi juu yangu, kwa hivyo naogopa wasije kuniuwa."/>
		<aya index="15" text="Akasema: Siyo hivyo kabisa! Nendeni na miujiza yetu. Hakika Sisi tu pamoja nanyi, tunasikiliza."/>
		<aya index="16" text="Basi mfikieni Firauni na mwambieni: Hakika sisi ni Mitume wa Mola Mlezi wa walimwengu wote."/>
		<aya index="17" text="Waachilie Wana wa Israili wende nasi."/>
		<aya index="18" text="(Firauni) akasema: Sisi hatukukulea wewe utotoni, na ukakaa kwetu katika umri wako miaka mingi?"/>
		<aya index="19" text="Na ukatenda kitendo chako ulicho tenda, nawe ukawa miongoni mwa wasio na shukrani?"/>
		<aya index="20" text="(Musa) akasema: Nilitenda hayo hapo nilipo kuwa miongoni mwa wale walio potea."/>
		<aya index="21" text="Basi nikakukimbieni nilipo kuogopeni, tena Mola wangu Mlezi akanitunukia hukumu, na akanijaalia niwe miongoni mwa Mitume."/>
		<aya index="22" text="Na hiyo ndiyo neema ya kunisumbulia, na wewe umewatia utumwani Wana wa Israili?"/>
		<aya index="23" text="Firauni akasema: Na nani huyo Mola Mlezi wa walimwengu wote?"/>
		<aya index="24" text="Akasema: Ndiye Mola Mlezi wa mbingu na ardhi, na viliomo baina yao, ikiwa nyinyi ni wenye yakini."/>
		<aya index="25" text="(Firauni) akawaambia walio mzunguka: Hamsikilizi?"/>
		<aya index="26" text="(Musa) akasema: Ndiye Mola wenu Mlezi, na Mola Mlezi wa baba zenu wa kwanza."/>
		<aya index="27" text="(Firauni) akasema: Hakika huyu Mtume wenu aliye tumwa kwenu ni mwendawazimu."/>
		<aya index="28" text="(Musa) akasema: Ndiye Mola Mlezi wa Mashariki na Magharibi na viliomo baina yao, ikiwa nyinyi mnatia akilini."/>
		<aya index="29" text="(Firauni) akasema: Ukimfuata mungu mwengine asiye kuwa mimi, basi bila ya shaka nitakufunga gerezani."/>
		<aya index="30" text="Akasema: Je! Ijapo kuwa nitakuletea kitu cha kubainisha wazi?"/>
		<aya index="31" text="Akasema: Kilete basi, kama wewe ni katika wasemao kweli."/>
		<aya index="32" text="Basi akaitupa fimbo yake, mara ikawa nyoka wa kuonekana dhaahiri."/>
		<aya index="33" text="Na akautoa mkono wake, na mara ukawa mweupe kwa watazamao."/>
		<aya index="34" text="(Firauni) akawaambia waheshimiwa walio mzunguka: Hakika huyu ni mchawi mtaalamu."/>
		<aya index="35" text="Anataka kukutoeni katika nchi yenu kwa uchawi wake. Basi mna shauri gani?"/>
		<aya index="36" text="Wakasema: Mpe muda yeye na nduguye na uwatume mijini wapigao mbiu ya mgambo."/>
		<aya index="37" text="Wakuletee kila mchawi bingwa mtaalamu."/>
		<aya index="38" text="Basi wakakusanywa wachawi wakati na siku maalumu."/>
		<aya index="39" text="Na watu wakaambiwa: Je! Mtakusanyika?"/>
		<aya index="40" text="Huenda tutawafuata wachawi wakiwa wao ndio watakao shinda."/>
		<aya index="41" text="Basi walipo kuja wachawi wakamwambia Firauni: Je! Tutapata ujira tukiwa sisi ndio tulio shinda?"/>
		<aya index="42" text="Naam! Na hakika mtakuwa katika watu wa mbele."/>
		<aya index="43" text="Musa akwaambia: Tupeni mnavyo taka kutupa."/>
		<aya index="44" text="Basi wakatupa kamba zao na fimbo zao, na wakasema: Kwa nguvu za Firauni hakika sisi hapana shaka ni wenye kushinda."/>
		<aya index="45" text="Musa tena akatupa fimbo yake, nayo mara ikavimeza walivyo vizua."/>
		<aya index="46" text="Hapo wachawi walipinduka wakasujudu."/>
		<aya index="47" text="Wakasema: Tunamuamini Mola Mlezi wa walimwengu wote."/>
		<aya index="48" text="Mola Mlezi wa Musa na Harun."/>
		<aya index="49" text="(Firauni) akasema: Je! Mmemuamini kabla sijakuruhusuni? Bila ya shaka yeye basi ndiye mkubwa wenu aliye kufunzeni uchawi. Basi mtakuja jua! Nitakata mikono yenu na miguu yenu kwa kutafautisha. Na nitakubandikeni misalabani nyote."/>
		<aya index="50" text="Wakasema: Haidhuru, kwani sisi ni wenye kurejea kwa Mola wetu Mlezi."/>
		<aya index="51" text="Hakika sisi tunatumai Mola wetu Mlezi atatusamehe makosa yetu, kwa kuwa ndio wa kwanza wa kuamini."/>
		<aya index="52" text="Na tulimuamrisha Musa kwa wahyi: Nenda na waja wangu wakati wa usiku. Kwa hakika mtafuatwa."/>
		<aya index="53" text="Basi Firauni akawatuma mijini wapiga mbiu za mgambo."/>
		<aya index="54" text="(Wakieneza): Hakika hawa ni kikundi kidogo."/>
		<aya index="55" text="Nao wanatuudhi."/>
		<aya index="56" text="Na sisi ni wengi, wenye kuchukua hadhari."/>
		<aya index="57" text="Basi tukawatoa katika mabustani na chemchem,"/>
		<aya index="58" text="Na makhazina, na vyeo vya hishima,"/>
		<aya index="59" text="Kadhaalika; na tukawarithisha hayo Wana wa Israili."/>
		<aya index="60" text="Basi wakawafuata lilipo chomoza jua."/>
		<aya index="61" text="Na yalipo onana majeshi mawili haya, watu wa Musa wakasema: Hakika sisi bila ya shaka tumepatikana!"/>
		<aya index="62" text="(Musa) akasema: Hasha! Hakika yu pamoja nami Mola wangu Mlezi. Yeye ataniongoa!"/>
		<aya index="63" text="Tulimletea wahyi Musa tukamwambia: Piga bahari kwa fimbo yako. Basi ikatengana, na kila sehemu ikawa kama mlima mkubwa."/>
		<aya index="64" text="Na tukawajongeza hapo wale wengine."/>
		<aya index="65" text="Tukawaokoa Musa na walio kuwa pamoja naye wote."/>
		<aya index="66" text="Kisha tukawazamisha hao wengine."/>
		<aya index="67" text="Hakika bila ya shaka katika hayo ipo Ishara; lakini wengi wao si katika wenye kuamini."/>
		<aya index="68" text="Na kwa hakika Mola wako Mlezi ndiye Mwenye nguvu Mwenye kurehemu."/>
		<aya index="69" text="Na wasomee khabari za Ibrahim."/>
		<aya index="70" text="Alipo mwambia baba yake na kaumu yake: Mnaabudu nini?"/>
		<aya index="71" text="Wakasema: Tunaabudu masanamu, daima tunayanyenyekea."/>
		<aya index="72" text="Akasema: Je! Yanakusikieni mnapo yaita?"/>
		<aya index="73" text="Au yanakufaeni, au yanakudhuruni?"/>
		<aya index="74" text="Wakasema: Bali tumewakuta baba zetu wakifanya hivyo hivyo."/>
		<aya index="75" text="Je! Mmewaona hawa mnao waabudu-"/>
		<aya index="76" text="Nyinyi na baba zenu wa zamani?"/>
		<aya index="77" text="Kwani hakika hao ni adui zangu, isipo kuwa Mola Mlezi wa walimwengu wote."/>
		<aya index="78" text="Ambaye ndiye aliye niumba, na Yeye ndiye ananiongoa,"/>
		<aya index="79" text="Na ambaye ndiye ananilisha na kuninywesha."/>
		<aya index="80" text="Na ninapo ugua ni Yeye ndiye anaye niponesha."/>
		<aya index="81" text="Na ambaye atanifisha, na kisha atanihuisha."/>
		<aya index="82" text="Na ambaye ndiye ninaye mtumai kunisamehe makosa yangu Siku ya Malipo."/>
		<aya index="83" text="Mola wangu Mlezi! Nitunukie hukumu na uniunganishe na watendao mema."/>
		<aya index="84" text="Na unijaalie nitajwe kwa wema na watu watakao kuja baadaye."/>
		<aya index="85" text="Na unijaalie katika warithi wa Bustani za neema."/>
		<aya index="86" text="Na umsamehe baba yangu, kwani hakika alikuwa miongoni mwa wapotovu."/>
		<aya index="87" text="Wala usinihizi Siku watapo fufuliwa."/>
		<aya index="88" text="Siku ambayo kwamba mali hayato faa kitu wala wana."/>
		<aya index="89" text="Isipo kuwa mwenye kumjia Mwenyezi Mungu na moyo safi."/>
		<aya index="90" text="Na Pepo itasogezwa kwa wachamngu."/>
		<aya index="91" text="Na Jahannamu itadhihirishwa kwa wapotovu."/>
		<aya index="92" text="Na wataambiwa: Wako wapi mlio kuwa mkiwaabudu"/>
		<aya index="93" text="Badala ya Mwenyezi Mungu? Je! Wanakusaidieni, au wanajisaidia wenyewe?"/>
		<aya index="94" text="Basi watavurumizwa humo wao na hao wakosefu,"/>
		<aya index="95" text="Na majeshi ya Ibilisi yote."/>
		<aya index="96" text="Watasema, na hali ya kuwa wanazozana humo:"/>
		<aya index="97" text="Wallahi! Kwa yakini tulikuwa katika upotovu ulio dhaahiri,"/>
		<aya index="98" text="Tulipo kufanyeni ni sawa na Mola Mlezi wa walimwengu wote."/>
		<aya index="99" text="Na hawakutupoteza ila wale wakosefu."/>
		<aya index="100" text="Basi hatuna waombezi."/>
		<aya index="101" text="Wala rafiki wa dhati."/>
		<aya index="102" text="Laiti tungeli pata kurejea tena tungeli kuwa katika Waumini."/>
		<aya index="103" text="Hakika katika haya ipo Ishara, lakini wengi wao hawakuwa wenye kuamini."/>
		<aya index="104" text="Na hakika Mola wako Mlezi ndiye Mwenye nguvu Mwenye kurehemu."/>
		<aya index="105" text="Kaumu ya Nuhu waliwakadhibisha Mitume."/>
		<aya index="106" text="Alipo waambia ndugu yao, Nuhu: Je! Hamchimngu?"/>
		<aya index="107" text="Hakika mimi kwenu ni Mtume muaminifu."/>
		<aya index="108" text="Basi Mcheni Mwenyezi Mungu, na nit'iini mimi."/>
		<aya index="109" text="Na sikutakini juu yake ujira, kwani ujira wangu hauko ila kwa Mola Mlezi wa walimwengu wote."/>
		<aya index="110" text="Basi Mcheni Mwenyezi Mungu, na nit'iini mimi."/>
		<aya index="111" text="Wakasema: Je! Tukuamini wewe, hali wanao kufuata ni watu wa chini?"/>
		<aya index="112" text="Akasema: Nayajuaje waliyo kuwa wakiyafanya?"/>
		<aya index="113" text="Hisabu yao haiko ila kwa Mola wao Mlezi, laiti mngeli tambua!"/>
		<aya index="114" text="Wala mimi si wa kuwafukuza Waumini."/>
		<aya index="115" text="Mimi si cho chote ila ni Mwonyaji wa dhaahiri shaahiri."/>
		<aya index="116" text="Wakasema: Ikiwa huachi, ewe Nuhu, bila ya shaka utapigwa mawe."/>
		<aya index="117" text="Akasema: Mola wangu Mlezi! Hakika watu wangu wamenikanusha."/>
		<aya index="118" text="Basi hukumu baina yangu na wao kwa hukumu yako, na uniokoe mimi na walio pamoja nami, Waumini."/>
		<aya index="119" text="Kwa hivyo tukamwokoa yeye na walio kuwa pamoja naye katika marikebu iliyo sheheni."/>
		<aya index="120" text="Kisha tukawazamisha baadaye walio bakia."/>
		<aya index="121" text="Hakika katika haya ipo Ishara, lakini si wengi wao walio kuwa Waumini."/>
		<aya index="122" text="Na hakika Mola wako Mlezi ndiye Yeye Mwenye nguvu Mwenye kurehemu."/>
		<aya index="123" text="Kina A'd waliwakanusha Mitume."/>
		<aya index="124" text="Alipo waambia ndugu yao, Hud: Je! Hamchimngu?"/>
		<aya index="125" text="Hakika mimi kwenu ni Mtume muaminifu."/>
		<aya index="126" text="Basi mcheni Mwenyezi Mungu, na nit'iini mimi."/>
		<aya index="127" text="Wala sikutakeni juu yake ujira, kwani ujira wangu hauko ila kwa Mola Mlezi wa walimwengu wote."/>
		<aya index="128" text="Je! Mnajenga juu ya kila mnyanyuko kumbusho la kufanyia upuuzi?"/>
		<aya index="129" text="Na mnajenga majengo ya fakhari kama kwamba mtaishi milele!"/>
		<aya index="130" text="Na mnapo tumia nguvu mnatumia nguvu kwa ujabari."/>
		<aya index="131" text="Basi mcheni Mwenyezi Mungu, na nit'iini."/>
		<aya index="132" text="Na mcheni aliye kupeni haya mnayo yajua."/>
		<aya index="133" text="Amekupeni wanyama wa kufuga na wana."/>
		<aya index="134" text="Na mabustani na chemchem."/>
		<aya index="135" text="Hakika mimi ninakukhofieni adhabu ya Siku Kubwa."/>
		<aya index="136" text="Wakasema: Ni mamoja kwetu, ukitupa mawaidha au hukuwa miongoni mwa watoao mawaidha."/>
		<aya index="137" text="Haya si chochote ila ni mtindo wa watu wa tokea zamani."/>
		<aya index="138" text="Wala sisi hatutaadhibiwa."/>
		<aya index="139" text="Wakamkanusha; nasi tukawaangamiza. Hakika bila ya shaka katika haya ipo Ishara. Lakini hawakuwa wengi wao wenye kuamini."/>
		<aya index="140" text="Na hakika Mola wako Mlezi ndiye Mwenye nguvu Mwenye kurehemu."/>
		<aya index="141" text="Kina Thamud waliwakanusha Mitume."/>
		<aya index="142" text="Alipo waambia ndugu yao Saleh: Je! Hamumchimngu?"/>
		<aya index="143" text="Hakika mimi kwenu ni Mtume muaminifu."/>
		<aya index="144" text="Basi mcheni Mwenyezi Mungu, na nit'iini."/>
		<aya index="145" text="Wala sikutakini ujira juu yake. Ujira wangu hauko ila kwa Mola Mlezi wa walimwengu wote."/>
		<aya index="146" text="Je! Mtaachwa salama usalimina katika haya yaliyopo hapa?"/>
		<aya index="147" text="Katika mabustani, na chemchem?"/>
		<aya index="148" text="Na konde na mitende yenye makole yaliyo wiva."/>
		<aya index="149" text="Na mnachonga milimani majumba kwa ustadi."/>
		<aya index="150" text="Basi mcheni Mwenyezi Mungu, na nit'iini mimi."/>
		<aya index="151" text="Wala msit'ii amri za walio pindukia mipaka,"/>
		<aya index="152" text="Ambao wanafanya ufisadi katika nchi, wala hawatengenezi."/>
		<aya index="153" text="Wakasema: Hakika wewe ni miongoni mwa walio rogwa."/>
		<aya index="154" text="Wewe si chochote ila ni mtu kama sisi. Basi lete Ishara ukiwa wewe ni miongoni mwa wasemao kweli."/>
		<aya index="155" text="Akasema: Huyu ngamia jike; awe na zamu yake ya kunywa, na nyinyi muwe na zamu yenu ya kunywa katika siku maalumu."/>
		<aya index="156" text="Wala msimguse kwa uwovu, isije ikakushikeni adhabu ya Siku Kubwa."/>
		<aya index="157" text="Lakini wakamuuwa, na wakawa wenye kujuta."/>
		<aya index="158" text="Basi ikawapata adhabu. Hakika katika hayo ipo Ishara. Lakini hawakuwa wengi wao wenye kuamini."/>
		<aya index="159" text="Na hakika Mola wako Mlezi ndiye Mwenye nguvu Mwenye kurehemu."/>
		<aya index="160" text="Watu wa Lut'i waliwakanusha Mitume."/>
		<aya index="161" text="Alipo waambia ndugu yao, Lut'i: Je! Hamumchimngu?"/>
		<aya index="162" text="Hakika mimi kwenu ni Mtume muaminifu kwenu."/>
		<aya index="163" text="Basi mcheni Mwenyezi Mungu na nit'iini mimi."/>
		<aya index="164" text="Wala mimi sikutakini ujira juu yake; ujira wangu hauko ila kwa Mola Mlezi wa walimwengu wote."/>
		<aya index="165" text="Je! Katika viumbe vyote mnawaingilia wanaume?"/>
		<aya index="166" text="Na mnaacha alicho kuumbieni Mola wenu Mlezi katika wake zenu? Ama kweli nyinyi ni watu mnao ruka mipaka!"/>
		<aya index="167" text="Wakasema: Ewe Lut'i! Usipo acha, hapana shaka utakuwa miongoni mwa wanao tolewa mji!"/>
		<aya index="168" text="Akasema: Hakika mimi ni katika wanao kichukia hichi kitendo chenu."/>
		<aya index="169" text="Mola wangu Mlezi! Niokoe mimi na ahali zangu na haya wayatendayo."/>
		<aya index="170" text="Basi tukamwokoa yeye na ahali zake wote,"/>
		<aya index="171" text="Isipo kuwa kikongwe katika walio kaa nyuma."/>
		<aya index="172" text="Kisha tukawaangamiza wale wengine."/>
		<aya index="173" text="Na tukawanyeshea mvua, basi ni ovu mno mvua ya waliyo onywa."/>
		<aya index="174" text="Hakika katika hayo ipo Ishara. Na hawakuwa wengi wao wenye kuamini."/>
		<aya index="175" text="Na hakika Mola wako Mlezi bila ya shaka ndiye Mwenye nguvu, Mwenye kurehemu."/>
		<aya index="176" text="Watu wa Machakani waliwakanusha Mitume."/>
		<aya index="177" text="Shuaibu alipo waambia: Je! Hamfanyi mkamchamngu?"/>
		<aya index="178" text="Hakika mimi kwenu ni Mtume muaminifu."/>
		<aya index="179" text="Basi mcheni Mwenyezi Mungu, na nit'iini mimi."/>
		<aya index="180" text="Wala sikutakini ujira juu yake. Ujira wangu hauko ila kwa Mola Mlezi wa walimwengu wote."/>
		<aya index="181" text="Timizeni kipimo sawa sawa, wala msiwe katika wanao punja."/>
		<aya index="182" text="Na pimeni kwa haki iliyo nyooka;"/>
		<aya index="183" text="Wala msiwapunje watu vitu vyao, wala msifanye jeuri kwa ufisadi."/>
		<aya index="184" text="Na mcheni aliye kuumbeni nyinyi na vizazi vilivyo tangulia."/>
		<aya index="185" text="Wakasema: Hakika wewe ni katika walio rogwa."/>
		<aya index="186" text="Na wewe si chochote ila ni mtu tu kama sisi, na kwa yakini tunakuona wewe ni katika waongo."/>
		<aya index="187" text="Hebu tuangushie vipande kutoka mbinguni ikiwa wewe ni miongoni mwa wasemao kweli."/>
		<aya index="188" text="Akasema: Mola wangu Mlezi anajua zaidi mnayo yatenda."/>
		<aya index="189" text="Basi walimkanusha, na ikawashika adhabu ya siku ya kivuli. Hakika hiyo ilikuwa adhabu ya siku kubwa."/>
		<aya index="190" text="Hakika katika hayo ipo Ishara, lakini hawakuwa wengi wao wenye kuamini."/>
		<aya index="191" text="Na hakika Mola wako Mlezi bila ya shaka ndiye Yeye Mwenye nguvu Mwenye kurehemu."/>
		<aya index="192" text="Na bila ya shaka hii ni Uteremsho wa Mola Mlezi wa walimwengu wote."/>
		<aya index="193" text="Ameuteremsha Roho muaminifu,"/>
		<aya index="194" text="Juu ya moyo wako, ili uwe katika Waonyaji,"/>
		<aya index="195" text="Kwa ulimi wa Kiarabu ulio wazi."/>
		<aya index="196" text="Na hakika bila ya shaka haya yamo katika Vitabu vya kale."/>
		<aya index="197" text="Je! Haikuwa kwao ni Ishara kwamba wanayajua haya wanazuoni wa Wana wa Israili?"/>
		<aya index="198" text="Na lau kuwa tungeli iteremsha juu ya mmoja wa wasio kuwa Waarabu,"/>
		<aya index="199" text="Na akawasomea, wasingeli kuwa wenye kuamini."/>
		<aya index="200" text="Namna hivi tunaingiza katika nyoyo za wakosefu."/>
		<aya index="201" text="Hawataiamini mpaka waione adhabu chungu."/>
		<aya index="202" text="Basi itawafikia kwa ghafla, na hali hawana khabari."/>
		<aya index="203" text="Na watasema: Je, tutapewa muhula?"/>
		<aya index="204" text="Basi, je, wanaihimiza adhabu yetu?"/>
		<aya index="205" text="Waonaje kama tukiwastarehesha kwa miaka,"/>
		<aya index="206" text="Kisha yakawafikia waliyo kuwa wakiahidiwa,"/>
		<aya index="207" text="Yatawafaa nini yale waliyo stareheshewa?"/>
		<aya index="208" text="Wala hatukuangamiza mji wo wote ila ulikuwa na waonyaji -"/>
		<aya index="209" text="Kuwa ni ukumbusho. Wala Sisi hatukuwa wenye kudhulumu."/>
		<aya index="210" text="Wala Mashet'ani hawakuteremka nayo,"/>
		<aya index="211" text="Wala haitakiwi kwao, na wala hawawezi."/>
		<aya index="212" text="Hakika hao wametengwa na kusikia."/>
		<aya index="213" text="Basi usimwombe mungu mwingine pamoja na Mwenyezi Mungu ukawa miongoni mwa watakao adhibiwa."/>
		<aya index="214" text="Na uwaonye jamaa zako walio karibu nawe."/>
		<aya index="215" text="Na watwae kwa upole wanao kufuata miongoni mwa Waumini."/>
		<aya index="216" text="Na ikiwa watakuasi basi sema: Mimi najitenga mbali na hayo mnayo yatenda."/>
		<aya index="217" text="Na umtegemee Mtukufu Mwenye nguvu Mwenye kurehemu."/>
		<aya index="218" text="Ambaye anakuona unapo simama,"/>
		<aya index="219" text="Na mageuko yako kati ya wanao sujudu."/>
		<aya index="220" text="Hakika Yeye ndiye Mwenye kusikia Mwenye kujua."/>
		<aya index="221" text="Je! Nikwambieni nani wanawashukia Mashet'ani?"/>
		<aya index="222" text="Wanamshukia kila mzushi mkubwa mwingi wa dhambi."/>
		<aya index="223" text="Wanawapelekea yale wanayo yasikia; na wengi wao ni waongo."/>
		<aya index="224" text="Na watungaji mashairi ni wapotofu ndio wanawafuata."/>
		<aya index="225" text="Je! Huwaoni kwamba wao wanatangatanga katika kila bonde?"/>
		<aya index="226" text="Na kwamba wao husema wasiyo yatenda?"/>
		<aya index="227" text="Isipo kuwa wale walio amini, na wakatenda mema, na wakamkumbuka Mwenyezi Mungu kwa wingi, na wakajitetea wanapo dhulumiwa. Na wanao dhulumu watakuja jua mgeuko gani watakao geuka."/>
	</sura>
	<sura index="27" name="">
		<aya index="1" text="T'aa Siin. (T'. S.), Hizi ni Aya za Qur'ani na Kitabu kinacho bainisha;"/>
		<aya index="2" text="Uwongofu na bishara kwa Waumini,"/>
		<aya index="3" text="Ambao wanashika Sala, na wanatoa Zaka, na Akhera wana yakini nayo."/>
		<aya index="4" text="Kwa hakika wale wasio iamini Akhera tumewapambia vitendo vyao, kwa hivyo wanatangatanga ovyo."/>
		<aya index="5" text="Hao ndio watapata adhabu mbaya kabisa, na hao katika Akhera ndio watapata khasara zaidi."/>
		<aya index="6" text="Na hakika wewe unafundishwa Qur'ani inayo tokana kwake Mwenye hikima Mwenye kujua."/>
		<aya index="7" text="(Kumbuka) Musa alipo waambia ahali zake: Hakika nimeona moto, nitakwenda nikuleteeni khabari, au nitakuleteeni kijinga kinacho waka ili mpate kuota moto."/>
		<aya index="8" text="Basi alipo fika ilinadiwa: Amebarikiwa aliomo katika moto huu na walioko pembezoni mwake. Na ametakasika Mwenyezi Mungu, Mola Mlezi wa walimwengu wote."/>
		<aya index="9" text="Ewe Musa! Hakika Mimi ndiye Mwenyezi Mungu, Mwenye nguvu, Mwenye hikima."/>
		<aya index="10" text="Na itupe fimbo yako! Alipo iona ikitikisika kama nyoka, aligeuka nyuma wala hakungoja. Ewe Musa! Usikhofu! Hakika hawakhofu mbele yangu Mitume."/>
		<aya index="11" text="Lakini aliye dhulumu, kisha akabadilisha wema baada ya ubaya, basi Mimi ni Mwenye kusamehe Mwenye kurehemu."/>
		<aya index="12" text="Na ingiza mkono wako katika mfuko wako, utatoka mweupe bila ya maradhi. Ni katika Ishara tisa za kumpelekea Firauni na kaumu yake. Hakika hao walikuwa watu waovu."/>
		<aya index="13" text="Basi zilipo wafikia Ishara zetu hizo zenye kuonyesha, wakasema: Huu ni uchawi dhaahiri."/>
		<aya index="14" text="Na wakazikataa kwa dhulma na kujivuna, na hali ya kuwa nafsi zao zina yakini nazo. Basi angalia ulikuwaje mwisho wa mafisadi!"/>
		<aya index="15" text="Na hakika tuliwapa Daudi na Sulaiman ilimu, na wakasema: Alhamdu Lillahi, Kuhimidiwa kote ni kwa Mwenyezi Mungu aliye tufadhilisha kuliko wengi katika waja wake Waumini."/>
		<aya index="16" text="Na Sulaiman alimrithi Daudi, na akasema: Enyi watu! Tumefunzwa usemi wa ndege, na tumepewa kila kitu. Hakika hii ni fadhila iliyo dhaahiri."/>
		<aya index="17" text="Na alikusanyiwa Sulaiman majeshi yake ya majini, na watu, na ndege; nayo yakapangwa kwa nidhamu."/>
		<aya index="18" text="Mpaka walipo fika kwenye bonde la wadudu chungu, alisema mdudu chungu mmoja: Enyi wadudu chungu! Ingieni majumbani mwenu, asikupondeni Sulaiman na majeshi yake bila ya wao kutambua."/>
		<aya index="19" text="Basi (Sulaiman) akatabasamu akacheka kwa neno hili, na akasema: Ee Mola wangu Mlezi! Nizindue niishukuru neema yako uliyo nineemesha mimi na wazazi wangu, na nipate kutenda mema uyapendayo, na uniingize kwa rehema yako katika waja wako wema."/>
		<aya index="20" text="Na akawakagua ndege, na akasema: Imekuwaje, mbona simwoni Hud-hud, au amekuwa miongoni mwa walio ghibu?"/>
		<aya index="21" text="Kwa yakini nitamuadhibu kwa adhabu kali, au nitamchinja, au aniletee hoja ya kutosha."/>
		<aya index="22" text="Basi (Hud-hud) akakaa si mbali na akasema: Nimegundua usilo gundua wewe, na ninakujia hivi kutoka nchi ya Sabai, na nakuletea khabari za yakini."/>
		<aya index="23" text="Hakika mimi nimemkuta mwanamke anawatawala, naye amepewa kila kitu, na anacho kiti cha enzi kikubwa."/>
		<aya index="24" text="Nimemkuta yeye na watu wake wanalisujudia jua badala ya Mwenyezi Mungu; na Shet'ani amewapambia vitendo vyao na akawazuilia Njia. Kwa hivyo hawakuongoka,"/>
		<aya index="25" text="Na hawamsujudii Mwenyezi Mungu ambaye huyatoa yaliyo fichikana katika mbingu na ardhi, na anayajua mnayo yaficha na mnayo yatangaza."/>
		<aya index="26" text="Mwenyezi Mungu - hapana mungu ila Yeye, Mola Mlezi wa A'rshi tukufu.."/>
		<aya index="27" text="Akasema (Sulaiman): Tutatazama umesema kweli au wewe ni miongoni mwa waongo."/>
		<aya index="28" text="Nenda na barua yangu hii na uwafikishie, kisha waache na utazame watarejesha nini."/>
		<aya index="29" text="(Malkia) akasema: Enyi wahishimiwa! Hakika nimeletewa barua tukufu."/>
		<aya index="30" text="Imetoka kwa Sulaiman nayo ni: Kwa jina la Mwenyezi Mungu, Mwingi wa rehema, Mwenye kurehemu."/>
		<aya index="31" text="Msinifanyie jeuri, na fikeni kwangu nanyi mmekwisha kuwa wenye kusalimu amri."/>
		<aya index="32" text="Akasema: Enyi wahishimiwa! Nipeni shauri katika jambo langu hili, kwani mimi sikati shauri yoyote mpaka mhudhurie."/>
		<aya index="33" text="Wakasema: Sisi ni wenye nguvu na wakali kwa vita; na amri iko kwako, basi tazama ni nini unaamrisha."/>
		<aya index="34" text="Akasema: Hakika wafalme wanapo uingia mji wanauharibu, na wanawafanya wale watukufu wake kuwa wanyonge. Na hivyo ndivyo watendavyo."/>
		<aya index="35" text="Lakini mimi nitawapelekea zawadi, nami nitangoja watakayo rudi nayo wajumbe."/>
		<aya index="36" text="Basi alipo fika (mjumbe) kwa Sulaiman, alisema (Sulaiman): Hivyo ndio nyinyi mnanisaidia kwa mali? Aliyo nipa Mwenyezi Mungu ni bora zaidi kuliko aliyo kupeni nyinyi. Lakini nyinyi mnafurahia hii zawadi yenu."/>
		<aya index="37" text="Rejea kwao! Kwa yakini sisi tutawajia kwa majeshi wasio yaweza kuyakabili. Na hakika tutawatoa humo na hali wao wamekuwa madhalili na wanyonge."/>
		<aya index="38" text="Akasema: Enyi wahishimiwa! Ni nani kati yenu atakaye niletea kiti chake cha enzi kabla hawajanijia nao wamekwisha salimu amri."/>
		<aya index="39" text="Akasema: Afriti, katika majini: Mimi nitakuletea kabla hujainuka pahala pako hapo. Na mimi kwa hakika nina nguvu na muaminifu."/>
		<aya index="40" text="Akasema mwenye ilimu ya Kitabu: Mimi nitakuletea kabla ya kupepesa jicho lako. Basi alipo kiona kimewekwa mbele yake, akasema: Haya ni katika fadhila zake Mola wangu Mlezi, ili anijaribu nitashukuru au nitakufuru. Na mwenye kushukuru, kwa hakika, anashukuru kwa manufaa ya nafsi yake; na anaye kufuru, kwa hakika Mola wangu Mlezi ni Mkwasi na Karimu."/>
		<aya index="41" text="Akasema: Mgeuzieni kiti chake cha enzi hiki, tuone ataongoka, au atakuwa miongoni mwa wasio ongoka."/>
		<aya index="42" text="Basi (Malkia) alipo fika akaambiwa: Je! Kiti chako cha enzi ni kama hiki? Akasema: Kama kwamba ndicho hichi. (Sulaiman na watu wake wakasema): Na sisi tumepewa ilimu kabla yake (Malkia), na tukawa Waislamu."/>
		<aya index="43" text="Na yale aliyo kuwa akiyaabudu badala ya Mwenyezi Mungu yalimzuilia. Hakika yeye (Malkia) alikuwa katika kaumu ya makafiri."/>
		<aya index="44" text="Akaambiwa: Liingie behewa la hili jumba. Alipo liona alidhani ni maji, na akapandisha nguo mpaka kwenye miundi yake. (Sulaiman) akasema: Hakika hilo ni behewa lilio sakafiwa kwa viyoo! Akasema (Malkia): Mola wangu Mlezi! Mimi nimejidhulumu nafsi yangu, na sasa nanyenyekea pamoja na Sulaiman kwa Mwenyezi Mungu, Mola Mlezi wa walimwengu wote."/>
		<aya index="45" text="Na kwa kina Thamud tulimtuma ndugu yao Saleh kuwaambia: Muabuduni Mwenyezi Mungu. Basi wakawa makundi mawili yanayo gombana."/>
		<aya index="46" text="Akasema: Enyi watu wangu! Kwa nini mnauhimiza uwovu kabla ya wema? Kwa nini hamuombi msamaha kwa Mwenyezi Mungu ili mrehemewe?"/>
		<aya index="47" text="Wakasema: Tuna kisirani nawe na wale walio pamoja nawe. Yeye akasema: Uaguzi wa ukorofi wenu uko kwa Mwenyezi Mungu; lakini nyinyi ni watu mnao jaribiwa."/>
		<aya index="48" text="Na walikuwamo mjini watu tisa wakifanya ufisadi katika nchi wala hawafanyi la maslaha."/>
		<aya index="49" text="Wakasema: Apishaneni kwa Mwenyezi Mungu tutamshambulia usiku yeye na ahali zake; kisha tutamwambia mrithi wake: Sisi hatukuona maangamizo ya watu wake, na sisi bila ya shaka tunasema kweli."/>
		<aya index="50" text="Basi wakapanga mipango yao, na Sisi tukapanga mipango yetu, na wao hawatambui."/>
		<aya index="51" text="Basi angalia ulivyo kuwa mwisho wa mipango yao, ya kwamba tuliwaangamiza wao pamoja na watu wao wote."/>
		<aya index="52" text="Basi hizo nyumba zao ni tupu kwa sababu ya walivyo dhulumu. Hakika bila ya shaka katika hayo ipo Ishara kwa watu wanao jua."/>
		<aya index="53" text="Na tukawaokoa wale walio amini na walio kuwa wanamchamngu."/>
		<aya index="54" text="Na Lut'i alipo waambia watu wake: Je! Mnafanya uchafu nanyi mnaona?"/>
		<aya index="55" text="Hivyo nyinyi mnawaingilia wanaume kwa matamanio badala ya wanawake? Hakika nyinyi ni watu mnao fanya ujinga kabisa!"/>
		<aya index="56" text="Basi haikuwa jawabu ya watu wake ila ni kusema: Wafukuzeni wafwasi wa Lut'i katika mji wenu. Hao ni watu wanao jitia usafi."/>
		<aya index="57" text="Basi tukamwokoa yeye na ahali zake, isipo kuwa mkewe; tukamkadiria katika walio baki nyuma."/>
		<aya index="58" text="Na tukawanyeshea mvua. Ni ovu kweli kweli hiyo mvua ya walio kwisha onywa."/>
		<aya index="59" text="Sema: Alhamdu Lillahi! Kuhimidiwa ni kwa Mwenyezi Mungu! Na amani ishuke juu ya waja wake alio wateuwa. Je! Mwenyezi Mungu ni bora, au wale wanao washirikisha naye?"/>
		<aya index="60" text="AU NANI yule aliye ziumba mbingu na ardhi, na akakuteremshieni maji kutoka mbinguni, na kwa hayo tukaziotesha bustani zenye kupendeza? Nyinyi hamna uwezo wa kuiotesha miti yake. Je! Yupo mungu pamoja na Mwenyezi Mungu? Bali hao ni watu walio potoka."/>
		<aya index="61" text="Au nani yule aliye ifanya ardhi mahali pa kutua, na akajaalia ndani yake mito, na akaweka milima? Na akaweka baina ya bahari mbili kiziwizi? Je! Yupo mungu pamoja na Mwenyezi Mungu? Bali wengi wao hawajui."/>
		<aya index="62" text="Au nani yule anaye mjibu mwenye shida pale anapo mwomba, na akaiondoa dhiki, na akakufanyeni warithi wa ardhi? Je! Yupo mungu pamoja na Mwenyezi Mungu? Ni machache mnayo yazingatia."/>
		<aya index="63" text="Au nani yule anaye kuongoeni katika giza la bara na bahari, na akazipeleka pepo kuleta bishara kabla ya rehema zake? Je! Yupo mungu pamoja na Mwenyezi Mungu? Ametukuka Mwenyezi Mungu juu ya wanao washirikisha naye."/>
		<aya index="64" text="Au nani anaye uanzisha uumbaji, kisha akaurejesha? Na nani anaye kuruzukuni kutoka mbinguni na kwenye ardhi? Je! Yupo mungu pamoja na Mwenyezi Mungu? Sema: Leteni hoja zenu kama nyinyi ni wasema kweli."/>
		<aya index="65" text="Sema: Hapana katika mbingu na ardhi ajuaye ya ghaibu isipo kuwa Mwenyezi Mungu. Wala wao hawajui lini watafufuliwa."/>
		<aya index="66" text="Kwani huo ujuzi wao umefikilia kuijua Akhera? Bali wao wamo katika shaka nayo tu, bali wao ni vipofu nayo."/>
		<aya index="67" text="Na wakasema walio kufuru: Tutapo kuwa mchanga, sisi na baba zetu, hivyo kweli tutakuja tolewa?"/>
		<aya index="68" text="Haya haya tuliahidiwa sisi na baba zetu zamani. Hayakuwa haya ila ni hadithi za uwongo za watu wa kale."/>
		<aya index="69" text="Sema: Nendeni katika ardhi, na tazameni ulikuwaje mwisho wa wakosefu."/>
		<aya index="70" text="Wala usiwahuzunukie wala usiwe katika dhiki kwa sababu ya hila zao wanazo zifanya."/>
		<aya index="71" text="Na wanasema: Ahadi hii itatokea lini, ikiwa mnasema kweli?"/>
		<aya index="72" text="Sema: Asaa ni karibu kukufikieni sehemu ya yale mnayo yahimiza."/>
		<aya index="73" text="Na hakika Mola wako Mlezi ni Mwenye fadhila kwa watu, lakini wengi wao hawashukuru."/>
		<aya index="74" text="Na hakika Mola wako Mlezi anayajua yanayo ficha vifua vyao na wanayo yatangaza."/>
		<aya index="75" text="Na hakuna siri katika mbingu na ardhi ila imo katika Kitabu kinacho bainisha."/>
		<aya index="76" text="Hakika Qur'ani hii inawasimulia Wana wa Israili mengi wanayo khitalifiana nayo."/>
		<aya index="77" text="Nayo hakika ni Uwongofu na Rehema kwa Waumini."/>
		<aya index="78" text="Hakika Mola wako Mlezi atawahukumu kwa hukumu yake, naye ni Mwenye nguvu Mjuzi."/>
		<aya index="79" text="Basi mtegemee Mweneyezi Mungu; hakika wewe uko juu ya Haki iliyo wazi."/>
		<aya index="80" text="Kwa hakika wewe huwezi kuwafanya maiti wasikie, wala kuwafanya viziwi wasikie wito, wanapo kwisha geuka kwenda zao."/>
		<aya index="81" text="Wala huwezi kuwaongoa vipofu waache upotovu wao. Huwezi kuwafanya wasikie isipo kuwa wenye kuziamini Ishara zetu; na hao ndio wat'iifu."/>
		<aya index="82" text="Na itapo waangukia kauli juu yao, tutawatolea mnyama katika ardhi atakaye wasemeza, ya kuwa watu walikuwa hawana na yakini na Ishara zetu."/>
		<aya index="83" text="Na Siku tutapo kusanya kutoka kila umma kundi katika wanao kadhibisha Ishara zetu, nao watagawanywa mafungu mafungu."/>
		<aya index="84" text="Hata watakapo fika, atasema (Mwenyezi Mungu): Je! Nyinyi si mlizikanusha Ishara zangu pasipo kuzijua vyema? Au mlikuwa mkifanya nini?"/>
		<aya index="85" text="Na kauli itawaangukia juu yao kwa vile walivyo dhulumu. Basi hao hawatasema lolote."/>
		<aya index="86" text="Je! Hawaoni kwamba sisi tumeufanya usiku ili watulie, na mchana wa kuangaza. Hakika katika hayo zipo Ishara kwa watu wanao amini."/>
		<aya index="87" text="Na Siku litapo pulizwa baragumu, watahangaika waliomo mbinguni na katika ardhi, ila amtakaye Mwenyezi Mungu. Na wote watamfikia nao ni wanyonge."/>
		<aya index="88" text="Na unaiona milima unaidhunia imetulia; nayo inakwenda kama mwendo wa mawingu. Huo ndio ufundi wa Mwenyezi Mungu aliye tengeneza vilivyo kila kitu. Hakika Yeye anazo khabari za yote myatendayo."/>
		<aya index="89" text="Watakao kuja na mema, watapata bora kuliko hayo. Nao watasalimika na mahangaiko ya Siku hiyo."/>
		<aya index="90" text="Na watakao kuja na uovu, basi zitasunukishwa nyuso zao Motoni. Je! Kwani mnalipwa isipo kuwa mliyo kuwa mkiyatenda?"/>
		<aya index="91" text="Ama mimi nimeamrishwa nimuabudu Mola Mlezi wa mji huu aliye ufanya ni mtakatifu; na ni vyake Yeye tu vitu vyote. Na nimeamrishwa niwe miongoni mwa Waislamu, wenye kunyenyekea."/>
		<aya index="92" text="Na niisome Qur'ani. Na mwenye kuongoka, basi ameongoka kwa faida ya nafsi yake; na aliye potea - basi sema: Hakika mimi ni miongoni mwa waonyaji."/>
		<aya index="93" text="Na sema: Alhamdu Lillahi, Sifa njema zote ni za Mwenyezi Mungu. Yeye atakuonyesheni Ishara zake, na mtazijua. Na Mola wako Mlezi si mwenye kughafilika na myatendayo."/>
	</sura>
	<sura index="28" name="">
		<aya index="1" text="T'A SIN MIM, (T'. S. M.)"/>
		<aya index="2" text="Hizi ni Aya za Kitabu kinacho bainisha."/>
		<aya index="3" text="Tunakusomea khabari za Musa na Firauni kwa Haki kwa ajili ya watu wanao amini."/>
		<aya index="4" text="Hakika Firauni alitakabari katika nchi, na akawagawa wananchi makundi mbali mbali. Akalidhoofisha taifa moja miongoni mwao, akiwachinja watoto wao wanaume na akiwaacha watoto wao wanawake. Hakika yeye alikuwa katika mafisadi."/>
		<aya index="5" text="Na tukataka kuwafadhili walio dhoofishwa katika nchi hiyo na kuwafanya wawe waongozi na kuwafanya ni warithi."/>
		<aya index="6" text="Na kuwapa nguvu katika nchi, na kutokana na wao kuwaonyesha kina Firauni na Hamana na majeshi yao mambo yale waliyo kuwa wakiyaogopa."/>
		<aya index="7" text="Tulimfunulia mama yake Musa kwa kumwambia: Mnyonyeshe. Na utakapo mkhofia basi mtie mtoni, na usikhofu wala usihuzunike. Hakika Sisi tutamrudisha kwako na tutamfanya miongoni mwa Mitume."/>
		<aya index="8" text="Basi wakamwokota watu wa Firauni, aje kuwa adui kwao na huzuni. Hakika Firauni na Hamana na majeshi yao walikuwa wenye makosa."/>
		<aya index="9" text="Na mkewe Firauni alisema: Atakuwa kiburudisho cha macho kwangu na kwako. Msimuuwe! Huenda akatufaa, au tumpange kuwa mwenetu. Wala wao hawakutambua."/>
		<aya index="10" text="Na moyo wa mama yake Musa ukawa mtupu. Alikuwa karibu kumdhihirisha, ingeli kuwa hatukumtia nguvu moyo wake ili awe miongoni mwa Waumini."/>
		<aya index="11" text="Naye akamwambia dada yake Musa: Mfuatie. Basi naye akawa anamuangalia kwa mbali bila ya wao kujua."/>
		<aya index="12" text="Na tukamjaalia awakatae wanyonyeshaji wote tangu mwanzo, mpaka dada yake akasema: Je! Nikuonyesheni watu wa nyumba watakao mlea kwa ajili yenu, nao pia watakuwa wema kwake?"/>
		<aya index="13" text="Basi tukamrudisha kwa mama yake ili macho yake yaburudike, wala asihuzunike. Na ajue ya kwamba ahadi ya Mwenyezi Mungu ni ya kweli, lakini wengi wao hawajui."/>
		<aya index="14" text="Na Musa alipo fika utu-uzima baraabara, tulimpa akili na ilimu. Na hivi ndivyo tunavyo walipa walio wema."/>
		<aya index="15" text="Na akaingia mjini wakati wa kughafilika wenyeji wake, na akakuta humo watu wawili wanapigana - mmoja ni katika wenzake, na mwengine katika maadui zake. Yule mwenzake alimtaka msaada kumpiga adui yake. Musa akampiga ngumi, akamuuwa. Akasema: Hiki ni kitendo cha Shet'ani; hakika yeye ni adui, mpotezaji dhaahiri."/>
		<aya index="16" text="Akasema: Mola wangu Mlezi! Hakika mimi nimejidhulumu nafsi yangu; basi nisamehe. Akamsamehe; hakika Yeye ni Mwenye kusamehe Mwenye kurehemu."/>
		<aya index="17" text="Akasema: Mola wangu Mlezi! Kwa ulivyo nineemesha, basi mimi sitakuwa kabisa msaidizi wa wakosefu."/>
		<aya index="18" text="Akapambazukiwa mjini asubuhi naye ana khofu, akiangalia huku na huku. Mara yule yule aliye mtaka msaada jana akawa anampigia kelele amsaidie. Musa akamwambia: Hakika wewe ni mgomvi kweli kweli."/>
		<aya index="19" text="Basi alipo taka kumshika kwa nguvu yule aliye adui wao wote wawili, akasema: Ewe Musa! Unataka kuniuwa kama ulivyo muuwa mtu jana? Wewe hutaki ila kuwa jabari katika nchi, wala hutaki kuwa miongoni mwa wenye maslaha.."/>
		<aya index="20" text="Na akaja mtu kutoka mwisho wa mji akipiga mbio, akasema: Ewe Musa! Wakubwa wanashauriana kukuuwa. Basi toka! Hakika mimi ni katika wanao kupa nasaha."/>
		<aya index="21" text="Basi akatoka, naye ana khofu, akiangalia huku na huku. Akasema: Mola wangu Mlezi! Niokoe na watu madhaalimu."/>
		<aya index="22" text="Na alipo elekea upande wa Madyana alisema: Asaa Mola wangu Mlezi akaniongoa njia iliyo sawa."/>
		<aya index="23" text="Na alipo yafikia maji ya Madyana alikuta umati wa watu wananywesha (wanyama wao), na akakuta karibu yao wanawake wawili wanawazuia wanyama wao. Akasema: Mna nini? Wakasema: Hatunyweshi sisi mpaka wamalize hao wachunga. Na baba yetu ni mzee sana."/>
		<aya index="24" text="Basi Musa akawanyweshea; kisha akarudi kivulini, na akasema: Mola wangu Mlezi! Hakika mimi ni mhitaji wa kheri utakayo niteremshia."/>
		<aya index="25" text="Basi mmoja katika wale wanawake wawili akamjia, naye anaona haya. Akasema: Baba yangu anakwita akulipe ujira wa kutunyweshea. Basi alipo mjia na akamsimulia visa vyake, alisema: Usiogope; umekwisha okoka kwenye watu madhaalimu."/>
		<aya index="26" text="Akasema mmoja katika wale wanawake: Ewe baba yetu! Muajiri huyu. Hakika mbora wa kumuajiri ni mwenye nguvu na muaminifu."/>
		<aya index="27" text="Akasema: Mimi nataka kukuoza mmojawapo katika binti zangu hawa wawili kwa kunitumikia miaka minane. Ukitimiza kumi, khiari yako; lakini mimi sitaki kukutaabisha. Inshallah utanikuta miongoni mwa watu wema."/>
		<aya index="28" text="Musa akasema: Hayo yamekwisha kuwa baina yangu na wewe. Muda mmojapo nikiumaliza sitiwi ubayani. Na Mwenyezi Mungu ni Mlinzi juu ya haya tunayo yasema."/>
		<aya index="29" text="Basi alipo timiza muda wake na akasafiri na ahali zake, aliona moto upande wa Mlima T'uri. Akawaambia ahali zake: Ngojeni! Mimi nimeona moto, labda nitakuleteeni kutoka huko khabari au kijinga cha moto ili mpate kuota moto."/>
		<aya index="30" text="Basi alipo ufikia aliitwa kutoka ng'ambo ya bonde la kuliani katika eneo lilio barikiwa kutoka kwenye mti: Ewe Musa! Hakika Mimi ni Mwenyezi Mungu, Mola Mlezi wa walimwengu wote."/>
		<aya index="31" text="Na tupa chini fimbo yako. Basi alipo iona ikitikisika kama nyoka, akarudi nyuma wala hakutazama. (Akaambiwa): Ewe Musa! Njoo mbele wala usiogope. Hakika wewe ni miongoni mwa walio salimika."/>
		<aya index="32" text="Ingiza mkono wako kwenye mfuko wako, utatoka mweupe pasipo na ubaya. Na jiambatishe mkono wako ukihisi khofu. Basi hizi ni dalili mbili zitokazo kwa Mola wako Mlezi kumpelekea Firauni na wakuu wa umma wake. Hakika hao walikuwa watu mafaasiki."/>
		<aya index="33" text="Akasema: Mola wangu Mlezi! Hakika mimi nilimuuwa mtu katika wao, kwa hivyo naogopa wataniuwa."/>
		<aya index="34" text="Na ndugu yangu Harun ni fasihi zaidi ulimi wake kuliko mimi. Basi mtume ende nami kunisaidia, ili anisadikishe. Hakika mimi nina khofu watanikadhibisha."/>
		<aya index="35" text="(Mwenyezi Mungu) akasema: Tutautia nguvu mkono wako kwa nduguyo, na tutakupeni madaraka, hata wasikufikilieni. Kwa sababu ya Ishara zetu nyinyi na watakao kufuateni mtashinda."/>
		<aya index="36" text="Basi alipo wafikia Musa na Ishara zetu, walisema: Haya si chochote ila ni uchawi ulio zuliwa. Na hatukuyasikia haya kwa baba zetu wa zamani."/>
		<aya index="37" text="Na Musa akasema: Mola wangu Mlezi ni Mwenye kujua kabisa nani anaye kuja na uwongofu unao toka kwake, na nani atakaye kuwa na mwisho mwema wa makaazi. Hakika wenye kudhulumu hawatafanikiwa."/>
		<aya index="38" text="Na Firauni akasema: Enyi waheshimiwa! Sijui kama mnaye mungu asiye kuwa mimi. Ewe Haman! Niwashie moto unichomee udongo, unijengee mnara nipate kumchungulia mungu wa Musa. Na hakika mimi namwona yeye ni katika waongo."/>
		<aya index="39" text="Na alipanda kiburi yeye na majeshi yake katika nchi bila ya haki, na wakadhania kuwa hawatarudishwa kwetu."/>
		<aya index="40" text="Basi tukamshika yeye na majeshi yake, na tukawatupa baharini. Basi hebu angalia ulikuwaje mwisho wa wenye kudhulumu?"/>
		<aya index="41" text="Na tuliwafanya ni waongozi waitao kwenye Moto. Na Siku ya Kiyama hawatanusuriwa."/>
		<aya index="42" text="Na tukawafuatishia laana katika dunia hii, na Siku ya Kiyama watakuwa miongoni mwa wanao chusha."/>
		<aya index="43" text="Na hakika bila ya shaka tulimpa Musa Kitabu baada ya kwisha ziangamiza kaumu za mwanzo, ili kiwafumbue macho watu, na kiwe uwongofu, na rehema, ili wapate kukumbuka."/>
		<aya index="44" text="Wala wewe hukuwa upande wa magharibi tulipo mpa Musa amri, wala hukuwa katika walio hudhuria."/>
		<aya index="45" text="Lakini Sisi tuliziumba kaumu, na ukawa mrefu umri juu yao. Wala hukuwa mkaazi na watu wa Madyana ukiwasomea Aya zetu. Lakini ni Sisi tulio kuwa tukiwatuma Mitume."/>
		<aya index="46" text="Wala hukuwa kando ya mlima tulipo nadi. Lakini ni rehema itokayo kwa Mola wako Mlezi ili uwaonye watu wasio pata kufikiwa na mwonyaji kabla yako, huenda wakakumbuka."/>
		<aya index="47" text="Na usije kuwasibu msiba kwa iliyo yatanguliza mikono yao, wakasema: Ewe Mola wetu Mlezi! Mbona hukututumia Mtume nasi, tukafuata Ishara zako, na tukawa miongoni mwa Waumini?"/>
		<aya index="48" text="Ilipo wajia Haki kutoka kwetu walisema: Mbona hakupewa kama aliyo pewa Musa? Je! Kwani wao hawakuyakataa aliyo pewa Musa zamani? Walisema: Ni wachawi wawili wanasaidiana. Na wakasema: Hakika sisi tunawakataa wote."/>
		<aya index="49" text="Sema: Basi leteni Kitabu kinacho toka kwa Mwenyezi Mungu chenye kuongoka zaidi kuliko hivi viwili tukifuate, kama nyinyi mnasema kweli."/>
		<aya index="50" text="Na ikiwa hawakuitikii, basi jua kuwa wanafuata pumbao lao tu. Na nani aliye potea zaidi kumshinda anaye fuata pumbao lake bila ya uwongofu utokao kwa Mwenyezi Mungu. Hakika Mwenyezi Mungu hawaongoi watu wenye kudhulumu."/>
		<aya index="51" text="Na sasa kwa yakini tumewafikishia Neno ili wapate kukumbuka."/>
		<aya index="52" text="Wale tulio wapa Kitabu kabla yake wanakiamini hiki."/>
		<aya index="53" text="Na wanapo somewa wanasema: Tunaiamini. Hakika hii ni Haki inayo toka kwa Mola wetu Mlezi. Hakika sisi kabla yake tulikuwa ni Waislamu, tulio nyenyekea."/>
		<aya index="54" text="Basi hao watapewa ujira wao mara mbili kwa walivyo vumilia, na wakaondoa ubaya kwa wema, na wakatoa katika tuliyo waruzuku."/>
		<aya index="55" text="Na wanapo sikia upuuzi hujitenga nao na husema: Sisi tuna vitendo vyetu, na nyinyi mna vitendo vyenu. Salamun Alaikum, Amani juu yenu! Sisi hatutaki kujibizana na wajinga."/>
		<aya index="56" text="Kwa hakika wewe humwongoi umpendaye, lakini Mwenyezi Mungu humwongoa amtakaye. Na Yeye ndiye anawajua zaidi waongokao."/>
		<aya index="57" text="Na wakasema: Tukiufuata uwongofu huu pamoja nawe tutanyakuliwa kutoka nchi yetu. Je! Kwani Sisi hatukuwaweka imara katika pahala patakatifu, penye amani, ambapo huletewa matunda ya kila aina kuwa ni riziki itokayo kwetu? Lakini wengi wao hawajui."/>
		<aya index="58" text="Na miji mingapi iliyo jifakharisha tumeiangamiza! Na hayo maskani yao hayakukaliwa tena baada yao, ila kwa uchache tu. Na Sisi ndio tumekuwa warithi wao."/>
		<aya index="59" text="Na Mola wako Mlezi haangamizi miji mpaka ampeleke Mtume katika miji yake mikuu awasomee Ishara zetu. Wala hatuiangamizi miji mpaka watu wake wawe madhaalimu."/>
		<aya index="60" text="Na chochote mlicho pewa ni matumizi ya maisha ya dunia na pambo lake. Na yaliyoko kwa Mwenyezi Mungu ndio bora na yatakayo baki zaidi. Basi je, hamfahamu?"/>
		<aya index="61" text="Je! Yule tuliye muahidi ahadi nzuri, tena naye akayapata, ni kama tuliye mstarehesha kwa starehe za maisha ya duniani, na kisha Siku ya Kiyama akawa miongoni mwa wanao hudhurishwa?"/>
		<aya index="62" text="Na siku atakapo waita na akasema: Wako wapi mlio kuwa mkidai kuwa ni washirika wangu?"/>
		<aya index="63" text="Watasema wale iliyo thibiti juu yao kauli: Mola wetu Mlezi! Hawa ndio tulio wapoteza. Tuliwapoteza kama tulivyo potea sisi. Tunajitenga nao mbele yako. Hawakuwa wakituabudu sisi."/>
		<aya index="64" text="Na itasemwa: Waiteni hao miungu wa kishirikina wenu! Basi watawaita, lakini hawatawaitikia, na wataiona adhabu; laiti wangeli kuwa wameongoka!"/>
		<aya index="65" text="Na siku atapo waita na akasema: Mliwajibu nini Mitume?"/>
		<aya index="66" text="Basi zitawapotea khabari siku hiyo, nao hawataulizana."/>
		<aya index="67" text="Ama mwenye kutubu na akaamini na akatenda mema, huyo atakuwa miongoni mwa wenye kufanikiwa."/>
		<aya index="68" text="Na Mola wako Mlezi huumba na huteuwa atakavyo. Viumbe hawana khiari. Mwenyezi Mungu ametukuka na ametakasika na hao wanao washirikisha naye."/>
		<aya index="69" text="Na Mola wako Mlezi anayajua yaliyo ficha vifua vyao, na wanayo yatangaza."/>
		<aya index="70" text="Naye ni Mwenyezi Mungu ambaye hapana mungu isipo kuwa Yeye. Sifa zote njema ni zake Yeye, mwanzo na mwisho. Na hukumu ni yake Yeye. Na kwake Yeye mtarejeshwa."/>
		<aya index="71" text="Sema: Mwaonaje, Mwenyezi Mungu angeli ufanya usiku umekukalieni moja kwa moja mpaka Siku ya Kiyama, mungu gani asiye kuwa Mwenyezi Mungu atakaye kuleteeni mwangaza? Basi je, hamsikii?"/>
		<aya index="72" text="Sema: Mwaonaje, Mwenyezi Mungu angeli ufanya mchana umekukalieni moja kwa moja mpaka Siku ya Kiyama, mungu gani asiye kuwa Mwenyezi Mungu ataye kuleteeni usiku mkapumzika humo? Basi je, hamwoni?"/>
		<aya index="73" text="Na ni katika rehema zake amekufanyieni usiku na mchana mpate kupumzika humo na mtafute fadhila zake, na ili mpate kushukuru."/>
		<aya index="74" text="Na siku atakapo waita na akasema: Wako wapi hao mlio kuwa mkidai kuwa ni washirika wangu?"/>
		<aya index="75" text="Na tutatoa shahidi katika kila umma, na tutasema: Leteni hoja zenu! Hapo watajua kwamba hakika kweli ni ya Mwenyezi Mungu, na yatawapotea yale waliyo kuwa wakiyazua."/>
		<aya index="76" text="Hakika Qaruni alikuwa katika watu wa Musa, lakini aliwafanyia dhulma. Na tulimpa khazina ambazo funguo zake zinawatopeza watu wenye nguvu kuzichukua. Walipo mwambia watu wake: Usijigambe! Hakika Mwenyezi Mungu hawapendi wanao jigamba."/>
		<aya index="77" text="Na utafute, kwa aliyo kupa Mwenyezi Mungu, makaazi ya Akhera. Wala usisahau fungu lako la dunia. Nawe fanya wema kama Mwenyezi Mungu alivyo kufanyia wema wewe. Wala usitafute kufanya ufisadi katika ardhi. Hakika Mwenyezi Mungu hawapendi mafisadi."/>
		<aya index="78" text="Akasema: Kwa hakika nimepewa haya kwa sababu ya ilimu niliyo nayo. Je! Hakujua kwamba Mwenyezi Mungu kesha waangamiza, katika vizazi vya walio kabla yake, watu walio kuwa wenye ngubvu zaidi kuliko yeye, na wenye makundi makubwa zaidi kuliko yake. Na wakosefu hawataulizwa khabari ya dhambi zao."/>
		<aya index="79" text="Basi akawatokea watu wake katika pambo lake. Wakasema wale walio kuwa wanataka maisha ya duniani: Laiti tungeli kuwa tunayo kama aliyo pewa Qaruni! Hakika yeye ni mwenye bahati kubwa."/>
		<aya index="80" text="Na wakasema wale walio pewa ilimu: Ole wenu! Malipo ya Mwenyezi Mungu ni bora kwa mwenye kuamini na akatenda mema. Wala hawatapewa hayo isipo kuwa wenye subira."/>
		<aya index="81" text="Basi tukamdidimiza yeye na nyumba yake katika ardhi; wala halikuwepo kundi lolote la kumnusuru kwa Mwenyezi Mungu, wala hakuwa miongoni mwa wanao jitetea."/>
		<aya index="82" text="Na wale walio tamani kuwa pahala pake jana, wakawa wanasema: Kumbe Mwenyezi Mungu humkunjulia riziki amtakaye katika waja wake, na humdhikisha amtakaye. Ingeli kuwa Mwenyezi Mungu hakutufanyia hisani angeli tudidimiza. Kumbe makafiri hawafanikiwi!"/>
		<aya index="83" text="Hayo ndiyo makaazi ya Akhera, tumewafanyia wale wasio taka kujitukuza duniani wala ufisadi. Na mwisho mwema ni wa wachamngu."/>
		<aya index="84" text="Atakaye tenda wema atapata malipo bora kuliko huo wema alio utenda. Na atakaye tenda uovu, hawalipwi watendao uovu ila waliyo kuwa wakiyatenda."/>
		<aya index="85" text="Hakika aliye kulazimisha kuifuata Qur'ani hapana shaka atakurudisha pahala pa marejeo. Sema: Mola wangu Mlezi ndiye anaye mjua zaidi mwenye kuja na uwongofu, na nani aliyomo katika upotofu ulio dhaahiri."/>
		<aya index="86" text="Nawe hukuwa unataraji kuletewa Kitabu; lakini ni rehema tu ya Mola wako Mlezi. Basi usiwe msaidizi wa makafiri."/>
		<aya index="87" text="Wala wasikuzuie kuzifuata Aya za Mwenyezi Mungu baada ya kuteremshiwa wewe. Na lingania kwa Mola wako Mlezi, wala usiwe miongoni mwa washirikina."/>
		<aya index="88" text="Wala usimwombe pamoja na Mwenyezi Mungu mungu mwenginewe. Hapana mungu ila Yeye. Kila kitu kitaangamia isipo kuwa Yeye. Hukumu iko kwake, na kwake mtarejezwa."/>
	</sura>
	<sura index="29" name="">
		<aya index="1" text="Alif Lam Mim (A. L. M.)"/>
		<aya index="2" text="Je! Wanadhani watu wataachwa kwa kuwa wanasema: Tumeamini. Nao wasijaribiwe?"/>
		<aya index="3" text="Hakika tuliwajaribu walio kuwa kabla yao, na kwa yakini Mwenyezi Mungu atawatambulisha walio wa kweli na atawatambulisha walio waongo."/>
		<aya index="4" text="Au wanadhani wanao tenda maovu kwamba watatushinda? Hukumu mbaya hiyo wanayo hukumu."/>
		<aya index="5" text="Mwenye kutaraji kukutana na Mwenyezi Mungu, basi hakika miadi ya Mwenyezi Mungu itafika bila ya shaka. Naye ni Mwenye kusikia, Mwenye kujua."/>
		<aya index="6" text="Na anaye fanya juhudi basi bila ya shaka anafanya juhudi kwa ajili ya nafsi yake. Hakika Mwenyezi Mungu si mhitaji wa walimwengu."/>
		<aya index="7" text="Na walio amini na wakatenda mema, kwa yakini tutawafutia makosa yao, na tutawalipa bora ya waliyo kuwa wakiyatenda."/>
		<aya index="8" text="Na tumemuusia mwanaadamu kuwafanyia wema wazazi wake. Na ikiwa watakushikilia unishirikishe Mimi na usiyo kuwa na ujuzi nayo, basi usiwat'ii. Kwangu Mimi ndio marejeo yenu, na nitakwambieni mliyo kuwa mkiyatenda."/>
		<aya index="9" text="Na walio amini na wakatenda mema, bila ya shaka tutawatia miongoni mwa watu wema."/>
		<aya index="10" text="Na katika watu wapo wanao sema: Tumemuamini Mwenyezi Mungu. Lakini wanapo pewa maudhi kwa ajili ya Mwenyezi Mungu, wanayafanya mateso ya watu kama ni adhabu ya Mwenyezi Mungu. Na inapo kuja nusura kutoka kwa Mola wako Mlezi husema: Hakika sisi tulikuwa pamoja nanyi. Kwani Mwenyezi Mungu hayajui yaliomo vifuani mwa walimwengu?"/>
		<aya index="11" text="Na hapana shaka Mwenyezi Mungu atawatambulisha walio amini, na atawatambulisha wanaafiki."/>
		<aya index="12" text="Na walio kufuru waliwaambia walio amini: Fuateni njia yetu, nasi tutayabeba makosa yenu. Wala wao hawatabeba katika makosa yao chochote kile. Hakika hao ni waongo."/>
		<aya index="13" text="Na hapana shaka wataibeba mizigo yao na mizigo mingine pamoja na mizigo yao. Na kwa yakini wataulizwa Siku ya Kiyama juu ya waliyo kuwa wakiyazua."/>
		<aya index="14" text="Na hakika tulimtuma Nuhu kwa watu wake, na akakaa nao miaka elfu kasoro miaka khamsini. Basi tufani liliwachukua, nao ni madhaalimu."/>
		<aya index="15" text="Nasi tukamwokoa yeye na wenziwe wa katika safina, na tukaifanya kuwa ni Ishara kwa walimwengu wote."/>
		<aya index="16" text="Na Ibrahim pale alipo waambia watu wake: Muabuduni Mwenyezi Mungu, na mcheni Yeye. Hiyo ndiyo kheri yenu, ikiwa nyinyi mnajua."/>
		<aya index="17" text="Hakika nyinyi mnaabudu masanamu badala ya Mwenyezi Mungu, na mnazua uzushi. Hakika hao mnao waabudu badala ya Mwenyezi Mungu hawakumilikiini riziki yoyote. Takeni riziki kwa Mwenyezi Mungu, na mumuabudu Yeye, na mumshukuru Yeye. Kwake Yeye ndio mtarudishwa."/>
		<aya index="18" text="Na mkikadhibisha, basi kaumu kadhaa wa kadhaa za kabla yenu zilikwisha kadhibisha. Na si juu ya Mtume ila kufikisha Ujumbe waziwazi."/>
		<aya index="19" text="Je! Wao hawaoni jinsi Mwenyezi Mungu anavyo anzisha uumbaji, na kisha akarudisha tena. Hakika hayo kwa Mwenyezi Mungu ni mepesi."/>
		<aya index="20" text="Sema: Tembeeni katika ardhi na tazameni jinsi alivyo anzisha uumbaji; kisha Mwenyezi Mungu ndiye anaye umba umbo la baadaye. Hakika Mwenyezi Mungu ni Muweza juu ya kila kitu."/>
		<aya index="21" text="Humuadhibu amtakaye, na humrehemu amtakaye. Na kwake Yeye mtapelekwa."/>
		<aya index="22" text="Na nyinyi si wenye kushinda katika ardhi wala katika mbingu. Wala nyinyi hamna mlinzi wala msaidizi isipo kuwa Mwenyezi Mungu."/>
		<aya index="23" text="Na walio zikanusha Ishara za Mwenyezi Mungu na kukutana naye, hao ndio wenye kukata tamaa na rehema yangu, na hao ndio wenye kupata adhabu chungu."/>
		<aya index="24" text="Basi haikuwa jawabu ya watu wake ila ni kusema: Muuweni au mchomeni moto! Mwenyezi Mungu akamwokoa na moto. Hakika katika hayo zipo Ishara kwa watu wanao amini."/>
		<aya index="25" text="Na alisema: Hakika nyinyi mmeyashika masanamu badala ya Mwenyezi Mungu kwa mapenzi yaliyo baina yenu katika uhai wa duniani. Kisha Siku ya Kiyama mtakataana nyinyi kwa nyinyi, na mtalaaniana nyinyi kwa nyinyi. Na makaazi yenu ni Motoni. Wala hamtapata wa kukunusuruni."/>
		<aya index="26" text="Lut'i akamuamini, na akasema: Mimi nahamia kwa Mola wangu Mlezi. Hakika Yeye ndiye Mwenye nguvu, Mwenye hikima."/>
		<aya index="27" text="Na tulimtunukia (Ibrahim) Is-haq na Yaa'qub. Na tukajaalia katika dhuriya zake Unabii na Kitabu, na tukampa ujira wake katika dunia; naye hakika katika Akhera bila ya shaka ni katika watu wema."/>
		<aya index="28" text="Na pale Lut'i alipo waambia watu wake: Hakika nyinyi mnafanya uchafu, ambao hapana mmoja katika walimwengu aliye kutangulieni kwa hayo."/>
		<aya index="29" text="Je! Nyinyi mnawaingilia wanaume, na mnaikata njia? Na katika mikutano yenu mnafanya maovu? Basi haikuwa jawabu ya watu wake isipo kuwa kusema: Tuletee hiyo adhabu ya Mwenyezi Mungu ikiwa wewe ni katika wasemao kweli."/>
		<aya index="30" text="Akasema: Ewe Mola wangu Mlezi! Ninusuru na watu mafisadi hawa!"/>
		<aya index="31" text="Na wajumbe wetu walipo mjia Ibrahim na bishara, walisema: Hakika sisi hapana shaka tutawahiliki watu wa mji huu, kwani watu wake hakika wamekuwa madhaalimu."/>
		<aya index="32" text="Akasema: Hakika humo yumo Lut'i. Wao wakasema: Sisi tunajua zaidi nani yumo humo. Hapana shaka tutamwokoa yeye na ahali zake, isipo kuwa mkewe aliye miongoni mwa watao kaa nyuma."/>
		<aya index="33" text="Na wajumbe wetu walipo mfikia Lut'i, alihuzunika kwa ajili yao, na moyo uliona dhiki kwa ajili yao. Wakasema: Usiogope, wala usihuzunike. Hakika sisi tutakuokoa wewe na ahali zako, ila mkeo aliye miongoni mwa watao kaa nyuma."/>
		<aya index="34" text="Kwa yakini sisi tutawateremshia watu wa mji huu adhabu kutoka mbinguni kwa sababu ya uchafu wanao ufanya."/>
		<aya index="35" text="Na tumeacha katika mji huo Ishara ilio wazi kwa watu wanao tumia akili zao."/>
		<aya index="36" text="Na kwa Madyana tulimtuma ndugu yao Shuaibu, naye akasema: Enyi watu wangu! Muabuduni Mwenyezi Mungu na iogopeni Siku ya Akhera, wala msende katika ardhi mkifisidi."/>
		<aya index="37" text="Lakini walimkanusha basi ukawatwaa mtikiso wa ardhi, wakapambazukiwa ndani ya nyumba zao nao wamefudikia."/>
		<aya index="38" text="Na pia kina A'di na Thamud. Nanyi yamekwisha kubainikieni kutokana na maskani zao. Na Shet'ani aliwapambia vitendo vyao, na akawazuilia Njia, na hali walikuwa wenye kuona."/>
		<aya index="39" text="Na pia Qaruni na Firauni na Hamana! Na Musa aliwajia kwa Ishara waziwazi, lakini walijivuna katika nchi, wala hawakuweza kushinda."/>
		<aya index="40" text="Basi kila mmoja tulimtesa kwa mujibu wa makosa yake. Kati yao wapo tulio wapelekea kimbunga cha changarawe; na kati yao wapo walio nyakuliwa na ukelele; na kati yao wapo ambao tulio wadidimiza katika ardhi; na kati yao wapo tulio wazamisha. Wala Mwenyezi Mungu hakuwa mwenye kuwadhulumu, lakini walikuwa wenyewe wakijidhulumu nafsi zao."/>
		<aya index="41" text="Mfano wa walio wafanya walinzi badala ya Mwenyezi Mungu, ni mfano wa buibui alivyo jitandia nyumba. Na hakika nyumba dhaifu mno kuliko zote ni jumba la buibui, laiti kuwa wanajua."/>
		<aya index="42" text="Kwa hakika Mwenyezi Mungu anajua kila kitu wanacho kiomba badala yake Yeye. Na Yeye ndiye Mtukufu Mwenye nguvu Mwenye hikima."/>
		<aya index="43" text="Na hiyo ni mifano tunawapigia watu, na hawaifahamu ila wenye ilimu."/>
		<aya index="44" text="Mwenyezi Mungu ameumba mbingu na ardhi kwa Haki. Kwa hakika katika hayo ipo Ishara kwa Waumini."/>
		<aya index="45" text="SOMA uliyo funuliwa katika Kitabu, na ushike Sala. Hakika Sala inazuilia mambo machafu na maovu. Na kwa yakini kumdhukuru Mwenyezi Mungu ndilo jambo kubwa kabisa. Na Mwenyezi Mungu anayajua mnayo yatenda."/>
		<aya index="46" text="Wala msijadiliane na Watu wa Kitabu ila kwa njia iliyo nzuri kabisa, isipo kuwa wale walio dhulumu miongoni mwao. Na semeni: Tumeyaamini yaliyo teremshwa kwetu na yaliyo teremshwa kwenu. Na Mungu wetu na Mungu wenu ni Mmoja. Na sisi ni wenye kusilimu kwake."/>
		<aya index="47" text="Na namna hivi tumekuteremshia Kitabu (cha Qur'ani). Basi wale tulio wapa Kitabu (cha Biblia) wataiamini (Qur'ani), na miongoni mwa hawa (washirikina) wapo watakao iamini. Na hawazikatai Ishara zetu isipo kuwa makafiri."/>
		<aya index="48" text="Na wewe hukuwa kabla yake unasoma kitabu chochote, wala hukukiandika kwa mkono wako wa kulia. Ingeli kuwa hivyo wangeli fanya shaka wavunjifu."/>
		<aya index="49" text="Bali hii (Qur'ani) ni Ishara zilizo wazi katika vifua vya walio pewa ilimu. Na hawazikatai Ishara zetu isipo kuwa wenye kudhulumu."/>
		<aya index="50" text="Na walisema: Mbona hakuteremshiwa Ishara kutoka kwa Mola wake Mlezi? Sema: Ishara ziko kwake Mwenyezi Mungu; ama mimi kwa hakika ni mwonyaji mwenye kubainisha tu."/>
		<aya index="51" text="Je! Kwani hayakuwatosha ya kwamba tumekuteremshia Kitabu hiki wanacho somewa? Hakika katika hayo zipo rehema na mawaidha kwa watu wanao amini."/>
		<aya index="52" text="Sema: Mwenyezi Mungu anatosha kuwa ni Shahidi baina yangu na nyinyi. Anayajua yaliomo katika mbingu na ardhi. Na wale wanao amini upotovu na wakamkataa Mwenyezi Mungu, hao ndio walio khasiri."/>
		<aya index="53" text="Na wanakuhimiza waletewe adhabu kwa haraka. Na lau kuwa hapana wakati maalumu ulio wekwa, basi adhabu ingeli wajia, na ingeli watokea kwa ghafla, na hali wao hawana khabari."/>
		<aya index="54" text="Wanakuhimiza waletewe adhabu kwa haraka, na hali Jahannamu kwa hakika imewazunguka makafiri!"/>
		<aya index="55" text="Siku itapo wafunika adhabu hiyo kutoka juu yao na chini ya miguu yao, na atasema: Onjeni hayo mliyo kuwa mkiyatenda!"/>
		<aya index="56" text="Enyi waja wangu mlio amini! Kwa hakika ardhi yangu ina wasaa. Basi niabuduni Mimi peke yangu."/>
		<aya index="57" text="Kila nafsi itaonja mauti. Kisha mtarudishwa kwetu."/>
		<aya index="58" text="Na ambao wameamini na wakatenda mema, bila ya shaka tutawaweka katika maghorofa ya Peponi yenye kupitiwa chini yake mito, wakidumu humo. Ni mwema ulioje huo ujira wa watendao, Â"/>
		<aya index="59" text="Ambao walisubiri, na wakamtegemea Mola wao Mlezi."/>
		<aya index="60" text="Na wanyama wangapi hawawezi kujimilikia riziki zao! Mwenyezi Mungu anawaruzuku hao na nyinyi pia. Na Yeye ndiye Mwenye kusikia Mwenye kujua."/>
		<aya index="61" text="Na ukiwauliza; Nani aliye umba mbingu na ardhi na akafanya jua na mwezi kuti'ii amri yake? Bila ya shaka, watasema: Mwenyezi Mungu. Wapi basi wanako geuzwa?"/>
		<aya index="62" text="Mwenyezi Mungu humkunjulia, na humdhikishia, riziki amtakaye katika waja wake. Kwa hakika Mwenyezi Mungu ni Mjuzi wa kila kitu."/>
		<aya index="63" text="Na ukiwauliza: Ni nani anaye teremsha maji kutoka mbinguni, na akaihuisha ardhi baada ya kufa kwake? Bila ya shaka watasema: Ni Mwenyezi Mungu. Sema: Alhamdu Lillahi, Sifa njema zote ni za Mwenyezi Mungu. Bali wengi katika wao hawafahamu."/>
		<aya index="64" text="Na haya maisha ya dunia si chochote ila ni pumbao na mchezo. Na nyumba ya Akhera ndiyo maisha khasa; laiti wangeli kuwa wanajua!"/>
		<aya index="65" text="Na wanapo panda katika marikebu, humwomba Mwenyezi Mungu kwa kumsafia ut'iifu. Lakini anapo wavua wakafika nchi kavu, mara wanamshirikisha."/>
		<aya index="66" text="Wapate kuyakanya tuliyo wapa, na wajistareheshe. Lakini watakuja jua!"/>
		<aya index="67" text="Je! Hawaoni ya kwamba tumeifanya nchi takatifu ina amani, na hali watu wengine wananyakuliwa kote kwa majirani zao? Je! Wanaamini upotovu, na neema za Mwenyezi Mungu wanazikataa?"/>
		<aya index="68" text="Na nani dhaalimu mkubwa kuliko yule anaye mzulia uwongo Mwenyezi Mungu au anaye kanusha Haki inapo mjia? Je! Si katika Jahannamu ndio yatakuwa makaazi ya makafiri?"/>
		<aya index="69" text="Na wanao fanya juhudi kwa ajili yetu, Sisi tutawaongoa kwenye njia zetu. Na hakika Mwenyezi Mungu yu pamoja na watu wema."/>
	</sura>
	<sura index="30" name="">
		<aya index="1" text="Alif Lam Mim (A. L. M.)"/>
		<aya index="2" text="Warumi wameshindwa,"/>
		<aya index="3" text="Katika nchi iliyo karibu. Nao baada ya kushindwa kwao watashinda"/>
		<aya index="4" text="Katika miaka michache. Amri ni ya Mwenyezi Mungu kabla yake na baada yake. Na siku hiyo Waumini watafurahi."/>
		<aya index="5" text="Kwa nusura ya Mwenyezi Mungu humnusuru amtakaye. Naye ndiye Mwenye nguvu Mwenye kurehemu."/>
		<aya index="6" text="Ni ahadi ya Mwenyezi Mungu. Mwenyezi Mungu havunji ahadi yake. Lakini watu wengi hawajui."/>
		<aya index="7" text="Wanajua hali ya dhaahiri ya maisha ya dunia, na wameghafilika na Akhera."/>
		<aya index="8" text="Je! Hawajifikirii nafsi zao? Mwenyezi Mungu hakuumba mbingu na ardhi na viliomo ndani yake ila kwa Haki na kwa muda maalumu. Na hakika watu wengi bila ya shaka ni wenye kukataa kuwa watakutana na Mola wao Mlezi."/>
		<aya index="9" text="Je! Hawatembei katika ardhi wakaona ulivyo kuwa mwisho wa walio kuwa kabla yao? Nao walikuwa na nguvu zaidi kuliko wao, na wakaitimbua ardhi na wakaistawisha zaidi kuliko walivyo istawisha wao. Na Mitume wao wakawajia na dalili zilizo wazi. Basi hakuwa Mwenyezi Mungu ni mwenye kuwadhulumu, lakini walikuwa wakijidhulumu nafsi zao."/>
		<aya index="10" text="Kisha ulikuwa mwisho wa walio fanya ubaya ni kuzikanusha Ishara za Mwenyezi Mungu, na wakawa wanazifanyia maskhara."/>
		<aya index="11" text="Mwenyezi Mungu huanzisha uumbaji, tena akaurudisha mara ya pili, na kisha mtarejeshwa kwake."/>
		<aya index="12" text="Na itapo simama Saa wakosefu watakata tamaa."/>
		<aya index="13" text="Wala hawatakuwa na waombezi miongoni mwa walio kuwa wakiwashirikisha na Mungu; na wao wenyewe watawakataa hao washirikishwa wao."/>
		<aya index="14" text="Na siku itapo simama Saa, siku hiyo watagawanyika."/>
		<aya index="15" text="Ama walio amini na wakatenda mema watafurahishwa katika Bustani."/>
		<aya index="16" text="Na ama walio kufuru na wakazikanusha Ishara zetu na mkutano wa Akhera, hao basi watahudhurishwa katika adhabu."/>
		<aya index="17" text="Basi Subhanallah! Mtakaseni Mwenyezi Mungu jioni na asubuhi,"/>
		<aya index="18" text="Na sifa zote njema ni zake katika mbingu na ardhi, na alasiri na adhuhuri."/>
		<aya index="19" text="Hukitoa kilicho hai kutokana na kilicho kufa, na hukitoa kilicho kufa kutokana na kilicho hai. Na huihuisha ardhi baada ya kufa kwake. Na kama hivyo ndivyo mtavyo fufuliwa."/>
		<aya index="20" text="Na katika Ishara zake ni kuwa kakuumbeni kwa udongo. Kisha mmekuwa watu mlio tawanyika kote kote."/>
		<aya index="21" text="Na katika Ishara zake ni kuwa amekuumbieni wake zenu kutokana na nafsi zenu ili mpate utulivu kwao. Naye amejaalia mapenzi na huruma baina yenu. Hakika katika haya bila ya shaka zipo Ishara kwa watu wanao fikiri."/>
		<aya index="22" text="Na katika Ishara zake ni kuumba mbingu na ardhi, na kutafautiana ndimi zenu na rangi zenu. Hakika katika hayo zipo Ishara kwa wajuzi."/>
		<aya index="23" text="Na katika Ishara zake ni kulala kwenu usiku na mchana, na kutafuta kwenu fadhila zake. Hakika katika haya bila ya shaka zipo Ishara kwa watu wanao sikia."/>
		<aya index="24" text="Na katika Ishara zake hukuonyesheni umeme kwa kukutieni khofu na tamaa. Na hukuteremshieni maji kutoka mbinguni, na kwa hayo huifufua ardhi baada ya kufa kwake. Hakika katika hayo zipo Ishara kwa watu wanao zingatia."/>
		<aya index="25" text="Na katika Ishara zake ni kuwa mbingu na ardhi zimesimama kwa amri yake. Kisha atakapo kuiteni mwito mmoja tu, hapo mtatoka kwenye ardhi."/>
		<aya index="26" text="Na vyake Yeye vilivyo mbinguni na katika ardhi. Vyote vinamt'ii Yeye."/>
		<aya index="27" text="Na Yeye ndiye anaye anzisha uumbaji, kisha ataurudisha mara nyengine. Na jambo hili ni jepesi zaidi kwake. Naye ndiye mwenye mfano bora katika mbingu na ardhi. Na Yeye ndiye Mwenye nguvu, Mwenye hikima."/>
		<aya index="28" text="Amekupigieni mfano kutokana na nafsi zenu. Je! Katika hao iliyo wamiliki mikono yenu ya kulia mnao washirika katika hivyo tulivyo kuruzukuni, mkawa nyinyi katika hivyo ni sawasawa, mnawaogopa kama mnavyo ogopana wenyewe kwa wenyewe? Namna hivi tunazipambanua Aya zetu kwa watu wenye akili."/>
		<aya index="29" text="Bali walio dhulumu wamefuata mapendo ya nafsi zao pasina kujua. Basi nani atamwongoa ambaye Mwenyezi Mungu amemuacha apotee? Wala hao hawatakuwa na wa kuwanusuru."/>
		<aya index="30" text="Basi uelekeze uso wako sawasawa kwenye Dini - ndilo umbile la Mwenyezi Mungu alilo waumbia watu. Hapana mabadiliko katika uumbaji wa Mwenyezi Mungu. Hiyo ndiyo Dini iliyo nyooka sawa. Lakini watu wengi hawajui."/>
		<aya index="31" text="Muwe wenye kutubia kwake, na mcheni Yeye, na shikeni Sala, na wala msiwe katika washirikina."/>
		<aya index="32" text="Katika wale ambao kwamba wameigawanya dini yao, na wakawa makundi makundi, kila kikundi kinafurahia kilicho nacho."/>
		<aya index="33" text="Yakiwapata watu madhara humwomba Mola wao Mlezi nao wametubu kwake. Kisha akiwaonjesha rehema itokayo kwake, mara kikundi miongoni mwao humshirikisha Mola wao Mlezi,"/>
		<aya index="34" text="Kwa kuyakataa tuliyo wapa. Basi stareheni. Mtakuja jua!"/>
		<aya index="35" text="Au tumewateremshia hoja ambayo kwayo ndio wanafanya ushirikina?"/>
		<aya index="36" text="Na watu tunapo waonjesha rehema huifurahia, na ukiwasibu uovu kwa iliyo yatanguliza mikono yao wenyewe, mara wanakata tamaa."/>
		<aya index="37" text="Kwani hawaoni kwamba Mwenyezi Mungu humkunjulia riziki amtakaye na humdhikisha amtakaye? Hakika katika hayo zipo Ishara kwa watu wanao amini."/>
		<aya index="38" text="Basi mpe jamaa haki yake, na masikini, na msafiri. Hayo ni kheri kwa watakao radhi ya Mwenyezi Mungu. Na hao ndio wenye kufanikiwa."/>
		<aya index="39" text="Na mnacho kitoa kwa riba ili kiongezeke katika mali ya watu, basi hakiongezeki mbele ya Mwenyezi Mungu. Lakini mnacho kitoa kwa Zaka kwa kutaka radhi ya Mwenyezi Mungu, basi hao ndio watao zidishiwa."/>
		<aya index="40" text="Mwenyezi Mungu ndiye aliye kuumbeni, kisha akakuruzukuni, kisha anakufisheni, na kisha anakufufueni. Je! Yupo yeyote katika hao mnao washirikisha na Mwenyezi Mungu afanyae lolote katika hayo? Yeye ametakasika, na ametukuka na hayo mnayo mshirikisha naye."/>
		<aya index="41" text="Ufisadi umedhihiri bara na baharini kwa iliyo yafanya mikono ya watu, ili Mwenyezi Mungu awaonyeshe baadhi ya waliyo yatenda. Huenda wakarejea kwa kutubu."/>
		<aya index="42" text="Sema: Safirini duniani muangalie ulikuwaje mwisho wa walio tangulia. Wengi wao walikuwa washirikina."/>
		<aya index="43" text="Basi uelekeze uso wako kwenye Dini Iliyo Nyooka kabla ya kufika Siku hiyo isiyo zuilika, inayo toka kwa Mwenyezi Mungu. Siku hiyo watu watatengana."/>
		<aya index="44" text="Anaye kufuru basi ukafiri wake utakuwa juu yake mwenyewe, na anaye tenda mema, basi wanazitengezea nafsi zao."/>
		<aya index="45" text="Ili awalipe walio amini na wakatenda mema kutokana na fadhila yake. Hakika Yeye hawapendi makafiri."/>
		<aya index="46" text="Na katika Ishara zake ni kuzituma pepo ziletazo bishara njema, na ili kukuonjesheni baadhi ya rehema zake, na ili majahazi yende kwa amri yake; na mtafute kutokana na fadhila yake, na ili mumshukuru."/>
		<aya index="47" text="Na hakika tulikwisha watuma Mitume kwa kaumu zao, na wakawajia kwa hoja zilizo wazi. Tukawaadhibu wale walio fanya ukosefu. Na ilikuwa ni haki juu yetu kuwanusuru Waumini."/>
		<aya index="48" text="Mwenyezi Mungu ndiye anaye zituma pepo zikayatimua mawingu, kisha akayatandaza mbinguni kama apendavyo. Na akayafanya mapande mapande, basi ukaiona mvua inatoka ndani yake. Anapo wafikishia awatakao katika waja wake, mara hao huwa na furaha."/>
		<aya index="49" text="Na ingawa kabla ya kuteremshiwa walikuwa wenye kukata tamaa."/>
		<aya index="50" text="Basi ziangalie athari za rehema ya Mwenyezi Mungu, jinsi anavyo ihuisha ardhi baada ya kufa kwake. Basi hakika huyo ndiye bila ya shaka Mwenye kuhuisha wafu. Na Yeye ni Muweza wa kila kitu."/>
		<aya index="51" text="Na tunge utuma upepo na wakauona umekuwa rangi ya manjano, juu ya hayo wange endelea kukufuru."/>
		<aya index="52" text="Kwani wewe hakika huwafanyi maiti wakasikia, wala viziwi wakasikia wito wakisha geuka kukupa mgongo."/>
		<aya index="53" text="Wala wewe huwaongoi vipofu na upotovu wao. Huwasikilizishi ila wanao ziamini Aya zetu. Hao ndio Waislamu, walio nyenyekea."/>
		<aya index="54" text="Mwenyezi Mungu ndiye aliye kuumbeni kutokana na udhaifu kisha akajaalia nguvu baada ya unyonge, kisha akajaalia baada ya nguvu unyonge tena na ukongwe. Anaumba atakavyo. Naye ndiye Mjuzi, Mwenye uweza."/>
		<aya index="55" text="Na siku itapo simama Saa wakosefu wataapa kwamba hawakukaa duniani ila saa moja tu. Hivyo ndivyo walivyo kuwa wakipotozwa."/>
		<aya index="56" text="Na walio pewa ilimu na Imani watasema: Hakika nyinyi mlikwisha kaa katika hukumu ya Mwenyezi Mungu mpaka Siku ya kufufuliwa. Basi hii ndiyo Siku ya kufufuliwa! Lakini nyinyi mlikuwa hamuijui."/>
		<aya index="57" text="Basi Siku hiyo hautawafaa walio dhulumu udhuru wao, wala haitotakiwa toba yao."/>
		<aya index="58" text="Na hakika tulikwisha wapigia watu kila mfano katika hii Qur'ani. Na ukiwaletea Ishara yoyote hapana shaka walio kufuru watasema: Nyinyi si chochote ila ni waongo."/>
		<aya index="59" text="Hivi ndivyo Mwenyezi Mungu anavyo piga muhuri kwenye nyoyo za wasio jua."/>
		<aya index="60" text="Basi subiri. Hakika ahadi ya Mwenyezi Mungu ni ya haki. Wala wasikupaparishe hao wasio kuwa na yakini."/>
	</sura>
	<sura index="31" name="">
		<aya index="1" text="Alif Lam Mim (A. L. M.)"/>
		<aya index="2" text="Hizi ni Aya za Kitabu chenye hikima."/>
		<aya index="3" text="Kuwa ni Uwongofu na Rehema kwa wafanyao wema,"/>
		<aya index="4" text="Wanao shika Sala, na wanatoa Zaka, nao wana yakini na Akhera."/>
		<aya index="5" text="Hao ndio walio na uwongofu utokao kwa Mola wao Mlezi, na hao ndio wenye kufanikiwa."/>
		<aya index="6" text="Na miongoni mwa watu wapo wanao nunua maneno ya upuuzi, ili wawapoteze watu na njia ya Mwenyezi Mungu pasipo kujua, na wanaichukulia ni maskhara. Hao watapata adhabu ya kuwafedhehesha."/>
		<aya index="7" text="Na (mtu kama huyo) anapo somewa Aya zetu huzipa mgongo kwa kujivuna, kama kwamba hakuzisikia, kama kwamba masikioni mwake mna uziwi. Basi mbashirie kuwa atapata adhabu chungu."/>
		<aya index="8" text="Hakika walio amini na wakatenda mema watakuwa nazo Bustani za neema."/>
		<aya index="9" text="Watadumu humo - ni ahadi ya Mwenyezi Mungu ya kweli. Na Yeye ndiye Mwenye nguvu, Mwenye hikima."/>
		<aya index="10" text="Ameziumba mbingu bila ya nguzo mnazo ziona; na ameweka katika ardhi milima ili ardhi isikuyumbisheni; na ametawanya humo kila namna ya wanyama; na tumeteremsha maji kutoka mbinguni, na tukaotesha katika ardhi mimea mizuri ya kila namna."/>
		<aya index="11" text="Huu ni uumbaji wa Mwenyezi Mungu. Basi nionyesheni wameumba nini hao wasio kuwa Yeye! Lakini madhaalimu wamo katika upotovu uliyo dhaahiri."/>
		<aya index="12" text="Na tulimpa Luqman hikima, tukamwambia: Mshukuru Mwenyezi Mungu. Na mwenye kushukuru basi hakika anashukuru kwa manufaa ya nafsi yake. Na aliye kufuru, basi Mwenyezi Mungu ni Mkwasi, Msifiwa."/>
		<aya index="13" text="Na Luqman alipo mwambia mwanawe kwa kumpa mawaidha: Ewe mwanangu! Usimshirikishe Mwenyezi Mungu. Kwani hakika ushirikina bila ya shaka ni dhulma iliyo kubwa."/>
		<aya index="14" text="Na tumemuusia mtu kwa wazazi wake wawili. Mama yake ameichukua mimba yake kwa udhaifu juu ya udhaifu, na kumwachisha ziwa baada ya miaka miwili. (Tumemuusia): Nishukuru Mimi na wazazi wako. Ni kwangu Mimi ndiyo marudio."/>
		<aya index="15" text="Na pindi wakikushikilia kunishirikisha na ambayo huna ilimu nayo, basi usiwat'ii. Lakini kaa nao kwa wema duniani, nawe ishike njia ya anaye elekea kwangu. Kisha marejeo yenu ni kwangu Mimi, na Mimi nitakuambieni mliyo kuwa mkiyatenda."/>
		<aya index="16" text="Ewe mwanangu! Kikiwapo kitu cha uzito wa chembe ya khardali kikawa ndani ya jabali au ndani ya mbingu au ndani ya ardhi, basi Mwenyezi Mungu atakileta. Hakika Mwenyezi Mungu ni Mjuzi wa yaliyo fichika, Mwenye khabari za yote."/>
		<aya index="17" text="Ewe mwanangu! Shika Sala, na amrisha mema, na kataza maovu, na subiri kwa yanayo kupata. Hayo ni katika mambo ya kuazimiwa.."/>
		<aya index="18" text="Wala usiwabeuwe watu, wala usitembee katika nchi kwa maringo. Hakika Mwenyezi Mungu hampendi kila anaye jivuna na kujifakhirisha."/>
		<aya index="19" text="Na ushike mwendo wa katikati, na teremsha sauti yako. Hakika katika sauti mbaya zote bila ya shaka iliyo zidi ni sauti ya punda."/>
		<aya index="20" text="Kwani hamwoni ya kwamba Mwenyezi Mungu amevifanya vikutumikieni viliomo mbinguni na kwenye ardhi, na akakujalizieni neema zake, za dhaahiri na za siri? Na miongoni mwa watu wapo wanao bishana juu ya Mwenyezi Mungu pasipo ilimu, wala uwongofu, wala Kitabu chenye nuru."/>
		<aya index="21" text="Na wanapo ambiwa: Fuateni aliyo yateremsha Mwenyezi Mungu, husema: Bali tunafuata tuliyo wakuta nayo baba zetu. Je! Ijapo kuwa Shet'ani anawaita kwenye adhabu ya Moto uwakao?"/>
		<aya index="22" text="Na mwenye kuuelekeza uso wake kwa Mwenyezi Mungu, naye akawa anafanya wema, basi huyo hakika amekwisha kamata fundo lilio madhubuti. Na mwisho wa mambo yote ni kwa Mwenyezi Mungu."/>
		<aya index="23" text="Na anaye kufuru, isikuhuzunishe kufuru yake. Kwetu ndio marudio yao, na hapo tutawaambia waliyo yatenda. Hakika Mwenyezi Mungu ni Mjuzi wa yaliyomo vifuani."/>
		<aya index="24" text="Tunawastarehesha kwa uchache, kisha tutawasukuma kwenye adhabu ngumu."/>
		<aya index="25" text="Na ukiwauliza: Nani aliye ziumba mbingu na ardhi? Bila ya shaka watasema: Mwenyezi Mungu. Wewe sema: Alhamdulillahi! Sifa njema zote ni za Mwenyezi Mungu. Lakini wengi wao hawajui."/>
		<aya index="26" text="Ni vya Mwenyezi Mungu vyote viliomo mbinguni na katika ardhi. Hakika Mwenyezi Mungu ndiye Mkwasi, Mwenye kusifiwa."/>
		<aya index="27" text="Na lau kuwa miti yote iliyomo duniani ikawa ni kalamu, na bahari (ikawa wino), na ikaongezewa juu yake bahari nyengine saba, maneno ya Mwenyezi Mungu yasingeli kwisha. Hakika Mwenyezi Mungu ni Mwenye nguvu, Mwenye hikima."/>
		<aya index="28" text="Hakukuwa kuumbwa kwenu, wala kufufuliwa kwenu ila ni kama nafsi moja tu. Hakika Mwenyezi Mungu ni Mwenye kusikia Mwenye kuona."/>
		<aya index="29" text="Kwani huoni kwamba Mwenyezi Mungu huuingiza usiku katika mchana, na huuingiza mchana katika usiku, na amedhalilisha jua na mwezi? Vyote hivyo vinakwenda mpaka wakati ulio wekwa. Na Mwenyezi Mungu anazo khabari za mnayo yatenda."/>
		<aya index="30" text="Hivi ni kwa sababu hakika Mwenyezi Mungu ndiye wa kweli, na hakika wanacho kiomba ni cha uwongo. Na kwamba hakika Mwenyezi Mungu ndiye Mtukufu na ndiye Mkubwa."/>
		<aya index="31" text="Kwani huoni kwamba marikebu hupita baharini zikichukua neema za Mwenyezi Mungu, ili kukuonyesheni baadhi ya Ishara zake? Hakika katika haya zipo Ishara kwa kila mwenye kusubiri, mwenye kushukuru."/>
		<aya index="32" text="Na wimbi linapo wafunika kama wingu, wao humwomba Mwenyezi Mungu kwa kumsafia dini. Lakini anapo waokoa wakafika nchi kavu, wapo baadhi yao huenda mwendo wa sawa. Wala hazikanushi Ishara zetu ila aliye khaini kafiri mkubwa."/>
		<aya index="33" text="Enyi watu! Mcheni Mola wenu Mlezi, na iogopeni siku ambayo mzazi hatamfaa mwana, wala mwana hatamfaa mzazi kwa lolote. Hakika ahadi ya Mwenyezi Mungu ni ya kweli. Basi yasikudanganyeni maisha ya dunia, wala asikudanganyeni na Mwenyezi Mungu mdanganyifu."/>
		<aya index="34" text="Hakika kuijua Saa (ya Kiyama) kuko kwa Mwenyezi Mungu. Na Yeye ndiye anaye iteremsha mvua. Na anavijua viliomo ndani ya matumbo ya uzazi. Na haijui nafsi yoyote itachuma nini kesho. Wala nafsi yoyote haijui itafia nchi gani. Hakika Mwenyezi Mungu ndiye Mwenye kujua, Mwenye khabari."/>
	</sura>
	<sura index="32" name="">
		<aya index="1" text="Alif Lam Mim (A. L. M.)"/>
		<aya index="2" text="Huu ni mteremsho wa Kitabu kisicho kuwa na shaka yoyote kinacho toka kwa Mola Mlezi wa walimwengu wote."/>
		<aya index="3" text="Au wanasema: Amekizua? Bali hichi ni Kweli iliyo toka kwa Mola wako Mlezi ili uwaonye watu wasio fikiwa na mwonyaji kabla yako; huenda wakaongoka."/>
		<aya index="4" text="Mwenyezi Mungu ndiye aliye umba mbingu na ardhi na viliomo baina yao kwa siku sita, na akatawala kwenye Kiti cha Enzi. Nyinyi hamna mlinzi wala mwombezi isipo kuwa Yeye tu. Basi, je, hamkumbuki?"/>
		<aya index="5" text="Anapitisha mambo yote yalio baina mbingu na ardhi, kisha yanapanda kwake kwa siku ambayo kipimo chake ni miaka elfu kwa mnavyo hisabu nyinyi."/>
		<aya index="6" text="Huyu ndiye Mwenye kuyajua yasiyo onekana na yanayo onekana. Mwenye nguvu, Mwenye kurehemu."/>
		<aya index="7" text="Ambaye ametengeneza vizuri umbo la kila kitu; na akaanzisha kumuumba mtu kwa udongo."/>
		<aya index="8" text="Na kisha akajaalia uzao wake utokane na kizazi cha maji madhaifu."/>
		<aya index="9" text="Kisha akamtengeneza, na akampulizia roho yake, na akakujaalieni kusikia na kuona, na nyoyo za kufahamu. Ni uchache mnavyo shukuru."/>
		<aya index="10" text="Nao husema: Tutapo kwisha potea chini ya ardhi, ni kweli tutarudishwa katika umbo jipya? Bali wao wanakanusha kwamba watakutana na Mola wao Mlezi."/>
		<aya index="11" text="Sema: Atakufisheni Malaika wa mauti aliye wakilishwa juu yenu; kisha mtarejeshwa kwa Mola wenu Mlezi."/>
		<aya index="12" text="Na ungeli waona wakosefu wanvyo inamisha vichwa vyao mbele ya Mola wao Mlezi, (wakisema): Mola wetu Mlezi! Tumesha ona, na tumesha sikia. Turejeshe tukatende mema, kwani hakika sisi tumekwisha kuwa na yakini sasa."/>
		<aya index="13" text="Na lau tungeli taka tunge mpa kila mtu uwongofu wake. Lakini imekwisha kuwa kauli iliyo toka kwangu: Kwa yakini nitaijaza Jahannamu kwa wote hawa, majini na watu."/>
		<aya index="14" text="Basi onjeni kwa vile mlivyo usahau mkutano wa Siku yenu hii. Na Sisi hakika tunakusahauni. Basi onjeni adhabu ya milele kwa yale mliyo kuwa mkiyatenda."/>
		<aya index="15" text="Hakika wanao ziamini Aya zetu ni hao tu ambao wakikumbushwa hizo, basi wao huanguka kusujudu, na humsabihi Mola wao Mlezi kwa kumhimidi, nao hawajivuni."/>
		<aya index="16" text="Mbavu zao zinaachana na vitanda kwa kumwomba Mola wao Mlezi kwa khofu na kutumaini, na hutoa kutokana na tulivyo waruzuku."/>
		<aya index="17" text="Nafsi yoyote haijui waliyo fichiwa katika hayo yanayo furahisha macho - ni malipo ya yale waliyo kuwa wakiyatenda."/>
		<aya index="18" text="Ati aliye Muumini atakuwa sawa na aliye mpotovu? Hawawi sawa."/>
		<aya index="19" text="Ama walio amini na wakatenda mema, watakuwa nazo Bustani za makaazi mazuri. Ndio pa kufikia kwa waliyo kuwa wakiyatenda."/>
		<aya index="20" text="Na ama wale walio tenda uovu, basi makaazi yao ni Motoni. Kila wakitaka kutoka humo watarudishwa humo humo. Na wataambiwa: Onjeni adhabu ya Moto ambayo mliyo kuwa mkiikanusha."/>
		<aya index="21" text="Na tutawaonjesha adhabu khafifu kabla ya adhabu kubwa, huenda labda watarejea."/>
		<aya index="22" text="Na ni nani dhaalimu mkubwa kuliko yule anaye kumbushwa kwa Ishara za Mola wake Mlezi, kisha akazikataa? Hakika Sisi tutajilipiza kwa wakosefu."/>
		<aya index="23" text="Hakika Sisi tulikwisha mpa Musa Kitabu. Basi usiwe na shaka kuwa kakipokea. Na tukakifanya kuwa ni uwongofu kwa Wana wa Israili."/>
		<aya index="24" text="Na tukawafanya miongoni mwao waongozi wanao ongoa watu kwa amri yetu, walipo subiri na wakawa na yakini na Ishara zetu."/>
		<aya index="25" text="Hakika Mola wako Mlezi ndiye atakaye fafanua baina yao Siku ya Kiyama katika waliyo kuwa wakikhitalifiana."/>
		<aya index="26" text="Je! Haijawabainikia kwamba kaumu ngapi tuliziangamiza kabla yao, nao wanapita katika maskani zao hizo? Hakika katika hayo zipo Ishara. Basi, je, hawasikii?"/>
		<aya index="27" text="Je! Hawaoni ya kwamba tunayapeleka maji kwenye ardhi kavu, kisha kwayo tunaitoa mimea wanayo kula wanyama wao na wao wenyewe? Je! Hawaoni?"/>
		<aya index="28" text="Wanasema: Ushindi huu ni lini, kama mnasema kweli?"/>
		<aya index="29" text="Sema: Siku ya Ushindi, wale walio kufuru imani yao haitawafaa kitu, wala wao hawatapewa muhula."/>
		<aya index="30" text="Basi wapuuze, nawe ngonja; hakika wao wanangoja."/>
	</sura>
	<sura index="33" name="">
		<aya index="1" text="Ewe Nabii! Mche Mwenyezi Mungu wala usiwat'ii makafiri na wanaafiki. Hakika Mwenyezi Mungu ni Mwenye kujua, Mwenye hikima."/>
		<aya index="2" text="Na fuata uliyo funuliwa kwa wahyi kutokana na Mola wako Mlezi. Hakika Mwenyezi Mungu anazo khabari ya mnayo yatenda."/>
		<aya index="3" text="Na mtegemee Mwenyezi Mungu. Na Mwenyezi Mungu anatosha kuwa ni wa kutegemewa."/>
		<aya index="4" text="Mwenyezi Mungu hakumwekea mtu yeyote kuwa ana nyoyo mbili ndani ya mwili wake. Wala hakuwafanya wake zenu - ambao mnawalinganisha migongo yao na migongo ya mama zenu - kuwa ni mama zenu. Wala hakuwafanya watoto wenu wa kupanga kuwa ni wana wenu khasa. Hayo ni maneno ya vinywa vyenu tu. Na Mwenyezi Mungu ndiye anaye sema kweli, naye ndiye anaye ongoa Njia."/>
		<aya index="5" text="Waiteni kwa baba zao, maana huo ndio uadilifu zaidi mbele ya Mwenyezi Mungu. Na ikiwa hamwajui baba zao, basi ni ndugu zenu katika Dini, na rafiki zenu. Wala si lawama juu yenu kwa mlivyo kosea. Lakini ipo lawama katika yale ziliyo fanya nyoyo zenu kwa makusudi. Na Mwenyezi Mungu ni Mwenye kusamehe, Mwenye kurehemu."/>
		<aya index="6" text="Nabii ni bora zaidi kwa Waumini kuliko nafsi zao. Na wake zake ni mama zao. Na jamaa ni karibu wao kwa wao katika Kitabu cha Mwenyezi Mungu kuliko Waumini wengine na Wahamiaji. Ila muwe mnawafanyia wema marafiki zenu. Haya yamekwisha andikwa Kitabuni."/>
		<aya index="7" text="Na tulipo chukua ahadi kwa Manabii na kwako wewe, na Nuhu na Ibrahim na Isa mwana wa Mariamu, na tulichukua kwao ahadi ngumu,"/>
		<aya index="8" text="Ili (Mwenyezi Mungu) awaulize wakweli juu ya ukweli wao. Na amewaandalia makafiri adhabu chungu."/>
		<aya index="9" text="Enyi mlio amini! Zikumbukeni neema za Mwenyezi Mungu zilio juu yenu. Pale yalipo kufikilieni majeshi, nasi tukayapelekea upepo, na majeshi msiyo yaona. Na Mwenyezi Mungu anayaona mnayo yatenda."/>
		<aya index="10" text="Walipo kujieni kutoka juu yenu, na kutoka chini yenu; na macho yalipo kodoka, na nyoyo zikapanda kooni, nanyi mkamdhania Mwenyezi Mungu dhana mbali mbali."/>
		<aya index="11" text="Hapo ndipo Waumini walipo jaribiwa, na wakatikiswa mtikiso mkali."/>
		<aya index="12" text="Na walipo sema wanaafiki na wale wenye maradhi katika nyoyo zao: Mwenyezi Mungu na Mtume wake hawakutuahidi ila udanganyifu tu."/>
		<aya index="13" text="Na kundi moja katika miongoni mwao lilipo sema: Enyi watu wa Yathrib! Hapana kukaa nyinyi! Rudini. Na kundi jingine miongoni mwao likaomba ruhusa kwa Mtume kwa kusema: Hakika nyumba zetu ni tupu. Wala hazikuwa tupu; hawakutaka ila kukimbia tu."/>
		<aya index="14" text="Na lau kuwa wangeli ingiliwa kwa pande zote, kisha wakatakiwa kufanya khiana, wangeli fanya, na wasingeli sita ila kidogo tu."/>
		<aya index="15" text="Na hakika walikwisha muahidi Mwenyezi Mungu kabla yake kwamba hawatageuza migongo yao. Na ahadi ya Mwenyezi Mungu ni yenye kuulizwa."/>
		<aya index="16" text="Sema: Kukimbia hakukufaeni kitu ikiwa mnakimbia mauti au kuuwawa, na hata hivyo hamtastareheshwa ila kidogo tu."/>
		<aya index="17" text="Sema: Ni nani wa kukulindeni na Mwenyezi Mungu pindi akikutakieni uovu, au akikutakieni rehema? Wala hawatapata mlinzi wala msaidizi isipo kuwa Mwenyezi Mungu."/>
		<aya index="18" text="Kwa hakika Mwenyezi Mungu anawajua hao wanao zuilia, na wanao waambia ndugu zao: Njooni kwetu! Wala hawaingii vitani ila kidogo tu."/>
		<aya index="19" text="Wana choyo juu yenu. Ikifika khofu utawaona wanakutazama na macho yao yanazunguka, kama yule ambaye aliye zimia kwa kukaribia mauti. Na khofu ikiondoka wanakuudhini kwa ndimi kali, nao ni mabakhili kwa kila la kheri. Hao hawakuamini, basi Mwenyezi Mungu amevibat'ilisha vitendo vyao. Na hayo kwa Mwenyezi Mungu ni mepesi."/>
		<aya index="20" text="Wanafikiri yale makundi ya maadui hayajaondoka. Na yakija hayo makundi watatamani laiti wao wako majangwani pamoja na mabedui, wakiuliza khabari zenu. Na lau wakiwa pamoja nanyi hawapigani ila kidogo tu."/>
		<aya index="21" text="Hakika nyinyi mnayo ruwaza njema kwa Mtume wa Mwenyezi Mungu kwa anaye mtaraji Mwenyezi Mungu na Siku ya Mwisho, na akamkumbuka Mwenyezi Mungu sana."/>
		<aya index="22" text="Na Waumini walipo yaona makundi, walisema: Haya ndiyo aliyo tuahidi Mwenyezi Mungu na Mtume wake. Na Mwenyezi Mungu na Mtume wake wamesema kweli. Na hayo hayakuwazidisha ila Imani na ut'iifu."/>
		<aya index="23" text="Miongoni mwa Waumini wapo watu walio timiza waliyo ahidiana na Mwenyezi Mungu. Baadhi yao wamekwisha kufa, na baadhi wanangojea, wala hawakubadilisha (ahadi) hata kidogo."/>
		<aya index="24" text="Ili Mwenyezi Mungu awalipe wakweli kwa sababu ya ukweli wao, na awaadhibu wanaafiki pindi akitaka, au apokee toba yao. Hakika Mwenyezi Mungu ni Mwenye kusamehe, Mwenye kurehemu."/>
		<aya index="25" text="Na Mwenyezi Mungu aliwarudisha nyuma makafiri juu ya ghadhabu yao; hawakupata kheri yoyote. Na Mwenyezi Mungu amewatosheleza Waumini katika vita. Na Mwenyezi Mungu ni Mwenye nguvu na uweza."/>
		<aya index="26" text="Na akawateremsha wale walio wasaidia (maadui) katika Watu wa Kitabu kutoka katika ngome zao; na akatia khofu katika nyoyo zao. Baadhi yao mkawa mnawauwa, na wengine mnawateka."/>
		<aya index="27" text="Na akakurithisheni ardhi zao na nyumba zao na mali zao, na ardhi msiyo pata kuikanyaga. Na Mwenyezi Mungu ni Mwenye uweza juu ya kila kitu."/>
		<aya index="28" text="Ewe Nabii! Waambie wake zako: Ikiwa mnataka maisha ya dunia na pambo lake, basi njooni, nitakupeni kitoka nyumba, na kukuacheni mwachano mzuri."/>
		<aya index="29" text="Na ikiwa mnamtaka Mwenyezi Mungu na Mtume wake na nyumba ya Akhera, basi Mwenyezi Mungu amewaandalia wafanyao mema, miongoni mwenu, malipo makubwa."/>
		<aya index="30" text="Enyi wake wa Nabii! Atakaye fanya uchafu dhaahiri miongoni mwenu, atazidishiwa adhabu mara mbili. Na hayo kwa Mwenyezi Mungu ni mepesi."/>
		<aya index="31" text="NA MIONGONI mwenu atakeye mt'ii Mwenyezi Mungu na Mtume wake, na akatenda mema, tutampa malipo yake mara mbili, na tutamwandalia riziki ya ukarimu."/>
		<aya index="32" text="Enyi wake wa Nabii! Nyinyi si kama yeyote katika wanawake wengine. Kama mnamcha Mungu basi msiregeze sauti zenu, akaingia tamaa mwenye maradhi katika moyo wake. Na semeni maneno mema."/>
		<aya index="33" text="Na kaeni majumbani kwenu, wala msijishauwe kwa majishauwo ya kijahilia ya kizamani. Na shikeni Sala, na toeni Zaka, na mt'iini Mwenyezi Mungu na Mtume wake. Hakika Mwenyezi Mungu anataka kukuondoleeni uchafu, enyi Watu wa Nyumba ya Mtume, na kukusafisheni baarabara."/>
		<aya index="34" text="Na kumbukeni yasomwayo majumbani mwenu katika Aya za Mwenyezi Mungu na hikima. Kwa hakika Mwenyezi Mungu ni Mjuzi wa mambo ya siri, na Mwenye khabari."/>
		<aya index="35" text="Hakika Waislamu wanaume na Waislamu wanawake, na Waumini wanaume na Waumini wanawake, na wat'iifu wanaume na wat'iifu wanawake, na wasemao kweli wanaume na wanawake, na wanao subiri wanaume na wanawake, na wanyenyekevu wanaume na wanawake, na watoao sadaka wanaume na wanawake, na wanao funga wanaume na wanawake, na wanao jihifadhi tupu zao wanaume na wanawake, na wanao mdhukuru Mwenyezi Mungu kwa wingi wanaume na wanawake, Mwenyezi Mungu amewaandalia msamaha na ujira mkubwa."/>
		<aya index="36" text="Haiwi kwa Muumini mwanamume wala Muumini mwanamke kuwa na khiari katika jambo, Mwenyezi Mungu na Mtume wake wanapo kata shauri katika jambo lao. Na mwenye kumuasi Mwenyezi Mungu na Mtume wake basi hakika amepotea upotofu ulio wazi."/>
		<aya index="37" text="Na ulipo mwambia yule Mwenyezi Mungu aliye mneemesha, nawe ukamneemesha: Shikamana na mkeo, na mche Mwenyezi Mungu. Na ukaficha nafsini mwako aliyo taka Mwenyezi Mungu kuyafichua, nawe ukawachelea watu, hali Mwenyezi Mungu ndiye mwenye haki zaidi kumchelea. Basi Zaid alipo kwisha haja naye tulikuoza wewe, ili isiwe taabu kwa Waumini kuwaoa wake wa watoto wao wa kupanga watapo kuwa wamekwisha timiza nao shuruti za t'alaka. Na amri ya Mwenyezi Mungu ni yenye kutekelezwa."/>
		<aya index="38" text="Hapana ubaya kwa Nabii kufanya aliyo mhalalishia Mwenyezi Mungu. Huo ndio mwendo wa Mwenyezi Mungu kwa walio pita zamani. Na amri ya Mwenyezi Mungu ni kudura iliyo kwisha kadiriwa."/>
		<aya index="39" text="(Hao wa zamani) walio kuwa wakifikisha risala za Mwenyezi Mungu na wanamwogopa Yeye, na wala hawamwogopi yeyote isipo kuwa Mwenyezi Mungu. Na Mwenyezi Mungu ndiye atoshaye kuhisabu."/>
		<aya index="40" text="Muhammad si baba wa yeyote katika wanaume wenu, bali ni Mtume wa Mwenyezi Mungu na Mwisho wa Manabii, na Mwenyezi Mungu ni Mjuzi wa kila kitu."/>
		<aya index="41" text="Enyi mlio amini! Mdhukuruni Mwenyezi Mungu kwa wingi wa kumdhukuru.."/>
		<aya index="42" text="Na mtakaseni asubuhi na jioni."/>
		<aya index="43" text="Yeye na Malaika wake ndio wanakurehemuni ili kukutoeni gizani mwende kwenye nuru. Naye ni Mwenye kuwarehemu Waumini."/>
		<aya index="44" text="Maamkiano yao siku ya kukutana naye yatakuwa: Salama! Na amewaandalia malipo ya ukarimu."/>
		<aya index="45" text="Ewe Nabii! Hakika Sisi tumekutuma uwe shahidi na mbashiri na mwonyaji,"/>
		<aya index="46" text="Na mwitaji kumwendea Mwenyezi Mungu kwa idhini yake, na taa yenye kutoa nuru."/>
		<aya index="47" text="Na wabashirie Waumini ya kwamba wana fadhila kubwa inayo toka kwa Mwenyezi Mungu."/>
		<aya index="48" text="Wala usiwat'ii makafiri na wanaafiki, na usijali udhia wao. Nawe mtegemee Mwenyezi Mungu. Na Mwenyezi Mungu anatosha kuwa Mtegemewa."/>
		<aya index="49" text="Enyi mlio amini! Mkiwaoa wanawake, Waumini, kisha mkawapa t'alaka kabla ya kuwagusa, basi hamna eda juu yao mtakayo ihisabu. Basi wapeni cha kuwaliwaza, na muwawache kwa kuwachana kwa wema."/>
		<aya index="50" text="Ewe Nabii! Tumekuhalalishia wake zako ulio wapa mahari yao, na ulio wamiliki kwa mkono wako wa kulia katika alio kupa Mwenyezi Mungu, na mabinti ami zako, na mabinti wa shangazi zako, na mabinti wa wajomba zako, na mabinti wa dada za mama yako walio hama pamoja nawe; na mwanamke Muumini akijitoa mwenyewe kwa Nabii, kama mwenyewe Nabii akitaka kumwoa. Ni halali kwako wewe tu, si kwa Waumini wengine. Sisi tunajua tuliyo wafaridhia wao katika wake zao na wanawake ilio wamiliki mikono yao ya kulia. Ili isiwe dhiki kwao. Na Mwenyezi Mungu ni Mwenye kusamehe, Mwenye kurehemu."/>
		<aya index="51" text="Unaweza kuakhirisha zamu kwa umtakaye katika wao, na umsogeze umtakaye. Na kama ukimtaka yule uliye mtenga, basi si vibaya kwako. Kufanya hivi kutapelekea yaburudike macho yao, wala wasihuzunike, na wawe radhi juu ya kile unacho wapa wao wote. Na Mwenyezi Mungu anajua yaliyomo nyoyoni mwenu, na Mwenyezi Mungu ni Mwenye kujua, Mwenye hikima."/>
		<aya index="52" text="Baada ya hawa hawakuhalalikii wewe wanawake wengine, wala kuwabadilisha kwa wake wengine ingawa uzuri wao ukikupendeza; isipo kuwa yule uliye mmiliki kwa mkono wako wa kulia. Na Mwenyezi Mungu anachungua kila kitu."/>
		<aya index="53" text="Enyi mlio amini! Msiingie nyumba za Nabii ila mpewe ruhusa kwenda kula, sio kungojea kiwive. Lakini mtakapo itwa basi ingieni, na mkisha kula tawanyikeni, wala msiweke mazungumzo. Hakika hayo yanamuudhi Nabii naye anakustahini, lakini Mwenyezi Mungu hastahi kwa jambo la haki. Na mnapo wauliza wakeze haja waulizeni nyuma ya mapazia. Hivyo ndio usafi zaidi kwa nyoyo zenu na nyoyo zao. Wala haikufalieni kumuudhi Mtume wa Mwenyezi Mungu, wala kuwaoa wake zake baada yake kabisa. Hakika jambo hilo ni kubwa mbele ya Mwenyezi Mungu."/>
		<aya index="54" text="Mkidhihirisha chochote kile, au mkikificha, basi hakika Mwenyezi Mungu ni Mwenye kujua kila kitu."/>
		<aya index="55" text="Hapana ubaya kwao (wake za Mtume) kuonana na baba zao, wala watoto wao, wala ndugu zao, wala watoto wa ndugu zao wanaume, wala watoto wa ndugu zao wanawake, wala wanawake wenzao, wala wale iliyo wamiliki mikono yao ya kulia. Na enyi wanawake, mcheni Mwenyezi Mungu. Hakika Mwenyezi Mungu ni Mwenye kushuhudia kila kitu."/>
		<aya index="56" text="Hakika Mwenyezi Mungu na Malaika wake wanamsalia Nabii. Enyi mlio amini! Msalieni na mumsalimu kwa salamu."/>
		<aya index="57" text="Hakika wanao muudhi Mwenyezi Mungu na Mtume wake, Mwenyezi Mungu amewalaani duniani na Akhera, na amewaandalia adhabu ya kufedhehi."/>
		<aya index="58" text="Na wale wanao waudhi Waumini wanaume na wanawake pasina wao kufanya kosa lolote, bila ya shaka wamebeba dhulma kubwa na dhambi zilio dhaahiri."/>
		<aya index="59" text="Ewe Nabii! Waambie wake zako, na binti zako, na wake za Waumini wajiteremshie nguo zao. Hivyo ni karibu zaidi kuweza kutambulikana wasiudhiwe. Na Mwenyezi Mungu ni Mwenye kusamehe, Mwenye kurehemu."/>
		<aya index="60" text="Kama wanaafiki na wale wenye maradhi nyoyoni mwao, na waenezao fitna katika Madina hawatoacha, basi kwa yakini tutakusalitisha juu yao, kisha hawatakaa humo karibu yako ila muda mchache tu."/>
		<aya index="61" text="Wamelaanika! Popote watakapo onekana watakamatwa na watauliwa kabisa."/>
		<aya index="62" text="Hii ni ada ya Mwenyezi Mungu iliyo kuwa kwa wale walio pita zamani. Wala hutapata mabadiliko katika ada ya Mwenyezi Mungu."/>
		<aya index="63" text="Watu wanakuuliza khabari ya Saa (ya Kiyama). Sema: Ujuzi wake uko kwa Mwenyezi Mungu. Na nini kitakujuvya? Pengine hiyo Saa iko karibu."/>
		<aya index="64" text="Hakika Mwenyezi Mungu amewalaani makafiri na amewaandalia Moto unao waka kwa nguvu."/>
		<aya index="65" text="Watadumu humo milele. Hawampati mlinzi wala wa kuwanusuru."/>
		<aya index="66" text="Siku ambayo nyuso zao zitapinduliwa pinduliwa katika Moto. Watasema: Laiti tungeli mt'ii Mwenyezi Mungu, na tungeli mt'ii Mtume!"/>
		<aya index="67" text="Na watasema: Mola wetu Mlezi! Hakika sisi tuliwat'ii bwana zetu na wakubwa wetu; nao ndio walio tupoteza njia."/>
		<aya index="68" text="Mola wetu Mlezi! Wape wao adhabu mara mbili, na uwalaani laana kubwa."/>
		<aya index="69" text="Enyi mlio amini! Msiwe kama wale walio mtaabisha Musa, lakini Mwenyezi Mungu akamtakasa na waliyo yasema, naye alikuwa mwenye hishima mbele ya Mwenyezi Mungu."/>
		<aya index="70" text="Enyi mlio amini! Mcheni Mwenyezi Mungu na semeni maneno ya sawasawa."/>
		<aya index="71" text="Apate kukutengenezeeni vitendo vyenu na akusameheni madhambi yenu. Na anaye mt'ii Mwenyezi Mungu na Mtume wake, bila ya shaka amefanikiwa mafanikio makubwa."/>
		<aya index="72" text="Kwa hakika Sisi tulikadimisha amana kwa mbingu na ardhi na milima; na vyote hivyo vikakataa kuichukua na vikaogopa. Lakini mwanaadamu akaichukua. Hakika yeye amekuwa dhaalimu mjinga."/>
		<aya index="73" text="Kwa hivyo Mwenyezi Mungu anawaadhibu wanaafiki wanaume, na wanaafiki wanawake, na washirikina wanaume, na washirikina wanawake; na anawapokelea toba Waumini wanaume, na Waumini wanawake. Na Mwenyezi Mungu ni Mwenye kusamehe, Mwenye kurehemu."/>
	</sura>
	<sura index="34" name="">
		<aya index="1" text="Sifa njema zote ni za Mwenyezi Mungu, ambaye ni vyake vyote viliomo mbnguni na katika ardhi. Na sifa ni zake Yeye katika Akhera. Naye ni Mwenye hikima, Mwenye khabari."/>
		<aya index="2" text="Anajua yanayo ingia katika ardhi na yanayo toka humo, na yanayo teremka kutoka mbinguni, na yanayo panda huko. Na Yeye ni Mwenye kurehemu, Mwenye kusamehe."/>
		<aya index="3" text="Na walisema walio kufuru: Haitatufikia Saa (ya Kiyama). Sema: Kwani? Hapana shaka itakufikieni, naapa kwa haki ya Mola wangu Mlezi, Mwenye kujua ya ghaibu! Hapana kinacho fichikana kwake hata chenye uzito wa chembe tu, si katika mbingu wala katika ardhi, wala kilicho kidogo kuliko hivyo, wala kikubwa zaidi; ila vyote hivyo vimo katika Kitabu chake chenye kubainisha."/>
		<aya index="4" text="Ili awalipe walio amini na wakatenda mema. Hao watapata msamaha na riziki ya ukarimu."/>
		<aya index="5" text="Na wale walio jitahidi kuzipinga Ishara zetu wakaona watashinda, hao watapata adhabu mbaya yenye uchungu."/>
		<aya index="6" text="Na walio pewa ilimu wanaona ya kuwa ulio teremshiwa kutoka kwa Mola wako Mlezi ni haki, nayo huongoa kwendea njia ya Mwenye nguvu, Mwenye kusifiwa."/>
		<aya index="7" text="Na walio kufuru walisema: Je! Tukujuulisheni mtu anaye kuambieni kwamba mtakapo chambuliwa mapande mapande mtakuwa katika umbo jipya?"/>
		<aya index="8" text="Ama amemzulia Mwenyezi Mungu uwongo, au ana wazimu. Bali wasio amini Akhera wamo adhabuni na upotofu wa mbali kabisa."/>
		<aya index="9" text="Kwani hawaoni yaliyo mbele yao na yaliyo nyuma yao ya mbingu na ardhi? Tungeli penda tungeli wadidimiza ndani ya ardhi, au tungeli wateremshia juu yao vipande vya mbingu. Hakika katika haya zipo Ishara kwa kila mja aliye tubia."/>
		<aya index="10" text="Na tulimpa Daudi fadhila kutoka kwetu, (tukasema): Enyi milima! Karirini kumtakasa Mwenyezi Mungu pamoja naye! Na ndege pia. Na tukamlainishia chuma."/>
		<aya index="11" text="(Tukamwambia:) Tengeneza nguo za chuma pana, na kadiria sawa katika kuunganisha. Na tendeni mema. Hakika Mimi nayaona vyema mnayo yatenda."/>
		<aya index="12" text="Na Suleiman tuliufanya upepo umtumikie. Safari yake ya asubuhi ni mwendo wa mwezi mmoja, na safari yake ya jioni ni mwendo wa mwezi mmoja. Na tukamyayushia chemchem ya shaba. Na katika majini walikuwako walio kuwa wakifanya kazi mbele yake kwa idhini ya Mola wake Mlezi. Na kila anaye jitenga na amri yetu katika wao, tunamwonjesha adhabu ya Moto unao waka."/>
		<aya index="13" text="Walikuwa wakimfanyia alipendalo, kama mihrabu, na masanamu, na madeste makubwa kama mahodhi, na masufuria makubwa yasiyo ondolewa mahala pake. Enyi watu wa Daudi! Fanyeni kazi kwa kushukuru. Ni wachache katika waja wangu wanao shukuru."/>
		<aya index="14" text="Na tulipo mhukumia kufa, hapana aliye wajuulisha kufa kwake ila mnyama wa ardhi aliye kula fimbo yake. Na alipo anguka majini walitambua lau kuwa wangeli jua ya ghaibu wasingeli kaa katika adhabu hiyo ya kufedhehesha."/>
		<aya index="15" text="Hakika ilikuwapo Ishara kwa (watu wa nchi ya) Sabaa katika maskani yao - bustani mbili, kulia na kushoto. Kuleni katika riziki ya Mwenyezi Mungu, na mumshukuru. Mji mzuri na Mola Mlezi aliye Msamehevu."/>
		<aya index="16" text="Lakini wakaacha. Tukawapelekea mafuriko makubwa, na tukawabadilishia badala ya bustani zao hizo kwa bustani nyengine zenye matunda makali machungu, na mivinje, na kidogo katika miti ya kunazi."/>
		<aya index="17" text="Hayo tuliwalipa kwa sababu ya walivyo kufuru. Nasi kwani tunamuadhibu isipo kuwa anaye kufuru?"/>
		<aya index="18" text="Na baina yao na miji mingine tuliyo ibariki tuliweka miji iliyo dhaahiri, na tukaweka humo vituo vya safari. Tukawaambia: Nendeni humo usiku na mchana kwa amani."/>
		<aya index="19" text="Lakini wakasema: Mola wetu Mlezi! Weka mwendo mrefu baina ya safari zetu. Na wakazidhulumu nafsi zao. Basi tukawafanya ni masimulizi tu, na tukawatawanya tawanya. Hakika katika hayo bila ya shaka zimo Ishara kwa kila mwenye kusubiri sana na akashukuru."/>
		<aya index="20" text="Na bila ya shaka Iblisi alihakikisha ile dhana yake juu yao. Nao walimfuata, isipo kuwa kundi la Waumini."/>
		<aya index="21" text="Na yeye hakuwa na mamlaka yoyote juu yao, ila kwa sababu ya kuwajaribu tujue nani mwenye kuamini Akhera, na nani anaye tilia shaka. Na Mola wako Mlezi ni Mwenye kuhifadhi kila kitu."/>
		<aya index="22" text="Sema: Waite mnao wadaia kuwa ni badala ya Mwenyezi Mungu. Hawamiliki hata uzito wa chembe hichi katika mbingu wala ardhi. Wala hawana ushirika wowote humo. Wala Yeye hana msaidizi miongoni mwao."/>
		<aya index="23" text="Wala uombezi mbele yake hautafaa kitu, isipo kuwa kwa aliye mpa idhini. Hata itapo ondolewa khofu kwenye nyoyo zao watasema: Mola wenu Mlezi kasema nini? Watasema: Yaliyo kweli! Na Yeye ndiye Aliye juu, Mkubwa."/>
		<aya index="24" text="Sema: Ni nani anaye kuruzukuni kutoka mbinguni na kwenye ardhi? Sema: Mwenyezi Mungu! Na hakika sisi au nyinyi bila ya shaka tuko kwenye uwongofu au upotofu ulio wazi."/>
		<aya index="25" text="Sema: Nyinyi hamtaulizwa kwa makosa tuliyo yafanya, wala sisi hatutaulizwa kwa mnayo yatenda nyinyi."/>
		<aya index="26" text="Sema: Mola wetu Mlezi atatukusanya, kisha atatuhukumu kwa haki; na Yeye ndiye Hakimu Mwenye kujua."/>
		<aya index="27" text="Sema: Nionyesheni mlio waunganisha naye kuwa washirika. Hasha! Bali Yeye ndiye Mwenyezi Mungu Mwenye nguvu, Mwenye hikima."/>
		<aya index="28" text="Na hatukukutuma ila kwa watu wote, uwe mbashiri, na mwonyaji. Lakini watu wengi hawajui."/>
		<aya index="29" text="Na wanasema: Ahadi hii itakuwa lini, ikiwa nyinyi mnasema kweli?"/>
		<aya index="30" text="Sema: Nyinyi mnayo miadi ya Siku ambayo hamtaakhirika nayo kwa saa moja, wala hamtaitangulia."/>
		<aya index="31" text="Na walisema walio kufuru: Hatutaiamini Qur'ani hii, wala yaliyo kuwa kabla yake. Na ungeli waona madhaalimu watapo simamishwa mbele ya Mola wao Mlezi, wakirudishiana maneno wao kwa wao! Wanyonge wakiwaambia walio takabari: Lau kuwa si nyinyi, bila ya shaka tungeli kuwa Waumini sisi."/>
		<aya index="32" text="Walio takabari watawaambia wanyonge: Kwani sisi ndio tulio kuzuieni na uwongofu baada ya kukujieni? Bali nyinyi wenyewe ni wakosefu."/>
		<aya index="33" text="Na wanyonge wakawaambia walio takabari: Bali ni vitimbi vyenu vya usiku na mchana, mlipo kuwa mkituamrisha tumkufuru Mwenyezi Mungu, na tumfanyie washirika. Nao wataficha majuto watakapo iona adhabu. Na tutaweka makongwa shingoni mwao walio kufuru. Kwani wanalipwa ila kwa waliyo kuwa wakiyatenda?"/>
		<aya index="34" text="Na hatukumtuma mwonyaji yeyote kwenye mji, ila walisema walio jidekeza kwa starehe zao wa mji huo: Hakika sisi tunayakataa hayo mliyo tumwa nayo."/>
		<aya index="35" text="Na wakasema: Sisi tuna mali mengi zaidi na watoto, wala sisi hatutaadhibiwa."/>
		<aya index="36" text="Sema: Hakika Mola wangu Mlezi humkunjulia riziki na humdhikisha amtakaye. Lakini watu wengi hawajui."/>
		<aya index="37" text="Na si mali yenu wala watoto wenu watakao kukaribisheni kwetu muwe karibu, isipo kuwa aliye amini na akatenda mema. Hao basi watapata malipo mardufu kwa walio yafanya. Nao watakuwa salama katika maghorofa."/>
		<aya index="38" text="Na wanao jitahidi kuzipinga Ishara zetu, wakaona watashinda, hao watahudhurishwa kwenye adhabu."/>
		<aya index="39" text="Sema: Kwa hakika Mola wangu Mlezi humkunjulia riziki na humdhikisha amtakaye katika waja wake. Na chochote mtakacho kitoa Yeye atakilipa. Naye ni Mbora wa wanao ruzuku."/>
		<aya index="40" text="Na siku atakayo wakusanya wote, kisha atawaambia Malaika: Je! Hawa walikuwa wakikuabuduni?"/>
		<aya index="41" text="Waseme: Subhanak, Umetakasika. Wewe ndiye kipenzi chetu si hao. Bali wao walikuwa wakiwaabudu majini; wengi wao wakiwaamini hao."/>
		<aya index="42" text="Hii leo hataweza yeyote kumletea nafuu wala madhara mwenzie. Na tutawaambia walio dhulumu: Onjeni adhabu ya Moto mlio kuwa mkiukanusha."/>
		<aya index="43" text="Na wanapo somewa Aya zetu zilizo wazi wanasema: Huyu si chochote ila ni mtu anaye taka kukuzuieni na waliyo kuwa wakiabudu baba zenu. Na wakasema: Haya si chochote ila ni uwongo ulio zuliwa. Na walio kufuru waliiambia Haki ilipo wajia: Haya si chochote ila ni uchawi ulio dhaahiri."/>
		<aya index="44" text="Wala hatukuwapa Vitabu wavisome, wala hatukuwatumia Mwonyaji kabla yako wewe."/>
		<aya index="45" text="Na walikadhibisha walio kuwa kabla yao. Na hawakufikilia hata sehemu moja katika kumi ya tulivyo wapa hao. Nao waliwakadhibisha Mitume wangu. Basi kuangamiza kwangu kulikuwa namna gani!"/>
		<aya index="46" text="Sema: Mimi nakunasihini kwa jambo moja tu - ya kwamba msimame kwa ajili ya Mwenyezi Mungu, wawili-wawili na mmoja-mmoja; kisha mfikiri. Mwenzenu huyu hana wazimu. Yeye si chochote ila ni Mwonyaji kwenu kabla ya kufika adhabu kali."/>
		<aya index="47" text="Sema: Ujira nilio kuombeni ni wenu nyinyi. Sina ujira ila kwa Mwenyezi Mungu. Na Yeye ni Shahidi juu ya kila kitu."/>
		<aya index="48" text="Sema: Hakika Mola wangu Mlezi anaondoa upotovu kwa Haki. Yeye ndiye Mwenye kujua vyema yaliyo ghaibu."/>
		<aya index="49" text="Sema: Kweli imefika, na uwongo haujitokezi, wala haurudi."/>
		<aya index="50" text="Sema: Ikiwa mimi nimepotea, basi nimepotea kwa kudhuru nafsi yangu mwenyewe. Na ikiwa nimeongoka, basi ni kwa sababu ya kunifunulia Mola wangu Mlezi. Hakika Yeye ni Mwenye kusikia, Aliye karibu."/>
		<aya index="51" text="Na lau ungeli ona watapo babaika, basi hapana pa kukimbilia! Na watakamatwa mahala pa karibu."/>
		<aya index="52" text="Na watasema: Tunaiamini! Lakini wataipata wapi kutoka huko mahala mbali?"/>
		<aya index="53" text="Na hapo kabla yake waliikataa, na wakiyatupilia mbali maneno ya ghaibu kutoka mahali mbali."/>
		<aya index="54" text="Na watatiliwa kizuizi baina yao na hayo wanayo yatamani, kama walivyo fanyiwa wenzao zamani. Hakika hao walikuwa na shaka ya kutia wasiwasi."/>
	</sura>
	<sura index="35" name="">
		<aya index="1" text="Sifa zote njema ni za Mwenyezi Mungu, Muumba wa mbingu na ardhi, aliye wafanya Malaika kuwa wajumbe wenye mbawa, mbili-mbili, na tatu- tatu, na nne-nne. Huzidisha katika kuumba apendavyo. Hakika Mwenyezi Mungu ni Muweza juu ya kila kitu."/>
		<aya index="2" text="Rehema ambayo Mwenyezi Mungu anawafungulia watu hapana wa kuizuia. Na anayo izuia hapana wa kuipeleka isipo kuwa Yeye. Naye ndiye Mwenye nguvu, Mwenye hikima."/>
		<aya index="3" text="Enyi watu! Kumbukeni neema za Mwenyezi Mungu juu yenu. Ati yupo muumba mwengine asiye kuwa Mwenyezi Mungu anaye kupeni riziki kutoka mbinguni na kwenye ardhi? Hapana mungu ila Yeye tu. Basi wapi mnako geuzwa?"/>
		<aya index="4" text="Na wakikukanusha, basi walikwisha kanushwa Mitume kabla yako. Na mambo yote yatarudishwa kwa Mwenyezi Mungu."/>
		<aya index="5" text="Enyi watu! Hakika ahadi ya Mwenyezi Mungu ni ya kweli. Basi yasikudanganyeni maisha ya dunia, wala mdanganyifu asikudanganyeni juu ya Mwenyezi Mungu."/>
		<aya index="6" text="Hakika Shet'ani ni adui yenu, basi mfanyeni kuwa ni adui. Kwani yeye analiita kundi lake liwe katika watu wa Motoni."/>
		<aya index="7" text="Walio kufuru watakuwa na adhabu kali; na walio amini na wakatenda mema watapata msamaha na ujira mkubwa."/>
		<aya index="8" text="Je! Yule aliye pambiwa a'mali zake mbaya na akaziona ni njema - basi hakika Mwenyezi Mungu humwacha akapotea amtakaye, na humwongoa amtakaye. Basi nafsi yako isijihiliki kwa kuwasikitikia. Hakika Mwenyezi Mungu anajua wanayo yafanya."/>
		<aya index="9" text="Na Mwenyezi Mungu ndiye anaye zituma Pepo ziyatimue mawingu, nasi tukayafikisha kwenye nchi iliyo kufa, tukaifufua ardhi baada ya kufa kwake. Ndivyo kama hivyo kutakavyo kuwa kufufuliwa."/>
		<aya index="10" text="Mwenye kutaka utukufu basi utukufu wote uko kwa Mwenyezi Mungu. Kwake Yeye hupanda neno zuri, na a'mali njema Yeye huitukuza. Na wanao panga vitimbi vya maovu watapata adhabu kali. Na vitimbi vya hao vitaondokea patupu."/>
		<aya index="11" text="Na Mwenyezi Mungu amekuumbeni kutokana na udongo. Kisha kwa tone la manii. Kisha akakufanyeni mwanamume na mwanamke. Na mwanamke yeyote hachukui mimba, wala hazai, ila kwa ilimu yake. Na wala hapewi umri mwenye umri mrefu, wala hapunguziwi katika umri wake, ila yamo hayo katika Kitabu. Hakika hayo ni mepesi kwa Mwenyezi Mungu."/>
		<aya index="12" text="Na bahari mbili haziwi sawa; haya ni matamu yenye ladha, mazuri kunywa. Na haya ni ya chumvi, machungu. Na kutokana na bahari zote mnakula nyama mpya (isiyo chacha). Na mnatoa mapambo mnayo yavaa. Na unaona ndani yake marikebu zinakata maji ili mtafute fadhila zake, na ili mpate kushukuru."/>
		<aya index="13" text="Anauingiza usiku katika mchana, na anauingiza mchana katika usiku. Na amelifanya jua na mwezi kutumikia. Kila kimojapo kinakwenda kwa muda maalumu. Huyo ndiye Mwenyezi Mungu Mola wenu Mlezi. Ufalme ni wake. Na hao mnao waomba badala yake hawamiliki hata ugozi wa kokwa ya tende."/>
		<aya index="14" text="Mkiwaomba hawasikii maombi yenu; na hata wakisikia hawakujibuni. Na Siku ya Kiyama watakataa ushirikina wenu. Na hapana atakaye kupa khabari vilivyo kama Yeye Mwenye khabari."/>
		<aya index="15" text="Enyi watu! Nyinyi ndio wenye haja kwa Mwenyezi Mungu, na Mwenyezi Mungu ndiye Mwenye kujitosha, Msifiwa."/>
		<aya index="16" text="Akitaka atakuondoeni na alete viumbe vipya."/>
		<aya index="17" text="Na hilo si gumu kwa Mwenyezi Mungu."/>
		<aya index="18" text="Na mbebaji habebi mzigo wa mwingine. Na aliye topewa na mzigo wake akiomba uchukuliwe hautachukuliwa hata kidogo, na angamwomba jamaa yake. Hakika wewe unawaonya wale wanao mcha Mola wao Mlezi kwa ghaibu, na wanashika Sala. Na anaye jitakasa, basi anajitakasa kwa ajili ya nafsi yake. Na marejeo ni kwa Mwenyezi Mungu."/>
		<aya index="19" text="Na kipofu na mwenye kuona hawalingani."/>
		<aya index="20" text="Wala giza na mwangaza."/>
		<aya index="21" text="Wala kivuli na joto."/>
		<aya index="22" text="Wala hawalingani walio hai na maiti. Hakika Mwenyezi Mungu humsikilizisha amtakaye. Wala wewe si wa kuwasikilizisha walio makaburini."/>
		<aya index="23" text="Hukuwa wewe ila ni mwonyaji."/>
		<aya index="24" text="Hakika Sisi tumekutuma wewe kwa Haki, kuwa ni mbashiri na mwonyaji. Na hapana umma wowote ila ulipata mwonyaji kati yao."/>
		<aya index="25" text="Na wakikukanusha basi walikwisha wakanusha walio kuwa kabla yao. Mitume wao waliwajia kwa dalili wazi wazi na kwa maandiko na Kitabu chenye nuru."/>
		<aya index="26" text="Kisha nikawakamata walio kufuru. Basi kuchukia kwangu kulikuwaje?"/>
		<aya index="27" text="Je! Huoni kwamba Mwenyezi Mungu ameteremsha maji kutoka mbinguni, na kwayo tumeyatoa matunda yenye rangi mbali mbali. Na katika milima imo mistari myeupe na myekundu yenye rangi mbali mbali, na myeusi sana."/>
		<aya index="28" text="Na katika watu, na wanyama, na mifugo, pia rangi zao zinakhitalifiana. Kwa hakika wanao mcha Mwenyezi Mungu miongoni mwa waja wake ni wanazuoni. Hakika Mwenyezi Mungu ni Mwenye nguvu, Mwenye kusamehe."/>
		<aya index="29" text="Hakika wale wanao soma Kitabu cha Mwenyezi Mungu, na wakashika Sala, na wakatoa kwa siri na kwa dhaahiri katika tulivyo waruzuku, hao hutaraji biashara isiyo bwaga."/>
		<aya index="30" text="Ili Yeye awalipe ujira wao kwa ukamilifu, na awazidishie kutokana na fadhila zake. Hakika Yeye ni Mwenye kusamehe Mwenye shukrani."/>
		<aya index="31" text="Na hayo tuliyo kufunulia kutoka Kitabuni ni Kweli yenye kusadikisha yaliyo kuwa kabla yake. Hakika Mwenyezi Mungu kwa waja wake ni Mwenye khabari na Mwenye kuona."/>
		<aya index="32" text="Kisha tumewarithisha Kitabu hao ambao tuliwateuwa miongoni mwa waja wetu. Kati yao yupo aliye jidhulumu nafsi yake, na yupo wa katikati, na yupo aliye tangulia katika mambo ya kheri, kwa idhini ya Mwenyezi Mungu. Hiyo ndiyo fadhila kuu."/>
		<aya index="33" text="Mabustani ya milele watayaingia. Huko watavikwa vikuku vya dhahabu, na lulu, na nguo zao humo ni za hariri."/>
		<aya index="34" text="Na watasema: Alhamdulillahi, Sifa njema zote ni za Mwenyezi Mungu aliye tuondolea huzuni zote. Hakika Mola wetu Mlezi bila ya shaka ni Mwenye kusamehe, Mwenye shukrani."/>
		<aya index="35" text="Ambaye kwa fadhila yake ametuweka makao ya kukaa daima; humu haitugusi taabu wala humu hakutugusi kuchoka."/>
		<aya index="36" text="Na walio kufuru watakuwa na Moto wa Jahannamu, hawahukumiwi wakafa, wala hawatapunguziwa adhabu yake. Hivyo ndivyo tunavyo mlipa kila mwenye kuzidi ukafiri."/>
		<aya index="37" text="Na humo watapiga makelele: Mola wetu Mlezi! Tutoe tufanye mema sio yale tuliyo kuwa tukiyafanya. Kwani hatukukupeni umri wa kutosha kukumbuka mwenye kukumbuka? Na akakujieni Mwonyaji? Basi onjeni! Kwani walio dhulumu hawana wa kuwanusuru."/>
		<aya index="38" text="Kwa hakika Mwenyezi Mungu ni Mjuzi wa siri za mbinguni na ardhi. Hakika Yeye ni Mjuzi wa yaliomo vifuani."/>
		<aya index="39" text="Yeye ndiye aliye kufanyeni manaibu katika ardhi. Na anaye kufuru, basi kufuru yake ni juu yake; na kufuru za makafiri haziwazidishii kwa Mola wao Mlezi ila kuchukiwa. Wala kufuru za makafiri haziwazidishii ila khasara."/>
		<aya index="40" text="Sema: Mnawaona hawa miungu wenu wa kishirikina mnao waomba badala ya Mwenyezi Mungu! Nionyesheni wameumba sehemu gani katika ardhi? Au wana ushirika wowote katika mbingu? Au tumewapa Kitabu nao kwa hicho wakawa na hoja zilizo wazi? Lakini madhaalimu hawaahidiani wao kwa wao ila udanganyifu tu."/>
		<aya index="41" text="Hakika Mwenyezi Mungu ndiye anaye zuilia mbingu na ardhi zisiondoke. Na zikiondoka hapana yeyote wa kuzizuia isipo kuwa Yeye. Hakika Yeye ni Mpole Mwenye kusamehe."/>
		<aya index="42" text="Na waliapa kwa Mwenyezi Mungu ukomo wa kuapa kwao, kwamba akiwajia mwonyaji bila ya shaka watakuwa waongofu zaidi kuliko taifa jingine lolote. Lakini alipo wajia mwonyaji hakuwazidishia ila kuikimbia hiyo Haki,"/>
		<aya index="43" text="Kwa kutakabari kwao katika nchi, na kufanya vitimbi vya uovu. Na vitimbi viovu havimsibu ila mwenyewe aliye vifanya. Hebu hawangojei yalio wasibu watu wa kale? Basi hutapata mabadiliko katika mtindo wa Mwenyezi Mungu. Wala hutapata mageuko katika mwendo wa Mwenyezi Mungu."/>
		<aya index="44" text="Je! Hawakusafiri katika ardhi wakaona vipi ulikuwa mwisho wa walio kuwa kabla yao? Na hao walikuwa wana nguvu zaidi kuliko wao. Na hapana kitu kinacho weza kumshinda Mwenyezi Mungu mbinguni wala katika ardhi. Hakika Yeye ni Mwenye kujua, Mwenye uweza."/>
		<aya index="45" text="Na lau kuwa Mwenyezi Mungu angeli wachukulia watu kwa waliyo yachuma, basi asingeli muacha juu ya ardhi hata mnyama mmoja. Lakini Yeye anawachukulia mpaka ufike muda maalumu. Basi ukifika muda wao basi hakika Mwenyezi Mungu ni Mwenye kuwaona waja wake baraabara."/>
	</sura>
	<sura index="36" name="">
		<aya index="1" text="Ya-Sin (Y. S.)."/>
		<aya index="2" text="Kwa Haki ya Qur'ani yenye hikima!"/>
		<aya index="3" text="Hakika wewe ni miongoni mwa walio tumwa,"/>
		<aya index="4" text="Juu ya Njia Iliyo Nyooka."/>
		<aya index="5" text="Uteremsho wa Mwenye nguvu, Mwenye kurehemu."/>
		<aya index="6" text="Ili uwaonye watu ambao baba zao hawakuonywa, basi wao wamekuwa wenye kughafilika."/>
		<aya index="7" text="Bila ya shaka kauli imekwisha thibiti juu ya wengi katika wao, kwa hivyo hawaamini."/>
		<aya index="8" text="Tumeweka makongwa shingoni mwao, yakawafika videvuni. Kwa hivyo vichwa vyao viko juu tu."/>
		<aya index="9" text="Tumeweka kizuizi mbele yao, na kizuizi nyuma yao, na tumewafunika macho yao; kwa hivyo hawaoni."/>
		<aya index="10" text="Ni sawa sawa kwao ukiwaonya au usiwaonye, hawataamini."/>
		<aya index="11" text="Hakika wewe unamwonya mwenye kufuata ukumbusho, na akamcha Arrahman, Mwingi wa Rehema, kwa ghaibu. Basi mbashirie huyo msamaha na ujira mwema."/>
		<aya index="12" text="Hakika Sisi tunawafufua wafu, na tunayaandika wanayo yatanguliza, na wanayo yaacha nyuma. Na kila kitu tumekihifadhi katika daftari asli lenye kubainisha."/>
		<aya index="13" text="Na wapigie mfano wa wakaazi wa mji walipo wafikia walio tumwa."/>
		<aya index="14" text="Tulipo watumia wawili, wakawakanusha. Basi tukawazidishia nguvu kwa mwingine wa tatu. Wakasema: Hakika sisi tumetumwa kwenu."/>
		<aya index="15" text="Wakasema: Nyinyi si chochote ila ni watu kama sisi. Na Mwingi wa Rehema hakuteremsha kitu. Nyinyi mnasema uwongo tu."/>
		<aya index="16" text="Wakasema: Mola wetu Mlezi anajua kwamba hakika sisi tumetumwa kwenu."/>
		<aya index="17" text="Wala si juu yetu ila kufikisha ujumbe ulio wazi."/>
		<aya index="18" text="Wakasema: Sisi tumeagua kuwa nyinyi ni wakorofi. Ikiwa hamtaacha basi kwa yakini tutakupigeni mawe, na mtapata adhabu chungu kutoka kwetu."/>
		<aya index="19" text="Wakasema: Ukorofi wenu mnao wenyewe! Je! Ni kwa kuwa mnakumbushwa? Ama nyinyi ni watu walio pindukia mipaka."/>
		<aya index="20" text="Na akaja mtu mbio kutokea upande wa mbali wa mjini, akasema: Enyi watu wangu! Wafuateni hawa walio tumwa."/>
		<aya index="21" text="Wafuateni ambao hawakutakini ujira, hali ya kuwa wenyewe wameongoka."/>
		<aya index="22" text="NA KWA NINI nisimuabudu yule aliye niumba na kwake mtarejeshwa?"/>
		<aya index="23" text="Je! Niishike miungu mingine badala yake? Arrahmani, Mwingi wa Rehema, akinitakia madhara uombezi wa hao hautanifaa kitu, wala hawataniokoa."/>
		<aya index="24" text="Basi hakika mimi hapo nitakuwa katika upotovu ulio dhaahiri."/>
		<aya index="25" text="Hakika mimi nimemuamini Mola wenu Mlezi, basi nisikilizeni!"/>
		<aya index="26" text="Akaambiwa: Ingia Peponi! Akasema: Laiti kuwa watu wangu wangeli jua"/>
		<aya index="27" text="Jinsi Mola wangu Mlezi alivyo nisamehe, na akanifanya miongoni mwa walio hishimiwa."/>
		<aya index="28" text="Na hatukuwateremshia kaumu yake baada yake jeshi kutoka mbinguni, wala si wenye kuteremsha."/>
		<aya index="29" text="Hakukuwa ila ukelele mmoja tu; na mara walizimwa!"/>
		<aya index="30" text="Nawasikitikia waja wangu. Hawajii Mtume ila wao humkejeli."/>
		<aya index="31" text="Je! Hawaoni umma ngapi tulizo ziangamiza kabla yao? Hakika hao hawarejei tena kwao."/>
		<aya index="32" text="Na hapana mmoja ila wote watakusanywa waletwe mbele yetu."/>
		<aya index="33" text="Na Ishara hiyo kwao - ardhi iliyo kufa, nasi tukaifufua, na tukatoa ndani yake nafaka, wakawa wanazila!"/>
		<aya index="34" text="Na tukafanya ndani yake mabustani ya mitende na mizabibu, na tukatimbua chemchem ndani yake,"/>
		<aya index="35" text="Ili wale matunda yake, na hayo hayakufanywa na mikono yao! Basi je, hawashukuru?"/>
		<aya index="36" text="Subhana, Ametakasika, aliye umba dume na jike vyote katika vinavyo mea katika ardhi na katika nafsi zao, na katika wasivyo vijua."/>
		<aya index="37" text="Na usiku ni Ishara kwao. Tunauvua humo mchana, mara wao wanakuwa gizani."/>
		<aya index="38" text="Na jua linakwenda kwa kiwango chake. Hayo ni makadirio ya Mwenye nguvu, Mwenye kujua."/>
		<aya index="39" text="Na mwezi tumeupimia vituo, mpaka unakuwa kama karara kongwe."/>
		<aya index="40" text="Haliwi jua kuufikia mwezi, wala usiku kuupita mchana. Na vyote vinaogelea katika njia zao."/>
		<aya index="41" text="Na ni Ishara kwao kwamba Sisi tuliwapakia dhuriya zao katika jahazi ilio sheheni."/>
		<aya index="42" text="Na tukawaumbia kutoka mfano wake wanavyo vipanda."/>
		<aya index="43" text="Na tukitaka tunawazamisha, wala hapana wa kuwasaidia, wala hawaokolewi,"/>
		<aya index="44" text="Isipo kuwa kwa rehema zitokazo kwetu na starehe kwa muda."/>
		<aya index="45" text="Na wanapo ambiwa: Jilindeni na yalioko mbele yenu na yalioko nyuma yenu, ili mpate kurehemewa..."/>
		<aya index="46" text="Na haiwafikii Ishara yoyote katika Ishara za Mola wao Mlezi ila wao huwa ni wenye kuipuuza."/>
		<aya index="47" text="Na wanapo ambiwa: Toeni katika aliyo kupeni Mwenyezi Mungu, walio kufuru huwaambia walio amini: Je! Tuwalishe ambao Mwenyezi Mungu angependa angeli walisha mwenyewe? Nyinyi hammo ila katika upotofu ulio dhaahiri."/>
		<aya index="48" text="Na wanasema: Ahadi hii itatokea lini, ikiwa nyinyi ni wakweli?"/>
		<aya index="49" text="Hawangojei ila ukelele mmoja tu utakao wachukua nao wamo kuzozana."/>
		<aya index="50" text="Basi hawataweza kuusia, wala kwa watu wao hawarejei."/>
		<aya index="51" text="Na litapulizwa barugumu, mara watatoka makaburini wakikimbilia kwa Mola wao Mlezi."/>
		<aya index="52" text="Watasema: Ole wetu! Nani aliye tufufua kwenye malazi yetu? Haya ndiyo aliyo yaahidi Mwingi wa Rehema na wakasema kweli Mitume."/>
		<aya index="53" text="Haitakuwa ila ukelele mmoja tu, mara wote watahudhuruishwa mbele yetu."/>
		<aya index="54" text="Basi leo nafsi yoyote haitadhulumiwa kitu, wala hamtalipwa ila yale mliyo kuwa mkiyatenda."/>
		<aya index="55" text="Hakika watu wa Peponi leo wamo shughulini, wamefurahi."/>
		<aya index="56" text="Wao na wake zao wamo katika vivuli wameegemea juu ya viti vya fakhari."/>
		<aya index="57" text="Watapata humo kila namna ya matunda na watapata kila watakacho kitaka."/>
		<aya index="58" text="&quot;Salama!&quot; Hiyo ndiyo kauli itokayo kwa Mola Mlezi Mwenye kurehemu."/>
		<aya index="59" text="Na enyi wakosefu! Jitengeni leo!"/>
		<aya index="60" text="Je! Sikuagana nanyi, enyi wanaadamu, kuwa msimuabudu Shet'ani? Hakika yeye ni adui dhaahiri kwenu."/>
		<aya index="61" text="Na ya kwamba mniabudu Mimi? Hii ndiyo Njia Iliyo Nyooka."/>
		<aya index="62" text="Na bila ya shaka yeye amekwisha lipoteza kundi kubwa miongoni mwenu. Je, hamkuwa mkifikiri?"/>
		<aya index="63" text="Hii basi ndiyo Jahannamu mliyo kuwa mkiahidiwa."/>
		<aya index="64" text="Ingieni leo kwa vile mlivyo kuwa mkikufuru."/>
		<aya index="65" text="Leo tunaviziba vinywa vyao, na iseme nasi mikono yao, na itoe ushahidi miguu yao kwa waliyo kuwa wakiyachuma."/>
		<aya index="66" text="Na tungeli penda tungeli yafutilia mbali macho yao, wakawa wanaiwania njia. Lakini wange ionaje?"/>
		<aya index="67" text="Na tungeli taka tunge wageuza sura hapo hapo walipo, basi wasinge weza kwenda wala kurudi."/>
		<aya index="68" text="Na tunaye mzeesha tunamrudisha nyuma katika umbo. Basi je! hawazingatii?"/>
		<aya index="69" text="Wala hatukumfundisha (Muhammad) mashairi, wala hayatakikani kwake hayo. Haukuwa huu ila ni ukumbusho na Qur'ani inayo bainisha."/>
		<aya index="70" text="Ili imwonye aliye hai, na neno litimie juu ya makafiri."/>
		<aya index="71" text="Je! Hawaoni kwamba tumewaumbia kutokana na iliyo fanya mikono yetu wanyama wa mifugo, na wao wakawa wenye kuwamiliki."/>
		<aya index="72" text="Na Sisi tukawadhalilishia. Basi baadhi yao wako wanao wapanda, na baadhi yao wanawala."/>
		<aya index="73" text="Na wao wanapata kwao manufaa na vinywaji. Basi je, hawashukuru?"/>
		<aya index="74" text="Na wameishika miungu mingine badala ya Mwenyezi Mungu ili ati wapate kusaidiwa!"/>
		<aya index="75" text="Hawataweza kuwasaidia. Bali hao ndio watakuwa askari wao watakao hudhurishwa."/>
		<aya index="76" text="Basi maneno yao yasikuhuzunishe. Hakika Sisi tunayajua wanayo yaweka siri na wanayo yatangaza."/>
		<aya index="77" text="Kwani mwanaadamu haoni ya kwamba Sisi tumemuumba yeye kutokana na tone la manii? Kisha sasa yeye ndio amekuwa ndiye mgomvi wa dhaahiri!"/>
		<aya index="78" text="Na akatupigia mfano, na akasahau kuumbwa kwake, akasema: Ni nani huyo atakaye ihuisha mifupa nayo imekwisha mung'unyika?"/>
		<aya index="79" text="Sema: Ataihuisha huyo huyo aliye iumba hapo mara ya mwanzo. Na Yeye ni Mjuzi wa kila kuumba."/>
		<aya index="80" text="Aliye kujaalieni kupata moto kutokana na mti wa kijani nanyi mkawa kwa huo mnawasha."/>
		<aya index="81" text="Kwani aliye ziumba mbingu na ardhi hawezi kuwaumba mfano wao? Kwani! Naye ndiye Muumbaji Mkuu, Mjuzi."/>
		<aya index="82" text="Hakika amri yake anapo taka kitu ni kukiambia tu: Kuwa! Na kikawa."/>
		<aya index="83" text="Basi Ametakasika yule ambaye mkononi mwake umo Ufalme wa kila kitu; na kwake Yeye mtarejeshwa."/>
	</sura>
	<sura index="37" name="">
		<aya index="1" text="Naapa kwa wanao jipanga kwa safu."/>
		<aya index="2" text="Na kwa wenye kukataza mabaya."/>
		<aya index="3" text="Na kwa wenye kusoma Ukumbusho."/>
		<aya index="4" text="Hakika Mungu wenu bila ya shaka ni Mmoja."/>
		<aya index="5" text="Mola Mlezi wa mbingu na ardhi, na yaliyomo kati yao, na ni Mola Mlezi wa mashariki zote."/>
		<aya index="6" text="Hakika Sisi tumeipamba mbingu ya karibu kwa pambo la nyota."/>
		<aya index="7" text="Na kulinda na kila shet'ani a'si."/>
		<aya index="8" text="Wasiweze kuwasikiliza viumbe watukufu. Na wanafukuzwa huko kila upande."/>
		<aya index="9" text="Wakifurushwa. Na wanayo adhabu ya kudumu."/>
		<aya index="10" text="Isipo kuwa anaye nyakua kitu kidogo, na mara humfwatia kimondo kinacho ng'ara."/>
		<aya index="11" text="Hebu waulize: Je! Wao ni wenye umbo gumu zaidi au hao wengine tulio waumba. Hakika Sisi tuliwaumba wao kwa udongo unao nata."/>
		<aya index="12" text="Bali unastaajabu, na wao wanafanya maskhara."/>
		<aya index="13" text="Na wanapo kumbushwa hawakumbuki."/>
		<aya index="14" text="Na wanapo ona Ishara, wanafanya maskhara."/>
		<aya index="15" text="Na husema: Haya si chochote ila ni uchawi tu ulio dhaahiri."/>
		<aya index="16" text="Ati tukisha kufa na tukawa udongo na mifupa ndio kweli tutafufuliwa?"/>
		<aya index="17" text="Hata baba zetu wa zamani?"/>
		<aya index="18" text="Sema: Naam! Hali nanyi ni madhalili."/>
		<aya index="19" text="Huko utapigwa ukelele mmoja tu! Na hapo ndio wataona!"/>
		<aya index="20" text="Watasema: Ole wetu! Hii ndiyo Siku ya Malipo."/>
		<aya index="21" text="Hii ndiyo Siku ya Hukumu mliyo kuwa mkiikadhibisha."/>
		<aya index="22" text="Wakusanyeni walio dhulumu, na wake zao, na hao walio kuwa wakiwaabudu -"/>
		<aya index="23" text="Badala ya Mwenyezi Mungu. Waongozeni njia ya Jahannamu!"/>
		<aya index="24" text="Na wasimamisheni. Hakika hao watasailiwa:"/>
		<aya index="25" text="Mna nini? Mbona hamsaidiani?"/>
		<aya index="26" text="Bali hii leo, watasalimu amri."/>
		<aya index="27" text="Watakabiliana wao kwa wao kuulizana."/>
		<aya index="28" text="Watasema: Kwa hakika nyinyi mlikuwa mkitujia upande wa kulia."/>
		<aya index="29" text="Watasema (wakubwa): Bali nyinyi wenyewe hamkuwa Waumini."/>
		<aya index="30" text="Sisi hatukuwa na mamlaka juu yenu, bali nyinyi wenyewe mlikuwa wapotovu."/>
		<aya index="31" text="Basi hukumu ya Mola wetu Mlezi imekwisha tuthibitikia. Hakika bila ya shaka tutaonja tu adhabu."/>
		<aya index="32" text="Tulikupotezeni kwa sababu sisi wenyewe tulikuwa wapotovu."/>
		<aya index="33" text="Basi wao kwa hakika siku hiyo watashirikiana katika adhabu pamoja."/>
		<aya index="34" text="Hivyo ndivyo tutakavyo wafanyia wakosefu."/>
		<aya index="35" text="Wao walipo kuwa wakiambiwa La ilaha illa 'Llahu Hapana mungu ila Mwenyezi Mungu tu, wakijivuna."/>
		<aya index="36" text="Na wakisema: Hivyo sisi tuiache miungu yetu kwa ajili ya huyu mtunga mashairi mwendawazimu?"/>
		<aya index="37" text="Bali huyu amekuja kwa Haki, na amewasadikisha Mitume."/>
		<aya index="38" text="Hakika nyinyi bila ya shaka mtaionja adhabu chungu."/>
		<aya index="39" text="Wala hamlipwi ila hayo mliyo kuwa mkiyafanya."/>
		<aya index="40" text="Isipo kuwa waja wa Mwenyezi Mungu walio khitariwa."/>
		<aya index="41" text="Hao ndio watakao pata riziki maalumu,"/>
		<aya index="42" text="Matunda, nao watahishimiwa."/>
		<aya index="43" text="Katika Bustani za neema."/>
		<aya index="44" text="Wako juu ya viti wamekabiliana."/>
		<aya index="45" text="Wanazungushiwa kikombe chenye kinywaji cha chemchem"/>
		<aya index="46" text="Kinywaji cheupe, kitamu kwa wanywao."/>
		<aya index="47" text="Hakina madhara, wala hakiwaleweshi."/>
		<aya index="48" text="Na watakuwa nao wanawake wenye macho ya staha mazuri."/>
		<aya index="49" text="Hao wanawake kama mayai yaliyo hifadhika."/>
		<aya index="50" text="Waingie kuulizana wenyewe kwa wenyewe."/>
		<aya index="51" text="Aseme msemaji mmoja miongoni mwao: Hakika mimi nalikuwa na rafiki"/>
		<aya index="52" text="Aliye kuwa akinambia: Hivyo wewe ni katika wanao sadiki"/>
		<aya index="53" text="Ati tukisha kufa tukawa udongo na mafupa, ndio tutalipwa na kuhisabiwa?"/>
		<aya index="54" text="Atasema: Je! Nyie mnawaona?"/>
		<aya index="55" text="Basi atachungulia amwone katikati ya Jahannamu."/>
		<aya index="56" text="Atasema: Wallahi! Ulikaribia kunipoteza."/>
		<aya index="57" text="Na lau kuwa si neema ya Mola wangu Mlezi bila ya shaka ningeli kuwa miongoni mwa walio hudhurishwa."/>
		<aya index="58" text="Je! Sisi hatutakufa,"/>
		<aya index="59" text="Isipo kuwa kifo chetu cha kwanza? Wala sisi hatutaadhibiwa."/>
		<aya index="60" text="Hakika huku bila ya shaka ndiko kufuzu kukubwa."/>
		<aya index="61" text="Kwa mfano wa haya nawatende watendao."/>
		<aya index="62" text="Je! Kukaribishwa hivi si ndio bora, au mti wa Zaqqum?"/>
		<aya index="63" text="Hakika Sisi tumeufanya huo kuwa ni mateso kwa walio dhulumu."/>
		<aya index="64" text="Hakika huo ni mti unao toka katikati ya Jahannamu."/>
		<aya index="65" text="Mashada ya matunda yake kama kwamba vichwa vya mashet'ani."/>
		<aya index="66" text="Basi hakika bila ya shaka hao watayala hayo, na wajaze matumbo."/>
		<aya index="67" text="Kisha juu yake wanyweshwe mchanganyo wa maji yamoto yaliyo chemka."/>
		<aya index="68" text="Kisha hakika marejeo yao bila ya shaka yatakuwa kwenye Jahannamu."/>
		<aya index="69" text="Hakika waliwakuta baba zao wamepotea."/>
		<aya index="70" text="Na wao wakafanya haraka kufuata nyayo zao."/>
		<aya index="71" text="Na bila ya shaka walikwisha potea kabla yao wengi wa watu wa zamani."/>
		<aya index="72" text="Na Sisi hakika tuliwapelekea waonyaji."/>
		<aya index="73" text="Basi hebu angalia ulikuwaje mwisho wa walio onywa."/>
		<aya index="74" text="Isipo kuwa waja wa Mwenyezi Mungu walio khitariwa."/>
		<aya index="75" text="Na hakika Nuhu alitwita, na Sisi ni bora wa waitikiaji."/>
		<aya index="76" text="Na tulimwokoa yeye na ahali zake kutokana na msiba mkubwa."/>
		<aya index="77" text="Na tuliwajaalia dhuriya zake ndio wenye kubakia."/>
		<aya index="78" text="Na tukamwachia (sifa njema) kwa walio kuja baadaye."/>
		<aya index="79" text="Iwe salama kwa Nuhu ulimwenguni kote!"/>
		<aya index="80" text="Kwa hakika hivi ndivyo tunavyo walipa wanao fanya mema."/>
		<aya index="81" text="Hakika yeye ni katika waja wetu walio amini."/>
		<aya index="82" text="Kisha tukawazamisha wale wengine."/>
		<aya index="83" text="Na hakika Ibrahim alikuwa katika kundi lake,"/>
		<aya index="84" text="Alipo mjia Mola wake Mlezi kwa moyo mzima."/>
		<aya index="85" text="Alimwambia baba yake na watu wake: Mnaabudu nini?"/>
		<aya index="86" text="Kwa kuzua tu mnataka miungu mingine badala ya Mwenyezi Mungu?"/>
		<aya index="87" text="Mnamdhania nini Mola Mlezi wa walimwengu wote?"/>
		<aya index="88" text="Kisha akapiga jicho kutazama nyota."/>
		<aya index="89" text="Akasema: Hakika mimi ni mgonjwa!"/>
		<aya index="90" text="Nao wakamwacha, wakampa kisogo."/>
		<aya index="91" text="Basi akaiendea miungu yao kwa siri, akaiambia: Mbona hamli?"/>
		<aya index="92" text="Mna nini hata hamsemi?"/>
		<aya index="93" text="Kisha akaigeukia kuipiga kwa mkono wa kulia."/>
		<aya index="94" text="Basi wakamjia upesi upesi."/>
		<aya index="95" text="Akasema: Hivyo mnaviabudu vitu mnavyo vichonga wenyewe?"/>
		<aya index="96" text="Na hali Mwenyezi Mungu ndiye aliye kuumbeni nyinyi na hivyo mnavyo vifanya!"/>
		<aya index="97" text="Wakasema: Mjengeeni jengo, na kisha mtupeni motoni humo!"/>
		<aya index="98" text="Basi walitaka kumfanyia vitimbi, lakini tukawafanya wao ndio wa chini."/>
		<aya index="99" text="Na akasema: Hakika mimi nahama, nakwenda kwa Mola wangu Mlezi; Yeye ataniongoa."/>
		<aya index="100" text="Ewe Mola wangu Mlezi! Nitunukie aliye miongoni mwa watenda mema."/>
		<aya index="101" text="Basi tukambashiria mwana aliye mpole."/>
		<aya index="102" text="Basi alipo fika makamo ya kwenda na kurudi pamoja naye, alimwambia: Ewe mwanangu! Hakika mimi nimeona usingizini kuwa ninakuchinja. Basi angalia wewe, waonaje? Akasema: Ewe baba yangu! Tenda unavyo amrishwa, utanikuta mimi, Inshallah, katika wanao subiri."/>
		<aya index="103" text="Basi wote wawili walipo jisalimisha, na akamlaza juu ya kipaji."/>
		<aya index="104" text="Tulimwita: Ewe Ibrahim!"/>
		<aya index="105" text="Umekwisha itimiliza ndoto. Hakika hivi ndivyo tunavyo walipa wanao tenda mema."/>
		<aya index="106" text="Hakika haya ni majaribio yaliyo dhaahiri."/>
		<aya index="107" text="Basi tukamtolea fidia kwa dhabihu mtukufu."/>
		<aya index="108" text="Na tukamwachia (sifa njema) kwa watu walio kuja baadaye."/>
		<aya index="109" text="Iwe salama kwa Ibrahim!"/>
		<aya index="110" text="Hivi ndivyo tunavyo walipa wanao fanya mema."/>
		<aya index="111" text="Hakika yeye ni katika waja wetu walio amini."/>
		<aya index="112" text="Na tukambashiria kuzaliwa Is-haqa, naye ni Nabii miongoni mwa watu wema."/>
		<aya index="113" text="Na tukambarikia yeye na Is-haqa. Na miongoni mwa dhuriya zao walitokea wema na wenye kudhulumu nafsi zao waziwazi."/>
		<aya index="114" text="Na kwa hakika tuliwafanyia hisani Musa na Haruni."/>
		<aya index="115" text="Na tukawaokoa wao na watu wao kutokana na dhiki kubwa."/>
		<aya index="116" text="Na tukawanusuru; na wakawa wao ndio wenye kushinda."/>
		<aya index="117" text="Na tukawapa wawili hao Kitabu kinacho bainisha."/>
		<aya index="118" text="Na tukawaongoa kwenye Njia Iliyo Nyooka."/>
		<aya index="119" text="Na tukawaachia (sifa njema) katika watu walio kuja baadaye."/>
		<aya index="120" text="Iwe salama kwa Musa na Haruni!"/>
		<aya index="121" text="Hakika hivyo ndivyo tunavyo walipa walio wema."/>
		<aya index="122" text="Hakika wawili hao ni katika waja wetu walio amini."/>
		<aya index="123" text="Na hakika Ilyas bila ya shaka alikuwa miongoni mwa Mitume."/>
		<aya index="124" text="Alipo waambia watu wake: Hamwogopi?"/>
		<aya index="125" text="Mnamwomba Baa'li na mnamwacha Mbora wa waumbaji,"/>
		<aya index="126" text="Mwenyezi Mungu, Mola Mlezi wenu na Mola Mlezi wa baba zenu wa zamani?"/>
		<aya index="127" text="Wakamkadhibisha. Basi kwa hakika watahudhurishwa;"/>
		<aya index="128" text="Isipo kuwa waja wa Mwenyezi Mungu walio safishwa."/>
		<aya index="129" text="Na tumemwachia (sifa nzuri) kwa walio kuja baadaye."/>
		<aya index="130" text="Iwe salama kwa Ilyas."/>
		<aya index="131" text="Hakika hivyo ndivyo tunavyo walipa walio wema."/>
		<aya index="132" text="Hakika yeye ni katika waja wetu walio amini."/>
		<aya index="133" text="Na hakika Lut'i bila ya shaka ni miongoni mwa Mitume."/>
		<aya index="134" text="Tulipo mwokoa yeye na ahali zake wote,"/>
		<aya index="135" text="Isipo kuwa mwanamke mkongwe katika wale walio bakia nyuma."/>
		<aya index="136" text="Kisha tukawaangamiza wale wengineo."/>
		<aya index="137" text="Na hakika nyinyi mnawapitia wakati wa asubuhi,"/>
		<aya index="138" text="Na usiku. Basi je! Hamyatii akilini?"/>
		<aya index="139" text="Na hakika Yunus alikuwa miongoni mwa Mitume."/>
		<aya index="140" text="Alipo kimbia katika jahazi lilio sheheni."/>
		<aya index="141" text="Akaingia katika kupigiwa kura, na akawa katika walio shindwa."/>
		<aya index="142" text="Samaki akammeza hali ya kuwa ni mwenye kulaumiwa."/>
		<aya index="143" text="Na ingeli kuwa hakuwa katika wanao mtakasa Mwenyezi Mungu,"/>
		<aya index="144" text="Bila ya shaka angeli kaa ndani yake mpaka siku ya kufufuliwa."/>
		<aya index="145" text="Lakini tulimtupa ufukweni patupu, hali yu mgonjwa."/>
		<aya index="146" text="Na tukauotesha juu yake mmea wa kabila ya mung'unye."/>
		<aya index="147" text="Na tulimtuma kwa watu laki moja au zaidi."/>
		<aya index="148" text="Basi wakaamini, na tukawastarehesha kwa muda."/>
		<aya index="149" text="Basi waulize: Ati Mola wako Mlezi ndiye mwenye watoto wa kike, na wao wanao watoto wa kiume?"/>
		<aya index="150" text="Au tumewaumba Malaika kuwa ni wanawake, na wao wakashuhudia?"/>
		<aya index="151" text="Ati ni kwa uzushi wao ndio wanasema:"/>
		<aya index="152" text="Mwenyezi Mungu amezaa! Ama hakika bila ya shaka hao ni waongo!"/>
		<aya index="153" text="Ati amekhiari watoto wa kike kuliko wanaume?"/>
		<aya index="154" text="Mna nini? Mnahukumu vipi nyinyi?"/>
		<aya index="155" text="Hamkumbuki?"/>
		<aya index="156" text="Au mnayo hoja iliyo wazi?"/>
		<aya index="157" text="Basi leteni Kitabu chenu kama mnasema kweli."/>
		<aya index="158" text="Na wameweka makhusiano ya nasaba baina yake na majini; na majini wamekwisha jua bila ya shaka kuwa wao watahudhurishwa."/>
		<aya index="159" text="Subhana 'Llah Ametakasika Mwenyezi Mungu na hayo wanayo msingizia."/>
		<aya index="160" text="Isipo kuwa waja wa Mwenyezi Mungu walio safishwa."/>
		<aya index="161" text="Basi hakika nyinyi na mnao waabudu"/>
		<aya index="162" text="Hamwezi kuwapoteza"/>
		<aya index="163" text="Isipo kuwa yule atakaye ingia Motoni."/>
		<aya index="164" text="Na hapana katika sisi ila anapo mahali pake maalumu."/>
		<aya index="165" text="Na hakika bila ya shaka sisi ndio wajipangao safu."/>
		<aya index="166" text="Na hakika sisi ndio wenye kusabihi kutakasa."/>
		<aya index="167" text="Na walikuwapo walio kuwa wakisema:"/>
		<aya index="168" text="Tungeli kuwa na Ukumbusho kama wa watu wa zamani,"/>
		<aya index="169" text="Bila ya shaka tungeli kuwa ni waja wa Mwenyezi Mungu wenye ikhlasi."/>
		<aya index="170" text="Lakini waliukataa. Basi watakuja jua."/>
		<aya index="171" text="Na bila ya shaka neno letu lilikwisha tangulia kwa waja wetu walio tumwa."/>
		<aya index="172" text="Ya kuwa wao bila ya shaka ndio watakao nusuriwa."/>
		<aya index="173" text="Na kwamba jeshi letu ndilo litakalo shinda."/>
		<aya index="174" text="Basi waachilie mbali kwa muda."/>
		<aya index="175" text="Na watazame, nao wataona."/>
		<aya index="176" text="Je! Wanaihimiza adhabu yetu?"/>
		<aya index="177" text="Basi itakapo shuka uwanjani kwao, itakuwa asubuhi mbaya kwa walio onywa."/>
		<aya index="178" text="Na waache kwa muda."/>
		<aya index="179" text="Na tazama, na wao wataona."/>
		<aya index="180" text="Subhana Rabbi'l'Izzat Ametakasika Mola Mlezi Mwenye enzi na yale wanayo mzulia."/>
		<aya index="181" text="Na Salamu juu ya Mitume."/>
		<aya index="182" text="Na sifa njema zote ni za Mwenyezi Mungu Mola Mlezi wa walimwengu wote."/>
	</sura>
	<sura index="38" name="">
		<aya index="1" text="S'ad, Naapa kwa Qur'ani yenye mawaidha."/>
		<aya index="2" text="Lakini walio kufuru wamo katika majivuno na upinzani"/>
		<aya index="3" text="Mataifa mangapi tumeyaangamiza kabla yao, na wakapiga kelele, lakini wakati wa kuokoka ulikwisha pita."/>
		<aya index="4" text="Na walistaajabu kuwajia mwonyaji anaye tokana nao wenyewe, na makafiri wakasema: Huyu ni mchawi, mwongo."/>
		<aya index="5" text="Amewafanya miungu wote kuwa ni Mungu Mmoja tu? Hakika hili ni jambo la ajabu."/>
		<aya index="6" text="Na wakaondoka wakubwa wao wakiwaambia: Nendeni zenu na dumuni na miungu yenu, kwani hili ni jambo lililo pangwa."/>
		<aya index="7" text="Sisi hatukusikia haya katika mila hii ya mwisho. Haya si chochote ila ni uzushi tu."/>
		<aya index="8" text="Ati yeye tu ndiye aliye teremshiwa mawaidha peke yake katika sisi? Lakini hao wana shaka na mawaidha yangu, bali hawajaionja adhabu yangu."/>
		<aya index="9" text="Au wanazo wao khazina za rehema za Mola wako Mlezi, Mwenye nguvu, Mpaji?"/>
		<aya index="10" text="Au wao wana ufalme wa mbingu na ardhi na viliomo kati yao? Basi nawazipande njia za kwendea huko!"/>
		<aya index="11" text="Hao ni askari watao shindwa miongoni mwa makundi yatayo shindwa."/>
		<aya index="12" text="Walikanusha kabla yao kaumu ya Nuhu, na kina A'adi na Firauni mwenye majengo."/>
		<aya index="13" text="Na Thamud na kaumu Lut'i na watu wa Machakani. Hayo ndiyo makundi."/>
		<aya index="14" text="Hao wote waliwakadhibisha Mitume; basi wakastahiki adhabu yangu."/>
		<aya index="15" text="Na hawa hawangojei ila ukelele mmoja tu usio na muda."/>
		<aya index="16" text="Na wao husema: Mola wetu Mlezi! Tuletee upesi sehemu yetu ya adhabu kabla ya Siku ya Hisabu."/>
		<aya index="17" text="Subiri kwa hayo wayasemayo, na umkumbuke mja wetu Daudi, mwenye nguvu. Hakika yeye alikuwa mwingi wa kutubia."/>
		<aya index="18" text="Hakika tuliidhalilisha milima pamoja naye ikisabihi jioni na asubuhi pamoja naye."/>
		<aya index="19" text="Na pia ndege walio kusanywa makundi kwa makundi; wote walikuwa wanyenyekevu kwake."/>
		<aya index="20" text="Na tukautia nguvu ufalme wake, na tukampa hikima, na kukata hukumu."/>
		<aya index="21" text="Na je! Imekufikia khabari ya wagombanao walipo pindukia ukuta kuingia chumbani?"/>
		<aya index="22" text="Walipo muingilia Daudi, naye akawaogopa. Wakasema: Usiogope! Sisi ni wagombanao wawili, mmoja wetu amemdhulumu mwenziwe. Basi tuhukumu kwa haki, wala usipendelee. Na utuongoe kwenye njia iliyo sawa."/>
		<aya index="23" text="Hakika huyu ndugu yangu ana kondoo wa kike tisiini na tisa; na mimi ninaye kondoo mke mmoja. Akasema: Nipe huyo nikufugie! Na amenishinda kwa maneno."/>
		<aya index="24" text="Akasema: Kweli amekudhulumu kwa kumtaka kondoo wako mmoja kuongezea kwenye kondoo wake. Na hakika washirika wengi hudhulumiana wao kwa wao, isipo kuwa walio amini na wakatenda mema. Na hao ni wachache. Na Daudi akajua kuwa tumemfanyia mtihani. Basi akamwomba msamaha Mola wake Mlezi, na akaanguka kusujudu na kutubia."/>
		<aya index="25" text="Basi tukamsamehe kwa hayo. Naye kwa hakika anao mkaribisho mkubwa na marejeo mazuri kwetu."/>
		<aya index="26" text="Ewe Daudi! Hakika Sisi tumekufanya wewe uwe Khalifa katika nchi. Basi wahukumu watu kwa haki, wala usifuate matamanio yakakupoteza kwenye Njia ya Mwenyezi Mungu. Hakika wanao ipotea Njia ya Mwenyezi Mungu wakaiacha, watapata adhabu kali kwa sababu ya kusahau kwao Siku ya Hisabu."/>
		<aya index="27" text="Na hatukuziumba mbingu na ardhi na viliomo ndani yao bure. Hiyo ni dhana ya walio kufuru. Ole wao walio kufuru kwa Moto utao wapata."/>
		<aya index="28" text="Je! Tuwafanye walio amini na wakatenda mema kama wafanyao uharibifu katika nchi? Au tuwafanye wachamngu kama waovu?"/>
		<aya index="29" text="Na hiki Kitabu, tumekuteremshia wewe, kimebarikiwa, ili wazizingatie Aya zake, na wawaidhike wenye akili."/>
		<aya index="30" text="Na Daudi tukamtunukia Suleiman. Alikuwa mja mwema. Na hakika alikuwa mwingi wa kutubia."/>
		<aya index="31" text="Alipo pelekewa jioni farasi wasimamao kidete, tayari kutoka shoti;"/>
		<aya index="32" text="Basi akasema: Navipenda vitu vizuri kwa kumkumbuka Mola wangu Mlezi. Kisha wakafichikana nyuma ya boma."/>
		<aya index="33" text="(Akasema:) Nirudishieni! Akaanza kuwapapasa miguu na shingo."/>
		<aya index="34" text="Na tulimtia mtihanini Suleiman, na tukauweka mwili juu ya kiti chake, kisha akarejea kwa kutubu."/>
		<aya index="35" text="Akasema: Mola wangu Mlezi! Nisamehe na unipe ufalme usio mwelekea yeyote baada yangu. Hakika Wewe ndiye Mpaji."/>
		<aya index="36" text="Basi tukaufanya upepo umtumikie, ukenda kwa amri yake, popote alipo taka kufika."/>
		<aya index="37" text="Na tukayafanya mashet'ani yamtumikie, wote wajenzi na wapiga mbizi."/>
		<aya index="38" text="Na wengine wafungwao kwa minyororo."/>
		<aya index="39" text="Hichi ndicho kipawa chetu. Basi toa au zuia, bila ya hisabu."/>
		<aya index="40" text="Na hakika yeye kwetu Sisi ana cheo cha kukaribishwa kwetu, na pahala pazuri pa kurejea."/>
		<aya index="41" text="Na mkumbuke mja wetu Ayubu alipo mwita Mola wake Mlezi akasema: Kwa hakika Shet'ani amenifikishia udhia na adhabu."/>
		<aya index="42" text="(Akaambiwa:) Piga-piga ardhi kwa mguu wako! Basi haya maji baridi ya kuogea na ya kunywa."/>
		<aya index="43" text="Na tukampa ahali zake na wengine kama wao pamoja nao, kuwa ni rehema itokayo kwetu, na iwe kumbusho kwa watu wenye akili."/>
		<aya index="44" text="Na shika kicha cha vijiti tu mkononi mwako, kisha ndio upigie nacho, wala usivunje kiapo. Hakika tulimkuta mwenye subira, mbora wa waja, kwa hakika alikuwa mwingi wa kutubu."/>
		<aya index="45" text="Na wakumbuke waja wetu, Ibrahim na Is-haqa na Yaa'qubu walio kuwa na nguvu na busara."/>
		<aya index="46" text="Sisi tumewakhusisha wao kwa sifa ya ukumbusho wa Akhera."/>
		<aya index="47" text="Na hakika wao kwetu sisi ni wateuliwa walio bora."/>
		<aya index="48" text="Na mkumbuke Ismail na Alyasaa na Dhulkifli, na wote hao ni katika walio bora."/>
		<aya index="49" text="Huu ni ukumbusho. Na hakika wachamngu wana marudio mazuri."/>
		<aya index="50" text="Bustani za milele zitazo funguliwa milango yao kwa ajili yao."/>
		<aya index="51" text="Humo wataegemea matakia, wawe wanaagiza humo matunda mengi na vinywaji."/>
		<aya index="52" text="Na pamoja nao wake zao wenye kutuliza macho, hirimu zao."/>
		<aya index="53" text="Haya ndiyo mliyo ahidiwa kwa Siku ya Hisabu."/>
		<aya index="54" text="Hakika hii ndiyo riziki yetu isiyo malizika."/>
		<aya index="55" text="Ndio hivi! Na hakika wenye kuasi bila ya shaka watapata marudio maovu kabisa;"/>
		<aya index="56" text="Nayo ni Jahannamu! Wataingia humo. Nacho hicho ni kitanda kiovu mno cha kulalia."/>
		<aya index="57" text="Ndio hivi! Basi na wayaonje maji ya moto na ya usaha!"/>
		<aya index="58" text="Na adhabu nyenginezo za namna hii."/>
		<aya index="59" text="Hili ndilo kundi litakalo ingia pamoja nanyi. Hapana makaribisho mema kwao. Hakika hao wanaingia Motoni."/>
		<aya index="60" text="Waseme: Lakini nyinyi! Hamna mapokezi mazuri! Nyinyi ndio mlio tusabibisha haya, napo ni pahala paovu kabisa!"/>
		<aya index="61" text="Waseme: Mola wetu Mlezi! Aliye tusabibisha haya mzidishie adhabu mara mbili Motoni."/>
		<aya index="62" text="Watasema: Tuna nini hata hatuwaoni wale watu ambao tukiwahisabu ndio katika waovu?"/>
		<aya index="63" text="Tulikosea tulipo wafanyia maskhara, au macho yetu tu hayawaoni?"/>
		<aya index="64" text="Hakika hayo bila ya shaka ndiyo makhasimiano ya watu wa Motoni."/>
		<aya index="65" text="Sema: Hakika mimi ni mwonyaji tu; na hapana mungu ila Mwenyezi Mungu Mmoja, Mtenda nguvu,"/>
		<aya index="66" text="Mola Mlezi wa mbingu na ardhi na viliomo baina yake, Mwenye nguvu, Mwenye kusamehe."/>
		<aya index="67" text="Sema: Hii ni khabari kubwa kabisa."/>
		<aya index="68" text="Ambayo nyinyi mnaipuuza."/>
		<aya index="69" text="Sikuwa na ilimu ya mambo ya viumbe wakuu watukufu walipo kuwa wakishindana."/>
		<aya index="70" text="Haikufunuliwa kwangu isipo kuwa ya kwamba hakika mimi ni mwonyaji dhaahiri."/>
		<aya index="71" text="Mola wako Mlezi alipo waambia Malaika: Hakika Mimi nitaumba mtu kutokana na udongo."/>
		<aya index="72" text="Na nitakapo mkamilisha na kumpulizia roho inayo tokana nami, basi muangukieni kwa kumt'ii."/>
		<aya index="73" text="Basi Malaika wakat'ii wote pamoja."/>
		<aya index="74" text="Isipo kuwa Iblisi; alijivuna na akawa katika makafiri."/>
		<aya index="75" text="Mwenyezi Mungu akamwambia: Ewe Iblisi! Kipi kilicho kuzuia kumt'ii yule niliye muumba kwa mikono yangu? Je! Umejiona mkubwa, au umekuwa katika wakuu kweli?"/>
		<aya index="76" text="Akasema: Mimi ni bora kuliko yeye. Umeniumba kwa moto, na yeye umemuumba kwa udongo."/>
		<aya index="77" text="Akasema: Basi toka humo, kwani hakika wewe umelaanika."/>
		<aya index="78" text="Na hakika laana yangu itakuwa juu yako mpaka Siku ya Malipo."/>
		<aya index="79" text="Akasema: Mola wangu Mlezi! Nipe muhula mpaka siku watayo fufuliwa viumbe."/>
		<aya index="80" text="Mwenyezi Mungu akasema: Basi umekwisha kuwa miongoni mwa walio pewa muhula,"/>
		<aya index="81" text="Mpaka siku ya wakati maalumu."/>
		<aya index="82" text="Akasema (Iblisi): Naapa kwa utukufu wako, bila ya shaka nitawapoteza wote,"/>
		<aya index="83" text="Isipo kuwa wale waja wako miongoni mwao walio khitariwa."/>
		<aya index="84" text="Akasema: Haki! Na haki ninaisema."/>
		<aya index="85" text="Bila ya shaka nitaijaza Jahannamu kwa wewe na kwa hao wote wenye kukufuata miongoni mwao."/>
		<aya index="86" text="Sema (Ewe Mtume): Sikuombeni ujira juu ya haya, wala mimi si katika wadanganyifu."/>
		<aya index="87" text="Hayakuwa haya ila ni mawaidha kwa walimwengu wote."/>
		<aya index="88" text="Na bila ya shaka mtajua khabari zake baada ya muda."/>
	</sura>
	<sura index="39" name="">
		<aya index="1" text="Mteremsho wa Kitabu hiki umetokana na Mwenyezi Mungu, Mwenye nguvu, Mwenye hikima."/>
		<aya index="2" text="Hakika Sisi tumekuteremshia Kitabu hiki kwa Haki. Basi muabudu Mwenyezi Mungu ukimsafia Dini Yeye tu."/>
		<aya index="3" text="Hakika Dini Safi ni ya Mwenyezi Mungu tu. Na wale wanao wafanya wenginewe kuwa ni walinzi wakisema: Sisi hatuwaabudu ila wapate kutujongeza tu kumkaribia Mwenyezi Mungu - Hakika Mwenyezi Mungu atahukumu baina yao katika wanayo khitalifiana. Hakika Mwenyezi Mungu hamwongoi aliye mwongo kafiri."/>
		<aya index="4" text="Lau kuwa Mwenyezi Mungu angeli taka kuwa na mwana, basi bila ya shaka angeli teua amtakaye katika alio waumba. Subhanahu, Ametakasika na hayo! Yeye ni Mwenyezi Mungu Mmoja, Mtenda atakalo."/>
		<aya index="5" text="Ameumba mbingu na ardhi kwa Haki. Hufunika usiku juu ya mchana, na hufunika mchana juu ya usiku. Na amefanya jua na mwezi vitumike. Kila kimojapo kinakwenda kwa kipindi kilicho wekewa. Jueni mtanabahi! Yeye ndiye Mwenye nguvu, Mwenye kusamehe!"/>
		<aya index="6" text="Amekuumbeni kutokana na nafsi moja. Kisha akamfanya mwenziwe katika nafsi ile ile. Na akakuleteeni wanyama wa mifugo jozi nane. Anakuumbeni katika matumbo ya mama zenu, umbo baada ya umbo, katika viza vitatu. Huyu ndiye Mwenyezi Mungu Mola wenu Mlezi. Ufalme ni wake. Hapana mungu isipo kuwa Yeye. Basi nyinyi mnageuzwa wapi?"/>
		<aya index="7" text="Mkikufuru basi Mwenyezi Mungu si mwenye haja nanyi, lakini hafurahii kufuru kwa waja wake. Na mkishukuru Yeye hufurahika nanyi. Wala mbebaji habebi mzigo wa mwingine. Kisha marejeo yenu ni kwa Mola wenu Mlezi. Hapo atakwambieni mliyo kuwa mkiyafanya. Hakika Yeye ni Mwenye kuyajua vyema yaliyomo vifuani."/>
		<aya index="8" text="Na taabu inapo mfikia mtu humwomba Mola wake Mlezi naye ameelekea kwake. Kisha akimpa neema kutoka kwake, husahau yale aliyo kuwa akimwitia zamani, na akamfanyia Mwenyezi Mungu washirika ili apoteze watu njia yake. Sema: Starehe na ukafiri wako kwa muda mchache. Kwani hakika wewe utakuwa miongoni mwa watu wa Motoni."/>
		<aya index="9" text="Je! Afanyae ibada nyakati za usiku kwa kusujudu na kusimama akitahadhari na Akhera, na akitaraji rehema za Mola wake Mlezi... Sema: Ati watakuwa sawa wale wanao jua na wale wasio jua? Hakika wanao kumbuka ni watu wenye akili."/>
		<aya index="10" text="Sema: Enyi waja wangu mlio amini! Mcheni Mola wenu Mlezi. Wale wafanyao wema katika dunia hii watapata wema. Na ardhi ya Mwenyezi Mungu ni kunjufu. Hakika wenye subira watapewa ujira wao bila ya hisabu."/>
		<aya index="11" text="Sema: Hakika mimi nimeamrishwa nimuabudu Mwenyezi Mungu kwa kumsafishia Dini Yeye tu."/>
		<aya index="12" text="Na nimeamrishwa niwe wa mwanzo wa Waislamu."/>
		<aya index="13" text="Sema: Hakika mimi ninaogopa adhabu ya Siku Kubwa nikimuasi Mola wangu Mlezi."/>
		<aya index="14" text="Sema: Mwenyezi Mungu tu namuabudu kwa kumsafishia Yeye tu Dini yangu."/>
		<aya index="15" text="Basi nyinyi abuduni mpendacho badala yake Yeye. Sema: Hakika walio khasirika ni wale walio jikhasiri nafsi zao na ahali zao Siku ya Kiyama. Tambueni kuwa hiyo ndiyo khasara iliyo dhaahiri."/>
		<aya index="16" text="Yatawekwa juu yao mat'abaka ya moto, na chini yao mat'abaka. Kwa hayo Mwenyezi Mungu anawakhofisha waja wake. Enyi waja wangu! Nicheni Mimi!"/>
		<aya index="17" text="Na wale wanao jiepusha na ibada potovu, na wakarejea kwa Mwenyezi Mungu, watapata bishara njema. Basi wabashirie waja wangu."/>
		<aya index="18" text="Ambao husikiliza maneno, wakafuata lilio bora yao. Hao ndio alio waongoa Mwenyezi Mungu, na hao ndio wenye akili."/>
		<aya index="19" text="Je! Yule mwenye kustahiki hukumu ya adhabu, je, wewe unaweza kumwokoa aliyomo katika Moto?"/>
		<aya index="20" text="Lakini walio mcha Mola wao Mlezi watapata ghorofa zilizo jengwa juu ya ghorofa; chini yake hupita mito. Ndiyo ahadi ya Mwenyezi Mungu. Mwenyezi Mungu havunji ahadi yake."/>
		<aya index="21" text="Je! Huoni kwamba Mwenyezi Mungu ameteremsha maji kutoka mbinguni. Kisha akayapitisha kwenye chemchem katika ardhi, kisha kwa maji hayo akatoa mimea yenye rangi mbali mbali? Kisha hunyauka ukaiona imekuwa kimanjano, na kisha huifanya mapepe. Bila ya shaka katika hayo upo ukumbusho kwa wenye akili."/>
		<aya index="22" text="Je! Yule ambaye Mwenyezi Mungu amemfungulia kifua chake kwa Uislamu, na akawa yuko kwenye nuru itokayo kwa Mola wake Mlezi (ni sawa na mwenye moyo mgumu?) Basi ole wao wenye nyoyo ngumu zisio mkumbuka Mwenyezi Mungu! Hao wamo katika upotofu wa dhaahiri."/>
		<aya index="23" text="Mwenyezi Mungu ameteremsha hadithi nzuri kabisa, Kitabu chenye kufanana na kukaririwa; husisimua kwacho ngozi za wenye kumkhofu Mola wao Mlezi. Kisha ngozi zao na nyoyo zao hulainika kwa kumkumbuka Mwenyezi Mungu. Huo ndio uwongofu wa Mwenyezi Mungu, na kwa huo humwongoa amtakaye. Na ambaye ameachwa na Mwenyezi Mungu kupotea, basi hapana wa kumwongoa."/>
		<aya index="24" text="Je! Atakaye kuwa anapambana kwa uso wake na adhabu mbaya kabisa Siku ya Kiyama (ni sawa na watenda wema?) Na wataambiwa wenye kudhulumu: Onjeni hayo mliyo kuwa mkiyachuma!"/>
		<aya index="25" text="Walio kuwa kabla yao walikadhibisha, na ikawajia adhabu kutoka pahala wasipo patambua."/>
		<aya index="26" text="Basi Mwenyezi Mungu akawaonjesha hizaya katika uhai wa duniani. Na bila ya shaka adhabu ya Akhera ni kubwa zaidi; laiti wangeli jua!"/>
		<aya index="27" text="Na bila ya shaka tumewapigia watu mifano ya kila namna katika hii Qur'ani ili wapate kukumbuka."/>
		<aya index="28" text="Qur'ani ya Kiarabu isiyo na upogo, ili wamche Mungu."/>
		<aya index="29" text="Mwenyezi Mungu amepiga mfano wa mtu mwenye mabwana washirika wanao gombana, na wa mtu mwengine aliye khusika na bwana mmoja tu. Je! Wako sawa katika hali zao? Alhamdulillahi, Sifa njema zote ni za Mwenyezi Mungu! Lakini wengi wao hawajui."/>
		<aya index="30" text="Kwa hakika wewe utakufa, na wao watakufa."/>
		<aya index="31" text="Kisha bila ya shaka mtagombana Siku ya Kiyama mbele ya Mola wenu Mlezi."/>
		<aya index="32" text="BASI NI NANI dhaalimu mkubwa kuliko yule aliye msingizia uwongo Mwenyezi Mungu na kuikanusha kweli imfikiapo? Je! Siyo katika Jahannamu makaazi ya hao makafiri?"/>
		<aya index="33" text="Na aliye ileta Kweli na akaithibitisha - hao ndio wachamngu."/>
		<aya index="34" text="Watapata watakacho taka kwa Mola wao Mlezi. Hayo ndiyo malipo ya watendao mema."/>
		<aya index="35" text="Ili Mwenyezi Mungu awafutie ukomo wa uovu walio ufanya na awalipe ujira wao kwa mujibu wa ukomo wa wema walio kuwa wakiutenda."/>
		<aya index="36" text="Je! Mwenyezi Mungu si wa kumtosheleza mja wake? Na ati wanakutishia kwa hao wenginewe wasio kuwa Yeye! Na aliye hukumiwa na Mwenyezi Mungu kupotea hana wa kumwongoa."/>
		<aya index="37" text="Na ambaye Mwenyezi Mungu anamwongoa hana wa kumpotoa. Je! Mwenyezi Mungu si Mwenye nguvu anaye weza kulipiza?"/>
		<aya index="38" text="Na ukiwauliza: Ni nani aliye ziumba mbingu na ardhi. Bila ya shaka watasema: Mwenyezi Mungu. Sema: Je! Mnawaonaje wale mnao waomba badala ya Mwenyezi Mungu, ikiwa Mwenyezi Mungu akitaka kunidhuru, wao wanaweza kuniondolea dhara yake? Au akitaka kunirehemu, je, wao wanaweza kuzuia rehema yake? Sema: Mwenyezi Mungu ananitosheleza. Kwake Yeye wategemee wanao tegemea."/>
		<aya index="39" text="Sema: Enyi watu wangu! Fanyeni mwezavyo, mimi pia nafanya. Basi mtakuja ona"/>
		<aya index="40" text="Ni nani itakaye mfikia adhabu ya kumhizi, na itakaye mshukia adhabu ya daima."/>
		<aya index="41" text="Hakika Sisi tumekuteremshia Kitabu kwa ajili ya watu wote kwa Haki. Basi mwenye kuongoka ni kwa nafsi yake, na mwenye kupotoka bila ya shaka amepotoka kwa khasara yake. Na wewe si mlinzi juu yao."/>
		<aya index="42" text="MWENYEZI MUNGU huzipokea roho zinapo kufa. Na zile zisio kufa wakati wa kulala kwake, huzishika zilizo hukumiwa kufa, na huzirudisha nyengine mpaka ufike wakati uliowekwa. Hakika katika hayo bila ya shaka zipo Ishara kwa watu wanao fikiri."/>
		<aya index="43" text="Au ndio wanachukua waombezi badala ya Mwenyezi Mungu? Sema: Ingawa hawana mamlaka juu ya kitu chochote, wala hawatambui lolote?"/>
		<aya index="44" text="Sema: Uombezi wote uko kwa Mwenyezi Mungu. Ni wake Yeye tu ufalme wa mbingu na ardhi. Kisha mtarejeshwa kwake."/>
		<aya index="45" text="Na anapo tajwa Mwenyezi Mungu peke yake nyoyo za wasio iamini Akhera huchafuka. Na wanapo tajwa wenginewe asiye kuwa Yeye basi wao hufurahi."/>
		<aya index="46" text="Sema: Ewe Mwenyezi Mungu! Muumba mbingu na ardhi! Mjuzi wa yasiyo onekana na yanayo onekana! Wewe utahukumu baina ya waja wako katika waliyo kuwa wakikhitalifiana."/>
		<aya index="47" text="Na lau kuwa walio dhulumu wangeli kuwa na vyote viliomo duniani na pamoja navyo vingine kama hivyo, bila ya shaka wangeli vitoa kujikomboa katika adhabu mbaya hiyo Siku ya Kiyama. Na yatawadhihirikia kwa Mwenyezi Mungu wasiyo kuwa wakiyatarajia."/>
		<aya index="48" text="Na utawadhihirikia ubaya wa waliyo yachuma, yatawazunguka waliyo kuwa wakiyafanyia mzaha."/>
		<aya index="49" text="Na dhara inapo mgusa mtu hutuomba. Kisha tunapo mpa neema zitokazo kwetu, husema: Nimepewa haya kwa sababu ya ilimu yangu. Sio! Huo ni mtihani! Lakini wengi wao hawajui!"/>
		<aya index="50" text="Waliyasema haya waliyo kuwa kabla yao, lakini hayakuwafaa waliyo kuwa wakiyachuma."/>
		<aya index="51" text="Basi ukawasibu uovu wa waliyo yachuma. Na wale walio dhulumu miongoni mwa hawa utawasibu uovu wa waliyo yachuma vile vile. Nao si wenye kushinda."/>
		<aya index="52" text="Kwani wao hawajui kwamba Mwenyezi Mungu humkunjulia riziki amtakaye na akamkadiria? Hakika katika haya bila ya shaka zipo Ishara kwa watu wanao amini."/>
		<aya index="53" text="Sema: Enyi waja wangu walio jidhulumu nafsi zao! Msikate tamaa na rehema ya Mwenyezi Mungu. Hakika Mwenyezi Mungu husamehe dhambi zote. Hakika Yeye ni Mwenye kusamehe, Mwenye kurehemu."/>
		<aya index="54" text="Na rejeeni kwa Mola wenu Mlezi, na silimuni kwake, kabla ya kukujieni adhabu. Kisha hapo hamtanusuriwa."/>
		<aya index="55" text="Na fuateni yaliyo bora kabisa katika yale yaliyo teremshwa kwenu kutoka kwa Mola wenu Mlezi, kabla haijakujieni adhabu kwa ghafla, na hali hamtambui."/>
		<aya index="56" text="Isije ikasema nafsi: Ee majuto yangu kwa yale niliyo poteza upande wa Mwenyezi Mungu, na hakika nilikuwa miongoni mwa wanao fanya maskhara!"/>
		<aya index="57" text="Au ikasema: Ingeli kuwa Mwenyezi Mungu ameniongoa, bila ya shaka ningeli kuwa miongoni mwa wenye kumchamngu."/>
		<aya index="58" text="Au ikasema inapo ona adhabu: Lau kuwa ningeli pata fursa nyengine, ningeli kuwa miongoni mwa wafanya mema."/>
		<aya index="59" text="Wapi! Bila ya shaka zilikujia Ishara zangu, nawe ukazikadhibisha, na ukajivuna, na ukawa miongoni mwa makafiri!"/>
		<aya index="60" text="Na Siku ya Kiyama utawaona walio msingizia uwongo Mwenyezi Mungu nyuso zao zimesawijika. Je! Si katika Jahannamu makaazi ya wanao takabari?"/>
		<aya index="61" text="Na Mwenyezi Mungu atawaokoa wenye kujikinga kwa ajili ya kufuzu kwao. Hapana uovu utao wagusa, wala hawatahuzunika."/>
		<aya index="62" text="Mwenyezi Mungu ndiye Muumba wa kila kitu, na Yeye ndiye Mlinzi juu ya kila kitu."/>
		<aya index="63" text="Yeye anazo funguo za mbingu na ardhi. Na wale walio zikataa Ishara za Mwenyezi Mungu, hao ndio wenye kukhasiri."/>
		<aya index="64" text="Sema: Je! Mnaniamrisha nimuabudu asiye kuwa Mwenyezi Mungu, enyi majaahili?"/>
		<aya index="65" text="Na kwa yakini yamefunuliwa kwako na kwa walio kuwa kabla yako: Bila ya shaka ukimshirikisha Mwenyezi Mungu a'mali zako zitaanguka, na lazima utakuwa miongoni mwa wenye kukhasiri."/>
		<aya index="66" text="Bali muabudu Mwenyezi Mungu tu, na uwe miongoni mwa wenye kushukuru."/>
		<aya index="67" text="Na wala hawakumhishimu Mwenyezi Mungu kama anavyo stahiki kadiri yake. Na Siku ya Kiyama ardhi yote itakuwa mkononi mwake, na mbingu zitakunjwa katika mkono wake wa kuume. Subhanahu wa Taa'la Ametakasika na Ametukuka na hayo wanayo mshirikisha nayo."/>
		<aya index="68" text="Na litapulizwa barugumu, wazimie waliomo mbinguni na waliomo katika ardhi, isipo kuwa aliye mtaka Mwenyezi Mungu. Kisha litapulizwa mara nyengine. Hapo watainuka wawe wanangojea."/>
		<aya index="69" text="Na ardhi itang'ara kwa Nuru ya Mola wake Mlezi, na Kitabu kitawekwa, na wataletwa Manabii na mashahidi, na patahukumiwa baina yao kwa haki, wala hawatadhulumiwa."/>
		<aya index="70" text="Na kila nafsi italipwa kwa yale iliyo yafanya, na Yeye anayajua sana wanayo yatenda."/>
		<aya index="71" text="Na walio kufuru wataongozwa kuendea Jahannamu kwa makundi. Mpaka watakapo ifikia itafunguliwa milango yake, na walinzi wake watawaambia: Kwani hawakukujilieni Mitume miongoni mwenu wakikusomeeni Aya za Mola wenu Mlezi na kukuonyeni mkutano wa siku yenu hii? Watasema: Kwani! Lakini limekwisha thibiti neno la adhabu juu ya makafiri."/>
		<aya index="72" text="Itasemwa: Ingieni milango ya Jahannamu mdumu humo. Basi nayo ni ubaya ulioje wa makaazi ya wanao takabari!"/>
		<aya index="73" text="Na walio mcha Mola wao Mlezi wataongozwa kuendea Peponi kwa makundi, mpaka watakapo fikilia, nayo milango yake imekwisha funguliwa. Walinzi wake watawaambia: Salaam Alaikum, Amani iwe juu yenu! Mmet'ahirika. Basi ingieni humu mkae milele."/>
		<aya index="74" text="Nao watasema: Alhamdulillah, Sifa njema zote ni za Mwenyezi Mungu aliye tutimizia ahadi yake, na akaturithisha ardhi, tunakaa katika Bustani popote tupendapo. Basi ni malipo mazuri yaliyoje ya watendao!"/>
		<aya index="75" text="Na utawaona Malaika wakizunguka pembeni mwa Kiti cha enzi cha Mwenyezi Mungu, wakimtakasa na kumsifu Mola wao Mlezi. Na patahukumiwa baina yao kwa haki na patasemwa: Sifa zote njema ni za Mwenyezi Mungu, Mola Mlezi wa viumbe vyote!"/>
	</sura>
	<sura index="40" name="">
		<aya index="1" text="H'a, Mim."/>
		<aya index="2" text="Uteremsho wa Kitabu umetoka kwa Mwenyezi Mungu Mwenye nguvu, Mwenye kujua."/>
		<aya index="3" text="Anaye samehe dhambi na anaye pokea toba, Mkali wa kuadhibu, Mwenye ukarimu, hakuna mungu ila Yeye; marejeo ni kwake."/>
		<aya index="4" text="Hawazibishi Ishara za Mwenyezi Mungu ila walio kufuru; basi kusikughuri wewe kutanga tanga kwao katika nchi."/>
		<aya index="5" text="Kabla yao walikadhibisha kaumu ya Nuhu na makundi mengine baada yao. Na kila taifa lilikuwa na hamu juu ya Mtume wao wamkamate. Na walibishana kwa upotovu ili kuipindua haki. Kwa hivyo niliwakamata. Basi ilikuwaje adhabu yangu!"/>
		<aya index="6" text="Namna hivi limewathibitikia makafiri neno la Mola wako Mlezi ya kwamba wao ni watu wa Motoni."/>
		<aya index="7" text="Wale wanao beba A'rshi, na wanao izunguka, wanamsabihi na kumhimidi Mola wao Mlezi, na wanamuamini, na wanawaombea msamaha walio amini kwa kusema: Mola wetu Mlezi! Umekienea kila kitu kwa rehema na ujuzi. Basi wasamehe walio tubu na wakaifuata Njia yako, na waepushe na adhabu ya Jahannamu."/>
		<aya index="8" text="Mola wetu Mlezi! Na waingize katika Bustani za Milele ulizo waahidi. Na uwape haya pia wale walio fanya mema miongoni mwa wazee wao na wake zao na dhuriya zao. Hakika Wewe ni Mwenye nguvu, Mwenye hikima."/>
		<aya index="9" text="Na waepushe na maovu; kwani umwepushaye maovu siku hiyo, hakika umemrehemu; na huko ndiko kufuzu kukubwa."/>
		<aya index="10" text="Kwa hakika wale walio kufuru watanadiwa: Bila ya shaka kukuchukieni Mwenyezi Mungu ni kukubwa kuliko kujichukia nyinyi nafsi zenu, mlipo kuwa mnaitwa kwenye Imani nanyi mkakataa."/>
		<aya index="11" text="Watasema: Mola wetu Mlezi! Umetufisha mara mbili, na umetuhuisha mara mbili! Basi tunakiri madhambi yetu. Basi je, ipo njia ya kutoka?"/>
		<aya index="12" text="Hayo ni hivyo kwa sababu mlikuwa akiombwa Mwenyezi Mungu peke yake mnakataa. Na akishirikishwa mnaamini. Basi hukumu ni ya Mwenyezi Mungu Mtukufu Mkuu."/>
		<aya index="13" text="Yeye ndiye anaye kuonyesheni Ishara zake, na anakuteremshieni kutoka mbinguni riziki. Na hapana anaye kumbuka ila anaye rejea."/>
		<aya index="14" text="Basi mwombeni Mwenyezi Mungu mkimsafia Dini Yeye tu, na wangachukia makafiri."/>
		<aya index="15" text="Yeye ndiye Mwenye vyeo vya juu, Mwenye A'rshi. Hupeleka Roho kwa amri yake juu ya amtakaye katika waja wake, ili kuonya kwa Siku ya Mkutano."/>
		<aya index="16" text="Siku watakayo dhihiri wao. Hapana kitacho fichikana chochote chao kwa Mwenyezi Mungu. Ufalme ni wa nani leo? Ni wa Mwenyezi Mungu Mmoja Mtenda nguvu."/>
		<aya index="17" text="Leo kila nafsi italipwa kwa iliyo chuma. Hapana dhulma leo. Hakika Mwenyezi Mungu ni Mwepesi wa kuhisabu."/>
		<aya index="18" text="Na waonye siku inayo kurubia, wakati nyoyo zitakapo fika kooni, nao wamejaa huzuni. Madhaalimu hawatakuwa na rafiki, wala mwombezi wa kuitikiwa."/>
		<aya index="19" text="(Mwenyezi Mungu) anajua khiyana ya macho na yanayo ficha vifua."/>
		<aya index="20" text="Na Mwenyezi Mungu huhukumu kwa haki; lakini hao wanao waomba badala yake hawahukumu chochote. Hakika Mwenyezi Mungu ndiye Mwenye kusikia Mwenye kuona."/>
		<aya index="21" text="Kwani hawatembei katika ardhi wakaona jinsi ulivyo kuwa mwisho wa walio kuwa kabla yao? Hao walikuwa wamewazidi hawa kwa nguvu na athari katika nchi. Na Mwenyezi Mungu aliwatia mkononi kwa sababu ya madhambi yao. Na wala hapakuwa wa kuwalinda na Mwenyezi Mungu."/>
		<aya index="22" text="Hayo ni kwa sababu walikuwa wanawajia Mitume wao kwa hoja zilizo wazi, lakini wakawakataa, ndipo Mwenyezi Mungu akawakamata. Bila ya shaka Yeye ni Mwenye nguvu, Mkali wa kuadhibu."/>
		<aya index="23" text="Na kwa yakini tulimtuma Musa pamoja na Ishara zetu na uthibitisho ulio wazi,"/>
		<aya index="24" text="Kumwendea Firauni na Hamana na Qaruni, wakasema: Huyu ni mchawi, mwongo mkubwa."/>
		<aya index="25" text="Basi alipo waletea Haki inayo toka kwetu, walisema: Waueni watoto wanaume wa wale walio muamini na wawacheni hai wanawake wao. Na haviwi vitimbi vya makafiri ila katika upotovu."/>
		<aya index="26" text="Na Firauni akasema: Niachieni nimuuwe Musa, naye amwite Mola wake Mlezi! Mimi nachelea asije kubadilishieni dini yenu, au akatangaza uharibifu katika nchi."/>
		<aya index="27" text="Na Musa akasema: Mimi najikinga kwa Mola wangu Mlezi na Mola wenu Mlezi anilinde na kila mwenye jeuri asiye iamini Siku ya Hisabu."/>
		<aya index="28" text="Na akasema mtu mmoja Muumini, aliye kuwa mmoja katika watu wa Firauni aliye ficha Imani yake: Mtamuuwa mtu kwa sababu anasema Mola wangu Mlezi ni Mwenyezi Mungu? Na hali naye amekujieni na hoja zilizo wazi? Na akiwa yeye mwongo basi uwongo wake ni juu yake mwenyewe, na akiwa mkweli yatakufikieni baadhi ya hayo anayo kuahidini. Hakika Mwenyezi Mungu hamwongoi apindukiaye mipaka, mwongo mkubwa."/>
		<aya index="29" text="Enyi watu wangu! Leo mna ufalme, mmeshinda katika nchi; basi ni nani atakaye nisaidia kutuokoa na adhabu ya Mwenyezi Mungu kama ikitufikia? Firauni akasema: Sikupeni shauri ila ile niliyo iona, wala sikuongozeni ila kwenye njia ya uwongofu."/>
		<aya index="30" text="Na akasema yule aliye amini: Enyi watu wangu! Hakika mimi nakukhofieni mfano wa siku za makundi,"/>
		<aya index="31" text="Mfano wa hali ya watu wa Nuhu na A'di na Thamudi na wale wa baada yao. Na Mwenyezi Mungu hataki kuwadhulumu waja."/>
		<aya index="32" text="Na enyi watu wangu! Hakika mimi nakukhofieni Siku ya mayowe."/>
		<aya index="33" text="Siku mtakapo geuka kurudi nyuma. Hamtakuwa na wa kukulindeni kwa Mwenyezi Mungu. Na mwenye kuhukumiwa na Mwenyezi Mungu kupotea, basi huyo hana wa kumwongoa."/>
		<aya index="34" text="Na alikwisha wajieni Yusuf zamani kwa dalili zilizo wazi, lakini nyinyi mliendelea katika shaka kwa yale aliyo kuleteeni; mpaka alipo kufa mkasema: Mwenyezi Mungu hataleta kabisa Mtume baada yake. Kama hivyo Mwenyezi Mungu humwacha kupotea anaye pindukia mipaka katika maasi anaye jitia shaka."/>
		<aya index="35" text="Hao ambao wanajadiliana katika Ishara za Mwenyezi Mungu pasipo ushahidi wowote ulio wafikia, ni chukizo kubwa mbele ya Mwenyezi Mungu na mbele ya walio amini. Hivi ndivyo Mwenyezi Mungu apigavyo muhuri juu ya kila moyo wa jeuri anaye jivuna."/>
		<aya index="36" text="Na Firauni akasema: Ewe Hamana! Nijengee mnara ili nipate kuzifikia njia,"/>
		<aya index="37" text="Njia za mbinguni ili nikamwone Mungu wa Musa. Na kwa hakika mimi bila ya shaka namjua kuwa ni mwongo tu. Na hivi ndivyo Firauni alivyo pambiwa ubaya wa vitendo vyake, na akazuiliwa Njia. Na vitimbi vya Firauni havikuwa ila katika kuangamia tu."/>
		<aya index="38" text="Na yule aliye amini alisema: Enyi watu wangu! Nifuateni mimi, nitakuongozeni njia ya uwongozi mwema."/>
		<aya index="39" text="Enyi watu wangu! Hakika haya maisha ya dunia ni starehe ipitayo tu, na hakika Akhera ndiyo nyumba ya daima."/>
		<aya index="40" text="Mwenye kutenda uovu hatalipwa ila sawa na huo uwovu wake, na anaye tenda wema, akiwa mwanamume au mwanamke, naye ni Muumini, basi hao wataingia Peponi, waruzukiwe humo bila ya hisabu."/>
		<aya index="41" text="Na enyi watu wangu! Kwa nini mimi nakuiteni kwenye uwokofu, nanyi mnaniita kwenye Moto?"/>
		<aya index="42" text="Mnaniita nimkufuru Mwenyezi Mungu na nimshirikishe na yule ambaye simjui, nami nakuiteni kwa Mwenye nguvu Mwenye kusamehe?"/>
		<aya index="43" text="Bila ya shaka mnaye niitia kumuabudu hastahiki wito duniani wala Akhera. Na hakika marejeo yetu ni kwa Mwenyezi Mungu. Na wanao pindukia mipaka ndio watu wa Motoni!"/>
		<aya index="44" text="Basi mtayakumbuka ninayo kuambieni. Nami namkabidhi Mwenyezi Mungu mambo yangu. Hakika Mwenyezi Mungu anawaona waja wake."/>
		<aya index="45" text="Basi Mwenyezi Mungu akamlinda na ubaya wa hila walizo zifanya. Na adhabu mbaya itawazunguka watu wa Firauni."/>
		<aya index="46" text="Wanaonyeshwa Moto asubuhi na jioni. Na itapo fika Saa ya Kiyama patasemwa: Waingizeni watu wa Firauni katika adhabu kali kabisa!"/>
		<aya index="47" text="Na watapo hojiana huko Motoni, wanyonge watawaambia walio jitukuza: Hakika sisi tulikuwa wafuasi wenu, basi je, hamtuondolei sehemu ya huu Moto?"/>
		<aya index="48" text="Watasema walio jitukuza: Hakika sote sisi tumo humo humo! Kwani Mwenyezi Mungu kesha hukumu baina ya waja!"/>
		<aya index="49" text="Na walio Motoni watawaambia walinzi wa Jahannamu: Mwombeni Mola wenu Mlezi atupunguzie walau siku moja ya adhabu."/>
		<aya index="50" text="Nao watasema: Je! Hawakuwa wakikufikieni Mitume wenu kwa hoja zilio wazi? Watasema: Kwani? Watasema: Basi ombeni! Na maombi ya makafiri hayawi ila ni kupotea bure."/>
		<aya index="51" text="Hakika bila ya shaka Sisi tunawanusuru Mitume wetu na walio amini katika uhai wa duniani na siku watapo simama Mashahidi,"/>
		<aya index="52" text="Siku ambayo hautawafaa madhaalimu udhuru wao, nao watapata laana, na watapata makaazi mabaya kabisa."/>
		<aya index="53" text="Na kwa hakika tulimpa Musa uwongofu, na tukawarithisha Wana wa Israili Kitabu,"/>
		<aya index="54" text="Ambacho ni Uwongofu na Ukumbusho kwa wenye akili."/>
		<aya index="55" text="Basi subiri. Hakika ahadi ya Mwenyezi Mungu ni kweli. Na omba msamaha kwa dhambi zako, na umtakase Mola wako Mlezi kwa kumhimidi jioni na asubuhi."/>
		<aya index="56" text="Hakika hao wanao bishana katika Ishara za Mwenyezi Mungu bila ya uthibitisho wowote uliyo wajia, hawana vifuani mwao ila kutaka ukubwa tu, na wala huo hawaufikilii. Basi jikinge kwa Mwenyezi Mungu. Hakika Yeye ni Mwenye kusikia, Mwenye kuona."/>
		<aya index="57" text="Bila ya shaka kuumba mbingu na ardhi ni kukubwa zaidi kuliko kuwaumba watu. Lakini watu wengi hawajui."/>
		<aya index="58" text="Na kipofu na mwenye kuona hawalingani; na walio amini na watendao mema hawalingani na muovu. Ni machache mnayo yakumbuka."/>
		<aya index="59" text="Hakika Saa (ya Kiyama) itafika, nayo haina shaka. Lakini watu wengi hawaamini."/>
		<aya index="60" text="Na Mola wenu Mlezi anasema: Niombeni nitakuitikieni. Kwa hakika wale ambao wanajivuna na kuniabudu Mimi wataingia Jahannamu wadhalilike."/>
		<aya index="61" text="Mwenyezi Mungu aliye kufanyieni usiku ili mpate kutulia humo, na mchana wa kuonea. Hakika Mwenyezi Mungu bila ya shaka ni Mwenye fadhila juu ya watu, lakini watu wengi hawashukuru."/>
		<aya index="62" text="Huyo ndiye Mwenyezi Mungu Mola wenu Mlezi, Muumba wa kila kitu. Hapana mungu ila Yeye; basi mnageuzwa wapi?"/>
		<aya index="63" text="Namna hivi ndivyo walivyo geuzwa walio kuwa wakizikataa Ishara za Mwenyezi Mungu."/>
		<aya index="64" text="Ni Mwenyezi Mungu aliye kufanyieni ardhi kuwa ni pahala pa kukaa, na mbingu kuwa dari. Na akakutieni sura, na akazifanya nzuri sura zenu, na akakuruzukuni vitu vizuri. Huyo ndiye Mwenyezi Mungu Mola wenu Mlezi. Basi ametukuka Mwenyezi Mungu Mola Mlezi wa walimwengu wote."/>
		<aya index="65" text="Yeye ndiye aliye Hai - hapana mungu isipo kuwa Yeye. Basi muabuduni Yeye mkimsafishia Dini Yeye. Sifa njema zote ni za Mwenyezi Mungu, Mola Mlezi wa walimwengu wote."/>
		<aya index="66" text="Sema: Mimi nimekatazwa kuwaabudu hao mnao waomba badala ya Mwenyezi Mungu, zilipo nijia hoja zilizo dhaahiri kutokana na Mola wangu Mlezi. Na nimeamrishwa nisilimu kwa Mola wa walimwengu wote."/>
		<aya index="67" text="Yeye ndiye aliye kuumbeni kwa udongo, kisha kwa tone la manii, kisha kwa pande la damu, kisha akakutoeni katika hali ya mtoto mchanga, kisha mpate kufikilia utu uzima, kisha mpate kuwa wazee. Na kati yenu wapo wanao kufa kabla, na ili mfikie muda ulio kwisha wekwa, na ili mpate kufahamu."/>
		<aya index="68" text="Yeye ndiye anaye huisha na anaye fisha. Akihukumu jambo liwe, basi huliambia: Kuwa! Likawa."/>
		<aya index="69" text="Je! Huwaoni wale wanao bishana katika Ishara za Mwenyezi Mungu? Wanageuziwa wapi?"/>
		<aya index="70" text="Ambao wamekanusha Kitabu na yale tuliyo watuma Mitume wetu. Basi watakuja jua."/>
		<aya index="71" text="Zitakapo kuwa pingu shingoni mwao na minyororo, huku wanabururwa"/>
		<aya index="72" text="Katika maji ya moto, kisha wanaunguzwa Motoni,"/>
		<aya index="73" text="Tena wataambiwa: Wako wapi mlio kuwa mkiwashirikisha"/>
		<aya index="74" text="Badala ya Mwenyezi Mungu? Watasema: Wametupotea, bali tangu zamani hatukuwa tukiomba kitu! Hivyo ndivyo Mwenyezi Mungu anawaachia makafiri wapotelee mbali."/>
		<aya index="75" text="Haya ni kwa sababu mlikuwa mkijitapa katika ardhi pasipo haki, na kwa sababu mlikuwa mkijishaua."/>
		<aya index="76" text="Ingieni kwenye milango ya Jahannamu, mdumu humo milele. Basi ni maovu yaliyoje makaazi ya wanao takabari!"/>
		<aya index="77" text="Basi subiri, hakika ahadi ya Mwenyezi Mungu ni ya kweli. Na ama tukikuonyesha baadhi ya yale tuliyo waahidi au tukikufisha, lakini wao watarudishwa kwetu tu."/>
		<aya index="78" text="Na bila ya shaka tuliwatuma Mitume kabla yako. Wengine katika hao tumekusimulia khabari zao, na wengine hatukukusimulia. Na haiwi Mtume alete Ishara yoyote ila kwa idhini ya Mwenyezi Mungu. Basi ikija amri ya Mwenyezi Mungu huhukumiwa kwa Haki, na hapo wapotofu watakhasiri."/>
		<aya index="79" text="Mwenyezi Mungu aliye kujaalieni nyama hoa, mifugo, ili muwapande baadhi yao, na muwale baadhi yao."/>
		<aya index="80" text="Na katika hao mnayo manufaa kadhaa wa kadhaa, na mnapata kwao haja ziliomo vifuani mwenu; na mnachukuliwa juu yao, na juu ya marikebu."/>
		<aya index="81" text="Naye anakuonyesheni Ishara zake. Basi Ishara gani za Mwenyezi Mungu mnazo zikataa?"/>
		<aya index="82" text="Kwani hawatembei katika ardhi wakaona ulikuwaje mwisho wa walio kuwa kabla yao? Wao walikuwa wengi kuliko hawa, na wamewashinda kwa nguvu na athari katika nchi. Wala hayakuwafaa hayo waliyo kuwa wakiyachuma."/>
		<aya index="83" text="Walipo wajia Mitume wao kwa dalili zilizo wazi walijitapa kwa ilimu waliyo kuwa nayo. Basi yakawazunguka waliyo kuwa wakiyafanyia maskhara."/>
		<aya index="84" text="Walipo iona adhabu yetu walisema: Tumemuamini Mwenyezi Mungu kuwa ni wa pekee, na tunaikataa miungu tuliyo kuwa tukiishirikisha naye."/>
		<aya index="85" text="Lakini imani yao haikuwa yenye kuwafaa kitu wakati ambao wamekwisha iona adhabu yetu. Huu ndio mwendo wa Mwenyezi Mungu ulio kuwa kwa waja wake. Na hapo walio kufuru walikhasiri."/>
	</sura>
	<sura index="41" name="">
		<aya index="1" text="H'a Mim"/>
		<aya index="2" text="Uteremsho huu umetoka kwa Mwingi wa rehema, Mwenye kurehemu."/>
		<aya index="3" text="Hichi ni Kitabu kilicho pambanuliwa Aya zake, cha kusomwa kwa Kiarabu kwa watu wanao jua."/>
		<aya index="4" text="Kitoacho khabari njema, na chenye kuonya. Lakini wengi katika wao wamepuuza; kwa hivyo hawasikii."/>
		<aya index="5" text="Na wakasema: Nyoyo zetu zimo katika vifuniko kwa hayo unayo tuitia, na masikio yetu yana uziwi, na baina yetu na wewe lipo pazia. Basi wewe tenda, nasi tunatenda."/>
		<aya index="6" text="Sema: Hakika mimi ni mtu kama nyinyi; inafunuliwa kwangu ya kwamba Mungu wenu ni Mungu Mmoja tu. Basi nyookeni sawa kumwendea Yeye, na mumtake msamaha, na ole wao wanao mshirikisha,"/>
		<aya index="7" text="Ambao hawatoi Zaka na wanaikataa Akhera."/>
		<aya index="8" text="Hakika wanao amini na wakatenda mema watakuwa na ujira usio na ukomo."/>
		<aya index="9" text="Sema: Hivyo nyinyi mnamkataa aliye umba ardhi katika siku mbili, na mnamfanyia washirika? Huyu ndiye Mola Mlezi wa walimwengu wote."/>
		<aya index="10" text="Na akaweka humo milima juu yake, na akabarikia humo na akakadiria humo chakula chake katika siku nne. Haya ni sawa kabisa kwa wanao uliza."/>
		<aya index="11" text="Kisha akazielekea mbingu, na zilikuwa moshi, akaziambia hizo na ardhi: Njooni, kwa khiari au kwa nguvu! Vyote viwili vikasema: Tumekuja nasi ni wat'iifu."/>
		<aya index="12" text="Basi akazifanya mbingu saba kwa siku mbili, na akazipangia kila mbingu mambo yake. Na tukaipamba mbingu ya chini kwa mataa na kwa ulinzi. Hichi ndicho kipimo cha Mwenyezi Mungu Mwenye Kujua."/>
		<aya index="13" text="Basi wakipuuza wewe sema: Nakuhadharisheni adhabu mfano wa adhabu ya A'di na Thamudi,"/>
		<aya index="14" text="Walipo wajia Mitume mbele yao na nyuma yao wakawaambia: Msimuabudu ila Mwenyezi Mungu! Wakasema: Angeli taka Mola wetu Mlezi bila ya shaka angeli wateremsha Malaika. Basi sisi hakika tunayakataa hayo mliyo tumwa."/>
		<aya index="15" text="Ama kina A'di walijivuna katika nchi bila ya haki, na wakasema: Nani aliye kuwa na nguvu kushinda sisi? Kwani wao hawakuona kwamba Mwenyezi Mungu aliye waumba ni Mwenye nguvu kushinda wao? Na wao wakawa wanazikataa Ishara zetu!"/>
		<aya index="16" text="Basi tuliwapelekea upepo wa kimbunga katika siku za ukorofi, ili tuwaonjeshe adhabu ya kuwahizi katika uhai wa duniani, na bila ya shaka adhabu ya Akhera ina hizaya zaidi, na wala wao hawatanusuriwa."/>
		<aya index="17" text="Na ama Thamudi tuliwaongoza, lakini walipenda upofu kuliko uwongofu. Basi uliwachukua moto wa adhabu ya kuwafedhehi kwa sababu ya yale waliyo kuwa wakiyachuma."/>
		<aya index="18" text="Na tukawaokoa walio amini na wakawa wanamcha-mngu."/>
		<aya index="19" text="Na siku watakapo kusanywa maadui wa Mwenyezi Mungu kwenye Moto, nao wakikgawanywa kwa makundi."/>
		<aya index="20" text="Hata watakapo ufikia Moto yatawashuhudia masikio yao, na macho yao na ngozi zao kwa waliyo kuwa wakiyatenda."/>
		<aya index="21" text="Na wao wataziambia ngozi zao: Kwa nini mmetushuhudilia? Nazo zitasema: Ametutamkisha Mwenyezi Mungu ambaye ametamkisha kila kitu! Na Yeye ndiye aliye kuumbeni mara ya kwanza, na kwake Yeye tu mtarejeshwa."/>
		<aya index="22" text="Na hamkuwa wenye kujificha hata masikio yenu, na macho yenu, na ngozi zenu, zisikushuhudilieni. Lakini mlidhani kwamba Mwenyezi Mungu hayajui mengi katika mliyo kuwa mkiyatenda."/>
		<aya index="23" text="Basi hiyo dhana yenu mliyo kuwa mkimdhania Mola wenu Mlezi. Imekuangamizeni; na mmekuwa miongoni mwa walio khasiri."/>
		<aya index="24" text="Basi wakisubiri Moto ndio maskani yao. Na wakiomba radhi hawakubaliwi."/>
		<aya index="25" text="Na tukawawekea marafiki, na wakawapambia yaliyo mbele yao na nyuma yao. Basi ikawathibitikia kauli wawe pamoja na mataifa yaliyo pita kabla yao, miongoni mwa majini na watu. Hakika hao wamekuwa ni wenye kukhasirika."/>
		<aya index="26" text="Na walio kufuru walisema: Msiisikilize Qur'ani hii, na timueni zogo, huenda mkashinda."/>
		<aya index="27" text="Basi hapana shaka tutawaonjesha hao walio kufuru adhabu kali, na hapana shaka tutawalipa malipo mabaya ya yale waliyo kuwa wakiyafanya."/>
		<aya index="28" text="Hayo ndiyo malipo ya Maadui wa Mwenyezi Mungu - Moto! Humo watakuwa na maskani ya kudumu, ndiyo malipo yao kwa sababu walikuwa wakizikataa Ishara zetu."/>
		<aya index="29" text="Na walio kufuru watasema: Mola wetu Mlezi! Tuonyeshe walio tupoteza miongoni mwa majini na watu ili tuwaweke chini ya miguu yetu, wapate kuwa miongoni wa walio chini kabisa."/>
		<aya index="30" text="Hakika walio sema: Mola wetu Mlezi ni Mwenyezi Mungu! Kisha wakanyooka sawa, hao huwateremkia Malaika wakawaambia: Msiogope, wala msihuzunike; nanyi furahini kwa Pepo mliyo kuwa mkiahidiwa."/>
		<aya index="31" text="Sisi ni vipenzi vyenu katika maisha ya dunia na katika Akhera, na humo mtapata kinacho tamaniwa na nafsi zenu, na humo mtapata mtakavyo vitaka."/>
		<aya index="32" text="Ni takrima itokayo kwa Mwenye kusamehe, Mwenye kurehemu."/>
		<aya index="33" text="Na ni nani mbora wa kusema kuliko aitaye kwa Mwenyezi Mungu na akatenda mema, na akasema: Hakika mimi ni katika Waislamu?"/>
		<aya index="34" text="Mema na maovu hayalingani. Pinga uovu kwa lilio jema zaidi. Hapo yule ambaye baina yako naye pana uadui atakuwa kama rafiki jamaa wa kukuonea uchungu."/>
		<aya index="35" text="Lakini hawapewi wema huu ila wanao subiri, wala hawapewi ila wenye bahati kubwa."/>
		<aya index="36" text="Na Shet'ani akikuchochea kwa uchochezi wewe jikinge kwa Mwenyezi Mungu. Hakika Yeye ni Mwenye kusikia, Mwenye kujua."/>
		<aya index="37" text="Na katika Ishara zake ni usiku na mchana, na jua na mwezi. Basi msilisujudie jua wala mwezi, bali msujudieni Mwenyezi Mungu aliye viumba, ikiwa nyinyi mnamuabudu Yeye tu."/>
		<aya index="38" text="Na ikiwa watajivuna, basi hao walioko kwa Mola wako Mlezi wanamtakasa Yeye usiku na mchana, na wao hawachoki."/>
		<aya index="39" text="Na katika Ishara zake ni kwamba unaiona ardhi nyonge, lakini tunapo iteremshia maji mara unaiona inataharaki na kuumuka. Bila ya shaka aliye ihuisha ardhi ndiye atakaye huisha wafu. Hakika Yeye ni Muweza wa kila kitu."/>
		<aya index="40" text="Hakika wale wanao upotoa ukweli uliomo katika Ishara zetu hawatufichikii Sisi. Je! Atakaye tupwa Motoni ni bora au atakaye kuja kwa amani Siku ya Kiyama? Tendeni mpendavyo, kwa hakika Yeye anayaona mnayo yatenda."/>
		<aya index="41" text="Kwa hakika wanayo yakataa mawaidha haya yanapo wajia (wataangamia), na haya bila ya shaka ni Kitabu chenye nguvu na utukufu."/>
		<aya index="42" text="Hautakifikia upotovu mbele yake wala nyuma yake. Kimeteremshwa na Mwenye hikima, Msifiwa."/>
		<aya index="43" text="Huambiwi ila yale yale waliyo ambiwa Mitume wa kabla yako. Hakika Mola wako Mlezi bila ya shaka ni Mwenye maghfira, na ni Mwenye adhabu chungu."/>
		<aya index="44" text="Na lau tungeli ifanya Qur'ani kwa lugha ya kigeni wangeli sema: Kwanini Aya zake haziku pambanuliwa? Yawaje lugha ya kigeni na Mtume Mwaarabu? Sema: Hii Qur'ani ni uwongofu na poza kwa wenye kuamini. Na wasio amini umo uziwi katika masikio yao, nayo kwao imezibwa hawaioni. Hao wanaitwa nao wako pahala mbali."/>
		<aya index="45" text="Na hakika tulimpa Musa Kitabu, lakini pakatokea khitilafu kati yake. Na lau kuwa halikwisha tangulia neno la Mola wako Mlezi wangeli hukumiwa. Na hakika wao wamo katika shaka yenye kuwatia wasiwasi."/>
		<aya index="46" text="Anaye tenda mema basi anajitendea mwenyewe nafsi yake, na mwenye kutenda uovu basi ni juu ya nafsi yake vile vile; wala Mola wako Mlezi si mwenye kuwadhulumu waja."/>
		<aya index="47" text="UJUZI wa kuijua Saa ya Kiyama unarudishwa kwake tu Mwenyezi Mungu. Na matunda hayatoki katika mafumba yake, wala mwanamke hachukui mimba, wala hazai, ila kwa kujua kwake. Na siku atakayo waita, akawaambia: Wako wapi washirika wangu? Hapo watasema: Tunakiri kwako ya kwamba hapana miongoni mwetu anaye shuhudia hayo."/>
		<aya index="48" text="Na wakawapotea wale walio kuwa wakiwaomba hapo kwanza, na wakawa na yakini kuwa hawana pa kukimbilia."/>
		<aya index="49" text="Mwanaadamu hachoki kuomba dua za kheri, na inapo mpata shari, mara huvunjika moyo akakata tamaa."/>
		<aya index="50" text="Na pindi tukimwonjesha rehema itokayo kwetu baada ya kumgusa dhara, bila ya shaka husema: Haya nayastahiki mimi, wala sidhani kuwa Kiyama kitakuja. Na hata nikirudishwa kwa Mola wangu Mlezi bila ya shaka nina mema yangu kwake! Basi kwa yakini tutawaelezea walio kufuru hayo waliyo yatenda, na kwa yakini tutawaonjesha adhabu ngumu."/>
		<aya index="51" text="Na tukimneemesha mwanaadamu hugeuka na kujitenga upande, na inapo mgusa shari, huwa na madua marefu marefu."/>
		<aya index="52" text="Sema: Mnaonaje! Ikiwa haya yanatoka kwa Mwenyezi Mungu, nanyi ikawa ndio mmeyakataa, ni nani aliye potea zaidi kuliko aliye katika upinzani wa mbali?"/>
		<aya index="53" text="Tutawaonyesha Ishara zetu katika upeo wa mbali na katika nafsi zao wenyewe mpaka iwabainikie kwamba haya ni kweli. Je! Haikutoshi kwamba Mola wako Mlezi kuwa Yeye ni Shahidi wa kila kitu?"/>
		<aya index="54" text="Ama wao wamo katika shaka ya kukutana na Mola wao Mlezi! Ama hakika Yeye amekizunguka kila kitu."/>
	</sura>
	<sura index="42" name="">
		<aya index="1" text="H'a Mim"/>
		<aya index="2" text="A'yn Sin Qaf"/>
		<aya index="3" text="Hivi ndivyo Mwenyezi Mungu Mwenye nguvu na Mwenye hikima anavyo kuletea Wahyi wewe na walio kabla yako."/>
		<aya index="4" text="Ni vyake viliomo mbinguni, na viliomo katika ardhi. Na Yeye ndiye Mtukufu, Mkuu."/>
		<aya index="5" text="Zinakaribia mbingu kupasuka juu huko, na Malaika wakimtakasa Mola wao Mlezi na kumhimidi, na wakiwaombea maghfira waliomo kwenye ardhi. Ama hakika Mwenyezi Mungu ni Mwenye kusamehe, Mwenye kurehemu."/>
		<aya index="6" text="Na wale walio wafanya walinzi wengine badala yake Yeye, Mwenyezi Mungu ni Mwangalizi juu yao. Wala wewe si wakili juu yao."/>
		<aya index="7" text="Na namna hivi tumekufunulia Qur'ani kwa Kiarabu ili uwaonye watu wa Mama wa Miji na walio pembezoni mwake. Na uhadharishe na Siku ya Mkutano, haina shaka hiyo. Kundi moja litakuwa Peponi, na kundi jengine Motoni."/>
		<aya index="8" text="Na Mwenyezi Mungu angeli penda ange wafanya wote umma mmoja, lakini anamwingiza katika rehema yake amtakaye. Na wenye kudhulumu hawana mlinzi wala msaidizi."/>
		<aya index="9" text="Au wamechukua walinzi wengine badala yake! Lakini Mwenyezi Mungu ndiye Mlinzi khasa. Na Yeye ndiye anaye huisha wafu. Na Yeye ndiye Mweza wa kila kitu."/>
		<aya index="10" text="Na mkikhitalifiana katika jambo lolote, basi hukumu yake iko kwa Mwenyezi Mungu. Huyo Mwenyezi Mungu ndiye Mola wangu Mlezi, ninaye mtegemea na kwake Yeye narejea."/>
		<aya index="11" text="Yeye ndiye Muumba mbingu na ardhi, amekujaalieni mke na mume katika nafsi zenu, na katika nyama hoa dume na jike, anakuzidishieni namna hii. Hapana kitu kama mfano wake. Naye ni Mwenye kusikia Mwenye kuona."/>
		<aya index="12" text="Yeye ndiye Mwenye funguo za mbingu na ardhi. Humkunjulia riziki amtakaye, na humpimia amtakaye. Hakika Yeye ni Mjuzi wa kila kitu."/>
		<aya index="13" text="Amekuamrisheni Dini ile ile aliyo muusia Nuhu na tuliyo kufunulia wewe, na tuliyo wausia Ibrahim na Musa na Isa, kwamba shikeni Dini wala msifarikiane kwayo. Ni magumu kwa washirikina hayo unayo waitia. Mwenyezi Mungu humteua kwake amtakaye, na humwongoa kwake aelekeaye."/>
		<aya index="14" text="Na hawakufarikiana ila baada ya kuwajia ilimu kwa sababu ya husuda iliyo kuwa baina yao. Na lau kuwa haikwisha tangulia kauli kutoka kwa Mola wako Mlezi ya kuakhirisha mpaka muda maalumu, basi bila ya shaka palingeli hukumiwa baina yao. Na hakika walio rithishwa Kitabu baada yao wanakitilia shaka inayo wahangaisha."/>
		<aya index="15" text="Basi kwa haya waite! Nawe simama sawa sawa kama ulivyo amrishwa, wala usiyafuate matamanio yao. Na sema: Naamini aliyo teremsha Mwenyezi Mungu katika Vitabu. Na nimeamrishwa nifanye uadilifu baina yenu. Mwenyezi Mungu ni Mola wetu Mlezi, na Mola wenu Mlezi. Sisi tuna jukumu kwa vitendo vyetu, na nyinyi mna jukumu kwa vitendo vyenu. Hapana kuhojiana baina yetu na nyinyi. Na Mwenyezi Mungu atatukusanya pamoja, na marejeo ni kwake."/>
		<aya index="16" text="Na wanao hojiana juu ya Mwenyezi Mungu baada ya kukubaliwa, hoja za hawa ni baat'ili mbele ya Mola wao Mlezi, na juu yao ipo ghadhabu, na itakuwa kwao adhabu kali."/>
		<aya index="17" text="Mwenyezi Mungu ndiye aliye teremsha Kitabu kwa Haki, na Mizani. Na nini kitakacho kujuulisha ya kwamba pengine Saa ya Kiyama ipo karibu?"/>
		<aya index="18" text="Wasio amini huihimiza hiyo Saa ifike upesi; lakini wanao amini wanaiogopa, na wanajua kwamba hakika hiyo ni kweli. Ama kwa hakika hao wanao bishana katika khabari za hiyo Saa wamo katika upotofu wa mbali kabisa."/>
		<aya index="19" text="Mwenyezi Mungu ni Mpole kwa waja wake. Humruzuku ampendaye. Naye ni Mwenye nguvu, Mtukufu."/>
		<aya index="20" text="Mwenye kutaka mavuno ya Akhera tutamzidishia katika mavuno yake, na mwenye kutaka mavuno ya duniani tutampa katika hayo, lakini katika Akhera hana fungu."/>
		<aya index="21" text="Au hao wana miungu ya kishirikina walio watungia dini asiyo itolea idhini Mwenyezi Mungu? Na lau lisinge kuwako neno la kupambanua basi wangeli katiwa hukumu baina yao. Na hakika wenye kudhulumu watapata adhabu chungu."/>
		<aya index="22" text="Utawaona hao madhaalimu wanavyo kuwa na khofu kwa sababu ya waliyo yachuma, nayo yatawafika tu. Na walio amini na wakatenda mema watakuwamo katika mabustani ya Peponi. Humo watapata wayatakayo kwa Mola wao Mlezi. Hiyo ndiyo fadhila kubwa."/>
		<aya index="23" text="Hayo ndiyo aliyo wabashiria Mwenyezi Mungu waja wake walio amini na wakatenda mema. Sema: Sikuombeni malipo yoyote kwenu ila mapenzi katika kujikurubisha. Na anaye fanya wema tutamzidishia wema. Hakika Mwenyezi Mungu ni Msamehevu Mwenye shukrani."/>
		<aya index="24" text="Ati wanasema: Amemzulia Mwenyezi Mungu uwongo? Mwenyezi Mungu akipenda atapiga muhuri juu ya moyo wako. Na Mwenyezi Mungu anaufuta upotofu na anaithibitisha Haki kwa maneno yake. Hakika Yeye anayajua yaliomo vifuani."/>
		<aya index="25" text="Naye ndiye anaye pokea toba kwa waja wake, na anasamehe makosa, na anayajua mnayo yatenda."/>
		<aya index="26" text="Na anawaitikia wanao amini na wakatenda mema, na anawazidishia fadhila zake. Na makafiri watakuwa na adhabu chungu."/>
		<aya index="27" text="Na lau kuwa Mwenyezi Mungu angeli wakunjulia riziki waja wake, basi bila ya shaka wangeli panda kiburi katika dunia. Lakini anaiteremsha kwa kipimo akitakacho. Hakika Yeye anawajua vyema waja wake na anawaona."/>
		<aya index="28" text="Naye ndiye anaye iteremsha mvua baada ya wao kwisha kata tamaa, na hueneza rehema yake. Naye ndiye Mlinzi Mwenye kuhimidiwa."/>
		<aya index="29" text="Na katika Ishara zake ni kuumba mbingu na ardhi, na wanyama alio waeneza. Naye ni Mwenye uweza wa kuwakusanya apendapo."/>
		<aya index="30" text="Na misiba inayo kusibuni ni kwa sababu ya vitendo vya mikono yenu. Naye anasamehe mengi."/>
		<aya index="31" text="Na nyinyi hamwezi kushinda katika ardhi. Na wala nyinyi hamna mlinzi wala msaidizi badala ya Mwenyezi Mungu."/>
		<aya index="32" text="Na katika Ishara zake ni vyombo vinavyo kwenda na kurejea baharini kama vilima."/>
		<aya index="33" text="Akitaka, huutuliza upepo navyo hivyo vyombo husimama tutwe juu ya bahari. Hakika katika hayo zipo Ishara kwa kila mwenye kusubiri akashukuru."/>
		<aya index="34" text="Au huviangamiza hivyo vyombo kwa sababu ya waliyo yatenda hao watu. Naye husamehe mengi."/>
		<aya index="35" text="Na ili wajue wanao jadiliana katika Ishara zetu kwamba hawana pahala pa kukimbilia."/>
		<aya index="36" text="Basi vyote mlivyo pewa ni starehe ya maisha ya dunia tu, lakini kilichoko kwa Mwenyezi Mungu ni bora, na cha kudumu kwa ajili ya walio amini, na wakawa wanamtegemea Mola wao Mlezi,"/>
		<aya index="37" text="Na wanayo yaepuka madhambi makubwa na mambo machafu, na wanapo kasirika wao husamehe,"/>
		<aya index="38" text="Na wanao mwitikia Mola wao Mlezi, na wakashika Sala, na mambo yao yakawa ni kwa kushauriana baina yao, na kutokana na tulicho waruzuku wakawa wanatoa,"/>
		<aya index="39" text="Na ambao wanapo fanyiwa jeuri hujitetea."/>
		<aya index="40" text="Na malipo ya uovu ni uovu mfano wa huo. Lakini mwenye kusamehe, na akasuluhisha, basi huyo malipo yake yapo kwa Mwenyezi Mungu. Hakika Yeye hawapendi wenye kudhulumu."/>
		<aya index="41" text="Na wanao jitetea baada ya kudhulumiwa, hao hapana njia ya kuwalaumu."/>
		<aya index="42" text="Bali lawama ipo kwa wale wanao wadhulumu watu, na wanafanya jeuri katika nchi bila ya haki. Hao watapata adhabu iliyo chungu."/>
		<aya index="43" text="Na anaye subiri, na akasamehe, hakika hayo ni katika mambo ya kuazimiwa."/>
		<aya index="44" text="Na ambaye Mwenyezi Mungu amemwacha kupotea, hana mlinzi baada yake. Na utawaona wenye kudhulumu watakapo iona adhabu wanasema: Je! Ipo njia ya kurudi?"/>
		<aya index="45" text="Na utawaona wanapelekwa kwenye Moto, nao wamenyenyekea kwa unyonge, wanatazama kwa mtazamo wa kificho. Na walio amini watasema: Hakika wapatao khasara ni hao walio khasiri nafsi zao na ahali zao Siku ya Kiyama. Ama hakika wenye kudhulumu watakuwa katika adhabu ya daima."/>
		<aya index="46" text="Wala hawatakuwa na walinzi wa kuwanusuru mbele ya Mwenyezi Mungu. Na ambaye Mwenyezi Mungu amemwacha kupotea, hana njia yoyote."/>
		<aya index="47" text="Muitikieni Mola wenu Mlezi kabla haijafika siku isiyo epukika itokayo kwa Mwenyezi Mungu. Siku hiyo hamtakuwa pa kukimbilia wala hamtakuwa na cha kukingia."/>
		<aya index="48" text="Na wakipuuza, basi Sisi hatukukupeleka ili uwe mwangalizi wao. Si juu yako ila kufikisha Ujumbe tu. Na hakika Sisi tukimwonjesha mtu rehema kutoka kwetu, huifurahia. Na akisibiwa na ovu kwa sababu ya iliyo yatanguliza mikono yao, basi hakika mtu huyu anakufuru."/>
		<aya index="49" text="Ufalme wa mbingu na ardhi ni wa Mwenyezi Mungu; anaumba apendavyo, anamtunukia amtakaye watoto wa kike, na anamtunukia amtakaye watoto wa kiume,"/>
		<aya index="50" text="Au huwachanganya wanaume na wanawake, na akamfanya amtakaye tasa. Hakika Yeye ni Mjuzi Mwenye uweza."/>
		<aya index="51" text="Na haikuwa kwa mwanaadamu kwamba Mwenyezi Mungu amsemeze ila kwa Wahyi (Ufunuo), au kwa nyuma ya pazia, au kumtuma Mjumbe. Naye humfunulia ayatakayo kwa idhini yake. Hakika Yeye ni Mtukufu, Mwenye hikima."/>
		<aya index="52" text="Na namna hivi tumekufunulia Qur'ani kwa amri yetu. Ulikuwa hujui Kitabu ni nini, wala Imani. Lakini tumekifanya kuwa ni Nuru ambayo kwayo tunammwongoa tumtakaye katika waja wetu. Na hakika wewe unaongoa kwenye Njia Iliyo Nyooka."/>
		<aya index="53" text="Njia ya Mwenyezi Mungu ambaye ni vyake Yeye tu viliomo mbinguni na katika ardhi. Jueni kuwa mambo yote yanarudi kwa Mwenyezi Mungu."/>
	</sura>
	<sura index="43" name="">
		<aya index="1" text="H'a Mim"/>
		<aya index="2" text="Naapa kwa Kitabu kinacho bainisha."/>
		<aya index="3" text="Hakika Sisi tumeifanya Qur'ani kwa Kiarabu ili mfahamu."/>
		<aya index="4" text="Na hakika hiyo imo katika Asili ya Maandiko yalioko kwetu, ni tukufu na yenye hikima."/>
		<aya index="5" text="Je! Tuache kukukumbusheni kabisa kwa kuwa nyinyi ni watu mlio pita mipaka kwa ukafiri?"/>
		<aya index="6" text="Na Manabii wangapi tuliwatuma kwa watu wa zamani!"/>
		<aya index="7" text="Na hawajii Nabii yeyote ila walikuwa wakimkejeli."/>
		<aya index="8" text="Na tuliwaangamiza walio kuwa na nguvu kushinda wao. Na mfano wa watu wa zamani umekwisha pita."/>
		<aya index="9" text="Na ukiwauliza: Nani aliye ziumba mbingu na ardhi? Bila ya shaka watasema: Kaziumba Mwenye nguvu, Mjuzi,"/>
		<aya index="10" text="Ambaye amekufanyieni ardhi kama tandiko, na akakufanyieni ndani yake njia mpate kuongoka."/>
		<aya index="11" text="Na ambaye ndiye aliye teremsha kutoka mbinguni maji kwa kiasi, na kwa hayo tukaifufua nchi iliyo kufa. Na namna hivi ndivyo mtakavyo tolewa."/>
		<aya index="12" text="Na ambaye ndiye aliye umba katika kila kitu jike na dume, na akakufanyieni marikebu na wanyama mnao wapanda."/>
		<aya index="13" text="Ili mkae vizuri migongoni mwao, kisha mkumbuke neema za Mola wenu Mlezi mnapokaa sawa sawa juu yao na mseme: Ametakasika aliye mfanya huyu atutumikie, na tusingeli weza kufanya haya wenyewe."/>
		<aya index="14" text="Na hakika sisi tutarudi kwa Mola wetu Mlezi."/>
		<aya index="15" text="Na wanamfanyia katika waja wake fungu. Kwa hakika mwanaadamu ni mtovu wa fadhila aliye dhaahiri."/>
		<aya index="16" text="Au amejichukulia watoto wanawake katika vile alivyo viumba, na akakuteulieni nyinyi watoto wanaume?"/>
		<aya index="17" text="Na anapo bashiriwa mmoja wao kwa yale aliyo mpigia mfano Mwenyezi Mungu, uso wake husawijika na hujaa hasira."/>
		<aya index="18" text="Ati aliye lelewa katika mapambo, na katika mabishano hawezi kusema kwa bayana...?"/>
		<aya index="19" text="Na wakawafanya Malaika, ambao ni waja wa Mwingi wa Rehema, ni wanawake! Kwani wameshuhudia kuumbwa kwao? Ushahidi wao utaandikwa na wao watahojiwa!"/>
		<aya index="20" text="Nao husema: Angeli penda Mwingi wa Rehema tusingeli waabudu sisi. Hawana ujuzi wowote wa hayo! Hawana ila kusema uwongo tu!"/>
		<aya index="21" text="Kwani tuliwapa Kitabu kabla ya hichi, na ikawa wao wanakishikilia hicho?"/>
		<aya index="22" text="Bali wanasema: Hakika sisi tuliwakuta baba zetu wanashika dini makhsusi, basi na sisi tunaongoza nyayo zao."/>
		<aya index="23" text="Na kadhaalika hatukumtuma mwonyaji kwenye mji wowote ila watu wake walio deka kwa starehe walisema: Hakika sisi tuliwakuta baba zetu wanashika dini makhsusi, na sisi tunafuata nyayo zao."/>
		<aya index="24" text="Akasema (Mwonyaji): Hata nikikuleteeni yenye uwongofu bora kuliko mlio wakuta nao baba zenu? Wakasema: Sisi tunayakataa tu hayo mliyo tumwa."/>
		<aya index="25" text="Basi tukawalipizia. Angalia ulikuwaje mwisho wa walio kadhibisha!"/>
		<aya index="26" text="Na pale Ibrahim alipo mwambia baba yake na kaumu yake: Hakika mimi ninajitenga mbali na hayo mnayo yaabudu,"/>
		<aya index="27" text="Isipo kuwa yule aliye niumba, kwani Yeye ataniongoa."/>
		<aya index="28" text="Na akalifanya hili liwe neno lenye kubaki katika vizazi vyake ili warejee."/>
		<aya index="29" text="Bali tuliwastarehesha hawa na baba zao mpaka ikawafikia Haki na Mtume aliye bainisha."/>
		<aya index="30" text="Na ilipo wafikia Haki wakasema: Huu ni uchawi, na sisi hakika tunaukataa."/>
		<aya index="31" text="Na walisema: Kwa nini Qur'ani hii haikuteremshwa kwa mtu mkubwa katika miji miwili hii?"/>
		<aya index="32" text="Kwani wao ndio wanao gawa rehema za Mola wako Mlezi? Sisi tumewagawanyia baina yao maisha yao katika uhai wa duniani, na tukawanyanyua baadhi yao juu ya wengine kwa daraja nyingi; kwa hivyo baadhi yao wanawafanya wenginewe wawatumikie. Na rehema za Mwenyezi Mungu ni bora kuliko hayo wanayo yakusanya."/>
		<aya index="33" text="Na lau isinge kuwa watu watakuwa kundi moja tungeli wajaalia wanao mkufuru Rahmani wana nyumba zao zina dari ya fedha, na ngazi zao pia wanazo pandia,"/>
		<aya index="34" text="Na milango ya nyumba zao na vitanda wanavyo egemea juu yake,"/>
		<aya index="35" text="Na mapambo. Lakini hayo si chochote ila ni starehe ya maisha ya dunia tu, na Akhera iliyoko kwa Mola wako Mlezi ni ya wenye kumchamngu."/>
		<aya index="36" text="Anaye yafanyia upofu maneno ya Rahmani tunamwekea Shet'ani kuwa ndiye rafiki yake."/>
		<aya index="37" text="Na hakika wao wanawazuilia Njia na wenyewe wanadhani kuwa wameongoka."/>
		<aya index="38" text="Hata atakapo tujia atasema: Laiti ungeli kuwako baina yangu na wewe kama umbali baina ya mashariki na magharibi. Rafiki mwovu mno wewe!"/>
		<aya index="39" text="Na kwa kuwa mlidhulumu, haitakufaeni kitu leo kwamba nyinyi mnashirikiana katika adhabu."/>
		<aya index="40" text="Je! Unaweza kuwasikilizisha viziwi, au unaweza kuwaongoa vipofu na waliomo katika upotofu ulio wazi?"/>
		<aya index="41" text="Na hata tukikuondoa, Sisi tutalipiza kisasi chetu kwao."/>
		<aya index="42" text="Au tutakuonyesha tulio waahidi. Nasi bila ya shaka tuna uweza juu yao."/>
		<aya index="43" text="Basi wewe yashike yaliyo funuliwa kwako. Hakika wewe uko kwenye Njia Iliyo Nyooka."/>
		<aya index="44" text="Na hakika haya ni ukumbusho kwako na kwa kaumu yako. Na mtakuja ulizwa."/>
		<aya index="45" text="Na waulize Mitume wetu tulio watuma kabla yako: Je! Tulifanya miungu mingine iabudiwe badala ya Rah'mani?"/>
		<aya index="46" text="Na bila ya shaka tulimtuma Musa kwa Ishara zetu ende kwa Firauni na waheshimiwa wake, na akasema: Hakika mimi ni Mtume wa Mola Mlezi wa walimwengu wote!"/>
		<aya index="47" text="Lakini alipo wajia na Ishara zetu wakaingia kuzicheka."/>
		<aya index="48" text="Na hatukuwaonyesha Ishara yoyote ila hiyo ilikuwa kubwa zaidi kuliko nyenginewe. Na tukawakamata kwa adhabu ili warejee."/>
		<aya index="49" text="Na wakasema: Ewe mchawi! Tuombee kwa Mola wako Mlezi kwa ile ahadi aliyo kuahidi; hakika sisi tutakuwa wenye kuongoka."/>
		<aya index="50" text="Basi tulipo waondolea adhabu hiyo, mara wakaingia kuvunja ahadi."/>
		<aya index="51" text="Na Firauni alitangaza kwa watu wake, akisema: Enyi watu wangu! Kwani mimi sinao huu ufalme wa Misri, na hii mito inapita chini yangu? Je! Hamwoni?"/>
		<aya index="52" text="Au mimi si bora kuliko huyu aliye mnyonge, wala hawezi kusema waziwazi?"/>
		<aya index="53" text="Basi mbona hakuvikwa vikuku vya dhahabu, au hawakuja Malaika pamoja naye wakamwandama?"/>
		<aya index="54" text="Basi aliwachezea watu wake, na wakamt'ii. Kwa hakika hao walikuwa watu wapotovu."/>
		<aya index="55" text="Walipo tukasirisha tuliwapatiliza tukawazamisha wote!"/>
		<aya index="56" text="Kisha tukawafanya kuwa watangulizi na mfano kwa wa baadaye."/>
		<aya index="57" text="Na alipo pigiwa mfano Mwana wa Mariamu, watu wako waliupiga ukelele."/>
		<aya index="58" text="Wakasema: Miungu yetu kwani si bora kuliko huyu? Hawakukupigia mfano huo ila kwa ubishi tu. Bali hao ni watu wagomvi!"/>
		<aya index="59" text="Hakuwa yeye (Isa) ila ni Mtumwa tuliye mneemesha na tukamfanya ni mfano kwa Wana wa Israili."/>
		<aya index="60" text="Na tungeli penda tungeli wafanyia miongoni mwenu Malaika katika ardhi wakifuatana."/>
		<aya index="61" text="Na kwa hakika yeye ni alama ya Saa ya Kiyama. Basi usiitilie shaka, na nifuateni. Hii ndiyo Njia Iliyo Nyooka."/>
		<aya index="62" text="Wala asikuzuilieni Shet'ani. Hakika yeye ni adui yenu wa dhaahiri."/>
		<aya index="63" text="Na alipo kuja Isa na dalili zilizo wazi, alisema: Nimekujieni na hikima, na ili nikuelezeni baadhi ya yale mliyo khitalifiana. Basi mcheni Mwenyezi Mungu, na mnit'ii mimi."/>
		<aya index="64" text="Kwa hakika Mwenyezi Mungu ni Mola wangu Mlezi, na ni Mola wenu Mlezi. Basi Muabuduni Yeye tu. Hii ndiyo Njia Iliyo Nyooka."/>
		<aya index="65" text="Lakini makundi kwa makundi yao yalikhitalifiana wao kwa wao. Ole wao walio dhulumu kwa adhabu ya siku chungu."/>
		<aya index="66" text="Je! Nini wanangojea ila Saa iwajie kwa ghafla na wala wao hawatambui?"/>
		<aya index="67" text="Siku hiyo marafiki watakuwa ni maadui, wao kwa wao, isipo kuwa wachamngu."/>
		<aya index="68" text="Enyi waja wangu! Hamtakuwa na khofu siku hiyo, wala hamtahuzunika."/>
		<aya index="69" text="Ambao waliziamini Ishara zangu na walikuwa Waislamu."/>
		<aya index="70" text="Ingieni Peponi, nyinyi na wake zenu; mtafurahishwa humo."/>
		<aya index="71" text="Watakuwa wanapitishiwa sahani za dhahabu na vikombe; na vitakuwamo ambavyo nafsi zinavipenda na macho yanavifurahia, na nyinyi mtakaa humo milele."/>
		<aya index="72" text="Na hiyo ni Pepo mliyo rithishwa kwa hayo mliyo kuwa mkiyafanya."/>
		<aya index="73" text="Mnayo humo matunda mengi mtakayo yala."/>
		<aya index="74" text="Kwa hakika wakosefu watakaa katika adhabu ya Jahannamu."/>
		<aya index="75" text="Hawatapumzishwa nayo na humo watakata tamaa."/>
		<aya index="76" text="Wala Sisi hatukuwadhulumu, bali wao ndio walio kuwa madhaalimu."/>
		<aya index="77" text="Nao watapiga kelele waseme: Ewe Malik! Na atufishe Mola wako Mlezi! Naye aseme: Hakika nyinyi mtakaa humo humo!"/>
		<aya index="78" text="Kwa yakini tulikuleteeni Haki, lakini wengi katika nyinyi mlikuwa mnaichukia Haki."/>
		<aya index="79" text="Au waliweza kupitisha amri yao? Bali ni Sisi ndio tunao pitisha."/>
		<aya index="80" text="Au wanadhani kwamba hatusikii siri zao na minong'ono yao? Wapi! Na wajumbe wetu wapo karibu nao, wanayaandika."/>
		<aya index="81" text="Sema: Ingeli kuwa Rahmani ana mwana, basi mimi ningeli kuwa wa kwanza kumuabudu."/>
		<aya index="82" text="Ametakasika Mola Mlezi wa mbingu na ardhi, Mola Mlezi wa A'rshi, na hayo wanayo msifia."/>
		<aya index="83" text="Basi waache wapige porojo wakicheza mpaka wakutwe na hiyo siku yao waliyo ahidiwa."/>
		<aya index="84" text="Na Yeye ndiye Mungu mbinguni, na ndiye Mungu katika ardhi. Naye ndiye Mwenye hikima, Mwenye ujuzi."/>
		<aya index="85" text="Na ametukuka Mwenye ufalme wa mbingu na ardhi na viliomo ndani yake. Na uko kwake ujuzi wa Saa ya Kiyama, na kwake Yeye mtarudishwa."/>
		<aya index="86" text="Wala hao mnao waomba badala yake Yeye hawana uweza wa kumwombea mtu, isipo kuwa anaye shuhudia kwa haki, na wao wanajua."/>
		<aya index="87" text="Na ukiwauliza ni nani aliye waumba? Bila ya shaka watasema: Mwenyezi Mungu! Basi ni wapi wanako geuziwa?"/>
		<aya index="88" text="Na usemi wake (Mtume) ni: Ewe Mola wangu Mlezi! Hakika hawa ni watu wasio amini."/>
		<aya index="89" text="Basi wasamehe, na uwambie maneno ya salama. Watakuja jua."/>
	</sura>
	<sura index="44" name="">
		<aya index="1" text="H'a Mim"/>
		<aya index="2" text="Naapa kwa Kitabu kinacho bainisha,"/>
		<aya index="3" text="Hakika tumekiteremsha katika usiku ulio barikiwa. Hakika Sisi ni Waonyaji."/>
		<aya index="4" text="Katika usiku huu hubainishwa kila jambo la hikima,"/>
		<aya index="5" text="Jambo litokalo kwetu. Hakika Sisi ndio wenye kutuma."/>
		<aya index="6" text="Ni rehema itokayo kwa Mola wako Mlezi. Hakika Yeye ni Mwenye kusikia Mwenye kujua."/>
		<aya index="7" text="Mola Mlezi wa mbingu na ardhi na vilio baina yao, ikiwa nyinyi mna yakini."/>
		<aya index="8" text="Hakuna mungu ila Yeye; anahuisha na anafisha- Mola Mlezi wenu na Mola Mlezi wa baba zenu wa mwanzo."/>
		<aya index="9" text="Lakini wao wanacheza katika shaka."/>
		<aya index="10" text="Basi ingoje siku ambayo mbingu zitakapo leta moshi ulio dhaahiri,"/>
		<aya index="11" text="Utakao wafunika watu: Hii ni adhabu chungu!"/>
		<aya index="12" text="Mola wetu Mlezi! Tuondolee adhabu hii. Hakika tutaamini."/>
		<aya index="13" text="Nini faida ya kukumbuka kwao? Na alikwisha wafikia Mtume mwenye kubainisha."/>
		<aya index="14" text="Na wao wakamgeuzia uso, na wakasema: Huyu amefunzwa, naye ni mwendawazimu."/>
		<aya index="15" text="Hakika sisi tutaiondoa adhabu kidogo, lakini nyinyi kwa yakini mtarejea vile vile!"/>
		<aya index="16" text="Siku tutayo yashambulia mashambulio makubwa, bila ya shaka Sisi ni wenye kutesa."/>
		<aya index="17" text="Na hakika kabla ya hawa tuliwafanyia mtihani watu wa Firauni, na aliwafikia Mtume Mtukufu."/>
		<aya index="18" text="Akasema: Nipeni waja wa Mwenyezi Mungu; kwa hakika mimi kwenu ni Mtume Muaminifu."/>
		<aya index="19" text="Na msimfanyie kiburi Mwenyezi Mungu; hakika mimi nitakuleteeni uthibitisho ulio wazi."/>
		<aya index="20" text="Nami najikinga kwa Mola wangu Mlezi na ndiye Mola wenu Mlezi pia, ili msinipige mawe."/>
		<aya index="21" text="Na ikiwa hamniamini, basi jitengeni nami."/>
		<aya index="22" text="Ndipo akamwomba Mola wake Mlezi: Hakika watu hawa ni wakosefu."/>
		<aya index="23" text="Mwenyezi Mungu akasema: Basi nenda na waja wangu usiku. Kwa yakini mtafuatwa."/>
		<aya index="24" text="Na iache bahari vivyo hivyo imeachana, hakika wao hao ni jeshi litakalo zamishwa."/>
		<aya index="25" text="Mabustani mangapi, na chemchem ngapi waliziacha!"/>
		<aya index="26" text="Na mimea na vyeo vitukufu!"/>
		<aya index="27" text="Na neema walizo kuwa wakijistareheshea!"/>
		<aya index="28" text="Ndio hivyo! Na tukawarithisha haya watu wenginewe."/>
		<aya index="29" text="La mbingu wala ardhi hazikuwalilia, wala hawakupewa muhula."/>
		<aya index="30" text="Na bila ya shaka tuliwaokoa Wana wa Israili katika adhabu ya kuwadhalilisha,"/>
		<aya index="31" text="Ya Firauni. Hakika yeye alikuwa jeuri katika wenye kupindukia mipaka."/>
		<aya index="32" text="Na tuliwakhiari kwa ujuzi wetu kuliko walimwengu wenginewe."/>
		<aya index="33" text="Na tukawapa katika ishara zenye majaribio yaliyo wazi."/>
		<aya index="34" text="Hakika hawa wanasema:"/>
		<aya index="35" text="Hapana ila kufa kwetu mara ya kwanza tu, wala sisi hatufufuliwi."/>
		<aya index="36" text="Basi warudisheni baba zetu, ikiwa nyinyi mnasema kweli."/>
		<aya index="37" text="Je! Ni wao bora au watu wa Tubbaa' na walio kuwa kabla yao? Tuliwaangamiza. Hakika hao walikuwa wakosefu."/>
		<aya index="38" text="Na hatukuziumba mbingu na ardhi na vilivyomo baina yake kwa mchezo."/>
		<aya index="39" text="Hatukuviumba hivyo ila kwa Haki, lakini wengi wao hawajui."/>
		<aya index="40" text="Hakika siku ya Uamuzi ni wakati ulio wekwa kwa wao wote."/>
		<aya index="41" text="Siku ambayo rafiki hatamfaa rafiki yake kwa chochote, wala hawatanusuriwa."/>
		<aya index="42" text="Isipo kuwa atakaye mrehemu Mwenyezi Mungu. Hakika Yeye ndiye Mwenye nguvu, Mwenye kurehemu."/>
		<aya index="43" text="Hakika Mti wa Zaqqum,"/>
		<aya index="44" text="Ni chakula cha mwenye dhambi."/>
		<aya index="45" text="Kama shaba iliyo yayushwa, hutokota matumboni"/>
		<aya index="46" text="Kama kutokota kwa maji ya moto."/>
		<aya index="47" text="(Itasemwa:) Mkamateni na mtupeni katikati ya Jahannamu!"/>
		<aya index="48" text="Kisha mmwagieni juu ya kichwa chake adhabu ya maji yanayo chemka."/>
		<aya index="49" text="Onja! Ati wewe ndiye mwenye nguvu, mtukufu!"/>
		<aya index="50" text="Hakika haya ndiyo mliyo kuwa mkiyatilia shaka."/>
		<aya index="51" text="Hakika wachamngu watakuwa katika mahali pa amani,"/>
		<aya index="52" text="Katika mabustani na chemchem,"/>
		<aya index="53" text="Watavaa hariri nyepesi na hariri nzito wakikabiliana,"/>
		<aya index="54" text="Hivi ndivyo itakavyo kuwa, na tutawaoza mahurilaini."/>
		<aya index="55" text="Humo watataka kila aina ya matunda, na wakae kwa amani."/>
		<aya index="56" text="Humo hawataonja mauti ila mauti yale ya kwanza, na (Mwenyezi Mungu) atawalinda na adhabu ya Jahannamu,"/>
		<aya index="57" text="Kuwa ni fadhila zitokazo kwa Mola wako Mlezi. Huko ndiko kufuzu kukubwa."/>
		<aya index="58" text="Basi tumeifanya nyepesi hii Qur'ani kwa ulimi wako, ili wapate kukumbuka."/>
		<aya index="59" text="Ngoja tu, na wao wangoje pia."/>
	</sura>
	<sura index="45" name="">
		<aya index="1" text="H'a Mim"/>
		<aya index="2" text="Uteremsho wa Kitabu umetoka kwa Mwenyezi Mungu, Mwenye nguvu, Mwenye hikima."/>
		<aya index="3" text="Hakika katika mbingu na ardhi ziko Ishara kwa Waumini."/>
		<aya index="4" text="Na katika umbo lenu na katika wanyama alio watawanya zimo Ishara kwa watu wenye yakini."/>
		<aya index="5" text="Na kupishana usiku na mchana, na riziki anayo iteremsha Mwenyezi Mungu kutoka mbinguni, na kwayo akaifufua ardhi baada ya kufa kwake, na mabadiliko ya upepo, ni Ishara kwa watu wenye akili."/>
		<aya index="6" text="Hizi Aya za Mwenyezi Mungu tunakusomea kwa haki; basi hadithi gani watakayo iamini baada ya Mwenyezi Mungu na Aya zake?"/>
		<aya index="7" text="Ole wake kila mzushi mwenye dhambi!"/>
		<aya index="8" text="Anaye sikia Aya za Mwenyezi Mungu akisomewa, kisha anashikilia yale yale aliyo katazwa, na anajivuna, kama kwamba hakuzisikia. Basi mbashirie adhabu chungu!"/>
		<aya index="9" text="Na anapo kijua kitu kidogo katika Aya zetu hukifanyia mzaha. Watu hao ndio watakao kuwa na adhabu ya kufedhehesha."/>
		<aya index="10" text="Na nyuma yao ipo Jahannamu. Na walio yachuma hayatawafaa hata kidogo, wala walinzi walio washika badala ya Mwenyezi Mungu. Na watapata adhabu kubwa."/>
		<aya index="11" text="Huu ni uwongofu. Na wale wale walio zikataa Ishara za Mola wao Mlezi watapata adhabu inayo tokana na ghadhabu iliyo chungu."/>
		<aya index="12" text="Mwenyezi Mungu ndiye aliye ifanya bahari ikutumikieni, ili humo zipite marikebu kwa amri yake, na ili mtafute fadhila yake, na mpate kushukuru."/>
		<aya index="13" text="Na amefanya vikutumikieni vilivyomo mbinguni na vilivyomo katika ardhi, vyote vimetoka kwake. Hakika katika hayo zimo Ishara kwa watu wanao fikiri."/>
		<aya index="14" text="Waambie walio amini wawasamehe wale wasio zitaraji siku za Mwenyezi Mungu, ili awalipe kwa waliyo kuwa wakiyachuma."/>
		<aya index="15" text="Mwenye kutenda mema basi ni kwa ajili ya nafsi yake, na mwenye kutenda uovu ni juu yake mwenyewe. Kisha mtarudishwa kwa Mola wenu Mlezi."/>
		<aya index="16" text="Na hakika tuliwapa Wana wa Israili Kitabu na hukumu na Unabii, na tukawaruzuku vitu vizuri vizuri, na tukawafadhilisha kuliko walimwengu wote."/>
		<aya index="17" text="Na tukawapa maelezo wazi ya amri. Basi hawakukhitalifiana ila baada ya kuwajia ujuzi, kwa ajili ya uhasidi uliyo kuwa baina yao. Hakika Mola wako Mlezi atahukumu baina yao Siku ya Kiyama katika mambo waliyo kuwa wakikhitalifiana."/>
		<aya index="18" text="Kisha tukakuweka wewe juu ya Njia ya haya mambo, basi ifuate, wala usifuate matamanio ya wasio jua kitu."/>
		<aya index="19" text="Kwa hakika hao hawatakufaa kitu mbele ya Mwenyezi Mungu. Na hakika wenye kudhulumu ni marafiki wao kwa wao. Na Mwenyezi Mungu ni rafiki wa wamchao."/>
		<aya index="20" text="Hizi ni dalili zilizo wazi kwa watu wote, na ni uwongofu, na rehema kwa watu wanao yakinisha."/>
		<aya index="21" text="Je! Wanadhani wanao tenda maovu kuwa tutawafanya kama walio amini, na wakatenda mema, sawa sawa uhai wao na kufa kwao? Ni hukumu mbaya wanayo ihukumu!"/>
		<aya index="22" text="Na Mwenyezi Mungu ameziumba mbingu na ardhi kwa haki, na ili kila nafsi ilipwe yale iliyo yachuma. Nao hawatadhulumiwa."/>
		<aya index="23" text="Je! Umemwona aliye fanya matamanio yake kuwa ndiye mungu wake, na Mwenyezi Mungu akamwacha apotee pamoja na kuwa ana ujuzi, na akapiga muhuri juu ya masikio yake, na moyo wake, na akambandika vitanga machoni mwake? Basi nani atamwongoa huyo baada ya Mwenyezi Mungu? Hamkumbuki?"/>
		<aya index="24" text="Na walisema: Hapana ila huu uhai wetu wa duniani - twafa na twaishi, na hapana kinacho tuhiliki isipo kuwa dahari. Lakini wao hawana ilimu ya hayo, ila wao wanadhani tu."/>
		<aya index="25" text="Na wakisomewa Aya zetu zilizo wazi hawana hoja ila kusema: Waleteni baba zetu, ikiwa nyinyi ni wasemao kweli."/>
		<aya index="26" text="Sema: Mwenyezi Mungu anakuhuisheni, kisha anakufisheni, kisha anakukusanyeni Siku ya Kiyama isiyo na shaka. Lakini watu wengi hawajui."/>
		<aya index="27" text="Na Mwenyezi Mungu ndiye Mwenye ufalme wa mbingu na ardhi. Na siku itapo simama Saa ya Kiyama, siku hiyo wataangamia wenye kushikamana na upotovu."/>
		<aya index="28" text="Na utauona kila umma umepiga magoti, na kila umma utaitwa kwenda soma kitabu chake: Leo mtalipwa mliyo kuwa mkiyatenda."/>
		<aya index="29" text="Hichi kitabu chetu kinasema juu yenu kwa haki. Hakika Sisi tulikuwa tukiyaandika mliyo kuwa mkiyatenda."/>
		<aya index="30" text="Ama walio amini na wakatenda mema, Mola wao Mlezi atawatia katika rehema yake. Huko ndiko kufuzu kulio wazi."/>
		<aya index="31" text="Na ama walio kufuru, wataambiwa: Kwani hamkuwa mkisomewa Aya zangu nanyi mkapanda kichwa, na mkawa watu wakosefu?"/>
		<aya index="32" text="Na ikisemwa: Hakika ahadi ya Mwenyezi Mungu ni kweli, na Saa haina shaka, nyinyi mkisema: Hatuijui hiyo Saa, tunadhania dhana tu, wala hatuna yakini."/>
		<aya index="33" text="Basi ubaya wa waliyo yatenda utawadhihirikia, na yatawazunguka waliyo yafanyia maskhara."/>
		<aya index="34" text="Na itasemwa: Leo tunakusahauni kama nyinyi mlivyo sahau mkutano wa siku yenu hii; na mahali penu ni Motoni, wala hamna wa kukunusuruni."/>
		<aya index="35" text="Hayo ni kwa sababu nyinyi mlizifanyia mzaha Aya za Mwenyezi Mungu; na maisha ya dunia yakakudanganyeni. Basi leo hawatatolewa humo wala hao hawatakubaliwa udhuru wao."/>
		<aya index="36" text="Basi sifa njema zote ni za Mwenyezi Mungu, Mola Mlezi wa mbingu, na Mola Mlezi wa ardhi, na Mola Mlezi wa walimwengu wote."/>
		<aya index="37" text="Na ukubwa ni wake Yeye tu, mbinguni na katika ardhi, naye ni Mwenye nguvu, Mwenye hikima."/>
	</sura>
	<sura index="46" name="">
		<aya index="1" text="H'A MIM"/>
		<aya index="2" text="Uteremsho wa Kitabu umetoka kwa Mwenyezi Mungu, Mwenye nguvu, Mwenye hikima."/>
		<aya index="3" text="Hatukuziumba mbingu na ardhi wala yaliyomo baina yake ila kwa haki na kwa muda maalumu. Na walio kufuru wanayapuuza yale wanayo onywa."/>
		<aya index="4" text="Je! Mwawaona wale mnao waomba badala ya Mwenyezi Mungu? Nionyesheni wameumba nini katika ardhi; au hao wanayo shirika katika mbingu? Nileteeni Kitabu kilicho kuwa kabla ya hiki, au alama yoyote ya ilimu, ikiwa mnasema kweli."/>
		<aya index="5" text="Na nani mpotofu mkubwa kuliko hao wanao waomba, badala ya Mwenyezi Mungu, ambao hawatawaitikia mpaka Siku ya Kiyama, na wala hawatambui maombi yao."/>
		<aya index="6" text="Na ambao watu watakapo kusanywa watakuwa maadui zao, na wataikataa ibada yao."/>
		<aya index="7" text="Na wanapo somewa Aya zetu zilizo wazi, walio kufuru husema juu ya haki inapo wajia: Huu ni uchawi dhaahiri."/>
		<aya index="8" text="Au wanasema: Ameizua mwenyewe! Sema: Ikiwa nimeizua mimi, basi nyinyi hamwezi kunifaa chochote mbele ya Mwenyezi Mungu. Yeye anajua zaidi hayo mnayo ropokwa; anatosha kuwa shahidi baina yangu na nyinyi. Na Yeye ndiye Mwenye kusamehe, Mwenye kurehemu."/>
		<aya index="9" text="Sema: Mimi si kiroja miongoni mwa Mitume. Wala sijui nitakavyo fanywa wala nyinyi. Mimi nafuata niliyo funuliwa tu kwa Wahyi, wala mimi si chochote ila ni mwonyaji mwenye kudhihirisha wazi."/>
		<aya index="10" text="Sema: Mwaonaje yakiwa haya ni kweli yametoka kwa Mwenyezi Mungu, nanyi mmeyakataa, na akashuhudia shahidi miongoni mwa Wana wa Israili juu ya mfano wa haya, na akaamini, na nyinyi mnafanya kiburi? Hakika Mwenyezi Mungu hawaongoi watu wenye kudhulumu."/>
		<aya index="11" text="Na walio kufuru waliwaambia walio amini: Lau kuwa hii ni kheri, wasingeli tutangulia. Na walipo kosa kuongoka wakasema: Huu ni uzushi wa zamani."/>
		<aya index="12" text="Na kabla yake kilikuwapo Kitabu cha Musa, kuwa chenye uwongozi na rehema. Na hichi ni Kitabu cha kusadikisha na kilicho kuja kwa lugha ya Kiarabu, ili kiwaonye walio dhulumu, na kiwe ni bishara kwa watendao mema."/>
		<aya index="13" text="Hakika walio sema: Mola wetu Mlezi ni Mwenyezi Mungu; kisha wakatengenea, hawatakuwa na khofu, wala hawatahuzunika."/>
		<aya index="14" text="Hao ndio watu wa Peponi, watadumu humo, kuwa ni malipo kwa waliyo kuwa wakiyatenda."/>
		<aya index="15" text="Na tumemuusia mwanaadamu awatendee wema wazazi wake wawili. Mama yake amechukua mimba yake kwa taabu, na akamzaa kwa taabu. Na kuchukua mimba kwake hata kumwachisha ziwa ni miezi thalathini. Hata anapo fika utu uzima wake, na akafikilia miaka arubaini, husema: Mola wangu Mlezi! Niwezeshe nishukuru neema zako ulizo nineemesha mimi na wazazi wangu, na nitende mema unayo yapenda. Na unitengenezee dhuriya zangu. Hakika mimi nimetubu kwako, na mimi ni miongoni mwa Waislamu."/>
		<aya index="16" text="Hao ndio tunao wapokelea bora ya vitendo vyao walivyo vitenda, na tunayasamehe makosa yao. Watakuwa miongoni mwa watu wa Peponi. Miadi ya kweli hiyo walio ahidiwa."/>
		<aya index="17" text="Na ambaye amewafyonya wazazi wake na akawaambia: Ati ndio mnanitisha kuwa nitafufuliwa, na hali vizazi vingi vimekwisha pita kabla yangu! Na hao wazazi humwomba msaada Mwenyezi Mungu (na humwambia mtoto wao): Ole wako! Amini! Hakika ahadi ya Mwenyezi Mungu ni kweli. Na yeye husema: Hayakuwa haya ila ni visa vya watu wa kale."/>
		<aya index="18" text="Hao ndio ambao imehakikikishwa hukumu juu yao kama mataifa yaliyo kwisha pita kabla yao miongoni mwa majini na watu. Hakika hao wamekuwa wenye kukhasiri."/>
		<aya index="19" text="Na wote watakuwa na daraja zao mbali mbali kwa waliyo yatenda, na ili awalipe kwa vitendo vyao, na wala hawatadhulumiwa."/>
		<aya index="20" text="Na siku watakapo letwa walio kufuru kwenye Moto wataambiwa: Nyinyi mlitwaa vitu vyenu vizuri katika uhai wa duniani, na mkastareheshwa navyo. Basi leo ndio mnalipwa adhabu ya fedheha kwa mlivyo kuwa mkitakabari katika ardhi bila ya haki, na kwa sababu mlikuwa mkifanya upotovu."/>
		<aya index="21" text="Na mtaje ndugu wa kina A'di, alipo waonya watu wake kwenye vilima vya mchanga. Na kwa yakini waonyaji wengi walitokea kabla yake na baada yake kuwaambia: Msimuabudu isipo kuwa Mwenyezi Mungu. Hakika mimi nakukhofieni isikupateni adhabu ya siku iliyo kuu."/>
		<aya index="22" text="Wakasema: Je! Umetujia ili ututenge mbali na miungu yetu? Basi tuletee hayo unayo tuahidi ikiwa wewe ni miongoni mwa wasemao kweli."/>
		<aya index="23" text="Akasema: Hakika ujuzi uko kwa Mwenyezi Mungu. Mimi nakufikishieni niliyo tumwa. Lakini nakuoneni kuwa nyinyi mnafanya ujinga."/>
		<aya index="24" text="Basi walipo liona wingu likielekea kwenye mabonde yao, walisema: Wingu hili la kutunyeshea mvua! Kumbe sivyo, haya ni hayo mliyo yahimiza, upepo ambao ndani yake imo adhabu chungu!"/>
		<aya index="25" text="Unaangamiza kila kitu kwa amri ya Mola wake Mlezi. Wakawa hawaonekani ila nyumba zao tu. Hivyo ndivyo tuwalipavyo wakosefu!"/>
		<aya index="26" text="Na bila ya shaka tuliwaweka vizuri sio kama tulivyo kuwekeni nyinyi; na tuliwapa masikio, na macho, na nyoyo. Na hayakuwafaa kitu masikio yao, wala macho yao, wala nyoyo zao kwa lolote. Kwani hao walikuwa wakizikataa Ishara za Mwenyezi Mungu, na yale waliyo kuwa wakiyafanyia maskhara ndiyo yakawazunguka."/>
		<aya index="27" text="Na hakika tuliiangamiza miji ilio jirani zenu, na tulizitumia Ishara ili wapate kurejea."/>
		<aya index="28" text="Basi mbona wale walio washika badala ya Mwenyezi Mungu, kuwa ati hao ndio wawakurubishe, hawakuwanusuru? Bali waliwapotea! Na huo ndio uwongo walio kuwa wakiuzua."/>
		<aya index="29" text="Na wakati tulipo waleta kundi la majini kuja kwako kusikiliza Qur'ani. Basi walipo ihudhuria walisema: Sikilizeni! Na ilipo kwisha somwa, walirudi kwa kaumu yao kwenda kuwaonya."/>
		<aya index="30" text="Wakasema: Enyi kaumu yetu! Sisi tumesikia Kitabu kilicho teremshwa baada ya Musa, kinacho sadikisha yaliyo kuwa kabla yake, na kinacho ongoza kwenye Haki na kwenye Njia Iliyo Nyooka."/>
		<aya index="31" text="Enyi kaumu yetu! Muitikieni Mwenye kuitia kwa Mwenyezi Mungu, na muaminini, Mwenyezi Mungu atakusameheni, na atakukingeni na adhabu chungu."/>
		<aya index="32" text="Na wasio mwitikia Mwitaji wa Mwenyezi Mungu basi hao hawatashinda katika ardhi, wala hawatakuwa na walinzi mbele yake. Hao wamo katika upotovu ulio dhaahiri."/>
		<aya index="33" text="Je! Hawaoni ya kwamba Mwenyezi Mungu, aliye ziumba mbingu na ardhi, na hakuchoka kwa kuziumba, kuwa ni Muweza wa kuwafufua wafu? Kwani? Hakika Yeye ni Muweza wa kila kitu."/>
		<aya index="34" text="Na siku watakapo letwa makafiri Motoni wakaambiwa: Je! Haya si kweli? Watasema: Kwani? Tunaapa kwa Mola wetu Mlezi, ni kweli! Atasema: Basi onjeni adhabu kwa sababu ya kule kukataa kwenu."/>
		<aya index="35" text="Basi subiri, kama walivyo subiri Mitume wenye stahmala kubwa, wala usiwafanyie haraka. Siku watakayo yaona waliyo ahidiwa itakuwa kama kwamba hawakukaa ulimwenguni ila saa moja ya mchana. Huu ndio ufikisho! Kwani huangamizwa wengine isipo kuwa walio waovu tu?"/>
	</sura>
	<sura index="47" name="">
		<aya index="1" text="Walio kufuru na wakazuilia njia ya Mwenyezi Mungu, Yeye atavipotoa vitendo vyao."/>
		<aya index="2" text="Na walio amini, na wakatenda mema, na wakaamini aliyo teremshiwa Muhammad - nayo ni Haki iliyo toka kwa Mola wao Mlezi - atawafutia makosa yao na ataitengeneza hali yao."/>
		<aya index="3" text="Hayo ni kwa sababu walio kufuru wamefuata upotovu, na walio amini wamefuata Haki iliyo toka kwa Mola wao Mlezi. Hivyo ndivyo Mwenyezi Mungu anavyo wapigia watu mifano yao."/>
		<aya index="4" text="Basi mnapo wakuta walio kufuru wapigeni shingoni mwao, mpaka mkiwadhoofisha wafungeni pingu. Tena waachilieni kwa hisani au wajikomboe, mpaka vita vipoe. Ndio hivyo. Na lau angeli taka Mwenyezi Mungu angeli washinda mwenyewe, lakini haya ni kwa sababu akutieni mitihani nyinyi kwa nyinyi. Na walio uliwa katika njia ya Mwenyezi Mungu hatazipoteza a'mali zao."/>
		<aya index="5" text="Atawaongoza na awatengezee hali yao."/>
		<aya index="6" text="Na atawaingiza katika Pepo aliyo wajuulisha."/>
		<aya index="7" text="Enyi mlio amini! Mkimnusuru Mwenyezi Mungu naye atakunusuruni na ataithibitisha miguu yenu."/>
		<aya index="8" text="Na walio kufuru, basi kwao ni maangamizo, na atavipoteza vitendo vyao."/>
		<aya index="9" text="Hayo ni kwa sababu waliyachukia aliyo yateremsha Mwenyezi Mungu, basi akaviangusha vitendo vyao."/>
		<aya index="10" text="Kwani hawakutembea katika ardhi wakaona ulikuwaje mwisho wa walio kuwa kabla yao? Mwenyezi Mungu aliwaangamiza, na kwa makafiri hawa itakuwa mfano wa hayo."/>
		<aya index="11" text="Hayo ni kwa sababu Mwenyezi Mungu ni Mlinzi wa walio amini. Na makafiri hawana mlinzi."/>
		<aya index="12" text="Hakika Mwenyezi Mungu atawaingiza walio amini na wakatenda mema katika Bustani zipitiwazo na mito kati yake. Na walio kufuru hujifurahisha na hula kama walavyo wanyama, na Moto ndio makaazi yao."/>
		<aya index="13" text="Na miji mingapi iliyo kuwa na nguvu zaidi kuliko mji wako huu ulio kutoa; nao tuliwateketeza na wala hawakuwa wa kuwanusuru."/>
		<aya index="14" text="Je! Mwenye kuwa na bayana kutoka kwa Mola wake Mlezi ni kama aliye pambiwa uovu wa vitendo vyake, na wakafuata pumbao lao?"/>
		<aya index="15" text="Mfano wa Pepo walio ahidiwa wachamngu ina mito ya maji yasiyo vunda, na mito ya maziwa isiyo haribika ladha yake, na mito ya mvinyo yenye ladha kwa wanywao, na mito ya asali iliyo safishwa. Na wao humo watakuwa na kila namna ya matunda, na maghfira kutoka kwa Mola wao Mlezi. Basi hao ni kama watakao dumu Motoni na wakinyweshwa maji yanayo chemka ya kuwakata matumbo yao?"/>
		<aya index="16" text="Na wapo miongoni mwao wanao kusikiliza, mpaka wakiondoka kwako huwauliza walio pewa ilimu: Amesema nini sasa hivi? Hao ndio ambao Mwenyezi Mungu amepiga muhuri juu ya nyoyo zao, na wakafuata pumbao lao."/>
		<aya index="17" text="Na wale walio ongoka anawazidishia uongofu na anawapa uchamngu wao."/>
		<aya index="18" text="Kwani wanangojea jengine isipo kuwa iwafikie Saa (ya Kiyama) kwa ghafla? Na hakika alama zake zimekwisha kuja. Na itapo wajia kutawafaa wapi kukumbuka hapo?"/>
		<aya index="19" text="Basi jua ya kwamba hapana mungu ila Mwenyezi Mungu, na omba maghufira kwa dhambi zako na za Waumini wanaume na Waumini wanawake. Na Mwenyezi Mungu anajua mahali penu pa kwenda na kurudi, na mahali penu pa kukaa."/>
		<aya index="20" text="Na Waumini wanasema: Kwa nini haiteremshwi Sura? Na inapo teremshwa Sura madhubuti na ikatajwa ndani yake khabari ya vita, utawaona wenye maradhi katika nyoyo zao wanakutazama mtazamo wa anaye zimia kwa mauti. Basi ni bora kwao"/>
		<aya index="21" text="Ut'iifu na kauli njema. Na jambo likisha azimiwa, basi wakiwa ni wakweli kwa Mwenyezi Mungu, bila ya shaka itakuwa ni kheri kwao."/>
		<aya index="22" text="Basi yanayo tarajiwa kwenu mkitawala ndio mfisidi katika nchi na mwatupe jamaa zenu?"/>
		<aya index="23" text="Hao ndio Mwenyezi Mungu alio walaani, na akawatia uziwi, na akawapofoa macho yao."/>
		<aya index="24" text="Je! Hawaizingatii hii Qur'ani? Au kwenye nyoyo (zao) zipo kufuli?"/>
		<aya index="25" text="Kwa hakika wanao rudi nyuma baada ya kwisha wabainikia uwongofu, Shetani huyo amewashawishi na amewaghuri."/>
		<aya index="26" text="Hayo ni kwa sababu waliwaambia walio chukia aliyo yateremsha Mwenyezi Mungu: Tutakut'iini katika baadhi ya mambo. Na Mwenyezi Mungu anajua siri zao."/>
		<aya index="27" text="Basi itakuwaje Malaika watakapo wafisha wakawa wanawapiga nyuso zao na migongo yao!"/>
		<aya index="28" text="Hayo ni kwa sababu wao waliyafuata yaliyo mchukiza Mwenyezi Mungu na wakachukia yanayo mridhisha, basi akaviangusha vitendo vyao."/>
		<aya index="29" text="Je! Wenye maradhi nyoyoni mwao wanadhani kwamba Mwenyezi Mungu hatazidhihirisha chuki zao?"/>
		<aya index="30" text="Na tungeli penda tungeli kuonyesha hao na ungeli watambua kwa alama zao; lakini bila ya shaka utawajua kwa namna ya msemo wao. Na Mwenyezi Mungu anavijua vitendo vyenu."/>
		<aya index="31" text="Na bila ya shaka tutakujaribuni mpaka tuwadhihirishe wapignao Jihadi katika nyinyi na wanao subiri. Nasi tutazifanyia mtihani khabari zenu."/>
		<aya index="32" text="Kwa hakika walio kufuru na wakazuilia njia ya Mwenyezi Mungu na wakapinzana na Mtume baada ya kwisha wabainikia uwongofu, hao hawatamdhuru Mwenyezi Mungu kwa lolote. Naye ataviangusha vitendo vyao."/>
		<aya index="33" text="Enyi mlio amini! Mt'iini Mwenyezi Mungu, na mt'iini Mtume, wala msiviharibu vitendo vyenu."/>
		<aya index="34" text="Hakika walio kufuru na wakazuilia njia ya Mwenyezi Mungu, kisha wakafa na hali ni makafiri, Mwenyezi Mungu hatawasamehe makosa yao."/>
		<aya index="35" text="Basi msiregee na kutaka suluhu, maana nyinyi ndio mtakao shinda. Na Mwenyezi Mungu yu pamoja nanyi, wala hatakunyimeni malipo ya vitendo vyenu."/>
		<aya index="36" text="Hakika uhai wa duniani ni mchezo na pumbao. Na mkiamini na mkamchamngu Mwenyezi Mungu atakupeni ujira wenu, wala hakutakeni mali yenu."/>
		<aya index="37" text="Na akikutakeni hayo na kukushikilieni mtafanya ubakhili, na atatoa undani wa chuki zenu."/>
		<aya index="38" text="Angalieni! Nyinyi mnaitwa mtumie katika njia ya Mwenyezi Mungu, na wapo katika nyinyi wanao fanya ubakhili. Na anaye fanya ubakhili basi anajifanyia ubakhili mwenyewe. Na Mwenyezi Mungu si mhitaji, na nyinyi ndio wahitaji. Na mkigeuka atawaleta watu wengine badala yenu, nao hawatakuwa kama nyinyi."/>
	</sura>
	<sura index="48" name="">
		<aya index="1" text="Hakika tumekufungulia Ushindi wa dhaahiri"/>
		<aya index="2" text="Ili Mwenyezi Mungu akusamehe makosa yako yaliyo tangulia na yajayo, na akutimizie neema zake, na akuongoe katika Njia Iliyo Nyooka,"/>
		<aya index="3" text="Na Mwenyezi Mungu akunusuru nusura yenye nguvu -"/>
		<aya index="4" text="Yeye ndiye aliye teremsha utulivu katika nyoyo za Waumini ili wazidi Imani juu ya Imani yao. Na Mwenyezi Mungu ndiye mwenye majeshi ya mbingu na ardhi. Na Mwenyezi Mungu ni Mwenye ujuzi, Mwenye hikima -"/>
		<aya index="5" text="Ili awaingize Waumini wanaume na Waumini wanawake katika Bustani zipitazo mito kati yake, wadumu humo, na awafutie makosa yao. Na huko ndiko kufuzu kukubwa mbele ya Mwenyezi Mungu."/>
		<aya index="6" text="Na awape adhabu wanaafiki wanaume na wanaafiki wanawake, na washirikina wanaume na washirikina wanawake, wanao mdhania Mwenyezi Mungu dhana mbaya. Utawafikia mgeuko mbaya, na Mwenyezi Mungu awakasirikie, na awalaani, na awaandalie Jahannamu. Na hayo ni marudio maovu kabisa."/>
		<aya index="7" text="Na Mwenyezi Mungu ana majeshi ya mbingu na ardhi. Na Mwenyezi Mungu ni Mwenye nguvu, Mwenye hikima."/>
		<aya index="8" text="Hakika tumekutuma wewe uwe Shahidi, na Mbashiri, na Mwonyaji,"/>
		<aya index="9" text="Ili mumuamini Mwenyezi Mungu na Mtume wake, na mumsaidie, na mumhishimu, na mumtakase asubuhi na jioni."/>
		<aya index="10" text="Bila ya shaka wanao fungamana nawe, kwa hakika wanafungamana na Mwenyezi Mungu. Mkono wa Mwenyezi Mungu uko juu ya mikono yao. Basi avunjaye ahadi hizi anavunja kwa kuidhuru nafsi yake; na anaye tekeleza aliyo muahadi Mwenyezi Mungu, Mwenyezi Mungu atamlipa ujira mkubwa."/>
		<aya index="11" text="Watakuambia mabedui walio baki nyuma: Yametushughulisha mali yetu na ahali zetu, basi tuombee msamaha. Wanasema kwa ndimi zao yasiyo kuwamo katika nyoyo zao. Sema: Ni nani awezaye kukusaidieni chochote kwa Mwenyezi Mungu akitaka Yeye kukudhuruni au akitaka kukunufaisheni? Bali Mwenyezi Mungu anazo khabari za mnayo yatenda."/>
		<aya index="12" text="Lakini mlidhani kwamba Mtume na Waumini hawatarudi kabisa kwa ahali zao, na mkapambiwa hayo katika nyoyo zenu, na mkadhania dhana mbaya, na mkawa watu wanao angamia."/>
		<aya index="13" text="Na asiye muamini Mwenyezi Mungu na Mtume wake, basi kwa hakika Sisi tumewaandalia makafiri Moto mkali."/>
		<aya index="14" text="Na Mwenyezi Mungu ndiye mwenye ufalme wa mbingu na ardhi. Humsamehe amtakaye, na humuadhibu amtakaye. Na Mwenyezi Mungu ni Mwenye kusamehe, Mwenye kurehemu."/>
		<aya index="15" text="Walio baki nyuma watasema: Mtapo kwenda kuchukua ngawira, tuacheni tukufuateni! Wanataka kuyabadili maneno ya Mwenyezi Mungu. Sema: Hamtatufuata kabisa. Mwenyezi Mungu alikwisha sema kama hivi zamani. Hapo watasema: Bali nyinyi mnatuhusudu. Siyo, bali walikuwa hawafahamu ila kidogo."/>
		<aya index="16" text="Waambie walio achwa nyuma katika mabedui: Mtakuja itwa kwenda pigana na watu wakali kwa vita, mpigane nao au wasalimu amri. Basi mkimt'ii, Mwenyezi Mungu atakupeni ujira mzuri. Na mkigeuka kama mlivyo geuka kwanza, atakuadhibuni kwa adhabu iliyo chungu."/>
		<aya index="17" text="Kipofu hana lawama, wala kiguru hana lawama, wala mgonjwa hana lawama. Na mwenye kumt'ii Mwenyezi Mungu na Mtume wake, atamuingiza katika Mabustani yapitayo mito kati yake. Na atakaye geuka upande atamuadhibu kwa adhabu chungu."/>
		<aya index="18" text="Kwa hakika Mwenyezi Mungu amewapa radhi Waumini walipo fungamana nawe chini ya mti, na alijua yaliyomo nyoyoni mwao. Basi akateremsha utulivu juu yao, na akawalipa kwa Ushindi wa karibu."/>
		<aya index="19" text="Na ngawira nyingi watakazo zichukua. Na Mwenyezi Mungu ni Mwenye nguvu, Mwenye hikima."/>
		<aya index="20" text="Mwenyezi Mungu anakuahidini ngawira nyingi mtakazo zichukua, basi amekutangulizieni hizi kwanza, na akaizuia mikono ya watu isikufikieni, na ili hayo yawe ni Ishara kwa Waumini, na akakuongozeni Njia Iliyo Nyooka."/>
		<aya index="21" text="Na mengine hamwezi kuyapata bado, Mwenyezi Mungu amekwisha yazingia. Na Mwenyezi Mungu ni Muweza wa kila kitu."/>
		<aya index="22" text="Na lau makafiri wangeli pigana nanyi basi bila ya shaka wangeli geuza migongo, kisha wasingeli pata mlinzi wala msaidizi."/>
		<aya index="23" text="Huo ndio mwendo wa Mwenyezi Mungu ulio kwisha pita zamani, wala hutapata mabadiliko katika mwendo wa Mwenyezi Mungu."/>
		<aya index="24" text="Na Yeye ndiye aliyeizuia mikono yao kwenu, na mikono yenu kwao, katika bonde la Makka baada ya kukupeni Ushindi juu yao. Na Mwenyezi Mungu ni Mwenye kuyaona myatendayo."/>
		<aya index="25" text="Hao ndio walio kufuru na wakakuzuieni msiingie Msikiti Mtakatifu, na wakawazuilia dhabihu kufika mahala pao. Na lau si wanaume Waumini na wanawake Waumini msio wajua mkawasaga na mkaingia makosani kutokana nao bila ya kujua... Mwenyezi Mungu (amefanya haya) ili amuingize amtakaye katika rehema yake. Lau wangeli tengana bila ya shaka tungeli waadhibu walio kufuru kwa adhabu chungu."/>
		<aya index="26" text="Pale walio kufuru walipo tia katika nyoyo zao hasira, hasira za kijinga, Mwenyezi Mungu aliteremsha utulivu juu ya Mtume wake na juu ya Waumini, na akawalazimisha neno la kuchamngu. Na wao walikuwa ndio wenye haki nalo na wenye kustahili. Na Mwenyezi Mungu ni Mjuzi wa kila kitu."/>
		<aya index="27" text="Hakika Mwenyezi Mungu amemtimizia Mtume wake ndoto ya haki. Bila ya shaka nyinyi mtauingia Msikiti Mtakatifu, Inshallah, kwa amani, na hali mmenyoa vichwa vyenu na mmepunguza nywele. Hamtakuwa na khofu. Yeye anajua msiyo yajua. Basi atakupeni kabla ya haya Ushindi karibuni."/>
		<aya index="28" text="Yeye ndiye aliye mtuma Mtume wake kwa uwongofu na Dini ya Haki, ili aitukuze juu ya dini zote. Na Mwenyezi Mungu anatosha kuwa Shahidi."/>
		<aya index="29" text="Muhammad ni Mtume wa Mwenyezi Mungu. Na walio pamoja naye wana nguvu mbele ya makafiri, na wanahurumiana wao kwa wao. Utawaona wakiinama na kusujudu wakitafuta fadhila na radhi za Mwenyezi Mungu. Alama zao zi katika nyuso zao, kwa athari ya kusujudu. Huu ndio mfano wao katika Taurati. Na mfano wao katika Injili ni kama mmea ulio toa chipukizi lake, kisha ukalitia nguvu, ukawa mnene, ukasimama sawa juu ya ubuwa wake, ukawafurahisha wakulima, ili kuwakasirisha kwa ajili yao makafiri. Mwenyezi Mungu amewaahidi walio amini na wakatenda mema katika wao msamaha na ujira mkubwa."/>
	</sura>
	<sura index="49" name="">
		<aya index="1" text="Enyi mlio amini! Msitangulie mbele ya Mwenyezi Mungu na Mtume wake, na mcheni Mwenyezi Mungu. Hakika Mwenyezi Mungu ni Mwenye kusikia, Mwenye kujua."/>
		<aya index="2" text="Enyi mlio amini! Msinyanyue sauti zenu kuliko sauti ya Nabii, wala msiseme naye kwa kelele kama mnavyo semezana nyinyi kwa nyinyi, visije vitendo vyenu vikaharibika, na hali hamtambui."/>
		<aya index="3" text="Kwa hakika wanao teremsha sauti zao mbele ya Mtume wa Mwenyezi Mungu, hao ndio Mwenyezi Mungu amezisafisha nyoyo zao kwa uchamngu. Hao watakuwa na maghfira na ujira mkubwa."/>
		<aya index="4" text="Hakika hao wanao kuita nawe uko nyuma ya vyumba, wengi wao hawana akili."/>
		<aya index="5" text="Na lau wao wangeli ngojea mpaka uwatokee ingeli kuwa kheri kwao. Na Mwenyezi Mungu ni Mwenye maghfira, Mwenye kurehemu."/>
		<aya index="6" text="Enyi mlio amini! Akikujieni mpotovu na khabari yoyote, ichunguzeni, msije mkawasibu watu kwa kuto jua, na mkawa tena wenye kujuta kwa mliyo yatenda."/>
		<aya index="7" text="Na jueni kuwa Mtume wa Mwenyezi Mungu yuko nanyi. Lau angeli kut'iini katika mambo mengi, bila ya shaka mngeli taabika. Lakini Mwenyezi Mungu amekupendezeeni Imani, na akaipamba katika nyoyo zenu, na amekufanyeni muuchukie ukafiri, na upotovu, na uasi. Hao ndio walio ongoka,"/>
		<aya index="8" text="Kwa fadhila za Mwenyezi Mungu na neema zake. Na Mwenyezi Mungu ni Mwenye kujua, Mwenye hikima."/>
		<aya index="9" text="Na ikiwa makundi mawili katika Waumini yanapigana, basi yapatanisheni. Na likiwa moja la hao linamdhulumu mwenzie, basi lipigeni linalo dhulumu mpaka lirejee kwenye amri ya Mwenyezi Mungu. Na likirudi basi yapatanisheni kwa uadilifu. Na hukumuni kwa haki. Hakika Mwenyezi Mungu anawapenda wanao hukumu kwa haki."/>
		<aya index="10" text="Hakika Waumini ni ndugu, basi patanisheni baina ya ndugu zenu, na mcheni Mwenyezi Mungu ili mrehemewe."/>
		<aya index="11" text="Enyi mlio amini! Wanaume wasiwadharau wanaume wenzao, wala wanawake wasiwadharau wanawake wenzao. Huenda hao wakawa bora kuliko wao. Wala msivunjiane hishima, wala msiitane kwa majina ya kejeli. Ni uovu kutumia jina baya baada ya kwisha amini. Na wasio tubu, hao ndio wenye kudhulumu."/>
		<aya index="12" text="Enyi mlio amini! Jiepusheni na dhana nyingi, kwani baadhi ya dhana ni dhambi. Wala msipelelezane, wala msisengenyane nyinyi kwa nyinyi. Je! Yupo katika nyinyi anaye penda kuila nyama ya nduguye aliye kufa? Mnalichukia hilo! Na mcheni Mwenyezi Mungu. Hakika Mwenyezi Mungu ni Mwenye kupokea toba, Mwenye kurehemu."/>
		<aya index="13" text="Enyi watu! Hakika Sisi tumekuumbeni kutokana na mwanamume na mwanamke. Na tumekujaalieni kuwa ni mataifa na makabila ili mjuane. Hakika aliye mtukufu zaidi kati yenu kwa Mwenyezi Mungu ni huyo aliye mchamngu zaidi katika nyinyi. Hakika Mwenyezi Mungu ni Mwenye kujua, Mwenye khabari."/>
		<aya index="14" text="Mabedui wamesema: Tumeamini. Sema: Hamjaamini, lakini semeni: Tumesilimu. Kwani Imani haijaingia katika nyoyo zenu. Na mkimt'ii Mwenyezi Mungu na Mtume wake, hatakupunguzieni chochote katika vitendo vyenu. Hakika Mwenyezi Mungu ni Mwenye kusamehe, Mwenye kurehemu."/>
		<aya index="15" text="Hakika Waumini ni wale walio muamini Mwenyezi Mungu na Mtume wake tena wasitie shaka kabisa, na wakapigana Jihadi katika Njia ya Mwenyezi Mungu kwa mali yao na nafsi zao. Hao ndio wakweli."/>
		<aya index="16" text="Sema: Ati ndio mnamfundisha Mwenyezi Mungu Dini yenu, na hali Mwenyezi Mungu anayajua ya katika mbingu na ardhi, na Mwenyezi Mungu anajua kila kitu?"/>
		<aya index="17" text="Wanakusimbulia kuwa wamesilimu! Sema: Msinisimbulie kwa kusilimu kwenu. Bali Mwenyezi Mungu ndiye aliye kufanyieni hisani kwa kukuongoeni kwenye Imani, ikiwa nyinyi ni wakweli."/>
		<aya index="18" text="Hakika Mwenyezi Mungu anajua siri za mbingu na ardhi. Na Mwenyezi Mungu anayaona myatendayo."/>
	</sura>
	<sura index="50" name="">
		<aya index="1" text="Qaaf. Naapa kwa Qur'ani tukufu!"/>
		<aya index="2" text="Bali wanastaajabu kwamba amewafikia mwonyaji kutoka miongoni mwao, na wakasema makafiri: Hili ni jambo la ajabu!"/>
		<aya index="3" text="Ati tukifa na tukawa udongo...? Kurejea huko kuko mbali!"/>
		<aya index="4" text="Hakika Sisi tunajua kiasi cha kila kinacho punguzwa na ardhi kutokana nao. Na kwetu kipo Kitabu kinacho hifadhi yote."/>
		<aya index="5" text="Lakini waliikanusha Haki ilipo wajia; kwa hivyo wamo katika mambo ya mkorogo."/>
		<aya index="6" text="Je! Hawaangalii mbingu zilizo juu yao! Vipi tulivyo zijenga, na tukazipamba. Wala hazina nyufa."/>
		<aya index="7" text="Na ardhi tumeitandaza na tukaiwekea milima, na tukaiotesha mimea mizuri ya kila namna."/>
		<aya index="8" text="Yawe haya ni kifumbua macho na ukumbusho kwa kila mja mwenye kuelekea."/>
		<aya index="9" text="Na tumeteremsha kutoka mbinguni maji yaliyo barikiwa, na kwa hayo tukaotesha mabustani na nafaka za kuvunwa."/>
		<aya index="10" text="Na mitende mirefu yenye makole yaliyo zaa kwa wingi,"/>
		<aya index="11" text="Ili iwe ni riziki kwa waja wangu. Na tukaifufua kwa maji nchi iliyo kuwa imekufa. Kama hivyo ndivyo utakavyo kuwa ufufuaji."/>
		<aya index="12" text="Kabla yao walikadhibisha kaumu ya Nuhu na wakaazi wa Rassi na Thamudi."/>
		<aya index="13" text="Na A'di na Firauni na kaumu ya Lut'i."/>
		<aya index="14" text="Na wakaazi wa Machakani, na watu wa Tubbaa'. Wote hao waliwakanusha Mitume, kwa hivyo onyo likathibitika juu yao."/>
		<aya index="15" text="Kwani tulichoka kwa kuumba mara ya kwanza. Bali wao wamo katika shaka tu juu ya umbo jipya."/>
		<aya index="16" text="Na hakika tumemuumba mtu, nasi tunayajua yanayo mpitikia katika nafsi yake. Na Sisi tuko karibu naye kuliko mshipa wa shingoni mwake."/>
		<aya index="17" text="Wanapo pokea wapokeaji wawili, wanao kaa kuliani na kushotoni."/>
		<aya index="18" text="Hatamki neno ila karibu yake yupo mwangalizi tayari."/>
		<aya index="19" text="Na uchungu wa kutoka roho utamjia kwa haki. Hayo ndiyo uliyo kuwa ukiyakimbia."/>
		<aya index="20" text="Na litapulizwa baragumu. Hiyo ndiyo Siku ya Miadi."/>
		<aya index="21" text="Na kila nafsi itakuja na pamoja nayo mchungaji na shahidi."/>
		<aya index="22" text="(Aambiwe): Kwa hakika ulikuwa umeghafilika na haya; basi leo tumekuondolea pazia lako, na kwa hivyo kuona kwako leo ni kukali."/>
		<aya index="23" text="Na mwenzake atasema: Huyu niliye naye mimi kesha tayarishwa."/>
		<aya index="24" text="Mtupeni katika Jahannamu kila kafiri mwenye inda,"/>
		<aya index="25" text="Akatazaye kheri, arukaye mipaka, mwenye kutia shaka,"/>
		<aya index="26" text="Aliye weka mungu mwengine pamoja na Mwenyezi Mungu. Basi mtupeni katika adhabu kali."/>
		<aya index="27" text="Mwenzake aseme: Ee Mola wetu Mlezi! Sikumpoteza mimi, bali yeye mwenyewe alikuwa katika upotovu wa mbali."/>
		<aya index="28" text="(Mwenyezi Mungu) aseme: Msigombane mbele yangu. Nilikuleteeni mbele onyo langu."/>
		<aya index="29" text="Mbele yangu haibadilishwi kauli, wala Mimi siwadhulumu waja wangu."/>
		<aya index="30" text="Siku tutapo iambia Jahannamu: Je! Umejaa? Nayo itasema: Je! Kuna ziada?"/>
		<aya index="31" text="Na Pepo italetwa karibu kwa ajili ya wachamngu, haitakuwa mbali."/>
		<aya index="32" text="Haya ndiyo mnayo ahidiwa kwa kila mwenye kurejea kwa Mwenyezi Mungu na akajilinda."/>
		<aya index="33" text="Mwenye kumwogopa Mwingi wa Rehema hali kuwa hamwoni, na akaja kwa moyo ulio elekea-"/>
		<aya index="34" text="(Ataambiwa) ingieni kwa salama. Hiyo ndiyo siku ya daima dawamu."/>
		<aya index="35" text="Humo watapata wakitakacho, na kwetu yako ya ziada."/>
		<aya index="36" text="Na kaumu ngapi tuliziangamiza kabla yao walio kuwa na nguvu zaidi kuliko hawa! Nao walitanga tanga katika nchi nyingi. Je! Walipata pa kukimbilia?"/>
		<aya index="37" text="Hakika katika hayo upo ukumbusho kwa mwenye moyo au akatega sikio naye yupo anashuhudia."/>
		<aya index="38" text="Na bila ya shaka Sisi tumeziumba mbingu na ardhi na vilio baina yao mnamo siku sita; na wala hayakutugusa machofu."/>
		<aya index="39" text="Basi vumilia kwa hayo wasemayo, na mtakase kwa kumsifu Mola wako Mlezi kabla ya kuchomoza jua na kabla ya kuchwa."/>
		<aya index="40" text="Na katika usiku pia mtakase, na baada ya kusujudu."/>
		<aya index="41" text="Na sikiliza siku atapo nadi mwenye kunadi kutoka pahala karibu."/>
		<aya index="42" text="Siku watakapo sikia ukelele wa haki. Hiyo ndiyo siku ya kufufuka."/>
		<aya index="43" text="Hakika Sisi tunahuisha na tunafisha, na kwetu Sisi ndio marejeo."/>
		<aya index="44" text="Siku itapo wapasukia ardhi mbio mbio! Mkusanyo huo kwetu ni mwepesi."/>
		<aya index="45" text="Sisi tunajua kabisa wayasemayo. Wala wewe si mwenye kuwatawalia kwa ujabari. Basi mkumbushe kwa Qur'ani anaye liogopa onyo."/>
	</sura>
	<sura index="51" name="">
		<aya index="1" text="Naapa kwa pepo zinazo tawanya,"/>
		<aya index="2" text="Na zinazo beba mizigo,"/>
		<aya index="3" text="Na zinazo kwenda kwa wepesi."/>
		<aya index="4" text="Na zinazo gawanya kwa amri,"/>
		<aya index="5" text="Hakika mnayo ahidiwa bila ya shaka ni kweli,"/>
		<aya index="6" text="Na kwa hakika malipo bila ya shaka yatatokea."/>
		<aya index="7" text="Naapa kwa mbingu zenye njia,"/>
		<aya index="8" text="Hakika nyinyi bila ya shaka mmo katika kauli inayo khitalifiana."/>
		<aya index="9" text="Anageuzwa kutokana na haki mwenye kugeuzwa."/>
		<aya index="10" text="Wazushi wameangamizwa."/>
		<aya index="11" text="Ambao wameghafilika katika ujinga."/>
		<aya index="12" text="Wanauliza: Ni lini hiyo siku ya malipo?"/>
		<aya index="13" text="Hiyo ni siku watakayo adhibiwa Motoni."/>
		<aya index="14" text="Onjeni adhabu yenu! Haya ndiyo mliyo kuwa mkiyahimiza."/>
		<aya index="15" text="Hakika wachamngu watakuwa katika Mabustani na chemchem."/>
		<aya index="16" text="Wanapokea aliyo wapa Mola wao Mlezi. Kwa hakika hao walikuwa kabla ya haya wakifanya mema."/>
		<aya index="17" text="Walikuwa wakilala kidogo tu usiku."/>
		<aya index="18" text="Na kabla ya alfajiri wakiomba maghfira."/>
		<aya index="19" text="Na katika mali yao ipo haki ya mwenye kuomba na asiye omba."/>
		<aya index="20" text="Na katika ardhi zipo Ishara kwa wenye yakini."/>
		<aya index="21" text="Na pia katika nafsi zenu - Je! Hamwoni?"/>
		<aya index="22" text="Na katika mbingu ziko riziki zenu na mliyo ahidiwa."/>
		<aya index="23" text="Basi naapa kwa Mola Mlezi wa mbingu na ardhi, hakika haya ni kweli kama ilivyo kweli kuwa nyinyi mnasema."/>
		<aya index="24" text="Je! Imekufikia hadithi ya wageni wa Ibrahim wanao hishimiwa?"/>
		<aya index="25" text="Walipo ingia kwake wakasema: Salama! Na yeye akasema: Salama! Nyinyi ni watu nisio kujueni."/>
		<aya index="26" text="Akenda kwa ahali yake na akaja na ndama aliye nona."/>
		<aya index="27" text="Akawakaribisha, akasema: Mbona hamli?"/>
		<aya index="28" text="Akahisi kuwaogopa katika nafsi yake. Wakasema: Usiwe na khofu, nao wakambashiria kupata kijana mwenye ilimu."/>
		<aya index="29" text="Ndipo mkewe akawaelekea, na huku anasema na akijipiga usoni kwa mastaajabu, na kusema: Mimi ni kikongwe na tasa!"/>
		<aya index="30" text="Wakasema: Ndivyo vivyo hivyo alivyo sema Mola wako Mlezi. Hakika Yeye ni Mwenye hikima na Mwenye kujua."/>
		<aya index="31" text="AKASEMA: Basi ujumbe wenu ni nini, enyi mlio tumwa?"/>
		<aya index="32" text="Wakasema: Hakika sisi tumetumwa kwa watu wakosefu,"/>
		<aya index="33" text="Tuwatupie mawe ya udongo,"/>
		<aya index="34" text="Yaliyo tiwa alama kutoka kwa Mola wako Mlezi kwa ajili ya wanao pindukia mipaka."/>
		<aya index="35" text="Kwa hivyo tutawatoa katika hao wale walio amini."/>
		<aya index="36" text="Lakini hatukupata humo ila nyumba moja tu yenye Waislamu!"/>
		<aya index="37" text="Na tukaacha humo Ishara kwa ajili ya wanao iogopa adhabu chungu."/>
		<aya index="38" text="Na katika khabari za Musa, tulipo mtuma kwa Firauni na hoja wazi."/>
		<aya index="39" text="Lakini alipuuza kwa sababu ya nguvu zake na akasema: Huyu ni mchawi au mwendawazimu!"/>
		<aya index="40" text="Basi tukamkamata yeye na majeshi yake na tukawatupa baharini, na yeye ndiye wa kulaumiwa."/>
		<aya index="41" text="Na katika khabari za A'di tulipo wapelekea upepo wa kukata uzazi."/>
		<aya index="42" text="Haukuacha chochote ulicho kifikia ila ulikifanya kama kilio nyambuka."/>
		<aya index="43" text="Na katika khabari za Thamudi walipo ambiwa: Jifurahisheni kwa muda mdogo tu."/>
		<aya index="44" text="Wakaasi amri ya Mola wao Mlezi. Basi uliwanyakua moto wa radi nao wanaona."/>
		<aya index="45" text="Basi hawakuweza kusimama wala hawakuwa wenye kujitetea."/>
		<aya index="46" text="Na kaumu ya Nuhu hapo mbele. Hakika hao walikuwa watu wapotovu."/>
		<aya index="47" text="Na mbingu tumezifanya kwa nguvu na uwezo na hakika Sisi bila ya shaka ndio twenye uwezo wa kuzitanua."/>
		<aya index="48" text="Na ardhi tumeitandaza; basi watandazaji wazuri namna gani Sisi!"/>
		<aya index="49" text="Na katika kila kitu tumeumba kwa jozi ili mzingatie."/>
		<aya index="50" text="Basi kimbilieni kwa Mwenyezi Mungu, hakika mimi ni mwonyaji kwenu wa kubainisha nitokae kwake."/>
		<aya index="51" text="Wala msifanye kuwa kuna mungu mwengine pamoja na Mwenyezi Mungu. Hakika mimi ni mwonyaji kwenu wa kubainisha nitokae kwake."/>
		<aya index="52" text="Basi ndio hivyo hivyo, hakuwajia kabla yao Mtume ila walisema: Huyu ni mchawi au mwendawazimu."/>
		<aya index="53" text="Je! Wameambizana kwa haya? Bali hawa ni watu waasi."/>
		<aya index="54" text="Basi waachilie mbali, nawe hulaumiwi."/>
		<aya index="55" text="Na kumbusha, kwani ukumbusho huwafaa Waumini."/>
		<aya index="56" text="Nami sikuwaumba majini na watu ila waniabudu Mimi."/>
		<aya index="57" text="Na sitaki kwao riziki, wala sitaki wanilishe."/>
		<aya index="58" text="Hakika Mwenyezi Mungu ndiye Mwenye kuruzuku, Mwenye nguvu, Madhubuti."/>
		<aya index="59" text="Hakika walio dhulumu wana fungu lao la adhabu kama fungu la wenzao. Basi wasinihimize."/>
		<aya index="60" text="Ole wao walio ikanusha siku yao waliyo ahidiwa."/>
	</sura>
	<sura index="52" name="">
		<aya index="1" text="Naapa kwa mlima wa T'ur,"/>
		<aya index="2" text="Na Kitabu kilicho andikwa"/>
		<aya index="3" text="Katika ngozi iliyo kunjuliwa,"/>
		<aya index="4" text="Na kwa Nyumba iliyo jengwa,"/>
		<aya index="5" text="Na kwa dari iliyo nyanyuliwa,"/>
		<aya index="6" text="Na kwa bahari iliyo jazwa,"/>
		<aya index="7" text="Hakika adhabu ya Mola wako Mlezi hapana shaka itatokea."/>
		<aya index="8" text="Hapana wa kuizuia."/>
		<aya index="9" text="Siku zitakapo tikisika mbingu kwa mtikiso,"/>
		<aya index="10" text="Na milima iwe inakwenda kwa mwendo mkubwa."/>
		<aya index="11" text="Basi ole wao siku hiyo hao wanao kadhibisha,"/>
		<aya index="12" text="Ambao wanacheza katika mambo ya upuuzi."/>
		<aya index="13" text="Siku watapo sukumwa kwenye Moto kwa msukumo wa nguvu,"/>
		<aya index="14" text="(Waambiwe): Huu ndio ule Moto mlio kuwa mkiukanusha!"/>
		<aya index="15" text="Je! Huu ni uchawi, au hamwoni tu?"/>
		<aya index="16" text="Uingieni, mkistahamili au msistahamili - ni mamoja kwenu. Hakika mnalipwa kwa mliyo kuwa mkiyatenda."/>
		<aya index="17" text="Hakika wachamngu watakuwa katika Mabustani na neema,"/>
		<aya index="18" text="Wakifurahi kwa yale aliyo wapa Mola wao Mlezi. Na Mola wao Mlezi atawalinda na adhabu ya Motoni."/>
		<aya index="19" text="Kuleni na kunyweni kwa raha kabisa kwa sababu ya mliyo kuwa mkiyatenda."/>
		<aya index="20" text="Watakuwa wameegemea juu ya viti vya enzi vilivyo pangwa kwa safu. Na tutawaoza mahuru-l-aini."/>
		<aya index="21" text="Na walio amini na dhuriya zao wakawafuata kwa Imani tutawakutanisha nao dhuriya zao, na wala hatutawapunja hata kidogo katika vitendo vyao. Kila mtu lazima atapata alicho kichuma."/>
		<aya index="22" text="Na tutawapa matunda, na nyama kama watavyo penda."/>
		<aya index="23" text="Watapeana humo bilauri zisio na vinywaji vya kuleta maneno ya upuuzi wala dhambi."/>
		<aya index="24" text="Iwe wanawapitia watumishi wao kama kwamba ni lulu zilizomo katika chaza."/>
		<aya index="25" text="Wataelekeana wakiulizana."/>
		<aya index="26" text="Waseme: Tulikuwa zamani pamoja na ahali zetu tukiogopa;"/>
		<aya index="27" text="Basi Mwenyezi Mungu akatufanyia hisani na akatulinda na adhabu ya upepo wa Moto."/>
		<aya index="28" text="Hakika sisi zamani tulikuwa tukimwomba Yeye tu. Hakika Yeye ndiye Mwema Mwenye kurehemu."/>
		<aya index="29" text="Basi kumbusha! Kwani wewe, kwa neema ya Mola wako Mlezi, si kuhani wala mwendawazimu."/>
		<aya index="30" text="Au wanasema: Huyu ni mtunga mashairi, tunamtarajia kupatilizwa na dahari."/>
		<aya index="31" text="Sema: Tarajieni, na mimi pia ni pamoja nanyi katika kutarajia."/>
		<aya index="32" text="Au hizo akili zao ndio zinawaamrisha haya, au wao basi ni watu majeuri tu?"/>
		<aya index="33" text="Au ndio wanasema: Ameitunga hii! Bali basi tu hawaamini!"/>
		<aya index="34" text="Basi nawalete masimulizi kama haya ikiwa wao wanasema kweli."/>
		<aya index="35" text="Au wao wameumbwa pasipo kutokana na kitu chochote, au ni wao ndio waumbaji?"/>
		<aya index="36" text="Au wao wameziumba mbingu na ardhi? Bali hawana na yakini."/>
		<aya index="37" text="Au wanazo khazina za Mola wako Mlezi au wao ndio wenye madaraka?"/>
		<aya index="38" text="Au wanazo ngazi za kusikilizia? Basi huyo msikilizaji wao na alete hoja ilio wazi!"/>
		<aya index="39" text="Au Yeye Mwenyezi Mungu ana wasichana, na nyinyi ndio mna wavulana?"/>
		<aya index="40" text="Au wewe unawaomba ujira, na kwa hivyo ndio wanaelemewa na uzito wa gharama?"/>
		<aya index="41" text="Au wanayo ilimu ya ghaibu, nao wameandika?"/>
		<aya index="42" text="Au wanataka kufanya vitimbi tu? Lakini hao walio kufuru ndio watakao tegeka."/>
		<aya index="43" text="Au wanae mungu asiye kuwa Mwenyezi Mungu? Subhanallah! Ametaksika Mwenyezi Mungu na hao wanao washirikisha naye."/>
		<aya index="44" text="Na hata wange ona pande linatoka mbinguni linaanguka wange sema: Ni mawingu yaliyo bebana."/>
		<aya index="45" text="Basi waache mpaka wakutane na siku yao watakapo hilikishwa."/>
		<aya index="46" text="Siku ambayo hila zao hazitawafaa hata kidogo, wala wao hawatanusuriwa."/>
		<aya index="47" text="Na hakika walio dhulumu watapata adhabu nyengine isiyo kuwa hii, lakini wengi wao hawajui."/>
		<aya index="48" text="Na ingojee hukumu ya Mola wako Mlezi. Kwani wewe hakika uko mbele ya macho yetu, na mtakase kwa kumsifu Mola wako Mlezi unapo simama,"/>
		<aya index="49" text="Na usiku pia mtakase, na zinapo kuchwa nyota."/>
	</sura>
	<sura index="53" name="">
		<aya index="1" text="Naapa kwa nyota inapo tua,"/>
		<aya index="2" text="Mwenzenu huyu hakupotea, wala hakukosea."/>
		<aya index="3" text="Wala hatamki kwa matamanio."/>
		<aya index="4" text="Hayakuwa haya ila ni ufunuo ulio funuliwa;"/>
		<aya index="5" text="Amemfundisha aliye mwingi wa nguvu,"/>
		<aya index="6" text="Mwenye kutua, akatulia,"/>
		<aya index="7" text="Naye yuko juu kabisa upeo wa macho."/>
		<aya index="8" text="Kisha akakaribia na akateremka."/>
		<aya index="9" text="Akawa ni kama baina ya mipinde miwili, au karibu zaidi."/>
		<aya index="10" text="Akamfunulia mja wake (Mwenyezi Mungu) alicho mfunulia."/>
		<aya index="11" text="Moyo haukusema uwongo uliyo yaona."/>
		<aya index="12" text="Je! Mnabishana naye kwa aliyo yaona?"/>
		<aya index="13" text="Na akamwona mara nyingine,"/>
		<aya index="14" text="Penye Mkunazi wa mwisho."/>
		<aya index="15" text="Karibu yake ndiyo ipo Bustani inayo kaliwa."/>
		<aya index="16" text="Kilipo ufunika huo Mkunazi hicho kilicho ufunuika."/>
		<aya index="17" text="Jicho halikuhangaika wala halikuruka mpaka."/>
		<aya index="18" text="Kwa yakini aliona katika Ishara kubwa kabisa za Mola wake Mlezi."/>
		<aya index="19" text="Je! Mmemuona Lata na Uzza?"/>
		<aya index="20" text="Na Manaat, mwingine wa tatu?"/>
		<aya index="21" text="Je! Nyinyi mnao wana wanaume na Yeye ndio awe na wanawake?"/>
		<aya index="22" text="Huo ni mgawanyo wa dhulma!"/>
		<aya index="23" text="Hayo hayakuwa ila ni majina mliyo wapa nyinyi na baba zenu. Mwenyezi Mungu hakuleta uthibitisho wowote juu ya hayo. Hawafuati ila dhana tu na kipendacho nafsi. Na kwa yakini uwongofu ulikwisha wafikia kutoka kwa Mola wao Mlezi."/>
		<aya index="24" text="Ati mtu anakipata kila anacho kitamani?"/>
		<aya index="25" text="Mwenyezi Mungu tu ndiye Mwenye dunia na Akhera."/>
		<aya index="26" text="Na wako Malaika wangapi mbinguni, ambao uombezi wao hautafaa chochote isipo kuwa baada ya Mwenyezi Mungu kutoa idhini kwa amtakaye na kumridhia."/>
		<aya index="27" text="Hakika wasio amini Akhera bila ya shaka wao ndio wanawaita Malaika kwa majina ya kike."/>
		<aya index="28" text="Nao hawana ujuzi wowote kwa hayo isipo kuwa wanafuata dhana tu. Na dhana haisaidii chochote mbele ya haki."/>
		<aya index="29" text="Basi mwachilie mbali anaye upa kisogo ukumbusho wetu, na wala hataki ila maisha ya dunia."/>
		<aya index="30" text="Huo ndio mwisho wao wa ujuzi. Hakika Mola wako Mlezi ndiye anaye mjua zaidi mwenye kuipotea njia yake, na Yeye ndiye anaye mjua zaidi mwenye kuongoka."/>
		<aya index="31" text="Ni vya Mwenyezi Mungu vyote viliomo mbinguni na viliomo katika ardhi, ili awalipe walio tenda ubaya kwa waliyo yatenda, na walio tenda mema awalipe mema."/>
		<aya index="32" text="Ambao wanajiepusha na madhambi makuu na vitendo vichafu, isipo kuwa makosa khafifu. Hakika Mola wako Mlezi ni Mkunjufu wa maghfira, naye anakujueni sana tangu alipo kuumbeni kutoka kwenye ardhi, na mlipo kuwa mimba matumboni mwa mama zenu. Basi msijisifu usafi. Yeye anamjua sana mwenye kujikinga na maovu."/>
		<aya index="33" text="Je! Umemwona yule aliye geuka?"/>
		<aya index="34" text="Na akatoa kidogo, kisha akajizuia?"/>
		<aya index="35" text="Je! Anayo huyo ilimu ya ghaibu, basi ndio anaona?"/>
		<aya index="36" text="Au hakuambiwa yaliyomo katika Vitabu vya Musa?"/>
		<aya index="37" text="Na vya Ibrahimu aliye timiza ahadi?"/>
		<aya index="38" text="Ya kwamba hakika nafsi iliyo beba madhambi haibebi madhambi ya mwengine?"/>
		<aya index="39" text="Na ya kwamba hatapata mtu ila aliyo yafanya mwenyewe?"/>
		<aya index="40" text="Na kwamba vitendo vyake vitaonekana?"/>
		<aya index="41" text="Kisha ndio atalipwa malipo yake kwa ukamilifu."/>
		<aya index="42" text="Na kwamba kwao Mola wako Mlezi ndio mwisho."/>
		<aya index="43" text="Na kwamba Yeye ndiye anaye leta kicheko na kilio."/>
		<aya index="44" text="Na kwamba Yeye ndiye anaye fisha na kuhuisha."/>
		<aya index="45" text="Na kwamba Yeye ndiye aliye umba jozi, dume na jike"/>
		<aya index="46" text="Kutokana na mbegu ya uzazi inapo miminwa."/>
		<aya index="47" text="Na kwamba ni juu yake ufufuo mwengine."/>
		<aya index="48" text="Na kwamba ni Yeye ndiye anaye tosheleza na kukinaisha."/>
		<aya index="49" text="Na kwamba hakika Yeye ndiye Mola Mlezi wa nyota ya Shii'ra."/>
		<aya index="50" text="Na kwamba Yeye ndiye aliye waangamiza A'di wa kwanza,"/>
		<aya index="51" text="Na Thamudi hakuwabakisha,"/>
		<aya index="52" text="Na kabla yao kaumu ya Nuhu. Na hao hakika walikuwa ni madhaalimu zaidi, na waovu zaidi;"/>
		<aya index="53" text="Na miji iliyo pinduliwa, ni Yeye aliye ipindua."/>
		<aya index="54" text="Vikaifunika vilivyo funika."/>
		<aya index="55" text="Basi neema gani ya Mola wako Mlezi unayo ifanyia shaka?"/>
		<aya index="56" text="Hili ni Onyo katika maonyo yale yale ya zamani."/>
		<aya index="57" text="Kiyama kimekaribia!"/>
		<aya index="58" text="Hapana wa kukifichua isipo kuwa Mwenyezi Mungu."/>
		<aya index="59" text="Je! Mnayastaajabia maneno haya?"/>
		<aya index="60" text="Na mnacheka, wala hamlii?"/>
		<aya index="61" text="Nanyi mmeghafilika?"/>
		<aya index="62" text="Basi msujudieni Mwenyezi Mungu, na mumuabudu."/>
	</sura>
	<sura index="54" name="">
		<aya index="1" text="Saa imekaribia, na mwezi umepasuka!"/>
		<aya index="2" text="Na wakiona Ishara hugeuka upande na husema: Huu uchawi tu unazidi kuendelea."/>
		<aya index="3" text="Na wamekanusha na wamefuata matamanio yao. Na kila jambo ni lenye kuthibiti."/>
		<aya index="4" text="Na bila ya shaka zimewajia khabari zenye makaripio."/>
		<aya index="5" text="Hikima kaamili; lakini maonyo hayafai kitu!"/>
		<aya index="6" text="Basi jiepushe nao. Siku atakapo ita mwitaji kuliendea jambo linalo chusha;"/>
		<aya index="7" text="Macho yao yatainama; watatoka makaburini kama nzige walio tawanyika,"/>
		<aya index="8" text="Wanamkimbilia mwitaji, na makafiri wanasema: Hii ni siku ngumu."/>
		<aya index="9" text="Kabla yao kaumu ya Nuhu walikanusha; wakamkanusha mja wetu, na wakasema ni mwendawazimu, na akakaripiwa."/>
		<aya index="10" text="Basi akamwomba Mola wake Mlezi akasema: Kwa hakika mimi nimeshindwa, basi ninusuru!"/>
		<aya index="11" text="Basi tukaifungua milango ya mbingu kwa maji yanayo miminika."/>
		<aya index="12" text="Na tukazipasua ardhi kwa chemchem, yakakutana maji kwa jambo lilio kadiriwa."/>
		<aya index="13" text="Na tukamchukua kwenye safina ya mbao na kamba."/>
		<aya index="14" text="Ikawa inakwenda kwa nadhari yetu, kuwa ni malipo kwa alivyo kuwa amekanushwa."/>
		<aya index="15" text="Na bila ya shaka tuliiacha iwe ni Ishara. Lakini je, yupo anaye kumbuka?"/>
		<aya index="16" text="Basi ilikuwaje adhabu yangu, na maonyo yangu."/>
		<aya index="17" text="Na bila ya shaka Sisi tumeifanya Qur'ani iwe nyepesi kufahamika. Lakini yupo anaye kumbuka?"/>
		<aya index="18" text="Kina A'di walikanusha. Basi ilikuwaje adhabu yangu na maonyo yangu?"/>
		<aya index="19" text="Hakika Sisi tuliwapelekea upepo wa kimbunga katika siku korofi mfululizo,"/>
		<aya index="20" text="Ukiwang'oa watu kama vigogo vya mitende vilio ng'olewa."/>
		<aya index="21" text="Basi ilikuwaje adhabu yangu na maonyo yangu?"/>
		<aya index="22" text="Na bila ya shaka Sisi tumeifanya Qur'ani nyepesi kufahamika; lakini yupo anaye kumbuka?"/>
		<aya index="23" text="Thamudi waliwakanusha Waonyaji."/>
		<aya index="24" text="Wakasema: Ati tumfuate binaadamu mmoja katika sisi? Basi hivyo sisi tutakuwa katika upotofu na kichaa!"/>
		<aya index="25" text="Ni yeye tu aliye teremshiwa huo ukumbusho kati yetu sote? Bali huyu ni mwongo mwenye kiburi!"/>
		<aya index="26" text="Kesho watajua ni nani huyo mwongo mwenye kiburi."/>
		<aya index="27" text="Hakika Sisi tutawapelekea ngamia jike ili kuwajaribu, basi watazame tu na ustahamili."/>
		<aya index="28" text="Na waambie kwamba maji yatagawanywa baina yao; kila sehemu ya maji itahudhuriwa na aliye khusika."/>
		<aya index="29" text="Basi wakamwita mtu wao akaja akamchinja."/>
		<aya index="30" text="Basi ilikuwaje adhabu yangu na maonyo yangu!"/>
		<aya index="31" text="Hakika Sisi tuliwapelekea ukelele mmoja tu, wakawa kama mabuwa ya kujengea uwa."/>
		<aya index="32" text="Na bila ya shaka Sisi tumeifanya Qur'ani iwe nyepesi kwa kukumbuka, lakini yupo akumbukaye?"/>
		<aya index="33" text="Kaumu Lut'i nao waliwakadhibisha Waonyaji."/>
		<aya index="34" text="Hakika Sisi tukawapelekea kimbunga cha vijiwe, isipo kuwa wafuasi wa Lut'i. Hao tuliwaokoa karibu na alfajiri."/>
		<aya index="35" text="Kwa neema inayo toka kwetu. Hivyo ndivyo tumlipavyo anaye shukuru."/>
		<aya index="36" text="Na hakika yeye aliwaonya adhabu yetu; lakini wao waliyatilia shaka hayo maonyo."/>
		<aya index="37" text="Na walimtaka awape wageni wake. Tukayapofua macho yao, na tukawaambia: Onjeni basi adhabu na maonyo yangu!"/>
		<aya index="38" text="Na iliwafikia wakati wa asubuhi adhabu yangu ya kuendelea."/>
		<aya index="39" text="Basi onjeni adhabu na maonyo yangu!"/>
		<aya index="40" text="Na hakika tumeisahilisha Qur'ani kuikumbuka. Lakini yupo anaye kumbuka?"/>
		<aya index="41" text="Na Waonyaji waliwafikia watu wa Firauni."/>
		<aya index="42" text="Walizikadhibisha Ishara zetu zote, nasi tukawashika kama anavyo shika Mwenye nguvu Mwenye uweza."/>
		<aya index="43" text="Je! Makafiri wenu ni bora kuliko hao, au yameandikwa vitabuni kuwa nyinyi hamtiwi makosani?"/>
		<aya index="44" text="Au ndio wanasema: Sisi ni wengi tutashinda tu."/>
		<aya index="45" text="Wingi wao huu utashindwa, na wao watasukumwa nyuma."/>
		<aya index="46" text="Bali Saa ya Kiyama ndio miadi yao, na Saa hiyo ni nzito zaidi na chungu zaidi."/>
		<aya index="47" text="Hakika wakosefu wamo katika upotofu na wazimu."/>
		<aya index="48" text="Siku watakapo kokotwa Motoni kifudifudi waambiwe: Onjeni mguso wa Jahannamu!"/>
		<aya index="49" text="Kwa hakika Sisi tumekiumba kila kitu kwa kipimo."/>
		<aya index="50" text="Na amri yetu haikuwa ila ni moja tu, kama kupepesa jicho."/>
		<aya index="51" text="Na bila ya shaka tumekwisha waangamiza wenzenu. Lakini yupo anaye kumbuka?"/>
		<aya index="52" text="Na kila jambo walilo lifanya limo vitabuni."/>
		<aya index="53" text="Na kila kidogo na kikubwa kimeandikwa."/>
		<aya index="54" text="Hakika wachamngu watakuwa katika Mabustani na mito."/>
		<aya index="55" text="Katika makalio ya haki kwa Mfalme Mwenye uweza."/>
	</sura>
	<sura index="55" name="">
		<aya index="1" text="Arrah'man, Mwingi wa Rehema"/>
		<aya index="2" text="Amefundisha Qur'ani."/>
		<aya index="3" text="Amemuumba mwanaadamu,"/>
		<aya index="4" text="Akamfundisha kubaini."/>
		<aya index="5" text="Jua na mwezi huenda kwa hisabu."/>
		<aya index="6" text="Na mimea yenye kutambaa, na miti, inanyenyekea."/>
		<aya index="7" text="Na mbingu ameziinua, na ameweka mizani,"/>
		<aya index="8" text="Ili msidhulumu katika mizani."/>
		<aya index="9" text="Na wekeni mizani kwa haki, wala msipunje katika mizani."/>
		<aya index="10" text="Na ardhi ameiweka kwa ajili ya viumbe."/>
		<aya index="11" text="Humo yamo matunda na mitende yenye mafumba."/>
		<aya index="12" text="Na nafaka zenye makapi, na rehani."/>
		<aya index="13" text="Basi ni ipi katika neema za Mola wenu Mlezi mnayo ikanusha"/>
		<aya index="14" text="Amemuumba mtu kwa udongo wa kinamo.."/>
		<aya index="15" text="Na akawaumba majini kwa ulimi wa moto."/>
		<aya index="16" text="Basi ni ipi katika neema za Mola wenu Mlezi mnayo ikanusha"/>
		<aya index="17" text="Mola Mlezi wa mashariki mbili na wa magharibi mbili."/>
		<aya index="18" text="Basi ni ipi katika neema za Mola wenu Mlezi mnayo ikanusha?"/>
		<aya index="19" text="Anaziendesha bahari mbili zikutane;"/>
		<aya index="20" text="Baina yao kipo kizuizi, zisiingiliane."/>
		<aya index="21" text="Basi ni ipi katika neema za Mola wenu Mlezi mnayo ikanusha?"/>
		<aya index="22" text="Katika hizo bahari mbili zinatoka lulu na marijani."/>
		<aya index="23" text="Basi ni ipi katika neema za Mola wenu Mlezi mnayo ikanusha?"/>
		<aya index="24" text="Na ni vyake Yeye hivi viendavyo baharini vilivyo undwa kama vilima."/>
		<aya index="25" text="Basi ni ipi katika neema za Mola wenu Mlezi mnayo ikanusha?"/>
		<aya index="26" text="Kila kilioko juu yake kitatoweka."/>
		<aya index="27" text="Na atabakia Mwenyewe Mola wako Mlezi Mwenye utukufu na ukarimu."/>
		<aya index="28" text="Basi ni ipi katika neema za Mola wenu Mlezi mnayo ikanusha?"/>
		<aya index="29" text="Vinamwomba Yeye vilivyomo katika mbingu na ardhi. Kila siku Yeye yumo katika mambo."/>
		<aya index="30" text="Basi ni ipi katika neema za Mola wenu Mlezi mnayo ikanusha?"/>
		<aya index="31" text="Tutakuhisabuni enyi makundi mawili."/>
		<aya index="32" text="Basi ni ipi katika neema za Mola wenu Mlezi mnayo ikanusha?"/>
		<aya index="33" text="Enyi makundi ya majini na watu! Mkiweza kupenya kwenye mbingu na ardhi, basi penyeni! Hamtapenya ila kwa kupewa madaraka."/>
		<aya index="34" text="Basi ni ipi katika neema za Mola wenu Mlezi mnayo ikanusha?"/>
		<aya index="35" text="Mtapelekewa muwako wa moto na shaba; wala hamtashinda."/>
		<aya index="36" text="Basi ni ipi katika neema za Mola wenu Mlezi mnayo ikanusha?"/>
		<aya index="37" text="Itakapo pasuka mbingu ikawa nyekundu kama mafuta."/>
		<aya index="38" text="Basi ni ipi katika neema za Mola wenu Mlezi mnayo ikanusha?"/>
		<aya index="39" text="Siku hiyo hataulizwa dhambi zake mtu wala jini."/>
		<aya index="40" text="Basi ni ipi katika neema za Mola wenu Mlezi mnayo ikanusha?"/>
		<aya index="41" text="Watajuulikana wakosefu kwa alama zao, basi watashikwa kwa nywele zao za utosini na kwa miguu."/>
		<aya index="42" text="Basi ni ipi katika neema za Mola wenu Mlezi mnayo ikanusha?"/>
		<aya index="43" text="Hii ndiyo Jahannamu ambayo wakosefu wakiikanusha."/>
		<aya index="44" text="Watakuwa wakizunguka baina ya hiyo na maji ya moto yanayo chemka."/>
		<aya index="45" text="Basi ni ipi katika neema za Mola wenu Mlezi mnayo ikanusha?"/>
		<aya index="46" text="Na mwenye kuogopa kusimamishwa mbele ya Mola wake Mlezi atapata Bustani mbili."/>
		<aya index="47" text="Basi ni ipi katika neema za Mola wenu Mlezi mnayo ikanusha?"/>
		<aya index="48" text="Bustani zenye matawi yaliyo tanda."/>
		<aya index="49" text="Basi ni ipi katika neema za Mola wenu Mlezi mnayo ikanusha?"/>
		<aya index="50" text="Ndani yake zimo chemchem mbili zinazo pita."/>
		<aya index="51" text="Basi ni ipi katika neema za Mola wenu Mlezi mnayo ikanusha?"/>
		<aya index="52" text="Humo katika kila matunda zimo namna mbili."/>
		<aya index="53" text="Basi ni ipi katika neema za Mola wenu Mlezi mnayo ikanusha?"/>
		<aya index="54" text="Wawe wameegemea matandiko yenye bit'ana ya hariri nzito; na matunda ya Bustani hizo yapo karibu."/>
		<aya index="55" text="Basi ni ipi katika neema za Mola wenu Mlezi mnayo ikanusha?"/>
		<aya index="56" text="Humo watakuwamo wanawake watulizao macho yao; hajawagusa mtu kabla yao wala jini."/>
		<aya index="57" text="Basi ni ipi katika neema za Mola wenu Mlezi mnayo ikanusha?"/>
		<aya index="58" text="Kama kwamba wao ni yakuti na marijani."/>
		<aya index="59" text="Basi ni ipi katika neema za Mola wenu Mlezi mnayo ikanusha."/>
		<aya index="60" text="Ati yaweza kuwa malipo ya ihsani ila ihsani?"/>
		<aya index="61" text="Basi ni ipi katika neema za Mola wenu Mlezi mnayo ikanusha?"/>
		<aya index="62" text="Na zaidi ya hizo zipo Bustani nyengine mbili."/>
		<aya index="63" text="Basi ni ipi katika neema za Mola wenu Mlezi mnayo ikanusha?"/>
		<aya index="64" text="Za kijani kibivu."/>
		<aya index="65" text="Basi ni ipi katika neema za Mola wenu Mlezi mnayo ikanusha?"/>
		<aya index="66" text="Na chemchem mbili zinazo furika."/>
		<aya index="67" text="Basi ni ipi katika neema za Mola wenu Mlezi mnayo ikanusha?"/>
		<aya index="68" text="Imo humo miti ya matunda, na mitende na mikomamanga."/>
		<aya index="69" text="Basi ni ipi katika neema za Mola wenu Mlezi mnayo ikanusha?"/>
		<aya index="70" text="Humo wamo wanawake wema wazuri."/>
		<aya index="71" text="Basi ni ipi katika neema za Mola wenu Mlezi mnayo ikanusha?"/>
		<aya index="72" text="Wanawake wazuri wanao tawishwa katika makhema."/>
		<aya index="73" text="Basi ni ipi katika neema za Mola wenu Mlezi mnayo ikanusha?"/>
		<aya index="74" text="Hajawagusa mtu wala jini kabla yao."/>
		<aya index="75" text="Basi ni ipi katika neema za Mola wenu Mlezi mnayo ikanusha?"/>
		<aya index="76" text="Wameegemea juu ya matakia ya kijani na mazulia mazuri."/>
		<aya index="77" text="Basi ni ipi katika neema za Mola wenu Mlezi mnayo ikanusha?"/>
		<aya index="78" text="Limetukuka jina la Mola wako Mlezi Mwenye utukufu na ukarimu."/>
	</sura>
	<sura index="56" name="">
		<aya index="1" text="Litakapo tukia hilo Tukio"/>
		<aya index="2" text="Hapana cha kukanusha kutukia kwake."/>
		<aya index="3" text="Literemshalo linyanyualo,"/>
		<aya index="4" text="Itakapo tikiswa ardhi kwa mtikiso,"/>
		<aya index="5" text="Na milima itapo sagwasagwa,"/>
		<aya index="6" text="Iwe mavumbi yanayo peperushwa,"/>
		<aya index="7" text="Na nyinyi mtakuwa namna tatu:-"/>
		<aya index="8" text="Basi watakuwepo wa kuliani; je, ni wepi wa kuliani?"/>
		<aya index="9" text="Na wa kushotoni; je, ni wepi wa kushotoni?"/>
		<aya index="10" text="Na wa mbele watakuwa mbele."/>
		<aya index="11" text="Hao ndio watakao karibishwa"/>
		<aya index="12" text="Katika Bustani zenye neema."/>
		<aya index="13" text="Fungu kubwa katika wa mwanzo,"/>
		<aya index="14" text="Na wachache katika wa mwisho."/>
		<aya index="15" text="Watakuwa juu ya viti vya fakhari vilivyo tonewa."/>
		<aya index="16" text="Wakiviegemea wakielekeana."/>
		<aya index="17" text="Wakitumikiwa na wavulana wa ujana wa milele,"/>
		<aya index="18" text="Kwa vikombe na mabirika na bilauri za vinywaji kutoka chemchem safi."/>
		<aya index="19" text="Hawataumwa kichwa kwa vinywaji hivyo wala hawatoleweshwa."/>
		<aya index="20" text="Na matunda wayapendayo,"/>
		<aya index="21" text="Na nyama za ndege kama wanavyo tamani."/>
		<aya index="22" text="Na Mahurulaini,"/>
		<aya index="23" text="Walio kama mfano wa lulu zilio hifadhiwa."/>
		<aya index="24" text="Ni malipo kwa waliyo kuwa wakiyatenda."/>
		<aya index="25" text="Humo hawatasikia porojo wala maneno ya dhambi,"/>
		<aya index="26" text="Isipo kuwa maneno ya Salama, Salama."/>
		<aya index="27" text="Na wale wa mkono wa kulia, ni yepi yatakuwa ya wa kuliani?"/>
		<aya index="28" text="Katika mikunazi isiyo na miba,"/>
		<aya index="29" text="Na migomba iliyo pangiliwa,"/>
		<aya index="30" text="Na kivuli kilicho tanda,"/>
		<aya index="31" text="Na maji yanayo miminika,"/>
		<aya index="32" text="Na matunda mengi,"/>
		<aya index="33" text="Hayatindikii wala hayakatazwi,"/>
		<aya index="34" text="Na matandiko yaliyo nyanyuliwa."/>
		<aya index="35" text="Hakika Sisi tutawaumba (Mahurulaini) upya,"/>
		<aya index="36" text="Na tutawafanya vijana,"/>
		<aya index="37" text="Wanapendana na waume zao, hirimu moja."/>
		<aya index="38" text="Kwa ajili ya watu wa kuliani."/>
		<aya index="39" text="Fungu kubwa katika wa mwanzo,"/>
		<aya index="40" text="Na fungu kubwa katika wa mwisho."/>
		<aya index="41" text="Na watu wa kushotoni; je ni yepi ya wa kushotoni?"/>
		<aya index="42" text="Katika upepo wa moto, na maji yanayo chemka,"/>
		<aya index="43" text="Na kivuli cha moshi mweusi,"/>
		<aya index="44" text="Si cha kuburudisha wala kustarehesha."/>
		<aya index="45" text="Hakika hao walikuwa kabla ya haya wakiishi maisha ya anasa."/>
		<aya index="46" text="Na walikuwa wakishikilia kufanya madhambi makubwa,"/>
		<aya index="47" text="Na walikuwa wakisema: Tutakapo kufa na tukawa udongo na mafupa, ati ndio tutafufuliwa?"/>
		<aya index="48" text="Au baba zetu wa zamani?"/>
		<aya index="49" text="Sema: Hakika wa zamani na wa mwisho"/>
		<aya index="50" text="Bila ya shaka watakusanywa kwa wakati wa siku maalumu."/>
		<aya index="51" text="Kisha nyinyi, mlio potea, mnao kanusha,"/>
		<aya index="52" text="Kwa yakini mtakula mti wa Zaqqumu."/>
		<aya index="53" text="Na kwa mti huo mtajaza matumbo."/>
		<aya index="54" text="Na juu yake mtakunywa maji yanayo chemka."/>
		<aya index="55" text="Tena mtakunywa kama wanavyo kunywa ngamia wenye kiu."/>
		<aya index="56" text="Hiyo ndiyo karamu yao Siku ya Malipo."/>
		<aya index="57" text="Sisi tumekuumbeni; basi hamsadiki?"/>
		<aya index="58" text="Je! Mnaiona mbegu ya uzazi mnayo idondokeza?"/>
		<aya index="59" text="Je! Mnaiumba nyinyi, au ni Sisi ndio Waumbaji?"/>
		<aya index="60" text="Sisi tumekuwekeeni mauti; na wala Sisi hatushindwi"/>
		<aya index="61" text="Kuwaleta wengine badala yenu na kukuumbeni nyinyi kwa umbo msilo lijua."/>
		<aya index="62" text="Na bila ya shaka mlikwisha jua umbo la kwanza, basi kwa nini hamkumbuki?"/>
		<aya index="63" text="Je! Mnaona makulima mnayo yapanda?"/>
		<aya index="64" text="Je! Ni nyinyi mnayo yaotesha au ni Sisi ndio wenye kuotesha?"/>
		<aya index="65" text="Tungeli taka tungeli yafanya yakawa mapepe, mkabaki mnastaajabu,"/>
		<aya index="66" text="Mkisema: Hakika sisi tumegharimika;"/>
		<aya index="67" text="Bali sisi tumenyimwa."/>
		<aya index="68" text="Je! Mnayaona maji mnayo yanywa?"/>
		<aya index="69" text="Je! Ni nyinyi mnayo yateremsha kutoka mawinguni au ni Sisi ndio wenye kuyateremsha?"/>
		<aya index="70" text="Tungeli penda tungeli yafanya ya chumvi. Basi mbona hamshukuru?"/>
		<aya index="71" text="Je! Mnauona moto mnao uwasha?"/>
		<aya index="72" text="Ni nyinyi mlio uumba mti wake au Sisi ndio Waumbaji?"/>
		<aya index="73" text="Sisi tumeufanya uwe ni ukumbusho na manufaa kwa walioko nyikani."/>
		<aya index="74" text="Basi litakase jina la Mola wako Mlezi aliye Mkuu."/>
		<aya index="75" text="Basi naapa kwa maanguko ya nyota,"/>
		<aya index="76" text="Na hakika bila ya shaka hichi ni kiapo kikubwa, laiti mngeli jua!"/>
		<aya index="77" text="Hakika hii bila ya shaka ni Qur'ani Tukufu,"/>
		<aya index="78" text="Katika Kitabu kilicho hifadhiwa."/>
		<aya index="79" text="Hapana akigusaye ila walio takaswa."/>
		<aya index="80" text="Ni uteremsho unao toka kwa Mola Mlezi wa walimwengu wote."/>
		<aya index="81" text="Ni maneno haya ndiyo nyinyi mnayapuuza?"/>
		<aya index="82" text="Na badala ya kushukuru kwa riziki yenu mnafanya kuwa mnakadhibisha?"/>
		<aya index="83" text="Yawaje basi itakapo fika roho kwenye koo,"/>
		<aya index="84" text="Na nyinyi wakati huo mnatazama!"/>
		<aya index="85" text="Na Sisi tuko karibu zaidi naye kuliko nyinyi."/>
		<aya index="86" text="Na lau kuwa nyinyi hamumo katika mamlaka yangu,"/>
		<aya index="87" text="Kwanini hamuirudishi hiyo roho, ikiwa nyinyi mnasema kweli?"/>
		<aya index="88" text="Basi akiwa miongoni mwa walio karibishwa,"/>
		<aya index="89" text="Basi ni raha, na manukato, na Bustani zenye neema."/>
		<aya index="90" text="Na akiwa katika watu wa upande wa kulia,"/>
		<aya index="91" text="Basi ni Salamu kwako uliye miongoni mwa watu wa upande wa kulia."/>
		<aya index="92" text="Na ama akiwa katika walio kadhibisha wapotovu,"/>
		<aya index="93" text="Basi karamu yake ni maji yanayo chemka,"/>
		<aya index="94" text="Na kutiwa Motoni."/>
		<aya index="95" text="Hakika hii ndiyo haki yenye yakini."/>
		<aya index="96" text="Basi litakase jina la Mola wako Mlezi aliye Mkubwa."/>
	</sura>
	<sura index="57" name="">
		<aya index="1" text="Kinamsabihi kumtakasa Mwenyezi Mungu kila kiliomo ndani ya mbingu na ardhi. Na Yeye ndiye Mwenye nguvu, Mwenye hikima."/>
		<aya index="2" text="Yeye ndiye Mwenye ufalme wa mbingu na ardhi. Anahuisha na anafisha. Na Yeye ni Mwenye uweza wa kila kitu."/>
		<aya index="3" text="Yeye ndiye wa Mwanzo na ndiye wa Mwisho, naye ndiye wa Dhaahiri na wa Siri, naye ndiye Mjuzi wa kila kitu."/>
		<aya index="4" text="Yeye ndiye aliye ziumba mbingu na ardhi katika siku sita; kisha akakaa vyema juu ya enzi. Anayajua yanayo ingia katika ardhi na yanayo toka humo, na yanayo teremka kutoka mbinguni, na yanayo panda humo. Naye yu pamoja nanyi popote mlipo. Na Mwenyezi Mungu ni Mwenye kuyaona mnayo yatenda."/>
		<aya index="5" text="Ufalme wa mbingu na ardhi ni wake. Na mambo yote yanarejeshwa kwa Mwenyezi Mungu."/>
		<aya index="6" text="Anaingiza usiku katika mchana, na anaingiza mchana katika usiku. Na Yeye ni Mwenye kuyajua yaliomo vifuani."/>
		<aya index="7" text="Muaminini Mwenyezi Mungu na Mtume wake; na toeni katika alivyo kufanyeni nyinyi kuwa ni waangalizi wake. Basi walio amini miongoni mwenu, na wakatoa, wana malipo makubwa."/>
		<aya index="8" text="Na mna nini hata hamumuamini Mwenyezi Mungu na hali Mtume anakuiteni mumuamini Mola wenu Mlezi? Naye amekwisha chukua ahadi yenu, ikiwa nyinyi ni Waumini."/>
		<aya index="9" text="Yeye ndiye anaye mteremshia mja wake Aya zinazo bainisha wazi ili akutoeni gizani muingie kwenye nuru. Na hakika Mwenyezi Mungu kwenu ni Mpole, Mwenye kurehemu."/>
		<aya index="10" text="Na mna nini hata hamtoi katika Njia ya Mwenyezi Mungu, na hali urithi wa mbingu na ardhi ni wa Mwenyezi Mungu? Hawawi sawa miongoni mwenu wenye kutoa kabla ya Ushindi na wakapigana vita. Hao wana daraja kubwa zaidi kuliko wale ambao walio toa baadae na wakapigana. Na wote hao Mwenyezi Mungu amewaahidia wema. Na Mwenyezi Mungu anazo khabari za mnayo yatenda."/>
		<aya index="11" text="Ni nani atakaye mkopesha Mwenyezi Mungu mkopo mwema, ili amrudishie mardufu, na apate malipo ya ukarimu."/>
		<aya index="12" text="Siku utakapo waona Waumini wanaume na Waumini wanawake, nuru yao iko mbele yao, na kuliani kwao: Furaha yenu leo - Bustani zipitazo mito kati yake mtakaa humo milele. Huko ndiko kufuzu kukubwa."/>
		<aya index="13" text="Siku wanaafiki wanaume na wanaafiki wanawake watapo waambia walio amini: Tungojeni ili tupate mwangaza katika nuru yenu. Waambiwe: Rejeeni nyuma yenu mkaitafute nuru! Utiwe baina yao ukuta wenye mlango - ndani yake mna rehema, na nje upande wake wa mbele kuna adhabu."/>
		<aya index="14" text="Watawaita wawaambie: Kwani vile hatukuwa pamoja nanyi? Watawaambia: Ndiyo, lakini mlijifitini wenyewe, na mkasitasita, na mkatia shaka, na matamanio ya nafsi zenu yakakudanganyeni. mpaka ilipo kuja amri ya Mwenyezi Mungu, na mdanganyifu akakudanganyeni msimfuate Mwenyezi Mungu."/>
		<aya index="15" text="Basi leo haitapokelewa kwenu fidia, wala kwa wale walio kufuru. Makaazi yenu ni Motoni, ndio bora kwenu; na ni marejeo maovu yalioje!"/>
		<aya index="16" text="Je! Wakati haujafika bado kwa walio amini zikanyenyekea nyoyo zao kwa kumkumbuka Mwenyezi Mungu na haki iliyo teremka? Wala wasiwe kama walio pewa Kitabu kabla yao, muda wao ukawa mrefu, kwa hivyo nyoyo zao zikawa ngumu, na wengi wao wakawa wapotovu."/>
		<aya index="17" text="Jueni kwamba Mwenyezi Mungu huifufua ardhi baada ya kufa kwake. Tumekubainishieni Ishara ili mpate kuzingatia."/>
		<aya index="18" text="Kwa hakika wanaume wanao toa sadaka, na wanawake wanao toa sadaka, na wakamkopesha Mwenyezi Mungu mkopo mwema, watazidishiwa mardufu na watapata malipo ya ukarimu."/>
		<aya index="19" text="Na walio muamini Mwenyezi Mungu na Mitume wake, hao ndio Masidiqi na Mashahidi mbele ya Mola wao Mlezi. Wao watapata malipo yao na nuru yao. Na walio kufuru na wakakadhibisha Ishara zetu, hao ndio watu wa Motoni."/>
		<aya index="20" text="Jueni ya kwamba maisha ya dunia ni mchezo, na pumbao, na pambo, na kujifakhirisha baina yenu na kushindana kwa wingi wa mali na watoto. Mfano wake ni kama mvua ambayo huwafurahisha wakulima mimea yake, kisha hunyauka ukayaona yamepiga manjano kisha yakawa mabua. Na akhera kuna adhabu kali na maghfira kutoka kwa Mwenyezi Mungu na radhi. Na maisha ya dunia si chochote ila ni starehe ya udanganyifu."/>
		<aya index="21" text="Kimbilieni msamaha wa Mola wenu Mlezi, na Pepo ambayo upana wake ni kama upana wa mbingu na ardhi, iliyo wekewa walio muamini Mwenyezi Mungu na Mitume wake. Hiyo ndiyo fadhila ya Mwenyezi Mungu, humpa amtakaye. Na Mwenyezi Mungu ni Mwenye fadhila kuu."/>
		<aya index="22" text="Hautokei msiba katika ardhi wala katika nafsi zenu ila umekwisha andikwa katika Kitabu kabla hatujauumba. Hakika hayo kwa Mwenyezi Mungu ni mepesi."/>
		<aya index="23" text="Ili msihuzunike kwa kilicho kupoteeni, wala msijitape kwa alicho kupeni. Na Mwenyezi Mungu hampendi kila anaye jivuna akajifakhirisha."/>
		<aya index="24" text="Ambao wanafanya ubakhili, na wanaamrisha watu wafanye ubakhili. Na anaye geuka, basi Mwenyezi Mungu ni Mwenye kujitosha, Msifiwa."/>
		<aya index="25" text="Kwa hakika tuliwatuma Mitume wetu kwa dalili waziwazi, na tukateremsha Kitabu pamoja nao na Mizani, ili watu wasimamie uadilifu, na tumeteremsha chuma chenye nguvu nyingi na manufaa kwa watu, na ili Mwenyezi Mungu amjue anaye mnusuru Yeye na Mitume wake kwa ghaibu. Hakika Mwenyezi Mungu ni Mwenye nguvu Mwenye kushinda."/>
		<aya index="26" text="Na bila ya shaka tulimtuma Nuhu na Ibrahim, na tukaweka katika dhuriya zao Unabii na Kitabu. Basi wapo miongoni mwao walio ongoka, na wengi katika wao ni wapotovu."/>
		<aya index="27" text="Tena tukafuatisha nyuma yao Mitume wengine, na tukamfuatisha Isa bin Mariamu, na tukampa Injili. Na tukajaalia katika nyoyo za walio mfuata upole na rehema. Na umonaki (utawa wa mapadri) wameuzua wao. Sisi hatukuwaandikia hayo, ila kutafuta radhi za Mwenyezi Mungu. Lakini hawakuufuata inavyo takiwa kuufuata. Basi wale walio amini katika wao tuliwapa ujira wao. Na wengi wao ni wapotovu."/>
		<aya index="28" text="Enyi mlio amini! Mcheni Mwenyezi Mungu, na muaminini Mtume wake, atakupeni sehemu mbili katika rehema yake, na atakujaalieni muwe na nuru ya kwenda nayo. Na atakusameheni. Na Mwenyezi Mungu ni Mwenye kusamehe, Mwenye kurehemu."/>
		<aya index="29" text="Ili watu wa Kitabu wajue kwamba wao hawana uweza wowote juu ya fadhila za Mwenyezi Mungu. Na fadhila zote zimo mikononi mwa Mwenyezi Mungu. Humpa amtakaye. Na Mwenyezi Mungu ndiye Mwenye fadhila kuu."/>
	</sura>
	<sura index="58" name="">
		<aya index="1" text="MWENYEZI MUNGU amekwisha sikia usemi wa mwanamke anaye jadiliana nawe juu ya mumewe, na anamshitakia Mwenyezi Mungu. Na Mwenyezi Mungu anayasikia majibizano yenu. Hakika Mwenyezi Mungu ni Mwenye kusikia, Mwenye kuona."/>
		<aya index="2" text="Wale miongoni mwenu wanao watenga wake zao, hao si mama zao. Hawakuwa mama zao ila wale walio wazaa. Na hakika hao wanasema neno linalo chusha, na la uwongo. Na Mwenyezi Mungu ni Mwenye kughufiria, Mwenye kusamehe."/>
		<aya index="3" text="Na wale wanao jitenga na wake zao, kisha wakarudia katika yale waliyo yasema, basi wamkomboe mtumwa kabla hawajagusana. Mnapewa maonyo kwa hayo. Na Mwenyezi Mungu anayajua yote mnayo yatenda."/>
		<aya index="4" text="Na asiye pata mtumwa kumkomboa, basi na afunge miezi miwili mfululizo kabla hawajagusana. Na asiye weza hayo basi awalishe masikini sitini. Hayo ni hivyo ili mumuamini Mwenyezi Mungu na Mtume wake. Na hiyo ndiyo mipaka ya Mwenyezi Mungu. Na kwa makafiri iko adhabu chungu."/>
		<aya index="5" text="Hakika wanao pinzana na Mwenyezi Mungu na Mtume wake, watadhalilishwa kama walivyo dhalilishwa wale walio kuwa kabla yao. Na tulikwisha teremsha Ishara zilizo wazi. Na makafiri watapata adhabu ya kufedhehesha."/>
		<aya index="6" text="Siku atapo wafufua Mwenyezi Mungu, na awaambie yale waliyo yatenda. Mwenyezi Mungu ameyadhibiti, na wao wameyasahau! Na Mwenyezi Mungu ni Mwenye kushuhudia kila kitu."/>
		<aya index="7" text="Kwani huoni kwamba Mwenyezi Mungu anajua vilivyomo katika mbingu na vilivyomo katika ardhi? Hauwi mnong'ono wa watu watatu ila Yeye huwa ni wane wao, wala wa watano ila Yeye huwa ni wa sita wao. Wala wa wachache kuliko hao, wala walio wengi zaidi, ila Yeye yu pamoja nao popote pale walipo. Kisha Siku ya Kiyama atawaambia waliyo yatenda. Hakika Mwenyezi Mungu ni Mjuzi wa kila kitu."/>
		<aya index="8" text="Kwani huwaoni wale walio katazwa kunong'onezana kisha wakayarudia yale yale waliyo katazwa, na wakanong'ona juu ya mambo ya dhambi, na ya uadui, na ya kumuasi Mtume? Na wakikujia hukuamkia sivyo anavyo kuamkia Mwenyezi Mungu. Na husema katika nafsi zao: Mbona Mwenyezi hatuadhibu kwa haya tuyasemayo? Basi Jahannamu itawatosha; wataingia humo! Na hayo ndiyo marejeo maovu yaliyoje!"/>
		<aya index="9" text="Enyi mlio amini! Mnapo nong'ona msinong'one kwa sababu ya mambo ya madhambi, na uadui, na kumuasi Mtume. Bali nong'onezane kwa kutenda mema na kuacha maovu. Na mcheni Mwenyezi Mungu ambaye kwake mtakusanywa nyote."/>
		<aya index="10" text="Kwa hakika minong'ono hiyo inatokana na Shetani ili awahuzunishe walio amini, na wala haitawadhuru chochote ila kwa idhini ya Mwenyezi Mungu. Na juu ya Mwenyezi Mungu tu ndio wategemee Waumini."/>
		<aya index="11" text="Enyi mlio amini! Mkiambiwa: Fanyeni nafasi katika mabaraza, basi fanyeni nafasi. Na Mwenyezi Mungu atakufanyieni nyinyi nafasi. Na mkiambiwa: Ondokeni, basi ondokeni. Mwenyezi Mungu atawainua walio amini miongoni mwenu, na walio pewa ilimu daraja za juu. Na Mwenyezi Mungu anazo khabari za mnayo yatenda."/>
		<aya index="12" text="Enyi mlio amini! Mnapo sema siri na Mtume, basi tangulizeni sadaka kabla ya kusemezana kwenu. Hiyo ni kheri kwenu na usafi zaidi. Na ikiwa hamkupata cha kutoa, basi Mwenyezi Mungu ni Mwenye kusamehe, Mwenye kurehemu."/>
		<aya index="13" text="Mnachelea kutanguliza hiyo sadaka kabla ya kusemezana kwenu? Ikiwa hamkufanya hayo, na Mwenyezi Mungu akapokea toba yenu, basi shikeni Sala, na toeni Zaka, na mt'iini Mwenyezi Mungu na Mtume wake. Na Mwenyezi Mungu anazo khabari za mnayo yatenda."/>
		<aya index="14" text="Huwaoni wale walio fanya urafiki na watu ambao Mwenyezi Mungu amewakasirikia? Hao si katika nyinyi, wala si katika wao. Na huapa kwa uwongo, na hali kuwa wanajua."/>
		<aya index="15" text="Mwenyezi Mungu amewaandalia adhabu kali. Kwa hakika waliyo kuwa wakiyatenda ni maovu kabisa."/>
		<aya index="16" text="Wamefanya viapo vyao ni ngao, na wakaipinga Njia ya Mwenyezi Mungu. Basi hao watapata adhabu ya kufedhehesha."/>
		<aya index="17" text="Hayatawafaa kitu mali yao wala watoto wao mbele ya Mwenyezi Mungu. Hao ndio watu wa Motoni. Humo watadumu milele."/>
		<aya index="18" text="Siku atakayo wafufua Mwenyezi Mungu wote, wamuwapie kama wanavyo kuwapieni nyinyi. Na watadhani kuwa wamepata kitu! Kwa hakika hao ndio waongo."/>
		<aya index="19" text="Shetani amewatawala na akawasahaulisha kumkumbuka Mwenyezi Mungu. Hao ndio kundi la Shetani. Kweli hakika kundi la Shetani ndilo lenye kukhasirika."/>
		<aya index="20" text="Hakika wanao mpinga Mwenyezi Mungu na Mtume wake, hao ndio miongoni mwa madhalili wa mwisho."/>
		<aya index="21" text="Mwenyezi Mungu ameandika: Hapana shaka Mimi na Mtume wangu tutashinda. Hakika Mwenyezi Mungu ni Mwenye nguvu, Mwenye kushinda."/>
		<aya index="22" text="Huwakuti watu wanao muamini Mwenyezi Mungu na Siku ya Mwisho kuwa wanawapenda wanao mpinga Mwenyezi Mungu na Mtume wake, hata wakiwa ni baba zao, au watoto wao, au ndugu zao, au jamaa zao. Hao ameandika katika nyoyo zao Imani, na amewapa nguvu kwa Roho itokayo kwake. Na atawaingiza katika Mabustani yapitayo mito kati yake. Humo watakaa daima. Mwenyezi Mungu awe radhi nao, na wao wawe radhi naye. Hao ndio Hizbullahi, Kundi la Mwenyezi Mungu. Hakika Kundi la Mwenyezi Mungu ndilo lenye kufanikiwa."/>
	</sura>
	<sura index="59" name="">
		<aya index="1" text="Vinamsabihi, Vinamtakasa Mwenyezi Mungu viliomo katika mbingu na viliomo katika ardhi. Naye ni Mwenye nguvu, Mwenye hikima."/>
		<aya index="2" text="Yeye ndiye aliye watoa walio kufuru miongoni mwa Watu wa Kitabu katika nyumba zao wakati wa uhamisho wa kwanza. Hamkudhani kuwa watatoka, nao walidhani kuwa ngome zao zitawalinda na Mwenyezi Mungu. Lakini Mwenyezi Mungu aliwafikia kwa mahali wasipo patazamia, na akatia woga katika nyoyo zao. Wakawa wanazibomoa nyumba zao kwa mikono yao na mikono ya Waumini. Basi zingatieni enyi wenye macho!"/>
		<aya index="3" text="Na lau kuwa Mwenyezi Mungu asingeli waandikia kutoka, angeli waadhibu katika dunia. Na katika Akhera watapata adhabu ya Moto."/>
		<aya index="4" text="Hayo ni kwa sababu walimpinga Mwenyezi Mungu na Mtume wake. Na mwenye kumpinga Mwenyezi Mungu, basi hakika Mwenyezi Mungu ni Mkali wa kuadhibu."/>
		<aya index="5" text="Mtende wowote mlio ukata au mlio uacha unasimama vile vile juu ya mashina yake, basi ni kwa idhini ya Mwenyezi Mungu, na kwa kuwahizi wapotovu."/>
		<aya index="6" text="Na mali aliyo leta Mwenyezi Mungu kwa Mtume wake kutoka kwao hamkuyakimbilia mbio kwa farasi wala ngamia. Lakini Mwenyezi Mungu huwapa mamlaka Mitume wake juu ya wowote awatakao. Na Mwenyezi Mungu ni Muweza juu ya kila kitu."/>
		<aya index="7" text="Mali aliyo leta Mwenyezi Mungu kwa Mtume wake kutoka kwa watu wa hivi vijiji ni kwa ajili ya Mwenyezi Mungu, na kwa ajili ya Mtume, na jamaa, na mayatima, na masikini, na msafiri, ili yasiwe yakizunguka baina ya matajiri tu miongoni mwenu. Na anacho kupeni Mtume chukueni, na anacho kukatazeni jiepusheni nacho. Na mcheni Mwenyezi Mungu. Hakika Mwenyezi Mungu ni Mkali wa kuadhibu."/>
		<aya index="8" text="Wapewe mafakiri Wahajiri walio tolewa majumbani mwao na mali yao kwa ajili ya kutafuta fadhila kutoka kwa Mwenyezi Mungu na radhi zake, na wanamsaidia Mwenyezi Mungu na Mtume wake. Hao ndio wa kweli."/>
		<aya index="9" text="Na walio na maskani zao na Imani yao kabla yao, wanawapenda walio hamia kwao, wala hawaoni choyo katika vifua vyao kwa walivyo pewa (Wahajiri), bali wanawapendelea kuliko nafsi zao, ingawa wao wenyewe ni wahitaji. Na mwenye kuepushwa uchoyo wa nafsi yake, basi hao ndio wenye kufanikiwa."/>
		<aya index="10" text="Na walio kuja baada yao wanasema: Mola wetu Mlezi! Tughufirie sisi na ndugu zetu walio tutangulia kwa Imani, wala usijaalie ndani ya nyoyo zetu undani kwa walio amini. Mola wetu Mlezi! Hakika Wewe ni Mpole na Mwenye kurehemu."/>
		<aya index="11" text="Huwaoni wanao fanya unaafiki wanawaambia ndugu zao walio kufuru katika Watu wa Kitabu: Mkitolewa na sisi lazima tutatoka pamoja nanyi, wala hatutamt'ii yeyote kabisa dhidi yenu. Na mkipigwa vita lazima tutakusaidieni. Na Mwenyezi Mungu anashuhudia kuwa hao hakika bila ya shaka ni waongo."/>
		<aya index="12" text="Pindi wakitolewa hawatatoka pamoja nao, na wakipigwa vita hawatawasaidia. Na kama wakiwasaidia basi watageuza migongo; kisha hawatanusuriwa."/>
		<aya index="13" text="Hakika nyinyi ni kitisho zaidi katika vifua vyao kuliko Mwenyezi Mungu. Hayo ni kwa kuwa hao ni watu wasio fahamu kitu."/>
		<aya index="14" text="Hawatapigana nanyi kwa mkusanyiko isipo kuwa katika vijiji vilivyo zatitiwa kwa ngome, au nyuma ya kuta. Wao kwa wao vita vyao ni vikali. Utawadhania kuwa wako pamoja, kumbe nyoyo zao ni mbali mbali. Hayo ni kwa kuwa wao ni watu wasio na akili."/>
		<aya index="15" text="Ni kama mfano wa walio kuwa kabla yao hivi karibuni. Walionja uovu wa mambo yao. Nao watapata adhabu iliyo chungu."/>
		<aya index="16" text="Ni kama mfano wa Shetani anapo mwambia mtu: Kufuru. Na akikufuru humwambia: Mimi si pamoja nawe. Hakika mimi namwogopa Mwenyezi Mungu, Mola Mlezi wa walimwengu wote."/>
		<aya index="17" text="Basi ikawa mwisho wa wote wawili hao ni kuingia Motoni, wadumu humo daima; na hiyo ndiyo jaza ya madhaalimu."/>
		<aya index="18" text="Enyi mlio amini! Mcheni Mwenyezi Mungu, na kila nafsi iangalie inayo yatanguliza kwa ajili ya Kesho. Na mcheni Mwenyezi Mungu. Hakika Mwenyezi Mungu anazo khabari ya mnayo yatenda."/>
		<aya index="19" text="Wala msiwe kama wale walio msahau Mwenyezi Mungu, na Yeye akawasahaulisha nafsi zao. Hao ndio wapotovu."/>
		<aya index="20" text="Hawawi sawa watu wa Motoni na watu wa Peponi. Watu wa Peponi ndio wenye kufuzu."/>
		<aya index="21" text="Lau kuwa tumeiteremsha hii Qur'ani juu ya mlima, basi bila ya shaka ungeli uona ukinyenyekea, ukipasuka kwa khofu ya Mwenyezi Mungu. Na hiyo mifano tunawapigia watu ili wafikiri."/>
		<aya index="22" text="Yeye ndiye Mwenyezi Mungu, ambaye hapana mungu isipo kuwa Yeye tu. Mwenye kuyajua yaliyo fichikana na yanayo onekana. Yeye ndiye Mwingi wa rehema, Mwenye kurehemu."/>
		<aya index="23" text="Yeye ndiye Mwenyezi Mungu ambaye hapana mungu isipo kuwa Yeye tu. Mfalme, Mtakatifu, Mwenye salama, Mtoaji wa amani, Mwenye kuyaendesha Mwenyewe mambo yake, Mwenye nguvu, Anaye fanya analo litaka, Mkubwa, Ametakasika Mwenyezi Mungu na hayo wanayo mshirikisha nayo."/>
		<aya index="24" text="Yeye ndiye Mwenyezi Mungu, Muumbaji, Mtengenezaji, Mtia sura, Mwenye majina mazuri kabisa. Kila kilioko katika mbingu na ardhi kinamtakasa, naye ni Mwenye kushinda, Mwenye hikima."/>
	</sura>
	<sura index="60" name="">
		<aya index="1" text="Enyi mlio amini! Msiwafanye adui zangu na adui zenu kuwa marafiki mkiwapa mapenzi, na hali wao wamekwisha ikataa haki iliyo kujieni, wakamfukuza Mtume na nyinyi kwa sababu mnamuamini Mwenyezi Mungu, Mola Mlezi wenu. Mnapotoka kwa ajili ya Jihadi katika Njia yangu na kutafuta radhi yangu, mnafanya urafiki nao kwa siri, na Mimi nayajua mnayo yaficha na mnayo dhihirisha. Na mwenye kufanya hayo kati yenu basi ameipotea njia ya sawa."/>
		<aya index="2" text="Wakikuwezeni wanakuwa maadui zenu, na wanakukunjulieni mikono yao na ndimi zao kwa uovu. Na wanapenda muwe makafiri."/>
		<aya index="3" text="Hawatakufaeni jamaa zenu, wala watoto wenu Siku ya Kiyama. Mwenyezi Mungu atapambanua baina yenu, na Mwenyezi Mungu anayaona mnayo yatenda."/>
		<aya index="4" text="Hakika nyinyi mna mfano mzuri kwenu kwa Ibrahim na wale walio kuwa pamoja naye, walipo waambia watu wao: Hakika sisi tumejitenga nanyi na hayo mnayo yaabudu badala ya Mwenyezi Mungu. Tunakukataeni; na umekwisha dhihiri uadui na chuki baina yetu na nyinyi mpaka mtakapo muamini Mwenyezi Mungu peke yake. Isipo kuwa kauli ya Ibrahim kumwambia baba yake: Hakika nitakuombea msamaha, wala similiki chochote kwa ajili yako mbele ya Mwenyezi Mungu. Mola wetu Mlezi! Juu yako tumetegemea, na kwako tumeelekea, na kwako ndio marejeo."/>
		<aya index="5" text="Mola wetu Mlezi! Usitufanyie mtihani kwa walio kufuru. Na tusamehe, Mola wetu Mlezi. Hakika Wewe ndiye Mwenye nguvu, Mwenye hikima."/>
		<aya index="6" text="Kwa yakini umekuwa mfano mzuri kwenu katika mwendo wao, kwa anaye mtarajia Mwenyezi Mungu na Siku ya Mwisho. Na mwenye kugeuka basi hakika Mwnyezi Mungu ni Mwenye kujitosha, Msifiwa."/>
		<aya index="7" text="Asaa Mwenyezi Mungu akatia mapenzi baina yenu na hao maadui zenu, na Mwenyezi Mungu ni Mweza, na Mwenyezi Mungu ni Mwenye kusamehe, Mwenye kurehemu."/>
		<aya index="8" text="Mwenyezi Mungu hakukatazini kuwafanyia wema na uadilifu wale ambao hawakukupigeni vita, wala hawakukutoeni makwenu. Hakika Mwenyezi Mungu huwapenda wafanyao uadilifu."/>
		<aya index="9" text="Hakika Mwenyezi Mungu anakukatazeni kufanya urafiki na wale walio kupigeni vita, na wakakutoeni makwenu, na wakasaidia katika kufukuzwa kwenu. Na wanao wafanya hao marafiki basi hao ndio madhaalimu."/>
		<aya index="10" text="Enyi mlio amini! Wakikujilieni wanawake Waumini walio hama, basi wafanyieni mtihani - Mwenyezi Mungu ndiye Mwenye kujua zaidi Imani yao. Mkiwa mnawajua kuwa ni Waumini basi msiwarudishe kwa makafiri. Wanawake hao si halali kwa hao makafiri, wala hao makafiri hawahalalikii wanawake Waumini. Na wapeni hao wanaume mahari walio toa. Wala hapana makosa kwenu kuwaoa mkiwapa mahari yao. Wala msiwaweke wanawake makafiri katika kifungo cha ndoa zenu. Na takeni mlicho kitoa, na wao watake walicho kitoa. Hiyo ndiyo hukumu ya Mwenyezi Mungu anayo kuhukumuni. Na Mwenyezi Mungu ni Mwenye kujua, Mwenye hikima."/>
		<aya index="11" text="Na akitoroka yeyote katika wake zenu kwenda kwa makafiri, tena ikatokea mkapata ngawira, basi wapeni walio kimbiwa na wake zao kiasi cha mahari waliyo yatoa. Na mcheni Mwenyezi Mungu ambaye mnamuamini."/>
		<aya index="12" text="Ewe Nabii! Watakapo kujia wanawake Waumini wanakuahidi ya kwamba hawatamshirikisha Mwenyezi Mungu na chochote, wala hawataiba, wala hawatazini, wala hawatawauwa watoto wao, wala hawataleta uzushi wanao uzua tu wenyewe baina ya mikono yao na miguu yao, wala hawatakuasi katika jambo jema, basi peana nao ahadi, na uwatakie maghfira kwa Mwenyezi Mungu. Hakika Mwenyezi Mungu ni Mwingi maghfira, Mwenye kurehemu."/>
		<aya index="13" text="Enyi mlio amini! Msiwafanye rafiki zenu watu ambao Mwenyezi Mungu amewakasirikia. Hao wamekwisha kata tamaa ya Akhera, kama makafiri walivyo wakatia tamaa watu wa makaburini."/>
	</sura>
	<sura index="61" name="">
		<aya index="1" text="Vinamtakasa Mwenyezi Mungu viliomo katika mbingu na katika ardhi. Na Yeye ni Mwenye nguvu, Mwenye hikima."/>
		<aya index="2" text="Enyi mlio amini! Kwa nini mnasema msiyo yatenda?"/>
		<aya index="3" text="Yanachukiza vikubwa mno kwa Mwenyezi Mungu kuwa mnasema msiyo yatenda."/>
		<aya index="4" text="Kwa hakika Mwenyezi Mungu anawapenda wanao pigana katika Njia yake kwa safu kama jengo lilio kamatana."/>
		<aya index="5" text="Na Musa alipo waambia watu wake: Enyi watu wangu! Kwa nini mnaniudhi, nanyi mnajua kuwa hakika mimi ni Mtume wa Mwenyezi Mungu niliye tumwa kwenu? Walipo potoka, Mwenyezi Mungu aliziachia nyoyo zao zipotoke. Na Mwenyezi Mungu hawaongoi watu wapotovu."/>
		<aya index="6" text="Na Isa bin Mariamu alipo sema: Enyi Wana wa Israili! Hakika mimi ni Mtume wa Mwenyezi Mungu kwenu, ninaye thibitisha yaliyo kuwa kabla yangu katika Taurati, na mwenye kubashiria kuja Mtume atakaye kuja baada yangu; jina lake ni Ahmad! Lakini alipo waletea hoja zilizo wazi, walisema: Huu ni uchawi ulio dhaahiri!"/>
		<aya index="7" text="Na ni nani mwenye kudhulumu zaidi kuliko yule anaye mzulia Mwenyezi Mungu uwongo, naye anaitwa kwenye Uislamu? Na Mwenyezi Mungu hawaongoi watu madhaalimu."/>
		<aya index="8" text="Wanataka kuizima nuru ya Mwenyezi Mungu kwa vinywa vyao. Na Mwenyezi Mungu atakamilisha nuru yake ijapo kuwa makafiri watachukia."/>
		<aya index="9" text="Yeye ndiye aliye mtuma Mtume wake kwa uwongofu na Dini ya haki ili ipate kuzishinda dini zote, ijapo kuwa washirikina watachukia."/>
		<aya index="10" text="Enyi mlio amini! Nikuonyesheni biashara itakayo kuokoeni na adhabu iliyo chungu?"/>
		<aya index="11" text="Muaminini Mwenyezi Mungu na Mtume wake, na piganeni Jihadi katika Njia ya Mwenyezi Mungu kwa mali yenu na nafsi zenu. Haya ni bora kwenu, ikiwa nyinyi mnajua."/>
		<aya index="12" text="Atakusameheni dhambi zenu, na atakutieni katika Mabustani yapitiwayo na mito kati yake, na maskani nzuri nzuri katika Bustani za milele. Huko ndio kufuzu kukubwa."/>
		<aya index="13" text="Na kinginecho mkipendacho, nacho ni nusura itokayo kwa Mwenyezi Mungu, na ushindi ulio karibu! Na wabashirieni Waumini!"/>
		<aya index="14" text="Enyi mlio amini! Kuweni wasaidizi wa Mwenyezi Mungu, kama alivyo sema Isa bin Mariamu kuwaambia wanafunzi wake: Nani wasaidizi wangu kwa Mwenyezi Mungu? Wakasema wanafunzi: Sisi ni wasaidizi wa Mwenyezi Mungu! Basi taifa moja la Wana wa Israili liliamini, na taifa jingine lilikufuru. Basi tukawaunga mkono walio amini dhidi ya maadui zao, wakawa wenye kushinda."/>
	</sura>
	<sura index="62" name="">
		<aya index="1" text="Viliomo mbinguni na viliomo katika ardhi vinamtakasa Mwenyezi Mungu, Mfalme, Mtakatifu, Mwenye nguvu, Mwenye hikima."/>
		<aya index="2" text="Yeye ndiye aliye mpeleka Mtume kwenye watu wasio jua kusoma, awasomee Aya zake na awatakase, na awafunze Kitabu na hikima, ijapo kuwa kabla ya haya walikuwa katika upotofu ulio dhaahiri."/>
		<aya index="3" text="Na kwa wengine ambao bado hawajaungana nao. Na Yeye ndiye Mwenye nguvu, Mwenye hikima."/>
		<aya index="4" text="Hiyo ni fadhila ya Mwenyezi Mungu anayo mpa amtakaye. Na Mwenyezi Mungu ni Mwenye fadhila kubwa."/>
		<aya index="5" text="Mfano wa walio bebeshwa Taurati kisha wasiibebe, ni mfano wa punda anaye beba vitabu vikubwa vikubwa. Mfano muovu mno wa watu walio kadhibisha Ishara za Mwenyezi Mungu, na Mwenyezi Mungu hawaongoi watu madhaalimu."/>
		<aya index="6" text="Sema: Enyi mlio Mayahudi! Ikiwa nyinyi mnadai kuwa ni vipenzi vya Mwenyezi Mungu pasipo kuwa watu wengine, basi yatamanini mauti, ikiwa mnasema kweli."/>
		<aya index="7" text="Wala hawatayatamani kabisa, kwa sababu ya iliyo kwisha yatanguliza mikono yao. Na Mwenyezi Mungu anawajua walio dhulumu."/>
		<aya index="8" text="Sema: Hayo mauti mnayo yakimbia, bila ya shaka yatakukuteni. Kisha mtarudishwa kwa Mwenye kuyajua yaliyo fichikana na yanayo onekana. Hapo atakwambieni mliyo kuwa mkiyatenda."/>
		<aya index="9" text="Enyi mlio amini! Ikiadhiniwa Sala siku ya Ijumaa, nendeni upesi kwenye dhikri ya Mwenyezi Mungu, na wacheni biashara. Hayo ni bora kwenu, lau kama mnajua."/>
		<aya index="10" text="Na itakapo kwisha Sala, tawanyikeni katika nchi mtafute fadhila za Mwenyezi Mungu, na mkumbukeni Mwenyezi Mungu kwa wingi ili mpate kufanikiwa."/>
		<aya index="11" text="Na wanapo iona biashara au pumbao wanayakimbilia hayo na wakakuacha umesimama. Sema: Yaliyoko kwa Mwenyezi Mungu ni bora kuliko pumbao na biashara. Na Mwenyezi Mungu ni Mbora wa watoa riziki."/>
	</sura>
	<sura index="63" name="">
		<aya index="1" text="Wanapo kujia wanaafiki husema: Tunashuhudia ya kuwa wewe ni Mtume wa Mwenyezi Mungu. Na Mwenyezi Mungu anajua kuwa wewe ni Mtume wa Mwenyezi Mungu, na Mwenyezi Mungu anashuhudia ya kuwa hakika wanaafiki ni waongo."/>
		<aya index="2" text="Wamevifanya viapo vyao ni kinga, na wao wakajizuia kuifuata Njia ya Mwenyezi Mungu. Hakika ni mabaya kabisa waliyo kuwa wakiyafanya."/>
		<aya index="3" text="Hayo ni kwa sababu ya kuwa waliamini, kisha wakakufuru; kwa hivyo umepigwa muhuri juu ya nyoyo zao. Kwa hivyo hawafahamu lolote."/>
		<aya index="4" text="Na unapo waona, miili yao inakupendeza, na wakisema, unasikiliza usemi wao. Lakini wao ni kama magogo yaliyo egemezwa. Wao hudhania kila ukelele unao pigwa ni kwa ajili yao. Hao ni maadui; tahadhari nao. Mwenyezi Mungu awaangamizilie mbali! Vipi wanapotoka na haki?"/>
		<aya index="5" text="Na wanapo ambiwa: Njooni ili Mtume wa Mwenyezi Mungu akuombeeni maghfira, huvigeuza vichwa vyao, na unawaona wanageuka nao wamejaa kiburi."/>
		<aya index="6" text="Sawa sawa kwao, ukiwatakia maghfira au hukuwatakia maghfira, Mwenyezi Mungu hatawaghufiria. Hakika Mwenyezi Mungu hawaongoi watu wapotovu."/>
		<aya index="7" text="Hao ndio wanao sema: Msitoe mali kwa ajili ya walioko kwa Mtume wa Mwenyezi Mungu, ili waondokelee mbali! Na Mwenyezi Mungu ndiye Mwenye khazina za mbingu na ardhi, lakini wanaafiki hawafahamu."/>
		<aya index="8" text="Wanasema: Tukirejea Madina mwenye utukufu zaidi bila ya shaka atamfukuza aliye mnyonge. Na Mwenyezi Mungu ndiye Mwenye utukufu - Yeye, na Mtume wake, na Waumini. Lakini wanaafiki hawajui."/>
		<aya index="9" text="Enyi mlio amini! Yasikusahaulisheni mali yenu, wala watoto wenu, kumkumbuka Mwenyezi Mungu. Na wenye kufanya hayo ndio walio khasiri."/>
		<aya index="10" text="Na toeni katika tulicho kupeni kabla hayajamfikia mmoja wenu mauti, tena hapo akasema: Mola wangu Mlezi! Huniakhirishi muda kidogo nipate kutoa sadaka, na niwe katika watu wema?"/>
		<aya index="11" text="Wala Mwenyezi Mungu hataiakhirisha nafsi yoyote inapo fika ajali yake; na Mwenyezi Mungu anazo khabari za mnayo yatenda."/>
	</sura>
	<sura index="64" name="">
		<aya index="1" text="Kinamtakasa Mwenyezi Mungu kila kilichomo katika mbingu na katika ardhi. Ufalme ni wake, na sifa njema ni zake. Na Yeye ni Mwenye uweza juu ya kila kitu."/>
		<aya index="2" text="Yeye ndiye aliye kuumbeni. Miongoni mwenu yupo aliye kafiri, na yupo aliye Muumini. Na Mwenyezi Mungu anayaona mnayo yatenda."/>
		<aya index="3" text="Ameziumba mbingu na ardhi kwa haki, na akakupeni sura, na akazifanya nzuri sura zenu. Na marudio ni kwake."/>
		<aya index="4" text="Anajua viliomo katika mbingu na ardhi, na anajua mnayo yaficha na mnayo yatangaza. Na Mwenyezi Mungu ni Mjuzi wa yaliomo vifuani."/>
		<aya index="5" text="Kwani haikukujieni khabari ya walio kufuru kabla, wakaonja matokeo mabaya ya mambo yao? Na wao wana adhabu iliyo chungu."/>
		<aya index="6" text="Hayo ni kwa kuwa walikuwa wakiwajia Mitume wao kwa hoja zilizo wazi, nao wakasema: Hivyo binaadamu ndio atuongoe? Basi wakakufuru, na wakageuka upande. Mwenyezi Mungu akawa hana haja nao. Na Mwenyezi Mungu ni Mkwasi, si mhitaji, naye ni Msifiwa."/>
		<aya index="7" text="Walio kufuru wanadai kuwa hawatafufuliwa. Sema: Kwani? Naapa kwa Mola wangu Mlezi! Hapana shaka mtafufuliwa, na kisha hapana shaka mtaambiwa mliyo yatenda. Na hayo ni mepesi kwa Mwenyezi Mungu."/>
		<aya index="8" text="Basi muaminini Mwenyezi Mungu na Mtume wake, na Nuru tuliyo iteremsha. Na Mwenyezi Mungu anazo khabari za mnayo yatenda."/>
		<aya index="9" text="Siku atakayo kukusanyeni kwa ajili ya Siku ya Mkusanyiko; hiyo ni siku ya kupunjana. Na anaye muamini Mwenyezi Mungu na akatenda mema, atamfutia maovu yake, na atamuingiza katika Mabustani yenye kupitiwa kati yake na mito, watadumu humo milele. Huko ndiko kufuzu kukubwa."/>
		<aya index="10" text="Na walio kufuru na wakakadhibisha Ishara zetu, hao ni watu wa Motoni, watadumu humo milele. Na hayo ndiyo marudio mabaya."/>
		<aya index="11" text="Haufiki msiba wowote ila kwa idhini ya Mwenyezi Mungu. Na mwenye kumuamini Mwenyezi Mungu huuongoa moyo wake. Na Mwenyezi Mungu ni Mjuzi wa kila kitu."/>
		<aya index="12" text="Na mt'iini Mwenyezi Mungu, na mt'iini Mtume. Mkigeuka, basi hakika juu ya Mtume wetu ni kufikisha (Ujumbe wake) kwa uwazi tu."/>
		<aya index="13" text="Mwenyezi Mungu, hapana mungu isipo kuwa Yeye. Na juu ya Mwenyezi Mungu nawategemee Waumini."/>
		<aya index="14" text="Enyi mlio amini! Hakika miongoni mwa wake zenu na watoto wenu wamo maadui zenu. Basi tahadharini nao. Na mkisamehe, na mkapuuza, na mkaghufiria basi hakika Mwenyezi Mungu ni Mwingi wa maghfira, Mwenye kurehemu."/>
		<aya index="15" text="Hakika mali yenu na watoto wenu ni jaribio. Na kwa Mwenyezi Mungu upo ujira mkubwa."/>
		<aya index="16" text="Basi mcheni Mwenyezi Mungu kama mwezavyo, na sikieni, na t'iini, na toeni, itakuwa kheri kwa nafsi zenu. Na mwenye kuepushwa na uchoyo wa nafsi yake, basi hao ndio walio fanikiwa."/>
		<aya index="17" text="Mkimkopesha Mwenyezi Mungu mkopo mzuri, atakuzidishieni mardufu, na atakusameheni. Na Mwenyezi Mungu ni Mwingi wa shukra, Mpole."/>
		<aya index="18" text="Mwenye kujua siri na dhaahiri, Mwenye nguvu, Mwenye hikima."/>
	</sura>
	<sura index="65" name="">
		<aya index="1" text="Ewe Nabii! Mtakapo wapa talaka wanawake, basi wapeni talaka katika wakati wa eda zao. Na fanyeni hisabu ya eda. Na mcheni Mwenyezi Mungu, Mola wenu Mlezi. Msiwatoe katika nyumba zao, wala wasitoke wenyewe, ila wakifanya jambo la uchafu ulio wazi. Hiyo ndiyo mipaka ya Mwenyezi Mungu, msiikiuke. Na mwenye kuikiuka mipaka ya Mwenyezi Mungu, basi amejidhulumu nafsi yake. Hujui; labda Mwenyezi Mungu ataleta jambo jengine baada ya haya."/>
		<aya index="2" text="Basi wanapo fikia muda wao, ima warejeeni muwaweke kwa wema, au farikianeni nao kwa wema. Na mshuhudishe mashahidi wawili waadilifu miongoni mwenu. Na simamisheni ushahidi kwa ajili ya Mwenyezi Mungu. Hivyo ndivyo anavyo agizwa anaye muamini Mwenyezi Mungu na Siku ya Mwisho. Na anaye mcha Mwenyezi Mungu humtengezea njia ya kutokea."/>
		<aya index="3" text="Na humruzuku kwa jiha asiyo tazamia. Na anaye mtegemea Mwenyezi Mungu Yeye humtosha. Hakika Mwenyezi Mungu anatimiza amri yake. Mwenyezi Mungu kajaalia kila kitu na kipimo chake."/>
		<aya index="4" text="Na wale walio sita hedhi miongoni mwa wanawake wenu, ikiwa mnayo shaka, basi muda wa eda yao ni miezi mitatu, pamoja na ambao hawapati hedhi. Na wenye mimba eda yao mpaka watakapo zaa. Na anaye mcha Mwenyezi Mungu, Mwenyezi Mungu humfanyia mambo yake kuwa mepesi."/>
		<aya index="5" text="Hiyo ni amri ya Mwenyezi Mungu amekuteremshieni. Na anaye mcha Mwenyezi Mungu atamfutia maovu yake, na atampa ujira mkubwa."/>
		<aya index="6" text="Wawekeni humo humo mnamo kaa nyinyi kwa kadiri ya pato lenu, wala msiwaletee madhara kwa kuwadhiki. Na wakiwa wana mimba, wagharimieni mpaka wajifungue. Na wakikunyonyesheeni, basi wapeni ujira wao, na shaurianeni kwa wema. Na mkiona uzito kati yenu, basi amnyonyeshee mwanamke mwengine."/>
		<aya index="7" text="Mwenye wasaa atoe kadiri ya wasaa wake, na mwenye dhiki atoe katika alicho mpa Mwenyezi Mungu. Mwenyezi Mungu hamkalifishi mtu ila kwa kadiri ya alicho mpa. Mwenyezi Mungu atajaalia baada ya dhiki faraji."/>
		<aya index="8" text="Na miji mingapi iliyo vunja amri ya Mola wake Mlezi na Mitume wake, basi tuliihisabia hisabu ngumu na tukaiadhibu kwa adhabu kali."/>
		<aya index="9" text="Basi ikauonja ubaya wa mambo yake; na mwisho wa mambo yao ilikuwa khasara."/>
		<aya index="10" text="Mwenyezi Mungu aliwaandalia adhabu kali. Basi mcheni Mwenyezi Mungu, enyi wenye akili, mlio amini! Hakika Mwenyezi Mungu amekuteremshieni Ukumbusho,"/>
		<aya index="11" text="Mtume anaye kusomeeni Aya za Mwenyezi Mungu zinazo bainisha, ili kuwatoa walio amini na wakatenda mema kutoka gizani kuwapeleka kwenye nuru. Na mwenye kumuamini Mwenyezi Mungu, na akatenda mema, atamwingiza katika Bustani zipitazo mito kati yake, wadumu humo milele. Mwenyezi Mungu amekwisha mpa riziki nzuri."/>
		<aya index="12" text="Mwenyezi Mungu ni yule ambaye ameziumba mbingu saba, na ardhi kwa mfano wa hizo. Amri zake zinashuka baina yao, ili mjue kwamba Mwenyezi Mungu ni Mwenye uweza juu ya kila kitu, na kwamba Mwenyezi Mungu amekizunguka kila kitu kukijua vilivyo kwa ilimu yake."/>
	</sura>
	<sura index="66" name="">
		<aya index="1" text="Ewe Nabii! Kwa nini unaharimisha alicho kuhalilishia Mwenyezi Mungu? Unatafuta kuwaridhi wake zako. Na Mwenyezi Mungu ni Mwenye kusamehe, Mwenye kurehemu."/>
		<aya index="2" text="Hakika Mwenyezi Mungu kakupeni Sharia ya kufungua viapo vyenu, na Mwenyezi Mungu ni Mola wenu. Na Yeye ni Mwenye kujua, Mwenye hikima."/>
		<aya index="3" text="Na Nabii alipo mwambia mmoja wa wake zake jambo la siri. Basi alipo litangaza yule mke, na Mwenyezi Mungu akamdhihirishia Mtume, alimjuvya sehemu na akaacha sehemu nyengine. Alipo mwambia hayo, huyo mke akasema: Nani aliye kwambia haya? Mtume akasema: Kaniambia Mjuzi Mwenye khabari zote!"/>
		<aya index="4" text="Kama nyinyi wawili hamkutubia kwa Mwenyezi Mungu, basi nyoyo zenu zimekwisha elekea huko. Na mkisaidiana dhidi yake (Mtume), basi hakika Mwenyezi Mungu ndiye kipenzi chake, na Jibrili, na Waumini wema, na zaidi ya hayo Malaika pia watasaidia."/>
		<aya index="5" text="Asaa Mola wake Mlezi, akikupeni talaka, akampa wake wengine badala yenu nyinyi, walio bora kuliko nyinyi, wanynyekevu, Waumini, wat'awa, walio tubu, wenye kushika ibada, wafanyao kheri, wajane na wanawari."/>
		<aya index="6" text="Enyi mlio amini! Jilindeni nafsi zenu na ahali zenu na Moto ambao kuni zake ni watu na mawe. Wanausimamia Malaika wakali, wenye nguvu, hawamuasi Mwenyezi Mungu kwa anayo waamrisha, na wanatenda wanayo amrishwa."/>
		<aya index="7" text="Enyi mlio kufuru! Msilete udhuru leo. Hakika mnalipwa mliyo kuwa mkiyatenda."/>
		<aya index="8" text="Enyi mlio amini! Tubuni kwa Mwenyezi Mungu toba iliyo ya kweli! Asaa Mola wenu Mlezi akakufutieni maovu yenu na akakuingizeni katika Pepo zipitazo mito kati yake, siku ambayo Mwenyezi Mungu hatamdhalilisha Nabii na walio amini pamoja naye. Nuru yao inakwenda mbele yao na pande zao za kulia, na huku wanasema: Mola wetu Mlezi! Tutimilizie nuru yetu, na utughufirie! Hakika Wewe ni Mwenye uweza juu ya kila kitu."/>
		<aya index="9" text="Ewe Nabii! Pambana na makafiri na wanaafiki, na kuwa mgumu kwao! Na makaazi yao ni Jahannamu. Na hayo ni marejeo mabaya."/>
		<aya index="10" text="Mwenyezi Mungu amewapigia mfano walio kufuru: mke wa Nuhu na mke wa Lut'i. Walikuwa chini ya waja wetu wema wawili miongoni mwa waja wetu. Lakini wakawakhuni waume zao, nao wasiwafae kitu. Na ikasemwa: Ingieni Motoni pamoja na wanao ingia!"/>
		<aya index="11" text="Na Mwenyezi Mungu amewapigia mfano walio amini - mkewe Firauni, alipo sema: Mola wangu Mlezi! Nijengee kwako nyumba Peponi, na uniokoe na Firauni na vitendo vyake, na uniokoe na watu madhaalimu."/>
		<aya index="12" text="Na Mariamu binti wa Imrani, aliye linda ubikira wake, na tukampulizia humo kutoka roho yetu, na akayasadiki maneno ya Mola wake Mlezi na Vitabu vyake, na alikuwa miongoni mwa wat'iifu."/>
	</sura>
	<sura index="67" name="">
		<aya index="1" text="AMETUKUKA ambaye mkononi mwake umo Ufalme wote; na Yeye ni Mwenye uweza juu ya kila kitu."/>
		<aya index="2" text="Ambaye ameumba mauti na uhai ili kukujaribuni ni nani miongoni mwenu mwenye vitendo vizuri zaidi. Na Yeye ni Mwenye nguvu na Mwenye msamaha."/>
		<aya index="3" text="Aliye umba mbingu saba kwa matabaka. Huoni tafauti yoyote katika uumbaji wa Mwingi wa Rehema. Hebu rudisha nadhari! Unaona kosa lolote?"/>
		<aya index="4" text="Tena rudisha nadhari mara mbili, nadhari yako itakurejea mwenyewe hali ya kuwa imehizika nayo imechoka."/>
		<aya index="5" text="Na kwa hakika tumeipamba mbingu ya karibu kwa mataa, na tumeyafanya ili kuwapigia mashetani, na tumewaandalia adhabu ya Moto uwakao kwa nguvu."/>
		<aya index="6" text="Na kwa walio mkufuru Mola wao Mlezi ipo adhabu ya Jahannamu. Na ni marejeo maovu yalioje hayo!"/>
		<aya index="7" text="Watakapo tupwa humo watausikia mngurumo wake na huku inafoka."/>
		<aya index="8" text="Inakaribia kupasuka kwa hasira. Kila mara likitupwa kundi humo walinzi wake huwauliza: Kwani hakukujieni mwonyaji?"/>
		<aya index="9" text="Watasema: Kwani! Ametujia mwonyaji, lakini tulimkadhibisha, na tukasema: Mwenyezi Mungu hakuteremsha chochote. Nyinyi hamumo ila katika upotovu mkubwa!"/>
		<aya index="10" text="Na watasema: Lau kuwa tungeli sikia, au tungeli kuwa na akili, tusingeli kuwa katika watu wa Motoni!"/>
		<aya index="11" text="Wakakiri dhambi zao. Basi kuangamia ni kwa watu wa Motoni!"/>
		<aya index="12" text="Hakika wanao mwogopa Mola wao Mlezi kwa ghaibu, watapata maghfira na ujira mkubwa."/>
		<aya index="13" text="Na ficheni kauli zenu, au zitangazeni; hakika Yeye ni Mjuzi wa yaliyomo vifuani."/>
		<aya index="14" text="Asijue aliye umba, naye ndiye Mjua siri, Mwenye khabari?"/>
		<aya index="15" text="Yeye ndiye aliye idhalilisha ardhi kwa faida yenu, basi tembeeni katika pande zake, na kuleni katika riziki zake. Na kwake Yeye ndio kufufuliwa."/>
		<aya index="16" text="Mnadhani mko salama kwa alioko juu kuwa hatakudidimizeni kwenye ardhi, na tahamaki hiyo inatikisika!"/>
		<aya index="17" text="Au mnadhani mko salama kwa alioko juu ya kuwa Yeye hakupelekeeni kimbunga chenye changarawe? Mtajua vipi maonyo yangu?"/>
		<aya index="18" text="Na bila ya shaka walikwisha kanusha walio kuwa kabla yao; basi kulikuwaje kukasirika kwangu?"/>
		<aya index="19" text="Kwani hawawaoni ndege walioko juu yao namna wanavyo zikunjua mbawa zao, na kuzikunja? Hawawashikilii ila Mwingi wa rehema. Hakika Yeye ni Mwenye kuona kila kitu."/>
		<aya index="20" text="Au ni lipi hilo jeshi lenu la kukunusuruni badala ya Mwingi wa Rehema? Hakika makafiri hawamo ila katika udanganyifu."/>
		<aya index="21" text="Au ni nani huyo ambaye atakupeni riziki kama Yeye akizuia riziki yake? Bali wao wanakakamia tu katika jeuri na chuki."/>
		<aya index="22" text="Je! Anaye kwenda akisinukia juu ya uso wake ni mwongofu zaidi, au yule anaye kwenda sawasawa katika Njia Iliyo Nyooka?"/>
		<aya index="23" text="Sema: Yeye ndiye aliye kuumbeni tangu mwanzo, na akakupeni masikio na macho, na nyoyo. Ni kidogo kabisa shukrani zenu."/>
		<aya index="24" text="Sema: Yeye ndiye aliye kutawanyeni katika ardhi, na kwake mtakusanywa."/>
		<aya index="25" text="Na wanasema: Lini ahadi hii, ikiwa mnasema kweli?"/>
		<aya index="26" text="Sema: Hakika ujuzi wake uko kwa Mwenyezi Mungu; na hakika mimi ni mwonyaji tu mwenye kubainisha."/>
		<aya index="27" text="Lakini watakapo iona karibu, nyuso za walio kufuru zitahuzunishwa, na itasemwa: Hayo ndiyo mliyo kuwa mkiyaomba."/>
		<aya index="28" text="Sema: Mwaonaje, ikiwa Mwenyezi Mungu atanihiliki mimi na walio pamoja nami, au akiturehemu, ni nani atakaye walinda makafiri na adhabu chungu?"/>
		<aya index="29" text="Sema: Yeye ndiye Mwingi wa Rehema; tunamuamini Yeye, na juu yake tunategemea. Mtakuja jua ni nani aliye katika upotovu ulio dhaahiri."/>
		<aya index="30" text="Sema: Mwaonaje, yakiwa maji yenu yamedidimia chini, nani atakueleteeni maji yanayo miminika?"/>
	</sura>
	<sura index="68" name="">
		<aya index="1" text="Nuun. Naapa kwa kalamu na yale wayaandikayo,"/>
		<aya index="2" text="Kwa neema ya Mola wako Mlezi wewe si mwendawazimu."/>
		<aya index="3" text="Na kwa hakika wewe una malipo yasiyo katika."/>
		<aya index="4" text="Na hakika wewe una tabia tukufu."/>
		<aya index="5" text="Karibu utaona, na wao wataona,"/>
		<aya index="6" text="Ni nani kati yenu aliye pandwa na wazimu."/>
		<aya index="7" text="Hakika Mola wako Mlezi ndiye Yeye ajuaye zaidi nani aliye ipotea Njia yake, na Yeye ndiye anaye wajua zaidi walio ongoka."/>
		<aya index="8" text="Basi usiwat'ii wanao kadhibisha."/>
		<aya index="9" text="Wanatamani lau unge lainisha ili nao wakulainishie."/>
		<aya index="10" text="Wala usimt'ii kila mwingi wa kuapa wa kudharauliwa,"/>
		<aya index="11" text="Mtapitapi, apitaye akifitini,"/>
		<aya index="12" text="Mwenye kuzuia kheri, dhaalimu, mwingi wa madhambi,"/>
		<aya index="13" text="Mkavu, na juu ya hayo, mshari, amejipachika tu."/>
		<aya index="14" text="Ati kwa kuwa ana mali na watoto!"/>
		<aya index="15" text="Anapo somewa Aya zetu, husema: Hizi ni simulizi za uwongo za watu wa zamani!"/>
		<aya index="16" text="Tutamtia kovu juu ya pua yake."/>
		<aya index="17" text="Hakika tumewajaribu hawa kama tulivyo wajaribu wale wenye shamba, walipo apa kwamba watayavuna mazao yake itakapo kuwa asubuhi."/>
		<aya index="18" text="Wala hawakusema: Mungu akipenda!"/>
		<aya index="19" text="Basi lilitokea tukio juu yake kutoka kwa Mola wako Mlezi, nao wamelala!"/>
		<aya index="20" text="Likawa kama usiku wa giza."/>
		<aya index="21" text="Asubuhi wakaitana."/>
		<aya index="22" text="Ya kwamba nendeni kondeni mwenu ikiwa mnataka kuvuna."/>
		<aya index="23" text="Basi walikwenda na huku wakinong'onezana,"/>
		<aya index="24" text="Ya kuwa leo hata masikini mmoja asikuingilieni."/>
		<aya index="25" text="Na walikwenda asubuhi, nao wameshikilia azimio hilo."/>
		<aya index="26" text="Basi walipo liona, wakasema: Hakika tumepotea!"/>
		<aya index="27" text="Bali tumenyimwa!"/>
		<aya index="28" text="Mbora wao akasema: Sikukwambieni, kwa nini hamumtakasi Mwenyezi Mungu?"/>
		<aya index="29" text="Wakasema: Ametakasika Mola wetu Mlezi! Hakika sisi tulikuwa wenye kudhulumu."/>
		<aya index="30" text="Basi wakakabiliana kulaumiana wao kwa wao."/>
		<aya index="31" text="Wakasema: Ole wetu! Tulikuwa tumeikiuka mipaka!"/>
		<aya index="32" text="Asaa Mola wetu Mlezi akatubadilishia lilio bora kuliko hili. Hakika sisi ni wenye kurejea kwa Mola wetu Mlezi."/>
		<aya index="33" text="Namna hivi yanakuwa mateso, na bila ya shaka mateso ya Akhera ni makubwa zaidi, laiti wangeli jua!"/>
		<aya index="34" text="Hakika wachamngu watakuwa na Bustani za neema kwa Mola wao Mlezi."/>
		<aya index="35" text="Kwani tutawafanya Waislamu kama wakosefu?"/>
		<aya index="36" text="Mna nini? Mnahukumu vipi?"/>
		<aya index="37" text="Au mnacho kitabu ambacho ndani yake mnasoma?"/>
		<aya index="38" text="Kuwa mtapata humo mnayo yapenda?"/>
		<aya index="39" text="Au mnazo ahadi za viapo juu yetu za kufika Siku ya Kiyama ya kuwa hakika mtapata kila mnayo jihukumia?"/>
		<aya index="40" text="Waulize: Ni nani miongoni mwao dhamini wa haya?"/>
		<aya index="41" text="Au wanao washirika? Basi wawalete washirika wao wakiwa wanasema kweli."/>
		<aya index="42" text="Siku utakapo wekwa wazi mundi, na wataitwa kusujudu, lakini hawataweza,"/>
		<aya index="43" text="Macho yao yatainama chini, fedheha itawafunika. Na hakika walikuwa wakiitwa wasujudu walipo kuwa wazima -"/>
		<aya index="44" text="Basi niache na wanao kadhibisha maneno haya! Tutawavutia kidogo kidogo kwa mahali wasipo pajua."/>
		<aya index="45" text="Na ninawapururia muhula; hakika hila zangu ni imara."/>
		<aya index="46" text="Au unawaomba ujira, na wao wanaemewa na gharama hiyo?"/>
		<aya index="47" text="Au iko kwao siri, basi wao wanaiandika?"/>
		<aya index="48" text="Basi ingojee hukumu ya Mola wako Mlezi, wala usiwe kama mmezwa na samaki, alipo nadi naye kazongwa."/>
		<aya index="49" text="Kama isingeli mfikia neema kutoka kwa Mola wake Mlezi, bila ya shaka angeli tupwa ufukweni naye ni mwenye kulaumiwa."/>
		<aya index="50" text="Lakini Mola wake Mlezi alimteua na akamfanya miongoni mwa watu wema."/>
		<aya index="51" text="Na walio kufuru hukaribia kukutelezesha kwa macho yao, wanapo sikia mawaidha, na wanasema: Hakika yeye ni mwendawazimu."/>
		<aya index="52" text="Na hayakuwa haya, ila ni ukumbusho kwa walimwengu wote."/>
	</sura>
	<sura index="69" name="">
		<aya index="1" text="Tukio la haki."/>
		<aya index="2" text="Nini hilo Tukio la haki?"/>
		<aya index="3" text="Na nini kitakujuulisha nini hilo Tukio la haki?"/>
		<aya index="4" text="Thamudi na A'di waliukadhibisha Msiba unao situsha."/>
		<aya index="5" text="Basi Thamudi waliangamizwa kwa balaa kubwa mno."/>
		<aya index="6" text="Na ama A'di waliangamizwa kwa upepo mkali usio zuilika."/>
		<aya index="7" text="Alio wapelekea masiku saba, na siku nane, mfululizo bila ya kusita. Utaona watu wamepinduka kama kwamba ni magongo ya mitende yalio wazi ndani."/>
		<aya index="8" text="Basi je! Unamwona mmoja wao aliye baki?"/>
		<aya index="9" text="Na Firauni na walio mtangulia, na miji iliyo pinduliwa chini juu, walileta khatia."/>
		<aya index="10" text="Wakamuasi Mtume wa Mola wao Mlezi, ndipo Yeye Mola akawakamata kwa mkamato ulio zidi nguvu."/>
		<aya index="11" text="Maji yalipo furika Sisi tulikupandisheni katika safina,"/>
		<aya index="12" text="Ili tuyafanye hayo kuwa ni waadhi kwenu na kila sikio linalo sikia liyahifadhi."/>
		<aya index="13" text="Na litapo pulizwa barugumu mpulizo mmoja tu,"/>
		<aya index="14" text="Na ardhi na milima ikaondolewa, na ikavunjwa kwa mvunjo mmoja,"/>
		<aya index="15" text="Siku hiyo ndio Tukio litatukia."/>
		<aya index="16" text="Na mbingu zitapasuka, kwani siku hiyo zitakuwa dhaifu kabisa."/>
		<aya index="17" text="Na Malaika watakuwa pembezoni mwa mbingu; na wanane juu ya hawa watakuwa wamebeba Kiti cha Enzi cha Mola wako Mlezi."/>
		<aya index="18" text="Siku hiyo mtahudhurishwa - haitafichika siri yoyote yenu."/>
		<aya index="19" text="Basi ama atakaye pewa kitabu chake kwa mkono wake wa kulia, atasema: Haya someni kitabu changu!"/>
		<aya index="20" text="Hakika nalijua ya kuwa nitapokea hisabu yangu."/>
		<aya index="21" text="Basi yeye atakuwa katika maisha ya kupendeza,"/>
		<aya index="22" text="Katika Bustani ya juu,"/>
		<aya index="23" text="Matunda yake yakaribu."/>
		<aya index="24" text="Waambiwe: Kuleni na mnywe kwa furaha kwa sababu ya mlivyo tanguliza katika siku zilizo pita."/>
		<aya index="25" text="Na ama atakaye pewa kitabu chake katika mkono wake wa kushoto, basi yeye atasema: Laiti nisingeli pewa kitabu changu!"/>
		<aya index="26" text="Wala nisingeli jua nini hisabu yangu."/>
		<aya index="27" text="Laiti mauti ndiyo yangeli kuwa ya kunimaliza kabisa."/>
		<aya index="28" text="Mali yangu hayakunifaa kitu."/>
		<aya index="29" text="Madaraka yangu yamenipotea."/>
		<aya index="30" text="(Pasemwe): Mshikeni! Mtieni pingu!"/>
		<aya index="31" text="Kisha mtupeni Motoni!"/>
		<aya index="32" text="Tena mtatizeni katika mnyororo wenye urefu wa dhiraa sabiini!"/>
		<aya index="33" text="Kwani huyo hakika alikuwa hamuamini Mwenyezi Mungu Mtukufu,"/>
		<aya index="34" text="Wala hahimizi kulisha masikini."/>
		<aya index="35" text="Basi leo hapa hana jamaa wa kumwonea uchungu,"/>
		<aya index="36" text="Wala hana chakula ila usaha wa watu wa Motoni."/>
		<aya index="37" text="Chakula hicho hawakili ila wakosefu."/>
		<aya index="38" text="Basi naapa kwa mnavyo viona,"/>
		<aya index="39" text="Na msivyo viona,"/>
		<aya index="40" text="Kwa hakika hii ni kauli iliyo letwa na Mjumbe mwenye hishima."/>
		<aya index="41" text="Wala si kauli ya mtunga mashairi. Ni machache sana mnayo yaamini."/>
		<aya index="42" text="Wala si kauli ya kuhani. Ni machache mnayo yakumbuka."/>
		<aya index="43" text="Ni uteremsho utokao kwa Mola Mlezi wa walimwengu wote."/>
		<aya index="44" text="Na lau kama angeli tuzulia baadhi ya maneno tu,"/>
		<aya index="45" text="Bila ya shaka tungeli mshika kwa mkono wa kulia,"/>
		<aya index="46" text="Kisha kwa hakika tungeli mkata mshipa mkubwa wa moyo!"/>
		<aya index="47" text="Na hapana yeyote katika nyinyi ambaye angeli weza kutuzuia."/>
		<aya index="48" text="Kwa hakika hii ni mawaidha kwa wachamngu."/>
		<aya index="49" text="Na hakika Sisi bila ya shaka tunajua kwamba miongoni mwenu wapo wanao kadhibisha."/>
		<aya index="50" text="Na hakika bila ya shaka itakuwa ni majuto kwa wanao kataa."/>
		<aya index="51" text="Na hakika hii bila ya shaka ni haki ya yakini."/>
		<aya index="52" text="Basi litakase jina la Mola wako Mlezi Mtukufu."/>
	</sura>
	<sura index="70" name="">
		<aya index="1" text="Muulizaji aliuliza juu ya adhabu itakayo tokea,"/>
		<aya index="2" text="Kwa makafiri - ambayo hapana awezaye kuizuia -"/>
		<aya index="3" text="Kutoka kwa Mwenyezi Mungu Mwenye mbingu za daraja."/>
		<aya index="4" text="Malaika na Roho hupanda kwendea kwake katika siku ambayo kadiri yake ni miaka khamsini elfu!"/>
		<aya index="5" text="Basi subiri kwa subira njema."/>
		<aya index="6" text="Hakika wao wanaiona iko mbali,"/>
		<aya index="7" text="Na Sisi tunaiona iko karibu."/>
		<aya index="8" text="Siku ambayo mbingu zitakapo kuwa kama maadeni iliyo yayushwa."/>
		<aya index="9" text="Na milima itakuwa kama sufi."/>
		<aya index="10" text="Wala jamaa hatamuuliza jamaa yake."/>
		<aya index="11" text="Ijapo kuwa wataonyeshwa waonane. Atatamani mkosefu lau ajikomboe na adhabu ya siku hiyo kwa kuwatoa fidia wanawe,"/>
		<aya index="12" text="Na mkewe, na nduguye,"/>
		<aya index="13" text="Na jamaa zake walio kuwa wakimkimu,"/>
		<aya index="14" text="Na wote waliomo duniani, kisha aokoke yeye."/>
		<aya index="15" text="La, hasha! Kwa hakika huo ni Moto mkali kabisa,"/>
		<aya index="16" text="Unao babua ngozi ya kichwa!"/>
		<aya index="17" text="Utamwita kila aliye geuza mgongo na akageuka."/>
		<aya index="18" text="Na akakusanya mali, kisha akayahifadhi."/>
		<aya index="19" text="Hakika mtu ameumbwa na papara."/>
		<aya index="20" text="Inapo mgusa shari hupapatika."/>
		<aya index="21" text="Na inapo mgusa kheri huizuilia."/>
		<aya index="22" text="Isipo kuwa wanao sali,"/>
		<aya index="23" text="Ambao wanadumisha Sala zao,"/>
		<aya index="24" text="Na ambao katika mali yao iko haki maalumu"/>
		<aya index="25" text="Kwa mwenye kuomba na anaye jizuilia kuomba;"/>
		<aya index="26" text="Na ambao wanaisadiki Siku ya Malipo,"/>
		<aya index="27" text="Na ambao wanaiogopa adhabu itokayo kwa Mola wao Mlezi."/>
		<aya index="28" text="Hakika adhabu ya Mola wao Mlezi si ya kuaminika nayo."/>
		<aya index="29" text="Na ambao wanahifadhi tupu zao."/>
		<aya index="30" text="Isipo kuwa kwa wake zao, au iliyo wamiliki mikono yao ya kuume, basi hao hawalaumiwi -"/>
		<aya index="31" text="Lakini wanao taka kinyume ya haya, basi hao ndio wanao ruka mipaka."/>
		<aya index="32" text="Na ambao wanazichunga amana zao na ahadi zao,"/>
		<aya index="33" text="Na ambao wanasimama imara katika ushahidi wao,"/>
		<aya index="34" text="Na ambao wanazihifadhi Sala zao."/>
		<aya index="35" text="Hao ndio watakao hishimiwa Peponi."/>
		<aya index="36" text="Wana nini wale walio kufuru wanakutumbulia macho tu?"/>
		<aya index="37" text="Makundi kwa makundi upande wa kulia na upande wa kushoto!"/>
		<aya index="38" text="Kwani kila mmoja wao anatumai kuingizwa katika Pepo ya neema?"/>
		<aya index="39" text="La, hasha! Hakika Sisi tumewaumba kutokana na wanacho kijua."/>
		<aya index="40" text="Basi naapa kwa Mola Mlezi wa mashariki zote na magharibi zote kwamba Sisi tunaweza"/>
		<aya index="41" text="Kuwabadili kwa walio bora kuliko wao; na Sisi hatushindwi."/>
		<aya index="42" text="Basi waache wapige porojo na wacheze, mpaka wakutane na siku yao wanayo ahidiwa,"/>
		<aya index="43" text="Siku watakapotoka makaburini kwa upesi kama kwamba wanakimbilia mfundo,"/>
		<aya index="44" text="Macho yao yatainama, fedheha itawafunika. Hiyo ndiyo Siku waliyo kuwa wakiahidiwa."/>
	</sura>
	<sura index="71" name="">
		<aya index="1" text="Hakika Sisi tulimtuma Nuh'u kwa watu wake: Uwaonye kaumu yako kabla ya kuwafikia adhabu chungu."/>
		<aya index="2" text="Akasema: Enyi watu wangu! Kwa hakika mimi ni mwonyaji wa dhaahiri kwenu,"/>
		<aya index="3" text="Ya kwamba mumuabudu Mwenyezi Mungu, na mumche Yeye, na mumt'ii."/>
		<aya index="4" text="Atakughufirieni madhambi yenu, na atakuakhirisheni mpaka muda ulio wekwa. Hakika muda wa Mwenyezi Mungu utapo fika haucheleweshwi. Laiti mngejua!"/>
		<aya index="5" text="Akasema: Ee Mola wangu Mlezi! Hakika mimi nimewaita watu wangu usiku na mchana,"/>
		<aya index="6" text="Lakini wito wangu haukuwazidisha ila kukimbia."/>
		<aya index="7" text="Na hakika mimi kila nilipo waita ili upate kuwaghufiria, walijiziba masikio yao kwa vidole vyao, na wakajigubika nguo zao, na wakakamia, na wakatakabari vikubwa mno!"/>
		<aya index="8" text="Tena niliwaita kwa uwazi,"/>
		<aya index="9" text="Kisha nikawatangazia kwa kelele, tena nikasema nao kwa siri."/>
		<aya index="10" text="Nikasema: Ombeni msamaha kwa Mola wenu Mlezi; hakika Yeye ni Mwingi wa kusamehe."/>
		<aya index="11" text="Atakuleteeni mvua inyeshe mfululizo."/>
		<aya index="12" text="Na atakupeni mali na wana, na atakupeni mabustani na atakufanyieni mito."/>
		<aya index="13" text="Mna nini hamweki heshima ya Mwenyezi Mungu?"/>
		<aya index="14" text="Na hali Yeye kakuumbeni daraja baada ya daraja?"/>
		<aya index="15" text="Kwani hamwoni jinsi Mwenyezi Mungu alivyo ziumba mbingu saba kwa matabaka?"/>
		<aya index="16" text="Na akaufanya mwezi ndani yake uwe nuru, na akalifanya jua kuwa taa?"/>
		<aya index="17" text="Na Mwenyezi Mungu amekuotesheni katika ardhi kama mimea."/>
		<aya index="18" text="Kisha atakurudsheni humo na atakutoeni tena."/>
		<aya index="19" text="Na Mwenyezi Mungu amekukunjulieni ardhi kama busati."/>
		<aya index="20" text="Ili mtembee humo katika njia zilizo pana."/>
		<aya index="21" text="Nuh'u akasema: Mola wangu Mlezi! Hakika hao wameniasi, na wamemfuata yule ambaye mali yake na wanawe hawakumzidishia ila khasara."/>
		<aya index="22" text="Na wakapanga vitimbi vikubwa."/>
		<aya index="23" text="Na wakasema: Msiwaache miungu yenu, wala msimwache Wadda wala Suwaa' wala Yaghutha, wala Yau'qa, wala Nasra."/>
		<aya index="24" text="Na hao walikwisha wapoteza wengi, wala usiwazidishie walio dhulumu ila kupotea."/>
		<aya index="25" text="Basi kwa ajili ya makosa yao waligharikishwa wakaingizwa Motoni, wala hawakuwapata wa kuwanusuru badala ya Mwenyezi Mungu."/>
		<aya index="26" text="Na Nuh'u akasema: Mola wangu Mlezi! Usimwache juu ya ardhi mkaazi wake yeyote katika makafiri!"/>
		<aya index="27" text="Hakika ukiwaacha watawapoteza waja wako, wala wao hawatazaa ila waovu makafiri."/>
		<aya index="28" text="Mola wangu Mlezi! Nighufirie mimi na wazazi wangu, na kila aliye ingia nyumbani mwangu kuwa ni mwenye kuamini, na Waumini wote wanaume, na Waumini wanawake. Na wala usiwazidishie walio dhulumu ila kupotea."/>
	</sura>
	<sura index="72" name="">
		<aya index="1" text="Sema: Imefunuliwa kwangu ya kuwa kundi moja la majini lilisikiliza, na likasema: Hakika sisi tumeisikia Qur'ani ya ajabu!"/>
		<aya index="2" text="Inaongoza kwenye uwongofu, kwa hivyo tumeiamini, wala hatutamshirikisha yeyote na Mola wetu Mlezi."/>
		<aya index="3" text="Na kwa hakika utukufu wa Mola wetu Mlezi umetukuka kabisa; hana mke wala mwana."/>
		<aya index="4" text="Na kwa hakika wapumbavu miongoni mwetu walikuwa wakisema uwongo ulio pindukia mipaka juu ya Mwenyezi Mungu."/>
		<aya index="5" text="Nasi tulidhani kuwa watu na majini hawamzulii uwongo Mwenyezi Mungu."/>
		<aya index="6" text="Na hakika walikuwako wanaume katika watu walio kuwa wakitafuta kujikinga kwa wanaume wa kijini; kwa hivyo wakawazidisha madhambi."/>
		<aya index="7" text="Na kwa hakika wao walidhani, kama mlivyo dhani nyinyi, ya kuwa Mwenyezi Mungu hatamleta Mtume."/>
		<aya index="8" text="Nasi tulizigusa mbingu, na tukaziona zimejaa walinzi wenye nguvu na vimondo."/>
		<aya index="9" text="Na hakika tulikuwa tukikaa humo katika baadhi ya makao ili kusikiliza; lakini sasa anaye taka kusikiliza atakuta kimondo kinamvizia!"/>
		<aya index="10" text="Nasi hatujui kama wanatakiwa shari wale wanao kaa kwenye ardhi au Mola wao Mlezi anawatakia uwongofu."/>
		<aya index="11" text="Na hakika katika sisi wamo walio wema, na wengine wetu ni kinyume na hivyo. Tumekuwa njia mbali mbali."/>
		<aya index="12" text="Nasi tulijua kuwa hatutomshinda Mwenyezi Mungu duniani, wala hatuwezi kumponyoka kwa kukimbia."/>
		<aya index="13" text="Nasi tulipo usikia uwongofu tuliuamini. Basi mwenye kumuamini Mola wake Mlezi basi haogopi kupunjwa wala kudhulumiwa."/>
		<aya index="14" text="Na hakika wamo katika sisi Waislamu, na wamo kati yetu wanao acha haki. Basi walio silimu, hao ndio walio tafuta uwongofu."/>
		<aya index="15" text="Na ama wanao acha haki, hao watakuwa kuni za Jahannamu."/>
		<aya index="16" text="Na lau kama wangeli simama sawasawa juu ya njia tungeli wanywesha maji kwa wingi,"/>
		<aya index="17" text="Ili tuwajaribu kwa hayo. Na anaye puuza kumkumbuka Mola wake Mlezi atamsukuma kwenye adhabu ngumu."/>
		<aya index="18" text="Na hakika misikiti ni ya Mwenyezi Mungu, basi msimuabudu yeyote pamoja na Mwenyezi Mungu."/>
		<aya index="19" text="Na hakika Mja wa Mwenyezi Mungu alipo simama kumwomba, wao walikuwa karibu kumzonga!"/>
		<aya index="20" text="Sema: Hakika mimi namwomba Mola wangu Mlezi, wala simshirikishi Yeye na yeyote."/>
		<aya index="21" text="Sema: Mimi sina mamlaka ya kukudhuruni wala kukuongozeni."/>
		<aya index="22" text="Sema: Hakika hapana yeyote awezae kunilinda na Mwenyezi Mungu, wala sitapata pa kukimbilia isipo kuwa kwake Yeye tu."/>
		<aya index="23" text="Ila nifikishe Ujumbe utokao kwa Mwenyezi Mungu na risala zake. Na wenye kumuasi Mwenyezi Mungu na Mtume wake, basi hakika hao watapata Moto wa Jahannamu wadumu humo milele."/>
		<aya index="24" text="Hata watakapo yaona wanayo ahidiwa, ndipo watakapo jua ni nani mwenye msaidizi dhaifu, na mchache wa idadi."/>
		<aya index="25" text="Sema: Sijui kama yapo karibu hayo mnayo ahidiwa, au Mola wangu Mlezi atayawekea muda mrefu."/>
		<aya index="26" text="Yeye ndiye Mwenye kujua ya siri, wala hamdhihirishii yeyote siri yake,"/>
		<aya index="27" text="Isipo kuwa Mtume wake aliye mridhia. Naye huyo humwekea walinzi mbele yake na nyuma yake."/>
		<aya index="28" text="Ili Yeye ajue kwamba wao wamefikisha ujumbe wa Mola wao Mlezi, na Yeye anayajua vyema yote walio nayo, na amedhibiti idadi ya kila kitu."/>
	</sura>
	<sura index="73" name="">
		<aya index="1" text="Ewe uliye jifunika!"/>
		<aya index="2" text="Kesha usiku kucha, ila kidogo tu!"/>
		<aya index="3" text="Nusu yake, au ipunguze kidogo."/>
		<aya index="4" text="Au izidishe - na soma Qur'ani kwa utaratibu na utungo."/>
		<aya index="5" text="Hakika Sisi tutakuteremshia kauli nzito."/>
		<aya index="6" text="Hakika kuamka usiku kunawafikiana zaidi na moyo, na maneno yake yanatua zaidi."/>
		<aya index="7" text="Kwani hakika mchana una shughuli nyingi."/>
		<aya index="8" text="Na lidhukuru jina la Mola wako Mlezi, na ujitolee kwake kwa ukamilifu."/>
		<aya index="9" text="Mola Mlezi wa mashariki na magharibi, hapana mungu isipo kuwa Yeye, basi mfanye kuwa Mtegemewa wako."/>
		<aya index="10" text="Na vumilia hayo wayasemayo, na jitenge nao kwa vizuri."/>
		<aya index="11" text="Na niache Mimi na hao wanao kanusha, walio neemeka; na wape muhula kidogo!"/>
		<aya index="12" text="Hakika Sisi tunazo pingu nzito na Moto unao waka kwa ukali kabisa!"/>
		<aya index="13" text="Na chakula kinacho kwama kooni, na adhabu inayo umiza."/>
		<aya index="14" text="Siku ambayo ardhi itatikiswa na milima pia, na milima itakuwa kama tifutifu la mchanga!"/>
		<aya index="15" text="Hakika Sisi tumemtuma kwenu Mtume aliye shahidi juu yenu, kama tulivyo mtuma Mtume kwa Firauni."/>
		<aya index="16" text="Lakini Firauni alimuasi huyo Mtume, basi tukamshika mshiko wa mateso."/>
		<aya index="17" text="Basi nyinyi mkikufuru, mtawezaje kujikinga na Siku ambayo itawafanya watoto wadogo waote mvi?"/>
		<aya index="18" text="Hapo mbingu zitapasuka! Ahadi yake itakuwa imetekelezwa."/>
		<aya index="19" text="Kwa hakika hili ni kumbusho. Mwenye kutaka atashika njia ya kwendea kwa Mola wake Mlezi."/>
		<aya index="20" text="Hakika Mola wako Mlezi anajua ya kuwa hakika wewe unakesha karibu na thuluthi mbili za usiku, na nusu yake, na thuluthi yake. Na baadhi ya watu walio pamoja nawe kadhaalika. Na Mwenyezi Mungu ndiye anaye ukadiria usiku na mchana. Anajua kuwa hamwezi kuweka hisabu, basi amekusameheni. Basi someni kilicho chepesi katika Qur'ani. Anajua ya kuwa baadhi yenu watakuwa wagonjwa, na wengine wanasafiri katika ardhi wakitafuta fadhila ya Mwenyezi Mungu, na wengine wanapigana katika Njia ya Mwenyezi Mungu. Kwa hivyo someni kilicho chepesi humo, na mshike Sala, na toeni Zaka, na mkopesheni Mwenyezi Mungu mkopo mwema. Na kheri yoyote mnayo itanguliza kwa ajili ya nafsi zenu mtaikuta kwa Mwenyezi Mungu, imekuwa bora zaidi, na ina thawabu kubwa sana. Na mtakeni msamaha Mwenyezi Mungu. Hakika Mwenyezi Mungu ni Mwenye kusamehe Mwenye kurehemu."/>
	</sura>
	<sura index="74" name="">
		<aya index="1" text="Ewe uliye jigubika!"/>
		<aya index="2" text="Simama uonye!"/>
		<aya index="3" text="Na Mola wako Mlezi mtukuze!"/>
		<aya index="4" text="Na nguo zako, zisafishe."/>
		<aya index="5" text="Na yaliyo machafu yahame!"/>
		<aya index="6" text="Wala usitoe kwa kutaraji kuzidishiwa."/>
		<aya index="7" text="Na kwa ajili ya Mola wako Mlezi, subiri!"/>
		<aya index="8" text="Basi litapo pulizwa barugumu,"/>
		<aya index="9" text="Siku hiyo, basi, itakuwa siku ngumu."/>
		<aya index="10" text="Kwa makafiri haitakuwa nyepesi."/>
		<aya index="11" text="Niache peke yangu na niliye muumba;"/>
		<aya index="12" text="Na nikamjaalia awe na mali mengi,"/>
		<aya index="13" text="Na wana wanao onekana,"/>
		<aya index="14" text="Na nikamtgenezea mambo vizuri kabisa."/>
		<aya index="15" text="Kisha anatumai nimzidishie!"/>
		<aya index="16" text="Hasha! Kwani hakika yeye alikuwa akizifanyia inadi Aya zetu!"/>
		<aya index="17" text="Nitamtesa kwa mateso yasio wezekana."/>
		<aya index="18" text="Kwani hakika yeye alifikiri na akapima."/>
		<aya index="19" text="Basi ameangamia! Vipi alivyo pima!"/>
		<aya index="20" text="Tena ameangamia! Vipi alivyo pima!"/>
		<aya index="21" text="Kisha akatazama,"/>
		<aya index="22" text="Kisha akakunja kipaji, na akanuna."/>
		<aya index="23" text="Kisha akaipa kisogo haki, na akatakabari."/>
		<aya index="24" text="Na akasema: Haya si chochote ila ni uchawi ulio nukuliwa."/>
		<aya index="25" text="Haya si chochote ila kauli ya binaadamu."/>
		<aya index="26" text="Nitakuja mtia kwenye Moto wa Saqar."/>
		<aya index="27" text="Na nini kitakujuulisha ni nini huo Moto wa Saqar?"/>
		<aya index="28" text="Haubakishi wala hausazi."/>
		<aya index="29" text="Unababua ngozi iwe nyeusi."/>
		<aya index="30" text="Juu yake wapo kumi na tisa."/>
		<aya index="31" text="Na hatukuwafanya walinzi wa Motoni ila ni Malaika, wala hatukuifanya idadi yao hiyo ila kuwatatanisha walio kufuru, wapate kuwa na yakini walio pewa Kitabu, na wazidi Imani wale walio amini, wala wasiwe na shaka walio pewa Kitabu na Waumini, na wapate kusema wenye maradhi katika nyoyo zao na makafiri: Mwenyezi Mungu amekusudia nini kwa mfano huu? Ndio kama hivyo Mwenyezi Mungu humwacha apotee amtakaye, na humwongoa amtakaye. Na hapana yeyote anaye jua majeshi ya Mola wako Mlezi ila Yeye tu. Na haya si chochote ila ni ukumbusho kwa binaadamu."/>
		<aya index="32" text="Hasha! Naapa kwa mwezi!"/>
		<aya index="33" text="Na kwa usiku unapo kucha!"/>
		<aya index="34" text="Na kwa asubuhi inapo pambazuka!"/>
		<aya index="35" text="Hakika huo Moto ni katika mambo yaliyo makubwa kabisa!"/>
		<aya index="36" text="Ni onyo kwa binaadamu,"/>
		<aya index="37" text="Kwa anaye taka miongoni mwenu kutangulia au kuchelewa."/>
		<aya index="38" text="Kila nafsi imo rahanini kwa mabaya iliyo yachuma."/>
		<aya index="39" text="Isipo kuwa watu wa kuliani."/>
		<aya index="40" text="Hao watakuwa katika Mabustani, wawe wanaulizana"/>
		<aya index="41" text="Khabari za wakosefu:"/>
		<aya index="42" text="Ni nini kilicho kupelekeni Motoni?"/>
		<aya index="43" text="Waseme: Hatukuwa miongoni walio kuwa wakisali."/>
		<aya index="44" text="Wala hatukuwa tukiwalisha masikini."/>
		<aya index="45" text="Na tulikuwa tukizama pamoja na walio zama katika maovu."/>
		<aya index="46" text="Na tulikuwa tukiikanusha siku ya malipo."/>
		<aya index="47" text="Mpaka yakini ilipo tufikia."/>
		<aya index="48" text="Basi hautawafaa kitu uombezi wa waombezi."/>
		<aya index="49" text="Basi wana nini hata wanapuuza onyo hili?"/>
		<aya index="50" text="Kama kwamba wao ni mapunda walio timuliwa,"/>
		<aya index="51" text="Wanao mkimbia simba!"/>
		<aya index="52" text="Ati kila mmoja katika wao anataka apewe nyaraka zilizo funuliwa."/>
		<aya index="53" text="Hasha! Kwani wao hawaiogopi Akhera?"/>
		<aya index="54" text="Hasha! Kwa hakika huu ni ukumbusho!"/>
		<aya index="55" text="Basi anaye taka atakumbuka."/>
		<aya index="56" text="Na hawatakumbuka isipo kuwa Mwenyezi Mungu atake. Uchamngu ni kwake Yeye, na msamaha ni wake Yeye."/>
	</sura>
	<sura index="75" name="">
		<aya index="1" text="Ninaapa kwa Siku ya Kiyama!"/>
		<aya index="2" text="Na ninaapa kwa nafsi inayo jilaumu!"/>
		<aya index="3" text="Anadhani mtu kuwa Sisi hatutaikusanya mifupa yake?"/>
		<aya index="4" text="Kwani! Sisi tunaweza hata kuziweka sawa sawa ncha za vidole vyake!"/>
		<aya index="5" text="Lakini mtu anataka tu kuendelea na maasi kwa siku zilioko mbele yake."/>
		<aya index="6" text="Anauliza: Lini itakuwa hiyo Siku ya Kiyama?"/>
		<aya index="7" text="Basi jicho litapo dawaa,"/>
		<aya index="8" text="Na mwezi utapo patwa,"/>
		<aya index="9" text="Na likakusanywa jua na mwezi,"/>
		<aya index="10" text="Siku hiyo mtu atasema: Yako wapi makimbilio?"/>
		<aya index="11" text="La! Hapana pa kukimbilia!"/>
		<aya index="12" text="Siku hiyo pa kutua ni kwa Mola wako Mlezi tu."/>
		<aya index="13" text="Siku hiyo ataambiwa aliyo yatanguliza na aliyo yaakhirisha."/>
		<aya index="14" text="Bali mtu ni hoja juu ya nafsi yake."/>
		<aya index="15" text="Na ingawa atatoa chungu ya udhuru."/>
		<aya index="16" text="Usiutikisie huu wahyi ulimi wako kwa kuufanyia haraka."/>
		<aya index="17" text="Hakika ni juu yetu kuukusanya na kuusomesha."/>
		<aya index="18" text="Tunapo usoma, basi nawe fuatiliza kusoma kwake."/>
		<aya index="19" text="Kisha ni juu yetu kuubainisha."/>
		<aya index="20" text="Hasha! Bali nyinyi mnapenda maisha ya duniani,"/>
		<aya index="21" text="Na mnaacha maisha ya Akhera."/>
		<aya index="22" text="Zipo nyuso siku hiyo zitao ng'ara,"/>
		<aya index="23" text="Zinamwangallia Mola wao Mlezi."/>
		<aya index="24" text="Na zipo nyuso siku hiyo zitakao kunjana."/>
		<aya index="25" text="Zitajua ya kuwa zitafikiwa na livunjalo uti wa mgongo."/>
		<aya index="26" text="La, hasha! (Roho) itakapo fikia kwenye mafupa ya koo,"/>
		<aya index="27" text="Na pakasemwa: Nani wa kumganga?"/>
		<aya index="28" text="Na mwenyewe akajua kwa hakika kuwa huko ndiko kufariki;"/>
		<aya index="29" text="Na utapo ambatishwa muundi kwa muundi,"/>
		<aya index="30" text="Siku hiyo ndiyo kuchungwa kupelekwa kwa Mola wako Mlezi!"/>
		<aya index="31" text="Kwa sababu hakusadiki, wala hakusali."/>
		<aya index="32" text="Bali alikanusha, na akageuka."/>
		<aya index="33" text="Kisha akenda kwa ahali zake kwa matao."/>
		<aya index="34" text="Ole wako, ole wako!"/>
		<aya index="35" text="Kisha Ole wako, ole wako!"/>
		<aya index="36" text="Ati anadhani binaadamu kuwa ataachwa bure?"/>
		<aya index="37" text="Kwani hakuwa yeye tone ya manii lilio shushwa?"/>
		<aya index="38" text="Kisha akawa kidonge cha damu, tena Mwenyezi Mungu akamuumba na akamtengeneza vilivyo."/>
		<aya index="39" text="Kisha akamfanya namna mbili, mwanamume na mwanamke."/>
		<aya index="40" text="Je! Huyo hakuwa ni Muweza wa kufufua wafu?"/>
	</sura>
	<sura index="76" name="">
		<aya index="1" text="Hakika kilimpitia binaadamu kipindi katika zama ambacho kwamba hakuwa kitu kinacho tajwa."/>
		<aya index="2" text="Hakika Sisi tumemuumba mtu kutokana na mbegu ya uhai iliyo changanyika, tumfanyie mtihani. Kwa hivyo tukamfanya mwenye kusikia, mwenye kuona."/>
		<aya index="3" text="Hakika Sisi tumembainishia Njia. Ama ni mwenye kushukuru, au mwenye kukufuru."/>
		<aya index="4" text="Hakika Sisi tumewaandalia makafiri minyororo na pingu na Moto mkali."/>
		<aya index="5" text="Hakika watu wema watakunywa katika vinywaji vilivyo changanyika na kafuri,"/>
		<aya index="6" text="Ni chemchem watakao inywa waja wa Mwenyezi Mungu, wakiifanya imiminike kwa wingi."/>
		<aya index="7" text="Wanatimiza ahadi, na wanaiogopa siku ambayo shari yake inaenea sana,"/>
		<aya index="8" text="Na huwalisha chakula, juu ya kukipenda kwake, masikini, na yatima, na wafungwa."/>
		<aya index="9" text="Hakika sisi tunakulisheni kwa wajihi wa Mwenyezi Mungu. Hatutaki kwenu malipo wala shukrani."/>
		<aya index="10" text="Hakika sisi tunaiogopa kwa Mola wetu Mlezi hiyo siku yenye shida na taabu."/>
		<aya index="11" text="Basi Mwenyezi Mungu atawalinda na shari ya siku hiyo, na atawakutanisha na raha na furaha."/>
		<aya index="12" text="Na atawajazi Bustani za Peponi na maguo ya hariri kwa vile walivyo subiri."/>
		<aya index="13" text="Humo wataegemea juu ya viti vya enzi, hawataona humo jua kali wala baridi kali."/>
		<aya index="14" text="Na vivuli vyake vitakuwa karibu yao, na mashada ya matunda yataning'inia mpaka chini."/>
		<aya index="15" text="Na watapitishiwa vyombo vya fedha na vikombe vya vigae,"/>
		<aya index="16" text="Vya fedha safi kama kiyoo, wamevipima kwa vipimo."/>
		<aya index="17" text="Na humo watanyweshwa kinywaji kilicho changanyika na tangawizi."/>
		<aya index="18" text="Hiyo ni chemchem iliyo humo inaitwa Salsabil."/>
		<aya index="19" text="Na watawazungukia kuwatumikia wavulana wasio pevuka, ukiwaona utawafikiri ni lulu zilizo tawanywa."/>
		<aya index="20" text="Na utakapo yaona, utakuwa umeona neema na ufalme mkubwa."/>
		<aya index="21" text="Juu yao zipo nguo za hariri laini za kijani kibichi, na hariri nzito ya at'ilasi. Na watavikwa vikuku vya fedha, na Mola wao Mlezi atawanywesha kinywaji safi kabisa."/>
		<aya index="22" text="Hakika haya ni malipo yenu; na juhudi zenu zimekubaliwa."/>
		<aya index="23" text="Hakika Sisi tumekuteremshia Qur'ani kidogo kidogo."/>
		<aya index="24" text="Basi ngojea hukumu ya Mola wako Mlezi wala usimt'ii miongoni mwao mwenye dhambi au mwenye kufuru."/>
		<aya index="25" text="Na likumbuke jina la Mola wako Mlezi asubuhi na jioni;"/>
		<aya index="26" text="Na usiku msujudie Yeye, na umtakase usiku, wakati mrefu."/>
		<aya index="27" text="Kwa hakika watu hawa wanapenda maisha ya kidunia, na wanaiacha nyuma yao siku nzito."/>
		<aya index="28" text="Sisi tumewaumba, na tukavitia nguvu viungo vyao. Na tukitaka tutawabadilisha mfano wao wawe badala yao."/>
		<aya index="29" text="Hakika haya ni mawaidha; basi anaye taka atashika Njia ya kwenda kwa Mola wake Mlezi."/>
		<aya index="30" text="Wala hamwezi kutaka ila atakapo Mwenyezi Mungu. Hakika Mwenyezi Mungu ni Mwenye ilimu, Mwenye hikima."/>
		<aya index="31" text="Humuingiza amtakaye katika rehema yake. Na wenye kudhulumu amewawekea adhabu iliyo chungu."/>
	</sura>
	<sura index="77" name="">
		<aya index="1" text="Naapa kwa zinazo tumwa kwa upole!"/>
		<aya index="2" text="Na zinazo vuma kwa kasi!"/>
		<aya index="3" text="Na zikaeneza maeneo yote!"/>
		<aya index="4" text="Na zinazo farikisha zikatawanya!"/>
		<aya index="5" text="Na zinazo peleka mawaidha!"/>
		<aya index="6" text="Kwa kuudhuru au kuonya,"/>
		<aya index="7" text="Hakika mnayo ahidiwa bila ya shaka yatakuwa!"/>
		<aya index="8" text="Wakati nyota zitakapo futwa,"/>
		<aya index="9" text="Na mbingu zitakapo pasuliwa,"/>
		<aya index="10" text="Na milima itakapo peperushwa,"/>
		<aya index="11" text="Na Mitume watakapo wekewa wakati wao,"/>
		<aya index="12" text="Kwa siku gani hiyo wamewekewa muda huo?"/>
		<aya index="13" text="Kwa siku ya kupambanua!"/>
		<aya index="14" text="Na nini kitakacho kujuulisha siku ya kupambanua ni nini?"/>
		<aya index="15" text="Ole wao, siku hiyo hao wanao kanusha!"/>
		<aya index="16" text="Kwani hatukuwaangamiza walio tangulia?"/>
		<aya index="17" text="Kisha tukawafuatilizia walio fuatia?"/>
		<aya index="18" text="Ndio kama hivi tuwatendavyo wakosefu!"/>
		<aya index="19" text="Ole wao siku hiyo hao wanao kanusha!"/>
		<aya index="20" text="Kwani hatukukuumbeni kwa maji ya kudharauliwa?"/>
		<aya index="21" text="Kisha tukayaweka mahali pa utulivu madhubuti?"/>
		<aya index="22" text="Mpaka muda maalumu?"/>
		<aya index="23" text="Tukakadiria na Sisi ni wabora wa kukadiria."/>
		<aya index="24" text="Ole wao siku hiyo hao wanao kanusha!"/>
		<aya index="25" text="Kwani hatukuifanya ardhi yenye kukusanya"/>
		<aya index="26" text="Walio hai na maiti?"/>
		<aya index="27" text="Na ndani yake tukaweka milima mirefu yenye kuthibiti, na tunakunywesheni maji matamu?"/>
		<aya index="28" text="Ole wao siku hiyo hao wanao kanusha!"/>
		<aya index="29" text="Nendeni kwenye adhabu mliyo kuwa mkiikanusha!"/>
		<aya index="30" text="Nendeni kwenye kivuli chenye mapande matatu!"/>
		<aya index="31" text="Hakikingi moto, wala hakiwaepushi na mwako."/>
		<aya index="32" text="Hakika Moto huo unatoa macheche kama majumba!"/>
		<aya index="33" text="Kama kwamba ni ngamia wa rangi ya manjano!"/>
		<aya index="34" text="Ole wao siku hiyo hao wanao kanusha!"/>
		<aya index="35" text="Hii ni siku ambayo hawatatamka kitu,"/>
		<aya index="36" text="Wala hawataruhusiwa kutoa udhuru."/>
		<aya index="37" text="Ole wao siku hiyo hao walio kanusha!"/>
		<aya index="38" text="Hii ndiyo siku ya kupambanua. Tumekukusanyeni nyinyi na walio tangulia."/>
		<aya index="39" text="Ikiwa mnayo hila, nifanyieni hila Mimi!"/>
		<aya index="40" text="Ole wao siku hiyo hao walio kanusha!"/>
		<aya index="41" text="Hakika wachamngu watakuwa katika vivuli na chemchem,"/>
		<aya index="42" text="Na matunda wanayo yapenda,"/>
		<aya index="43" text="Kuleni na kunyweni kwa furaha kwa yale mliyo kuwa mkiyatenda."/>
		<aya index="44" text="Hakika ndio kama hivyo tunavyo walipa watendao mema."/>
		<aya index="45" text="Ole wao siku hiyo hao wanao kanusha!"/>
		<aya index="46" text="Kuleni na mjifurahishe kidogo tu. Hakika nyinyi ni wakosefu!"/>
		<aya index="47" text="Ole wao siku hiyo hao wanao kanusha!"/>
		<aya index="48" text="Na wakiambiwa: Inameni! Hawainami."/>
		<aya index="49" text="Ole wao siku hiyo hao wanao kanusha!"/>
		<aya index="50" text="Basi maneno gani baada ya haya watayaamini?"/>
	</sura>
	<sura index="78" name="">
		<aya index="1" text="WANAULIZANA nini?"/>
		<aya index="2" text="Ile khabari kuu,"/>
		<aya index="3" text="Ambayo kwayo wanakhitalifiana."/>
		<aya index="4" text="La! Karibu watakuja jua."/>
		<aya index="5" text="Tena la! Karibu watakuja jua."/>
		<aya index="6" text="Kwani hatukuifanya ardhi kama tandiko?"/>
		<aya index="7" text="Na milima kama vigingi?"/>
		<aya index="8" text="Na tukakuumbeni kwa jozi?"/>
		<aya index="9" text="Na tukakufanya kulala kwenu ni mapumziko?"/>
		<aya index="10" text="Na tukaufanya usiku ni nguo?"/>
		<aya index="11" text="Na tukaufanya mchana ni wa kuchumia maisha?"/>
		<aya index="12" text="Na tukajenga juu yenu saba zenye nguvu?"/>
		<aya index="13" text="Na tukaifanya taa yenye mwanga na joto;"/>
		<aya index="14" text="Na tukateremsha maji yanayo anguka kwa kasi kutoka mawinguni,"/>
		<aya index="15" text="Ili tutoe kwayo nafaka na mimea,"/>
		<aya index="16" text="Na mabustani yenye miti iliyo kamatana."/>
		<aya index="17" text="Hakika siku ya uamuzi imewekewa wakati wake,"/>
		<aya index="18" text="Siku litapo pulizwa barugumu, nanyi mtakuja kwa makundi,"/>
		<aya index="19" text="Na mbingu zitafunguliwa, ziwe milango,"/>
		<aya index="20" text="Na milima itaondolewa na itakuwa kama sarabi."/>
		<aya index="21" text="Hakika Jahannamu inangojea!"/>
		<aya index="22" text="Kwa walio asi ndio makaazi yao,"/>
		<aya index="23" text="Wakae humo karne baada ya karne,"/>
		<aya index="24" text="Hawataonja humo chochote kibaridi wala kinywaji,"/>
		<aya index="25" text="Ila maji yamoto sana na usaha,"/>
		<aya index="26" text="Ndio jaza muwafaka."/>
		<aya index="27" text="Hakika hao hawakuwa wakitaraji kuwa kuna hisabu."/>
		<aya index="28" text="Na wakikanusha Aya zetu kwa nguvu."/>
		<aya index="29" text="Na kila kitu Sisi tumekidhibiti kwa kukiandika."/>
		<aya index="30" text="Basi onjeni! Nasi hatutakuzidishieni ila adhabu!"/>
		<aya index="31" text="Hakika wachamngu wanastahiki kufuzu,"/>
		<aya index="32" text="Mabustani na mizabibu,"/>
		<aya index="33" text="Na wake walio lingana nao,"/>
		<aya index="34" text="Na bilauri zilizo jaa,"/>
		<aya index="35" text="Hawatasikia humo upuuzi wala uwongo -"/>
		<aya index="36" text="Malipo kutoka kwa Mola wako Mlezi, kipawa cha kutosha."/>
		<aya index="37" text="Mola Mlezi wa mbingu na ardhi na vilio baina yao, Arrahman, Mwingi wa rehema; hawamiliki usemi mbele yake!"/>
		<aya index="38" text="Siku atakapo simama Roho na Malaika kwa safu. Hawatasema ila Mwingi wa rehema aliye mruhusu, na atasema yaliyo sawa tu."/>
		<aya index="39" text="Hiyo ndiyo Siku ya haki. Basi anaye taka na ashike njia arejee kwa Mola wake Mlezi."/>
		<aya index="40" text="Hakika tumekuhadharisheni adhabu iliyo karibu kufika; Siku ambayo mtu atakapo ona yaliyo tangulizwa na mikono yake; na kafiri atasema: Laiti ningeli kuwa udongo!"/>
	</sura>
	<sura index="79" name="">
		<aya index="1" text="Naapa kwa wanao komoa kwa nguvu,"/>
		<aya index="2" text="Na kwa wanao toa kwa upole,"/>
		<aya index="3" text="Na wanao ogelea,"/>
		<aya index="4" text="Wakishindana mbio,"/>
		<aya index="5" text="Wakidabiri mambo."/>
		<aya index="6" text="Siku kitapo tetemeka cha kutetemeka,"/>
		<aya index="7" text="Kifuate cha kufuatia."/>
		<aya index="8" text="Siku hiyo nyoyo zitapiga piga,"/>
		<aya index="9" text="Macho yatainama chini."/>
		<aya index="10" text="Sasa wanasema: Ati kweli tutarudishwa kwenye hali ya kwanza?"/>
		<aya index="11" text="Hata tukiwa mifupa iliyo bunguliwa?"/>
		<aya index="12" text="Wanasema: Basi marejeo hayo ni yenye khasara!"/>
		<aya index="13" text="Kwa hakika hayo ni ukelele mmoja tu,"/>
		<aya index="14" text="Mara watakuwa kwenye uwanda wa mkutano!"/>
		<aya index="15" text="Je! Imekufikia hadithi ya Musa?"/>
		<aya index="16" text="Mola wake Mlezi alipo mwita katika bonde takatifu la T'uwaa, akamwambia:"/>
		<aya index="17" text="Nenda kwa Firauni. Hakika yeye amezidi jeuri."/>
		<aya index="18" text="Umwambie: Je! Unapenda kujitakasa?"/>
		<aya index="19" text="Nami nitakuongoa ufike kwa Mola wako Mlezi, upate kumcha."/>
		<aya index="20" text="Basi alimwonyesha Ishara kubwa."/>
		<aya index="21" text="Lakini aliikadhibisha na akaasi."/>
		<aya index="22" text="Kisha alirudi nyuma, akaingia kufanya juhudi."/>
		<aya index="23" text="Akakusanya watu akanadi."/>
		<aya index="24" text="Akasema: Mimi ndiye Mola wenu Mlezi mkuu kabisa."/>
		<aya index="25" text="Basi hapo Mwenyezi Mungu akamshika kumuadhibu kwa la mwisho na la mwanzo."/>
		<aya index="26" text="Kwa hakika katika haya yapo mazingatio kwa wanao ogopa."/>
		<aya index="27" text="Je! Ni vigumu zaidi kukuumbeni nyinyi au mbingu? Yeye ndiye aliye ijenga!"/>
		<aya index="28" text="Akainua kimo chake, na akaitengeneza vizuri."/>
		<aya index="29" text="Na akautia giza usiku wake, na akautokeza mchana wake."/>
		<aya index="30" text="Na juu ya hivyo ameitandaza ardhi."/>
		<aya index="31" text="Akatoa ndani yake maji yake na malisho yake,"/>
		<aya index="32" text="Na milima akaisimamisha,"/>
		<aya index="33" text="Kwa nafuu yenu na mifugo yenu."/>
		<aya index="34" text="Basi itakapo fika hiyo balaa kubwa,"/>
		<aya index="35" text="Siku ambayo mtu atakumbuka aliyo yafanya,"/>
		<aya index="36" text="Na Jahannamu itadhihirishwa kwa mwenye kuona,"/>
		<aya index="37" text="Basi ama yule aliye zidi ujeuri,"/>
		<aya index="38" text="Na akakhiari maisha ya dunia,"/>
		<aya index="39" text="Kwa hakika Jahannamu ndiyo makaazi yake!"/>
		<aya index="40" text="Na ama yule anaye ogopa kusimamishwa mbele ya Mola wake Mlezi, na akajizuilia nafsi yake na matamanio,"/>
		<aya index="41" text="Basi huyo, Pepo itakuwa ndiyo makaazi yake!"/>
		<aya index="42" text="Wanakuuliza Saa (ya Kiyama) itakuwa lini?"/>
		<aya index="43" text="Una nini wewe hata uitaje?"/>
		<aya index="44" text="Kwa Mola wako Mlezi ndio mwisho wake."/>
		<aya index="45" text="Kwa hakika wewe ni mwonyaji tu kwa mwenye kuikhofu."/>
		<aya index="46" text="Ni kama kwamba wao siku watapo iona (hiyo Saa) hawakukaa ila jioni moja tu, au mchana wake."/>
	</sura>
	<sura index="80" name="">
		<aya index="1" text="Alikunja kipaji na akageuka,"/>
		<aya index="2" text="Kwa sababu alimjia kipofu!"/>
		<aya index="3" text="Na nini kitakujuulisha pengine yeye atatakasika?"/>
		<aya index="4" text="Au atawaidhika, na mawaidha yamfae?"/>
		<aya index="5" text="Ama ajionaye hana haja,"/>
		<aya index="6" text="Wewe ndio unamshughulikia?"/>
		<aya index="7" text="Na si juu yako kama hakutakasika."/>
		<aya index="8" text="Ama anaye kujia kwa juhudi,"/>
		<aya index="9" text="Naye anaogopa,"/>
		<aya index="10" text="Ndio wewe unampuuza?"/>
		<aya index="11" text="Sivyo hivyo! Huku ni kukumbushana."/>
		<aya index="12" text="Basi anaye penda akumbuke."/>
		<aya index="13" text="Yamo katika kurasa zilizo hishimiwa,"/>
		<aya index="14" text="Zilizo inuliwa, zilizo takaswa."/>
		<aya index="15" text="Zimo mikononi mwa Malaika waandishi,"/>
		<aya index="16" text="Watukufu, wema."/>
		<aya index="17" text="Ameangamia mwanaadamu! Nini kinacho mkufurisha?"/>
		<aya index="18" text="Kwa kitu gani amemuumba?"/>
		<aya index="19" text="Kwa tone la manii, akamuumba na akamkadiria."/>
		<aya index="20" text="Kisha akamsahilishia njia."/>
		<aya index="21" text="Kisha akamfisha, akamtia kaburini."/>
		<aya index="22" text="Kisha apendapo atamfufua."/>
		<aya index="23" text="La! Hajamaliza aliyo muamuru."/>
		<aya index="24" text="Hebu mtu na atazame chakula chake."/>
		<aya index="25" text="Hakika Sisi tumemimina maji kwa nguvu,"/>
		<aya index="26" text="Tena tukaipasua pasua ardhi kwa nguvu,"/>
		<aya index="27" text="Kisha tukaotesha humo nafaka,"/>
		<aya index="28" text="Na zabibu, na mimea ya majani,"/>
		<aya index="29" text="Na mizaituni, na mitende,"/>
		<aya index="30" text="Na bustani zenye miti iliyo songana baraabara,"/>
		<aya index="31" text="Na matunda, na malisho ya wanyama;"/>
		<aya index="32" text="Kwa manufaa yenu na mifugo yenu."/>
		<aya index="33" text="Basi utakapo kuja ukelele,"/>
		<aya index="34" text="Siku ambayo mtu atamkimbia nduguye,"/>
		<aya index="35" text="Na mamaye na babaye,"/>
		<aya index="36" text="Na mkewe na wanawe -"/>
		<aya index="37" text="Kila mtu miongoni mwao siku hiyo atakuwa na lake la kumtosha."/>
		<aya index="38" text="Siku hiyo ziko nyuso zitazo nawiri,"/>
		<aya index="39" text="Zitacheka, zitachangamka;"/>
		<aya index="40" text="Na nyuso siku hiyo zitakuwa na mavumbi,"/>
		<aya index="41" text="Giza totoro litazifunika,"/>
		<aya index="42" text="Hao ndio makafiri watenda maovu."/>
	</sura>
	<sura index="81" name="">
		<aya index="1" text="Jua litakapo kunjwa,"/>
		<aya index="2" text="Na nyota zikazimwa,"/>
		<aya index="3" text="Na milima ikaondolewa,"/>
		<aya index="4" text="Na ngamia wenye mimba pevu watakapo achwa wasishughulikiwe,"/>
		<aya index="5" text="Na wanyama wa mwituni wakakusanywa,"/>
		<aya index="6" text="Na bahari zikawaka moto,"/>
		<aya index="7" text="Na nafsi zikaunganishwa,"/>
		<aya index="8" text="Na msichana aliye zikwa hai atapo ulizwa,"/>
		<aya index="9" text="Kwa kosa gani aliuliwa?"/>
		<aya index="10" text="Na madaftari yatakapo enezwa,"/>
		<aya index="11" text="Na mbingu itapo tanduliwa,"/>
		<aya index="12" text="Na Jahannamu itapo chochewa,"/>
		<aya index="13" text="Na Pepo ikasogezwa,"/>
		<aya index="14" text="Kila nafsi itajua ilicho kihudhurisha."/>
		<aya index="15" text="Naapa kwa nyota zinapo rejea nyuma,"/>
		<aya index="16" text="Zinazo kwenda, kisha zikajificha,"/>
		<aya index="17" text="Na kwa usiku unapo pungua,"/>
		<aya index="18" text="Na kwa asubuhi inapo pambazuka,"/>
		<aya index="19" text="Kwamba hakika bila ya shaka hii ni kauli ya Mjumbe mtukufu,"/>
		<aya index="20" text="Mwenye nguvu na mwenye cheo kwa huyo Mwenye Kiti cha Enzi,"/>
		<aya index="21" text="Anaye t'iiwa, tena muaminifu."/>
		<aya index="22" text="Na wala huyu mwenzenu hana wazimu."/>
		<aya index="23" text="Na hakika yeye alimwona kwenye upeo wa macho ulio safi."/>
		<aya index="24" text="Wala yeye si bakhili kwa mambo ya ghaibu."/>
		<aya index="25" text="Wala hii si kauli ya Shetani maluuni."/>
		<aya index="26" text="Basi mnakwenda wapi?"/>
		<aya index="27" text="Haikuwa hii ila ni ukumbusho kwa walimwengu wote."/>
		<aya index="28" text="Kwa yule miongoni mwenu anaye taka kwenda sawa."/>
		<aya index="29" text="Wala nyinyi hamtataka isipo kuwa atake Mwenyezi Mungu Mola Mlezi wa walimwengu wote."/>
	</sura>
	<sura index="82" name="">
		<aya index="1" text="Mbingu itapo chanika,"/>
		<aya index="2" text="Na nyota zitapo tawanyika,"/>
		<aya index="3" text="Na bahari zitakapo pasuliwa,"/>
		<aya index="4" text="Na makaburi yatapo fukuliwa,"/>
		<aya index="5" text="Hapo kila nafsi itajua ilicho tanguliza, na ilicho bakisha nyuma."/>
		<aya index="6" text="Ewe mwanaadamu! Nini kilicho kughuri ukamwacha Mola wako Mlezi Mtukufu?"/>
		<aya index="7" text="Aliye kuumba, akakuweka sawa, akakunyoosha,"/>
		<aya index="8" text="Katika sura yoyote aliyo ipenda akakujenga."/>
		<aya index="9" text="Sivyo hivyo! Bali nyinyi mnaikanusha Siku ya Malipo."/>
		<aya index="10" text="Na hakika bila ya shaka wapo walinzi juu yenu,"/>
		<aya index="11" text="Waandishi wenye hishima,"/>
		<aya index="12" text="Wanayajua mnayo yatenda."/>
		<aya index="13" text="Hakika wema bila ya shaka watakuwa katika neema,"/>
		<aya index="14" text="Na hakika waovu bila ya shaka watakuwa Motoni;"/>
		<aya index="15" text="Wataingia humo Siku ya Malipo."/>
		<aya index="16" text="Na hawatoacha kuwamo humo."/>
		<aya index="17" text="Na nini kitakacho kujuulisha Siku ya Malipo ni siku gani?"/>
		<aya index="18" text="Tena nini kitakacho kujuulisha Siku ya Malipo ni siku gani?"/>
		<aya index="19" text="Siku ambayo nafsi haitakuwa na madaraka yoyote juu ya nafsi; na amri yote siku hiyo ni ya Mwenyezi Mungu tu."/>
	</sura>
	<sura index="83" name="">
		<aya index="1" text="Ole wao hao wapunjao!"/>
		<aya index="2" text="Ambao wanapo jipimia kwa watu hudai watimiziwe."/>
		<aya index="3" text="Na wao wanapo wapimia watu kwa kipimo au mizani hupunguza."/>
		<aya index="4" text="Kwani hawadhani hao kwamba watafufuliwa"/>
		<aya index="5" text="Katika Siku iliyo kuu,"/>
		<aya index="6" text="Siku watapo msimamia watu Mola Mlezi wa walimwengu wote?"/>
		<aya index="7" text="Hasha! Hakika maandiko ya wakosefu bila ya shaka yamo katika Sijjin."/>
		<aya index="8" text="Unajua nini Sijjin?"/>
		<aya index="9" text="Kitabu kilicho andikwa."/>
		<aya index="10" text="Ole wao siku hiyo kwa wanao kadhibisha!"/>
		<aya index="11" text="Ambao wanaikadhibisha Siku ya Malipo."/>
		<aya index="12" text="Wala haikadhibishi ila kila mwenye kuruka mipaka, mwenye dhambi."/>
		<aya index="13" text="Anapo somewa Aya zetu husema: Ni visa vya watu wa kale!"/>
		<aya index="14" text="Hasha! Bali yametia kutu juu ya nyoyo zao hao walio kuwa wakiyachuma."/>
		<aya index="15" text="Hasha! Hakika hao siku hiyo bila ya shaka watazuiliwa na neema za Mola wao Mlezi."/>
		<aya index="16" text="Kisha wataingia Motoni!"/>
		<aya index="17" text="Kisha waambiwe: Haya ndiyo mliyo kuwa mkiyakadhabisha."/>
		<aya index="18" text="Hasha! Hakika maandiko ya watu wema bila ya shaka yamo katika I'liyyin."/>
		<aya index="19" text="Na nini kitakacho kujuvya nini I'liyyin?"/>
		<aya index="20" text="Kitabu kilicho andikwa."/>
		<aya index="21" text="Wanakishuhudia walio karibishwa."/>
		<aya index="22" text="Hakika watu wema bila ya shaka watakuwa katika neema."/>
		<aya index="23" text="Wakae juu ya viti vya enzi wakiangalia."/>
		<aya index="24" text="Utatambua katika nyuso zao mng'aro wa neema,"/>
		<aya index="25" text="Watanyweshwa kinywaji safi kiliyo tiwa muhuri,"/>
		<aya index="26" text="Muhuri wake ni miski. Na katika hayo washindanie wenye kushindana."/>
		<aya index="27" text="Na mchanganyiko wake ni Tasniim,"/>
		<aya index="28" text="Chemchem watakayo inywa walio kurubishwa."/>
		<aya index="29" text="Kwa hakika wale walio kuwa wakosefu walikuwa wakiwacheka walio amini."/>
		<aya index="30" text="Na wanapo pita karibu yao wakikonyezana."/>
		<aya index="31" text="Na wanapo rudi kwa watu wao hurudi nao wamefurahi."/>
		<aya index="32" text="Na wanapo waona husema: Hakika hawa ndio khasa walio potea."/>
		<aya index="33" text="Na wao hawakutumwa wawe walinzi juu yao."/>
		<aya index="34" text="Basi leo walio amini ndio watawacheka makafiri,"/>
		<aya index="35" text="Nao wako juu ya viti vya enzi wakiangalia."/>
		<aya index="36" text="Je! makafiri wamelipwa malipo ya yale waliyo kuwa wakiyatenda?"/>
	</sura>
	<sura index="84" name="">
		<aya index="1" text="Itapo chanika mbingu,"/>
		<aya index="2" text="Na ikamsikiliza Mola wake Mlezi, na ikapasiwa kumsikiliza,"/>
		<aya index="3" text="Na ardhi itakapo tanuliwa,"/>
		<aya index="4" text="Na kuvitoa vilivyo kuwa ndani yake, ikawa tupu,"/>
		<aya index="5" text="Na ikamsikiliza Mola wake Mlezi, na ikapasiwa kumsikiliza,"/>
		<aya index="6" text="Ewe mtu! Hakika wewe unajikusuru kwa juhudi kumwendea Mola wako Mlezi, basi utamkuta."/>
		<aya index="7" text="Ama atakaye pewa daftari lake kwa mkono wa kulia,"/>
		<aya index="8" text="Basi huyo atahisabiwa hisabu nyepesi,"/>
		<aya index="9" text="Na arudi kwa ahali zake na furaha."/>
		<aya index="10" text="Na ama atakaye pewa daftari lake kwa nyuma ya mgongo wake,"/>
		<aya index="11" text="Basi huyo ataomba kuteketea."/>
		<aya index="12" text="Na ataingia Motoni."/>
		<aya index="13" text="Hakika alikuwa furahani kati ya jamaa zake."/>
		<aya index="14" text="Huyo hakika alidhani kuwa hatarejea tena."/>
		<aya index="15" text="Kwani? Hakika Mola wake Mlezi alikuwa akimwona!"/>
		<aya index="16" text="Basi ninaapa kwa wekundu wa jua linapo kuchwa,"/>
		<aya index="17" text="Na kwa usiku na unavyo vikusanya,"/>
		<aya index="18" text="Na kwa mwezi unapo pevuka,"/>
		<aya index="19" text="Lazima mtapanda t'abaka kwa t'abaka!"/>
		<aya index="20" text="Basi wana nini hawaamini?"/>
		<aya index="21" text="Na wanapo somewa Qur'ani hawasujudu?"/>
		<aya index="22" text="Bali walio kufuru wanakanusha tu."/>
		<aya index="23" text="Na Mwenyezi Mungu anajua wanayo yadhamiria."/>
		<aya index="24" text="Basi wabashirie adhabu chungu!"/>
		<aya index="25" text="Isipo kuwa wale walio amini na wakatenda mema; hao watakuwa na ujira usio malizika."/>
	</sura>
	<sura index="85" name="">
		<aya index="1" text="Naapa kwa mbingu yenye Buruji!"/>
		<aya index="2" text="Na kwa siku iliyo ahidiwa!"/>
		<aya index="3" text="Na kwa shahidi na kinacho shuhudiwa!"/>
		<aya index="4" text="Wameangamizwa watu wa makhandaki"/>
		<aya index="5" text="Yenye moto wenye kuni nyingi,"/>
		<aya index="6" text="Walipo kuwa wamekaa hapo,"/>
		<aya index="7" text="Na wao ni mashahidi wa yale waliyo kuwa wakiwafanyia Waumini."/>
		<aya index="8" text="Nao hawakuona baya lolote kwao ila kuwa wakimuamini Mwenyezi Mungu, Mwenye nguvu, Msifiwa,"/>
		<aya index="9" text="Ambaye anao ufalme wa mbingu na ardhi; na Mwenyezi Mungu ni shaahidi wa kila kitu."/>
		<aya index="10" text="Hakika walio wafitini Waumini wanaume na Waumini wanawake, kisha hawakutubu, basi watapata adhabu ya Jahannamu na watapata adhabu ya kuungua."/>
		<aya index="11" text="Hakika walio amini na wakatenda mema watapata Bustani zenye mito ipitayo kati yake. Huko ndiko kufuzu kukubwa."/>
		<aya index="12" text="Hakika kutesa kwa Mola wako Mlezi ni kukali."/>
		<aya index="13" text="Yeye ndiye anaye anzisha na ndiye anaye rejeza tena,"/>
		<aya index="14" text="Naye ni Mwenye kusamehe, Mwenye mapenzi,"/>
		<aya index="15" text="Mwenye Kiti cha Enzi, Mtukufu,"/>
		<aya index="16" text="Atendaye ayatakayo."/>
		<aya index="17" text="Je! Zimekuwasilia khabari za majeshi?"/>
		<aya index="18" text="Ya Firauni na Thamudi?"/>
		<aya index="19" text="Lakini walio kufuru wamo katika kukadhibisha."/>
		<aya index="20" text="Na Mwenyezi Mungu nyuma yao amewazunguka."/>
		<aya index="21" text="Bali hii ni Qur'ani tukufu"/>
		<aya index="22" text="Katika Ubao Ulio Hifadhiwa."/>
	</sura>
	<sura index="86" name="">
		<aya index="1" text="Naapa kwa mbingu na Kinacho kuja usiku!"/>
		<aya index="2" text="Na nini kitakacho kujuulisha ni nini hicho Kinacho kuja usiku?"/>
		<aya index="3" text="Ni Nyota yenye mwanga mkali."/>
		<aya index="4" text="Hapana nafsi ila inayo mwangalizi."/>
		<aya index="5" text="Hebu naajitazame mwanaadamu ameumbwa kwa kitu gani?"/>
		<aya index="6" text="Ameumbwa kwa maji yatokayo kwa kuchupa,"/>
		<aya index="7" text="Yatokayo baina ya mifupa ya mgongo na mbavu."/>
		<aya index="8" text="Hakika Yeye ana uweza wa kumrudisha."/>
		<aya index="9" text="Siku zitakapo dhihirishwa siri."/>
		<aya index="10" text="Basi hatakuwa na nguvu wala msaidizi."/>
		<aya index="11" text="Naapa kwa mbingu yenye marejeo!"/>
		<aya index="12" text="Na kwa ardhi inayo pasuka!"/>
		<aya index="13" text="Hakika hii ni kauli ya kupambanua."/>
		<aya index="14" text="Wala si mzaha."/>
		<aya index="15" text="Hakika wao wanapanga mpango."/>
		<aya index="16" text="Na Mimi napanga mpango."/>
		<aya index="17" text="Basi wape muhula makafiri - wape muhula pole pole."/>
	</sura>
	<sura index="87" name="">
		<aya index="1" text="Litakase jina la Mola wako Mlezi aliye juu kabisa,"/>
		<aya index="2" text="Aliye umba, na akaweka sawa,"/>
		<aya index="3" text="Na ambaye amekadiria na akaongoa,"/>
		<aya index="4" text="Na aliye otesha malisho,"/>
		<aya index="5" text="Kisha akayafanya makavu, meusi."/>
		<aya index="6" text="Tutakusomesha wala hutasahau,"/>
		<aya index="7" text="Ila akipenda Mwenyezi Mungu. Hakika Yeye anayajua yaliyo dhaahiri na yaliyo fichikana."/>
		<aya index="8" text="Na tutakusahilishia yawe mepesi."/>
		<aya index="9" text="Basi kumbusha, kama kukumbusha kunafaa."/>
		<aya index="10" text="Atakumbuka mwenye kuogopa."/>
		<aya index="11" text="Na atajitenga mbali nayo mpotovu,"/>
		<aya index="12" text="Ambaye atauingia Moto mkubwa."/>
		<aya index="13" text="Tena humo hatakufa wala hawi hai."/>
		<aya index="14" text="Hakika amekwisha fanikiwa aliye jitakasa."/>
		<aya index="15" text="Na akakumbuka jina la Mola wake Mlezi, na akasali."/>
		<aya index="16" text="Lakini nyinyi mnakhiari maisha ya dunia!"/>
		<aya index="17" text="Na Akhera ni bora na yenye kudumu zaidi."/>
		<aya index="18" text="Hakika haya yamo katika Vitabu vya mwanzo,"/>
		<aya index="19" text="Vitabu vya Ibrahimu na Musa."/>
	</sura>
	<sura index="88" name="">
		<aya index="1" text="Je! Imekufikia khabari ya msiba wa kufudikiza?"/>
		<aya index="2" text="Siku hiyo nyuso zitainama,"/>
		<aya index="3" text="Zikifanya kazi, nazo taabani."/>
		<aya index="4" text="Ziingie katika Moto unao waka -"/>
		<aya index="5" text="Zikinyweshwa kutoka chemchem inayo chemka."/>
		<aya index="6" text="Hawatakuwa na chakula isipo kuwa kichungu chenye miba."/>
		<aya index="7" text="Hakinenepeshi wala hakiondoi njaa."/>
		<aya index="8" text="Siku hiyo nyuso nyengine zitakuwa kunjufu."/>
		<aya index="9" text="Zitakuwa radhi kwa juhudi yao,"/>
		<aya index="10" text="Katika Bustani ya juu."/>
		<aya index="11" text="Hawatasikia humo upuuzi."/>
		<aya index="12" text="Humo imo chemchem inayo miminika."/>
		<aya index="13" text="Humo vimo viti vilivyo nyanyuliwa,"/>
		<aya index="14" text="Na bilauri zilizo pangwa,"/>
		<aya index="15" text="Na matakia safu safu,"/>
		<aya index="16" text="Na mazulia yaliyo tandikwa."/>
		<aya index="17" text="Je! Hawamtazami ngamia jinsi alivyo umbwa?"/>
		<aya index="18" text="Na mbingu jinsi ilivyo inuliwa?"/>
		<aya index="19" text="Na milima jinsi ilivyo thibitishwa?"/>
		<aya index="20" text="Na ardhi jinsi ilivyo tandazwa?"/>
		<aya index="21" text="Basi kumbusha! Hakika wewe ni Mkumbushaji."/>
		<aya index="22" text="Wewe si mwenye kuwatawalia."/>
		<aya index="23" text="Lakini anaye rudi nyuma na kukataa,"/>
		<aya index="24" text="Basi Mwenyezi Mungu atamuadhibu kwa adhabu iliyo kubwa kabisa!"/>
		<aya index="25" text="Hakika ni kwetu Sisi ndio marejeo yao."/>
		<aya index="26" text="Kisha hakika ni juu yetu Sisi hisabu yao!"/>
	</sura>
	<sura index="89" name="">
		<aya index="1" text="Naapa kwa alfajiri,"/>
		<aya index="2" text="Na kwa masiku kumi,"/>
		<aya index="3" text="Na kwa viwili viwili na kimoja kimoja,"/>
		<aya index="4" text="Na kwa usiku unapo pita,"/>
		<aya index="5" text="Je! Hapana katika haya kiapo kwa mwenye akili?"/>
		<aya index="6" text="Kwani hukuona jinsi Mola wako Mlezi alivyo wafanya kina A'di?"/>
		<aya index="7" text="Wa Iram, wenye majumba marefu?"/>
		<aya index="8" text="Ambao haukuumbwa mfano wake katika nchi?"/>
		<aya index="9" text="Na Thamudi walio chonga majabali huko bondeni?"/>
		<aya index="10" text="Na Firauni mwenye vigingi?"/>
		<aya index="11" text="Ambao walifanya jeuri katika nchi?"/>
		<aya index="12" text="Wakakithirisha humo ufisadi?"/>
		<aya index="13" text="Basi Mola wako Mlezi aliwapiga mjeledi wa adhabu."/>
		<aya index="14" text="Hakika Mola wako Mlezi yupo kwenye mavizio anawavizia."/>
		<aya index="15" text="Ama mtu anapo jaribiwa na Mola wake Mlezi, akamkirimu na akamneemesha, husema: Mola wangu Mlezi amenikirimu!"/>
		<aya index="16" text="Na ama anapo mjaribu akampunguzia riziki yake, husema: Mola wangu Mlezi amenitia unyonge!"/>
		<aya index="17" text="Sivyo hivyo! Bali nyinyi hamuwakirimu mayatima,"/>
		<aya index="18" text="Wala hamhimizani kulisha masikini;"/>
		<aya index="19" text="Na mnakula urithi kwa ulaji wa pupa,"/>
		<aya index="20" text="Na mnapenda mali pendo la kupita kiasi."/>
		<aya index="21" text="Sivyo hivyo! Itakapo vunjwa ardhi vipande vipande,"/>
		<aya index="22" text="Na akaja Mola wako Mlezi na Malaika safu safu,"/>
		<aya index="23" text="Na ikaletwa Jahannamu siku hiyo, siku hiyo mtu atakumbuka! Lakini kukumbuka huko kutamfaa nini?"/>
		<aya index="24" text="Atasema: Laiti ningeli jitangulizia kwa uhai wangu!"/>
		<aya index="25" text="Basi siku hiyo hataadhibu yeyote namna ya kuadhibu kwake."/>
		<aya index="26" text="Wala hatafunga yeyote kama kufunga kwake."/>
		<aya index="27" text="Ewe nafsi iliyo tua!"/>
		<aya index="28" text="Rejea kwa Mola wako Mlezi umeridhika, na umemridhisha."/>
		<aya index="29" text="Basi ingia miongoni mwa waja wangu,"/>
		<aya index="30" text="Na ingia katika Pepo yangu."/>
	</sura>
	<sura index="90" name="">
		<aya index="1" text="Naapa kwa Mji huu!"/>
		<aya index="2" text="Nawe unaukaa Mji huu."/>
		<aya index="3" text="Na naapa kwa mzazi na alicho kizaa."/>
		<aya index="4" text="Hakika tumemuumba mtu katika taabu."/>
		<aya index="5" text="Ati anadhani hapana yeyote ataye muweza?"/>
		<aya index="6" text="Anasema: Nimeteketeza chungu ya mali."/>
		<aya index="7" text="Ati anadhani ya kuwa hapana yeyote anaye mwona?"/>
		<aya index="8" text="Kwani hatukumpa macho mawili?"/>
		<aya index="9" text="Na ulimi, na midomo miwili?"/>
		<aya index="10" text="Na tukambainishia zote njia mbili?"/>
		<aya index="11" text="Lakini hakujitoma kwenye njia ya vikwazo vya milimani."/>
		<aya index="12" text="Na nini kitakujuvya ni nini njia ya vikwazo vya milimani?"/>
		<aya index="13" text="Kumkomboa mtumwa;"/>
		<aya index="14" text="Au kumlisha siku ya njaa"/>
		<aya index="15" text="Yatima aliye jamaa,"/>
		<aya index="16" text="Au masikini aliye vumbini."/>
		<aya index="17" text="Tena awe miongoni mwa walio amini na wakausiana kusubiri na wakausiana kuhurumiana."/>
		<aya index="18" text="Hao ndio watu wa kheri wa kuliani."/>
		<aya index="19" text="Lakini walio zikataa Ishara zetu, hao ndio watu wa shari wa kushotoni."/>
		<aya index="20" text="Juu yao utakuwa Moto ulio fungiwa kila upande."/>
	</sura>
	<sura index="91" name="">
		<aya index="1" text="Naapa kwa jua na mwangaza wake!"/>
		<aya index="2" text="Na kwa mwezi unapo lifuatia!"/>
		<aya index="3" text="Na kwa mchana unapo lidhihirisha!"/>
		<aya index="4" text="Na kwa usiku unapo lifunika!"/>
		<aya index="5" text="Na kwa mbingu na kwa aliye ijenga!"/>
		<aya index="6" text="Na kwa ardhi na kwa aliye itandaza!"/>
		<aya index="7" text="Na kwa nafsi na kwa aliye itengeneza!"/>
		<aya index="8" text="Kisha akaifahamisha uovu wake na wema wake,"/>
		<aya index="9" text="Hakika amefanikiwa aliye itakasa,"/>
		<aya index="10" text="Na hakika amekhasiri aliye iviza."/>
		<aya index="11" text="Kina Thamudi walikadhibisha kwa sababu ya upotofu wao,"/>
		<aya index="12" text="Alipo simama mwovu wao mkubwa,"/>
		<aya index="13" text="Hapo Mtume wa Mwenyezi Mungu alipo waambia: Huyu ni ngamia wa Mwenyezi Mungu, mwacheni anywe maji fungu lake."/>
		<aya index="14" text="Lakini walimkadhibisha na wakamchinja ngamia, kwa hivyo Mola wao Mlezi aliwaangamiza kwa sababu ya dhambi zao na akawafuta kabisa."/>
		<aya index="15" text="Wala Yeye haogopi matokeo yake."/>
	</sura>
	<sura index="92" name="">
		<aya index="1" text="Naapa kwa usiku unapo funika!"/>
		<aya index="2" text="Na mchana unapo dhihiri!"/>
		<aya index="3" text="Na kwa Aliye umba dume na jike!"/>
		<aya index="4" text="Hakika juhudi zenu bila ya shaka ni mbali mbali."/>
		<aya index="5" text="Ama mwenye kutoa na akamchamngu,"/>
		<aya index="6" text="Na akaliwafiki lilio jema,"/>
		<aya index="7" text="Tutamsahilishia yawe mepesi."/>
		<aya index="8" text="Na ama mwenye kufanya ubakhili, na asiwe na haja ya wenzake,"/>
		<aya index="9" text="Na akakanusha lilio jema,"/>
		<aya index="10" text="Tutamsahilishia yawe mazito!"/>
		<aya index="11" text="Na mali yake yatamfaa nini atapo kuwa anadidimia?"/>
		<aya index="12" text="Hakika ni juu yetu kuonyesha uwongofu."/>
		<aya index="13" text="Na hakika ni yetu Sisi Akhera na dunia."/>
		<aya index="14" text="Basi nakuonyeni na Moto unao waka!"/>
		<aya index="15" text="Hatauingia ila mwovu kabisa!"/>
		<aya index="16" text="Anaye kadhibisha na kupa mgongo."/>
		<aya index="17" text="Na mchamngu ataepushwa nao,"/>
		<aya index="18" text="Ambaye hutoa mali yake kwa ajili ya kujitakasa."/>
		<aya index="19" text="Na wala si kwa kuwa yupo yeyote aliye mfanyia hisani ndio anamlipa."/>
		<aya index="20" text="Ila ni kutaka radhi ya Mola wake Mlezi aliye juu kabisa."/>
		<aya index="21" text="Naye atakuja ridhika!"/>
	</sura>
	<sura index="93" name="">
		<aya index="1" text="Naapa kwa mchana!"/>
		<aya index="2" text="Na kwa usiku unapo tanda!"/>
		<aya index="3" text="Mola wako Mlezi hakukuacha, wala hakukasirika nawe."/>
		<aya index="4" text="Na bila ya shaka wakati ujao utakuwa bora kwako kuliko ulio tangulia."/>
		<aya index="5" text="Na Mola wako Mlezi atakupa mpaka uridhike."/>
		<aya index="6" text="Kwani hakukukuta yatima akakupa makaazi?"/>
		<aya index="7" text="Na akakukuta umepotea akakuongoa?"/>
		<aya index="8" text="Akakukuta mhitaji akakutosheleza?"/>
		<aya index="9" text="Basi yatima usimwonee!"/>
		<aya index="10" text="Na anaye omba au kuuliza usimkaripie!"/>
		<aya index="11" text="Na neema za Mola wako Mlezi zisimlie."/>
	</sura>
	<sura index="94" name="">
		<aya index="1" text="Hatukukunjulia kifua chako?"/>
		<aya index="2" text="Na tukakuondolea mzigo wako,"/>
		<aya index="3" text="Ulio vunja mgongo wako?"/>
		<aya index="4" text="Na tukakunyanyulia utajo wako?"/>
		<aya index="5" text="Basi kwa hakika pamoja na uzito upo wepesi,"/>
		<aya index="6" text="Hakika pamoja na uzito upo wepesi."/>
		<aya index="7" text="Na ukipata faragha, fanya juhudi."/>
		<aya index="8" text="Na Mola wako Mlezi ndio mshughulikie."/>
	</sura>
	<sura index="95" name="">
		<aya index="1" text="Naapa kwa tini na zaituni!"/>
		<aya index="2" text="Na kwa Mlima wa Sinai!"/>
		<aya index="3" text="Na kwa mji huu wenye amani!"/>
		<aya index="4" text="Bila ya shaka tumemuumba mtu kwa umbo lilio bora kabisa."/>
		<aya index="5" text="Kisha tukamrudisha kuwa chini kuliko walio chini!"/>
		<aya index="6" text="Lakini wale walio amini na wakatenda mema, hao watapata ujira usio kwisha."/>
		<aya index="7" text="Basi ni kipi baadaye kitacho kukukadhibishia malipo?"/>
		<aya index="8" text="Kwani Mwenyezi Mungu si muadilifu kuliko mahakimu wote?"/>
	</sura>
	<sura index="96" name="">
		<aya index="1" text="Soma kwa jina la Mola wako Mlezi aliye umba,"/>
		<aya index="2" text="Amemuumba binaadamu kwa tone la damu,"/>
		<aya index="3" text="Soma! Na Mola wako Mlezi ni Karimu kushinda wote!"/>
		<aya index="4" text="Ambaye amefundisha kwa kalamu."/>
		<aya index="5" text="Kamfundisha mtu aliyo kuwa hayajui."/>
		<aya index="6" text="Kwani! Hakika mtu bila ya shaka huwa jeuri"/>
		<aya index="7" text="Akijiona katajirika."/>
		<aya index="8" text="Hakika kwa Mola wako Mlezi ndio marejeo."/>
		<aya index="9" text="Umemwona yule anaye mkataza"/>
		<aya index="10" text="Mja anapo sali?"/>
		<aya index="11" text="Umeona kama yeye yuko juu ya uwongofu?"/>
		<aya index="12" text="Au anaamrisha uchamngu?"/>
		<aya index="13" text="Umeona kama yeye akikanusha na anarudi nyuma?"/>
		<aya index="14" text="Hajui ya kwamba Mwenyezi Mungu anaona?"/>
		<aya index="15" text="Kwani! Kama haachi, tutamkokota kwa shungi la nywele!"/>
		<aya index="16" text="Shungi la uwongo, lenye makosa!"/>
		<aya index="17" text="Basi na awaite wenzake!"/>
		<aya index="18" text="Nasi tutawaita Mazabania!"/>
		<aya index="19" text="Hasha! Usimt'ii! Nawe sujudu na ujongee!"/>
	</sura>
	<sura index="97" name="">
		<aya index="1" text="Hakika Sisi tumeiteremsha Qur'ani katika Laylatul Qadri, Usiku wa Cheo Kitukufu."/>
		<aya index="2" text="Na nini kitacho kujuulisha nini Laylatul Qadri?"/>
		<aya index="3" text="Laylatul Qadri ni bora kuliko miezi elfu."/>
		<aya index="4" text="Huteremka Malaika na Roho katika usiku huo kwa idhini ya Mola wao Mlezi kwa kila jambo."/>
		<aya index="5" text="Amani usiku huo mpaka mapambazuko ya alfajiri."/>
	</sura>
	<sura index="98" name="">
		<aya index="1" text="Hawakuwa walio kufuru miongoni mwa Watu wa Kitabu na washirikina waache walio nayo mpaka iwajie bayana,"/>
		<aya index="2" text="Yaani Mtume aliye toka kwa Mwenyezi Mungu anaye wasomea kurasa zilizo takasika,"/>
		<aya index="3" text="Ndani yake mna maandiko yaliyo nyooka."/>
		<aya index="4" text="Wala hawakufarikiana walio pewa Kitabu ila baada ya kuwajia hiyo bayana."/>
		<aya index="5" text="Nao hawakuamrishwa kitu ila wamuabudu Mwenyezi Mungu kwa kumtakasia Dini, wawe waongofu, na washike Sala, na watoe Zaka. Na hiyo ndiyo Dini madhubuti."/>
		<aya index="6" text="Hakika walio kufuru miongoni mwa Watu wa Kitabu na washirikina wataingia katika Moto wa Jahannamu wadumu milele humo. Hao ndio viumbe waovu kabisa."/>
		<aya index="7" text="Hakika walio amini na wakatenda mema, hao ndio bora wa viumbe."/>
		<aya index="8" text="Malipo yao kwa Mola wao Mlezi ni Bustani za daima, zipitazo mito kati yake. Wakae humo milele. Mwenyezi Mungu yu radhi nao, na wao waradhi naye. Hayo ni kwa anaye mwogopa Mola wake Mlezi."/>
	</sura>
	<sura index="99" name="">
		<aya index="1" text="Itakapo tetemeshwa ardhi kwa mtetemeko wake!"/>
		<aya index="2" text="Na itakapo toa ardhi mizigo yake!"/>
		<aya index="3" text="Na mtu akasema: Ina nini?"/>
		<aya index="4" text="Siku hiyo itahadithia khabari zake."/>
		<aya index="5" text="Kwa sababu Mola wake Mlezi ameifunulia!"/>
		<aya index="6" text="Siku hiyo watu watatoka kwa mfarakano wakaonyweshwe vitendo vyao!"/>
		<aya index="7" text="Basi anaye tenda chembe ya wema, atauona!"/>
		<aya index="8" text="Na anaye tenda chembe ya uovu atauona!"/>
	</sura>
	<sura index="100" name="">
		<aya index="1" text="Naapa kwa farasi wendao mbio wakipumua,"/>
		<aya index="2" text="Na wakitoa moto kwa kupiga kwato zao chini,"/>
		<aya index="3" text="Wakishambulia wakati wa asubuhi,"/>
		<aya index="4" text="Huku wakitimua vumbi,"/>
		<aya index="5" text="Na wakijitoma kati ya kundi,"/>
		<aya index="6" text="Hakika mwanaadamu ni mtovu wa fadhila kwa Mola wake Mlezi!"/>
		<aya index="7" text="Na hakika yeye mwenyewe bila ya shaka ni shahidi wa hayo!"/>
		<aya index="8" text="Naye hakika bila ya shaka ana nguvu za kupenda mali!"/>
		<aya index="9" text="Kwani hajui watakapo fufuliwa waliomo makaburini?"/>
		<aya index="10" text="Na yakakusanywa yaliomo vifuani?"/>
		<aya index="11" text="Kuwa hakika Mola wao Mlezi siku hiyo bila ya shaka atakuwa na khabari zao wote!"/>
	</sura>
	<sura index="101" name="">
		<aya index="1" text="Inayo gonga!"/>
		<aya index="2" text="Nini Inayo gonga?"/>
		<aya index="3" text="Na nini kitacho kujuilisha nini Inayo gonga?"/>
		<aya index="4" text="Siku ambayo watu watakuwa kama nondo walio tawanyika;"/>
		<aya index="5" text="Na milima itakuwa kama sufi zilizo chambuliwa!"/>
		<aya index="6" text="Basi yule ambaye mizani yake itakuwa nzito,"/>
		<aya index="7" text="Huyo atakuwa katika maisha ya kupendeza."/>
		<aya index="8" text="Na yule ambaye mizani yake itakuwa khafifu,"/>
		<aya index="9" text="Huyo maskani yake yatakuwa Moto wa Hawiya!"/>
		<aya index="10" text="Na nini kitacho kujuilisha nini hiyo?"/>
		<aya index="11" text="Ni Moto mkali!"/>
	</sura>
	<sura index="102" name="">
		<aya index="1" text="Kumekushughulisheni kutafuta wingi,"/>
		<aya index="2" text="Mpaka mje makaburini!"/>
		<aya index="3" text="Sivyo hivyo! Mtakuja jua!"/>
		<aya index="4" text="Tena sivyo hivyo! Mtakuja jua!"/>
		<aya index="5" text="Sivyo hivyo! Lau mngeli jua kwa ujuzi wa yakini,"/>
		<aya index="6" text="Basi bila ya shaka mtaiona Jahannamu!"/>
		<aya index="7" text="Tena, bila ya shaka, mtaiona kwa jicho la yakini."/>
		<aya index="8" text="Tena bila ya shaka mtaulizwa siku hiyo juu ya neema."/>
	</sura>
	<sura index="103" name="">
		<aya index="1" text="Naapa kwa Zama!"/>
		<aya index="2" text="Hakika binaadamu bila ya shaka yumo katika khasara,"/>
		<aya index="3" text="Ila wale walio amini, na wakatenda mema, na wakausiana kwa haki, na wakausiana kusubiri."/>
	</sura>
	<sura index="104" name="">
		<aya index="1" text="Ole wake kila safihi, msengenyaji!"/>
		<aya index="2" text="Aliye kusanya mali na kuyahisabu."/>
		<aya index="3" text="Anadhani ya kuwa mali yake yatambakisha milele!"/>
		<aya index="4" text="Hasha! Atavurumishwa katika H'ut'ama."/>
		<aya index="5" text="Na nani atakujuvya ni nini H'ut'ama?"/>
		<aya index="6" text="Moto wa Mwenyezi Mungu ulio washwa."/>
		<aya index="7" text="Ambao unapanda nyoyoni."/>
		<aya index="8" text="Hakika huo utafungiwa nao"/>
		<aya index="9" text="Kwenye nguzo zilio nyooshwa."/>
	</sura>
	<sura index="105" name="">
		<aya index="1" text="Kwani hukuona jinsi Mola wako Mlezi alivyo watenda wale wenye tembo?"/>
		<aya index="2" text="Kwani hakujaalia vitimbi vyao kuharibika?"/>
		<aya index="3" text="Na akawapelekea ndege makundi kwa makundi,"/>
		<aya index="4" text="Wakiwatupia mawe ya udongo wa Motoni,"/>
		<aya index="5" text="Akawafanya kama majani yaliyo liwa!"/>
	</sura>
	<sura index="106" name="">
		<aya index="1" text="Kwa walivyo zoea Maqureshi,"/>
		<aya index="2" text="Kuzoea kwao safari za siku za baridi na siku za joto."/>
		<aya index="3" text="Basi nawamuabudu Mola Mlezi wa Nyumba hii,"/>
		<aya index="4" text="Ambaye anawalisha wasipate njaa, na anawalinda na khofu."/>
	</sura>
	<sura index="107" name="">
		<aya index="1" text="Je! Umemwona anaye kadhibisha Malipo?"/>
		<aya index="2" text="Huyo ndiye anaye msukuma yatima,"/>
		<aya index="3" text="Wala hahimizi kumlisha masikini."/>
		<aya index="4" text="Basi, ole wao wanao sali,"/>
		<aya index="5" text="Ambao wanapuuza Sala zao;"/>
		<aya index="6" text="Ambao wanajionyesha,"/>
		<aya index="7" text="Nao huku wanazuia msaada."/>
	</sura>
	<sura index="108" name="">
		<aya index="1" text="Hakika tumekupa kheri nyingi."/>
		<aya index="2" text="Basi sali na uchinje kwa ajili ya Mola wako Mlezi."/>
		<aya index="3" text="Hakika anaye kuchukia ndiye aliye mpungufu."/>
	</sura>
	<sura index="109" name="">
		<aya index="1" text="Sema: Enyi makafiri!"/>
		<aya index="2" text="Siabudu mnacho kiabudu;"/>
		<aya index="3" text="Wala nyinyi hamuabudu ninaye muabudu."/>
		<aya index="4" text="Wala sitaabudu mnacho abudu."/>
		<aya index="5" text="Wala nyinyi hamuabudu ninaye muabudu."/>
		<aya index="6" text="Nyinyi mna dini yenu, nami nina Dini yangu."/>
	</sura>
	<sura index="110" name="">
		<aya index="1" text="Itakapo kuja nusura ya Mwenyezi Mungu na ushindi,"/>
		<aya index="2" text="Na ukaona watu wanaingia katika Dini ya Mwenyezi Mungu kwa makundi,"/>
		<aya index="3" text="Zitakase sifa za Mola wako Mlezi, na umwombe msamaha; hakika Yeye ndiye anaye pokea toba."/>
	</sura>
	<sura index="111" name="">
		<aya index="1" text="Imeangamia mikono ya Abu Lahab, na yeye pia ameangamia."/>
		<aya index="2" text="Hayatamfaa mali yake, wala alivyo vichuma."/>
		<aya index="3" text="Atauingia Moto wenye mwako."/>
		<aya index="4" text="Na mkewe, mchukuzi wa kuni,"/>
		<aya index="5" text="Shingoni mwake iko kamba iliyo sokotwa."/>
	</sura>
	<sura index="112" name="">
		<aya index="1" text="Sema: Yeye Mwenyezi Mungu ni wa pekee."/>
		<aya index="2" text="Mwenyezi Mungu Mkusudiwa."/>
		<aya index="3" text="Hakuzaa wala hakuzaliwa."/>
		<aya index="4" text="Wala hana anaye fanana naye hata mmoja."/>
	</sura>
	<sura index="113" name="">
		<aya index="1" text="Sema: Najikinga kwa Mola Mlezi wa mapambazuko,"/>
		<aya index="2" text="Na shari ya alivyo viumba,"/>
		<aya index="3" text="Na shari ya giza la usiku liingiapo,"/>
		<aya index="4" text="Na shari ya wanao pulizia mafundoni,"/>
		<aya index="5" text="Na shari ya hasidi anapo husudu."/>
	</sura>
	<sura index="114" name="">
		<aya index="1" text="Sema: Ninajikinga kwa Mola Mlezi wa wanaadamu,"/>
		<aya index="2" text="Mfalme wa wanaadamu,"/>
		<aya index="3" text="Mungu wa wanaadamu,"/>
		<aya index="4" text="Na shari ya wasiwasi wa Shetani, Khannas,"/>
		<aya index="5" text="Anaye tia wasiwasi katika vifua vya watu,"/>
		<aya index="6" text="Kutokana na majini na wanaadamu."/>
	</sura>
</quran>
